spot_img
Home Blog Page 5962

ଛତିଶଗଡରେ ୯ ଦିନିଆ ଲକଡାଉନ୍

ରାୟପୁର: କ୍ରମାଗତ ଭାବେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ଛତିଶଗଡ଼ରେ ସଂପୂର୍ଣ୍ଣ ଲକଡାଉନ୍ ଘୋଷଣା କରିଛନ୍ତି ସରକାର । ଦୁର୍ଗରେ ଏପ୍ରିଲ ୬ରୁ ୧୬ଯାଏଁ ସଂପୂର୍ଣ୍ଣ ଲକଡାଉନ୍ ଘୋଷଣା ହୋଇଛି। ଏପ୍ରିଲ୍ ୬ରୁ ୧୪ ତାରିଖ ଯାଏଁ ଦୁର୍ଗ ଅଞ୍ଚଳରେ ସମ୍ପୂର୍ଣ୍ଣ ଲକଡାଉନ୍ ଲାଗୁ ହେଉଥିବା ନେଇ କହିଛନ୍ତି ଦୁର୍ଗ ଜିଲ୍ଲାପାଳ ସର୍ବେଶ୍ୱର ଭୁରେ ।

ତେବେ ଏହି ସମୟ ମଧ୍ୟରେ କାହାକୁ ଅନୁମତି ଓ କାହା ଉପରେ କଟକଣା ଲାଗିବ ସେନେଇ କୗେଣସି ସ୍ପଷ୍ଟ ସୂଚନା ଦିଆଯାଇନାହିଁ ।

ସେହିପରି ମହାରାଷ୍ଟ୍ର ପୁନେରେ ପୁନେରେ ସନ୍ଧ୍ୟା ୬ଟାରୁ ସକାଳ ୬ଟା ଯାଏଁ ନାଇଟ୍ କର୍ଫ୍ୟୁ। ଏପ୍ରିଲ ୧୧ ତାରିଖ ଯାଏଁ ବନ୍ଦ ରଖିବାକୁ ରାଜ୍ୟ ସରକାରଙ୍କ ଘୋଷଣା। ସବୁ ମଲ୍, ହୋଟେଲ ଓ ଧାର୍ମିକସ୍ଥଳ ୭ଦିନ ପାଇଁ ବନ୍ଦ ରହିବ।  କରୋନା ଯୋଗୁଁ ଉତ୍ତରପ୍ରଦେଶରେ ଅଷ୍ଟମ ଶ୍ରେଣୀ ଯାଏଁ ସ୍କୁଲ ବନ୍ଦ ରହିବ।

କରୋନା ଦ୍ବିତୀୟ ଲହରରେ ସାରାଦେଶ ଆକ୍ରାନ୍ତ ହୋଇଥିବା ବେଳେ ସବୁଠୁ ଅଧିକ ପ୍ରଭାବିତ ହୋଇଛି ମହାରାଷ୍ଟ୍ର। ରାଜ୍ୟର ୮ ଜିଲ୍ଲାରେ ଅଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ଗତ ୨୪ ଘଣ୍ଟାରେ ମହାରାଷ୍ଟ୍ରରେ ୪୩ ହଜାରରୁ ଅଧିକ ମାମଲା ସାମନାକୁ ଆସିଛି। ଏହାକୁ ଦୃଷ୍ଟିରେ ରଖି ଆଜିଠାରୁ କିଛି ନୂଆ କଟକଣା ଲାଗୁ କରିବାକୁ ବିଏମସି ମେୟର କିଶୋରୀ ପେଡନେକର ସଙ୍କେତ ଦେଇଛନ୍ତି ।

