spot_img
Home Blog Page 5969

୪୪.୨ ଡିଗ୍ରୀ ସହ ବିଶ୍ୱର ଉତ୍ତପ୍ତ ସହର ଭୁବନେଶ୍ୱର, ରାଜ୍ୟର ୧୩ ସହରରେ ପାରଦ ୪୧ ଡିଗ୍ରୀ ପାର୍

ଭୁବନେଶ୍ୱର: ବିଗିଡ଼ିବାରେ ଲାଗିଛି ପରିବେଶ । ହ୍ରାସ୍ ହେଉଛି ଜୈବ ବିବିଧତା । ଯାହାର ସିଧାସଳଖ ପ୍ରଭାବ ପଡ଼ୁଛି ପରିବେଶ ଉପରେ । ବର୍ଷକୁ ବର୍ଷ ବଢ଼ିବାରେ ଲାଗିଛି ତାପମାତ୍ରା । ରାଜଧାନୀ ଭୁବନେଶ୍ୱର ତାପମାତ୍ରା ବୃଦ୍ଧିର ସର୍ବକାଳୀନ ରେକର୍ଡ ଭାଙ୍ଗିଛି । ଆଜି ରାଜଧାନୀର ତାପମାତ୍ର ୪୪.୨ ଡିଗ୍ରୀ ରହିଛି । ଭୁବନେଶ୍ୱର ବିଶ୍ୱର ସବୁଠୁ ଉତ୍ତପ୍ତ ସହର ଭାବେ ଉଭା ହୋଇଛି ।

ଆଜି ରାଜ୍ୟର ୧୩ଟି ସହରର ତାପମାତ୍ରା ୪୧ ଡିଗ୍ରୀ ଉପରେ ରହିଛି । ଭୁବନେଶ୍ୱରରେ ପାରଦ ସର୍ବାଧିକ ୪୪.୨ ଡିଗ୍ରୀ ଥିବାବେଳେ ବାରିପଦାରେ ପାରଦ ୪୩.୬ ଡିଗ୍ରୀ, ବାଲେଶ୍ୱରରେ ୪୩ ଡିଗ୍ରୀ, ଚାନ୍ଦବାଲିରେ ୪୨.୬ ଡିଗ୍ରୀ, ତାଳଚେରରେ ୪୨.୫ ଡିଗ୍ରୀ, ମାଲକାନଗିରି, ଗଜପତି ଓ ବୌଦ୍ଧରେ ୪୨ ଡିଗ୍ରୀ, ଅନୁଗୁଳରେ ୪୧.୭ ଡିଗ୍ରୀ, ବଲାଙ୍ଗିର ଓ ଭବାନୀପାଟଣାରେ ୪୧.୫ ଡିଗ୍ରୀ, ଟିଟିଲାଗଡ଼ ଓ ନୟାଗଡ଼ରେ ୪୧.୨ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି ।

ଏଥିସହ ପଢ଼ନ୍ତୁ- ତାତିରୁ ନାହିଁ ଆଶ୍ୱସ୍ତି, ଆଉ ୨ ଦିନ ପ୍ରବଳ ଗ୍ରୀଷ୍ମ ପ୍ରବାହ

ରାଜଧାନୀ ଭୁବନେଶ୍ୱରର ତାପମାତ୍ରା ଆଜି ସର୍ବକାଳୀନ ରେକର୍ଡ ଭାଙ୍ଗିଛି । ୨୦୧୬ରେ ଭୁବନେଶ୍ୱରର ସର୍ବାଧିକ ତାପମାତ୍ରା ୪୨.୨ ଡିଗ୍ରୀ ରେକର୍ଡ ହୋଇଥିଲା । ୧୯୬୩ ମସିହା ଫେବ୍ରୁଆରୀ ମାସରେ ଭୁବନେଶ୍ୱରର ସର୍ବାଧିକ ତାପମାତ୍ରା ୪୨.୭ ଡିଗ୍ରୀ ଥିଲା । ଆଜିର ତାପମାତ୍ରା ପୂର୍ବ ସବୁ ରେକର୍ଡକୁ ଅତିକ୍ରମ କରିଛି ।

ମତଦାନ ପୂର୍ବରୁ ନନ୍ଦିଗ୍ରାମରେ ୧୪୪ ଧାରା ଲାଗୁ

ନନ୍ଦିଗ୍ରାମ: ନିର୍ବାଚନ ଆୟୋଗ ପଶ୍ଚିମବଙ୍ଗର ପୂର୍ବ ମେଦିନିପୁର ଜିଲ୍ଲା ନନ୍ଦିଗ୍ରାମ ବିଧାନସଭା କ୍ଷେତ୍ରରେ ବୁଧବାର ସିଆରପିସି ଧାରା ୧୪୪ ଲାଗୁକରିଛନ୍ତି । ଏହି ହାଇପ୍ରୋଫାଇଲ ସିଟରେ ଗୁରୁବାର (ଅପ୍ରେଲ ୧) ମତଦାନ ଆରମ୍ଭ ହେଉଛି ।

