spot_img
Home Blog Page 5877

ଗାଁ ଗୁଡ଼ିକରେ କରୋନା ବ୍ୟାପିବାକୁ ରୋକିବା ନେଇ ଯତ୍ନବାନ ହେବାକୁ ପ୍ରଧାନମନ୍ତ୍ରୀଙ୍କ ଆହ୍ୱାନ

ନୂଆଦିଲ୍ଲୀ: ଦେଶରେ ବଢ଼ୁଥିବା କରୋନା ସଂକ୍ରମିତଙ୍କ ସଂଖ୍ୟାକୁ ନେଇ ଚିନ୍ତା ବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗାଁ ଗୁଡ଼ିକରେ କରୋନା ବ୍ୟାପିବାରୁ ରୋକିବାକୁ ନେଇ ସମସ୍ତ ଯତ୍ନବାନ ହେବାକୁ ଆହ୍ୱାନ ଦେଇଛନ୍ତି । ସେ ଆହୁରୀ କହିଛନ୍ତି ଯେ, ଗତ ବର୍ଷ ଆମେ ଯେତେବେଳେ ପଞ୍ଚାୟତିରାଜ ଦିବସ  କଥା ହେଉଥିଲେ ପୂରା ଦେଶ କରୋନା ସହ ଲଢ଼ୁଥିଲା । ସେତେବେଳେ ଆପଣ କରୋନାକୁ ଗାଁରେ ପହଞ୍ଚିବାରେ ରୋକିବା ନେଇ ଆଗଭର ହୁଅନ୍ତୁ । କେବଳ ଗାଁରେ କରୋନା ପହଞ୍ଚିବାରେ ରୋକାଗଲା, ଏବଂ ଲୋକଙ୍କୁ ମଧ୍ୟ ଏ ନେଇ ଯଥେଷ୍ଟ ସଚେତନ କରାଗଲା । ବର୍ତ୍ତମାନ ମଧ୍ୟ ଆମେ କରୋନା ବିରୋଧରେ ଲଢ଼ୁଛେ ଏବଂ ଏବେ ଗାଁକୁ କରୋନା ପହଞ୍ଚାଇବାରୁ ରୋକିବା ଆମ ପାଇଁ ବଡ଼ ଚ୍ୟାଲେଞ୍ଜ ଭାବେ ଉଭା ହୋଇଛି । ଏଣୁ ଆମକୁ ସମସ୍ତ ଗାଇଡଲାଇନକୁ ମାନିବାକୁ ପଡ଼ିବ । ଏବଂ ପୂରା ଗାଁ ଯେଭଳି ଏହି ଗାଇଡଲାଇନ୍‌ର ପାଳନ କରିବା ଏ ନେଇ ଯତ୍ନବାନ ହେବା ଜରୁରୀ । ଏଥର ଆମ ପାଖରେ ଭ୍ୟାକ୍ସିନ୍ ରହିଛି । ଏଣୁ ଆମକୁ ସୁନିଶ୍ଚିତ କରିବାକୁ ପଡ଼ିବ ଯେଭଳି ଗାଁର ସମସ୍ତ ଲୋକେ କରୋନା ଟିକା ନେବେ ।

                        ଗତକାଲି ହିଁ ଭାରତ ସରକାର ପ୍ରଧାନମନ୍ତ୍ରୀ ଗରୀବ କଲ୍ୟାଣ ଯୋଜନା ଅନୁଯାୟୀ, ମାଗଣା ରାସନ୍ ବଣ୍ଟନ ଯୋଜନାର ଶୁଭାରମ୍ଭ କରାଯାଇଛି । ମଇ ଏବଂ ଜୁନ୍ ମାସ ପାଇଁ ଦେଶର ଗରିବ ଲୋକଙ୍କୁ  ମାଗଣା ରାସନ ଯୋଗାଇ ଦିଆଯିବ ।

ଆମଦାନୀ ହେଉଥିବା କରୋନା ଟିକା ଉପରୁ କଷ୍ଟମ୍ ଡ୍ୟୁଟି ଛାଡ଼ କଲେ ସରକାର

ନୂଆଦିଲ୍ଲୀ: କରୋନା ଟିକା ଆମଦାନୀ ଉପରେ କଷ୍ଟମ୍ ଡ୍ୟୁଟି ଛାଡ଼ କଲେ କେନ୍ଦ୍ର ସରକାର । ଏଥିସହିତ ଅକ୍ସିଜେନ୍ ଉପରୁ ସ୍ୱାସ୍ଥ୍ୟ ସେସ୍ ମଧ୍ୟ ଛାଡ଼ କରାଯାଇଛି । ଏ ନେଇ ଶନିବାର କେନ୍ଦ୍ର ଅର୍ଥ ମନ୍ତ୍ରାଳୟ ପକ୍ଷରୁ ଘୋଷଣା କରାଯାଇଛି । ଏଥିସହିତ ମେଡିକାଲ ଅକ୍ସିଜେନ୍ ନିମନ୍ତେ ଆବଶ୍ୟକ ସାମଗ୍ରୀ ଉପରୁ ମଧ୍ୟ ଏହି ସେସ୍ ଛାଡ଼ କରାଯାଇଛି ।

            ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି । ଦେଶରେ ଅକ୍ସଜେନ୍ ଅଭାବ ଦୂର କରିବା ଦିଗରେ ଏହା ସହାୟକ ହେବ ବୋଲି କୁହାଯାଉଛି । ଉକ୍ତ ବୈଠକରେ ଅର୍ଥମନ୍ତ୍ରୀ ନିର୍ମଳା ସୀତାରମଣ, ପୀୟୁଷ ଗୋଏଲ, ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ, ଏମ୍ସ ଡାଇରେକ୍ଟର ରଣଦୀପ ଗୁଲେରିଆ ବୈଠକରେ ଉପସ୍ଥିତ ଥିଲେ । ବର୍ତ୍ତମାନ ସମୟରେ ମେଡିକାଲ ଅକ୍ସିଜେନ୍ ସପ୍ଳାଇ ବୃଦ୍ଧି କରିବାର ଆବଶ୍ୟକତା ରହିଛି । ଯାହା ଦ୍ୱାରା ଲୋକେ ହସ୍ପିଟାଲ ଏବଂ ଘରେ ଚିକିତ୍ସିତ ହୋଇପାରିବେ । ରେମଡିସିଭିର ଏବଂ ଏଥିରେ ବ୍ୟବହୃତ ଉପାଦାନ ଉପରେ ମଧ୍ୟ କଷ୍ଟମ୍ ଡ୍ୟୁଟି ଛାଡ଼ କରାଯାଇଛି ।

ଏଥିସହିତ ପଢ଼ନ୍ତୁ: ଦିଲ୍ଲୀ ହାଇକୋର୍ଟଙ୍କ କଠୋର ଟିପ୍ପଣୀ- ‘ଅମ୍ଲଜାନ ରୋକିଲେ ଲଟକାଇ ଦେବୁ’

ଦିଲ୍ଲୀ ହାଇକୋର୍ଟଙ୍କ କଠୋର ଟିପ୍ପଣୀ- ‘ଅମ୍ଲଜାନ ରୋକିଲେ ଲଟକାଇ ଦେବୁ’

ନୂଆଦିଲ୍ଲୀ: ଦିଲ୍ଲୀର ଅକ୍ସିଜେନ୍ ସଂକଟ ନେଇ ଶୁଣାଣି ବେଳେ ବଡ଼ ଟିପ୍ପଣୀ କରିଛନ୍ତି ହାଇକୋର୍ଟ । କେନ୍ଦ୍ର, ରାଜ୍ୟ ଅଥବା କୌଣସି ଅଧିକାରୀ ଅକ୍ସିଜେନ୍ ଯୋଗାଣରେ ଅସୁବିଧା ସୃଷ୍ଟି କଲେ ଆମେ ସେହି ବ୍ୟକ୍ତିଙ୍କୁ ଲଟକାଇ  ଦେବୁ । ଜଷ୍ଟିସ୍ ବିପିନ୍ ସାଂଘି ଓ ଜଷ୍ଟିସ୍ ରେଖା ପଲ୍ଲୀଙ୍କ ଖଣ୍ଡପୀଠ ଏଭଳି ଟିପ୍ପଣୀ କରିଛନ୍ତି । ମହାରଜା ଅଗ୍ରସେନ୍ ହସ୍ପିଟାଲର ଏକ ଆବେଦନର ଶୁଣାଣି ବେଳେ ଖଣ୍ଡପୀଠ ଏଭଳି ମନ୍ତବ୍ୟ ଦେଇଛନ୍ତି । ହସ୍ପିଟାଲରେ ଗମ୍ଭୀର କରୋନା ଆକ୍ରାନ୍ତଙ୍କୁ ଅକ୍ସିଜେନ୍ ନିଅଣ୍ଟକୁ ନେଇ କୋର୍ଟ ଏଭଳି ମତ ଦେଇଛନ୍ତି ।

Delhi HC Strict Step Said Oxygen Supply Should Be Uninterrupted

କିଏ ରୋକୁଛି ପରିବହନ ?

ଅଦାଲତ ଦିଲ୍ଲୀ ସରକାରଙ୍କୁ ପଚାରିଛନ୍ତି କୁହନ୍ତି କିଏ ଅକ୍ସିଜେନ୍ ପରିବହନରେ ବାଧା ଦେଉଛନ୍ତି । ଖଣ୍ଡପୀଠ କହିଛନ୍ତି- ‘ଆମେ ସେହି ବ୍ୟକ୍ତିଙ୍କୁ ଟାଙ୍ଗି ଦେବୁ । ଆମେ କାହିରିକୁ ବି ଛାଡ଼ିବୁ ନାହିଁ ।’ ସ୍ଥାନୀୟ ପ୍ରଶାସନର ସେଭଳି ଅଧିକାରୀଙ୍କ ସମ୍ପର୍କରେ ଦିଲ୍ଲୀ ସରକାର କେନ୍ଦ୍ର ସରକାରଙ୍କୁ ଜଣାନ୍ତୁ । ଫଳରେ କେନ୍ଦ୍ର ସରକାର ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇପାରିବ ।

