spot_img
Home Blog Page 5970

୭ ଦୁର୍ଦ୍ଦାନ୍ତ ଅପରାଧୀ ଗିରଫ, ୭ ବନ୍ଧୁକ ଓ ୬୫ ରାଉଣ୍ଡ ଗୁଳି ଜବତ

କଟକ: କମିଶନରେଟ୍ ପୋଲିସକୁ ବଡ଼ ସଫଳତା ମିଳିଛି । କଟକ ଚାଉଳିଆଗଞ୍ଜ କାଳିଆବୁଦା ଅଞ୍ଚଳରେ ଚଢ଼ାଉ କରି ୭ ଦୁର୍ଦ୍ଦାନ୍ତ ଅପରାଧୀଙ୍କୁ ଧରିବାରେ ସଫଳ ହୋଇଛି ପୋଲିସ । ଏଥିସହ ପୋଲିସ ୭ଟି ବନ୍ଧୁକ ଓ ୬୫ ରାଉଣ୍ଡ ଗୁଳି ଜବତ କରିଛି । ଧରା ପଡ଼ିଥିବା ଅପରାଧୀଙ୍କ ନାଁରେ ବିଭିନ୍ନ ଥାନାରେ ଅନେକ ମାମଲା ଥିବା କହିଛନ୍ତି ପୋଲିସ କମିଶନର । ଗିରଫ ୭ ଅଭିଯୁକ୍ତଙ୍କ ମଧ୍ୟରୁ ବିଜୟ ନାୟକ ଓ ଜଗା ଦାସର ବିଭିନ୍ନ ଅପରାଧିକ ଗ୍ୟାଙ୍ଗ ସହ ସମ୍ପୃକ୍ତି ଥିବା ନେଇ ଚର୍ଚ୍ଚା ହେଉଛି ।

Commissionerate Police Arrested 7 Accused And Seized Heavy Arms

କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର, ଖୋର୍ଦ୍ଧା, ଢେଙ୍କାନାଳ ଜିଲ୍ଲାର ଏସପିଙ୍କୁ ଏହି ଅପରାଧୀଙ୍କ ସମ୍ପର୍କରେ ଅଧିକ ତଥ୍ୟ ଦେବାକୁ ଏବଂ  ଖୋଳତାଡ଼ କରିବାକୁ କୁହାଯାଇଛି । ପୋଲିସ ଏସମ୍ପର୍କରେ ଅଧିକ ଅନୁସନ୍ଧାନ ଜାରି ରଖିଛି । ଆଗକୁ ଚୋରା ବନ୍ଧୁକ, ଗୁଳି ଚାଲାଣ ବ୍ୟବସାୟକୁ ରୋକିବାକୁ ଅଭିଯାନକୁ ଜୋରଦାର କରାଯିବ ବୋଲି କହିଛନ୍ତି ପୋଲିସ କମିଶନର ।

ପୂର୍ବତନ ପ୍ରଧାନମନ୍ତ୍ରୀ ଏଚ୍ ଡି ଦେବେଗୌଡ଼ା କରୋନା ସଂକ୍ରମିତ

ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ଏଚ୍ ଡି ଦେବେଗୌଡ଼ା କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଦେବେଗୌଡ଼ା ଓ ତାଙ୍କ ଧର୍ମପତ୍ନୀ କରୋନା ସଂକ୍ରମିତ ହୋଇଥିବା ନେଇ ଆଜି ଟ୍ୱିଟ୍ ଯୋଗେ ସୂଚନା ଦିଆଯାଇଛି। ଦେବେଗୌଡ଼ା ଓ ପତ୍ନୀ ଚେନ୍ନାମାଙ୍କ ସମେତ ପୂରା ପରିବାର ବର୍ତ୍ତମାନ ଆଇସୋଲେଶନରେ ରହିଛନ୍ତି।

ତେବେ ପଜିଟିଭ ଚିହ୍ନଟ ହେବାପରେ ଦେବେଗୌଡ଼ା ଗତ କିଛିଦିନ ମଧ୍ୟରେ ତାଙ୍କ ସହ ଏବଂ ତାଙ୍କ ପରିବା ସଦସ୍ୟଙ୍କ ସହ ସମ୍ପର୍କରେ ଆସିଥିବା ଲୋକମାନଙ୍କୁ ଆଇସୋଲେଶନରେ ରହିବା ପାଇଁ ଏବଂ କରୋନା ଟେଷ୍ଟ କରିବାକୁ ଅପିଲ କରିଛନ୍ତି।

ସୂଚନାଯୋଗ୍ୟ, ୧୯୯୬ ମସିହା ଜୁନ ୧ରୁ ୧୯୯୭ ମସିହା ଏପ୍ରିଲ ୨୧ ପର୍ଯ୍ୟନ୍ତ ଦେବେଗୌଡ଼ା ଭାରତର ପ୍ରଧାନମନ୍ତ୍ରୀ ରହିଥିଲେ। ପୂର୍ବରୁ ସେ କର୍ଣ୍ଣାଟକର ମୁଖ୍ୟମନ୍ତ୍ରୀ ମଧ୍ୟ ରହିସାରିଛନ୍ତି । ଏବେ ସେ କର୍ଣ୍ଣାଟକରୁ ରାଜ୍ୟସଭା ସାଂସଦ ଅଛନ୍ତି ।

