spot_img
Home Blog Page 5963

ଦେଶରେ ଉପରମୁହାଁ ମହାମାରୀ, ୨୪ ଘଣ୍ଟାରେ ୮୧ ହଜାର ୪୬୬ କରୋନା ପଜିଟିଭ୍ ଚିହ୍ନଟ

ନୂଆଦିଲ୍ଲୀ: ଦେଶରେ ଦିନକୁ ଦିନ ବଢିବାରେ ଲାଗିଛି କରୋନା ସଂକ୍ରମଣ । ଦିନକରେ ୮୧ହଜାର ୪୬୬ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ୪୬୯ଆକ୍ରାନ୍ତଙ୍କ ମୃତ୍ୟୁ ହୋଇଛି । ୨୪ ଘଣ୍ଟାରେ ୫୦ହଜାର ୩୫୬ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ମୋଟ୍ କରୋନା ଆକ୍ଟିଭ କେସ୍ ୬ଲକ୍ଷ ୧୪ ହଜାର ୬୯୬ଥିବା ବେଳେ ମୃତ୍ୟୁସଂଖ୍ୟା ଲକ୍ଷେ ୬୩ହଜାର ୩୯୬ରେ ପହଞ୍ଚିଲାଣି ।

ସେପଟେ କୋଭିଡ୍ ଟିକାକରଣ ଉପରେ କେନ୍ଦ୍ର ସରକାରଙ୍କ ଗୁରୁତ୍ୱ । କୋଭିଡର ଦ୍ୱିତୀୟ ଲହର ସଂକ୍ରମଣକୁ ଦେଖି ଏପ୍ରିଲ୍ ମାସର ସମସ୍ତ ଦିନରୁ ଆରମ୍ଭ ହୋଇଛି କୋଭିଡ୍ ଟିକାକରଣ । ସରକାରୀ ସହ ଘରୋଇ କୋଭିଡ୍ ଭ୍ୟାକ୍ସିନେସନ୍ ସେଣ୍ଟରରେ ଟିକା ଦିଆଯାଉଛି । ଏପରିକି ସରକାରୀ ଛୁଟି ଦିନରେ ଟିକା ଦିଆଯିବା ନେଇ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । ଏନେଇ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ କେନ୍ଦ୍ର ସରକାର ଚିଠି ଲେଖି ଆବଶ୍ୟକୀୟ ପ୍ରସ୍ତୁତି ପାଇଁ କହିଛନ୍ତି । ରାଜ୍ୟ ସରକାର ମଧ୍ୟ ସମସ୍ତ ଜିଲ୍ଲାପାଳ ଓ ମହାନଗର ନିଗମ କମିଶନର ଓ ସିଡିଏମଙ୍କୁ ଏନେଇ ଚିଠି ଲେଖି ଜଣାଇଛନ୍ତି ।

https://nandighoshatv.comvaccination-to-be-offered-on-all-days-of-april-month-including-gazetted-holidays/

ଜିଲ୍ଲାର ଟିକାକରଣ ଲକ୍ଷ ପୂରଣ ପାଇଁ ତଦନୁସାରେ କୋଭିଡ୍ ଭ୍ୟାକ୍ସିନେସନ୍ ସେଣ୍ଟର ବଢ଼ାଇବା ଲାଗି ନିର୍ଦ୍ଦେଶ ଦିଆଯାଇଛି । ଛୁଟି ଦିନରେ ଟିକାକରଣ ଲାଗି ବ୍ଲକସ୍ତରର ଅଧିକାରୀ ଓ ଘରୋଇ ସ୍ୱାସ୍ଥ୍ୟ ଅନୁଷ୍ଠାନକୁ ଜଣାଇବାକୁ ନିର୍ଦ୍ଦେଶ ଦିଆଯାଇଛି । ସେହିପରି ୪୫ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ କୋଭିଡ୍ ଟିକା ଦେବା ଆରମ୍ଭ ହୋଇଛି ।

5T ସଚିବ ଭି.କେ ପାଣ୍ଡିଆନଙ୍କ କନ୍ଧମାଳ ଗସ୍ତ, ପ୍ରସ୍ତାବିତ ମେଡିକାଲ କଲେଜ ପ୍ରତିଷ୍ଠା ନେଇ କରିବେ ସମୀକ୍ଷା