ଦିଲ୍ଲୀ ହାଇକୋର୍ଟଙ୍କ ପ୍ରଶ୍ନ

ଦିଲ୍ଲୀ ହାଇକୋର୍ଟ କେନ୍ଦ୍ର ସରକାରଙ୍କୁ ପଚାରିଛନ୍ତି, ଦିଲ୍ଲୀ ପାଇଁ ପ୍ରତିଦିନ ମିଳିବାକୁ ଥିବା ୪୮୦ ମେଟ୍ରିକ୍ ଟନ୍ ଅକ୍ସିଜେନ୍ କେବେ ମିଳିବ ? ଅଦାଲତ କହିଛନ୍ତି କେନ୍ଦ୍ର ସରକାର ୨୧ ତାରିଖରେ ଦିଲ୍ଲୀକୁ ଦୈନିକ ୪୮୦ ମେଟ୍ରିକ୍ ଟନ୍ ଅକ୍ସିଜେନ୍ ପହଞ୍ଚାଇବା ଲାଗି ଆଶ୍ୱସ୍ତ କରିଥିଲେ । ଆମକୁ କୁହନ୍ତୁ ଅକ୍ସିଜେନ୍ କେବେ ଆସିବ ?

ଜଗା ଦର୍ଶନରେ କରୋନା କଟକଣା, ମେ‘ ୧୫ ଯାଏ ଶ୍ରଦ୍ଧାଳୁଙ୍କୁ ଶ୍ରୀମନ୍ଦିର ମନା

ପୁରୀ: ପୁଣି ଭଗବାନ-ଭକ୍ତଙ୍କ ବନ୍ଧନରେ ବାଧକ ସାଜିଲା ଭୂତାଣୁ । ବଢ଼ୁଥିବା କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ମେ‘ ୧୫ ଯାଏ ଶ୍ରଦ୍ଧାଳୁଙ୍କ ଲାଗି ବନ୍ଦ ରହିବ । ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାରଙ୍କ ଅଧ୍ୟକ୍ଷତାରେ ଭିଡିଓ କନଫରେନ୍ସିଂରେ ବସିଥିବା ବୈଠକରେ ଏନେଇ ନିଷ୍ପତ୍ତି ନିଆଯାଇଛି । ବୈଠକରେ ବିଭିନ୍ନ ନିଯୋଗର ବରିଷ୍ଠ ସେବାୟତ, ଜିଲ୍ଲାପାଳ ସମର୍ଥ ବର୍ମା, ଏସପି କନୱର ବିଶାଳ ସିଂ ଏବଂ ମନ୍ଦିର କାର୍ଯ୍ୟାଳୟ ଅଧିକାରୀ ସାମିଲ୍ ଥିଲେ ।

 

କୋଭିଡ୍ ସମୟରେ ଉପୁଜିଥିବା ସମସ୍ୟା ନେଇ ବୈଠରେ ଆଲୋଚନା ହୋଇଥିଲା । ସଂକ୍ରମଣ ଭିତରେ ମହାପ୍ରଭୁଙ୍କ ସମସ୍ତ ପୁରାତନ ନୀତିକାନ୍ତି ଚାଲୁ ରଖିବା ନେଇ ସମସ୍ତେ ମତ ଦେଇଥିଲେ । ଏଥିସହ ଶ୍ରୀଜିଉଙ୍କ ଦୈନନ୍ଦିନ ସେବାରେ ନିୟୋଜିତ ସେବାୟତଙ୍କ ସ୍ୱାସ୍ଥ୍ୟ ସୁରକ୍ଷା ଉପରେ ଗୁରୁତ୍ୱ ଦିଆଯାଇଥିଲା । ଚଳିତବର୍ଷ ମେ’ ୧୫ ତାରିଖ ଅକ୍ଷୟ ତୃତୀୟାରୁ ରଥକାର୍ଯ୍ୟ ଆରମ୍ଭ ହେବ ।

Shree Jagannatha Temple will remain closed for Darshan of Lords

ମେ’ ୧୫ ଯାଏ ଶ୍ରୀମନ୍ଦିରରେ ସାଧାରଣ ଦର୍ଶନ ବନ୍ଦ ରହିବ । ସେବାୟତ ଏବଂ ମନ୍ଦିର କାର୍ଯ୍ୟାଳୟ ଅଧିକାରୀଙ୍କ ସହଯୋଗରେ ମହାପ୍ରଭୁଙ୍କ ସମସ୍ତ ନୀତିକାନ୍ତି ଜାରି ରହିବ । ନିୟମିତ ଭାବେ ସେବାୟତ ଓ ସେବାୟତ ପରିବାର ସ୍କ୍ରିନିଂ ଓ ଟେଷ୍ଟିଂ କରାଯିବ । କେହି କୋଭିଡ୍ ସଂକ୍ରମିତ ହେଲେ ଚିକିତ୍ସା ସେବା ଯୋଗାଇ ଦିଆଯିବ । ନୀଳାଦ୍ରି ଭକ୍ତ ନିବାସରେ କୋଭିଡ୍ କେୟାର୍ ସେଣ୍ଟରକୁ କାର୍ଯ୍ୟକ୍ଷମ କରାଯାଇଥିବା ବେଳେ ଆବଶ୍ୟକତା ଅନୁସାରେ ବେଡ୍ ବୃଦ୍ଧି କରାଯିବ ।

