spot_img
Home Blog Page 5961

କରୋନା ଭୟ, ଘରୋଇ ହସ୍ପିଟାଲକୁ ପ୍ରସ୍ତୁତ ରହିବାକୁ ପରାମର୍ଶ ଦେଲେ ଏସିଏସ୍

ଭୁବନେଶ୍ୱର: କରୋନା ଦ୍ୱିତୀୟ ଲହରକୁ ଦୃଷ୍ଟିରେ ରଖି ପଦକ୍ଷେପ ପାଇଁ ନିର୍ଦ୍ଦେଶ ନିଆଯାଇଛି । ଏଥିସହିତ ସବୁ ଜିଲ୍ଲାପାଳ, ମୁନିସିପାଲ କମିଶନର ସିଡିଏମଓ, ପିଏଚଓଙ୍କୁ ଚିଠି ଲେଖିଛନ୍ତି ଏସିଏସ୍ ପ୍ରଦୀପ୍ତ ମହାପାତ୍ର । ଆବଶ୍ୟକ ବେଡ୍, ଅକ୍ସିଜେନ ମହଜୁଦ ରଖିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି।

ଆଇସୋଲେସନ ବେଡ ବ୍ୟବସ୍ଥା କରିବାକୁ କୁହାଯାଇଛି । ଡାଏଲିସିସ୍, ଲେବର ରୁମ୍, ICU, HDUରେ ବ୍ୟବସ୍ଥା ସହ ଜିଲ୍ଲାର ସବୁ ଘରୋଇ ହସ୍ପିଟାଲକୁ ପ୍ରସ୍ତୁତ ରହିବାକୁ ପରାମର୍ଶ ଦିଆଯାଇଛି। ଫ୍ଲାଭିପିରାଭିର ଓ ରେମଡିସିଭିର ମେଡିସିନ ମହଜୁଦ ରଖିବାକୁ ଏସିଏସ୍‌ ପ୍ରଦୀପ୍ତ ମହାପାତ୍ର ଚିଠି ଲେଖିଛନ୍ତି।

ଉଲ୍ଲେଖଯୋଗ୍ୟ, ରାଜ୍ୟରେ ଟିକାକରଣ ଜାରି ରହିଥିବା ବେଳେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ଶୁକ୍ରବାର ଦିନ କରୋନା ଟିକା ନେଇଛନ୍ତି । ଏନେଇ ସେ ସୂଚନା ଦେଇ କହିଛନ୍ତି, ‘‘ମୁଁ କରୋନାର ପ୍ରଥମ ଡାେଜ ନେଇଛି । ଏଥିସହିତ ସମସ୍ତଙ୍କୁ ଟିକା ନେବା ପାଇଁ ସେ ଅପିଲ୍ କରିଛନ୍ତି’’ ।

ଏହା ପୂର୍ବରୁ ଗତ ମାର୍ଚ୍ଚ ୧ରେ ବିଧାନସଭା ଡିସ୍‌ପେନ୍‌ସାରିରେ କୋଭାକ୍ସିନ ଟିକା ନେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେହିପରି ରାଜ୍ୟପାଳ ପ୍ରଫେସର ଗଣେଶୀ ଲାଲ୍‌, ରାଷ୍ଟ୍ରପତି ରାମନାଥ କୋବିନ୍ଦଙ୍କ ସମେତ ଅର୍ଥମନ୍ତ୍ରୀ ନିର୍ମଳା ସୀତାରମଣ, ଗୃହ ମନ୍ତ୍ରୀ ଅମିତ ଶାହ, ଉପ-ରାଷ୍ଟ୍ରପତି ଭେଙ୍କେୟା ନାଇଡୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅନେକ ନେତା ତଥା ମନ୍ତ୍ରୀ ଟିକା ନେଇସାରିଛନ୍ତି।

ଦିଲ୍ଲୀରେ ଏବେ ଲକଡାଉନ୍ କରାଯିବନି, ଦରକାର ପଡିଲେ ଜନତାଙ୍କ ଠାରୁ ପରାମର୍ଶ ନେବୁ…

ନୂଆଦିଲ୍ଲୀ: ଦିଲ୍ଲୀରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ବର୍ତ୍ତମାନ ଦିଲ୍ଲୀରେ ଲକଡାଉନ୍ ଜାରି କରିବାର ଆବଶ୍ୟକତା ନାହିଁ।  ଯଦି ଆବଶ୍ୟକ ହୁଏ ତେବେ ଏହି ପ୍ରସଙ୍ଗରେ ଦିଲ୍ଲୀବାସୀଙ୍କ ପରାମର୍ଶ ଲୋଡାଯିବ ଏବଂ ତଦନୁଯାୟୀ ନିଷ୍ପତ୍ତି ଗ୍ରହଣ କରାଯିବ।

ଏକ ସାମ୍ବାଦିକ ସମ୍ମିଳନୀରେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି ଯେ ଗତ କିଛି ଦିନ ହେବ କରୋନା ପଜିଟିଭ ମାମଲା ବୃଦ୍ଧି ପାଇବାରେ ଲାଗିଛି । ଗତ ମାର୍ଚ୍ଚ ୧୬ରେ ଦିଲ୍ଲୀରେ ୪୨୫ ମାମଲା ଥିଲା ହେଲେ ଆଜି ୩୫୮୩ ମାମଲା ରହିଛି। ଦିଲ୍ଲୀରେ ୪ର୍ଥ ୱେଭ୍ ଜାରି ରହିଥିବା ବେଳେ ସରକାର ପରିସ୍ଥିତି ଉପରେ ନଜର ରଖିଛନ୍ତି । ଆତଙ୍କିତ ହେବାର କୗେଣସି ଆବଶ୍ୟକତା ନାହିଁ ।