କନ୍ଧମାଳ: କନ୍ଧମାଳ ଜିଲ୍ଲାରେ ପ୍ରସ୍ତାବିତ ମେଡିକାଲ କଲେଜ କାମର ଅଗ୍ରଗତି ସମୀକ୍ଷା କରିବା ପାଇଁ 5T ସଚିବ ଭି.କେ ପାଣ୍ଡିଆନ୍ ଆଜି କନ୍ଧମାଳ ଗସ୍ତ କରୁଛନ୍ତି । ତାଙ୍କ ସହିତ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର, ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ ଆର. ଭିନିଲ କ୍ରିଷ୍ଣା, ପୂର୍ତ୍ତ ସଚିବ ଡକ୍ଟର କ୍ରିଷନ କୁମାର ମଧ୍ୟ ଏହି ଗସ୍ତରେ ସାମିଲ ଅଛନ୍ତି ।

ପ୍ରସ୍ତାବିତ ସ୍ଥାନରେ କାର୍ଯ୍ୟର ଅଗ୍ରଗତି ସମୀକ୍ଷା କରିବା ପରେ ଜିଲ୍ଲାପାଳଙ୍କ ସହିତ ମଧ୍ୟ ସମୀକ୍ଷା ବୈଠକ ଅନୁଷ୍ଠିତ ହେବ । କନ୍ଧମାଳ ଜିଲ୍ଲାରେ ଏକ ମେଡିକାଲ କଲେଜ ପ୍ରତିଷ୍ଠା କରିବା ପାଇଁ ରାଜ୍ୟ ସରକାର ବିଦ୍ଧିବଦ୍ଧ ନିଷ୍ପତ୍ତି ନେଇଛନ୍ତି । କନ୍ଧମାଳ ଜିଲ୍ଲାର ଫୁଲବାଣୀ ଠାରେ ସଂପୂର୍ଣ୍ଣ ଭାବେ ରାଜ୍ୟ ସରକାରଙ୍କ ଉଦ୍ୟମରେ ୧୦୦ ଶଯ୍ୟା ବିଶିଷ୍ଟ ମେଡିକାଲ କଲେଜ ପ୍ରତିଷ୍ଠା ପାଇଁ ରାଜ୍ୟ ସରକାର ୧୦ ଡିସେମ୍ବର ୨୦୨୦ରେ ନିଷ୍ପତ୍ତି ନେଇଥିଲେ ରାଜ୍ୟ ସରକାର । ଏହି ମେଡିକାଲ କଲେଜକୁ ୩ ବର୍ଷ ମଧ୍ୟରେ ସାରିବାକୁ ନିଷ୍ପତ୍ତି ନେଇଥିଲେ ରାଜ୍ୟ ସରକାର ।

ରାଜଧାନୀରେ ପ୍ରତ୍ୟେକ ଦିନ ୧୦ ହଜାର ଟିକା ଦେବା ନେଇ ବିଏମ୍‌ସିର ଲକ୍ଷ୍ୟ

ଭୁବନେଶ୍ୱର: ଆରମ୍ଭ ହୋଇଛି ମାସ୍ ଭ୍ୟାକ୍ସିନେସନ୍ । ଏହି ଟିକାକରଣରେ ୪୫ବର୍ଷରୁ ଅଧିକ ବୟସ୍କ ବ୍ୟକ୍ତି ହୋଇପାରିବେ ସାମିଲ । ରାଜ୍ୟରେ ଦୈନିକ ୨ଲକ୍ଷ ଟିକାକରଣ ଟାର୍ଗେଟ ରଖାଯାଇଛି । ଏଥିପାଇଁ ଉଭୟ ସରକାରୀ ଓ ଘରୋଇ ସ୍ବାସ୍ଥ୍ୟକେନ୍ଦ୍ରରେ କରାଯାଇଛି ବ୍ୟବସ୍ଥା । ଭୁବନେଶ୍ବରରେ ଦୈନିକ ୬ ହଜାର ଟିକାକରଣ ପାଇଁ ଲକ୍ଷ୍ୟ ରଖାଯାଇଥିବା ବେଳେ ୨୪ଟି ସରକାରୀ ଓ ୩୧ଟି ଘରୋଇ ସ୍ୱାସ୍ଥ୍ୟକେନ୍ଦ୍ରରେ ବ୍ୟବସ୍ଥା କରାଯାଇଛି ।

