ଭୁବନେଶ୍ୱର: ରାଜଧାନୀରେ ଲୁଟର ନୂଆ ଫଣ୍ଡା। ଟେଷ୍ଟ ଡ୍ରାଇଭ୍ ନାଁରେ ଗାଡ଼ି ଧରି ଫେରାର। ସହରର ଗଳିକନ୍ଦିରେ ଲୁଚିଛପି ନୁହେଁ, ଆଖି ଆଗରେ କରୁଛି ଲୁଟ୍। ଓଏଲଏକ୍ସରୁ ଆଡ୍ ଦେଖି ଖୋଜୁଥିଲା ଶିକାର। ବିଶ୍ବାସ ଜନ୍ମେଇବା ପାଇଁ ଦେଉଥିଲା ଆଡଭାନ୍ସ । ଟେଷ୍ଟ ଡ୍ରାଇଭ ନାଁରେ ଏଇ ଆସୁଛି କହି ମାରୁଥିଲା ଛୁ। ଏଭଳି ଏକ ଧୁର୍ତ୍ତ ଠକକୁ ବାନ୍ଧିଛି କମିଶନରେଟ ପୋଲିସର ସ୍ପେଶାଲ ସ୍କାଡ।

ଟିକେ ଭଲ କରି ଚିହ୍ନି ରଖନ୍ତୁ ଏ ଠକର ଚେହେରାକୁ।  ଜିତୁ ଓରଫ ଅମିତ ପାତ୍ର। ଘର ଗଞ୍ଜାମ ଜିଲ୍ଲା, ଭଞ୍ଜନଗର। ଭୁବନେଶ୍ବରରେ ଓଏଲଏକ୍ସରେ ବାଇକ ବିକ୍ରି କରିବା ପାଇଁ ଆଡ ଦେଉଥିବା ଲୋକଙ୍କୁ ଯୋଗାଯୋଗ କରୁଥିଲା ଅମିତ। ଗାଡିର ରେଟ ଓ କଣ୍ଡିସନ ଦେଖିବା ପରେ ଗାଡ଼ି ମାଲିକକୁ ପସନ୍ଦ ହୋଇଛି କହି ଟେଷ୍ଟ ଡ୍ରାଇଭରେ ବାହାରି ଗାଏବ ହୋଇଯାଉଥିଲା ।

ପୋଲିସକୁ ଚକମା ଓ ଧର ନପଡିବା ଆଳରେ ଚୋରା ଗାଡି ଗୁଡିକୁ ଗାଁଗହଳିରେ ବିକ୍ରି କରୁଥିଲା। ୱାନ ମ୍ୟାନ ଆର୍ମି ଭଳି ଲୁଟ ଅପରେସନ କରୁଥିଲା ଅମିତ। ୫୦ ହଜାର ଗାଡ଼ିକୁ ୨୦ ହଜାର। ୩୦ ହଜାର ଗାଡିକୁ ୧୦ ହଜାର ଟଙ୍କାରେ ବିକ୍ରି କରୁଥିଲା। ସ୍ପେଶାଲ ସ୍କାଡ ତଦନ୍ତ କରି ଅମିତକୁ ଗିରଫ କରିବା ସହ ୧୧ଟି ବାଇକ ଜବତ କରିଛି। ଏ ହେଉଛନ୍ତି ଭୁବନେଶ୍ବରର ଜଣେ ଅଭିଯୋଗକାରିଣୀ । ଅମିତକୁ ଦେଖୁ ଦେଖୁ ଚିହ୍ନିଥିଲେ, କହିଥିଲେ ଏ ସେହି ଲୁଟେରା । କେମିତି ଓ କେଉଁ ଉପାୟରେ ଲୋକଙ୍କ ଠାରୁ ଲୁଟିଥିଲା କଣ କହୁଛନ୍ତି ଶୁଣନ୍ତୁ ।

