spot_img
Home Blog Page 5986

ରାଜଧାନୀରେ ଏକ ଆପାର୍ଟମେଣ୍ଟରେ ୨ ଜଣଙ୍କୁ କରୋନା

ଭୁବନେଶ୍ୱର: ରାଜଧାନୀରେ ବଢ଼ୁଛି କରୋନା ସଂକ୍ରମଣ । ଭୁବନେଶ୍ୱରର ଏକ ଆପାର୍ଟମେଣ୍ଟରୁ ୨ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ପୋଖରୀପୁଟ କୋକିଳା ଗ୍ରୀନ ଆପାର୍ଟମେଣ୍ଟରୁ ଦୁଇଜଣଙ୍କ କରୋନା ପରୀକ୍ଷା ରିପୋର୍ଟ ପଜିଟିଭ୍ ଆସିଛି । ତେଣୁ ଆପାର୍ଟମେଣ୍ଟର ସବୁ ଲୋକଙ୍କର କୋଭିଡ୍ ଟେଷ୍ଟ କରାଯିବ । ଆବଶ୍ୟକ ପଡ଼ିଲେ ମାଇକ୍ରୋ କଣ୍ଟେନମେଣ୍ଟ ଜୋନ୍ କରାଯିବ ବୋଲି ଭୁବନେଶ୍ୱର ମହାନଗର ନିଗମ ବିଏମ୍‌ସି ପକ୍ଷରୁ ସୂଚନା ଦେଇଛି ।

 Two Covid-19 Positive Cases Found In Kokila Green Apartment Bhubaneswar

୨୬ ତାରିଖ ସୁଦ୍ଧା ବିଏମସି ଅଞ୍ଚଳରୁ ମୋଟ ୩୨ ହଜାର ୨୬୩ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୩୧ ହଜାର ୮୫୩ ଜଣ ସୁସ୍ଥ ହୋଇ ସାରିଥିବା ବେଳେ ୧୩୯ଟି ସକ୍ରିୟ ସଂକ୍ରମଣ ମାମଲା ରହିଛି । ୨୫୦ ଜଣ କରୋନାରେ ଜୀବନ ହାରିଛନ୍ତି ।

କରୋନାର ଦ୍ୱିତୀୟ ଲହର ସଂକ୍ରମଣକୁ ଦୃଷ୍ଟିରେ ରଖି ରାଜଧାନୀରେ କୋଭିଡ୍ ନିୟମକୁ କଡ଼ାକଡ଼ି କରାଯାଇଛି । ପୋଲିସ ବିଭିନ୍ନ ଛକ ସ୍ଥାନରେ ଲୋକଙ୍କୁ ସାମାଜିକ ଦୂରତା ରକ୍ଷା ଓ ମାସ୍କ ପିନ୍ଧିବା ଦିଗରେ ସଚେତନ କରାଇବା ସହ ଆଇନ୍ ଉଲ୍ଲଂଘନକାରୀଙ୍କ ଠାରୁ ଜରିମାନା ଆଦାୟ କରୁଛି ।

ସ୍ତ୍ରୀର ତଣ୍ଟି ଚିପି ସ୍ୱାମୀ ମାରି ଦେଇଥିବା ଅଭିଯୋଗ

ବଲାଙ୍ଗିର: ବଲାଙ୍ଗିର ଜିଲ୍ଲା ଲୋଇସିଂହା ଥାନା ସଁସା ଗାଁରେ ଅଭାବନୀୟ ଘଟଣା । ସ୍ତ୍ରୀର ତଣ୍ଟି ଚିପି ସ୍ୱାମୀ ମାରି ଦେଇଥିବା ଅଭିଯୋଗ । ମୃତ ମହିଳା ହେଉଛନ୍ତି ସୁଦାମ ସାହୁଙ୍କ ସ୍ତ୍ରୀ ଦଶମୀ ସାହୁ । ଶୁକ୍ରବାର ବିଳମ୍ବିତ ରାତ୍ରିରେ ଦଶମୀଙ୍କ ଗଳା ଚିପି ହତ୍ୟା କରାଯାଇଥିବା ନେଇ ଲୋଇସିଂହା ଥାନାରେ ଅଭିଯୋଗ ହୋଇଛି । ଗତକାଲି ରାତିରେ ସୁଦାମ ଓ ଦଶମୀଙ୍କ ମଧ୍ୟରେ କୌଣସି ଏକ କଥାକୁ ନେଇ ଗଣ୍ଡଗୋଳ ହୋଇଥିଲା ।