ଟାର୍ଗେଟ ଠାରୁ ଅଧିକ ଅନ୍ୟୁନ ୧୦ହଜାର ଟିକାଦାନ ପାଇଁ ବିଏମସି ପ୍ରସ୍ତୁତ ଥିବା କହିଛନ୍ତି କମିଶନର । ସେପଟେ କ୍ୟାପିଟାଲ ହସ୍ପିଟାଲରେ ଦୈନିକ ଅନ୍ୟୁନ ଏକ ହଜାର ଟିକାଦାନ ପାଇଁ ଲକ୍ଷ୍ୟ ରଖାଯାଇଥିବା କହିଛନ୍ତି ହସ୍ପିଟାଲ ନିର୍ଦ୍ଦେଶକ । ରବିବାର ଛୁଟିଦିନରେ ବି ଦିଆଯିବ ଟିକା । ଟିକାକରଣ ଲକ୍ଷ୍ୟପୂରଣ ପାଇଁ ସରକାର ଉଦ୍ୟମ କରିଛନ୍ତି ।

ଏନେଇ ଜିଲ୍ଲାପାଳ, ସିଡିଏମଓ, ମହାନଗର ନିଗମ କମିଶନରଙ୍କୁ ଚିଠି ଲେଖିଛି ସ୍ବାସ୍ଥ୍ୟବିଭାଗ । ସେପଟେ ରାଜ୍ୟରେ ଗତକାଲି ଆଉ ୩୯୪ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥି ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୭୦ଜଣଙ୍କୁ ଚିହ୍ନଟ କରାଯାଇଛି । ସେପଟେ ସଂକ୍ରମଣ ବଢୁଥିବାରୁ ଭୁବନେଶ୍ବରରେ ଆଜି ଗୁଡ୍ ଫ୍ରାଇଡେ ଉପରେ କଟକଣା ଲଗାଇଛି ବିଏମସି ।

ବଲିଉଡ ଅଭିନେତ୍ରୀ ଆଲିଆ ଭଟ୍ଟ କରୋନା ପଜିଟିଭ ଚିହ୍ନଟ

ମୁମ୍ବାଇ: ମହାରାଷ୍ଟ୍ରରେ କରୋନା ଗ୍ରାଫ ବଢ଼ିବାରେ ଲାଗିଛି । ଦୈନିକ ୪୦ ହଜାର ଉପରେ କରୋନା ସଂକ୍ରମିତଙ୍କ ସଂଖ୍ୟା ରହୁଥିବାବେଳେ ଏଥିରୁ ବର୍ତ୍ତିନାହାନ୍ତି ବଲିଉଡରେ ଅଭିନେତା ଅଭିନେତ୍ରୀ ମାନେ । ବଲିଉଡରେ ମଧ୍ୟ କରୋନା ସଂକ୍ରମଣର ମାମଲା ପୁଣି ଥରେ ବଢ଼ିବାରେ ଲାଗିଛି । ଇତିମଧ୍ୟରେ ଅଭିନେତ୍ରୀ ଆଲିଆ ଭଟ୍ଟ କରୋନା ପଜିଟିଭ ଚିହ୍ନଟ ହୋଇଛନ୍ତି । ତାଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ ଆସିଛି ।

https://twitter.com/filmfare/status/1377670981204897794

ଫିଲ୍ମଫେୟାର ରିପୋର୍ଟ ମୁତାବକ, ଆଲିୟା ଭଟ୍ଟ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆଲିଆ ଏବଂ ତାଙ୍କ ବୟଫ୍ରେଣ୍ଡ ରଣବୀର କପୁରଙ୍କୁ ଗୁରୁବାର ସନ୍ଧ୍ୟାରେ ନିଜ ଡବିଂ ସେସନ ପରେ ସ୍ପଟ୍ ହୋଇଥିଲେ । ଦୁହେଁ ନିର୍ଦ୍ଦେଶକ ଆୟାନ ମୁଖାର୍ଜୀଙ୍କ ଫିଲ୍ମ ‘ବ୍ରହ୍ମାସ୍ତ୍ର’ରେ ନଜର ଆସିବେ । ପ୍ରଥମ ଥର ପାଇଁ ଦୁହେଁ ବଡ଼ ପରଦାରେ ନଜର ଆସିବେ ।