ସେ ଆହୁରି ମଧ୍ୟ କହିଛନ୍ତି ଯେ ଆଜିର ବୖେଠକରେ ସମୀକ୍ଷା କରାଯାଇଛି ଯେ ଯଦି ଲୋକମାନେ ଅସୁସ୍ଥ ଅଛନ୍ତି, ତେବେ ଡାକ୍ତରଖାନାରେ ଏହାର ବ୍ୟବସ୍ଥା କରାଯିବା ଉଚିତ। ବେଡ୍, ଅକ୍ସିଜେନ, ଭେଣ୍ଟିଲେଟର, ଆଇସିୟୁ ବ୍ୟବସ୍ଥା ଉପରେ ଆଜି ବିଚାର କରାଯାଇଛି ଏବଂ କେଉଁ ପର୍ଯ୍ୟାୟରେ ଆଇସିୟୁ ବେଡ୍ ସଂଖ୍ୟା ବୃଦ୍ଧି କରାଯିବ । ସରକାରୀ ଡାକ୍ତରଖାନା କେବେ ଏବଂ ଘରୋଇ ଡାକ୍ତରଖାନାରେ କେବେ ବୃଦ୍ଧି କରାଯିବ? ଏନେଇ ଯୋଜନା ପ୍ରସ୍ତୁତ କରାଯାଉଛି।

ସୂଚନାଯୋଗ୍ୟ, ଦିନକରେ ୮୧ହଜାର ୪୬୬ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ୪୬୯ଆକ୍ରାନ୍ତଙ୍କ ମୃତ୍ୟୁ ହୋଇଛି । ୨୪ ଘଣ୍ଟାରେ ୫୦ହଜାର ୩୫୬ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ମୋଟ୍ କରୋନା ଆକ୍ଟିଭ କେସ୍ ୬ଲକ୍ଷ ୧୪ ହଜାର ୬୯୬ଥିବା ବେଳେ ମୃତ୍ୟୁସଂଖ୍ୟା ଲକ୍ଷେ ୬୩ହଜାର ୩୯୬ରେ ପହଞ୍ଚିଲାଣି ।

ସେହିପରି ମହାରାଷ୍ଟ୍ର ପୁନେରେ ପୁନେରେ ସନ୍ଧ୍ୟା ୬ଟାରୁ ସକାଳ ୬ଟା ଯାଏଁ ନାଇଟ୍ କର୍ଫ୍ୟୁ। ଏପ୍ରିଲ ୧୧ ତାରିଖ ଯାଏଁ ବନ୍ଦ ରଖିବାକୁ ରାଜ୍ୟ ସରକାରଙ୍କ ଘୋଷଣା।ସ ସବୁ ମଲ୍, ହୋଟେଲ ଓ ଧାର୍ମିକସ୍ଥଳ ୭ଦିନ ପାଇଁ ବନ୍ଦ ରହିବ।  କରୋନା ଯୋଗୁଁ ଉତ୍ତରପ୍ରଦେଶରେ ଅଷ୍ଟମ ଶ୍ରେଣୀ ଯାଏଁ ସ୍କୁଲ ବନ୍ଦ ରହିବ।

ଏଥିସହ ପଢନ୍ତୁ- ଏବେ ୩ଥର ଦିଆଯିବ କରୋନା ଟିକା, କୋଭାକ୍ସିନର ‘ବୁଷ୍ଟର ଡୋଜ’କୁ ଅନୁମତି

ପିପିଲି ଉପନିର୍ବାଚନ ପାଇଁ ୩୦ ଜଣିଆ ଷ୍ଟାର ପ୍ରଚାରକ ତାଲିକା ଘୋଷଣା କଲା ବିଜେଡି

ଭୁବନେଶ୍ୱର: ଆସନ୍ତା ୧୭ ତାରିଖରେ ପିପିଲି ଉପନିର୍ବାଚନ ଲାଗି ପଡ଼ିବ ଭୋଟ୍ । ଏଥିପାଇଁ ପ୍ରଚାର ଆରମ୍ଭ ହୋଇଥିବା ବେଳେ ଆଗକୁ ଜୋରଦାର୍ ହେବ । ବିଜେଡି ପିପିଲି ଉପନିର୍ବାଚନ ଲାଗି ୩୦ ଜଣିଆ ଷ୍ଟାର ପ୍ରଚାରକଙ୍କ ତାଲିକା ଘୋଷଣା କରିଛି । ତାଲିକାର ସର୍ବାଗ୍ରେ ରହିଛନ୍ତି ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦ୍ୱିତୀୟରେ ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ରହିଛନ୍ତି ।