Husband Killed Wife In Bolangir

ଏଥିରେ ସୁଦାମ ଉତ୍ତ୍ୟକ୍ତ ହୋଇ ଦଶମୀର ତଣ୍ଟି ଚିପି ହତ୍ୟା କରିଥିବା ନେଇ ତାଙ୍କ ପରିବାର ପକ୍ଷରୁ ଅଭିଯୋଗ ହୋଇଛି । ହତ୍ୟାକାଣ୍ଡ ପରେ ସୁଦାମଙ୍କ ପରିବାର ଲୋକ ଫେରାର ହୋଇ ଯାଇଛନ୍ତି । ଏହି ହତ୍ୟା ମାମଲାରେ ପରିବାର ଲୋକଙ୍କର ସମ୍ପୃକ୍ତି ଥିବା ନେଇ ମଧ୍ୟ ପୋଲିସ ସନ୍ଦେହ କରୁଛି । ଅଭିଯୋଗ ପରେ ଲୋଇସିଂହା ଥାନା ଅଧିକାରୀଙ୍କ ନେତୃତ୍ୱରେ ଆଗଲପୁର ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଗୃହରେ ମଣ୍ଡି ତାତି, ବିଧାନସଭା ଅପରାହ୍ଣ ୪ଟା ଯାଏ ମୁଲତବି

ଭୁବନେଶ୍ୱର: ବିଧାନସଭାରେ ପୁଣି ଧାନ କିଣା ତାତିରେ ହଟ୍ଟଗୋଳ । ଗୃହକୁ ଅପରାହ୍ଣ ୪ଟା ଯାଏ ମୁଲତବି କଲେ ବାଚସ୍ପତି । କେତେ ଧାନ ଉଠିଛି ପ୍ରଶ୍ନ କରିବା ସହିତ ଧାନ ଉଠାଣ ତାରିଖ ଏପ୍ରିଲ ୧୫ ତାରିଖ ପର୍ଯ୍ୟନ୍ତ ବୃଦ୍ଧି କରିବାକୁ ବିଜେପି ସଦସ୍ୟ ଦାବି କରିଥିଲେ । ଗୃହର ମଧ୍ୟଭାଗରେ ବିଜେପି ସଦସ୍ୟ ହୋ ହଲ୍ଲା କରିଥିଲେ । ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ କହିଥିଲେ, ଆଜି ଖାଦ୍ୟ ଓ ଯୋଗାଣ ବିଭାଗର ଖର୍ଚ୍ଚଦାବି ଆଲୋଚନା ଅଛି । ଆଲୋଚନା ବେଳେ କେତେ ଧାନ ଉଠିଛି, ସେ ସମ୍ପର୍କରେ ବିଭାଗୀୟ ମନ୍ତ୍ରୀ ସୂଚନା ଦେବେ । ତେଣୁ ହୋ ହଲ୍ଲା କରିବାର ଆବଶ୍ୟକତା ନାହିଁ ବୋଲି ସଂସଦୀୟ ବ୍ୟାପାର ମନ୍ତ୍ରୀ କହିଥିଲେ ।

Odisha Assembly Adjourned Till 4 Pm

କିନ୍ତୁ ବିଜେପି ସଦସ୍ୟଙ୍କ ହଟ୍ଟଗୋଳ ଜାରି ରହିବାରୁ ଅପରାହ୍ଣ ୪ଟା ଯାଏ ଗୃହକୁ ବାଚସ୍ପତି ମୁଲତବି ରଖିଛନ୍ତି । ବିଧାନସଭାରେ ଏଭଳି ସ୍ଥିତି ନେଇ ବିଜେଡି ବିଧାୟକ ଅମର ଶତପଥୀଙ୍କ ପ୍ରତିକ୍ରିୟା ରଖିଛନ୍ତି । ବିରୋଧୀ ଜାଣିଶୁଣି ଗୃହକୁ ଅଚଳ କରିବା ଠିକ୍ ନୁହେଁ । ଅଯଥାରେ ଗୃହର ସମୟକୁ ଅପଚୟ କରାଯାଉଛି ବୋଲି ଅମର ଶତପଥୀ କହିଛନ୍ତି । ଧାନ କିଣା ନେଇ ଖାଦ୍ୟ ଯୋଗାଣ ଓ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଦୁଇ ଦୁଇ ଥର ବିବୃତି ଦେବା ସତ୍ତ୍ୱେ ବିଜେପି ବାରମ୍ବାର ସମାନ ଦାବି କରି ଆସୁଛି । ହଟ୍ଟଗୋଳ ଯୋଗୁଁ ବାରମ୍ବାର ମୁଲତବି ହେଉଛି ବିଧାନସଭା ।