Shree Jagannatha Temple will remain closed for Darshan of Lords

କାହାରି ଅବସ୍ଥା ଗୁରୁତର ହେଲେ ଚିକିତ୍ସା ପାଇଁ ଭୁବନେଶ୍ୱର ନେବାକୁ ବ୍ୟବସ୍ଥା କରାଯାଇଛି । ଏଥିପାଇଁ ନୋଡାଲ୍ ଅଫିସର ଭାବେ ଉନ୍ନୟନ ପ୍ରଶାସକଙ୍କୁ ଦାୟିତ୍ୱ ଦିଆଯାଇଛି । ସମ୍ ସହ ଭୁବନେଶ୍ୱରର ଅନ୍ୟ ହସ୍ପିଟାଲରେ ଚିକିତ୍ସା ବ୍ୟବସ୍ଥା କରାଯିବ । ମାସ୍କ, ସାନିଟାଇଜର ବ୍ୟବହାର ସହ ସାମାଜିକ ଦୂରତା ରକ୍ଷା କରିବା ଲାଗି ସଚେତନତା ସୃଷ୍ଟି କରାଯିବ । ମହାପ୍ରଭୁଙ୍କ ଦୈନନ୍ଦିନ ସେବା-ପୂଜା କାର୍ଯ୍ୟରେ ନିୟୋଜିତ ସେବାୟତ ଏବଂ ରଥ ନିର୍ମାଣରେ ନିୟୋଜିତ ସେବକଙ୍କୁ ଟିକା ଦିଆଯିବ ଲାଗି ପ୍ରାଧାନ୍ୟ ଦିଆଯିବ ।

Shree Jagannatha Temple will remain closed for Darshan of Lords

ପରମ୍ପରା ଅନୁସାରେ ରଥ ନିର୍ମାଣ କରାଯିବ । ଏଥିପାଇଁ ସମସ୍ତ ପ୍ରସ୍ତୁତି କରାଯାଇଛି । ଚନ୍ଦନ ଯାତ୍ରା, ସ୍ନାନ ଯାତ୍ରା ଏବଂ ରଥ ଯାତ୍ରା ପାଇଁ ଶ୍ରୀମନ୍ଦିର ପ୍ରଶାସନ ଆଗୁଆ ମାସ୍କ, ସାନିଟାଇଜର କିଣି ମହଜୁଦ୍ ରଖିବାକୁ ନିଷ୍ପତ୍ତି ହୋଇଛି । କରୋନାର ସଂକ୍ରମଣ ସ୍ଥିତିକୁ ଦେଖି ପରବର୍ତ୍ତୀ ନିଷ୍ପତ୍ତି ନେଇ ମେ’ ୫ ତାରିଖରେ ପୁଣି ରିଭ୍ୟୁ କରାଯିବ ।

ଆମେରିକା ବିଶେଷଜ୍ଞଙ୍କ ଦାବି ଶୁଣିଲେ ଉଡ଼ିଯିବ ହୋସ୍, ବିଶ୍ୱରେ ସମସ୍ତେ କରୋନା ସଂକ୍ରମିତ !

 ନୂଆଦିଲ୍ଳୀ:  କରୋନାର ଦ୍ୱିତୀୟ ପର୍ଯ୍ୟାୟ ଆକ୍ରମଣର ଷ୍ଟାଟେଷ୍କିକ୍ ପ୍ରତିଦିନ୍ ଦେଉଛି ନୂଆ ଝଟକା । ଭାରତରେ ଦୈନିକ ସଂକ୍ରମଣ ମାମଲା ୩ ଲକ୍ଷ ପାର କରି ୪ ଲକ୍ଷ ଛୁଇଁବ ଛୁଇଁବ ହେଉଛି । ଅମ୍ଲଜାନ ପାଇଁ ଦେଶରେ ସୃଷ୍ଟି ହୋଇଛି ହାହାକାର । ଆଗରୁ ଅକ୍ସିଜେନ୍ ମହଜୁଦ କରିବାକୁ ଭୁଲି ଯାଇଥିବା ନେତା ଏବେ ପଲିଟିକାଲ ବ୍ଲେମ୍ ଗେମରେ ମାତିଛନ୍ତି । ଏଣେ ଆମେରିକାରୁ ଆସୁଥିବା ରିପୋର୍ଟ ଖାଲି ଭାରତ ପାଇଁ ନୁହେଁ ପୁରା ବିଶ୍ୱ ପାଇଁ ଚିନ୍ତାର କାରଣ ହୋଇଛି । ଜଣେ ବିଶେଷଜ୍ଞଙ୍କ ଦାବିକୁ ଯଦି ବିଶ୍ୱାସ କରାଯାଏ ତେବେ ଆପଣଙ୍କ ଆଖି ଆଗରେ ଯିଏ ବି ପଡୁଛନ୍ତି ସିଏ ସଂକ୍ରମିତ । ଘର ବାହାରେ ଆପଣ ଯାହା ସହିତ ମିଶୁଛନ୍ତି ସିଏ ସଂକ୍ରମିତ । ଅର୍ଥାତ ଭାରତରେ ସମସ୍ତେ ସଂକ୍ରମିତ । ସେହି ନ୍ୟାୟରେ ଓଡ଼ିଶାରେ ମଧ୍ୟ ସମସ୍ତେ ସଂକ୍ରମିତ । ଏମିତି କହି ଆମେ ଆପଣଙ୍କୁ ଡରାଇବାକୁ ଚାହୁଁ ନାହୁଁ,ବାସ୍ ଏତିକି କହିବାକୁ ଚାହୁଁଛୁ ଯେ, ହେବାକୁ ଗଲେ କିଛି ମଧ୍ୟ ହୋଇପାରେ । ତେଣୁ ସତର୍କ ରହିବା ଜରୁରୀ ।