ଭୁବନେଶ୍ୱରସ୍ଥିତ ପୋଲିସ ଭବନରେ କୋଭିଡ୍‌ ଯୋଦ୍ଧା ପରିବାର ବର୍ଗଙ୍କୁ ସମ୍ବର୍ଦ୍ଧନା

ଭୁବନେଶ୍ୱର: ଭୁବନେଶ୍ୱରସ୍ଥିତ ପୋଲିସ ଭବନରେ କୋଭିଡ୍‌ ଯୋଦ୍ଧା ପରିବାର ବର୍ଗଙ୍କୁ ସମ୍ବର୍ଦ୍ଧନା ଦିଆଯାଇଛି । କୋଭିଡ ଯୋଦ୍ଧାଙ୍କ ପରିବାର ବର୍ଗଙ୍କୁ ପୋଲିସ ମହାନିର୍ଦ୍ଦେଶକ ବା ଡିଜିପି ଡିସ୍କ ପ୍ରଦାନ କରାଯାଇଛି । ପୋଲିସ ମହାନିର୍ଦ୍ଦେଶକ ଅଭୟ କୁମାର ୮୩ଜଣଙ୍କୁ ସମ୍ବର୍ଦ୍ଧିତ କରିଛନ୍ତି । କୋଭିଡ ବିରୋଧରେ ଲଢ଼େଇ କରି ପ୍ରାଣହରାଇଥିବା ୧୫ ଜଣ କୋଭିଡ ଯୋଦ୍ଧା, ୨ ଜଣ ସହିଦ ଏସ୍‌ଓଜି ଯବାନ ଓ ୬୬ ଜଣ ବିଭିନ୍ନ ବିଭାଗର ପୋଲିସ ଅଧିକାରୀ ଓ କର୍ମଚାରୀଙ୍କୁ ଡିଜିପି ଡିସ୍କ ପ୍ରଦାନ କରାଯାଇଛି । ସେହିପରି ୨ଜଣ ଆଇଜି ପାହ୍ୟାର ଅଧିକାରୀ, ୧୨ ଜଣ ଡିଏସ୍‌ପି, ୧୫ ଇନସ୍‌ପେକ୍ଟର ୪ ଜଣ ଏସଆଇ, ୮ ଜଣ ହାବିଲଦାର, ୧୭ ଜଣ ଏସ୍‌ଓଜି କମାଣ୍ଡୋ, ୬ଜଣ କନେଷ୍ଟବଳ ଏବଂ ଜଣେ ସିପାହୀଙ୍କୁ ସମ୍ବର୍ଦ୍ଧନା ଦିଆଯାଇଥିଲା ।

ଏବେ ୩ଥର ଦିଆଯିବ କରୋନା ଟିକା, କୋଭାକ୍ସିନର ‘ବୁଷ୍ଟର ଡୋଜ’କୁ ଅନୁମତି

ନୂଆଦିଲ୍ଲୀ:  ଦେଶରେ କରୋନା ସଂକ୍ରମଣ ଧିରେଧିରେ ପୁଣି ବଢୁଥିବା ବେଳେ କୋଭିଡ଼ ଟିକାର ତୃତୀୟ ଡୋଜର ପ୍ରସ୍ତୁତି ଜାରି ରହିଛି । ଯାହାକୁ ବୁଷ୍ଟର ଡୋଜ କୁହାଯାଉଛି । ଭାରତ ବାୟୋଟେକର କରୋନା ଟିକା କୋଭାକ୍ସିନର ୩ୟ ଡୋଜକୁ ଅନୁମତି ଦେଇଛନ୍ତି ଏକ ଏକ୍ସପର୍ଟ ପାନେଲ୍ । ଖାସ କରି ଦ୍ୱିତୀୟ ଡୋଜ୍ ନେବାର ୬ ମାସ ପରେ ତୃତୀୟ ବୁଷ୍ଟର ଡୋଜ ପ୍ରଦାନ କରାଯିବ ।

Bharat Biotech To Pay Compensation If Covaxin Causes Side Effects

ଏକ୍ସପର୍ଟ ପାନେଲର ସୂଚନା ଅନୁଯାୟୀ  ଭାରତ ବାୟୋଟେକ କୋଭାକ୍ସିନର ୩ୟ ଡୋଜକୁ ସେହି ଭଲ୍ୟୁଣ୍ଟର ମାନଙ୍କୁ ଦେଉ ଯେଉଁମାନେ ଏହାର କ୍ଲିନିକାଲ୍ ଟ୍ରାଏଲର ଅଂଶବିଶେଷ ରହିଥିଲେ । ତେବେ ଭାରତ ବାୟୋଟେକ୍ ସରକାରଙ୍କ ନିକଟରେ ପ୍ରସ୍ତାବ ରଖିଥିଲେ ଯେ ତୃତୀୟ ଡୋଜ ନେବା ପରେ ଲୋକଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି ବହୁ ବର୍ଷ ପାଇଁ ବଢିଯିବ । ଯାହା ପରେ ଏକ୍ସପର୍ଟ ପାନେଲ୍ ବୁଷ୍ଟର ଡୋଜକୁ ଅନୁମତି ଦେଇଛି ।

