spot_img
Home Blog Page 5956

ବିଧାନସଭାରେ ବିଧାୟକଙ୍କ ଆତ୍ମହତ୍ୟା ଉଦ୍ୟମ ଘଟଣା, ସ୍ୱାଧିକାର କମିଟି ଗଠନ

ଭୁବନେଶ୍ୱର: ବିଧାନସଭାରେ ବିଜେପି ବିଧାୟକଙ୍କ ଆତ୍ମହତ୍ୟା ଉଦ୍ୟମ ଘଟଣା । ବାଚସ୍ପତିଙ୍କ ନିର୍ଦ୍ଦେଶରେ ଗଠନ ହେଲା ସ୍ୱାଧିକାର କମିଟି । କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ କମିଟି ଗଠନ ହୋଇଛି । କମିଟିରେ ୩ ଜଣ ବିଧାୟକ ସଦସ୍ୟ ଅଛନ୍ତି । ଏମାନେ ହେଲେ କିଶୋର ମହାନ୍ତି, ଦେବୀ ମିଶ୍ର ଓ ଭାସ୍କର ମଢେଇ ।

BJP MLA Subhash Panigrahi Suicide Attempt Case, Privilege Committee Setup

ଦେବଗଡ଼ ବିଧାୟକ ସୁବାସ ପାଣିଗ୍ରାହୀ ବିଧାନସଭାରେ ଆତ୍ମହତ୍ୟା ଉଦ୍ୟମ କରିଥିଲେ । ଧାନ ମଣ୍ଡି ପ୍ରସଙ୍ଗକୁ ନେଇ ଗୃହରେ ସାନିଟାଇଜର ପିଇ ଆାତ୍ମହତ୍ୟା ଉଦ୍ୟମ କରିଥିଲେ । ବିଧାୟକଙ୍କ ଏଭଳି ଉଦ୍ୟମକୁ ସବୁ ମହଲରୁ ନିନ୍ଦା କରାଯାଇଥିଲା  । ଯାହାକୁ ବିଧାନସଭା ବାରମ୍ବାର ଅଚଳ ହୋଇଥିଲା ।

ଧାରଣାରତ ବିଜେପି ବିଧାୟକଙ୍କୁ ବୁଝାଇଲେ ବାଚସ୍ପତି

ଭୁବନେଶ୍ୱର: ଚପଲ ଫିଙ୍ଗି ନିଲମ୍ବିତ ହେଲେ, ଧାରଣା ଦେଲେ । ବିଧାନସଭାରୁ ବିଜେପିର ୩ ଜଣ ବିଧାୟକ ନିଲମ୍ବିତ ହେବା ପରେ ସମସ୍ତ ବିଜେପି ବିଧାୟକ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ତଳେ ଧାରଣାରେ ବସିଥିଲେ । ଧାରଣାରତ ବିଜେପି ବିଧାୟକଙ୍କୁ ଭେଟି ଆଲୋଚନା କରିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର  ।

Speaker Surya Patro Met Protesters BJP MLAs

ବିଜେପି ବିଧାୟକଙ୍କ ସହ ଆଲୋଚନା ପରେ ବାଚସ୍ପତିଙ୍କ କହିଛନ୍ତି- ବିଧାୟକମାନଙ୍କ ସହ ଆଲୋଚନା କଲି, ସେମାନେ ଧାରଣାରୁ ଉଠିଯିବେ ବୋଲି ପ୍ରତିଶ୍ରୁତି ଦେଇଛନ୍ତି । ନିଲମ୍ବନ ଆଦେଶ ପ୍ରତ୍ୟାହାର ଦାବି କରି ବିଜେପି ବିଧାୟକ ମାନେ ଧାରଣାରେ ବସିଥିଲେ ।

ଏଥିସହ ପଢ଼ନ୍ତୁ- ବାଚସ୍ପତିଙ୍କୁ ଚପଲ ଫିଙ୍ଗିବା ଘଟଣା, ୩ ବିଜେପି ବିଧାୟକ ନିଲମ୍ବିତ

ପ୍ରଥମେ ଧାରଣାରୁ ଉଠିଯିବେ ବୋଲି ପ୍ରତିଶ୍ରୁତି ଦେଇଥିବା ବିଜେପି ବିଧାୟକ ପରବର୍ତ୍ତୀ ସମୟରେ ରାତିତମାମ ଧାରଣାରେ ବସିବେ ବୋଲି କହିଛନ୍ତି । ଆସନ୍ତାକାଲି ଦିନ ୧୦ଟା ବେଳେ ରାଜ୍ୟ କାର୍ଯ୍ୟାଳୟରେ ସାମ୍ବାଦିକ ସମ୍ମିଳନୀ କରିବେ ସମସ୍ତ ବିଧାୟକ । ସୋମବାର ରାଜ୍ୟପାଳଙ୍କୁ ଭେଟି ବିଧେୟକ ପାରିତ ହେବା ସମୟରେ ବିରୋଧୀ ଦଳର ନେତାଙ୍କୁ କହିବାକୁ ସୁଯୋଗ ନ ଦିଆଯିବା ପ୍ରସଙ୍ଗରେ ଅବଗତ କରାଇବେ ବୋଲି ଜଣାପଡ଼ିଛି ।

ମଲ୍ ପରେ ବାରରେ ରେଡ୍, କୋଭିଡ୍ କଟକଣା ମାନୁନଥିବାରୁ ହେଲା ସିଲ୍

ଭୁବନେଶ୍ୱର: ରାଜଧାନୀରେ ବଢ଼ୁଛି କୋଭିଡ୍ ସଂକ୍ରମଣ ମାମଲା । ଲୋକ ନିୟମ ମାନୁନଥିବାରୁ ବିଏମସି ଅଚାନକ ଚଢ଼ାଉ କରୁଛି । ଶୁକ୍ରବାର ବିଏମସି ୟୁନିଟ୍ ମାର୍କେଟ୍ ବିଲ୍ଡିଂରେ ରେଡ୍ କରିଥିବା ବେଳେ ଆଜି ପଟିଆ ଓ ଡମଣା ଅଞ୍ଚଳରେ ଚଢ଼ାଉ କରିଛି ।