ତୃତୀୟରେ ବରିଷ୍ଠ ନେତା ଦେବୀ ପ୍ରସାଦ ମିଶ୍ରଙ୍କ ନାଁ ରହିଛି । ମହେଶ୍ୱର ମହାନ୍ତି, ପିନାକୀ ମିଶ୍ର, ପ୍ରତାପ କେଶରୀ ଦେବ । ଅତନୁ ସବ୍ୟସାଚି ନାୟକ, ନିରଞ୍ଜନ ପୂଜାରୀ, ସଞ୍ଜୟଦାସ ବର୍ମା, ପ୍ରମିଳା ମଲ୍ଲିକ, ଅଶୋକ ଚନ୍ଦ୍ର ପଣ୍ଡା, ସମୀର ରଞ୍ଜନ ଦାଶ, ସୁଶାନ୍ତ ସିଂ, ନବ କିଶୋର ଦାସ, ଚନ୍ଦ୍ର ସାରଥୀ ବେହେରା, ଟୁକୁନି ସାହୁ, ସ୍ନେହାଙ୍ଗିନି ଛୁରିଆ, ତୁଷାରକାନ୍ତି ବେହେରା, ଟୁକୁନି ସାହୁ, ପ୍ରିତୀ ରଞ୍ଜନ ଘଡାଇ, ପ୍ରଣବ ବଳବନ୍ତରାୟ, ସୁଧିର ସାମଲ, ବ୍ୟମୋକେଶ ରାୟ, ଉମାକାନ୍ତ ସାମନ୍ତରାୟ, ବିଭୂତି ବଳବନ୍ତରାୟ, ରାଜେନ୍ଦ୍ର କୁମାର ସାହୁ, ମୁଜିବୁଲ୍ଲା ଖାନ୍, ଦେବୀ ରଞ୍ଜନ ତ୍ରିପାଠୀ, ଆକାଶ ଦାସନାୟକ ଓ ଅରିନ୍ଦମ ରାୟ ଷ୍ଟାର ପ୍ରଚାରକ ତାଲିକାରେ ଅଛନ୍ତି ।

ବିଜେଡି ଭଳି କଂଗ୍ରେସ ମଧ୍ୟ ଷ୍ଟାର ପ୍ରଚାରକ ତାଲିକା ଜାରି କରିଛି । ଏଥିରେ ପ୍ରଭାରୀ ଚେଲ୍ଲାକୁମାର, ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସମେତ ବିଧାୟକ ନରସିଂହ ମିଶ୍ର, ତାରା ପ୍ରସାଦ ବାହିନୀପତି ଓ ସୁର ରାଉତରାୟଙ୍କ ନାଁ ରହିଛି ।

ରିଲିଜ ହେଲା ‘ତୁମେ ମୋ ଶଙ୍ଖା ତୁମେ ମୋ ସିନ୍ଦୂର’ ଫିଲ୍ମ

ଭୁବନେଶ୍ୱର: ଏପ୍ରିଲ୍ ୧ ତାରିଖ ଉତ୍କଳ ଦିବସ ଅବସରରେ ରିଲିଜ୍ ହୋଇଛି ଓଡ଼ିଆ ଫିଲ୍ମ ‘ତୁମେ ମୋ ଶଙ୍ଖା ତୁମେ ମୋ ସିନ୍ଦୂର’।

କରୋନା ମହମାରୀ ଭିତରେ ରିଲିଜ୍ ହୋଇଥିବା ଏହି ଫିଲ୍ମଟି ସମ୍ପୂର୍ଣ୍ଣ ପାରିବାରିକ ଧର୍ମୀ ଚଳଚ୍ଚିତ୍ର । ଏପ୍ରିଲ ୧ରେ ଫିଲ୍ମଟି ୨୨ଟି ସିନେମା ହଲରେ ରିଲିଜ୍ ହୋଇଛି।

ଫିଲ୍ମରେ ଦୁଇ ଅଭିନେତ୍ରୀ ମହିମା ଓ ଅଙ୍କିତାଙ୍କ ସହ ଅଭିଷେକ ରଥ ଲିଡ୍ ରୋଲରେ ନଜର ଆସିଛନ୍ତି। ଏହି ଚଳଚ୍ଚିତ୍ରଟି Golden Forest India Television pvt.ltd ବ୍ୟାନରରେ ନିର୍ମିତ।

ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ରଞ୍ଜିତ ବାରିକ ରହିଥିବା ବେଳେ ପ୍ରଯୋଜନା କରିଛନ୍ତି ବଦ୍ରି ପଟ୍ଟନାୟକ। ସେହିପରି ଫିଲ୍ମର ଗୀତକୁ ନିର୍ଦ୍ଦେଶନା ଦେଇଛନ୍ତି ଅଭିଜିତ ମଜୁମଦାର ଏବଂ ଗୀତକୁ ଗାଇଛନ୍ତି ଓଲିଉଡ଼ର ଲୋକପ୍ରିୟ କଣ୍ଠଶିଳ୍ପୀ ହ୍ୟୁମାନ ସାଗର, ସ୍ଵୟଂ ପାଢ଼ୀ, ଇରା ମହାନ୍ତି, ରୋଜାଲିନ, ରିଙ୍କି ଓ ନେହା।

କନ୍ଧମାଳରେ ମେଡିକାଲ କଲେଜ ନିର୍ମାଣ ଅଗ୍ରଗତି ନେଇ ସମୀକ୍ଷା, ୩୦ ମାସରେ କାର୍ଯ୍ୟ ସାରିବାକୁ ଲକ୍ଷ୍ୟ

ଫୁଲବାଣୀ: କନ୍ଧମାଳ ଗସ୍ତରେ ଯାଇ ମେଡିକାଲ କଲେଜ ନିର୍ମାଣ ଅଗ୍ରଗତି ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଓ 5T ସଚିବ ଭି.କେ ପାଣ୍ଡଆନ୍ ଏବଂ ପୂର୍ତ୍ତ ବିଭାଗ ସଚିବ । ଫୁଲବାଣୀରେ ମେଡିକାଲ କଲେଜ ଓ ହସ୍ପିଟାଲ ନିର୍ମାଣ ୪୫୦ କୋଟି ଟଙ୍କା ବ୍ୟୟରେ ହେବ । ମେଡିକାଲ କଲେଜ କାର୍ଯ୍ୟ ୩୦ ମାସ ମଧ୍ୟରେ ସାରିବାକୁ ଲକ୍ଷ୍ୟ ରଖାଯାଇଛି ।