ମୁଖ୍ୟମନ୍ତ୍ରୀ ମମତା ବାନାର୍ଜୀ ଅଭିଯୋଗ କରିଛନ୍ତି ଯେ, ନନ୍ଦିଗ୍ରାମରେ ବିଶୃଙ୍ଖଳା କରିବା ଓ ଭୋଟରମାନଙ୍କୁ ଧମକାଇବାକୁ ବିଜେପି ବାହାର ରାଜ୍ୟରୁ ଗୁଣ୍ଡା ଆଣିଛି । ଏନେଇ ସେ ଆଜି ନିର୍ବାଚନ କମିସନଙ୍କ ପାଖରେ ଅଭିଯୋଗ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିବେଦନ କରିଛନ୍ତି । ଏହାସହ ଗତକାଲି ମମତା ଅଭିଯୋଗ କରିଥିଲେ ଯେ, ପଶ୍ଚିମ ମେଦିନପୁରର କିଛି ଗାଁରୁ ଲୋକମାନଙ୍କୁ ବିଜେପି ଉଠାଇ ନେଇ ଏକ ସ୍ଥାନରେ ଲୁଚାଇ ରଖିଛି । ଦିଦିଙ୍କ ଏଭଳି ଅଭିଯୋଗ ପରେ ନିର୍ବାଚନ କମିସନ ୧୪୪ଧାରା ଲାଗୁ କରିଥିବା ଜଣାପଡ଼ିଛି।

ଅଧିକାରୀଙ୍କ ସୂଚନା ମୁତାବକ ନିର୍ବାଚନ ଆୟୋଗ ଏକ ହେଲିକପ୍ଟର ମାଧ୍ୟମରେ ଅଞ୍ଚଳ ଉପରେ କଡା ନଜର ରଖିଛନ୍ତି । ଏହା ସହ ନିର୍ବାଚନ କ୍ଷେତ୍ରର ସମ୍ବେଦନଶୀଳତାକୁ ଦୃଷ୍ଟିରେ ରଖି ଯେଉଁ ଲୋକମାନେ ନନ୍ଦିଗ୍ରାମର ମତଦାତା ନୁହଁନ୍ତି ସେମାନଙ୍କୁ ନନ୍ଦିଗ୍ରମକୁ ପ୍ରବେଶ ନିଶେଧ କରାଯାଇଛି ।

୧୪୪ ଧାରା ଲାଗୁ ସହ ନନ୍ଦିଗ୍ରାମରେ ମତଦାନ ବେଳେ ଆଇନଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ସେଠାରେ ୨୨ କମ୍ପାନି କେନ୍ଦ୍ରୀୟ ବଳ ମୁତୟନ କରାଯିବା ସହ ୨୨ ଜଣ ତ୍ୱରିତ ପ୍ରତିକ୍ରିୟା ଦଳ ମୁତୟନ କରିବାକୁ ନିଷ୍ପତ୍ତି ନେଇଛନ୍ତି ନିର୍ବାଚନ ଆୟୋଗ । ଏହି ନିର୍ବାଚନ ମଣ୍ଡଳୀରେ ମୋଟ ୩୫୫ ଟି ମତଦାନ କେନ୍ଦ୍ର ଥିବା ବେଳେ ୭୫ ପ୍ରତିଶତ କେନ୍ଦ୍ରରେ ୱେବକାଷ୍ଟିଂର ସୁବିଧା କରାଯାଇଛି ।

ରାଜଧାନୀରେ ହାଇ ପ୍ରୋଫାଇଲ୍ ସେକ୍ସ ରାକେଟ, ଇଭେଣ୍ଟ ପାର୍ଟିରୁ ଯୋଗାଡ଼ ହେଉଥିଲେ ଯୁବତୀ

ଭୁବନେଶ୍ୱର: ରାଜଧାନୀରେ ହାଇ ପ୍ରୋଫାଇଲ ସେକ୍ସ ରାକେଟ୍ । ଲକ୍ଷ୍ମୀସାଗର ଥାନା ଅଞ୍ଚଳର ଏକ ଆପାର୍ଟମେଣ୍ଟରେ ଚାଲିଥିଲା ଦେହ ବ୍ୟବସାୟ । ୨ ଜଣ ଯୁବକଙ୍କୁ ପୋଲିସ ଗିରଫ କରିଥିବା ବେଳେ ୨ ଜଣ ଓଡ଼ିଆ ଯୁବତୀଙ୍କୁ ଉଦ୍ଧାର କରାଯାଇଛି । ବହୁ ଆପତ୍ତି ଜନକ ସାମଗ୍ରୀ ଜବତ କରିବା ସହ ସେକ୍ସ ସିଣ୍ଡିକେଟ ନେଇ ଖୋଳତାଡ଼ କରୁଛି ପୋଲିସ ।

Police Nabbed High Profile Sex Racket In City Bhubaneswar

ରାଜଧାନୀରେ ବମ୍ବେ ଷ୍ଟାଇଲରେ ସେକ୍ସ ରାକେଟ୍ । ହାଇପ୍ରୋଫାଇଲ ଆପାର୍ଟମେଣ୍ଟ ହାଇପ୍ରୋଫାଇଲ ସେକ୍ସ ସିଣ୍ଡିକେଟ । ଇଭେଣ୍ଟ ମ୍ୟାନେଜମେଣ୍ଟ ଛାତ୍ରୀର ଦେହ ବ୍ୟବସାୟ । ଇଭେଣ୍ଟ ପାର୍ଟିରୁ ଯୋଗାଡ଼ ହେଉଥିଲେ ଯୁବତୀ । ଆପାର୍ଟମେଣ୍ଟର ହେଉଥିଲା ରେଭ୍ ପାର୍ଟି । ହ୍ବାଟସଆପରେ ହେଉଥିଲା ରେଟ ଫିକ୍ସ, ବନ୍ଧୁ ବାହାନାରେ ଆପାର୍ଟମେଣ୍ଟକୁ ଆସୁଥିଲେ ଗ୍ରାହକ । ଆପାର୍ଟମେଣ୍ଟର ଉପର ଫ୍ଲାଟରେ ହେଉଥିଲା ଦେହ ସଉଦା । ରାକେଟର କିଙ୍ଗପିନ୍ ଥିଲେ ଇଭେଣ୍ଟ ମ୍ୟାନେଜର ତଥା ନିଜେ ଫ୍ଲାଟ୍ ମାଲିକ । ଲକ୍ଷ୍ମୀସାଗର ଥାନା ପୋଲିସ ପୋଲିସ ଖବର ପାଇ ଚଢାଉ କରିଥିଲା । କେନ୍ଦ୍ରାପଡ଼ାର ଜଣେ ଯୁବତୀଙ୍କୁ ରୁମ ମେଟ୍ ବାହାନାରେ ରଖିଥିଲେ । ଗଞ୍ଜାମର ଦୁଇ ଜଣ ଯୁବକ ଓ ଫ୍ଲାଟ ମାଲିକ ସମେତ ଦୁଇ ଜଣ ଯୁବତୀଙ୍କୁ ପୋଲିସ ଉଦ୍ଧାର କରିଛି ।