ଆମେରିକାର କୋରୋଲାଡୋ ବିଶ୍ୱବିଦ୍ୟାଳୟ ଓ କୋଅପରେଟିଭ୍ ଇନଷ୍ଟିଚ୍ୟୁଟ୍ ଫର ରିସର୍ଚ୍ଚ ଇନ୍ ଏନଭୟାରମେଣ୍ଟାଲ ସାଇନସେସ୍-CIRES ଆଶଙ୍କା କରୁଛି ଯେ, କରୋନାର ଦ୍ୱିତୀୟ ପର୍ଯ୍ୟାୟରେ ବିଶ୍ୱର ସମସ୍ତେ ସଂକ୍ରମିତ ହୋଇ ସାରିଛନ୍ତି । ଗବେଷକଙ୍କ ଅନୁସାରେ କରୋନାର ଦ୍ୱିତୀୟ ପର୍ଯ୍ୟାୟରେ ଲୋକ ଅଧିକ ସଂଖ୍ୟାରେ ଓ ଶୀଘ୍ର ସଂକ୍ରମିତ ହେଉଛନ୍ତି । ଏଥର ସଂକ୍ରମଣର ବିଶେଷତା ହେଉଛି ଏହା ପ୍ରି-ସିମ୍ପଟୋମେଟିକ୍ ବା ସଂକ୍ରମିତଙ୍କ ଠାରେ ପୂର୍ବ ଲକ୍ଷଣ ଦେଖିବାକୁ ମିଳୁନାହିଁ । ପ୍ରି-ସିମ୍ପଟୋମେଟିକ୍ ସଂକ୍ରମିତଙ୍କ ଅଧିକ ସଂଖ୍ୟା ଚିନ୍ତାର କାରଣ ହୋଇଛି । ଆମେରିକୀୟ ବିଶେଷଜ୍ଞଙ୍କ କହିବା ହେଉଛି ଯେହେତୁ ୬୦ ପ୍ରତିଶତ ମାମଲା ପ୍ରି-ସିମ୍ପଟୋମେଟିକ୍ ତେଣୁ ଏହି ହିସାବରେ ସମସ୍ତେ ସଂକ୍ରମିତ ।

CIRESର ଜୋସ୍ ଲୁଇସ ଜିମିନେଜ୍ ସେହି ୬ ବିଶେଷଜ୍ଞଙ୍କ ମଧ୍ୟରୁ ଜଣେ ଯେଉଁମାନଙ୍କ ଆକଳନ ରିପୋର୍ଟ ନିକଟରେ ମେଡିକାଲ ଜର୍ଣ୍ଣାଲ ଲେସେଣ୍ଟରେ ପ୍ରକାଶିତ ହୋଇଥିଲା । ଯେଉଁଥିରେ କରୋନା ପବନରେ ବ୍ୟାପୁଥିବା ଦାବି କରାଯାଉଥିଲା । ଜିମିନେଜଙ୍କ ଅନୁସାରେ ପ୍ରି-ସିମ୍ପଟୋମେଟିକ୍ ସେହି ମାନେ,ଯେଉଁମାନେ ଭାଇରସକୁ ପ୍ରସାରିତ କରିଥାନ୍ତି କିନ୍ତୁ ଜାଣିନଥାନ୍ତି ଯେ,ସେମାନେ ନିଜ ସଂକ୍ରମିତ । କେବଳ ଏତିକି ନୁହେଁ,ଅନ୍ୟମାନେ ମଧ୍ୟ ଜାଣି ପାରନ୍ତି ନାହିଁ ଯେ,ସେମାନଙ୍କ ପାଖରେ ଥିବା ବ୍ୟକ୍ତି ସଂକ୍ରମିତ ।

ପ୍ରି-ସିମ୍ପଟୋମେଟିକ୍ ସଂକ୍ରମିତ କ’ଣ ?