Image

୨୦୨୦ ଡିସେମ୍ବରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ରାଜ୍ୟ କ୍ୟାବିନେଟ୍ ବୈଠକରେ ଫୁଲବାଣୀରେ ମେଡିକାଲ କଲେଜକୁ ମଞ୍ଜୁରୀ ମିଳିଥିଲା । ଫୁଲବାଣୀ ମେଡିକାଲ କଲେଜରେ ୧୦୦ ସିଟ୍ ସହ ୫୦୦ ଶଯ୍ୟା ରହିବ ।

Chief Secretary and 5T Secretary visit Kandhamal to review progress of the Rs 450 crores Medical college

ନିର୍ମାଣ କାର୍ଯ୍ୟ ଲାଗି ସମସ୍ତ ସହାୟତା ଯୋଗାଇ ଦେବାକୁ ଜିଲ୍ଲା ପ୍ରଶାସନକୁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି । ନିର୍ଦ୍ଧାରିତ ସମୟରେ ମେଡିକାଲ କଲେଜ ନିର୍ମାଣ ସାରିବା ଲାଗି କଞ୍ଚାମାଲ ଯୋଗାଣ ଉପରେ ଗୁରୁତ୍ୱ ଦିଆଯାଇଛି । ମେଡିକାଲ କଲେଜ ନିର୍ମାଣ ଲାଗି ଚିହ୍ନିତ ହୋଇଥିବା ସ୍ଥାନକୁ ମୁଖ୍ୟ ଶାସନ ସଚିବ ପ୍ରଶଂସା କରିବା ସହ ଚାରିପଟେ ଗଛ ଲଗାଇଭାକୁ ପରାମର୍ଶ ଦେଇଛନ୍ତି । ଏଥିସହ ଡ୍ରେନେଜ୍ ଓ ଜଳ ସଂରକ୍ଷଣ ଲାଗି ପଦକ୍ଷେପ ନେବାକୁ ଜଳ ସମ୍ପଦ ବିଭାଗକୁ କହିଛନ୍ତି ମୁଖ୍ୟ ଶାସନ ସଚିବ ।

Image

ସେହିଭଳି 5T ସଚିବ ରୋଗୀଙ୍କ ସମ୍ପର୍କୀୟଙ୍କ ଲାଗି ବିଶ୍ରାମ ଗୃହ ଓ ଖାଦ୍ୟ ଉପରେ ଗୁରୁତ୍ୱ ଦେଇଛନ୍ତି । ମେଡିକାଲ କଲେଜ କ୍ୟାମ୍ପସ ଭିତରେ ଡାକ୍ତର ଓ କର୍ମଚାରୀଙ୍କ ଲାଗି ପରିବେଶ ଉପଯୋଗୀ ବ୍ୟବସ୍ଥା ସହ ଅବସର ବିନୋଦନ ପାଇଁ ବ୍ୟବସ୍ଥା କରିବାକୁ ପରାମର୍ଶ ଦେଇଛନ୍ତି । ମେଡିକାଲ କଲେଜ ପରିସରରେ ଅଟୋ, ଟ୍ୟାକ୍ସି ଷ୍ଟାଣ୍ଡ ଏବଂ ଏନ୍ଏଚ୍ ନିକଟ ହୋଇଥିବାରୁ ଦୁର୍ଘଟଣା ରୋକିବାକୁ ବିକଳ୍ପ ବ୍ୟବସ୍ଥା ଗ୍ରହଣ କରିବାକୁ କହିଛନ୍ତି ।

Chief Secretary and 5T Secretary visit Kandhamal to review progress of the Rs 450 crores Medical college

ଫୁଲବାଣୀ ମେଡିକାଲ କଲେଜ କ୍ୟାମ୍ପସରେ ପୁରୁଷ ହଷ୍ଟେଲରେ ୩୦୦ ସିଟ୍, ମହିଳା ହଷ୍ଟେଲରେ ୧୫୦ ସିଟ୍ ସହ ୬୫୦ ସିଟ୍ କ୍ଷମତାର ଅଡିଟୋରିୟମ୍, ୧୦୦ ସିଟର ଆବାସିକ ଡାକ୍ତର ହଷ୍ଟେଲ, ଡାକ୍ତର ଓ କର୍ମଚାରୀଙ୍କ ଲାଗି କ୍ୱାର୍ଟର ରହିବ ।

Image

ମେଡିକାଲ କଲେଜର ଅଗ୍ରଗତି ସମୀକ୍ଷା ପରେ ମୁଖ୍ୟ ଶାସନ ସଚିବ, 5T ସଚିବ ସରକାରୀ ଏଜେଓ ହାଇସ୍କୁଲ୍, ସରକାରୀ ବାଳିକା ହାଇସ୍କୁଲ ପରିଦର୍ଶନ କରିଥିଲେ । ଶିକ୍ଷକ, ସ୍କୁଲ୍ ପରିଚାଳନା କମିଟି ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ମତାମତ ଆଧାରରେ ଉଭୟ ସ୍କୁଲରେ ଉନ୍ନତିମୂଳକ କାର୍ଯ୍ୟ ଯେଭଳି ସ୍ମାର୍ଟ କ୍ଲାସରୁମ୍, ଲାଇବ୍ରେରୀ, ଭିତ୍ତିଭୂମି ବିକାଶ ନେଇ ନିଷ୍ପତ୍ତି ନିଆଯାଇଛି । ଜିଲ୍ଲାପାଳ ଓ ଏସପି ଜିଲ୍ଲାର ବିଭିନ୍ନ ସମସ୍ୟା ନେଇ ଜଣାଇଛନ୍ତି । କୋଭିଡ୍ ସଂକ୍ରମଣକୁ ଦେଖି କରୋନା କଟକଣାକୁ କଡ଼ାକଡ଼ି ପାଳନ ପାଇଁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।