‘ଡିସି’ ଜିଲ୍ଲା ଅଦାଲତର ବିଚାରପତି ଭାବେ ଭାରତୀୟ-ଆମେରିକୀୟ ରୁପା ରଙ୍ଗା ପୁଟ୍ଟାଗୁଣ୍ଟାଙ୍କୁ ମନୋନୀତ କଲେ ବାଇଡେନ୍‌

ଓ୍ଵାସିଂଟନ୍‌: ‘ଡିଷ୍ଟ୍ରିକ୍ଟ୍‌ ଅଫ୍‌ କଲମ୍ବିଆ’ର ଅଦାଲତରେ ସଙ୍ଘୀୟ ବିଚାରପତି ଭାବେ ଆମେରିକାର ରାଷ୍ଟ୍ରପତି ଜୋ ବାଇଡେନ୍‌ ଭାରତୀୟ-ଆମେରିକୀୟ ରୁପା ରଙ୍ଗା ପୁଟ୍ଟାଗୁଣ୍ଟାଙ୍କୁ ମନୋନୀତ କରିଛନ୍ତି। ଏହି ଶୀର୍ଷସ୍ତରୀୟ ବିଚାର ବିଭାଗୀୟ ପଦବୀ ନିମନ୍ତେ ଆଫ୍ରିକୀୟ-ଆମେରିକୀୟ ଏବଂ ମୁସ୍‌ଲିମ୍‌-ଆମେରିକୀୟଙ୍କ ସମେତ ୧୦ଜଣ ପ୍ରାର୍ଥୀ ଥିଲେ।

ହ୍ଵାଇଟ୍‌ ହାଉସ୍‌ କହିଛି, ଯଦି ଯୁକ୍ତରାଷ୍ଟ୍ର ଆମେରିକାର ସିନେଟ୍‌ ଏହି ମନୋନୟନକୁ ସୁନିଶ୍ଚିତ କରେ ତେବେ ରୁପା ରଙ୍ଗା ପୁଟ୍ଟାଗୁଣ୍ଟା ହେବେ ‘ଡିଷ୍ଟ୍ରିକ୍ଟ୍‌ ଅଫ୍‌ କଲମ୍ବିଆ’ ତଥା ଯୁକ୍ତରାଷ୍ଟ୍ର ଆମେରିକା ଜିଲ୍ଲା ଅଦାଲତରେ ବିଚାରପତି ପଦବୀ ମଣ୍ଡନ କରିଥିବା ପ୍ରଥମ ‘ଏସିଆନ୍‌-ଆମେରିକାନ୍‌ ଆଣ୍ଡ୍‌ ପାସିଫିକ୍‌ ଆଇଲାଣ୍ଡର୍‌’ (ଏଏପିଆଇ) ମହିଳା।

ସମ୍ପ୍ରତି ରୁପା ରଙ୍ଗା ପୁଟ୍ଟାଗୁଣ୍ଟା ‘ଡିଷ୍ଟ୍ରିକ୍ଟ୍‌ ଅଫ୍‌ କଲମ୍ବିଆ ରେଣ୍ଟାଲ୍‌ ହାଉସିଙ୍ଗ୍‌ କମିସନ୍‌’ରେ ଜଣେ ପ୍ରଶାସନିକ ବିଚାରପତି ଭାବେ କାର୍ଯ୍ୟ କରୁଛନ୍ତି। ୨୦୧୯ରେ ‘କମିସନ୍‌’ରେ ଯୋଗ ଦେବା ପୂର୍ବରୁ ବିଚାରପତି ପୁଟ୍ଟାଗୁଣ୍ଟା ୨୦୧୩ରୁ ୨୦୧୯ ପର୍ଯ୍ୟନ୍ତ ଜଣେ ଏକକ ‘ପ୍ରାକ୍ଟିସନର୍‌’ ଥିଲେ। ସେତେବେଳେ ସେ ଅପରାଧିକ ମାମଲାରେ ଆର୍ଥିକ ଅନଟନଗ୍ରସ୍ତ ଅଭିଯୁକ୍ତଙ୍କ ବିଚାର ଓ ଆବେଦନର ପ୍ରତିନିଧିତ୍ୱ କରୁଥିଲେ।