ପଟିଆ ଓ ଡମଣା ଅଞ୍ଚଳର ବିଭିନ୍ନ ସପିଂ ମଲରେ ଚଢ଼ାଉ ହୋଇଛି । ୯୯ ହିଣ୍ଟସ୍ ଲଙ୍ଗ ଆଣ୍ଡ ବାରକୁ ସିଲ୍ କରିଛି ବିଏମସି । କୋଭିଡ୍ କଟକଣାକୁ ଅବମାନନା କରି ବାରରେ ପପ୍ ଚାଲିଥିଲା । ଡିଜେ ତାଳେତାଳେ ଚାଲିଥିଲା ଡ୍ୟାନ୍ସ । କେହି ମୁହଁରେ ମାସ୍କ ପିନ୍ଧିନଥିଲେ, କି ସାମାଜିକ ଦୂରତା ମଧ୍ୟ ନଥିଲା ।

ଶୁକ୍ରବାର ମାର୍କେଟ୍ ବିଲ୍ଡିଂରେ ରେଡ୍ କରି ବିଏମସି ବିଶାଲ ମେଗା ମାର୍ଟକୁ ସିଲ୍ କରିବା ସହ ଅନ୍ୟ ମଲରୁ ଫାଇନ୍ ଆଦାୟ କରିଥିଲା । ରାମମନ୍ଦିର ନିକଟ ମାର୍କେଟରେ ଚଢ଼ାଉ କରି ଅମାନିଆଙ୍କ ଠାରୁ ଜରିମାନା ଆଦାୟ କରିଥିଲା ବିଏମସିର ଏନଫୋର୍ସମେଣ୍ଟ ସ୍କ୍ୱାଡ୍ ।

ବଢୁଛି ସଂକ୍ରମଣ; ପ୍ରତି ରବିବାର ବନ୍ଦ ରହିବ ଜଗା ଦର୍ଶନ

ପୁରୀ: କୋଭିଡ ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ପ୍ରଶାସନ ଜାରି କରିଛି ନୂଆ ଗାଇଡଲାଇନ। ଆସନ୍ତା କାଲି ଅର୍ଥାତ ଏପ୍ରିଲ ୪ ତାରିଖରୁ ସବୁ ରବିବାର ବନ୍ଦ ରହିବ ଜଗା ଦର୍ଶନ । କରୋନା ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ପ୍ରଶାସନ ଏହି ନୂଆ ଏସଓପି ଜାରି କରିଛି । ଏଣିକି ଶ୍ରୀମନ୍ଦିରରେ ପ୍ରତି ରବିବାର ସାଧାରଣ ଦର୍ଶନ ବନ୍ଦ ରହିବା ନେଇ ନିଷ୍ପତି ନେଇଛି ପ୍ରଶାସନ।

ଏସଓପି ଅନୁଯାୟୀ ରବିବାର ଦିନ ମନ୍ଦିର ପରିସରକୁ ସାନିଟାଇଜ୍ କରାଯିବ । ଏହା ବାଦ ପ୍ରତିଦିନ ସକାଳ ୬ଟାରୁ ଦର୍ଶନ ବ୍ୟବସ୍ଥା ଆରମ୍ଭ ହେବ। ରାଜ୍ୟରେ ସଂକ୍ରମଣ ବଢୁଥିବାବେଳେ ପ୍ରତିଦିନ ଶ୍ରୀମନ୍ଦିରକୁ ହଜାର ହଜାର ଭକ୍ତ ଆସୁଛନ୍ତି । ତେଣୁ ସଂକ୍ରମଣ ଏଡାଇବାକୁ ମନ୍ଦିର ପରିସରକୁ ସାନିଟାଇଜ କରିବାକୁ ଗୁରୁତ୍ବ ଦିଆଯାଇଛି।

ସେପଟେ ନୂତନ ମାର୍ଗଦର୍ଶିକା ଅନୁଯାୟୀ ଦର୍ଶନ ବନ୍ଦ ପରେ ରାତରେ ସପ୍ତାହକୁ ୨ଥର ମନ୍ଦିର ପରିସରକୁ ସାନିଟାଇଜ୍ କରାଯିବ । ଛତିଶା ନିଯୋଗ ବୈଠକରେ ଆଲୋଚନା ପରେ ଏପରି ନିଷ୍ପତ୍ତି ଶ୍ରୀମନ୍ଦିର ପ୍ରଶାସନ ଗ୍ରହଣ କରିଥିବା ଜଣାପଡିଛି ।

ଦିଲ୍ଲୀ କ୍ୟାପିଟାଲ୍ସକୁ ବ୍ୟାକ୍ ଟୁ ବ୍ୟାକ୍ ଝଟକା, ଜଣଙ୍କୁ ଆଘାତ ଜଣଙ୍କୁ କରୋନା

0

ନୂଆଦିଲ୍ଲୀ : ଆଇପିଏଲର ଠିକ ପୂର୍ବରୁ ଦିଲ୍ଲୀ କ୍ୟାପିଟାଲକୁ ଲାଗିଛି ବ୍ୟାକ୍ ଟୁ ବ୍ୟାକ୍ ଝଟକା । ଦଳ ଉପରେ ଯେମିତି କଳା ବାଦଲ ଘୋଡ଼େଇ ହୋଇ ଆସୁଛି। ପ୍ରଥମେ ଦଳର ଅଧିନାୟକ ତଥା ଷ୍ଟାର ବ୍ୟାଟ୍ସମ୍ୟାନ ଶ୍ରେୟସ୍ ଅୟର ଟୁର୍ଣ୍ଣାମେଣ୍ଟରୁ ବାଦ ପଡ଼ିସାରିଛନ୍ତି। ଆଉ ଏବେ ଦଳର ଅଲ୍‌ରାଉଣ୍ଡର ଅକ୍ଷର ପଟେଲ କରୋନାରେ ଆକ୍ରାନ୍ତ ହୋଇଛନ୍ତି। ଏନେଇ ଡିସି କ୍ୟାମ୍ପରୁ ସୂଚନା ମିଳିଛି।