ଅଭିନେତ୍ରୀ ରୁପାଲି ଗାଙ୍ଗୁଲିଙ୍କୁ କରୋନା, ଶେୟାର କଲେ ପୋଷ୍ଟ

ମୁମ୍ବାଇ: ଲୋକପ୍ରିୟ ଟିଭି ଶୋ ଅନୁପମାରେ ଲିଡ୍ ରୋଲରେ ନଜର ଆସୁଥିବା ଅଭିନେତ୍ରୀ ରୁପାଲି ଗାଙ୍ଗୁଲି କରୋନା ସଂକ୍ରମିତ ଚିହ୍ନଟ ହୋଇଛନ୍ତି। କରୋନା ପଜିଟିଭ ହେବା ପରେ ସେ ସୋସିଆଲ ମିଡିଆରେ ଏକ ପୋଷ୍ଟ କରି ତାଙ୍କର ପ୍ରଶଂସକ ମାନଙ୍କୁ ଏନେଇ ସୂଚନା ଦେଇଛନ୍ତି। ଅଭିନେତ୍ରୀ ଜଣକ କ୍ୱାରେଣ୍ଟାଇନରେ ଥିବା ବେଳେ ତାଙ୍କ ପରିବାର ସଦସ୍ୟ ଓ ଶୋ’ର କ୍ରୁ ମାନେ ମଧ୍ୟ ଟେଷ୍ଟ କରାଇଛନ୍ତି।

ଇନଷ୍ଟାଗ୍ରାମରେ ଶେୟାର କରିଥିବା ପୋଷ୍ଟରେ ସେ ମୁଣ୍ଡରେ ହେଲମେଟ ଲଗାଇ ଏକ ରଙ୍ଗୀନ ଦୁପଟା ପିନ୍ଧିଥିବା ନଜର ଆସିଛନ୍ତ । ଇନଷ୍ଟାଗ୍ରାମରେ ସେ ଲେଖିଛନ୍ତି, “ମା କରୋନା ଦେବୀ ତୁ ହେ କି ନେହିଁ। ୟେ କିଆ ହୁଆ କେସେ ହୁଆ କବ ହୁଆ ଜବ ହୁଆ ତବ ହୁଆ । ଛୋଡୋ ୟେ ନା ପୁଛୋ । ହେଲେ ଏହା ପଜିଟିଭ ବାହାରିଛି, ଯାହା ମୁଁ କେବେ ଚାହୁଁ ନଥିଲି। ”

“ପରିବାର ସଦସ୍ୟ ମଧ୍ୟ ଟେଷ୍ଟ କରାଇଥିବା ବେଳେ ଏବେ ରିପୋର୍ଟକୁ ଅପେକ୍ଷା । ଏତେ ସବୁ ସାବଧାନତା ଅବଲମ୍ବନ କଳା ପରେ ବି କରୋନା କେମିତି ହେଇଗଲା ଜାଣିପାରିଲି ନାହିଁ । ଦୟାକରି ମୋ ପରିବାର ତଥା ମୋର ଅନୁପମା ଟିମ୍ ମେମ୍ବରଙ୍କ ଆରୋଗ୍ୟ ପାଇଁ ପ୍ରାର୍ଥନା କରନ୍ତୁ।

ତେବେ ଗତ ବର୍ଷ ଅନୁପମା ଶୋ’ ମାଧ୍ୟମରେ ଅଭିନେତ୍ରୀ ରୁପାଲି ଟିଭି ପରଦାକୁ କମବ୍ୟାକ୍ କରିଥିଲେ, ଯାହା ଏବେ ରେଟିଂରେ ରହିଛି ।

୩ ସପ୍ତାହ ପାଇଁ ବନ୍ଦ ରହିବ ସାପ୍ତାହିକ ହାଟ, ଅନ୍ୟତ୍ର ସ୍ଥାନାନ୍ତର ହେବ ଦୈନିକ ବଜାର

ଝାରସୁଗୁଡ଼ା: ବଢ଼ୁଥିବା କୋଭିଡ୍ ସଂକ୍ରମଣକୁ ଦେଖି ଝାରସୁଗୁଡ଼ା ଜିଲ୍ଲା ପ୍ରଶାସନର ବଡ଼ ନିଷ୍ପତ୍ତି । ଜିଲ୍ଲାରେ ବନ୍ଦ ରହିବ ସାପ୍ତାହିକ ହାଟ । ଏନେଇ ଝାରସୁଗୁଡ଼ା ଜିଲ୍ଲାପାଳ ଟ୍ୱିଟ୍ କରି ସୂଚନା ଦେଇଛନ୍ତି । ଜିଲ୍ଲାରେ କୋଭିଡ୍ ସଂକ୍ରମିତଙ୍କ ସଂଖ୍ୟା ପୁଣିଥରେ ବୃଦ୍ଧି ପାଉଥିବାରୁ ଏଭଳି ନିଷ୍ପତ୍ତି ନିଆଯାଇଛି । ଆସନ୍ତା ୩ ସପ୍ତାହ ଲାଗି ଜିଲ୍ଲାର ସମସ୍ତ ସାପ୍ତାହିକ ହାଟ ବନ୍ଦ ରହିବ ।