ଜିମିନେଜ୍ କୁହନ୍ତି ଯେ, ଏଭଳି ସଂକ୍ରମିତ ବ୍ୟକ୍ତି ନା କାଶନ୍ତି ନା ଛିକନ୍ତି । ଏମାନେ ପୂର୍ବଭଳି ସାମାନ୍ୟ ଜୀବନ ଜିଅନ୍ତି । ସେମାନେ କାମ କରୁଛନ୍ତି,ଅଫିସକୁ ଯାଉଛନ୍ତି । ନିଜ ପରିବର ସହ ସମୟ ବିତାଉଛନ୍ତି ଓ ବଜାରକୁ ଯାଇ ମାର୍କେଟିଂ କରିବା ସହିତ କରୋନା ବାଣ୍ଟୁଛନ୍ତି । ଏହିଭଳି ବ୍ୟକ୍ତିଙ୍କ ଠାରେ ସଂକ୍ରମଣର ଲକ୍ଷଣ ଦେଖିବାକୁ ମିଳେ ନାହିଁ କିନ୍ତୁ ଭବିଷ୍ୟତରେ ଲକ୍ଷଣ ଦୃଷ୍ଟିଗୋଚର ହେବ । ଜିମିନେଜ୍ ଙ୍କ ଅନୁଯାୟୀ ଏଭଳି ସ୍ଥିତିର ମୁକାବିଲା କରିବା ପାଇଁ ଏକମାତ୍ର ରାସ୍ତା ରହିଛି,ଆଉ ତାହା ହେଉଛି- ଆପଣଙ୍କ ଆଖି ଆଗକୁ ଯିଏ ଆସିବ ସିଏ ସଂକ୍ରମିତ ବୋଲି ଧରିନିଅନ୍ତୁ ।

ତିନି କାରଣରୁ ମହାମାରୀ

ଜିମିନେଜ୍ କୁହନ୍ତି ଯେ, ତିନୋଟି କାରଣ ପାଇଁ ଆମେ ମହାମାରୀ ଫେଜ୍ ଭିତରେ ଅଛେ । ପ୍ରଥମତଃ ଆମ ମଧ୍ୟରୁ କାହାରି ପାଖରେ ଏହା ବିରୋଧରେ ପ୍ରତିରୋଧକ କ୍ଷମତା ନାହିଁ । ଦ୍ୱିତୀୟତଃ ଏହା ପବନରେ ବ୍ୟାପୁଛି । ତେଣୁ ସହଜରେ ଅଧିକ ଲୋକ ଏହା ଦ୍ୱାରା ସଂକ୍ରମିତ ହେଉଛନ୍ତି । ସର୍ବଶେଷ କାରଣ ହେଉଛି ବିନା ଲକ୍ଷଣ ବା ପ୍ରିସିମ୍ପଟୋମେଟିକ ବ୍ୟକ୍ତିଙ୍କ ଦ୍ୱାରା ଏହା ପ୍ରସାରିତ ହେଉଛି ।

କ’ଣ ପାଇଁ ଗୁରୁତ୍ୱପୂର୍ଣ୍ଣ ପ୍ରି-ସିମ୍ପଟୋମେଟିକ୍ ସଂକ୍ରମଣ ?

ସାର୍ସ-୧ ଓ ସାର୍ସ-୨ ମହାମାରୀରେ ଦୁଇଟି ସମାନତା ରହିଛି । ୨୦୦୩ରେ ଆସିଥିବା ସାର୍ସ-୧ କୋଭିଡ୍ ମଧ୍ୟ ପବନ ଦ୍ୱାରା ବ୍ୟାପୁଥିଲା ଓ ଏହା ବିରୋଧରେ ଆମ ପାଖରେ ରୋଗ ପ୍ରତିରୋଧକ କ୍ଷମତା ନଥିଲା । କିନ୍ତୁ ଗୋଟିଏ କାରଣ ପାଇଁ ଏହା କରୋନା ଭଳି ବ୍ୟାପକ ହୋଇନଥିଲା । ଆଉ ତାହା ହେଉଛି କେବଳ ଗମ୍ଭୀର ସାର୍ସ ରୋଗୀ ହିଁ ଅନ୍ୟକୁ ସଂକ୍ରମିତ କରି ପାରୁଥିଲେ । ଯେଉଁମାନେ ଗମ୍ଭୀର ଭାବେ ସଂକ୍ରମିତ ହେଉଥିଲେ ସେମାନଙ୍କୁ ଚିହ୍ନଟ କରିବା ସହଜ ଥିଲା । ଫଳରେ ସେତେବେଳେ ଗମ୍ଭୀର ରୋଗୀଙ୍କୁ ସେତେବେଳ ଆଇସୋଲେଟ୍ କରି ସାର୍ସ-୧କୁ ଗମ୍ଭୀର ସଂକଟ ହେବାକୁ ରୋକା ଯାଇ ପାରିଥିଲା । ଅନ୍ୟପକ୍ଷରେ ସେତେବେଳେ ପୃଥିବୀରେ ମାତ୍ର ୯ ହଜାର ସାର୍ସ୍ ମାମଲା ଥିଲା । ଏବେ କରୋନା ସଂକ୍ରମିତଙ୍କ ସଂଖ୍ୟା କୋଟିରେ । କମ ସଂକ୍ରମିତ ବ୍ୟକ୍ତି କିମ୍ବା ଲକ୍ଷଣ ନଥିବା ସଂକ୍ରମିତ ବି ଅଧିକ ସଂଖ୍ୟାରେ ଅନ୍ୟଙ୍କୁ ସଂକ୍ରମିତ କରି ପାରୁଛନ୍ତି । ତେଣୁ ଏହା ବଡ ବିପଦ ଭାବେ ଉଭା ହୋଇଛି ।