ପଟେଲ୍ ପଜିଟିଭ ଚିହ୍ନଟ ହେବା ପରେ ବର୍ତ୍ତମାନ ଆଇସୋଲେଶନରେ ଅଛନ୍ତି । କୋଭିଡ ପ୍ରଟୋକଲର ସମସ୍ତ ନିୟମ ମାନିବା ସହ ଡାକ୍ତରଙ୍କ ପରାମର୍ଶ କ୍ରମେ ତାଙ୍କର ଚିକିତ୍ସା ବି ଚାଲିଛି। ଅନ୍ୟପଟେ ଦିଲ୍ଲୀ କ୍ୟାପିଟାଲ୍ସର ପ୍ରଥମ ମ୍ୟାଚ୍‌ ଏପ୍ରିଲ ୧୦ରେ ମୁମ୍ବାଇରେ ହେବାକୁ ଅଛି। ତେଣୁ ଆଗାମୀ ମ୍ୟାଚରୁ ସେ ବାଦ ପଡ଼ିଛନ୍ତି। ଟିମ୍‌ର ବର୍ତ୍ତମାନ ଦୁଇ ଦକ୍ଷ ଖେଳାଳୀ ବାଦ ପଡ଼ିବା ପରେ ଦଳ ପାଇଁ ଏବେ ମୁକାବିଲା କରିବା ବଡ଼ କଠିନ ହୋଇପାରେ।

ଅନ୍ୟପଟେ ଶ୍ରେୟସ ଆହତ ଆହତ ହୋଇ ଟୁର୍ଣ୍ଣାମେଣ୍ଟରୁ ବାହାରିବା ପରେ ତାଙ୍କ ସ୍ଥାନରେ  ଭାରତୀୟ କ୍ରିକେଟ ଟିମର ଯୁବ ୱିକେଟକିର-ବ୍ୟାଟ୍ସମ୍ୟାନଙ୍କୁ ମିଳିଛି ଅଧିନାୟକତ୍ୱର ଦାୟୀତ୍ୱ।

ସୂଚନାଯୋଗ୍ୟ, ଅକ୍ଷର ପଟେଲ ଆଇପିଏଲ୍‌ କ୍ୟାରିଅରରେ ୯୭ ମ୍ୟାଚ୍‌ ଖେଳି ୮୦ ଓ୍ଵିକେଟ ନେବା ସହ ୯୧୩ ରନ୍‌ କରିଛନ୍ତି। ଆସନ୍ତା ୯ ତାରିଖରୁ ଆଇପିଏଲ୍‌ ସିଜିନ୍‌ ୧୪ ଆରମ୍ଭ ହେବ।କୁ ଥିବାବେଳେ ଏପ୍ରିଲ ୧୦ରେ ମୁମ୍ବାଇର ୱାଙ୍ଖଡ଼େ ଷ୍ଟାଡିୟମରେ ଦିଲ୍ଲୀ କ୍ୟାପିଟାଲ୍ସ ଚେନ୍ନାଇ ସୁପର କିଙ୍ଗସ ବିପକ୍ଷରେ ନିଜ ପ୍ରଥମ ମ୍ୟାଚ୍‌ ଖେଳିବ।

‘ଜମି ପ୍ରଦାନରେ କିଛି ଶିଳ୍ପସଂସ୍ଥାକୁ ଅନୁକମ୍ପା ପ୍ରଦର୍ଶନ କରିଛନ୍ତି ଅନୁଗୁଳ ଜିଲ୍ଲାପାଳ’

ଭୁବନେଶ୍ୱର: ରାଜ୍ୟ ଔଷଧ ନିଗମ ଓ ଦୀନ ଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନାର କାର୍ଯ୍ୟକାରିତା ସାଙ୍ଗକୁ ଏକ ବିଜ୍ଞାପନ ଏଜେନ୍‌ସିକୁ ଭୁବନେଶ୍ବର ମହାନଗର ନିଗମ ଅହେତୁକ ଅନୁକମ୍ପା ଦେଖାଇଛି । ଏନେଇ ସିଏଜି ଆପତ୍ତି ଉଠାଇଛନ୍ତି । ଆଜି ବିଧାନସଭାରେ ଉପସ୍ଥାପିତ ସିଏଜି ରିପୋର୍ଟରେ ଏହା ଦର୍ଶାଯାଇଛି । କିଛି ଶିଳ୍ପସଂସ୍ଥାକୁ ଜମି ପ୍ରଦାନରେ ମଧ୍ୟ ଅନୁଗୁଳ ଜିଲ୍ଲାପାଳ ଅନୁକମ୍ପା ପ୍ରଦର୍ଶନ କରିଥିବା ଦର୍ଶାଯାଇଛି । ବିଭିନ୍ନ ସରକାରୀ ଡାକ୍ତରଖାନା ଓ ମେଡିକାଲ କଲେଜକୁ ମାଗଣା ଔଷଧ ଯୋଗାଣ ପାଇଁ ଉଦ୍ଦିଷ୍ଟ ରାଜ୍ୟ ଔଷଧ ନିଗମର କାର୍ଯ୍ୟକାରିତା ଉପରେ ସୃଷ୍ଟି ହୋଇଛି ସନ୍ଦେହ । ବିଭିନ୍ନ ଔଷଧ, ଚିକିତ୍ସା ଉପକରଣ ଓ ଆସବାବପତ୍ର ଚୂଡ଼ାନ୍ତ କରିବାରେ ଅଯଥା ବିଳମ୍ବ ହୋଇଛି ।