Police Nabbed High Profile Sex Racket In City Bhubaneswar

ରେଡ୍ ବେଳେ ସମ୍ପୃକ୍ତ ଆପାର୍ଟମେଣ୍ଟରୁ ନଗଦ ୩ ହଜାର ଟଙ୍କା, ମଦ ବୋତଲ ଓ ଆପତ୍ତିଜନକ ସାମଗ୍ରୀ ଜବତ କରିଛି ପୋଲିସ୍ । ଲକଡାଉନ ପରେ ଫ୍ଲାଟ୍ ମାଲିକ ଜଣଙ୍କ ଫ୍ଲାଟକୁ କିଣିଥିଲେ । କିଛିଦିନ ହେଲା ଦେହ ବ୍ୟବସାୟ କରୁଥିବା ପୋଲିସ ନିକଟରେ ସୋସାଇଟି ବାସିନ୍ଦା ଅଭିଯୋଗ କରିଥିଲେ । ତେବେ କେବଳ ଓଡ଼ିଆ ନା ରାଜ୍ୟ ବାହରର ଯୁବତୀକୁ ହାୟର କରୁଥିଲେ, ଏ ସବୁ ଦିଗରେ ପୋଲିସ ଖୋଳତାଡ଼ କରୁଛି । ଦୁଇ ଜଣ ଯୁବତୀଙ୍କୁ ସ୍ବାଧାର ଗୃହକୁ ପଠାଯାଇଥିବା ବେଳେ ୨ ଯୁବକଙ୍କୁ କୋର୍ଟ ଚାଲାଣ କରିଛି ପୋଲିସ ।

ଜଙ୍ଗଲରୁ ନରକଙ୍କାଳ ଉଦ୍ଧାର ଘଟଣା, ୩ ଅଭିଯୁକ୍ତ ଗିରଫ

ବାଲିଗୁଡ଼ା: କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ରେବିଙ୍ଗିଆ ତୁଲିପାଜୁ ଜଙ୍ଗଲରୁ ନରକଙ୍କାଳ ଉଦ୍ଧାର ଘଟଣାରେ ପୋଲିସକୁ ସଫଳତା । ବନ୍ଧାହେଲେ ୩ ଅଭିଯୁକ୍ତ । ପୂର୍ବ ଶତ୍ରୁତାକୁ କେନ୍ଦ୍ର କରି ଟିକୁନ ଗୌଡ଼ଙ୍କୁ ହତ୍ୟା କରାଯାଇଥିବା ପୋଲିସ ସୂଚନା ଦେଇଛି । ଟିକୁନଙ୍କୁ ହତ୍ୟା ପରେ ଜଙ୍ଗଲରେ ପୋତି ଦେଇଥିଲେ ହତ୍ୟାକାରୀ ।

Baliguda Police Arrested Three In Skeleton Case

ତିନି ଅଭିଯୁକ୍ତ ମୃତକଙ୍କ ସମ୍ପର୍କୀୟ ପଡ଼ି ଗାଁର ଅଜୁ ବଗର୍ତ୍ତୀ, ବିପିନ ବଗର୍ତ୍ତୀ ଓ ଭଇରା ଗୌଡ଼ଙ୍କୁ ପୋଲିସ ଗିରଫ ପରେ କୋର୍ଟ ଚାଲାଣ କରିଛି । ସୂଚନା ଅନୁସାରେ ଫେବ୍ରୁଆରୀ ୨୨ରେ ଏକ ଭୋଜିକୁ ଯାଇ ଟିକୁନ ଫେରିନଥିଲେ । ପରିବାର ଲୋକେ ବହୁତ ଖୋଜାଖୋଜି କରି ଟିକୁନ ଗୌଡ଼ଙ୍କୁ ନପାଇ ମାର୍ଚ୍ଚ ୪ ତାରିଖରେ ବାଲିଗୁଡ଼ା ଥାନାରେ ଅଭିଯୋଗ କରିଥିଲେ । ମାର୍ଚ୍ଚ ୨୪ ତାରିଖରେ ରେବିଙ୍ଗିଆ ଅଞ୍ଚଳର କିଛି ଲୋକ ତୁଲିପାଜୁ ଜଙ୍ଗଲକୁ ମହୁଲ ଗୋଟେଇବାକୁ ଯାଇଥିବା ବେଳେ ଦୁର୍ଗନ୍ଧ ନେଇ ଅଞ୍ଚଳବାସୀଙ୍କୁ ଜଣାଇଥିଲେ । ଏହାପରେ ନିଖୋଜ ବ୍ୟକ୍ତିଙ୍କ ପରିବାର ଲୋକେ ଏ ବିଷୟରେ ଖବର ପାଇ ପୋଲିସକୁ ଖବର ଦେଇଥିଲେ । ପରିବାର ଲୋକଙ୍କଠାରୁ ଖବର ପାଇ ମାର୍ଚ୍ଚ ୨୫ରେ ସନ୍ଧାନୀ କୁକୁର ଓ ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିବା ସହ ମାଟି ତଳୁ କଙ୍କାଳକୁ ଉଦ୍ଧାର କରିଥିଲା ପୋଲିସ ।