ଜିମିନେଜ୍ ସେହି ବ୍ୟକ୍ତି ଯିଏ ଆରମ୍ଭରୁ କହି ଆସୁଛନ୍ତି ଯେ,କରୋନା ବାୟୁ ପ୍ରବାହିତ ଭୂତାଣୁ । ତେବେ ତାଙ୍କ ଦାବିକୁ ସିଧା ସଳଖ ପ୍ରତ୍ୟାଖାନ କରାଯାଇ ପାରିବ ନାହିଁ କି ଗ୍ରହଣ ମଧ୍ୟ କରାଯାଇ ପାରିବ ନାହିଁ । କାହିଁକିନା,କୋଭିଡ୍-୧୯ ବାୟୁ ବାରମ୍ବାର ନିଜ ରୂପ ବଦଳାଉଛି ।

ରାସ୍ତା ଉପରେ ବୃଦ୍ଧଙ୍କୁ ବାରହା ଆକ୍ରମଣ, ଏକା ଲଢ଼ିଲା କୁକୁର

ଭଞ୍ଜନଗର: ରାସ୍ତା ଉପରେ ସଂଖ୍ୟାଧିକ ଲୋକଙ୍କ ଭିଡ଼ । ଅସଂଖ୍ୟ ଲୋକଙ୍କ ଭିଡ଼ ଭିତରେ ବୃଦ୍ଧଙ୍କୁ ଗଡ଼େଇ ଗଡ଼େଇ ଆକ୍ରମଣ କରୁଛି ବାରହା । ଶହ ଶହ ଲୋକ ଅଛନ୍ତି, ସବୁ ଦେଖୁଛନ୍ତି । କିନ୍ତୁ ବୃଦ୍ଧଙ୍କ ଜୀବନ ବଞ୍ଚାଇବା ଲାଗି କେହି ଆଗକୁ ଆସୁନାହାଁନ୍ତି । ବରଂ ମାନବିକତାକୁ ହରାଇ ମୋବାଇଲରେ ଦୃଶ୍ୟକୁ ରେକର୍ଡ କରୁଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଭଞ୍ଜନଗର କାଳିଆମ୍ବା ଫରେଷ୍ଟ ମୁଦୁଲିପଲ୍ଲୀ ଗାଁ ନିକଟ ରାସ୍ତାରେ ।

ସ୍ଥାନୀୟ ଅଞ୍ଚଳର ସୁଭାଷ ବିଶୋୟୀ ନାମକ ବୟସ୍କ ବ୍ୟକ୍ତି ଧାନ ଖଳାକୁ ଯାଉଥିବା ବେଳେ ବାରହା ଆକ୍ରମଣ କରିଥିଲା । ରାସ୍ତାକଡ଼ରେ ବୃଦ୍ଧଙ୍କୁ ବାରହା ଆକ୍ରମଣ କରୁଥିବା ସଂଖ୍ୟାଧିକ ଲୋକ ଦେଖୁଥିଲେ ମଧ୍ୟ କେହି ଆଗକୁ ଆସୁନଥିଲେ । ଏକୁଟିଆ ଏକ କୁକୁର ବାରହା ସହ ଲଢ଼େଇ କରୁଥିଲା ବୃଦ୍ଧଙ୍କ ଜୀବନ ପାଇଁ । ଶେଷରେ କେହି ଜଣେ ବ୍ୟକ୍ତି ଏକ ଠେଙ୍ଗା ଫୋପାଡ଼ିବା ଏବଂ ଗାଡ଼ି ହର୍ଣ୍ଣ ଶୁଣି ବାରହା ଚାଷଜମି ଆଡ଼କୁ ଦୌଡ଼ି ପଳାଇଥିଲା ।

 

View this post on Instagram

 

A post shared by NandighoshaTV (@nandighoshatv)

ବାରହା ଆକ୍ରମଣରେ ଗୁରୁତର ଅବସ୍ଥାରେ ସୁଭାଷଙ୍କୁ ସ୍ଥାନୀୟ ଲୋକେ ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ଗତ କିଛିଦିନ ହେଲା ସ୍ଥାନୀୟ ଅଞ୍ଚଳରେ ବଣୁଆ ବାରହାଙ୍କ ଉପଦ୍ରବ ବଢିଥିବାରୁ ଅନେକ ଲୋକ ଆହତ ହେଲେଣି । କିଛିଦିନ ତଳେ ଗାଙ୍ଗପୁର ଫରେଷ୍ଟ ସେକ୍ସନ ବଘୁଆପଲ୍ଲୀ ଗାଁରେ ଦିନ ଦ୍ୱିପ୍ରହରରେ ୩ ଜଣ ମହିଳା ଓ ଜଣେ ପୁରୁଷଙ୍କୁ ବାରହା ଆକ୍ରମଣ କରିଥିଲା ।