ଆମେ ACBରୁ ଆସିଛୁ, ଏମିତି କହି ଲୁଟିନେଲେ ୨୩ ଲକ୍ଷ

ଜୟପୁର: ରାଜସ୍ଥାନରେ ଆଣ୍ଟି କରପସନ୍ ବ୍ୟୁରୋର ମାରାଥନ ରେଡ୍ ଚାଲିଛି । ଚଢ଼ଉରେ ବଡ ବଡ ମାଛ ଧରା ପଡୁଛନ୍ତି । ନିକଟରେ ଜଣେ ଭ୍ରଷ୍ଟ ବାବୁ ଧରାପଡ଼ିବା ଭୟରେ ଗ୍ୟାସ ଚୁଲାରେ ୧୫ ଲକ୍ଷ ଟଙ୍କା ପୋଡ଼ି ଦେଇଥିଲେ । ଏହାରି ଭିତରେ ଚୋର ମଧ୍ୟ ଏସିବିର ସକ୍ରିୟତାର ଫାଇଦା ଉଠାଇବାରେ ଲାଗିଛନ୍ତି । ବଲିଉଡ୍ ଫିଲ୍ମ ସ୍ପେଶାଲ ୨୬ରେ ଯେମିତି କିଛି ଠକ ନିଜକୁ ଭିଜିଲାନ୍ସ ଅଧିକାରୀ କହି ଲୁଟ୍ କରୁଥିଲେ ସେହିଭଳି ତିନି ଜଣ ଲୁଟେରା ଜୟପୁରରେ ନିଜକୁ ଏସିବି ଅଧିକାରୀ କହି ଫାଇନାନ୍ସ କମ୍ପାନୀର ଜଣେ ଅଧିକାରୀଙ୍କ ଘରୁ ୨୩ ଲକ୍ଷ ଟଙ୍କା ଲୁଟ୍ କରିଛନ୍ତି ।

ଏମିତି ହୋଇଥିଲା ଲୁଟ୍

ମିଳିଥିବା ସୂଚନା ଅନୁସାରେ ତିନି ଜଣ ଲୁଟେରା ଫାଇନାନ୍ସ କମ୍ପାନୀର ଅଧିକାରୀଙ୍କ ଘରେ ପହଂଚିଥିଲେ । ସେତେବେଳେ ଘରେ କେବଳ ଅଧିକାରୀଙ୍କ ପୁଅ ବିଦିତ୍ ଥିଲେ । ସେଠାରେ ପହଂଚିବା ପରେ ତିନି ଲୁଟେରା ନିଜକୁ ଏସିବି ଅଧିକାରୀ ବୋଲି ପରିଚୟ ଦେଇଥିଲେ । ପରିଚୟ ଦେଇ ନିଜ ଆଇଡି ମଧ୍ୟ ଦେଖାଇଥିଲେ । ଏହାପରେ ସେମାନେ ଅଧିକାରୀଙ୍କ ପୁଅ ବିଦିତଙ୍କୁ ଅନେକ ପ୍ରଶ୍ନ ଗୁଡେଇ ତୁଡାଇ ପଚାରିଥିଲେ । ଯାଂଚ ନାଁରେ ଆଲମାରି ଖୋଲିବାକୁ କହିଥିଲେ । ଆଲମାରିରେ ଥିବା ୨୨ ଲକ୍ଷ ୯୮ ହଜାର ଟଙ୍କାର ହିସାବ ମାଗିଥିଲେ । ଏତେ ଟଙ୍କା ଘରେ କାହିଁକି ରଖିଛ ? କେଉଁଠୁ ଆଣିଛ ବୋଲି ପଚାରିଥିଲେ । ବିଦିତ ଏନେଇ ନିଜ ପିତାଙ୍କୁ ଫୋନ୍ କରିଥିଲେ କିନ୍ତୁ ଲୁଟେରା ଫୋନ୍ ଛଡାଇ ନେଇ ଯାହା କଥା ହେବା କଥା ଏସିବି ଅଫିସରେ ହେବ ସେଠାକୁ ଆସ କହି ଫୋନ୍ କାଟି ଦେଇଥିଲେ ।

ଜବତ ରାଶି ପାଇଁ କାଗଜରେ ଦସ୍ତଖତ ମଧ୍ୟ ନେଇଥିଲେ

ଟଙ୍କା ଲୁଟ୍ କରିବା ପରେ ଲୁଟକୁ ଅସଲି ରେଡ୍ ଦେଖାଇବା ପାଇଁ ଲୁଟେରା ଏସିବି ଲେଟରପ୍ୟାଡରେ ବିଦିତଙ୍କଠାରୁ ଦସ୍ତଖତ ମଧ୍ୟ ନେଇଥିଲେ । ଲେଟରପ୍ୟାଡରେ କେତେଟଙ୍କା ତାଙ୍କ ଘରୁ ଲୁଟ୍ ହୋଇଥିଲା ସେ ବାବଦରେ ଲେଖା ଯାଇଥିଲା । ଲୁଟ୍ କରି ସାରି ଏହି ତିନି ନକଲି ଅଧିକାରୀ ସେଠାରୁ ଚାଲି ଯାଇଥିଲେ ।