CAG Found Irregularity In Land Allocation To Different Industry In Angul

୨୦୧୬ରୁ ୨୦୧୯ ମଧ୍ୟରେ ଦେଖାଦେଇଥିବା ଏହି ତ୍ରୁଟିବିଚ୍ୟୁତି ନେଇ ପ୍ରଶ୍ନ ଉଠାଇଛନ୍ତି ସିଏଜି । ଏହି ସମୟ ମଧ୍ୟରେ ଆବଶ୍ୟକ ପରିମାଣରୁ କମ୍ ଯୋଗାଣ ଯୋଗୁଁ ସ୍ବାସ୍ଥ୍ୟ ଅନୁଷ୍ଠାନଗୁଡ଼ିକ ସ୍ଥାନୀୟ ବଜାରରୁ ଅଧିକ ଦରରେ ଔଷଧ କିଣିବାକୁ ବାଧ୍ୟ ହୋଇଥିଲେ । ୨୦୧୮-୧୯ ମଧ୍ୟରେ ବଜାରରୁ ୨.୨୪ କୋଟି ଟଙ୍କାର ଔଷଧ କିଣାଯାଇଥିବା ସିଏଜି ଦର୍ଶାଇଛନ୍ତି । ସେହିପରି ଇ-ନିରାମୟ ସଫ୍ଟୱେୟାର ମାଧ୍ୟମରେ ଔଷଧ ବଣ୍ଟନ, ବ୍ୟବହାର ଓ ଔଷଧ ଷ୍ଟକ୍‌ର ସଠିକ୍ ପରିଚାଳନା ହୋଇନଥିବାରୁ ୪.୧୮ କୋଟି ଟଙ୍କାର ଔଷଧର ବୈଧତା ସରିଯାଇଥିଲା । ସେହିପରି ଦୀନ ଦୟାଲ ଉପାଧ୍ୟାୟ ଗ୍ରାମୀଣ କୌଶଳ ରୋଜଗାର ଯୋଜନାରେ ମଧ୍ୟ ଅନିୟମତାର ଗନ୍ଧ ବାରିଛି ସିଏଜି । ତାଲିମ୍ ସମୟରେ ୫୫ ପ୍ରତିଶତ ପ୍ରାର୍ଥୀ ନିଯୁକ୍ତି ପାଇସାରିଥିବାରୁ ନିଯୁକ୍ତି ସଂଖ୍ୟାର ବିଶ୍ବାସନୀୟତାକୁ ନେଇ ସନ୍ଦେହ ପ୍ରକାଶ କରିଛନ୍ତି ସିଏଜି । ଏପରିକି ୨୩ ପ୍ରତିଶତ ପ୍ରାର୍ଥୀଙ୍କ ବ୍ୟାଙ୍କ ବିବରଣୀ ଓ ବ୍ୟାଙ୍କ ପାସ୍‌ବୁକର ପ୍ରାମାଣିକ ତଥ୍ୟ ମଧ୍ୟ ସନ୍ଦେହଜନକ ଥିବା ସିଏଜି ଦର୍ଶାଇଛନ୍ତି ।

CAG Found Irregularity In Land Allocation To Different Industry In Angul

ଭିଏଫଏସ ଗ୍ଲୋବାଲ ସର୍ଭିସେସ ଲିମିଟେଡର ବକେୟା ଅର୍ଥକୁ ଭୁବନେଶ୍ବର ଉନ୍ନୟନ କର୍ତ୍ତୃପକ୍ଷ ବ୍ୟାଜାପ୍ତ ନକରିବା ଦ୍ବାରା ୨.୬୨ କୋଟି ଟଙ୍କା ଅଯଥା ଖର୍ଚ୍ଚ ଉପରେ ସିଏଜି ପ୍ରଶ୍ନ ଉଠାଇଛନ୍ତି । ଭୁବନେଶ୍ବର ମହାନଗର ନିଗମ ଏକ ବିଜ୍ଞାପନ ସଂସ୍ଥାକୁ ଅହେତୁକ ଅନୁକମ୍ପା ପ୍ରଦର୍ଶନ କରିଥିବା ମଧ୍ୟ ସିଏଜି ରିପୋର୍ଟରେ ଦର୍ଶାଯାଇଛି । ଟିମ ଆଡ୍‌ମାର୍କ ନାମକ ଏକ ବିଜ୍ଞାପନ ଏଜେନ୍ସି ଲାଇସେନ୍ସ ଦେୟ ଓ ସୁଧ ପ୍ରଦାନରେ ଅବହେଳା କରିଥିଲେ ବି ବିଏମସି କାହିଁକି ଚୁକ୍ତିନାମା ରଦ୍ଦ କରିନଥିଲେ ସେନେଇ ସିଏଜି ପ୍ରଶ୍ନ ଉଠାଇଛନ୍ତି । ଏହି ବିଜ୍ଞାପନ ଏଜେନ୍ସି ଠାରୁ ୧୩କୋଟି ଟଙ୍କା ଆଦାୟ ନହୋଇ ପଡ଼ିରହିଛି ।

CAG Found Irregularity In Land Allocation To Different Industry In Angul

ସେହିପରି ଜିନ୍ଦଲ ଇଣ୍ଡିଆ ଥର୍ମାଲ ପାୱାରକୁ ଅନୁଗୁଳ ଜିଲ୍ଲାପାଳ ଅହେତୁକ ଅନୁକମ୍ପା ଦେଖାଇଥିବା ରିପୋର୍ଟରେ ଉଲ୍ଲେଖ ରହିଛି । କମ୍ପାନୀକୁ ଜିଲ୍ଲାପାଳ ବଜାର ଦର ଠାରୁ ୭୨.୯୫ ଲକ୍ଷ ଟଙ୍କା ରିହାତି ମୂଲ୍ୟରେ ଜମି ପ୍ରଦାନ କରିଥିଲେ । ଏଥିରେ ୨.୩୦ କୋଟି ଟଙ୍କାର ଅନୁକମ୍ପା ଦେଖାଯାଇଥିବା ସିଏଜି ଦର୍ଶାଇଛନ୍ତି ।

ମମି ଅଭିଶାପ ଉଡାଇ ଦେଇଛି ମିଶର ନିଦ !

ନୂଆଦିଲ୍ଲୀ:   ଲୋକଙ୍କ ନିଦ ଚୋରି କରିଛି ମିଶରରେ ଘଟୁଥିବା ଗୋଟିଏ ପରେ ଗୋଟିଏ ଦୁର୍ଘଟଣା । ନିକଟ ଅତୀତରେ ସୁଏଜ କେନାଲରେ ଏକ ସପ୍ତାହ ଧରି ଅଟକି ରହିଥିଲା ମାଲବାହୀ ଜାହଜ ଏଭରଗ୍ରୀନ । ଯାହା ଟ୍ରିଲୟନ ଡଲାରର କ୍ଷତି ଘଟାଇଥିଲା । ଏହାର ଠିକ୍ପୂର୍ବରୁ ଏକ ଟ୍ରେନ ଦୁର୍ଘଟଣାରେ ପ୍ରାଣ ହରାଇଥିଲେ ପ୍ରାୟ ୩୦ରୁ ଅଧିକ ଯାତ୍ରୀ । ଲଗାତାର ଏଭଳି ଦୁର୍ଘଟଣା ସମସ୍ତଙ୍କ ନିଦ ହଜାଇଛି । ଏହାକୁ ନେଇ ଲୋକଙ୍କ ଆଶଙ୍କା ମଧ୍ୟ ବଢୁଛି । କୁହାଯାଉଛି, ଶନିବାର ଏଠାର ସରକାର ରାଜ ପରିବାରର ୨୨ଟି ମମିଙ୍କ କଫିନଙ୍କୁ ଏକ ସଂଗ୍ରହାଳୟକୁ ସ୍ଥାନାନ୍ତର କରିବା ପାଇଁ ନିଷ୍ପତ୍ତି ନେବା ପରଠାରୁ ଏହାର ପ୍ରଭାବରେ ବାରମ୍ବାର ଏଭଳି ଦୁର୍ଘଟଣା ଘଟୁଛି । ଏସବୁ କେବଳ ଅଭିଶପ୍ତ ମମିର କାରନାମା ।