ଭାରତ ବାୟୋଟେକର ପ୍ରସ୍ତାବ ଉପରେ ସବଜେକ୍ଟ ଏକ୍ସପର୍ଟ କମିଟି (ଏସଇସି) କହିଛନ୍ତି ଯେ ଦ୍ୱିତୀୟ ପର୍ଯ୍ୟାୟ କ୍ଲିନିକାଲ୍ ଟ୍ରାଏଲରେ ଅଂଶଗ୍ରହଣ କରିଥିବା ଭଲ୍ୟୁଣ୍ଟରଙ୍କ ଉପରେ ବୁଷ୍ଟର ଡୋଜ ପରୀକ୍ଷା କରାଯାଉ । ଏମାନଙ୍କୁ କୋଭାକ୍ସିନର ୬ ମାଇକ୍ରୋଗ୍ରାମ ର ଦୁଇଟି ଡୋଜ୍ ମିଳିସାରିଛି । ଗତ ବର୍ଷ ସେପ୍ଟେମ୍ବର ବା ଅକ୍ଟୋବରରେ କୋଭାକ୍ସିନର ୨ୟ ଡୋଜ୍ ନେଇଥିବା ଲୋକମାନଙ୍କୁ ବୁଷ୍ଟର ଡୋଜ୍ ଆଗେ ଦିଆଯିବ । ଏହାବ୍ୟତୀତ ଏହି ଡୋଜ୍  ନେବା ପରେ ପାର୍ଶ୍ୱ ପ୍ରତିକ୍ରିୟା ଉପରେ ମଧ୍ୟ ନଜର ରଖାଯିବ ।

ଏହାଦ୍ବାରା କରୋନାର ନୂଆ ଭାଇରସରେ ଆକ୍ରାନ୍ତ ହେବାର ଆଶଙ୍କା ପ୍ରାୟ ନ ଥିବା ବେଳେ ନୂଆ ଷ୍ଟ୍ରେନ୍ ମ୍ୟୁଟେସନ ହେବାର ଆଶଙ୍କା ଯଥେଷ୍ଟ କମ୍ । ସ୍ବେଚ୍ଛାସେବୀଙ୍କୁ ପ୍ରଥମେ ବୁଷ୍ଟର ଡୋଜ୍ ଦେବାକୁ ଏକ୍ପର୍ଟ ପ୍ୟାନେଲ କହିଛି । ବୁଷ୍ଟର ଡୋଜ୍ ନେବା ପରେ ଶରୀରରେ କରୋନା ଭାଇରସ୍ ବିରୋଧରେ ବହୁ ବର୍ଷ ପାଇଁ ଇମ୍ୟୁନୋ ପାଓ୍ବାର ବଢିଯାଉଇବାରୁ ଏହାକୁ ଅନୁମତି ଦେବାକୁ ଭାରତ ବାୟୋଟେକ୍ ପ୍ରସ୍ତାବ ଦେଇଥିଲା।

କରୋନାର ସବୁ ଷ୍ଟ୍ରେନ୍‌ ପାଇଁ ପ୍ରଭାବଶାଳୀ ଭ୍ୟାକ୍ସିନ୍: କମିଛି ବୃଦ୍ଧଙ୍କ ମୃତ୍ୟୁ ସଂଖ୍ୟା

ନୂଆଦିଲ୍ଲୀ: ଭାରତ ସମେତ ବିଶ୍ୱର ସମସ୍ତ ଦେଶରେ କରୋନା ଟିକାକରଣ କାର୍ଯ୍ୟକ୍ରମ ଚାଲିଛି । ଯାହାର ସକାରାତ୍ମକ ପରିଣାମ ମଧ୍ୟ ଦେଖିବାକୁ ମିଳିଛି । ତେବେ ବର୍ତ୍ତମାନ ଦେଶରେ କରୋନାର ଦ୍ୱିତୀୟ ପ୍ରବାହ ଭଳି ସ୍ଥିତି ରହିଛି । ଏହାରି ଭିତରେ ବ୍ରିଟେନରୁ ଏକ ଭଲ ଖବର ଆସିଛି । ଗତ ୧୦ ସପ୍ତାହ ପରିସଂଖ୍ୟାନରୁ ଜଣାପଡ଼ିଛି ଯେ, ୭୦ ବର୍ଷରୁ ଊର୍ଦ୍ଧ୍ୱ ସଂକ୍ରମିତଙ୍କ ମୃତ୍ୟୁରେ ୯୭ ପ୍ରତିଶତ ହ୍ରାସ ଘଟିଛି । ବର୍ତ୍ତମାନ ସମୟରେ ପାଖାପାଖି ୩୨ ଜଣ ବୟସ୍କଙ୍କ ମୃତ୍ୟୁ ଘଟୁଛି । ଯେତେବେଳେ କି ଜାନୁଆରୀ ମଧ୍ୟ ଭାଗରେ ବୃଦ୍ଧଙ୍କ ମୃତ୍ୟୁ ସଂଖ୍ୟା୧ ହଜାର ପ୍ରତିଦିନ ଯାଏଁ ପହଞ୍ଚିଥିଲା ।