କଙ୍କାଳରେ ଥିବା ସାର୍ଟ, ଲୁଙ୍ଗି ଓ ଗାମୁଛାକୁ ଦେଖି ପରିବାର ଲୋକେ ଏହା ନିଖୋଜ ଟିକୁନ ଗୌଡ଼ର ବୋଲି ସ୍ପଷ୍ଟ କରିଥିଲେ । ଏହାପରେ ପୋଲିସ୍ ସନ୍ଧାନୀ କୁକୁର ଓ ସାଇଣ୍ଟଫିକ୍ ଟିମ୍ ସହାୟତାରେ ତଦନ୍ତକୁ ଯୋରଦାର୍ କିରିଥିଲା ଏବଂ ହତ୍ୟାକାଣ୍ଡରେ ସମ୍ପୃକ୍ତ ତିନିଜଣ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଛି । ହତ୍ୟାକାଣ୍ଡରେ ବ୍ୟବହୃତ ରମ୍ପା,ଗଇଁତି ଓ ଗୋଟିଏ କାଠକୁ ଜବତ କରାଯାଇଛି । ଆଜି ବାଲିଗୁଡ଼ା ଏସଡିପିଓ ମନୋଜ ପୂଜାରୀ ପ୍ରେସ୍ ବିଜ୍ଞପ୍ତି ମାଧ୍ୟମରେ ଗଣମାଧ୍ୟମକୁ ଏନେଇ ସୂଚନା ଦେଇଛନ୍ତି ।

ଘର କିଣିବାକୁ ମନ ବଳାଇଥିବା ଲୋକମାନଙ୍କ ପାଇଁ ଖୁସି ଖବର

ମୁମ୍ବାଇ: ମହାରାଷ୍ଟ୍ରରେ ଘର କିଣିବା ପାଇଁ ସୁବର୍ଣ୍ଣ ସୁଯୋଗ । ଘର କ୍ରୟରେ ଷ୍ଟାମ୍ପ ଡ୍ୟୁଟି(Stamp Duty)ରେ ମିଳୁଥିବା ରିହାତି ଆଗକୁ ମଧ୍ୟ ଜାରି ରହିପାରେ । ମହାରାଷ୍ଟ୍ର ସରକାର ଷ୍ଟାମ୍ପ ଡ୍ୟୁଟିରେ ରିହାତିକୁ ୩ ମାସ ଅତିରିକ୍ତ ବଢାଇପାରନ୍ତି । ଏମିତି ହେଲେ ଘର କ୍ରେତାଙ୍କୁ ଷ୍ଟାମ୍ପ ଡ୍ୟୁଟି ଭରିବାରୁ ଆଶ୍ୱସ୍ତି ମିଳିବ । ପ୍ରପୋର୍ଟି ଡିଲର୍ସ ଓ ବିଲ୍ଡର୍ସମାନେ ଆଶା  ବାନ୍ଧିଛନ୍ତି ଯେ ଏମିତି ହେବା ଫଳରେ ଘର ବିକ୍ରି ବଢିବ ।

ସୂଚନା ଅନୁସାରେ ମହାରାଷ୍ଟ୍ରର ରେଭିନ୍ୟୁ ଡିପାର୍ଟମେଣ୍ଟ ଷ୍ଟାମ୍ପ ଡ୍ୟୁଟିରେ ରିହାତି ୩ ମାସ ପାଇଁ ବଢାଇବାକୁ ପ୍ରସ୍ତାବ ଦେଇଛନ୍ତି । ଏହି ପ୍ରସ୍ତାବ ଉପରେ ଖୁବ୍ ଶୀଘ୍ର ମହାରାଷ୍ଟ୍ର ସରକାର ନିଜ ମୋହର ମାରିପାରନ୍ତି । ଏହି ପଦକ୍ଷେପରେ ମହାରାଷ୍ଟ୍ରର ରିୟଲ ଇଷ୍ଟେଟ ସେକ୍ଟରକୁ ଆଶ୍ୱସ୍ତି ମିଳିବା ସହିତ ଘର କିଣିବାକୁ ଚାହୁଁଥିବା ଲୋକମାନେ ମଧ୍ୟ ଶସ୍ତାରେ ଘର କିଣିପାରିବେ । ବିଲ୍ଡର୍ସଙ୍କ କହିବାନୁସାରେ ଏପର୍ଯ୍ୟନ୍ତ ଷ୍ଟାମ୍ପ ଡ୍ୟୁଟିରେ ରିହାତିର ଫାଇଦା ଘର କିଣୁଥିବା ଲୋକମାନେ ଉଠାଇଛନ୍ତି । ଫ୍ଲାଟ୍ସର ବିକ୍ରି ମଧ୍ୟ ବଢିଛି । ବିଲ୍ଡର୍ସଙ୍କ ତର୍କ ଏହା ଯେ ସରକାରଙ୍କୁ ଏହି ରିହାତିରେ ଆଗକୁ ବଢିବା ଉଚିତ୍ କାରଣ ରେକର୍ଡ ବିକ୍ରି ହେଉଛି ଏବଂ ରେଭିନ୍ୟୁକୁ ମଧ୍ୟ କ୍ଷତି ହେଉଛି ।