ବାଇକରେ ଆସିଥିଲେ ଲୁଟେରା

ମାମଲା ପୋଲିସ ପାଖରେ ପହଂଚିବା ପରେ ଜଣା ପଡିଥିଲା ଯେ, ତିନି ଲୁଟେରା ବାଇକରେ ଆସିଥିଲେ । ସେମାନେ ହେଲମେଟ୍ ପିନ୍ଧିଥିଲେ । ସିସିଟିଭି ଫୁଟେଜରୁ ଜଣା ପଡୁଛି ଯେ, ଲୁଟେରା ଘରେ ପହଂଚିବା ପରେ ହେଲମେଟ୍ କାଢିଥିଲେ ଓ ଘରୁ ବାହାରିବ ବେଳେ ହେଲମେଟ୍ ପିନ୍ଧି ଯାଇଥିଲେ ।

ଘର କିଣିବା ପାଇଁ ଟଙ୍କା ରଖିଥିଲେ

ଲୁଟ୍ ୨୩ ଲକ୍ଷ ଟଙ୍କା ଘର କିଣିବା ପାଇଁ ଅଧିକାରୀ ଜଣକ ସଂଚୟ କରିଥିବା ଜଣା ପଡିଛି । ପୋଲିସ ମାମଲାର ତଦନ୍ତ କରୁଛି । ଖୁବଶୀଘ୍ର ଅପରାଧୀ ଧରା ପଡିବ ବୋଲି ପୋଲିସ କହିଛି ।

ବାଂଲାଦେଶ ଗସ୍ତରେ ଯାଇ ପ୍ରଧାନମନ୍ତ୍ରୀ କହିଲେ, ମା’କାଳୀ କରୋନାରୁ ଆମକୁ ରକ୍ଷା କରିବେ

ଢାକା: ଦୁଇ ଦିନିଆ ବାଂଲାଦେଶ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଥମ ଦିନ କୂଟନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଥିଲା । ଦ୍ୱିତୀୟ ତଥା ଅନ୍ତିମ ଦିନର ଗସ୍ତ ରାଜନୈତିକ ମହତ୍ୱ ବହନ କରୁଛି । ଅନ୍ତିମ ଦିନରେ ଅର୍ଥାତ ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଢାକାର ଜୋଶେରେଶ୍ୱରୀ କାଳୀ ମନ୍ଦିରରେ ପୂଜାର୍ଚ୍ଚନା କରିଛନ୍ତି । ଏହି ମନ୍ଦିର ହିନ୍ଦୁ ବିଶେଷକରି ପଶ୍ଚିମବଙ୍ଗର ହିନ୍ଦୁଙ୍କ ପାଇଁ ଗୁରୁତ୍ୱ ରଖେ । ଏହା ୫୧ ଶକ୍ତିପୀଠ ମଧ୍ୟରୁ ଗୋଟିଏ ।

ଶନିବାର ସକାଳେ ମୋଦି ଜୋଶେରେଶ୍ୱରୀ ମନ୍ଦିରକୁ ଦର୍ଶନ ପାଇଁ ଯାଇଥିଲେ । ସେଠାରେ ସେ ପୂଜର୍ଚ୍ଚନା କରିଥିଲେ । ପୂଜାର୍ଚ୍ଚନା ପରେ ସେ କହିଥିଲେ ଯେ, କାଳୀଙ୍କ ଦର୍ଶନ ପାଇଁ ସୁଯୋଗ ମିଳିଥିବାରୁ ମୁଁ ଧନ୍ୟ ମନେ କରୁଛି । କରୋନାରୁ ଦୁନିଆକୁ ମୁକ୍ତି ଦେବା ପାଇଁ ମା’ କାଳୀଙ୍କୁ ପ୍ରାର୍ଥନା କରିଛି ବୋଲି ପ୍ରଧାନମନ୍ତ୍ରୀ କହିଛନ୍ତି

କାଳୀ ମନ୍ଦିରରେ ଏକ କମ୍ୟୁନିଟି ହଲ ନିର୍ମାଣରେ ଭାରତ ସହଯୋଗ କରିବ ବୋଲି ସେ କହିଛନ୍ତି । ଏହି କମ୍ୟୁନିଟି ହଲ ଦ୍ୱାରା ଭକ୍ତ ଉପକୃତ ହେବା ସହ ବାତ୍ୟା ସମୟରେ ଏହା ଆଶ୍ରୟସ୍ଥଳୀ ଭାବେ କାର୍ଯ୍ୟ କରିବ ବୋଲି ସେ କହିଛନ୍ତି ।

ପ୍ରଧାନମନ୍ତ୍ରୀ କାଳୀ ମନ୍ଦିରର ପୂଜା କରିବା ପରେ ବଙ୍ଗବନ୍ଧୁ ମୁଜିବୁର ରହମନଙ୍କ ସମାଧୀସ୍ଥଳକୁ ଯାଇଥିଲେ । ସେଠାରେ ସେ ବୃକ୍ଷରୋପଣ କରିଥିଲେ । ଏହି ସମୟରେ ବଂଲାଦେଶ ପ୍ରଧାନମନ୍ତ୍ରୀ ମଧ୍ୟ ଉପସ୍ଥିତ ଥିଲେ ।