ଓକିଲାତି ଆରମ୍ଭ କରିବା ପୂର୍ବରୁ ୨୦୧୨ରୁ ୨୦୧୩ ପର୍ଯ୍ୟନ୍ତ ବିଚାରପତି ଗୁଟ୍ଟାଗୁଣ୍ଟା ‘ଏଲ୍‌ଏଲ୍‌ପି’ ଅଞ୍ଚଳର ‘ଡିନ୍‌ଲି ମ୍ୟାକ୍‌କିନ୍ନିରେ ‘ଫ୍ୟାମିଲି ଆଣ୍ଡ୍‌ ଅପିଲେଟିଭ୍‌ ଲ’ ପ୍ରାକ୍ଟିସ୍‌ କରୁଥିଲେ। ୨୦୦୭ରେ ବିଚାରପତି ପୁଟ୍ଟାଗୁଣ୍ଟା ‘ଓହିଓ ଷ୍ଟେଟ୍‌ ମୋରିଜ୍‌ କଲେଜ୍‌ ଅଫ୍‌ ଲ’ରୁ ‘ଜୁରିସ୍‌ ଡକ୍ଟର୍‌ ଡିଗ୍ରି’ ପାଇଥିଲେ।

ତାତିରୁ ନାହିଁ ଆଶ୍ୱସ୍ତି, ଆଉ ୨ ଦିନ ପ୍ରବଳ ଗ୍ରୀଷ୍ମ ପ୍ରବାହ

ଭୁବନେଶ୍ୱର: ରାଜ୍ୟରେ ଜାରି ରହିଛି ଗ୍ରୀଷ୍ମ ଲହରୀ । ବାରିପଦାରୁ ଭୁବନେଶ୍ୱର, ସୁନ୍ଦରଗଡ଼ରୁ ସୋନପୁର, କଳାହାଣ୍ଡିରୁ କଟକ ସବୁଠି ପାରଦ ଉପରମୁହାଁ । ଏଭଳି ଖରା ଆଉ ୨ ଦିନ ଲାଗି ରହିବ । ଏନେଇ ୨୧ଟି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଏହି ସମୟରେ ଖରା ଠାରୁ ଦୂରେଇ ରହିବାକୁ ପାଣିପାଗ ବିଭାଗ ସତର୍କତା ଜାରି କରିଛି ।

Heat wave to severe heat wave conditions most likely over the districts of Odisha.

ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର, କଟକ, ନୟାଗଡ଼, ଖୋର୍ଦ୍ଧା, ସୋନପୁର, ବୌଦ୍ଧ, କନ୍ଧମାଳ, ବଲାଙ୍ଗିର, କଳାହାଣ୍ଡି, ନୂଆପଡ଼ା ଆଦି ୨୧ ଜିଲ୍ଲାକୁ ପ୍ରବଳ ଖରା ନେଇ ସତର୍କ ସୂଚନା ଦିଆଯାଇଛି ।

୩ରୁ ୪ ତାରିଖ ଦୁଇଦିନ ଧରି କାଳବୈଶାଖୀ ବର୍ଷା ନେଇ ଆକଳନ କରିଛି ପାଣିପାଗ ବିଭାଗ । ୩ ତାରିଖ ଲାଗି ଗଞ୍ଜାମ, ପୁରୀ, ଖୋର୍ଦ୍ଧା, ନୟାଗଡ଼, ଜଗତସିଂହପୁର, କଟକ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି ହୋଇଛି । ବର୍ଷା ଘଡ଼ଘଡ଼ି ସହ ଘଣ୍ଟାପ୍ରତି ୩୦ରୁ ୪୦ କମି ବେଗରେ ପବନ ବହିପାରେ । ସେହିଭଳି ୪ ତାରିଖ ପାଇଁ ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, କୋରାପୁଟ, ରାୟଗଡ଼ା, କନ୍ଧମାଳ, ନୟାଗଡ଼, ଖୋର୍ଦ୍ଧା ଓ ଗଞ୍ଜାମକୁ ୟେଲୋ ୱାର୍ଣ୍ଣିଂ ଦିଆଯାଇଛି ।

Heat wave to severe heat wave conditions most likely over the districts of Odisha.

ଆଗାମୀ ୨୪ ଘଣ୍ଟା ଯାଏ ସମୁଦ୍ରକୁ ନଯିବା ଲାଗି ମତ୍ସ୍ୟଜୀବୀଙ୍କୁ କୁହାଯାଇଛି । ଗତ ୨୪ ଘଣ୍ଟାରେ ଓଡ଼ିଶାର ବାରିପଦା ସହର ୪୪.୬ ଡିଗ୍ରୀ ସହ ଦୁନିଆର ଉତ୍ତପ୍ତ ସହର ଭାବେ ଉଭା ହୋଇଥିଲା ।