ଆଲିଆଙ୍କ ପୂର୍ବରୁ ବୟଫ୍ରେଣ୍ଡ ରଣବୀର କପୁର ମଧ୍ୟ କରୋନା ପଜିଟିଭ ଚିହ୍ନଟ ହୋଇଥିଲେ । ଅବଶ୍ୟ, ତାଙ୍କ ରିପୋର୍ଟ ବର୍ତ୍ତମାନ ନେଗେଟିଭ ଆସିସାରିଛି । ବର୍ତ୍ତମାନ ଆଲିଆ ଭଟ୍ଟ ନିର୍ଦ୍ଦେଶକ ସଞ୍ଜୟ ଲୀଲା ଭଂଶାଲୀଙ୍କ ଫିଲ୍ମ ‘ଗଙ୍ଗୁବାଇ କାଠିୟାବାଡ଼ୀ’ ଶୁଟିଂରେ ବ୍ୟସ୍ତ ଅଛନ୍ତି ।

ବଲିଉଡ ଅଭିନେତ୍ରୀ କିରଣ ଖେର ବ୍ଲଡ କ୍ୟାନ୍ସରରେ ପୀଡିତ, ଚାଲିଛି ଚିକିତ୍ସା

ମୁମ୍ବାଇ: ବଲିଉଡ ଅଭିନେତ୍ରୀ ତଥା ସାଂସଦ କିରଣ ଖେର ଅସୁସ୍ଥ ଅଛନ୍ତି । ସେ ମଲ୍ଟିପଲ ମାଇଲୋମା, ଯାହା କି ଏକ ପ୍ରକାରର ବ୍ଲଡ କ୍ୟାନସର (ରକ୍ତ କର୍କଟ) ରୋଗରେ ପୀଡିତ ଥିବା ଜଣାପଡ଼ିଛି। କୁହାଯାଉଛି କି କିରଣ ଖେରଙ୍କର ମୁମ୍ବାଇରେ ଚିକିତ୍ସା ଚାଲିଛି ।

ବୁଧବାର ଏକ ସ୍ୱତନ୍ତ୍ର ସାମ୍ବାଦିକ ସମ୍ମିଳନୀରେ କିରଣ ଖେରଙ୍କ ସହଯୋଗୀ ତଥା ବିଜେପି ଚଣ୍ଡିଗଡ଼ ସଦସ୍ୟ ଅରୁଣ ସୁଦ କିରଣଙ୍କ ଅସୁସ୍ଥତା ସମ୍ପର୍କରେ ସୂଚନା ଦେଇଛନ୍ତି। ସୁଦ କହିଛନ୍ତି ଯେ କିରଣ ଖେର ଗତ ବର୍ଷରୁ ନିଜର ଚିକିତ୍ସା ଜାରି ରଖିଛନ୍ତି। ଅରୁଣ ସୁଦ କହିଛନ୍ତି ‘ଗତ ବର୍ଷ ନଭେମ୍ବର ୧୧ରେ, ଚଣ୍ଡିଗଡ଼ ଘରେ ତାଙ୍କର ହାତ ଭାଙ୍ଗି ଯାଇଥିଲା। ଚଣ୍ଡିଗଡ଼ର ପୋଷ୍ଟ ଗ୍ରାଜୁଏଟ୍ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ୍ ଏଜୁକେସନ୍ ଆଣ୍ଡ ରିସର୍ଚ୍ଚରେ ଚିକିତ୍ସା ସମୟରେ ତାଙ୍କ ଶରୀରରେ ମଲ୍ଟିପଲ ମାଇଲୋମାର ପ୍ରାରମ୍ଭିକ ଲକ୍ଷଣ ଦେଖାଦେଇଥିଲା।