ପ୍ରଧାନମନ୍ତ୍ରୀ ମୋଦି ମଧ୍ୟ ଆଜି ଓରାକାଣ୍ଡି ସ୍ଥିତ ମତୁଆ ସମ୍ପ୍ରଦାୟର ମନ୍ଦିରକୁ ଦର୍ଶନ ପାଇଁ ଯିବେ । ଓରାକାଣ୍ଡି ହେଉଛି ସେହି ସ୍ଥାନ ଯେଉଁଠାରେ ମତୁଆ ସମ୍ପ୍ରଦାୟର ପ୍ରତିଷ୍ଠାତା ହରିଶ୍ଚନ୍ଦ୍ର ଠାକୁରଙ୍କ ଜନ୍ମ ହୋଇଥିଲା । ପଶ୍ଚିମବଙ୍ଗରେ ନିର୍ବାଚନ ହେଉଥିବା ବେଳେ ଏହା ରାଜନୈତିକ ଦୃଷ୍ଟିକୋଣରୁ ବେସ ଗୁରୁତ୍ୱ ରଖେ । କାରଣ ଦେଶ ବିଭାଜନ ପରେ ମତୁଆ ସମ୍ପ୍ରଦାୟର ଅନେକ ଭାରତ ଚାଲି ଆସିଥିଲେ । ମତୁଆ ସମ୍ପ୍ରଦାୟର ଭୋଟ ପଶ୍ଚିମବଙ୍ଗରେ ଗୁରୁତ୍ୱ ରଖିଥାଏ

୨୪ ଘଣ୍ଟା ମଧ୍ୟରେ ୬୨ ହଜାରରୁ ଊର୍ଦ୍ଧ୍ୱ କରୋନା ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ କାୟା ବଢାଉଛି କିଲର କରୋନା । ୨୪ ଘଣ୍ଟାରେ ୬୨ହଜାର ୨୫୮ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୯୧ ଜଣଙ୍କ ମୃତ୍ୟୁ ହୋଇଛି । ୨୪ଘଣ୍ଟାରେ ସୁସ୍ଥ ହେଲେ ୩୦ହଜାର ୩୮୬ଜଣ କରୋନା ଆକ୍ରାନ୍ତ । ଆକ୍ଟିଭ କେସ୍ ରହିଛି ୪ଲକ୍ଷ ୫୨ହଜାର ୬୪୭ । ମୃତ୍ୟୁସଂଖ୍ୟା ଲକ୍ଷେ ୬୧ହଜାର ୨୪୦ ଛୁଇଁଲାଣି । କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଏହି ସୂଚନା ମିଳିଛି । ସେପଟେ ଟିକାକରଣ ପ୍ରକ୍ରିୟା ବି ଜୋରଦାର ଚାଲିଛି ।

ଅପରପକ୍ଷରେ ଗତ ୨୪ ଘଣ୍ଟା ମଧ୍ୟରେ ଓଡ଼ିଶାରେ  ୨୧ଜିଲ୍ଲା ଓ ଷ୍ଟେଟପୁଲରୁ ୨୧୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ବାରେଣ୍ଟାଇନରୁ ୧୨୪, ଲୋକାଲ କେସ୍ ୮୬ ଚିହ୍ନଟ ହୋଇଥିବା ବେଳେ ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଖୋର୍ଦ୍ଧାରୁ ସର୍ବାଧିକ ୫୧, ନୂଆପଡାରୁ ୨୩, କଟକରୁ ୧୯, ବଲାଙ୍ଗିର, କଳାହାଣ୍ଡି, ସୁନ୍ଦରଗଡ଼଼ ଓ ଷ୍ଟେଟପୁଲରୁ ୧୨ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ସମ୍ବଲପୁରରୁ ୧୧, ବରଗଡ଼, ଯାଜପୁର, ମୟୂରଭଞ୍ଜରୁ ୮ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଅନୁଗୁଳରୁ ୭, ବାଲେଶ୍ବରରୁ ୬, ପୁରୀରୁ ୫, , ଝାରସୁଗୁଡାରୁ ୪, ଗଞ୍ଜାମରୁ ୩, କେନ୍ଦ୍ରାପଡା, ନୟାଗଡ଼ ଓ ରାୟଗଡ଼ାରୁ ୨ଜଣ ଲେଖାଏଁ ଓ ଢେଙ୍କାନାଳ, କେନ୍ଦୁଝର ଓ ନବରଙ୍ଗପୁରରୁ ଜଣେ ଲେଖାଏଁ କୋରାନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୩ଲକ୍ଷ ୩୯ହଜାର ୯୦୪ଥିବା ବେଳେ ଆକ୍ଟିଭ କେସ୍ ରହିଛି ୧୪୪୯ । ଏଯାଏ କରୋନାରେ ୧୯୨୦ଜଣଙ୍କ ମୃତ୍ୟୁ  ହେଲାଣି । ସୁସ୍ଥ ହେଲେଣି ୩ଲକ୍ଷ ୩୬ହଜାର ୪୮୨ଜଣ କୋଭିଡ ଆକ୍ରାନ୍ତ ।