ଷ୍ଟାମ୍ପ ଡ୍ୟୁଟିର ଫାଇଦା ଲୋକମାନେ କେଉଁଭଳି ଉଠାଉଛନ୍ତି ଆପଣ ଏହି ଆକଳନ ଦେଖିଲେ ଜାଣିପାରିବେ । କେବଳ ମାର୍ଚ୍ଚରେ ଏପର୍ଯ୍ୟନ୍ତ ମୁମ୍ବାଇରେ ପ୍ରାୟ ୧୮୫୦୦ ରେଜିଷ୍ଟ୍ରେସନ ହୋଇଛି । ଡିସେମ୍ବରରେ MMRରେ ପ୍ରାୟ ୨୦,୦୦୦ ଘରର ରେଜିଷ୍ଟ୍ରେସନ ହୋଇଛି । ଷ୍ଟାମ୍ପ ଡ୍ୟୁଟିରେ ରିହାତିର ଅବଧି ସମୟରେ ସରକାରଙ୍କ ରେଭିନ୍ୟୁ ମଧ୍ୟ ବଢିଛି । ଜାନୁୟାରୀ ୨୦୨୦ରୁ ଅଗଷ୍ଟ ୨୦୨୦ ପର୍ଯ୍ୟନ୍ତ ରେଭିନ୍ୟୁ ୧୭୫୬ କୋଟି ଟଙ୍କା ଥିଲା ଯାହା କି ସେପ୍ଟେମ୍ବର ୨୦୨୦ରୁ ଏପର୍ଯ୍ୟନ୍ତ ୨୬୦୦ କୋଟି ଟଙ୍କା ହୋଇସାରିଛି ।

ସୂଚନା ଅନୁଯାୟୀ ୨୬ ଅଗଷ୍ଟରେ ମହାରାଷ୍ଟ୍ର କ୍ୟାବିନେଟର ବୈଠକରେ ଷ୍ଟାମ୍ପ ଡ୍ୟୁଟିକୁ ନେଇ ବଡ଼ ନିଷ୍ପତି ନିଆଯାଇଥିଲା । ବୈଠକରେ ଷ୍ଟାମ୍ପ ଡ୍ୟୁଟିକୁ ୫ ପ୍ରତିଶତରୁ ହ୍ରାସ କରି ୨-୩ ପ୍ରତିଶତ ରଖିବା ପାଇଁ ନିଷ୍ପତି ନିଆଯାଇଥିଲା । ଏହି ନିଷ୍ପତି ଅନୁସାରେ ୩୧ ଡିସେମ୍ବର ସୁଦ୍ଧା ରେଜିଷ୍ଟ୍ରେସନ କଲେ ଷ୍ଟାମ୍ପ ଡ୍ୟୁଟି ୨ ପ୍ରତିଶତ ଓ ୧ ଜାନୁୟାରୀରୁ ୩୧ ମାର୍ଚ୍ଚ ୨୦୨୧ ପର୍ଯ୍ୟନ୍ତ ଷ୍ଟାମ୍ପ ଡ୍ୟୁଟି ୩ ପ୍ରତିଶତ ହେବ । ବିଲ୍ଡର୍ସଙ୍କ କହିବାନୁସାରେ ଷ୍ଟାମ୍ପ ଡ୍ୟୁଟି ଜାରି ରହିବାରୁ ଇନଭେଣ୍ଟ୍ରି ବହୁତ କମ୍ ହୋଇଛି ।

୩ଶହ ଗାଁର ଅନିୟମିତତା ଦର୍ଶାଇ ସାଢ଼େ ଚାରିକୋଟି ଲୋକଙ୍କର ହକରେ ବାଧା ସୃଷ୍ଟି କରିଛି କେନ୍ଦ୍ର: ବିଜେଡି

ଭୁବନେଶ୍ୱର: ଗ୍ରାମୀଣ ଗୃହ ନିର୍ମାଣ ନେଇ କେନ୍ଦ୍ର ସରକାର ଏବଂ ବିଜେପି ସାଂସଦଙ୍କ ଉପରେ ବର୍ଷିଲା ବିଜେଡି । ବିଜେପି ସାଂସଦ ମାନେ ଷଡ଼ଯନ୍ତ୍ର କରି ଏକବର୍ଷ ହେବ ଏହି ଯୋଜନାକୁ ବନ୍ଦ କରିଛନ୍ତି । ୩ଶହ ଗାଁର ଅନିୟମିତତା ଦର୍ଶାଇ ସାଢ଼େ ଚାରିକୋଟି ଲୋକଙ୍କର ହକରେ ବାଧା ସୃଷ୍ଟି କରିଛନ୍ତି । ଏହି ଯୋଜନାରେ ୩୦ ହଜାର ଗାଁ ଲୋକ ଉପକୃତ ହେଉଥିଲେ । ପୂର୍ବରୁ ଏହି ଯୋଜନାରେ କେନ୍ଦ୍ର ୯୦ ପ୍ରତିଶତ ଏବଂ ରାଜ୍ୟ ସରକାର ୧୦ ପ୍ରତିଶତ ଦେଉଥିଲେ । ପରେ ଏହାକୁ କେନ୍ଦ୍ର ସରକାର ୬୦:୪୦ କଲେ । ଓଡ଼ିଶାବାସୀ ବର୍ତ୍ତମାନ ୫୦ ପ୍ରତିଶତ ସେୟାର ବହନ କରୁଛନ୍ତି । ତେଣୁ ଏହି ଯୋଜନାରେ ବିଜୁ ପକ୍କାଘରର ଲୋଗୋ ରହିଲେ କଣ ଅସୁବିଧା ବୋଲି ସାମ୍ବାଦିକ ସମ୍ମିଳନୀରେ ପ୍ରଶ୍ନ କରିଛନ୍ତି ବିଜେଡି ବିଧାୟକ ବ୍ୟୋମକେଶ ରାୟ ।