2018 ଠାରୁ ଲଗାତାର ଚାଲିଥିବା ଖନନରୁ ମିଳୁଛି ପ୍ରାଚୀନ କଫିନ୍ । ଏଗୁଡ଼ିକ ମଧ୍ୟରୁ କିଛି କିଛି କଫିନକୁ ଖୋଲା ଯାଇଛି ତା କିଛି କଫିନକୁ କେବଳ ବାହାରୁ ଦେଖାଯାଇଛି । ଆଗରୁ ମମି କଫିନ ସହିତ ଅଭିଶାପ ଅନ୍ଧବିଶ୍ୱାସ ରହିଛି,ଏବେ ମିଶରରେ ଅଳ୍ପଦିନ ମଧ୍ୟରେ ବାରମ୍ବାର ଯେଉଁ ସବୁ ଦୁର୍ଘଟଣା ଘଟୁଛି ତାକୁ ସେଇ ବିଶ୍ୱାସ ସହିତ ଯୋଡା ଯାଉଛି । କଫିନକୁ ଖୋଲି ଦେଖିଥିବା ଅନେକ ଲୋକଙ୍କର ସନ୍ଦେହଜନକ ଭାବରେ ଆଗରୁ ମୃତ୍ୟୁ ଘଟିଛି । ଏହାକୁ ମମିର ଅଭିଶାପ ବା ଫାରୋଁଙ୍କ ଅଭିଶାପ ବୋଲି କୁହାଯାଏ । ଏଭଳି ଘଟଣାକୁ ଆଧାର କରି ପୂର୍ବରୁ ଏକାଧିକ ହଲିଉଡ ଫିଲ୍ମ ନିର୍ମାଣ ହୋଇଛି । ପ୍ରାଚୀନ କାଳରେ ଏଠାର ରାଜାଙ୍କୁ ଫାରୋଁ କୁହାଯାଉଥିଲା ।
ମିଶର ଇତିହାସର ସବୁଠାରୁ ଚର୍ଚ୍ଚିତ ମମି ହେଉଛି ରାଜା ତୁତେନଖାମେନଙ୍କ ମମି । ୧୯୨୨ରେ ପ୍ରତ୍ନତତ୍ତ୍ୱବିଦ୍ ହୋବାର୍ଡ଼ କାର୍ଟର ଏବଂ ତାଙ୍କ ସହଯୋଗୀ ଲର୍ଡ଼ କାର୍ନରବନ ଇଜିପ୍ଟରେ ରାଜା ତୁତେନଖାମେନଙ୍କ ଇତିହାସ ଖୋଜି ବାହାର କରିଥିଲେ। ଇତିହାସ କହେ ତୁତେନଖାମେନ ପ୍ରାଚୀନ ମିଶରର ୧୮ ତମ ରାଜବଂଶର ୧୧ତମ ରାଜା ଥିଲେ । କୁହାଯାଏ ମୃତ୍ୟୁ ସମୟରେ ରାଜାଙ୍କ ବୟସ ୧୭ରୁ ବର୍ଷରୁ ଅଧିକ ନଥିଲା । କିନ୍ତୁ ମୃତ୍ୟୁର ବାସ୍ତବ କାରଣ କେବେ ମଧ୍ୟ ସାମ୍ନାକୁ ଆସିନାହିଁ ।

ମିଶର, ରୋମ୍ ଏବଂ ଗ୍ରୀସ ର ରାଜା ବା କୌଣସି ରାଜ ପରିବାରର ବଡ଼ ପଦବୀରେ ଥିବା କୌଣସି ବ୍ୟକ୍ତିଙ୍କୁ ସାଧାରଣ କାଠରେ ତିଆରି କଫିନରେ କବର ଦିଆଯାଉନଥିଲା । କାଠର କଫିନକୁ ଏକ ବକ୍ସରେ ବନ୍ଦ କରିଦିଆଯାଉଥିଲା । ପଥରରେ ତିଆରି ଏହି ବକ୍ସକୁ ସାର୍କୋଫିଗ୍ସ କୁହାଯାଏ । ପଥରର ଏକ ବକ୍ସକୁ ଭୂମିଠାରୁ କିଛି ଉଚ୍ଚ ଉପରେ ରଖାଯାଉଥିଲା । ଏହା ମଧ୍ୟରେ ମୂଲ୍ୟବାନ ଧାତୁ ସହିତ ମୃତ ବ୍ୟକ୍ତିର ନାମ ଲେଖି ରଖାଯାଉଥିଲା । ପୁନର୍ଜନ୍ମ ଉପରେ ବିଶ୍ୱାସ କରୁଥିବା ମିଶର ସଭ୍ୟତାରେ ମୃତବ୍ୟକ୍ତିକୁ ଏକ ଲେପ ଦେଇ କବର ଦିଆଯାଉଥିଲା ।