ପୂର୍ବରୁ ୨୦୧୯ରେ ଗାଡ଼ି ଚୋରି କରିବା ଘଟଣାରେ  ଗିରଫ ହୋଇଥିଲା ଅମିତ୍  । ଜେଲରୁ ଫେରିବା ପରେ ପୁଣି ଗାଡ଼ି ଚୋରି କରିବା ପାଇଁ ତିଆରି କରିଥିଲା ବ୍ଲୁ ପ୍ରିଣ୍ଟ । ସେପେଟେ ଠକ ମାନେ କ୍ୟୁଆର କୋଡ ପଠାଇ ସ୍କାନ କରି ଟଙ୍କା ଠକୁଥିବା ନେଇ ସତର୍କ କରାଇଛନ୍ତି ଭୁବନେଶ୍ବର ଡିସିପି ।

ଭୁବନେଶ୍ୱର: ଆସନ୍ତା ୧୧ତାରିଖରେ ମହା ଶିବରାତ୍ରୀ। କୋଭିଡ ଯୋଗୁଁ ଜାଗର ଯାତ୍ରା ଆୟୋଜନ ନେଇ ଆଶଙ୍କା ସୃଷ୍ଟି ହୋଇଥିଲା। ତେବେ ସବୁ କଳ୍ପନା ଜଳ୍ପନାର ଅନ୍ତ ଘଟିଛି। କରୋନା କଟକଣା ମଧ୍ୟରେ ଜାଗର ଯାତ୍ରା ଆୟୋଜନ ନେଇ ସହମତି ହୋଇଛି। ୬୦ବର୍ଷରୁ ଅଧିକ ଓ ୧୨ବର୍ଷରୁ କମ୍ ଭକ୍ତଙ୍କୁ ମନ୍ଦିର ପ୍ରବେଶ ଉପରେ ଲାଗିଛି କଟକଣା । ବିଏମସି କମିଶନରଙ୍କ ଅଧ୍ୟକ୍ଷତାରେ ସମସ୍ତ ନିଯୋଗ, ଜିଲ୍ଲା ପ୍ରଶାସନ ଓ ମନ୍ଦିର ପ୍ରଶାସନ କର୍ତ୍ତୃପକ୍ଷଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି ଦ୍ବିତୀୟ ପର୍ଯ୍ୟାୟ ପ୍ରସ୍ତୁତି ବୈଠକ । ଯାତ୍ରା ଆୟୋଜନରେ ସମସ୍ତ ନିଯୋଗ ସହଯୋଗ କରିବାକୁ ପ୍ରତିଶ୍ରୁତି ଦେଇଛନ୍ତି।

ଚଳିତବର୍ଷ କରୋନାର ଦ୍ବିତୀୟ ଷ୍ଟ୍ରେନକୁ ନେଇ ସରକାରଙ୍କ ପକ୍ଷରୁ କଟକଣାକୁ କଡାକଡି କରାଯାଇଥିବାରୁ ପ୍ରଭୁ ଲିଙ୍ଗରାଜଙ୍କ ମହାଶିବରାତ୍ରୀ ପାଳନ ନେଇ ଉଠିଥିଲା ପ୍ରଶ୍ନ । ସମସ୍ତଙ୍କ ସହଯୋଗରେ ସୁରୁଖୁରୁରେ ଜାଗର ଯାତ୍ରା ପାଳନ ପାଇଁ ଲିଙ୍ଗରାଜ ସେନା ପକ୍ଷରୁ ମଧ୍ୟ ପ୍ରଶାସନକୁ ନିବେଦନ କରାଯାଇଥିଲା । ହେଲେ ଚଳିତବର୍ଷ ସମସ୍ତଙ୍କ ସହଯୋଗରେ, କୋଭିଡ କଟକଣା ଭିତରେ ଯାତ୍ରା ପାଳନ ପାଇଁ ଅନୁମତି ମିଳିଛି  ।….

ଜାଗର ଯାତ୍ରା ପାଇଁ ହୋଇସାରିଛି ନିଷ୍ପତ୍ତି । ଖୁବଶୀଘ୍ର ମନ୍ଦିର ପ୍ରଶାସନ ପକ୍ଷରୁ ଆଉ ଏକ ବୈଠକ ବସି ନିତିକାନ୍ତି ଓ ମହାଦୀପ ଉଠିବାର ସମୟ ଚୂଡାନ୍ତ ହେବ।