BJD Slams Centre And BJP Over PMAYS

୨୦୧୧, ୨୦୧୨, ୨୦୧୩, ୨୦୧୧୪ ମସିହାରେ ଗୁଜରାଟ ଏବଂ ମଧ୍ୟପ୍ରଦେଶର ତତ୍କାଳୀନ ସରକାର ଗ୍ରାମୀଣ ଆବାସ ଯୋଜନାରେ ମୁଖ୍ୟମନ୍ତ୍ରୀଙ୍କ ଫଟୋ ସହ ନିଜସ୍ୱ ଲୋଗୋ ବ୍ୟବହାର କରୁଥିଲେ। ତେବେ ଓଡ଼ିଶା ପ୍ରତି ଏତେ ବୈମାତୃକ ମନୋଭାବ କାହିଁକି ?

୨୦୨୦ରେ ବିଧାନସଭାରେ ବିଜେପି ବିଧାୟକ ଜୟନାରାୟଣ ମିଶ୍ରଙ୍କ ଦ୍ବାରା ଆସିଥିବା ଆଡଜନମେଣ୍ଟ ମୋସନରେ ବିସ୍ତୃତ ଭାବରେ ଆଲୋଚନା ହୋଇ ଉଭୟ ଯୋଜନାର ଲୋଗୋ ଲଗାଇବା ପାଇଁ ବିଭାଗୀୟ ମନ୍ତ୍ରୀ ଗୃହରେ କହିଥିଲେ । କିନ୍ତୁ ବିଜେପି ସାଂସଦ ମାନେ ରାଜନୀତିକ ଫାଇଦା ପାଇଁ ଓଡ଼ିଶାବାସୀଙ୍କ ସ୍ବାର୍ଥକୁ ପଛରେ ପକେଇ ଦେଇଛନ୍ତି । କେନ୍ଦ୍ର ସରକାର ଓଡିଶାବାସୀଙ୍କୁ ଧୋକା ଦେଇଛନ୍ତି ବୋଲି ବିଜେଡି କହିଛି ।

BJD Slams Centre And BJP Over PMAYS

ଓଡ଼ିଶା ଗତ ୫ବର୍ଷରେ ୧୫ଲକ୍ଷ ୭୩ହଜାର ଘର କରିଥିବା ବେଳେ କେନ୍ଦ୍ର ସରକାର ପ୍ରଶଂସା କରିଛନ୍ତି । କେନ୍ଦ୍ର ସରକାର ୧୪ଲକ୍ଷ ଗୃହ ନିର୍ମାଣ ପୂରଣ କରୁନାହାନ୍ତି କାହିଁକି ? ଓଡ଼ିଶା ପ୍ରତିବର୍ଷ ପ୍ରାକୃତିକ ବିର୍ପଯ୍ୟୟର ସମ୍ମୁଖୀନ ହେଉଛି । ଏଭଳି ସ୍ଥିତିରେ ସବୁ ଲୋକଙ୍କୁ ଗୃହ ଯୋଗାଇବା ଜରୁରୀ । ଗୃହ ନ ଯୋଗାଇ ବିଜେପି ସାଂସଦ ଦିଲ୍ଲୀରେ ରାଜନୀତି କରୁଛନ୍ତି । ରାଜ୍ୟ ସ୍ୱାର୍ଥକୁ ଚେକ୍ ଦେବା ପାଇଁ ଦିଲ୍ଲୀ ଦରବାର ଯାଇଛନ୍ତି । ଗୃହ ନିର୍ମାଣ ନେଇ ରାଜ୍ୟ ବିଜେପି କେନ୍ଦ୍ରରେ ସ୍ୱର ଉତ୍ତୋଳନ କରୁନି ।

ମକା ପୋଡ଼ିବା ବେଳେ ଜୀବନ୍ତ ଜଳିଗଲେ ୯ ଶିଶୁ

ପାଟନା: ବିହାରର ଅରାରିୟା ଓ ଭାଗଲପୁର ଜିଲ୍ଲାରେ ନିଆଁ ଲାଗି  ୯ ଜଣ ଶିଶୁଙ୍କର ମୃତ୍ୟୁ ହୋଇଛି। ଅରାରିୟାର ପଲାସୀ ବ୍ଲକରେ ମଙ୍ଗଳବାର ଏହି ଘଟଣା ଘଟିଛି। ମକା ପୋଡିବା ବେଳେ ନିଆଁ ଲାଗି ୬ ଜଣ ପିଲା ଜୀବନ୍ତ ଦଗ୍ଧ ହୋଇଯାଇଥିଲେ। ସେଭଳି ଭାଗଲପୁରୀରେ ମଧ୍ୟ ଏକ ଘରେ ନିଆଁ ଲାଗିଯିବା କାରଣରୁ ୩ ଜଣ ପିଲାଙ୍କର ମୃତ୍ୟୁ ହୋଇଯାଇଛି।

ଅରାରିୟା ଜିଲ୍ଲାର ପଲାସୀ ଥାନ୍ତ ଅନ୍ତର୍ଗତ କଭେୟା ଗାଁର ୬ ଜଣ ପିଲା ମକା ପୋଡୁଥିଲେ। ତେବେ ନିଆଁ ଝୁଲ ପାଖରେ ଥିବା ଏକ ପାଳରେ ତିଆରି କୁଡିଆରେ ପଡିବା କାରଣରୁ ସେଥିରେ ନିଆଁ ଲାଗିଯାଇଥିଲା। ପିଲାମାନେ ଭୟରେ ଆଉ ଏକ କୁଡିଆ ଘର ଭିତରେ ଲୁଚି ଯାଇଥିଲେ, ହେଲେ ନିଆଁ ସେହି  ଘର ଭିତରେ ଲାଗିଯାଇଥିବାରୁ ତାହା ଜଳି ଯାଇଥିଲା । ପିଲାମାନେ ମଧ୍ୟ ନିଆଁରେ ଜଳି ଯାଇଥିଲେ।