ଅପରପକ୍ଷରେ ଟିକା ଅଭିଯାନ ଚାଲୁଥିବା ବେଳେ ପ୍ରତି ୧୦ ଜଣଙ୍କ ମଧ୍ୟରୁ ୯ ଜଣ ସେବାନିବୃତ୍ତ ଏବଂ ୫୪ ପ୍ରତିଶତ ମୋଟ ଜନସଂଖ୍ୟା ଠାରେ ଆଣ୍ଟିବଡି ସୃଷ୍ଟି ହୋଇସାରିଛି । ବ୍ରିଟେନରେ ଏବେ ମଧ୍ୟ ୪ ହଜାର ଯାଏଁ ସଂକ୍ରମିତଙ୍କ ସଂଖ୍ୟା ଆସୁଛି । କିନ୍ତୁ ମୃତ୍ୟୁ ସଂଖ୍ୟା ୫୦ରେ ସୀମିତ ରହିଛି । ବ୍ରିଟେନ୍‌ରେ ଟିକାକରଣ ଅଭିଯାନ ଆରମ୍ଭ ହେବା ପରଠାରୁ କରୋନା ଜନିତ ମୃତ୍ୟୁ ସଂଖ୍ୟା ୮୦ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କ କ୍ଷେତ୍ରରେ ଦୁଇ ତୃତୀୟାଂଶ ଥିଲା । ଯାହା ଏବେ ଅଧାରୁ ବି କମ୍ ରହିଛି । ଅପରପକ୍ଷରେ ୫୦ ବର୍ଷରୁ କମ୍ ବୟସ୍କ ଲୋକଙ୍କ ଟିକାକରଣ ମଧ୍ୟ ଆରମ୍ଭ ହୋଇଯାଇଛି । ଏଭଳି ସମୟରେ ଏହି ବର୍ଗର ଲୋକଙ୍କ ମୃତ୍ୟୁ ସଂଖ୍ୟା ୨୮ ପ୍ରତିଶତ ରହିଛି ।

କରୋନାର ସବୁ ଷ୍ଟ୍ରେନ୍ ବିରୋଧର ଭ୍ୟାକ୍ସିନ୍ ପ୍ରଭାବୀ

ଅନ୍ୟ ଏକ ରିପୋର୍ଟ ମୁତାବକ ଆମେରିକା ଏବଂ ସିଙ୍ଗାପୁରର ଗବେଷକଙ୍କ ଦାବି କରିଛନ୍ତି ଭ୍ୟାକ୍ସିନ୍ ବ୍ରାଜିଲ ଏବଂ ଦକ୍ଷିଣଆଫ୍ରିକ ଭୂତାଣୁ ବିରୋଧରେ ମଧ୍ୟ ପ୍ରଭାବୀ । ଗବେଷଣାରେ ଜଣାପଡ଼ିଛି ଯେ, ଧଳା ରକ୍ତ କଣିକା ଅର୍ଥାତ ଟି ସେଲ୍ କରୋନାର ସବୁ ଷ୍ଟ୍ରେନକୁ ଚିହ୍ନଟ କରିପାରେ । ଓପନ ଫୋରମ୍ ଇନ୍‌ଫେକସନ୍ ଡିଜିଜରେ ଗବେଷଣା ରିପୋର୍ଟରେ ଏହା ପ୍ରକାଶିତ ।

ଖୋର୍ଦ୍ଧା ବୋଲାଗଡ଼ ଅଞ୍ଚଳରୁ ବାଘ ଛାଲ ଜବତ, ଦୁଇ ଅଭିଯୁକ୍ତ ଗିରଫ

ଭୁବନେଶ୍ୱର: ଖୋର୍ଦ୍ଧା ବୋଲାଗଡ଼ ଅଂଚଳରରୁ ବାଘ ଛାଲ ଜବତ ହୋଇଛି । ଦୁଇ ଅଭିଯୁକ୍ତ ସୁଧୀର ବେହେରା, ସୁବାସ ବେହେରାଙ୍କୁ ନୟାଗଡ଼ରୁ ଗିରଫ କରିଛି ଏସ୍ଟିଏଫ । ବାଘ ଛାଲ ସମେତ ଶିକାରରେ ବ୍ୟବହୃତ ସମସ୍ତ ସାମଗ୍ରୀ ଜବତ ହୋଇଛି । ଜବତ ବାଘ ଛାଲର ଅଧିକ ତଦନ୍ତ ପାଇଁ ରାସାୟନିକ ପରୀକ୍ଷା ପାଇଁ ଡେରାଡୁନରେ ଥିବା wildlife institution of Indiaକୁ ପଠାଯିବ ।