କୁହାଯାଏ, ଏଠାରେ ଜଣେ ମହାନ୍ ରାଜାଙ୍କ କବର ଖୋଜିବା ପ୍ରକ୍ରିୟା ଆରମ୍ଭ ହେବା ଦିନଠାରୁ ଦୁଇ ପ୍ରତ୍ନତତ୍ତ୍ୱବିଦ୍ ଚର୍ଚ୍ଚାକୁ ଆସି ଥିଲେ । ଗୋଟିଏ ପଟେ ସାକ୍ଷାତକାର ଚାଲିଥିବା ବେଳେ ଅନ୍ୟପଟେ ମୃତ ରାଜାଙ୍କ ଅଭିଶାପ ପଡ଼ିବା ଆରମ୍ଭ ହୋଇଗଲା । ଲର୍ଡ଼ କର୍ନରବନଙ୍କ ଦୁଇଦିନ ମଧ୍ୟରେ ଶରୀର ଅସୁସ୍ଥ ହୋଇ ମୃତ୍ୟୁ ଘଟିଲା । ଅସୁସ୍ଥତାର କାରଣ ମଧ୍ୟ ଆର୍ଶର୍ଯ୍ୟ କଲାଭଳି ଥିଲା । କର୍ଣ୍ଣବର ଦାଢି କାଟୁଥିବା ବେଳେ ତାଙ୍କ ଗାଲକୁ ମାଛିଟିଏ କାମୁଡି ଦେଇଥିଲା । ତା’ପରେ କର୍ଣ୍ଣବରଙ୍କ ମୁହଁ ଫୁଲିଯାଇଥିଲା ଓ ଜ୍ୱରରେ ପଡି ସେ ମୃତ୍ୟୁବରଣ କରିଥିଲେ । ରିପୋର୍ଟ କହୁଛି ଏକ ଦଶକ ମଧ୍ୟରେ ଖନନ ପ୍ରକ୍ରିୟାରେ ନିୟୋଜିତ ହୋଇଥିବା ପ୍ରାୟ ୨୬ଜଣ ବ୍ୟକ୍ତିଙ୍କ ମୃତ୍ୟୁ ହୋଇଛି ।

ସେତେବେଳେ ଏହି ବିଶ୍ୱାସ ଜୋର ଧରିଥିଲା ଯେ, ରାଜା ତୁତେନଖାମେନଙ୍କ କଫିନ ଅଭିଶପ୍ତ । ଏହାକୁ ଛୁଇଁବାମାତ୍ରେ ଅଘଟଣ ଘଟୁଛି । ଯାହାପରେ ସମସ୍ତ କଫିନ ବିଷୟରେ ଲୋକଙ୍କ ଚିନ୍ତାଧାରା ବଦଳିବାକୁ ଲାଗିଲା । କୁହାଯାଉଛି ଏବେ ଯାହାକିଛି ଘଟୁଛି ସେସବୁ ପଛରେ ରହିିଛି ମମିର ଅଭିଶାପ । ଲୋକ କହୁଛନ୍ତି ମମିକୁ ଶାନ୍ତିରେ ଶୋଇବାକୁ ଦିଅ । ତା’ ନିଦ୍ରାରେ ବ୍ୟାଘାତ ସୃଷ୍ଟି କରନାହିଁ । ତେବେ ଏହି ଅଭିଶପ୍ତ ମମିକୁ ନେଇ ଏକାଧିକ ପୁସ୍ତକ ଲେଖାଯାଇଛି ।

ଏମକେସିଜିରେ ଦୁଇ ମହଲାରୁ ବୃଦ୍ଧା ଖସିପଡ଼ିବା ଘଟଣା, ତଦନ୍ତ ଆରମ୍ଭ

ବ୍ରହ୍ମପୁର: ବ୍ରହ୍ମପୁର ଏମ୍‌କେସିଜି ମେଡିକାଲ କଲେଜର ନିର୍ମାଣାଧୀନ ଲିଫ୍‌ଟରୁ ଖସି ବୃଦ୍ଧା ଗୁରୁତର ହେବା ଘଟଣାରେ ଆରମ୍ଭ ହୋଇଛି ତନାଘନା । ନନ୍ଦିଘୋଷ ଟିଭିରେ ଲଗାତାର ଖବର ପ୍ରସାରଣ ପରେ ପୂର୍ତ୍ତ ବିଭାଗ ଓ ମେଡିକାଲ ଟିମ୍ ମିଳିତ ଭାବେ ତଦନ୍ତ ଆରମ୍ଭ କରିଛନ୍ତି । PWD ଓ GED ବିଭାଗର ଚାରିଜଣିଆ ଟିମ୍‌ ତଦନ୍ତ ଆରମ୍ଭ କରିଛନ୍ତି । ଦୁଇ ବିଭାଗର SDO ଓ JE ମେଡିକାଲରେ ଦୁର୍ଘଟଣା ଘଟିଥିବା ସ୍ଥାନ ବୁଲି ତଦନ୍ତ କରିଛନ୍ତି । ତେବେ ଘଟଣାକୁ ଚପାଇବା ପାଇଁ ଜୋରରଦାର ପ୍ରୟାସ ଚାଲିଛି ବୋଲି ଚର୍ଚ୍ଚା ହେଉଛି । ସେପଟେ ବୃଦ୍ଧା ପୁନା ସାହୁଙ୍କ ଚିକିତ୍ସା କଟକ ଏସସିବି ବଡ ମେଡ଼ିକାଲ ଅସ୍ଥିଶଲ୍ୟ ବିଭାଗରେ ଚାଲିଛି ।

PWD & GED Department Started Investigation On Old Lady Critical Case

ଆଜି ତାଙ୍କର ବିଭିନ୍ନ ରକ୍ତ ପରୀକ୍ଷା ସାଙ୍ଗକୁ ଇସିଜି କରାଯାଇଛି । ସ୍ବାସ୍ଥ୍ୟବସ୍ଥା ସ୍ଥିର ରହିଛି । ମାଆଙ୍କ ଚିକିତ୍ସା ନେଇ ପୁଅ ସନ୍ତୋଷ ପ୍ରକାଶ କରିଥିବା ବେଳେ ମାଆଙ୍କୁ ଭଲ କରି ଦେବାକୁ ଅନୁରୋଧ କରିଛନ୍ତି । ଗତ ୩୧ ତାରିଖରେ ଚକ୍ଷୁ ଚିକିତ୍ସା ପାଇଁ ବ୍ରହ୍ମପୁର ହୁଗୁଳାପଟା ଗାଁର ୬୫ ବର୍ଷୀୟ ବୃଦ୍ଧା ପୁନା ସାହୁ ନିଜ ପୁଅ ସହ ଏମ୍‌କେସିଜି ମେଡିକାଲର ଦ୍ବିତୀୟ ମହଲାରେ ଥିବା ଚକ୍ଷୁ ବିଭାଗରେ ପହଞ୍ଚିଥିଲେ । ଚକ୍ଷୁ ବିଭାଗରେ ବୃଦ୍ଧା ଜଣକ ବସିଥିବା ବେଳେ, ତାଙ୍କ ପୁଅ ରକ୍ତ ପରୀକ୍ଷା ରିପୋର୍ଟ ଆଣିବାକୁ ଯାଇଥିଲେ ।