ଏହି ରୋଗ ତାଙ୍କ ବାମ ହାତରୁ ଡାହାଣ କାନ୍ଧ ପର୍ଯ୍ୟନ୍ତ ବ୍ୟାପିଥିଲା। ଏଭଳି ପରିସ୍ଥିତିରେ ତାଙ୍କୁ ୪ ଡିସେମ୍ବର ୨୦୨୦ରେ ମୁମ୍ବାଇକୁ ଚିକିତ୍ସା ପାଇଁ ପଠାଯାଇଥିଲା। ସେବେଠାରୁ ତାଙ୍କର କ୍ରମାଗତ ଭାବେ ଚିକିତ୍ସା ଚାଲିଛି। ପ୍ରତିଦିନ ଚିକିତ୍ସା ପାଇଁ ସେ ହସ୍ପିଟାଲ ଯାହାଆନ୍ତି ବୋଲି ଅରୁଣ ସୁଦ୍‌ କହିଛନ୍ତି ।

ମା’ ହେବେ ବଲିଉଡ୍ ଅଭିନେତ୍ରୀ ଦିଆ ମିର୍ଜା

ନୂଆଦିଲ୍ଲୀ:ମା’ ହେବାକୁ ଯାଉଛନ୍ତି ବଲିଉଡ୍ ଅଭିନେତ୍ରୀ ଦିଆ ମିର୍ଜା । ଚଳିତ ବର୍ଷ ଫେବ୍ରୁଆରୀ ମାସରେ ସେ ବ୍ୟବସାୟୀ ବୈଭବ ରେଖିଙ୍କୁ ବିବାହ କରିଥିଲେ । ତେବେ ତାଙ୍କ ଗର୍ଭବତୀ ହେବାର ସୂଚନା ଦିଆ ଗୁରୁବାର ସୋଶାଲ୍ ମିଡିଆରେ ଏକ ପୋଷ୍ଟ ମାଧ୍ୟମରେ ଦେଇଛନ୍ତି ।

 

View this post on Instagram

 

A post shared by Dia Mirza (@diamirzaofficial)

ସେ ତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟରେ ମାଲଦୀପରୁ ଏକ ଫଟୋ ପୋଷ୍ଟ କରିଛନ୍ତି । ଫଟୋଟିରେ ତାଙ୍କ ବେବି ବମ୍ପକୁ ସେ କୋଳେଇ ଧରିଛନ୍ତି । ଏହା ସହିତ ଏକ ସୁନ୍ଦର କବିତା ଲେଖିଛନ୍ତି । ଏହି କବିତାଟିରେ ସେ ତାଙ୍କର ମା’ ହେବାକୁ ଯାଉଥିବାର ଭାବନକୁ ଅତି ସୁନ୍ଦର ଭାବେ ବର୍ଣ୍ଣନା କରିଛନ୍ତି ।

 

ଭୁବନେଶ୍ୱର ଉପକଣ୍ଠ ସୁନ୍ଦରପଦା ଅଞ୍ଚଳରେ ବୋମାମାଡ଼, ୨ ଆହତ

ଭୁବନେଶ୍ୱର: ଭୁବନେଶ୍ୱର ଉପକଣ୍ଠ ସୁନ୍ଦରପଦା ଆଜାଦନଗର ଅଞ୍ଚଳରେ ବୋମାମାଡ଼ ହୋଇଛି । ଗୋଟିଏ ଗୋଷ୍ଠୀ ପକ୍ଷରୁ ବୋମାମାଡ଼ ସହ ମାରଣାସ୍ତ୍ରରେ ଆକ୍ରମଣ ହୋଇଥିବା ଜଣାପଡ଼ିଛି । ଏହି ଆକ୍ରମଣରେ ୨ ଜଣ ଆହତ ହୋଇଛନ୍ତି । ପୂର୍ବ ଶତ୍ରୁତାରୁ ବୋମାମାଡ଼ ହୋଇଥିବା ବେଳେ, ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ଫଳରେ ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏହି ଘଟଣାରେ ୪ ଜଣଙ୍କୁ ଅଟକ ରଖି ପଚରାଉଚରା କରୁଛି ଏୟାର ଫିଲ୍ଡ ଥାନା ପୁଲିସ ।

 

ଦୁଇ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ଉପରାଷ୍ଟ୍ରପତି ଭେଙ୍କୟା ନାଇଡୁ