ଏହାରି ଭିତରେ ଏସ୍ଟିଏଫ ୧୨ଟି ବାଘ ଛାଲ , ୬ଟି ହାତୀ ଦାନ୍ତ, ୨ଟି ହରିଣ ଛାଲ, ଓ ୨ଟି ଜୀବନ୍ତ ବଜ୍ରକାପ୍ତା ଉଦ୍ଧାର କରିବା ସହ ଏହା ପଛରେ ଥିବା ରାକେଟର ପର୍ଦ୍ଦାଫାସ କରିଛି । ୧୩ ଟି ମମାଲ ରୁଜୁ ହୋଇଥିବା ବେଳେ ୨୪ ଜଣଙ୍କୁ ଗିରଫ କରିଛି । ସେପଟେ ବନ୍ୟ ଜନ୍ତୁ ଶିକାର ରୋକିବା ପାଇଁ ହଲେପ ଲାଇନ ଜାରି କରିଛି ଏସଟିଏଫ୍ ।

ବ୍ରହ୍ମପୁର ଏମକେସିଜି ମେଡିକାଲ କର୍ତ୍ତୃପକ୍ଷଙ୍କ ବେପରୁଆ ମନୋଭାବ, ଯମ ଯନ୍ତ୍ରଣା ଭୋଗୁଛନ୍ତି ବୃଦ୍ଧା

ବ୍ରହ୍ମପୁର: ବ୍ରହ୍ମପୁର ଏମକେସିଜି ମେଡିକାଲ କର୍ତ୍ତୃପକ୍ଷଙ୍କ ବେପରୁଆ ମନୋଭାବ ଯୋଗୁ ଜଣେ ୬୫ବର୍ଷୀୟ ବୃଦ୍ଧା ଏବେ ଯମ ଯନ୍ତ୍ରଣା ଭୋଗୁଛନ୍ତି । ନିଜ ଦୋଷ ଲୁଚାଇବାକୁ ଡାକ୍ତରଖାନା କର୍ତ୍ତୃପକ୍ଷ ଏବେ ବୃଦ୍ଧାଙ୍କୁ କେତେବେଳେ ଭୁବନେଶ୍ୱର ଏମ୍‌ସ ତ କେତେବେଳେ କଟକ ଏସ୍‌ସିବି ମେଡିକାଲକୁ ପଠାଉଛନ୍ତି । ଫଳରେ ଏହି ଗରିବ ବୃଦ୍ଧା ଜଣକ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି ।

ଗତ ୩୧ ତାରିଖରେ ଚକ୍ଷୁ ପରୀକ୍ଷା ପାଇଁ ବ୍ରହ୍ମପୁର ହୁଗୁଳାପଟା ଗାଁର ୬୫ବର୍ଷୀୟ ବୃଦ୍ଧା ପୁନା ସାହୁ ନିଜ ପୁଅ ସହ ଏମ୍‌କେସିଜି ମେଡିକାଲର ଦ୍ୱିତୀୟ ମହଲାରେ ଥିବା ଚକ୍ଷୁ ବିଭାଗରେ ପହଞ୍ଚିଥିଲେ । ଚକ୍ଷୁ ବିଭାଗରେ ଆଖି ପରୀକ୍ଷା କରିବାକୁ ବୃଦ୍ଧା ଜଣକ ବସିଥିବା ବେଳେ ତାଙ୍କ ପୁଅ ଡମ୍ବୁରଧର ସାହୁ ରକ୍ତ ରିପୋର୍ଟ ଆଣିବାକୁ ତଳକୁ ଯାଇଥିଲେ । ଏହି ସମୟରେ ନିର୍ମାଣାଧୀନ ଲିଫ୍ଟର କବାଟ ବନ୍ଦ ନଥିବାରୁ, ତାହା ଶୌଚାଳୟ ଭାବି ବୃଦ୍ଧା ଜଣକ ଭିତରକୁ ପଶିଯାଇଥିଲେ । ହେଲେ ଲିଫ୍ଟ ଖୋଲା ଥିବାରୁ ବୃଦ୍ଧା ଜଣକ ସିଧା ଦୁଇମହଲାରୁ ତଳକୁ ଖସି ପଡ଼ିଥିଲେ । ଫଳରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଛି ଓ ଦୁଇଟି ହାତ ଏବଂ ଅଣ୍ଟା ଭାଙ୍ଗି ଯାଇଛି ।

ଦୀର୍ଘ ସମୟ ଧରି ତଳେ ରକ୍ତାକ୍ତ ହୋଇ ବୃଦ୍ଧା ଜଣକ ପଡ଼ିରହିଥିଲେ ମଧ୍ୟ ତାଙ୍କୁ ଉଦ୍ଧାର କରାଯାଇନଥିଲା । ସେପଟେ ବୃଦ୍ଧାଙ୍କୁ ପୁଅ ତାଙ୍କୁ ଉଦ୍ଧାର କରି ତୁରନ୍ତ କାଜୁଆଲଟିରେ ଭର୍ତ୍ତି କରିଥିଲେ । ହେଲେ ନିଜ ଦୋଷ ଲୁଚାଇବାକୁ ଯାଇ ଏମକେସିଜି ମେଡିକାଲ କର୍ତ୍ତୃପକ୍ଷ ବୃଦ୍ଧାଙ୍କୁ ଚିକିତ୍ସା କରିବା ପରିବର୍ତ୍ତେ ବାରମ୍ବାର ଅନ୍ୟ ଡାକ୍ତରଖାନାକୁ ପଠାଉଥିବା ଅଭିଯୋଗ ହୋଇଛି । ଏହି ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି ।