ପଶ୍ଚିମବଙ୍ଗ ପ୍ରଥମ ପର୍ଯ୍ୟାୟ ଭୋଟ୍ : ୫ ମିନିଟରେ ଭୋଟହାର ଅଧା କେମିତି ହେଲା ? ଟିଏମସିର ECଙ୍କ ନିକଟରେ ଅଭିଯୋଗ

କୋଲକତା: ପଶ୍ଚିମବଙ୍ଗରେ ଆଜି ପ୍ରଥମ ପର୍ଯ୍ୟାୟ ଭୋଟ ହେଉଛି । ପ୍ରଥମ ପର୍ଯ୍ୟାୟରେ ୩୦ ଟି ଆସନ ପାଇଁ ଭୋଟ୍ ହେଉଛି । ତେବେ ପ୍ରଥମ ପର୍ଯ୍ୟାୟ ଭୋଟ୍ ଭିତରେ ତୃଣମୁଳ କଂଗ୍ରେସ (ଟିଏମସି) ଭୋଟ୍ ପ୍ରତିଶତକୁ ନେଇ ନିର୍ବାଚନ କମିଶନଙ୍କ ନିକଟରେ ଅଭିଯୋଗ କରିଛି । ଟିଏମସିର ଭୋଟିଂ ପ୍ରତିଶତରେ ଗଡବଡକୁ ନେଇ ଲିଖିତ ଅଭିଯୋଗ କରିଛି । ଟିଏମସିର ଅଭିଯୋଗ ଯେ, କାନ୍ଥି ଦକ୍ଷୀଣ(୨୧୨) ଓ କାନ୍ଥି ଉତ୍ତର (୨୧୩) ର ମତଦାନ କେନ୍ଦ୍ରରେ ସକାଳ ୯.୧୩ ମିନିଟରେ ମତଦାନ ହାର କ୍ରମଶଃ ୧୮.୪୭ ପ୍ରତିଶତ ଓ ୧୮.୯୫ ପ୍ରତିଶତ ଥିଲା । କିନ୍ତୁ ୪ ମିନିଟ ପରେ ମତଦାନ ହାର କମିଯାଇ କ୍ରମଶଃ ୧୦.୬୦ ପ୍ରତିଶତ ଓ ୯.୪୦ ପ୍ରତିଶତ ହୋଇଥିଲା । ଟିଏମସି ଅନୁସାରେ ଏହା ଷଡ଼ଯନ୍ତ୍ର । ନିର୍ବାଚନ ଆୟୋଗ ଏହାର ତଦନ୍ତ କରୁ ବୋଲି ଟିଏମସି ଦାବି କରିଛି । ସୂଚନାଯୋଗ୍ୟ ଯେ, ପଶ୍ଚିମବଙ୍ଗରେ ଆଜି ହେଉଥିବା ପ୍ରଥମ ପର୍ଯ୍ୟାୟ ଭୋଟରେ ୫ଟି ଜିଲ୍ଲାର ୩୦ ଟି ଆସନରେ ଭୋଟ ହେଉଛି । ସକାଳ ୧୦.୩୦ ସୁଧା ୧୫.୩୦ ପ୍ରତିଶତ ଭୋଟ ପଡିଥିଲା । ପଶ୍ଚିମବଙ୍ଗ ନିର୍ବାଚନରେ ଏଥରକ ମୁଖ୍ୟତଃ ଟିଏମସି ଓ ବିଜେପି ମଧ୍ୟରେ ପ୍ରତିଦ୍ୱନ୍ଦିତା ହେଉଛି । ବିଜେପିର ଆଶା ଯେ, ଏହା ମମତା ବିରୋଧୀ ଭୋଟକୁ ଏନକ୍ୟାସ କରି ସେଠାରେ ସରକାର ଗଠନ କରିବ ।

ଏଥିସହିତ ପଢ଼ନ୍ତୁ: କିମ୍ୱଦନ୍ତି କ୍ରିକେଟର ସଚିନ୍ ତେନ୍ଦୁଲକର କରୋନା ସଂକ୍ରମିତ: ପରିବାର ସଦସ୍ୟଙ୍କ ମଧ୍ୟ କରାଗଲା ଟେଷ୍ଟ

କିମ୍ୱଦନ୍ତି କ୍ରିକେଟର ସଚିନ୍ ତେନ୍ଦୁଲକର କରୋନା ସଂକ୍ରମିତ: ପରିବାର ସଦସ୍ୟଙ୍କ ମଧ୍ୟ କରାଗଲା ଟେଷ୍ଟ