ଭୁବନେଶ୍ୱର: ଦୁଇ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ଉପରାଷ୍ଟ୍ରପତି । ଆଜିଠୁ ଦୁଇ ଦିନିଆ ଓଡ଼ିଶା ଗସ୍ତରେ ଉପରାଷ୍ଟ୍ରପତି ଭେଙ୍କୟା ନାଇଡୁ ଆସୁଥିବା ବେଳେ ହାଇଦ୍ରାବାଦରୁ ସ୍ୱତନ୍ତ୍ର ବିମାନ ଯୋଗେ ବାହାରି ଦିନ ୧୧ଟା ୨୦ରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବେ । ସେଠାରୁ ଉପରାଷ୍ଟ୍ରପତି ରାଜଭବନକୁ ଯିବାର କାର୍ଯ୍ୟକ୍ରମ ରହିଛି ।

ଅପରାହ୍ନ ୪ଟା ୪୫ ମିନିଟରେ କଟକର ବିଜୁ ପଟ୍ଟନାୟକ ଛକ ସ୍ଥିତ ଶାରଳା ଭବନରେ ପହଞ୍ଚିବାର କାର୍ଯ୍ୟକ୍ରମର ରହିଛି । ଏବଂ ସେଠାରେ ସାରଳା ଦାସଙ୍କ ୬୦୦ତମ ଜନ୍ମ ଜୟନ୍ତୀରେ ଯୋଗ ଦେବାର କାର୍ଯ୍ୟକ୍ରମର ରହିଛି । ପରେ ରାଜଭବନକୁ ଫେରି ରାତ୍ରିଯାପନ କରିବେ ଉପରାଷ୍ଟ୍ରପତି । ୩ତାରିଖ ୧୦ଟା ୧୦ ମିନିଟରେ ଉତ୍କଳ ବିଶ୍ୟବିଦ୍ୟାଳୟର ୫୦ତମ ସମାବର୍ତ୍ତନ ଉତ୍ସବରେ ଯୋଗ ଦେବେ ଉପରାଷ୍ଟ୍ରପତି ଭେଙ୍କେୟା ନାଇଡୁ ।

ଉତ୍ତର-ପୂର୍ବ ଓଡ଼ିଶାରେ ବିଦ୍ୟୁତ୍ ବିତରଣ ଦାୟିତ୍ୱ ନେଲା ଟାଟା ପାୱାର

ଭୁବନେଶ୍ୱର: ଦେଶର ବୃହତ୍ତ ଶକ୍ତି କମ୍ପାନୀ ଟାଟା ପାୱାର ନେସ୍କୋ ଠାରୁ ପରିଚାଳନା ଭାର ଗ୍ରହଣ କରିଛି । ଏଣିକି ନେସ୍କୋ ଟିପି ନର୍ଥନ ଓଡ଼ିଶା ଡିଷ୍ଟ୍ରିବୁସନ୍ ଲିମିଟେଡ୍ (TPNODL) ଅଧୀନରେ ପରିଚାଳିତ ହେବ । ଓଡ଼ିଶା ବିଦ୍ୟୁତ୍ ନିୟାମକ ଆୟୋଗ (OERC) ପକ୍ଷରୁ ଜାରି ନିର୍ଦ୍ଦେଶନାମା ଅନୁସାରେ ଟାଟା ପାୱାର ୫୧ ପ୍ରତିଶତ ଅଂଶଧନ ସହ ପରିଚାଳନା ନିୟନ୍ତ୍ରଣ କରିବ । ସେହିଭଳି ରାଜ୍ୟ ସରକାରଙ୍କ ସଂସ୍ଥା ଗ୍ରୀଡକୋ ପାଖରେ ୪୯ ପ୍ରତିଶତ ମାଲିକାନା ରହିବ ।

Tata Power takes over power distribution in North Eastern Odisha from 1st April 2021