ହସ୍ପିଟାଲରେ ସଚିନ ତେନ୍ଦୁଲକର, କିଛି ଦିନ ତଳେ ଚିହ୍ନଟ ହୋଇଥିଲେ କୋଭିଡ ପଜିଟିଭ

ମୁମ୍ବାଇ: ହସ୍ପିଟାଲରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର । ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ସଚିନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଗତ କିଛିଦିନ ତଳେ ସଚିନ କରୋନା ପଜିଟିଭ୍ ହୋଇଥିଲେ । ଡାକ୍ତରଙ୍କ ପରାମର୍ଶ କ୍ରମେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ବୋଲି ସଚିନ୍ ଟୁଇଟ୍ କରି ସୂଚନା ଦେଇଛନ୍ତି ।

ସେ ଟୁଇଟ୍ କରିଛନ୍ତି, ମୁଁ ଖୁବଶୀଘ୍ର ହସ୍ପିଟାଲରୁ ସୁସ୍ଥ ହୋଇ ଫେରିବି । ତାଙ୍କ ଆଶୁ ଆରୋଗ୍ୟ କାମନା କରୁଥିବା ଫ୍ୟାନମାନଙ୍କୁ ସଚିନ୍ ଧନ୍ୟବାଦ ଜଣାଇଛନ୍ତି । ସୂଚନା ଅନୁଯାୟୀ ସଚିନ ତେନ୍ଦୁଲକର ମାର୍ଚ୍ଚ ୨୭ ତାରିଖରେ କରୋନା ପଜିଟିଭ ଚିହ୍ନଟ ହୋଇଥିଲେ । ପଜିଟିଭ ଚିହ୍ନଟ ହେବା ପରେ ସେ ନିଜ ବାସଭବନରେ ନିଜକୁ କ୍ୱାରେଣ୍ଟିନରେ ରଖିଥିଲେ ।

ରାଜ୍ୟରେ ୪ଶହ ଟପିଲା ଦୈନିକ ସଂକ୍ରମଣ, ଦିନକରେ ଆଉ ୪୬୧ କରୋନା ପଜିଟିଭ ଚିହ୍ନଟ

ଭୁବନେଶ୍ୱର: ରାଜ୍ୟରେ ୪ଶହ ଟପିଲା ଦୈନିକ ସଂକ୍ରମଣ । ଦିନକରେ ଆଉ ୪୬୧ କରୋନା ପଜିଟିଭ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୨୭୨ ଜଣ ଚିହ୍ନଟ ହୋଇଥିବାବେଳ ଲୋକାଲ କେସ୍ ୧୮୯ ରହିଛି । ୨୪ଜିଲ୍ଲା ଓ ଷ୍ଟେଟପୁଲରୁ ସଂକ୍ରମିତ ଚିହ୍ନଟ ହୋଇଥିବା ବେଳେ ନୂଆପଡାରୁ ସର୍ବାଧିକ ୮୬, ଖୋର୍ଦ୍ଧାରୁ ୬୯, ସୁନ୍ଦରଗଡ଼ରୁ ୬୨, କଳାହାଣ୍ଡିରୁ ୩୬, ବରଗଡ଼ରୁ ୩୨ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିପରି ବରଗଡ଼ରୁ ୩୨, ଅନୁଗୁଳରୁ ୨୭ ଓ କଟକରୁ ୨୨ ଚିହ୍ନଟ ହୋଇଥିବା ବେଳେ ବାଲେଶ୍ୱର ଓ ସମ୍ବଲପୁରରୁ ୧୬ ଲେଖାଏଁ, ଷ୍ଟେଟପୁଲରୁ ୧୫, ଝାରସୁଗୁଡ଼ାରୁ ୧୩, ପୁରୀ ଓ ନବରଙ୍ଗପୁରରୁ ୯ ଲେଖାଏଁ ପଜିଟିଭ ଚିହ୍ନଟ ହୋଇଛନ୍ତି । ଯାଜପୁରରୁ ୮, ରାୟଗଡ଼ାରୁ ୭, ଗଞ୍ଜାମ ଓ ଭଦ୍ରକରୁ ୫ଜଣ ଲେଖାଏଁ ପଜିଟିଭ ଚିହ୍ନଟ ହୋଇଛନ୍ତି ।