ଯାତ୍ରୀଙ୍କୁ ଠେଲି ଦେବା ଅଭିଯୋଗକୁ ଖଣ୍ଡନ କଲା କ୍ରୁଟ୍: ଜାରି କଲା ସିସିଟିଭି ଫୁଟେଜ୍

ଭୁବନେଶ୍ୱର: ‘ମୋ ବସ’ରୁ ଯାତ୍ରୀଙ୍କୁ ଠେଲି ଦେବା ଘଟଣା । ଆସିଲା ଘଟଣାର ସିସିଟିଭି ଫୁଟେଜ । ବସ କର୍ମଚାରୀଙ୍କ ବିରୋଧରେ ଆସିଥିବା ଅଭିଯୋଗ ମିଥ୍ୟା ବୋଲି କ୍ରୁଟ୍ କହିଛି । ଏଥିସହ ଘଟଣା ନେଇ ଏକ ସିସିଟିଭି ଫୁଟେଜ ଜାରି କରିଛି କ୍ରୁଟ । ଆହତ ନିର୍ମଳେନ୍ଦୁ ପରିଡ଼ାଙ୍କୁ ବସ କର୍ମଚାରୀ ଚଳନ୍ତା ବସ୍‌ରୁ ଠେଲି ନାହାନ୍ତି ବରଂ ସେ ଓଲଟି ବସ କର୍ମଚାରୀଙ୍କ ସହ ଯୁକ୍ତିତର୍କ ଆରମ୍ଭ କରିଥିଲେ  । ବସ୍‌ର ଡୋର ପାଖରେ ଛିଡ଼ା ହୋଇଥିବା ବେଳେ, ସେ ହଠାତ୍ ବସରୁ ଖସି ପଡ଼ିଥିଲେ । ଗତକାଲି ହଂସପାଳ ନିକଟରେ ବସ୍‌ରୁ ପଡ଼ି ଆହତ ହୋଇଥିଲେ ବାଲିଅନ୍ତାର ନିର୍ମଳେନ୍ଦୁ ପରିଡ଼ା । ପରେ ଠେଲି ଦେଇଥିବା ଅଭିଯୋଗ ଆଣି ୧୬ ନମ୍ବର ବସ୍‌ ନାଁରେ ମଞ୍ଚେଶ୍ୱର ଥାନାରେ ଅଭିଯୋଗ ଆଣିଲେ ଆହତଙ୍କ ପୁଅ  ।

ଏଥିସହିତ ପଢ଼ନ୍ତୁ: ଏପ୍ରିଲ୍ ମାସରେ ୧୫ ଦିନ ବନ୍ଦ ରହିବ ବ୍ୟାଙ୍କ୍

ଏପ୍ରିଲ୍ ମାସରେ ୧୫ ଦିନ ବନ୍ଦ ରହିବ ବ୍ୟାଙ୍କ୍

ନୂଆଦିଲ୍ଲୀ: ଆସନ୍ତାକାଲିଠୁ ଆରମ୍ଭ ହେଉଛି ଏପ୍ରିଲ୍ ମାସ । ତେବେ ଯଦି ଏହି ମାସରେ ଆପଣଙ୍କର ବ୍ୟାଙ୍କରେ କିଛି କାମ ଅଛି। ତେବେ ଏହି ଖବର ଆପଣଙ୍କ ପାଇଁ। ଏପ୍ରିଲ୍ ମାସରେ ସମସ୍ତ ସରକାରୀ ଏବଂ ବେସରକାରୀ ବ୍ୟାଙ୍କଗୁଡିକ ୧୫ ଦିନ ପାଇଁ ବନ୍ଦ ରହିବ।  ତେଣୁ ଏହି ମାସର ଏହି  ତାରିଖଗୁଡିକ ନୋଟ କରି ରଖନ୍ତୁ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ୱେବସାଇଟରେ ଦିଆଯାଇଥିବା ବ୍ୟାଙ୍କ ଛୁଟି ସୂଚନା ଅନୁଯାୟୀ, ଏପ୍ରିଲ୍ ୧ରେ କ୍ଲୋଜିଂ ଅଫ ଆକାଉଣ୍ଟସ ପାଇଁ ବନ୍ଦ ରହିବ। ଏବଂ ୨ ତାରିଖ ଦିନ ‘ଗୁଡ୍ ଫ୍ରାଇଡେ’ ପାଇଁ ବନ୍ଦ ରହିବ ବ୍ୟାଙ୍କ। ତେବେ ଏହି ଦିନ ଅହମ୍ମଦାବାଦ, ଚଣ୍ଡିଗଡ, ଗୌହାଟୀ, ଜୟପୁର, ଶିମଲା ଏବଂ ଜାମ୍ମୁରେ ବ୍ୟାଙ୍କ ଖୋଲା ରହିବ।

ଏହା ବ୍ୟତୀତ ଏପ୍ରିଲ୍ ୪ ଓ ୫ରେ ମଧ୍ୟ ଲଗାତାର ୨ଦିନ ବନ୍ଦ ରହିବ ବ୍ୟାଙ୍କ। ଏପ୍ରିଲ୍ ୪ ରେ ରବିବାର ହେତୁ ବନ୍ଦ ରହିବ। ଏବଂ ୫ରେ  ଆରବିଆଇ ଅନୁଯାୟୀ, କେବଳ ହାଇଦ୍ରାବାଦରେ ବାବୁ ଜଗଜୀବନ ରାମ ଜୟନ୍ତୀ ଉପଲକ୍ଷେ ବ୍ୟାଙ୍କ ବନ୍ଦ ରହିବ । ଅନ୍ୟ ସମସ୍ତ ରାଜ୍ୟରେ ଏହିଦିନ ବ୍ୟାଙ୍କ ଖୋଲା ରହିବ। ତେବେ ଆସନ୍ତୁ ଏପ୍ରିଲ୍ ମାସର ସମସ୍ତ ଛୁଟିଦିନର ତାଲିକା ଉପରେ ନଜର ପକାଇବା।

