ଭୁବନେଶ୍ୱର: ଭୁବନେଶ୍ୱରରୁ ପୁଣେ ଉଡିବ ସ୍ୱତନ୍ତ୍ର ବିମାନ। ଖୁବଶୀଘ୍ର ଆରମ୍ଭ ହେବ ବିମାନ ସେବା। ଲୋକଙ୍କ ସୁବିଧା ଲାଗି ଉଡ଼ିବ ଏୟାର ଏସିଆ ବିମାନ। ବିମାନ ଉଡ଼ାଣ ପାଇଁ ରାଜ୍ୟ ସରକାର ସମସ୍ତ ଆର୍ଥିକ ସହାୟତା ଯୋଗାଇ ଦେବେ। ୩ମାସ ପାଇଁ ସହାୟତା ଯୋଗାଇବେ ରାଜ୍ୟ ସରକାର। ରାଜ୍ୟରେ ଉନ୍ନତ ଯୋଗାଯୋଗ କ୍ଷେତ୍ରରେ ରାଜ୍ୟ ସରକାର ଏହି ପଦକ୍ଷେପ ନେଇଛନ୍ତି। ପର୍ଯ୍ୟଟନ ଏବଂ ଆର୍ଥିକ ଅଭିବୃଦ୍ଧିରେ ଏହା ମହତ୍ତ୍ୱପୂର୍ଣ୍ଣ ସାବ୍ୟସ୍ତ ହେବ ବୋଲି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି।

ସେପଟେ ଆଜିଠୁ ଝାରସୁଗୁଡା ସହ ସିଧା ସଳଖ ଦେଶର ଦୁଇଟି ପ୍ରମୁଖ ସହର ସହ ଯୋଡି ହେବ। ବୀର ସୁରେନ୍ଦ୍ର ସାଏ ବିମାନବନ୍ଦରରୁ ଆରମ୍ଭ ହେବ ମୁମ୍ବାଇ ଓ ବେଙ୍ଗାଲୁରୁକୁ ବିମାନସେବା। ୧୪୪ ଜଣ ଯାତ୍ରୀଙ୍କୁ ନେଇ ଉଡାଣ ଭରିବ ସ୍ପାଇସ୍ ଜେଟ୍ ବୋଇଂ ୭୭। ପ୍ରଥମ ବିମାନ ଝାରସୁଗୁଡାରୁ ଦିନ ଗୋଟାଏରେ ବାହାରି ବାଙ୍ଗାଲୁରୁ ଅଭିମୁଖେ ଯାତ୍ରା କରିବ। ଏହା ମୁମ୍ବାଇରୁ ଆସି ୧୨ଟା ୩୦ରେ ଝାରସୁଗୁଡା ପହଂଚି ଗୋଟାଏ ବେଳକୁ ବେଙ୍ଗାଲୁରୁ ଯାତ୍ରା କରିବ। ସେହିପରି ବେଙ୍ଗାଲୁରୁରୁ ଆସି ସନ୍ଧ୍ୟା ୫ ଟା ୪୦ରେ ଝାରସୁଗୁଡାରେ ପହଞ୍ଚିବ। ସନ୍ଧ୍ୟା ୬.୧୦ରେ ପୁଣି ମୁମ୍ବାଇକୁ ଉଡ଼ାଣ ଭରିବ। ସେପଟେ ଗତକାଲିଠାରୁ ଦିଲ୍ଲୀକୁ  ବିମାନସେବା ଆରମ୍ଭ ହୋଇଛି।

ଭୁବନେଶ୍ୱର: ଭୁବନେଶ୍ୱରରେ ମାଟି ଭିତରୁ ବାହାରୁଛି ପଚା ଗନ୍ଧ। ମାଟି ତଳେ ଏମିତି ଗନ୍ଧ କାହିଁ ବାହାରୁଛି ଏହା ଭାବି ଲୋକେ ଆତଙ୍କିତ ହୋଇ ରହିଛନ୍ତି। ସ୍ଥାନୀୟ ଲୋକେ ମାଟିତରେ କିଛି ପୋତା ଯାଇଥିବା ସନ୍ଦେହ କରୁଛନ୍ତି। ଭୁବନେଶ୍ୱର ଚନ୍ଦ୍ରଶେଖରପୁର ସରସ୍ଵତୀ ବସ୍ତିରେ ମାଟି ତଳୁ ପଚା ଗନ୍ଧ ବାହାରୁଥିବା ଅଭିଯୋଗ ହୋଇଛି। ୩ଟି ସ୍ଥାନରେ ମାଟି ଗଦା ହୋଇଥିବା ବେଳେ ପଚା ଗନ୍ଧ ବାହାରୁଥିବା ବସ୍ତି ଲୋକେ ଅଭିଯୋଗ କରିଛନ୍ତି।

୧୦ରୁ ଅଧିକ ଲୋକ ଗାଡ଼ିରେ ଆସି ସାବଳ ଏବଂ ଫାଉଡ଼ାରେ ମାଟି ଖୋଳିବା ସହ କିଛି ପୋତିଥିବା ସ୍ଥାନୀୟ ଲୋକେ କହିଛନ୍ତି। ଏନେଇ ପୋଲିସକୁ ସୂଚନା ଦିଆଯାଇଛି। ଗତକାଲି ରାତିରେ ପୋଲିସ ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିଥିଲା। ତେବେ ମାଟି ତଳେ କଣ ପୋତା ହୋଇଛି ତାହା ବର୍ତ୍ତମାନ ସୁଦ୍ଧା ଜଣାପଡ଼ିନାହିଁ।

ମାଟିତଳେ ମଣିଷ ଶରୀର କିଛି କୁକୁଡ଼ା ପର ପୋତା ଯାଇଛି ତାକୁ ନେଇ ସମସ୍ତ ସନ୍ଦେହରେ ରହିଛନ୍ତି। ମାଟି ଉପରେ ମାଛି ବସୁଥିବା ସହ ପଥରରେ ବ୍ଲଡ଼ ଲାଗିଥିବା କଥା ଲୋକେ କହିଛନ୍ତି। ଘଟଣା ସ୍ଥଳରେ ପୋଲିସ ପହଞ୍ଚିଲା ପରେ ମାଟି ତଳେ କଣ ରହିଛି ତାହା ସାମ୍ନାକୁ ଆସିବ।