ପିପିଲିରେ ବିଜେଡି ସଭାନେତ୍ରୀଙ୍କୁ ଆକ୍ରମଣ

ପିପିଲି: ପିପିଲି ବ୍ଲକର ମହିଳା ବିଜେଡି ସଭାନେତ୍ରୀଙ୍କୁ ଶନିବାର ଦିନ କେହି ଦୁବୃର୍ତ୍ତ ଆକ୍ରମଣ କରିଛନ୍ତି । ସମ୍ପୃକ୍ତ ସଭାନେତ୍ରୀଙ୍କ ନାମ ହେଉଛି ଜ୍ୟୋସ୍ନାରାଣୀ ପୃଷ୍ଟି ।

ସୂଚନା ଅନୁଯାୟୀ, ପିପିଲି ବ୍ଲକ ନୂଆଶାସନ ଚଉଦମାଣ ଗାଁରେ ସରପଞ୍ଚ ଉପନିର୍ବାଚନ ପାଇଁ ବୈଠକ ଚାଲିଥିଲା ବେଳେ ତାଙ୍କ ଉପରକୁ ଆକ୍ରମଣ ହୋଇଥିଲା । ୨ ଜଣ ପୁରୁଷ ଓ ୨ ଜଣ ମହିଳାଙ୍କ ସହ ଅନ୍ୟମାନେ ତାଙ୍କ ଉପରେ ଆକ୍ରମଣ କରିଥିବା ଅଭିଯୋଗ ହୋଇଛି ।

ତେବେ ଆହତ ଅବସ୍ଥାରେ ସଭାନେତ୍ରୀଙ୍କୁ ଉଦ୍ଧାର କରାଯାଇ ପିପିଲି ହସ୍ପିଟାଲରେ ଭର୍ତ୍ତି କରାଯାଇଛି । ଅପରପକ୍ଷେ ଆକ୍ରମଣ ନେଇ ପିପିଲି ଥାନାରେ ଅଭିଯୋଗ ମଧ୍ୟ କରାଯାଇଛି ।