ମୟୂରଭଞ୍ଜ, କନ୍ଧମାଳ, ସୋନପୁର ଓ କୋରାପୁଟରୁ ୪ଜଣ ଲେଖାଏଁ ପଜିଟିଭ ଚିହ୍ନଟ ହୋଇଛନ୍ତି । ବଲାଙ୍ଗୀରରୁ ୩, କେନ୍ଦ୍ରାପଡ଼ା ଓ କେନ୍ଦୁଝରରୁ ୨ ଲେଖାଏଁ ଆକ୍ରାନ୍ତ ହୋଇଛନ୍ତି । ରାଜ୍ୟରେ ମୋଟ୍ କରୋନା ସଂକ୍ରମିତ ସଂଖ୍ୟା ୩ଲକ୍ଷ ୪୧ହଜାର ୭୭୨ଥିବା ବେଲେ କରୋନାରୁ ସୁସ୍ଥ ହେଲେଣି ୩ଲକ୍ଷ ୩୭ହଜାର ୨୧୨ଜଣ । ଏଯାଏଁ କରୋନା ନେଲାଣି ୧୯୨୧ଜଣଙ୍କ ଜୀବନ । ମୋଟ ସକ୍ରିୟ ସଂକ୍ରମିତ ସଂଖ୍ୟା ୨ହଜାର ୫୮୬ ଥିବା ବେଳେ ୨୪ଘଣ୍ଟାରେ ୧୨୧ ସୁସ୍ଥ ହୋଇଛନ୍ତି । ଆଜି କେରାନାରେ କାହାର ମୃତ୍ୟୁ ହୋଇନି ।

ଓଡ଼ିଶାରେ ଉପ-ରାଷ୍ଟ୍ରପତି ଭେଙ୍କେୟା ନାଇଡୁ, ବିମାନବନ୍ଦରରେ ସ୍ୱାଗତ କଲେ ମୁଖ୍ୟମନ୍ତ୍ରୀ ଓ ରାଜ୍ୟପାଳ

ଭୁବନେଶ୍ୱର: ଦୁଇ ଦିନିଆ ଓଡ଼ିଶା ଗସ୍ତରେ ଉପରାଷ୍ଟ୍ରପତି ଏମ୍‌. ଭେଙ୍କୟା ନାଇଡ଼ୁ । ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଛନ୍ତି ଉପରାଷ୍ଟ୍ରପତି । ଉପରାଷ୍ଟ୍ରପତିଙ୍କ ସ୍ୱାଗତ କରିବାକୁ ମୁଖ୍ୟମନ୍ତ୍ରୀ ବିମାନ ବନ୍ଦରରେ ପହଞ୍ଚିଛନ୍ତି । ବିମାନ ବନ୍ଦରରୁ ଉପରାଷ୍ଟ୍ରପତି ରାଜଭବନକୁ ଯିବାର କାର୍ଯ୍ୟକ୍ରମ ରହିଛି ।

ଉପରାଷ୍ଟ୍ରପତିଙ୍କ ସ୍ୱାଗତ କରିବାକୁ ମୁଖ୍ୟମନ୍ତ୍ରୀ ବିମାନ ବନ୍ଦରରେ ପହଞ୍ଚିଛନ୍ତି । ବିମାନ ବନ୍ଦରରୁ ଉପରାଷ୍ଟ୍ରପତି ରାଜଭବନକୁ ଯିବାର କାର୍ଯ୍ୟକ୍ରମ ରହିଛି । ଏବଂ ଅପରାହ୍ନ ୪ଟା ୪୫ ମିନିଟରେ କଟକର ବିଜୁ ପଟ୍ଟନାୟକ ଛକ ସ୍ଥିତ ଶାରଳା ଭବନରେ ପହଞ୍ଚିବାର କାର୍ଯ୍ୟକ୍ରମର ରହିଛି । ସେଠାରେ ସାରଳା ଦାସଙ୍କ ୬୦୦ତମ ଜୟନ୍ତୀ ଉତ୍ସବରେ ଯୋଗଦେବାର କାର୍ଯ୍ୟକ୍ରମର ରହିଛି ।

ପରେ ରାଜଭବନକୁ ଫେରି ରାତ୍ରିଯାପନ କରିବେ ଉପରାଷ୍ଟ୍ରପତି । ଆସନ୍ତାକାଲି ସକାଳ ୧୦ଟା ୧୦ ମିନିଟରେ ଉତ୍କଳ ବିଶ୍ୱବିଦ୍ୟାଳୟର ୫୦ତମ ସମାବର୍ତ୍ତନ ଉତ୍ସବରେ ଉପରାଷ୍ଟ୍ରପତି ଭେଙ୍କେୟା ନାଇଡୁ ଯୋଗଦେବେ ।

