spot_img

Latest Posts

ମଦ ବିଗାଡୁଛି ସଂସାର ! ନିଶାରେ ବାୟା ଯୁବପିଢ଼ି, ସରକାରଙ୍କ ବିରୋଧରେ ଏକାଠି ହେଲେ ସଂଗଠନ

ନନ୍ଦିଘୋଷ ବ୍ୟୁରୋ :  ମଦ ବିଗାଡୁଛି ସଂସାର । ନିଶାରେ ବାୟା ଯୁବପିଢ଼ି । ପ୍ରତିଶ୍ରୁତି ଦେଇ ପ୍ରତାରିତ କରିଛି ଡବଲ ଇଞ୍ଜିନ ସରକାର । ଏବେ ସାରା ରାଜ୍ୟରେ ଛୁଟିଛି ମଦର ବନ୍ୟା । ଜବାବ ଦେବାକୁ ଏକାଠି ହେଲେ ବିଭିନ୍ନ ସଂଗଠନ । ରାଜ୍ୟରେ ମଦ ବିକ୍ରି ବନ୍ଦ କରିବା ପାଇଁ ପ୍ରତିଶ୍ରୁତି ଦେଇ ଡବଲ ଇଞ୍ଜିନ ସରକାର କ୍ଷମତାକୁ ଆସିବା ପରେ ଏବେ ସବୁଠି ଦେଶୀ ମଦ ଭାଟି ଓ ମଦ ଦୋକାନ ଖୋଲିବାରେ ଲାଗିଛି । ଏହାକୁ ବିଭିନ୍ନ ସଂଗଠନ ବିରୋଧ କରିବା ସହ ଜବାବ ଦେବାକୁ ଏକାଠି ହେଲେଣି । ସରକାରଙ୍କ ଉପରେ ଚାପ ପକାଇବାକୁ ସୁନ୍ଦରଗଡ଼ ଜିଲ୍ଲାରୁ ମଦ ବିରୋଧୀ ଆନ୍ଦୋଳନ ଆରମ୍ଭ କରିବାକୁ ଆଜି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ରାଉରକେଲାର ବିଭିନ୍ନ ସଂଗଠନ ।

ବିଦେଶୀ ମଦ ଦୋକାନ ବନ୍ଦ କରିବା ପାଇଁ ଦାବି କରାଯାଇଛି । ରାଜ୍ୟ ସରକାର ମଦର ପ୍ରସାର କରୁଥିବା ଯୋଗୁଁ ବିଭିନ୍ନ ସ୍ଥାନରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେଉଥିବା, ହତ୍ୟା ଆକ୍ରମଣ ଘଟଣା ସହ ବିଭିନ୍ନ ଅପରାଧ ବଢୁଥିବା ଅଭିଯୋଗ ହେଉଛି । ରାଉରକେଲା ସହର ଓ ନିକଟବର୍ତ୍ତୀ ଅଞ୍ଚଳରେ ୫ ଟି ଦେଶୀ ମଦ ଭାଟି ଓ ୫୦ ରୁ ଅଧିକ ମଦ ଦୋକାନ ଖୋଲିବା ନିଷ୍ପତ୍ତିକୁ ବିଭିନ୍ନ ସଂଗଠନ ପକ୍ଷରୁ ବିରୋଧ କରାଯିବା ପରେ ଦୁଇଟି ମଦଭାଟି ଟେଣ୍ଡର ବାତିଲ କରାଯାଇଛି । ତେବେ ଖାଲି ରାଉରକେଲା ନୁହେଁ ସାରା ରାଜ୍ୟରେ ଏପରି ସ୍ଥିତି ଉପୁଜିଥିବା ଅଭିଯୋଗ ହୋଇଛି ।

Latest Posts

Don't Miss