ଛୁଟିଦିନ ତାଲିକା:

ଏପ୍ରିଲ୍ ୬: ରାଜ୍ୟସଭା ନିର୍ବାଚନ ହେତୁ ଚେନ୍ନାଇ ଏବଂ ଗୌହାଟୀରେ ବ୍ୟାଙ୍କଗୁଡ଼ିକ ବନ୍ଦ ରହିବ।

ଏପ୍ରିଲ୍ ୧୦: ମାସର ଦ୍ୱିତୀୟ ଶନିବାର

ଏପ୍ରିଲ୍ ୧୧: ରବିବାର

ଏପ୍ରିଲ୍ ୧୩: ଗୁଡ଼ି ପଡ଼ୱା, ବୈସାଖୀ, ପ୍ରଥମ ନବବ୍ରତ

ଏପ୍ରିଲ୍ ୧୪: ଆମ୍ବେଦକର ଜୟନ୍ତୀ, ପଣା ସଙ୍କରାନ୍ତି

ଏପ୍ରିଲ୍ ୧୫: ହିମାଚଳ ଦିବସ

ଏପ୍ରିଲ୍ ୧୬: ବୋହାଗ ବିହୁ

ଏପ୍ରିଲ୍ ୧୮: ରବିବାର

ଏପ୍ରିଲ୍ ୨୧: ଶ୍ରୀ ରାମ ନବମୀ

ଏପ୍ରିଲ୍ ୨୪: ମାସର ଚତୁର୍ଥ ଶନିବାର

ଏପ୍ରିଲ୍ ୨୫: ରବିବାର

 

ଭାବିଚିନ୍ତି କରନ୍ତୁ Android Smartphone ଅପଡେଟ୍, ଫୋନ ହୋଇପାରେ ହ୍ୟାକ୍

ନୂଆଦିଲ୍ଲୀ: Android Users ପାଇଁ ପୁଣି ଥରେ ମାଲୱେୟାର ଆଟାକର ସଙ୍କଟ ବଢୁଛି । ଫେକ ସିଷ୍ଟମ ଅପଡେଟ ଜରିଆରେ Android Users ଙ୍କୁ ଫସାଇବାକୁ ଷଡ଼ଯନ୍ତ୍ର କରାଯାଉଛି ।  ସିଷ୍ଟମ ଅପଡେଟ ବୋଲି ଭାବି Android Users ମାନେ ମାଲୱେୟାରକୁ ନିଜ ଡିଭାଇସରେ ଡାଉନଲୋଡ କରିନିଅନ୍ତି । ଏହାପରେ ମାଲୱେୟାରକୁ ୟୁଜର୍ସଙ୍କର ଅନେକ ଡାଟା ଆକସେସ କରିବାକୁ ମିଳିଯାଏ । ଏହି ଡାଟାରେ ହ୍ୱାଟସଆପ ଏବଂ ଟେଲିଗ୍ରାମର କଣ୍ଟେଣ୍ଟ ମଧ୍ୟ ସାମିଲ ରହିଛି । ଏହା ବ୍ୟତୀତ ଆପଣଙ୍କ ବ୍ରାଉଜରର ବୁକମାର୍କ ଏବଂ ଗ୍ୟାଲେରୀର ଇମେଜ ଇତ୍ୟାଦି ମଧ୍ୟ ମାଲୱେୟାର ପର୍ଯ୍ୟନ୍ତ ପହଞ୍ଚି ଯାଇଥାଏ ।

ସିକ୍ୟୁରିଟି ରିସର୍ଚ୍ଚ ଫର୍ମ Zimperium ର ସୂଚନା ମୁତାବକ Android Usersଙ୍କୁ ଏହି ମାଲୱେୟାରକୁ ଇନଷ୍ଟଲ କରିବା ପାଇଁ ସିଷ୍ଟମ ନୋଟିଭିକେସନ ମିଳିଥାଏ । ଏହି ସିଷ୍ଟମ ନୋଟିଭିକେସନ ପ୍ରକୃତ ମେସଜ ଭଳି ଦୃଶ୍ୟମାନ ହୋଇଥାଏ । ଏହି କାରଣରୁ ୟୁଜର୍ସ ଠକାମିର ଶିକାର ହୋଇଥାଆନ୍ତି ।  ଏହାକୁ ଇନଷ୍ଟଲ କରିବା ମାତ୍ରେ ୟୁଜସଙ୍କ ଡିଭାଇଜରେ ମାଲୱେୟାର ଇନଷ୍ଟଲ ହୋଇଯାଇଥାଏ ।