ସମସ୍ତଙ୍କ ପିଲାଙ୍କର ବୟସ ୫ ରୁ ୬ ବର୍ଷ ଭିତରେ ରହିଛି। ତାଙ୍କ ଭିତରେ ୨ ଜଣ ଝିଅ ଥିବା ବେଳେ ୪ ଜଣ ପୁଅ ରହିଛନ୍ତି। ସେହିଭଳି ଭାଗଲପୁରରେ ସୋମବାର ରାତିରେ ରୋଷେଇ କରିବା ପରେ ଏକେ ଘରେ ନିଆଁ ଲାଗି ଯାଇଥିଲା।  ଅଗ୍ନିକାଣ୍ଡରେ ୩ ଜଣ ପିଲାଙ୍କର ମୃତ୍ୟୁ ହୋଇଛି। ମୃତକଙ୍କ ବୟସ ୧ ରୁ ୩ ବର୍ଷ ଭିତରେ ରହିଛି।

ଆସୁଛି ଆଉ ୩ ରାଫେଲ୍, ଅମ୍ବାଲାରେ ସନ୍ଧ୍ୟା ସୁଦ୍ଧା କରିବ ଲାଣ୍ଡିଂ

ନୂଆଦିଲ୍ଲୀ: ପଡ଼ୋଶୀ ଦେଶଗୁଡ଼ିକ ସହ ସୀମା ବିବାଦ ଜାରି ରହିଥିବା ବେଳେ ସେନାକୁ ସଶକ୍ତ କରବାକୁ ଚେଷ୍ଟା ଚାଲିଛି। ପୂର୍ବରୁ ୧୧ଟି ଲଢୁଆ ଯୁଦ୍ଧ ବିମାନ ରାଫେଲ ବାୟୁସେନାରେ ସାମିଲ ହୋଇଛି। ଆଜି ଆଉ ୩ଟି ରାଫେଲ ବାୟୁସେନାରେ ସାମିଲ ହେବ। ଫ୍ରାନ୍ସରୁ ଆସୁଥିବା ଏହି ଫାଇଟର ଜେଟ୍ ଆକାଶ ମାର୍ଗରେ ହିଁ ରିଫ୍ୟୁଲିଂ କରାଯିବ। ୟୁଏଇ ଆକାଶରେ ଏୟାର ଟୁ ଏୟାର ମାଧ୍ୟମରେ ବିମାନରେ ଇନ୍ଧନ ଭରାଯିବ।

ଏହି ୩ ଫାଇଟର ଜେଟ ଆଣିବାକୁ ଭାରତୀୟ ବାୟୁସେନାର ଏକ ଟିମ୍ ପୂର୍ବରୁ ଫ୍ରାନ୍ସରେ ପହଞ୍ଚିଥିଲେ। ସକାଳ ୭ଟାରୁ ଏହି ବିମାନଗୁଡ଼ିକ ଭାରତ ଅଭିମୁଖେ ଯାତ୍ରା ଆରମ୍ଭ କରିଥିବା ବେଳେ ସନ୍ଧ୍ୟା ସୁଦ୍ଧା ଭାରତରେ ପହଞ୍ଚିବ । ସମସ୍ତ ବିମାନ ଅମ୍ବାଲା ଏୟାରବେସରେ ଲ୍ୟାଣ୍ଡ କରିବ। ଭାରତୀୟ ବାୟୁସେନାରେ ପୂର୍ବରୁ ୧୧ଟି ରାଫେଲ ଯୁଦ୍ଧ ବିମନା ସାମିଲ ହୋଇସାରିଛି। ଏବେ ଏହି ୩ ନୂଆ ରାଫେଲକୁ ମିଶାଇବା ପରେ ଏହି ସଂଖ୍ୟା ୧୪ରେ ପହଞ୍ଚିବ।

ସୂଚନାଯୋଗ୍ୟ,  ଭାରତ ସରକାର ଫ୍ରାନ୍ସରୁ ୩୬ ଟି ରାଫେଲ ଯୁଦ୍ଧ ବିମାନ ଆଣିବା ପାଇଁ ୫୮ ହଜାର କୋଟି ଟଙ୍କାର ଏକ ଚୁକ୍ତିନାମା କରିଛନ୍ତି । ୨୦୨୧ ସୁଦ୍ଧା ଏହି ସମସ୍ତ ଯୁଦ୍ଧ ବିମାନ ଭାରତୀୟ ବାୟୁସେନା ନିକଟରେ ପହଞ୍ଚିବ ବୋଲି ଆଶା କରାଯାଉଛି।

ଏହି  ଯୁଦ୍ଧ ବିମାନର ସବୁଠାରୁ ବଡ଼ ବିଶେଷତ୍ତ୍ୱ ହେଉଛି ଏହା ଶତୃଦେଶର ସୀମାରେ ପ୍ରବେଶ ନକରି ୬ ଶହ କିଲୋମିଟର ଦୂରରୁ ଲକ୍ଷଭେଦ କରିପାରିବ। ଏହି ଯୁଦ୍ଧ ବିମାନରେ ବିନା ଲ୍ୟାଣ୍ଡିଂରେ ଇନ୍ଧନ ଭରିବାର ଟେକ୍ନୋଲୋଜି ରହିଛି।

