ନୂଆଦିଲ୍ଲୀ: ଦିନକୁ ଦିନ କୃଷି ଆନ୍ଦୋଳନ ତେଜିବାରେ ଲାଗିଛି। ଗାଜିପୁର ସୀମାରେ ଏବେ ବିରୋଧୀମାନେ ଚାଷୀଙ୍କୁ ସମର୍ଥନ ଦେବାକୁ ବାହାରିଛନ୍ତି। ଗୁରୁବାର ୮ଟି ବିରୋଧୀ ଦଳର ନେତା ଚାଷୀଙ୍କୁ ଭେଟିବାକୁ ଗାଜିପୁର ସୀମାରେ ପହଞ୍ଚିଥିଲେ। ହେଲେ ସୀମାରେ ପୋଲିସ ଏହି ନେତାମାନଙ୍କୁ ଆନ୍ଦୋଳନକାରୀ ଚାଷୀଙ୍କୁ ଭେଟିବାକୁ ଦେଇନାହିଁ । କୃଷକଙ୍କୁ ଭେିବାରୁ ବିରୋଧୀଦଳ ନେତାଙ୍କୁ ଦିଲ୍ଲୀ ପୋଲିସ ଅଟକାଇଛି। ଏବଂ ଆନ୍ଦୋଳନ ସ୍ଥଳରୁ ଅନ୍ୟ ସ୍ଥାନକୁ ନେଇଯାଇଛି। ଏହା ପରେ ବିରୋଧୀ ଦଳର ନେତାମାନଙ୍କୁ ଫେରିବାକୁ ପଡ଼ିଛି।
Delhi: Opposition leaders who have reached Ghazipur border to meet the protesting farmers have been stopped by Police. pic.twitter.com/SDsZNJNPvF
— ANI (@ANI) February 4, 2021
ବିରୋଧୀ ଦଳଙ୍କ କହିବା ମୁତାବକ ସେମାନେ ଏହି ମାମଲା ନେଇ ଲୋକସଭା ବାଚସ୍ପତିଙ୍କୁ ରିପୋର୍ଟ ଦେବେ। ଅକାଳି ଦଳ ନେତା ହର୍ଷିମରତ୍ କୌର୍ ବାଦଲ କହିଛନ୍ତି ଯେ ଆମେ ଏଠାକୁ ଏଥିପାଇଁ ଆସିଛୁ ଯେମିତି ଆମେ ଚାଷୀଙ୍କ ଆନ୍ଦୋଳନ ସମ୍ପର୍କରେ ସଂସଦରେ ଆଲୋଚନା କରିପାରିବୁ। ବାଚସ୍ପତି ଆମକୁ ସାଂସଦରେ ଏହି ପ୍ରସଙ୍ଗ ଉଠାଇବାକୁ ଦେଉ ନାହାଁନ୍ତି। ବର୍ତ୍ତମାନ ସମସ୍ତ ଦଳ ଏଠାରେ କ’ଣ ଘଟୁଛି ତାହାର ସବିଶେଷ ତଥ୍ୟ ଦେବେ। ସେହିପରି ଏସପି ମୁଖପାତ୍ର ରାଜିବ ରାୟ କହିଛନ୍ତି ଯେ ଏହା ଅତ୍ୟନ୍ତ ଦୁର୍ଭାଗ୍ୟପୂର୍ଣ୍ଣ ଯେ ବିଦେଶୀ ସାଂସଦମାନଙ୍କୁ କଶ୍ମୀର ନେଇଯାଆନ୍ତି କିନ୍ତୁ ନିଜ ଦେଶର ସାଂସଦଙ୍କୁ ଚାଷୀଙ୍କ ସହ ଭେଟିବାକୁ ଦିଆଯାଉନାହିଁ।
ସୂଚନାଯୋଗ୍ୟ, ଏହି ବିରୋଧୀ ଦଳର ନେତାଙ୍କ ମଧ୍ୟରେ ଟିଏମସି ନେତା ସୌଗତ ରୟ, ଶିରୋମାଣି ଅକାଳି ଦଳ ନେତା ହର୍ଷିମରତ୍ କୌର୍ ବାଦଲ, ଏନସିପି ସାଂସଦ ସୁପ୍ରିୟା ସୁଲେ, ଡିଏମକେ ଏମ କାନିମୋଇ ପ୍ରଭୃତି ସାମି୍ଲ ଅଛନ୍ତି।