ଏହି ମାଲୱେୟାରକୁ ଖୁବ ଆଡଭାନ୍ସ ପ୍ରକ୍ରିୟାରେ ପ୍ରସ୍ତୁତ କରାଯାଇଛି । ଏହି କାରଣରୁ ଆପଣଙ୍କ ଡିଭାଇସକୁ କୌଣସି ସୂଚନା ଆସିବା ମାତ୍ରେ ଏହା ରିୟଲ ଟାଇମରେ ସୂଚନା ସଂଗ୍ରହ କରି ନିଜ ମଦରଶିପକୁ ପଠାଇଥାଏ । ଏହି ମାଲୱେୟାର କାରଣରୁ କେତେ ଡିଭାଇସ ଉପରେ ପ୍ରଭାବ ପଡ଼ିଛି ତା ରିପୋର୍ଟ ଆଜି ଯାଏ ସାମ୍ନାକୁ ଆସିନାହିଁ ।

ଆପଣମାନେ ଜାଣିଥିବେ ଯେ ସିଷ୍ଟମ ଅପଡେଟ ଗୁଗୁଲ ପ୍ଲେ ଷ୍ଟୋରରେ ଉପଲବ୍ଧ ନଥାଏ । ଏହାକୁ ଇନଷ୍ଟଲ କରିବା ପାଇଁ ମଧ୍ୟ ୟୁଜର୍ସଙ୍କୁ ଏହାଉପରେ ମାନୁଆଲ କ୍ଲିକ କରିବାକୁ ପଡ଼ିବ । ଟେକନୋଲୋଜି ଉପର କମ୍ ଜ୍ଞାନ ରଖୁଥିବା ବ୍ୟକ୍ତିମାନେ ଏହି ଠକାମିକୁ ସହଜରେ ଜାଣିପାରିବେ ନାହିଁ । ଅନ୍ୟପଟେ ଏହିସବୁ ବିଷୟରେ ଜାଣିଥିବା ୟୁଜର୍ସ ମାନେ ପୂର୍ବରୁ ସତର୍କ ରହିପାରିବେ । Android ରେ System Default ରେ ଅଜଣା ଆପ୍ ଗୁଡ଼ିକର ଅନଷ୍ଟଲେସନ ଅଫ୍ ହୋଇଥାଏ । ଯଦି ଆପଣ ଏହାକୁ ଅଫ୍ କରିଛନ୍ତି ତେବେ ଏହି ମାଲୱେୟର ଆପଣଙ୍କ ଡିଭାଇଜରେ କୌଣସି କ୍ଷତି କରିପାରିବ ନାହିଁ ।

ତେବେ ଏଭଳି ସ୍ଥଳେ ୟୁଜର୍ସ ମାନଙ୍କୁ ପରାମର୍ଶ ରହିବ ଯେ, ଆପ ଗୁଡ଼ିକ ସର୍ବଦା ଗୁଗୁଲ ପ୍ଲେ ଷ୍ଟୋରରୁ ହିଁ ଡାଉନଲୋଡ କରନ୍ତୁ । ଯଦି କୌଣସି ଥାର୍ଡ ପାର୍ଟି ଆପ୍ କୌଣସି ଆପକୁ ଇନଷ୍ଟଲ କରିବା ପାଇଁ ଅନୁମତି ମାଗେ ତେବେ ଏହାକୁ ଜମାବି ପରମିଶନ ଦିଅନ୍ତୁ ନାହିଁ ।

ଉପ-ରାଷ୍ଟ୍ରପତିଙ୍କ ଗସ୍ତ ପୂର୍ବରୁ ଟେଷ୍ଟିଂ ଜୋରଦାର : ଉତ୍କଳ ୟୁନିଭରସିଟିରେ କେହି ବି ନୁହଁନ୍ତି କରୋନା ସଂକ୍ରମିତ