PWD & GED Department Started Investigation On Old Lady Critical Case

ଏହି ସମୟରେ ନିର୍ମାଣାଧୀନ ଲିଫ୍‌ଟର କବାଟ ବନ୍ଦ ନଥିବାରୁ ତାହା ଶୌଚାଳୟ ଭାବି ବୃଦ୍ଧା ଜଣକ ଭିତରକୁ ପଶିଯିବାରୁ ସିଧା ଦୁଇ ମହଲାରୁ ତଳକୁ ଖସି ପଡ଼ିଥିଲେ । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା ଓ ଦୁଇଟି ହାତ ଏବଂ ଅଣ୍ଟା ଭାଙ୍ଗି ଯାଇଥିଲା । ଦୀର୍ଘ ସମୟ ଧରି ତଳେ ରକ୍ତାକ୍ତ ଅବସ୍ଥାରେ ବୃଦ୍ଧା ପୁନା ସାହୁ ପଡ଼ିରହିଥିଲେ ମଧ୍ୟ ତାଙ୍କୁ ଉଦ୍ଧାର କରାଯାଇନଥିଲା । ବୃଦ୍ଧାଙ୍କୁ ପୁଅ ଉଦ୍ଧାର କରି କାଜୁଆଲଟିରେ ଭର୍ତ୍ତି କରିଥିଲେ । ହେଲେ ଏମ୍‌କେସିଜି ମେଡିକାଲ କର୍ତ୍ତୃପକ୍ଷ ବୃଦ୍ଧାଙ୍କୁ ଚିକିତ୍ସା କରିବା ପରିବର୍ତ୍ତେ ନିଜ ଦୋଷ ଲୁଚାଇବାକୁ ଅନ୍ୟ ଡାକ୍ତରଖାନାକୁ ବାରମ୍ବାର ଦୌଡ଼ାଇଥିଲେ ।

PWD & GED Department Started Investigation On Old Lady Critical Case

ଏହି ଖବର ନନ୍ଦିଘୋଷ ଟିଭିରେ ପ୍ରସାରିତ ହୋଇଥିଲା । ଯାହାର ଏବେ ତଦନ୍ତ ଆରମ୍ଭ ହୋଇଛି । ସେପଟେ MKCG ଦୁର୍ଘଟଣାକୁ ଦୁର୍ଭାଗ୍ୟଜନକ କହି ଏହା ହେବା ଉଚିତ ନୁହେଁ ବୋଲି କହିଛନ୍ତି ସ୍ବାସ୍ଥ୍ୟମନ୍ତ୍ରୀ । ଏଥିରେ କାହାର ବ୍ୟକ୍ତିଗତ ଦୋଷ ନାହିଁ। ସ୍ୱାସ୍ଥ୍ୟ ବିଭାଗକୁ ତଦନ୍ତ କରିବାକୁ କହିଛି ବୋଲି କହିଛନ୍ତି ମନ୍ତ୍ରୀ ।

ଦିଲ୍ଲୀ ଫେରିଗଲେ ଉପରାଷ୍ଟ୍ରପତି ଏମ. ଭେଙ୍କେୟା ନାଇଡୁ

ଭୁବନେଶ୍ୱର: ଦୁଇ ଦିନିଆ ଓଡ଼ିଶା ଗସ୍ତ ସାରି ଦିଲ୍ଲୀ ଫେରି ଯାଇଛନ୍ତି ଉପରାଷ୍ଟ୍ରପତି ଏମ. ଭେଙ୍କେୟା ନାଇଡୁ । ସ୍ବତନ୍ତ୍ର ବିମାନ ଯୋଗେ ଦିଲ୍ଲୀ ଫେରିଛନ୍ତି ଉପରାଷ୍ଟ୍ରପତି । ଭୁବନେଶ୍ବର ବିମାନ ବନ୍ଦରରେ ଉପରାଷ୍ଟ୍ରପତି ରାଜ୍ୟପାଳ ପ୍ରଫେସର ଗଣେଶୀ ଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମୁଖ୍ୟ ଶାସନ ସିଚିବ ଓ ପୋଲିସ ଡିଜିପି ବିଦାୟ ସମ୍ବର୍ଦ୍ଧନା ଦେଇଥିଲେ ।

କଡ଼ା ସୁରକ୍ଷା ବଳୟରେ ଉପରାଷ୍ଟ୍ରପତିଙ୍କୁ ରାଜଭବନରୁ ବିମାନ ବନ୍ଦର ଯାଏ ସ୍ବତନ୍ତ୍ର କାରକେଡରେ ନେଇଥିଲା କମିଶନରେଟ ପୋଲିସ । ଉପରାଷ୍ଟ୍ରପତିଙ୍କ ସୁରକ୍ଷା ପାଇଁ ୩୦ ପ୍ଲାଟୁନ ପୋଲିସ ଫୋର୍ସ ଓ ୨୦ ଜଣ ବରିଷ୍ଠ ପୋଲିସ ଅଧିକାରୀ ନିୟୋଜିତ ଥିଲେ ।

ବଜାରରେ ପ୍ଲାଷ୍ଟିକ ଅଣ୍ଡା; ସିଝିଲାନି କିନ୍ତୁ ପୋଡିଗଲା

ନବରଙ୍ଗପୁର: ଅଣ୍ଡା ଏକ ପୃଷ୍ଟିକର ଖାଦ୍ୟ । ତେଣୁ ସମସ୍ତେ ଚାହାନ୍ତି ସ୍ବାସ୍ଥ୍ୟର ଯତ୍ନ ପାଇଁ ଏବଂ ଶକ୍ତି ବଢାଇବା ପାଇଁ ଅଣ୍ଡା ନିତାନ୍ତ ଆବଶ୍ୟକ । ସେଥିପାଇଁ ପ୍ରତିଟି ପିତାମାତା ମଧ୍ୟ ପିଲାଙ୍କ ସ୍ବାସ୍ଥ୍ୟର ଯତ୍ନ ପାଇଁ ଅଣ୍ଡା ଦେଇଥାନ୍ତି । କିନ୍ତୁ ଅଣ୍ଡା କିଣିବା ପୂର୍ବରୁ ସତର୍କ ହେବା ନିହାତି ଜରୁରୀ । ଏବଂ କିଣିବା ବେଳେ ତାର ମାନ ପରୀକ୍ଷା କରି ମଧ୍ୟ କିଣିବା ଆବଶ୍ୟକ ରହିଛି। କାରଣ ଏବେ ବଜାରରେ ଅସଲି ନୁହେଁ ମିଳୁଛି ନକଲି ଅଣ୍ଡା ।