ମୁମ୍ୱାଇ: କରୋନା ସଂକ୍ରମିତ ହୋଇଛନ୍ତି କିମ୍ୱଦନ୍ତି କ୍ରିକେଟର  ସଚିନ୍ ତେନ୍ଦୁଲକର । ଏ ନେଇ ସେ ଟ୍ୱିଟ୍ ମାଧ୍ୟମରେ ସୂଚିତ କରିଛନ୍ତି । ସେ ଟ୍ୱିଟ୍‌ରେ ସେୟାର କରିଥିବା ଏକ ପୋଷ୍ଟରେ ଲେଖିଛନ୍ତି ଯେ, ସେ କରୋନା ସଂକ୍ରମିତ ହୋଇଛନ୍ତି ଏବଂ ସମସ୍ତ ପ୍ରକାର ଆବଶ୍ୟକ ସତର୍କତାମୂଳକ ପଦକ୍ଷେପ ଗ୍ରହଣ କରୁଛନ୍ତି । ତେବେ ପରିବାର ଅନ୍ୟ ସଦସ୍ୟମାନଙ୍କ କରୋନା ରିପୋର୍ଟ ନେଗେଟିଭ୍ ରହିଛି । ସେ ନିଜ ଘରେ ବର୍ତ୍ତମାନ କ୍ୱାରେଣ୍ଟାଇନ୍‌ରେ ରହିଥିବା ବେଳେ ଡାକ୍ତରଙ୍କ ପରାମର୍ଶ କ୍ରମେ ଆବଶ୍ୟକ ସମସ୍ତ ନିୟମ ମାନିଚଳୁଛନ୍ତି । ଏଭଳି ସମୟରେ ସାରା ଦେଶରେ ତାଙ୍କୁ ଓ ଅନ୍ୟ ସମସ୍ତଙ୍କୁ ସହାୟତା କରୁଥିବା ସ୍ୱାସ୍ଥ୍ୟକର୍ମୀ ଏବଂ ଡାକ୍ତରଙ୍କୁ ଧନ୍ୟବାଦ ଜଣାଇଛନ୍ତି ତେନ୍ଦୁଲକର । ଅପରପକ୍ଷରେ ତେନ୍ଦୁଲକର ପଜିଟିଭ ଚିହ୍ନଟ ହେବା ନେଇ ଖବର ପ୍ରଚାରିତ ହେବା ପରେ ବହୁ ସଂଖ୍ୟା ପ୍ରଶଂସକ ତାଙ୍କୁ ସୋସିଆଲ୍ ମିଡିଆ ଯୋଗେ ଆଶୁ ଆରୋଗ୍ୟ କାମନା କରିଛନ୍ତି ।

ଏଥିସହିତ ପଢ଼ନ୍ତୁ: ମାର୍ଚ୍ଚ ୨୮ରୁ ସାରା ରାଜ୍ୟରେ ନାଇଟ୍ କର୍ଫ୍ୟୁ ଲାଗୁ

କରୋନା ସଂକ୍ରମିତ ଚିହ୍ନଟ ପରେ ଅନ୍‌ଲାଇନ୍‌ରେ ହେବ ପରୀକ୍ଷା

ରାଉରକେଲା: ଏନଆଇଟିରେ ଗତକାଲି ୭ ଜଣ ଛାତ୍ର ଓ କର୍ମଚାରୀ କରୋନା ପଜିଟିଭ ଚିହ୍ନଟ ହେବା ପରେ ଅନଲାଇନରେ ପରୀଷା କରିବା ପାଇଁ ନିଷ୍ପତ୍ତି ହୋଇଛି । ଏନେଇ ଏନଆଇଟି ରେଜିଷ୍ଟ୍ରାର ପ୍ରଦୀପ କୁମାର ଦାସ ସୂଚନା ଦେଇଛନ୍ତି । ଏହାସହ ଲଗାତର ୩ ଦିନ ଧରି ଛାତ୍ରଛାତ୍ରୀଙ୍କ କୋଭିଡ ଟେଷ୍ଟ କରାଯିବ । କୋଭିଡ ଟେଷ୍ଟ ପରେ ହଷ୍ଟେଲ ଖାଲି କରିବା ପାଇଁ ଛାତ୍ରଛାତ୍ରୀଙ୍କୁ ନିର୍ଦ୍ଦେଶ ଦିଆଯାଇଥିବା ସୂଚନା ମିଳିଛି ।  ଏନଆଇଟିରେ କୋଭିଡ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ଅନଲାଇନରେ ପରୀଷା କରିବାକୁ ଛାତ୍ରଛାତ୍ରୀ ଏନଆଇଟି ନିର୍ଦ୍ଦେଶକ ଓ ରେଜିଷ୍ଟ୍ରାରଙ୍କ ନିକଟରେ ଦାବି କରିଥିଲେ । ପ୍ରଶାସନ ପକ୍ଷରୁ ଏନଆଇଟି କ୍ୟାମ୍ପସରେ କୋଭିଡ କଟକଣା କଡାକଡି କରାଯିବା ସହ ବାହାର ଲୋକଙ୍କ ପ୍ରବେଶ ଉପରେ ରୋକ୍ ଲଗାଯାଇଛି । ପୂର୍ବରୁ ୩ଜଣ ଛାତ୍ର କରୋନା ଆକ୍ରନ୍ତ ହୋଇଥିଲେ ।