ଭୁବନେଶ୍ୱର: ଉପରାଷ୍ଟ୍ରପତିଙ୍କ ଗସ୍ତ ପୂର୍ବରୁ ଉତ୍କଳ ବିଶ୍ବବିଦ୍ୟାଳୟରେ କରାଯାଇଛି କରୋନା ଟେଷ୍ଟ  । ଉତ୍କଳ ବିଶ୍ୱବିଦ୍ୟାଳୟରେ କେହି ବି କରୋନା ସଂକ୍ରମିତ ହୋଇନାହାନ୍ତି  ।  ଆଜି ଉତ୍କଳ ବିଶ୍ୱବିଦ୍ୟାଳୟରେ ଆଣ୍ଟିଜେନ୍ ଟେଷ୍ଟ କରାଯାଇଛି । ଆସନ୍ତାକାଲି ଆରଟିପିସିଆର ଟେଷ୍ଟ କରାଯିବ । ବିଶ୍ବବିଦ୍ୟାଳୟ ତରଫରୁ ୪୦୦ଜଣଙ୍କର ଟେଷ୍ଚ ପାଇଁ ତାଲିକା ହୋଇଛି । ଏହା ସହ ପୋଲିସ ଷ୍ଟାଫ୍ ଏବଂ ଅନ୍ୟ ଷ୍ଟାଫ୍ ମାନଙ୍କର ମଧ୍ୟ ଟେଷ୍ଟିଂ କରାଯିବ । ଅନ୍ୟପଟେ କାଲିଠୁ ମ୍ୟାସିଭ ଭ୍ୟାକ୍ସିନେସନ୍ ଆରମ୍ଭ ହେବାକୁ ଯାଉଛି। ତିନୋଟି ଜୋନରେ ଜେଡିସି ମାନେ ତାଲିକା ପ୍ରସ୍ତୁତ କରି ଆମକୁ  ଦେଇଛନ୍ତି । ୬ଟି ବିଭାଗରେ କାର୍ଯ୍ୟରତ ଲୋକଙ୍କୁ ଏଥର ଗୁରୁତ୍ବ ଦିଆଯାଇଛି  । ପାଖାପାଖି ୨୦ ହଜାରରୁ ଅଧିକ ଲୋକଙ୍କ ଲିଷ୍ଟ ଆମେ ପ୍ରସ୍ତୁତ କରିଛି ବିଏମସି । ଏଣିକି ସମସ୍ତ ସରକାରୀ ହସ୍ପିଟାଲରେ ଦିନକୁ ୨୦୦ ଲୋକଙ୍କୁ ଭ୍ୟାକ୍ସିନ ପାଇଁ ଟାର୍ଗେଟ ଦିଆଯାଇଛି । ପ୍ରତି ହସ୍ପିଟାଲରେ ୨ଟା ଭ୍ୟାକ୍ସିନେଟର ଟିମ୍ କାର୍ଯ୍ୟ କରୁଛି । ପୂର୍ବରୁ ଗୋଟିଏ ଟିମ୍ ୧୦୦ ଲୋକଙ୍କର ଭ୍ୟାକ୍ସିନେସନ୍ କରୁଥିଲେ । ସେହିପରି ପ୍ରାଇଭେଟ୍ ହସ୍ପିଟାଲମାନଙ୍କରେ  ମୋବିଲାଇଜେସନ୍  ୩୦ ପ୍ରତିଶତରୁ ୫୦ପ୍ରତିଶତକୁ ବଢାଇ ଦିଆଯାଇଛି। ରାଜ୍ୟ ସରକାର ବିଏମସିକୁ ୬ ହଜାରର  ଟାର୍ଗେଟ ଦେଇଛନ୍ତି । କାଲିଠାରୁ ଭୁବନେଶ୍ବରର ୨୪ଟି ସରକାରୀ ଏବଂ ୩୧ ପ୍ରାଇଭେଟ୍ ହସ୍ପିଟାଲରେ ଟୀକାକରଣ କରାଯିବ । କଣ୍ଟେନମେଣ୍ଟ ଜୋନ୍ କରିବା ପାଇଁ ବିଏମସି ପାଖରେ କ୍ଷମତା ରହିଛି । ବର୍ତ୍ତମାନ ପର୍ଯ୍ୟନ୍ତ ଭୁବନେଶ୍ୱରରେ ସେଭଳି କୌଣସି ସ୍ଥାନରେ କଣ୍ଟେନମେଣ୍ଟ କରିବା ପରିସ୍ଥିତି ଉପୁଜିନି । ଯେଉଁ ସବୁ ସ୍ଥାନରେ ଉପୁଜିଛି ସେ ଅନୁଷ୍ଠାନକୁ ସିଲ୍ କରାଯାଇଛି । ଯଦି ସେଭଳି ପରିସ୍ଥିତି ଆସେ ତେବେ ଲୋକଙ୍କ ସୁରକ୍ଷା ପାଇଁ ଏରିଆ କଣ୍ଚେନମେଣ୍ଟ ନିଷ୍ପତ୍ତି ନିଆଯିବ ବୋଲି ବିଏମସି କମିଶନର କହିଛନ୍ତି  ।

