ଭୁବନେଶ୍ୱର: କେବଳ ଳକ୍ଷଣ ଥିବା ବ୍ୟକ୍ତିଙ୍କୁ ହିଁ ଫାଭିପିରାଭିର୍ ଦିଆଯିବ । କରୋନା ପଜିଟିଭ୍ ଥିବା ସହ ଲକ୍ଷଣ ଦେଖାଯାଉଥିଲେ ଏବଂ ସ୍ପେସାଲିଷ୍ଟଙ୍କ ଅନୁମତି ଥିଲେ ହିଁ ଫାଭିପିରାଭିର୍ ଦିଆଯିବ । ଖାଲି ସେତିକି ନୁହେଁ ଫାଭିପିରାଭିର୍ ଦେବା ପୂର୍ବରୁ ରାଗୀଙ୍କ ଅନୁମତି ମଧ୍ୟ ନିଆଯିବ । ଯଦି ଜଣେ ବ୍ୟକ୍ତି କୋଭିଡ୍ ପଜିଟିଭ୍ ଓ ଲକ୍ଷଣ ହୀନ, କିନ୍ତୁ ହୋମ୍ ଆଇସୋଲେସନ୍ରେ ରହିବାର କିଛିଦିନ ପରେ ଲକ୍ଷଣ ଦେଖାଯାଏ ତେବେ ସ୍ପେସାଲିଷ୍ଟଙ୍କ ଅନୁମତି କ୍ରମେ ତାଙ୍କୁ ଫାଭିପିରାଭିର୍ ଯୋଗାଇଦିଆଯିବ ।
ପ୍ରଥମ ଦିନରେ ଫାଭିପିରାଭିର୍ର ହାଇପାଓ୍ୱାର ଡୋଜ୍ ଦିଆଯାଇଥାଏ । କାରଣ କରୋନା ଭୂତାଣୁକୁ ହ୍ରାସ କରିବାରେ ଏଭଳି ଡୋଜ୍ ଅତ୍ୟନ୍ତ ସହାୟକ ହୋଇଥାଏ । ପରେ ଦ୍ୱିତୀୟ ଦିନରୁ ସାଧାରଣ ଭାବେ ଡୋଜ୍ ଦିଆଯାଏ । ତେବେ ଫାଭିପିରାଭିର ସେବନ ଦ୍ୱାରା କିଛି ଲୋକଙ୍କ କ୍ଷେତ୍ରରେ ମୁଣ୍ଡବିନ୍ଧା, ପେଟ ବଥା ଆଦି ଦେଖାଯାଇଥାଏ । କିନ୍ତୁ ଅଧିକାଂଶ କ୍ଷେତ୍ରରେ କୌଣସି ପାର୍ଶ୍ୱ ପ୍ରତିକ୍ରିୟା ଦେଖାଯାଏ ନାହିଁ ।
ସେହିଭଳି ଫାଭିପିରାଭିର୍ ଓଷଧ ସାଧାରଣ କୋଭିଡ୍ କିଟ୍ରେ ଦିଆଯିବ ନାହିଁ । ସ୍ୱତନ୍ତ୍ର ଅନୁମତି ପରେ କୋଭିଡ୍ ଆକ୍ରାନ୍ତଙ୍କୁ ହୋମ୍ଆଇସୋଲେସନ୍ ସମୟରେ ଯୋଗାଇଦିଆଯିବ । ସ୍ପେସାଲିଷ୍ଟଙ୍କ ଅନୁମତି ମିଳିବା ପରେ ଏହି ଫାଭିପିରାଭିର ଔଷଧ ସରକାରଙ୍କ ପକ୍ଷରୁ ଆକ୍ରାନ୍ତଙ୍କୁ ଯୋଗାଇ ଦିଆଯିବ । ପ୍ରଥମ ଦିନ ଔଷଧ ଖାଇବା ପରେ ଯଦି ଲକ୍ଷଣ ମୁକ୍ତ ହୋଇଥାଏ ରୋଗୀ ତେବେ ବି ପୁରା ହୋଜ୍ ଶେଷ କରିବା ଆବଶ୍ୟକ । ନଚେତ୍ ସେ ପୁଣି ଆକ୍ରାନ୍ତ ହେବାର ସମ୍ଭାବନା ରହିଛି ।
https://www.facebook.com/NandighoshaTV/videos/1606106726236264/
ପୂର୍ବରୁ ଯଦି କୌଣସି ରୋଗ ଥାଏ ତେବେ ଫାଭିପିରାଭିର୍ ନେବା ଆଗରୁ ଡାକ୍ତରଙ୍କୁ ତାହା ଜଣାଇଦେବା ଆବଶ୍ୟକ । ତେବେ ମନଇଚ୍ଛା ବଜାରରୁ ଏହି ଔଷଧ କିଣି ଖାଆନ୍ତୁ ନାହିଁ । ଡାକ୍ତର ଯେତିକି ଏବଂ ଯାହାକୁ ପ୍ରେସ୍କ୍ରାଇବ୍ କରିବେ ସେ ହିଁ ଔଷଧ ଖାଇବା ଆବଶ୍ୟକ । ପରିବାର ଜଣକୁ ଫାଭିପିରାଭିର୍ ଦିଆଯାଇଥିଲେ ଅନ୍ୟ ମାନେ ତାହା ଖାଆନ୍ତୁ ନାହିଁ । ଯାହାକୁ ଦିଆଯାଇଛି ସେ ହିଁ ଏହି ଔଷଧ ସେବନ କରିବା ଉଚିତ୍ । ଫାଭିପିରାଭିର୍ ଖାଇବା ଦ୍ୱାରା ଯଦି କିଛି ପାର୍ଶ୍ୱ ପ୍ରତିକ୍ରିୟା ଦେଖାଯାଏ ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ଏବଂ ଔଷଧ ନେଉଥିବା ବ୍ୟକ୍ତି ପ୍ରଚୁର ପାଣି ପଇବା ଉଚିତ୍ ।