ଏଥିସହ ଦୈନିକ ବଜାରକୁ ଅନ୍ୟତ୍ର ସ୍ଥାନାନ୍ତର କରାଯିବ । ଲୋକଙ୍କ ଗହଳି ରୋକିବାକୁ ପନିପରିବା ଓ ଆମିଷ ବଜାରକୁ ଭାଗ ଭାଗ କରି ଅନ୍ୟତ୍ର ଖୋଲା ସ୍ଥାନରେ ବସାଇବା ଲାଗି ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି । କୋଭିଡ୍ ବିରୋଧୀ ଯୁଦ୍ଧ ଜିତିବା ଲାଗି ଏଥିରେ ସହଯୋଗ କରିବା ଲାଗି ଜିଲ୍ଲାପାଳ ଜନସାଧାରଣଙ୍କୁ ଅନୁରୋଧ କରିଛନ୍ତି ।

ଗତ ୨୪ ଘଣ୍ଟାରେ ଜିଲ୍ଲାରେ ୧୩ଟି ନୂଆ ସଂକ୍ରମଣ ଚିହ୍ନଟ ହୋଇଛି । ଏଯାବତ୍ ଜିଲ୍ଲାରେ ୮ ହଜାର ୨୬ଟି ସଂକ୍ରମଣ ମାମଲା ଚିହ୍ନଟ ହୋଇଥିବା ବେଳେ ୭ ହଜାର ୯୩୯ ଜଣ ସୁସ୍ଥ ହୋଇ ସାରିଛନ୍ତି । ଏବେ ଜିଲ୍ଲାରେ ୬୧ ଜଣ ସକ୍ରିୟ କରୋନା ସଂକ୍ରମିତ ଥିବାବେଳେ ୨୬ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।

ନିର୍ବାଚନୀ ପ୍ରଚାର କାର୍ଯ୍ୟକ୍ରମ ବାତିଲ କଲେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ: ଜାଣନ୍ତୁ କାହିଁକି ?

ନୂଆଦିଲ୍ଲୀ: କରୋନା ସଂକ୍ରମିତ ହୋଇଛନ୍ତି ଶିଳ୍ପପତି ତଥା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କ ସ୍ୱାମୀ ରବର୍ଟ ଭଦ୍ରା । ଏହା ପରେ ନିଜକୁ ଆଇସୋଲେସନ୍‌ରେ ରଖିଛନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ । ଏଥିସହିତ ନିଜ ସମସ୍ତ ନିର୍ବାଚନ ପ୍ରଚାର କାର୍ଯ୍ୟକ୍ରମକୁ ମଧ୍ୟ ବାତିଲ କରିଛନ୍ତି ।

        ଟ୍ୱିଟ୍‌ର ମାଧ୍ୟମରେ ଏକ ଭିଡିଓ ସେୟାର କରି ସେ କହିଛନ୍ତି ଯେ, ତାଙ୍କ କରୋନା ରିପୋର୍ଟ ନେଗେଟିଭ୍ ଆସିଛି । କିନ୍ତୁ ସେ ଆଉ କିଛି ଦିନ ପାଇଁ ଆଇସୋଲେସନ୍‌ରେ ରହିବେ । ଏଣୁ  ଅନିଚ୍ଛା ସତ୍ତ୍ୱେ ତାଙ୍କୁ ସମସ୍ତ ନିର୍ବାଚନ ପ୍ରଚାର କାର୍ଯ୍ୟକ୍ରମ ବାତିଲ କରିବାକୁ ପଡ଼ୁଛି । ଏଥିସହିତ ସେ ସମସ୍ତଙ୍କୁ ଦଳୀୟ କର୍ମକର୍ତ୍ତା ଓ ସମର୍ଥକଙ୍କୁ ମଧ୍ୟ କ୍ଷମା ପ୍ରାର୍ଥାନ କରିଛନ୍ତି । ଏଥିସହିତ ସମସ୍ତ  ଦଳୀୟ ପ୍ରାର୍ଥୀଙ୍କୁ ଶୁଭକାମନା ଜଣାଇବା ସହ କଂଗ୍ରେସ ଭଲ କରିବ ବୋଲି ଆଶାବ୍ୟକ୍ତ କରିଛନ୍ତି ।

        ତେବେ ଅନ୍ୟ ଏକ ପୋଷ୍ଟରେ ରବର୍ଟ ଭଦ୍ରା କହିଛନ୍ତି ଯେ, ଦୁର୍ଭାଗ୍ୟବସତଃ ଅଜାଣତରେ ସେ କିଛି ସଂକ୍ରମିତଙ୍କ ସଂସ୍ପର୍ଶରେ ଆସି କରୋନା ସଂକ୍ରମିତ ହୋଇଛନ୍ତି । ଏବଂ ତାଙ୍କ ଠାରେ କିଛି ଲକ୍ଷଣ ଦେଖାଯାଇଥିବା ମଧ୍ୟ ସେ କହିଛନ୍ତି । ତେବେ ଉଭୟ ଆଇସୋଲେସନ୍‌ରେ ରହିଥିବା ମଧ୍ୟ ସେ କହିଛନ୍ତି ।