ଏଥିସହିତ ପଢ଼ନ୍ତୁ: ବଢ଼ୁଛି ସଂକ୍ରମିତଙ୍କ ସଂଖ୍ୟା: ୨୧୦ କରୋନା ଆକ୍ରାନ୍ତ ଚିହ୍ନଟ

ଏଣିକି ଚାଲାଣ କାଟିପାରିବେ ଗ୍ରାଜୁଏଟ କନେଷ୍ଟବଳ

ଭୁବନେଶ୍ୱର: ଏଣିକି ଗ୍ରାଜୁଏଟ୍‌ କନେଷ୍ଟବଳ ଚାଲାଣ କାଟିବେ। ଟ୍ରାଫିକ୍‌ ନିୟମ ଉଲ୍ଲଘଂନ କରୁଥିବା ଅମାନିଆଙ୍କଠାରୁ ଜରିମାନା ଆଦାୟ କରିବା ଓ ଚାଲାଣ କାଟିବା ପାଇଁ ଗ୍ରାଜୁଏଟ୍‌ କ‌ନେଷ୍ଟବଳଙ୍କୁ କ୍ଷମତା ଦିଆଯାଇଛି। ପୂର୍ବରୁ କମିସନରେଟ୍‌ ପୁଲିସ କରିଥିବା ଏହି ସୁପାରିସ ଉପରେ ରାଜ୍ୟ ସଡ଼କ ପରିବହନ ବିଭାଗ ମୋହର ମାରିଛି। ଏହି ବ୍ୟବସ୍ଥା ଗୋଟିଏ ବର୍ଷ ପାଇଁ କେବଳ କଟକ ଓ ଭୁବନେଶ୍ବରରେ ପାଇଲଟ୍‌ ପ୍ରୋଜେକ୍ଟ ଭାବରେ କାର୍ଯ୍ୟକ୍ଷମ ହେବ। ଏଥିରୁ ସୁଫଳ ମିଳିଲେ ପରେ ଏହା ସମଗ୍ର ରାଜ୍ୟରେ କାର୍ଯ୍ୟକାରୀ ହେବ ବୋଲି ରାଜ୍ୟ ସରକାର ସ୍ଥିର କରିଛନ୍ତି। ପୁଲିସ ଅଧିକାରୀ ଅଭାବ କାରଣରୁ ଟ୍ରାଫିକ୍‌ ନିୟମ କଡ଼ାକଡ଼ି ହୋଇପାରୁନଥିଲା। ବିଶେଷକରି ଏଏସ୍‌ଆଇ ପଦବି କମ୍ ଥିବାରୁ ଆବଶ୍ୟକ ଚାଲାଣ କାଟିବା ସମ୍ଭବ ହେଉନଥିଲା। ତେଣୁ ଗ୍ରାଜୁଏଟ୍‌ କନେଷ୍ଟବଳଙ୍କୁ ଏହି କ୍ଷମତା ଦେବାକୁ କମିସନରେଟ୍‌ ପୁଲିସ ସଡ଼କ ପରିବହନ ବିଭାଗକୁ ସୁପାରିସ୍‌ କରିଥିଲା। ଏବେ ସରକାର ଏହି ସୁପାରିସରେ ମୋହର ମାରିବା ପରେ କଟକ ଭୁବନେଶ୍ବର କମିସନରେଟ୍‌ ପୁଲିସରେ କାର୍ଯ୍ୟରତ ଗ୍ରାଜୁଏଟ୍‌ କନେଷ୍ଟବଳ ଚିହ୍ନଟ ପ୍ରକ୍ରିୟା ଆରମ୍ଭ ହୋଇଛି। ବିଭିନ୍ନ ଥାନା ଓ ଟ୍ରାଫିକ୍‌ ଥାନାଗୁଡ଼ିକରେ କାର୍ଯ୍ୟରତ ଗ୍ରାଜୁଏଟ୍‌ କନେଷ୍ଟବଳ ଚିହ୍ନଟ କରି ସେମାନଙ୍କୁ ପ୍ରଶିକ୍ଷଣ ଦିଆଯିବ।

ଏଥିସହିତ ପଢ଼ନ୍ତୁ: ପ୍ୟାଙ୍ଗୋଗରେ ଭାରତୀୟ ଯବାନଙ୍କ ଡ୍ୟାନ୍ସ, ଭାଇରାଲ ହେଉଛି ଭିଡିଓ