କୁଲଡ଼ିହା ସଂରକ୍ଷିତ ଜଙ୍ଗଲର ୧୦ରୁ ଅଧିକ ଜାଗାରେ ଲାଗିଛି ନିଆଁ

ନୀଳଗିରି: କୁଲଡିହା ସଂରକ୍ଷିତ ଜଙ୍ଗଲ ବିଷ୍ଣୁପୂର୍ ପାହାଡ଼ରେ ୧୦ରୁ ଅଧିକ ଜାଗାରେ ଲାଗିଛି ନିଆଁ । ଗୋଟେ ପାହାଡ଼ରୁ ଆଉ ଗୋଟେ ପାହାଡ଼କୁ ନିଆଁ ବ୍ୟାପିବାରେ ଲାଗିଛି। ପାହାଡ଼ରେ ଥିବା ମୂଲ୍ୟବାନ ଗଛପତ୍ର ଜଳି ପୋଡ଼ି ପାଉଁଶ। ନିଆଁକୁ ଆୟତ କରିବା ପାଇଁ ବନ ବିଭାଗ ଏବଂ ସବୁଜ ବାହିନୀର ପ୍ରୟାସ। କିନ୍ତୁ ଅଣାୟତ୍ତ ଅଵସ୍ଥାରେ ଲାଗିଥିବା ନିଆଁ। ବାରମ୍ବାର ବନବିଭାଗ ମାଇକ ଦ୍ଵାରା ପ୍ରଚାର ପ୍ରସାର କରିବା ସହ ପାହାଡ଼ ଅଞ୍ଚଳରେ ଥିବା ବସ୍ତି ବାସିନ୍ଦାମାନଙ୍କୁ  ସଚେତନ କରିବା ସତ୍ତ୍ୱେ ଦୁର୍ବୃତ୍ତ ମାନେ ଜଙ୍ଗଲରେ ନିଆଁ ଲଗାଉଛନ୍ତି । ଆଜି ସନ୍ଧ୍ୟାରେ କେହି ଦୁର୍ବୃତ୍ତ ବିଷ୍ଣୁପୂର ପାହାଡ଼ରେ ନିଆଁ  ଲଗାଇଛନ୍ତି। ଶିକାର କରିବା ଆଶାରେ ଜଙ୍ଗଲରେ ନିଆଁ ଲଗାଇଥିବା ଅନୁମାନ କରାଯାଉଛି। ନିଆଁ ଲାଗିବା ହେତୁ ଲକ୍ଷଲକ୍ଷ ମୂଲ୍ୟବାନ ଗଛ ଜଳିପୋଡ଼ି ନଷ୍ଟ । ତେବେ ବାରମ୍ବାର ଦୁର୍ବୃତ୍ତମାନେ ଜଙ୍ଗଲରେ ନିଆଁ ଲଗାଇବା ହେତୁ ଗାଁ ମୁହାଁ ଏବଂ ସହର ମୁହାଁ ହେଉଛନ୍ତି ଜଙ୍ଗଲରେ ଥିବା ବନ୍ୟଜନ୍ତୁ  ।

ଏଥିସହିତ ପଢ଼ନ୍ତୁ: ୩ ଶହ ଟପିଲା ଦୈନିକ ମୃତ୍ୟୁ ସଂଖ୍ୟା, ୫୩ ହଜାରରୁ ଅଧିକ ସଂକ୍ରମିତ ଚିହ୍ନଟ

ପିପିଲି ଉପ ନିର୍ବାଚନ ପରିଚାଳନା ପାଇଁ ୪ ପୁରୁଖା ନେତାଙ୍କୁ ନିଯୁକ୍ତ କଲା ବିଜେଡି

ପିପିଲି: ପାଖଉଛି ପିପିଲି ଉପନିର୍ବାଚନ ତାରିଖ। ପ୍ରାର୍ଥୀ ସେମାନଙ୍କ ପ୍ରଚାର ଆରମ୍ଭ କଲେଣି । ଏହାରି ଭିତରେ ପିପିଲି ଉପନିର୍ବାଚନ ନେଇ ରଣନୀତି ପ୍ରସ୍ତୁତ କରିଛି ବିଜୁ ଜନତା ଦଳ । ନିର୍ବାଚନ ପରିଚାଳନା ନେଇ ଦଳର ୪ ପୁରୁଖା ନେତାଙ୍କୁ ଦିଆଯାଇଛି ଦାୟିତ୍ୱ।  ଦେବୀ ମିଶ୍ର, ମହେଶ୍ୱର ମହାନ୍ତି, ସଞ୍ଜୟ ଦାସବର୍ମା ଓ ପ୍ରତାପ ଦେବଙ୍କୁ ଦାୟିତ୍ୱ ମିଳିଛି। ୪ ନେତାଙ୍କୁ ଏହି ପରିଚାଳନା ଦାୟିତ୍ୱ ଦେଇଛନ୍ତି ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏ ନେଇ ବିଜେଡି ସାଧାରଣ ସମ୍ପାଦକ (ଗଣମାଧ୍ୟମ ବ୍ୟାପାର) ମାନସ ମଙ୍ଗରାଜଙ୍କ ସୂଚନା ଦେଇଛନ୍ତି।

ଅନ୍ୟପଟେ ପ୍ରଚାର ମୈଦାନରେ ଜୁନିଅର ମହାରଥୀ । ବାପାଙ୍କ ପରି ସମାନ କଥା ‘ଆଗ ମାଟି ପରେ ପାର୍ଟି’ । ଗତକାଲି ନାମାଙ୍କନ ପତ୍ର ଦାଖଲ କରିବା ପରେ ଆଜି ନିର୍ଵାଚନ ମଇଦାନକୁ ଓହ୍ଲାଇଛନ୍ତି ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ । ପିପିଲି ତେଇଶିପୁର ପଞ୍ଚାୟତରୁ ରୁଦ୍ର ତାଙ୍କ ସମର୍ଥକ ମାନଙ୍କ ସହିତ ଭୋଟରମାନଙ୍କ ଦୁଆର ଦୁଆର ବୁଲି ଭୋଟ ଭିକ୍ଷା କରିଥିଲେ । ତାଙ୍କ ବାପାଙ୍କୁ ପିପିଲିବାସୀଙ୍କ ଯେପରି ଭଲ ପାଇବା ଥିଲା ସେହିପରି ପିପିଲିବାସୀ ତାଙ୍କୁ ବହୁମତ ଦେଇ ନିର୍ଵାଚନ ଜିତାଇବେ ବୋଲି ଆଶାବାଦୀ ରୁଦ୍ର ପ୍ରତାପ।