ଏଥିସହିତ ପଢ଼ନ୍ତୁ:୧୦ବର୍ଷ ପୂର୍ବେ ୨୮ ବର୍ଷର ଅପେକ୍ଷାର ଘଟିଥିଲା ଅନ୍ତ

ଛତିଶଗଡ଼ ପାଇଁ ସୀମାନ୍ତ ଜିଲ୍ଲାରେ ବଢ଼ୁଛି କୋଭିଡ୍ ସଂକ୍ରମଣ

ଭୁବନେଶ୍ୱର: ପଶ୍ଚିମ ଓଡ଼ିଶାରେ ବଢୁଥିବା କୋଭିଡ୍ ସ୍ଥିତିକୁ ନେଇ ପ୍ରତିକ୍ରିୟା ରଖିଛନ୍ତି ମନ୍ତ୍ରୀ ଦିବ୍ୟଶଙ୍କର ମିଶ୍ର । ଛତିଶଗଡ଼ ସୀମାନ୍ତ ଜିଲ୍ଲାରେ କୋଭିଡ୍ ସଂକ୍ରମଣ ବୃଦ୍ଧି ପାଉଛି । ଏନେଇ ଜିଲ୍ଲାପାଳମାନଙ୍କୁ ଆବଶ୍ୟକ ପଦକ୍ଷେପ ନେବାକୁ କୁହାଯାଇଛି । ଯେଉଁଠି ଅଧିକ ସଂକ୍ରମିତ ଚିହ୍ନଟ ହେଉଛନ୍ତି, ସେଠାରେ କଣ୍ଟେନମେଣ୍ଟ ଜୋନ୍‌ କରାଯାଉଛି । ନୂଆପଡ଼ା ଓ କଳାହାଣ୍ଡି ସ୍ଥିତି ଉପରେ ତୀକ୍ଷଣ ନଜର ରଖାଯାଇଥିବା ମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି ।

Covid Case Surges In Border District For Chhatishgarh Says Odisha Minister

ଛତିଶଗଡ଼ରେ ହୋଇଥିବା କ୍ରିକେଟ୍ ଖେଳ, ସଂକ୍ରମଣକୁ ଅଧିକ ବଢାଇଛି । ଉଭୟ କଳାହାଣ୍ଡି ଓ ନୂଆପଡ଼ା ଜିଲ୍ଲାକୁ ଛତିଶଗଡ଼ରୁ ଆସୁଥିବା ଲୋକଙ୍କୁ ଚିହ୍ନଟ କରି ଆଣ୍ଟିଜେନ ଟେଷ୍ଟିଂ କରିବାକୁ କୁହାଯାଇଛି । ତେବେ ସୀମା ସିଲ୍ କରିବା ସମସ୍ୟାର ସମାଧାନ ନୁହେଁ । ବରଂ ମାକ୍ସ ପିନ୍ଧିବା ଓ ସାମାଜିକ ଦୂରତା ବଜାୟ ରଖିବା ଆମର ପ୍ରାଥମିକତା ହେବା ଦରକାର ବୋଲି ମନ୍ତ୍ରୀ ଦିବ୍ୟ ଶଙ୍କର ମିଶ୍ର କହିଛନ୍ତି ।

୧୦ବର୍ଷ ପୂର୍ବେ ୨୮ ବର୍ଷର ଅପେକ୍ଷାର ଘଟିଥିଲା ଅନ୍ତ

ମୁମ୍ୱାଇ: ୧୦ ବର୍ଷ ତଳେ ଆଜିକାର ଦିନରେ ବିଶ୍ୱ ବିଜୟୀ ହୋଇଥିଲା ଟିମ୍‌ ଇଣ୍ଡିଆ୍ । ହୋମ୍ ଗ୍ରାଉଣ୍ଡରେ ଖେଳୁଥିବା ଭାରତୀୟ ଦଳ ୨୦୧୧ କ୍ରିକେଟ୍ ବିଶ୍ୱକପ୍ ବିଜୟୀ ହେବା ସହ ଦୀର୍ଘ ୨୮ ବର୍ଷର ଅପେକ୍ଷାର ଅବସାନ ଘଟିଥିଲା । ପ୍ରଥମ ଥର ୧୯୮୩ ମସିହାରେ କପିଲ୍ ଦେବଙ୍କ ନେତୃତ୍ୱରେ ଭାରତୀୟ ଦଳ ଏହି ସମ୍ମାନଜନକ ଟାଇଟଲ ହାତେଇଥିବା ବେଳେ ୨୦୧୧ ମସିହାରେ ମହେନ୍ଦ୍ର ସିଂହ ଧୋନୀଙ୍କ ନେତୃତ୍ୱରେ ଟିମ୍ ଇଣ୍ଡିଆ ଏହି ଐତିହାସିକ ସଫଳତା ହାସଲ କରିଥିଲା ।

        ୨୦୧୧ ମସିହାରେ ଆଜିକାର ଦିନରେ ମୁମ୍ୱାଇର ଓ୍ୱାଙ୍ଖଡେରେ ଖେଳାଯାଇଥିବା ସେହି ଫାଇନାଲ୍ ମ୍ୟାଚକୁ ମନେ ପକାଇଲେ ଆଜି ମଧ୍ୟ କ୍ରିକେଟ ପ୍ରେମୀଙ୍କ ମଧ୍ୟରେ ରୋମାଞ୍ଚ ଖେଳିଯାଏ । ଫାଇନାଲ ମ୍ୟାଚରେ ଗମ୍ଭୀରଙ୍କ ଚମତ୍କାର ୯୩ ରନ୍ , ଧୋନୀଙ୍କ ସେହି ଫିନିସିଂ ସିକ୍ସ ଓ ସଚିନ୍‌ଙ୍କୁ ସାଥୀ ଖେଳାଳି କାନ୍ଧରେ ଧରି ପଡ଼ିଆ ବୁଲାଇଆା ଦୃଶ୍ୟ ଆଖି ଆଗରେ ନାଚି ଉଠେ ।