ନେସ୍କୋର ୫ଟି ସର୍କଲରେ TPNODL ୨ ମିଲିୟନରୁ ଅଧିକ ଗ୍ରାହକଙ୍କୁ ବାର୍ଷିକ ୫୪୫୦ ଏମୟୁଏସ୍ ବିଦ୍ୟୁତ୍ ବିତରଣ କରିବ । ବାଲେଶ୍ୱର, ଭଦ୍ରକ, ବାରିପଦା, ଯାଜପୁର ଓ କେନ୍ଦୁଝରରେ ସେବା ଯୋଗାଇବ । ୨୭ ହଜାର ସ୍କୋୟାର୍ କିଲୋମିଟର ଭୌଗଳିକ ଅଞ୍ଚଳରେ ବିଦ୍ୟୁତ୍ ବିତରଣ କରିବ ଟାଟା ପାୱାର । ୨୫ ବର୍ଷ ଲାଗି ଟାଟା ପାୱାରକୁ ବିତରଣ ଦାୟିତ୍ୱ ଦିଆଯାଇଛି ।

ଏବେ ଟାଟା ପାୱାର ସାରା ରାଜ୍ୟରେ ବିଦ୍ୟୁତ୍ ବିତରଣ କରୁଛି । ଟାଟା ପାୱାର ପାଖରେ ୯ ମିଲିୟନ୍ ଗ୍ରାହକ ଅଛନ୍ତି । ଏବେ ଟାଟା ପାୱାର ପାଖରେ ମୁମ୍ବାଇ, ନୂଆଦିଲ୍ଲୀ, ଓଡ଼ିଶା ଓ ଆଜମେରରେ ୧୧.୫ ମିଲିୟନ୍ ଗ୍ରାହକ ଅଛନ୍ତି । ଦେଶର ବୃହତ୍ତ ବିଦ୍ୟୁତ୍ ବିତରଣ କମ୍ପାନୀ ହେଉଛି ଟାଟା ପାୱାର ।

ଦେଶର ୩୫ ଜଣ ପ୍ରତିଯୋଗୀଙ୍କୁ ପଛରେ ପକାଇ ଟାଇଟଲ୍ ଜିତିଲେ ଓଡ଼ିଆ ଝିଅ

ଭୁବନେଶ୍ୱର: ଦେଶର ୩୫ ଜଣ ପ୍ରତିଯୋଗୀଙ୍କୁ ପଛରେ ପକାଇଲେ ଓଡ଼ିଆ ଝିଅ । ଦିଲ୍ଲୀର ମାର୍ଚ୍ଚ ୩୦ ଓ ୩୧ ତାରିଖ ଦୁଇ ଦିନ ଧରି ଅନୁଷ୍ଠିତ ନେଷ୍ଟ ଟପ୍ ମଡେଲ୍ ସିଜିନ୍-୩ର ଟାଇଟଲ୍ ଜିତିଛନ୍ତି ଓଡ଼ିଆ ଝିଅ ଦିଗଦର୍ଶୀ ମିଶ୍ର । ନେଷ୍ଟ ଟପ୍ ମଡେଲ୍ ସିଜିନ୍-୩ରେ ସାରା ଦେଶରୁ ୩୫ ଜଣ ପ୍ରତିଯୋଗୀ ଥିଲେ । ଏଥିରେ ସମସ୍ତଙ୍କୁ ପଛରେ ପକାଇ ଭଦ୍ରକର ଝିଅ ଟାଇଟଲ୍ ହାସଲ କରିଛନ୍ତି ।

Bhadrak Girl Digadarshi Bagged Nest Top Model Session 3 Title 

ଦୁଇ ଦିନ ଧରି ନୂଆଦିଲ୍ଲୀରେ ପିଜି-୩ ଏଣ୍ଟରଟେନମେଣ୍ଟ ପକ୍ଷରୁ ଏହି ପ୍ରତିଯୋଗିତା ଆୟୋଜିତ ହୋଇଥିଲା । ଏହି ସଫଳତା ପାଇଁ ପଛରେ ବାପା, ମାଆ, ଭାଇମାନଙ୍କ ପ୍ରେରଣା ଥିବା ଦିଗଦର୍ଶୀ କହିଛନ୍ତି । ମିସ୍ ଇଣ୍ଡିଆ ପ୍ରତିଯୋଗୀତାରେ ସଫଳତା ହାସଲ ପାଇଁ ଲକ୍ଷ୍ୟ ରଖିଥିବା ଦିଗଦର୍ଶୀ ପାଠପଢ଼ାରେ ମଧ୍ୟ ରୂଚି ରଖିଛନ୍ତି ।