ନବରଙ୍ଗପୁର ସହରରେ ଦେଖିବାକୁ ମିଳିଛି ଏଭଳି ଏକ ସମ୍ବେଦନଶୀଳ ଘଟଣା । ବଜାରରେ ମିଳୁଛି ଅବିକଳ ଅଣ୍ଡା ଭଳି ନକଲି ଅଣ୍ଡା । ସୂଚନା ଅନୁଯାୟୀ ସଂଗୀତା ସୁନା ନାମକ ଜଣେ ମହିଳା ନିକଟସ୍ଥ ଦୋକାନରୁ ୫ ଟି ଅଣ୍ଡା ଆଣି ତାକୁ ରୋଷେଇ କରିବା ପାଇଁ ପାଣିରେ ସିଝାଇ ଥିଲେ । ଅଣ୍ଡା ସିଝିବା ସମୟ ଅତିକ୍ରାନ୍ତ ପରେ ସେଥିମଧ୍ୟରୁ ୪ ଟି ଅଣ୍ଡା ପାଣିରେ ବୁଡି ରହିଥିବା ବେଳେ ଗୋଟିଏ ଭାସୁଥିବାର ଦେଖିବାକୁ ପାଇଥିଲେ । ସବୁ ଅଣ୍ଡାର ଚୋପା ଛଡ଼ାଇବା ବେଳେ ସେଥିରୁ ଗୋଟିଏ ଅଣ୍ଡା ପ୍ଲାଷ୍ଟିକ ବଲ ଆକୃତି ର ଦେଖାଯାଇଥିଲା ଓ ଅନ୍ୟ ଅଣ୍ଡା ପରି ଚୋପା ଛାଡ଼ି ନଥିଲା । ଅଣ୍ଡା ଭିତରେ ଥିବା କେଶର ମଧ୍ୟ ଭିନ୍ନ ଧରଣର ଥିଲା ଯାହାକି କିଛି ବେଶନ ଗୁଣ୍ଡ ଭଳି ପାଣିରେ ମିଲେଇ ଯାଇଥିଲା ।

ଏହାପରେ ପରିବାର ଲୋକଙ୍କୁ ସେହ ଅଣ୍ଡା ପ୍ଲାଷ୍ଟିକ ଅଣ୍ଡା ଭାବି ତାକୁ ନିଆଁରେ ପୋଡିଥିଲେ । ସେହି ଅଣ୍ଡାର ଖଣ୍ଡ ଗୁଡିକ ପ୍ଲାଷ୍ଟିକ ଭଳି ପୋଡିବା ସହିତ ପ୍ଲାଷ୍ଟିକ ଦୁର୍ଗନ୍ଧ ବାହାରିଥିଲା । ପୂର୍ବରୁ ଅଣ୍ଡା କିଣି ଆଣିବା ପରେ ତାକୁ ଅମଲେଟ କରି ପିଲାଙ୍କୁ ଖାଇବାକୁ ଦେବାକୁ ନିଷ୍ପତ୍ତି ନେଇଥିଲେ, ଯଦି ଛୁଆ ମାନେ ଏହାକୁ ଖାଇଥାନ୍ତେ ତେବେ ସେମାନଙ୍କ ଅବସ୍ଥା କଣ ହୋଇଥାନ୍ତା ସେନେଇ ଚିନ୍ତାରେ ପଡିଯାଇଛନ୍ତି ପରିବାର । ପୂର୍ବରୁ ହୁଏତ ଅନେକ ଲୋକ ଭୁଲ ବଶତଃ ଏଭଳି ଅଣ୍ଡା ଖାଇଥାଇପାରନ୍ତି । ତେବେ ସମ୍ପୃକ୍ତ ଦୋକାନୀଙ୍କୁ ଏ ବିଷୟରେ ପଚାରିବାରୁ ସେ ସୁନୀଲ ନାମକ ଜଣେ ହୋଲସେଲ ଅଣ୍ଡା ବ୍ୟବସାୟୀ ନିକଟରୁ ଅଣ୍ଡା ଆଣି ବିକ୍ରି କରୁଥିବା କହିଛନ୍ତି ।

ତେବେ ଏ ସମ୍ପର୍କରେ ଆମେ ସମ୍ପୃକ୍ତ ହୋଲସେଲ ଅଣ୍ଡା ବ୍ୟବସାୟୀ ଙ୍କୁ ଯୋଗାଯୋଗ କରିବାରୁ ସେ କ୍ୟାମେରା ସାମ୍ନାରେ କିଛି କହିବାକୁ ମନା କରିଦେଇଛନ୍ତି । ତେବେ ବଜାରରେ ଏଭଳି ନକଲି ଅଣ୍ଡା ବିକ୍ରି ଆରମ୍ଭ ହୋଇସାରିଥିବା ବେଳେ ପ୍ରଶାସନ ଏଥିପ୍ରତି ତନ୍ତ୍ର ଦୃଷ୍ଟି ଦେଇ ସମସ୍ତ ଅଣ୍ଡା ବ୍ୟବସାୟୀ ମାନଙ୍କ ଉପରେ ଚଢ଼ାଉ କରି ଅଣ୍ଡାର ଯାଞ୍ଚ କରିବାକୁ ସାଧାରଣରେ ଦାବି ହୋଇଛି । ନବରଙ୍ଗପୁର ବଜାରରେ ଏଭଳି ନକଲି ସାମଗ୍ରୀ ର ରାଜୁତି ଚାଲିଥିବା ବେଳେ ଖାଦ୍ୟ ପଦାର୍ଥ ଭଳି ଏକ ସମ୍ବେଦନଶୀଳ ପଦାର୍ଥ ଉପରେ ଚଢ଼ାଉ କାରନଯାଉ ନ ଥିବାରୁ ଏଭଳି ପରିସ୍ଥିତି ଉପୁଜିଥିବା ସାଧାରଣ ରେ ଉଦବେଗ ପ୍ରକାଶ ପାଇଛି ।