ଉପନିର୍ବାଚନ ପାଇଁ ପିପିଲିରେ ଜୋର ଧରିଲାଣି ପ୍ରଚାର, ମଇଦାନରେ ଦଳର ଷ୍ଟାର କ୍ୟାମ୍ପେନର

ପିପିଲି: ଆସନ୍ତା ୧୭ ତାରିଖରେ ହେବ ପିପିଲି ଉପନିର୍ବାଚନ । ଏଥିପାଇଁ ଏବେଠୁ ଜୋର ଧରିଲାଣି ପ୍ରଚାର । ସବୁ ଦଳର ଷ୍ଟାର କ୍ୟାମ୍ପେନରମାନେ ପ୍ରଚାର ମଙ୍ଗ ଧରିଲେଣି । ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ଦଳୀୟ କର୍ମୀ ଓ ନେତାଙ୍କ ସହ ଗାଁ ଗାଁ ବୁଲି ପ୍ରଚାର କରୁଛନ୍ତି । ମୁଖ୍ୟମନ୍ତ୍ରୀଙ୍କ ବିକାଶ ମଡେଲକୁ ମୁଖ୍ୟ ପ୍ରସଙ୍ଗ କରିଛି ବିଜେଡି । ଏହାସହ ବାପାଙ୍କ ଅଧୁରା କାମ ପୂରଣ କରିବାକୁ ପ୍ରତିଶ୍ରୁତି ଦେଉଛନ୍ତି ରୁଦ୍ର ମହାରଥୀ । ଆଜି ପୁବା ଶାସନ, ଲକ୍ଷ୍ମୀନାରାୟଣପୁର, ଗୋବିନ୍ଦପୁର, ଓରକଳ, ପୋପରଙ୍ଗା, ପମସରା ଓ ଭାରତୀପୁର ପଞ୍ଚାୟତରେ ରୋଡ ଶୋ ସାଙ୍ଗକୁ କର୍ମୀ ସମ୍ମିଳନୀ କରିବେ ରୁଦ୍ର ।

ସେହିପରି ପିପିଲି ଉପନିର୍ବାଚନ ପାଇଁ ଦଳୀୟ ନେତାଙ୍କୁ ବିଭିନ୍ନ ଅଞ୍ଚଳର ଦାୟିତ୍ୱ ଦେଇଛନ୍ତି ସୁପ୍ରିମୋ । ବିଜେଡି ସଭାପତି ନବୀନ ପଟ୍ଟନାୟକ ପିପିଲି ବ୍ଲକ, ଡେଲାଙ୍ଗ ବ୍ଲକ ଏବଂ ପିପିଲି ବିଜ୍ଞାପିତ ପରିଷଦ ପାଇଁ ଦାୟିତ୍ୱ ପ୍ରଦାନ କରିଛନ୍ତି ।

ପିପିଲି ବ୍ଲକ ପାଇଁ ସମୀର ରଞ୍ଜନ ଦାଶ, ଅତନୁ ସବ୍ୟସାଚୀ ନାୟକଙ୍କୁ ଦାୟିତ୍ୱ ଦିଆଯାଇଥିବା ବେଳେ, ଡେଲାଙ୍ଗ ବ୍ଲକ ପାଇଁ ନବକିଶୋର ଦାଶ, ସୁଶାନ୍ତ ସିଂହ ଓ ବିଭୂତି ବଳବନ୍ତରାୟଙ୍କୁ ଦାୟିତ୍ୱ ପ୍ରଦାନ କରାଯାଇଛି । ସେହିପରି ପିପିଲି ବିଜ୍ଞାପିତ ପରିଷଦ ଅଞ୍ଚଳ ପାଇଁ ସୁଧୀର ସାମଲଙ୍କୁ ଦାୟିତ୍ୱ ଦିଆଯାଇଛି ବୋଲି ବିଜେଡି ସାଧାରଣ ସମ୍ପାଦକ ମାନସ ମଙ୍ଗରାଜ ସୂଚନା ପ୍ରଦାନ କରିଛନ୍ତି ।

ନିର୍ବାଚନ ପରିଚାଳନା ନେଇ ଦଳର ୪ ପୁରୁଖା ନେତାଙ୍କୁ ଦାୟିତ୍ୱ ଦେଇଥିଲେ ମୁଖ୍ୟମନ୍ତ୍ରୀ । ଦେବୀ ମିଶ୍ର, ମହେଶ୍ୱର ମହାନ୍ତି, ସଞ୍ଜୟ ଦାସବର୍ମା ଓ ପ୍ରତାପ ଦେବଙ୍କୁ ଦାୟିତ୍ୱ ମିଳିଛି। ୪ ନେତାଙ୍କୁ ଏହି ପରିଚାଳନା ଦାୟିତ୍ୱ ଦେଇଛନ୍ତି ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।