       ଫାଇନାଲ୍‌ ମ୍ୟାଚ୍‌ରେ ମାହେଲା ଜୟବର୍ଦ୍ଦେନଙ୍କ ଅପରାଜେୟ ଶତକ ବଳରେ ଶ୍ରୀଲଙ୍କା ଦଳ ଭାରତୀୟ ଟିମ୍ ଆଗରେ ୨୭୪ ରନ୍‌ର ବିଜୟ ଲକ୍ଷ୍ୟ ରଖିଥିଲା  ।  ଅପରପକ୍ଷରେ ଦ୍ୱିତୀୟ ଇଂନିସରେ ମାଲିଙ୍ଗାଙ୍କ ଦ୍ୱିତୀୟ ବଲ୍‌ରେ ଆଉଟ୍ ହୋଇଯାଇଥିଲେ ବିସ୍ଫୋରକ ବ୍ୟାଟ୍ସମ୍ୟାନ୍ ବିରେନ୍ଦ୍ର ସେହଓ୍ୱାଗ । ତାଙ୍କ ପଛକୁ ମାଷ୍ଟର ବ୍ଳାଷ୍ଟର ସଚିନ୍ ତେନ୍ଦୁଲକର ମଧ୍ୟ ଆଉଟ ହୋଇଯାଇଥିଲେ । ଏହା ପରେ ଷ୍ଟାଡିୟମ୍ ଓ ଟିଭି ପରଦାରେ ଖେଳୁ ଦେଖୁଥିବା କୋଟି କୋଟି ଭାରତୀୟ ପ୍ରଶଂସକଙ୍କ ମଧ୍ୟରେ ନିରାଶା ଖେଳିଯାଇଥିଲା । କିନ୍ତୁ ଖେଳ ଆଗକୁ ଆଗକୁ ବଢ଼ିବା ସହ ଗୌତମ ଗମ୍ଭୀର ଓ ବିରାଟ କୋହଲୀଙ୍କ ମଧ୍ୟ ଭଲ ପାର୍ଟନରସିପ୍ ହୋଇଥିଲା । ଯାହା ଭାରତୀୟ ଫ୍ୟାନ୍‌ଙ୍କ ମନରେ ନୂଆ ଆଶା ସଂଚାର କରିଥିଲା । ୮୩ ରନ୍‌ର ପାର୍ଟନରସିପ୍ ପରେ କୋହଲୀ ମଧ୍ୟ ଆଉଟ୍ ହୋଇ ପେଭିଲିୟନ ଫେରିଥିଲେ । କୋହଲୀ ଆଉଟ୍ ହେବା ପରେ ଧୋନୀ ନିଜକୁ ବ୍ୟାଟିଂ ଅର୍ଡରେ ପ୍ରମୋଟ କରିଥିଲେ । ଏହା ପରେ ଗମ୍ଭୀରଙ୍କ ସହ ମିଶି ଲଢ଼ୁଆ ବ୍ୟାଟିଂ ପ୍ରଦର୍ଶନ କରିଥିଲେ  । ଏକ ପ୍ରକାର ନିଶ୍ଚିତ ବିଜୟ ଭାରତୀୟ ଟିମ୍ ଅଗ୍ରସର ହେଉଥିବା ବେଳେ ୯୭ ରନ୍‌ର ବ୍ୟକ୍ତିଗତ ସ୍କୋରରେ ଆଉଟ୍ ହୋଇଥିଲେ ଗୌତମ ଗମ୍ଭୀର । ଐତିହାସିକ ମ୍ୟାଚ୍‌ରେ ଶତକ ମାରିବାରୁ ବଞ୍ଚିତ ହୋଇଥିଲେ ଗମ୍ଭୀର । କିନ୍ତୁ ଟାଇଟଲ୍ ବିଜୟରୁ ବଞ୍ଚିତ ହୋଇନଥିଲା ଟିମ୍ ଇଣ୍ଡିଆ । ଯୁବରାଜ୍ ସିଂହଙ୍କ ସହ ମିଶି ବିଜୟର ମୁଣ୍ଡି ମାରିଥିଲେ ଧୋନୀ । ଏହା ପରେ ଆଉ ୨ଟି ବିଶ୍ୱକପ୍ ଖେଳାଯାଇଥିଲେ ମଧ୍ୟ ଭାରତୀୟ ଦଳ ନିଜ ଐତିହାସିକ ପ୍ରଦର୍ଶନର ପୁନରାବୃତ୍ତି କରିପାରିନାହିଁ । ୨୦୧୧ ବିଶ୍ୱବିଜୟୀ ଦଳର ଅଧାଧିକ ଖେଳାଳି କ୍ରିକେଟରୁ ସନ୍ୟାସ ନେଇସାରିଥିବା ବେଳେ ଏବେ ଯୁବ ତାରକାଙ୍କ ଠାରେ ଆଶା ବାନ୍ଧି ରଖିଛନ୍ତି ଭାରତୀୟ ପ୍ରଶଂସକ ।