ଦୋଳ ଘଟ ଭସାଇବାକୁ ଯାଇ ବୁଡ଼ି ଗଲେ ୨ ଛାତ୍ର

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ଗୋବରଗାଡ଼ିଆ ଅଘଟଣ । ବ୍ରାହ୍ମଣୀ ନଦୀକୁ ଗାଧୋଇବାକୁ ଯାଇ ଦୁଇଜଣ ଛାତ୍ର ନିଖୋଜ ହୋଇଯାଇଛନ୍ତି । ନିଖୋଜ ଛାତ୍ର ହେଲେ ଯୁକ୍ତ ୩ରେ ପଢୁଥିବା ସୌମ୍ୟ ରଞ୍ଜନ ଦାସ ଓ ନବମ ଶ୍ରେଣୀର ସମ୍ମୃତି ରଞ୍ଜନ ଦାସ । ନିଜର ଅନ୍ୟ ଦୁଇ ବନ୍ଧୁଙ୍କ ସହ ଉଭୟ ଆଜି ପୂର୍ବାହ୍ନରେ ନଦୀକୁ ଗାଧୋଇବା ପାଇଁ ଯାଇଥିଲେ ।

Two Student Drowned In Brahmani Kendrapada

ଏହି ଦୁଇ ଜଣ ନିଜ ଅଜାଣତରେ ଗଭୀର ପାଣିକୁ ଚାଲି ଯାଇଥିଲେ । ସୌମ୍ୟ ରଞ୍ଜନ ଓ ସ୍ମୃତି ରଞ୍ଜନଙ୍କୁ ଗଭୀର ପାଣିରୁ ଉଦ୍ଧାର କରିବା ପାଇଁ ଚେଷ୍ଟା କରି ବିଫଳ ହୋଇଥିଲେ ତାଙ୍କର ଦୁଇ ବନ୍ଧୁ । ଖବର ପାଇ ଅଗ୍ନିଶମ ବିଭାଗ ପକ୍ଷରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ଉଭୟ ଦୋଳ ପୂର୍ଣ୍ଣିମା ଘଟ ବିସର୍ଜନ କରି ସାରି ଗାଧୋଇବା ପାଇଁ ପାଣି ଭିତରକୁ ଯାଇଥିବା ବେଳେ ଅଘଟଣ ଘଟିଥିବା ଜଣା ପଡ଼ିଛି ।

ଭାରତ ସହ ପୁଣି ବେପାର କରିବ ପାକିସ୍ତାନ, କିଣିବ କପା ଓ ଚିନି

ଇସଲାମାବାଦ: ଭାରତ ସହ ସମ୍ପର୍କ ସ୍ଥାପନ ପାଇଁ ବାଣିଜ୍ୟ ସମ୍ପର୍କ ପୁନଃ ଆରମ୍ଭ କରିବାକୁ ପାକିସ୍ତାନ ସରକାର ବୁଧବାର ଅନୁମୋଦନ କରିଛନ୍ତି । ଅର୍ଥନୈତିକ ବ୍ୟାପାର ଉପରେ ପାକିସ୍ତାନର କ୍ୟାବିନେଟ କମିଟି ଜୁନ୍ ୩୦, ୨୦୨୧ ସୁଦ୍ଧା ଭାରତରୁ କପା ଆମଦାନୀ କରିବାକୁ ଅନୁମୋଦନ ଦେଇଛି । ଚିନି ଆମଦାନୀ ପାଇଁ ଅନୁମୋଦନ ମଧ୍ୟ ଖୁବ ଶୀଘ୍ର ଆସିବ ବୋଲି ଆଶା କରାଯାଉଛି ।

ଅବଶ୍ୟ, ଭାରତର କୌଣସି ଅଧିକାରୀ ଏହାକୁ ନେଇ ପ୍ରତିକ୍ରିୟା ଦେଇନାହାନ୍ତି । ଜାମ୍ମୁ-କାଶ୍ମୀରରେ ଧାରା ୩୭୦ ରଦ୍ଦ କରି ରାଜ୍ୟକୁ ଦୁଇଟି ନୂତନ ୟୁନିଅନରେ ବିଭକ୍ତ କରିବା ପରେ ପାକିସ୍ତାନ ଅଗଷ୍ଟ ୨୦୧୯ରେ ଭାରତ ସହିତ ବାଣିଜ୍ୟିକ ସମ୍ପର୍କ ଭାଙ୍ଗିଥିଲା ।

ନରେନ୍ଦ୍ର ମୋଦିଙ୍କୁ ଚିଠି ଲେଖିଲେ ଇମରାନ ଖାନ

ଏହାରି ମଧ୍ୟରେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚିଠି ଲେଖିଛନ୍ତି । ଚିଠିରେ ଜମ୍ମୁ କାଶ୍ମୀର ପ୍ରସଙ୍ଗ ସହିତ ଦୁଇ ଦେଇ ମଧ୍ୟରେ ଲମ୍ବା ସମୟ ଧରି ଲାଗିରହିଥିବା ବିଭିନ୍ନ ପ୍ରସଙ୍ଗର ସମାଧାନ କରିବା ପାଇଁ ସାର୍ଥକ ଏବଂ ଅନୁକୂଳ ପରିସ୍ଥିତି ପ୍ରସ୍ତୁତ କରିବା ପାଇଁ କହିଛନ୍ତି । ଇମରାନ ଖାନ ଏହି ଚିଠି ପାକିସ୍ତାନ ଦିବସ ଅବସରରେ ପୂର୍ବ ସପ୍ତାହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ପଠାଯାଇଥିବା ଶୁଭେଚ୍ଛା ପତ୍ରରେ ଜବାବରେ ଲେଖିଥିଲେ ।