ପଶ୍ଚିମ ଓଡ଼ିଶାରେ ବୃଦ୍ଧି ହେଉଛି କୋଭିଡ୍ ଶଯ୍ୟା, ମେ’ ମାସରେ ପିକକୁ ଯାଇ ସଂକ୍ରମଣ ଖସିବା ସମ୍ଭାବନା

ଭୁବନେଶ୍ୱର: ରାଜ୍ୟରେ କରୋନା ସ୍ଥିତିରେ ସାମାନ୍ୟ ସୁଧାର ଆସିଛି । ଅକ୍ଟୋବର ମାସରେ କୋଲକାତାରେ ଟ୍ରିପଲ ମ୍ୟୁଟାଣ୍ଟ ଦେଖା ଦେଇଥିଲା । ଓଡ଼ିଶାରେ ତାହା ଏଯାଏଁ ଦେଖା ଦେଇନାହିଁ । କରୋନାର ସଂକ୍ରମଣକୁ ଦୃଷ୍ଟିରେ ରଖି ପଶ୍ଚିମ ଓଡ଼ିଶାରେ ଶଯ୍ୟା ସଂଖ୍ୟା ବୃଦ୍ଧି କରାଯାଇଛି । ଏଥିସହ ଅଧିକ ଡାକ୍ତରଙ୍କୁ ନିଯୁକ୍ତି ଦିଆଯାଇଥିବା ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି  ସୂଚନା ଦେଇଛନ୍ତି । ଅକ୍ସିଜେନ ଯୋଗାଣ ଉପରେ ପ୍ରତିକ୍ରିୟା ରଖି ସେ କହିଛନ୍ତି, ରାଜ୍ୟରେ ଅକ୍ସିଜେନର ଅଭାବ ନାହିଁ ।

Odisha Government Increasing Covid Beds In Western Odisha

ରାଜ୍ୟରୁ ୨ ଶହ ୫୦ ମେଟ୍ରିକ୍ ଟନ୍ ଅକ୍ସିଜେନ୍ ବାହାର ରାଜ୍ୟକୁ ଯୋଗାଯାଇଥିବା ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି ସୂଚନା ଦେଇଛନ୍ତି । ମେ’ ମାସ ବେଳକୁ ପିକରେ ରହି ଖସିବାର ସମ୍ଭାବନା ରହିଛି । ପ୍ୟାନିକ୍ ହୋଇ କି ଡାକ୍ତରଖାନାକୁ ଆସନ୍ତୁ ନାହିଁ । ଜଣେ ରୋଗୀ ଆସିଲେ ତାଙ୍କ ସହ ଅନ୍ୟମାନେ ଡାକ୍ତରଖାନାରେ ଭିଡ଼ କରନ୍ତୁ ନାହିଁ ।

ଅନ୍ୟପଟେ ରାଜ୍ୟକୁ ଆଜି ୧ ଲକ୍ଷ ଡୋଜ୍ କୋଭିସିଲ୍ଡ ଟିକା ଆସିବ । ଗତାକିଲ ୭୬୯ କେନ୍ଦ୍ରରେ ୧ ଲକ୍ଷ ୮ ହଜାର ୯୦୨ ଜଣଙ୍କୁ ଟୀକା ଦିଆଯାଇଛି । ବର୍ତ୍ତମାନ ସୁଦ୍ଧା ରାଜ୍ୟରେ ୫୫ ଲକ୍ଷ ୫୦ ହଜାର ୩୮୦ ଡୋଜ୍ ଦିଆଯାଇଛି । ସଟଡାଉନ୍ ଯୋଗୁଁ ଶନିବାର ଓ ରବିବାର ଟିକାକରଣ ବନ୍ଦ ରହିଛି । ଟୀକାକରଣ କେନ୍ଦ୍ରକୁ ଏହି ସମୟରେ ସାନିଟାଇଜ କରାଯିବ । ସୋମବାରରୁ ଶୁକ୍ରବାର ଅନବରତ ଟିକାକରଣ ଚାଲିବ । ବର୍ତ୍ତମାନ ୧ ଲକ୍ଷ କୋଭିସିଲ୍ଡ ଟିକା ଥିବା ବେଳେ ଆଜି ୧ ଲକ୍ଷ ଡୋଜ୍ ଆସିବ । ୩.୭ ଲକ୍ଷ କୋଭାକ୍ସିନ ଅଛି ।

Odisha Government Increasing Covid Beds In Western Odisha

ଟିକା ଅଭାବରୁ ଅଧିକାଂଶ ଟିକାକରଣ ବନ୍ଦ ରହିଛି, ଅଧିକ ଆସିଲେ ସ୍ୱାଭାବିକ ହେବ । ଅଗ୍ରାଧିକାର ଭିତ୍ତିରେ ପଶ୍ଚିମ ଓଡ଼ିଶାକୁ ଟିକା ଦିଆଯାଉଛି । ଆଜି ବୈଠକ ଅଛି ୧୮ ବର୍ଷରୁ ଊର୍ଦ୍ଧ୍ୱ ବ୍ୟକ୍ତିଙ୍କୁ ଟିକାକରଣ ନେଇ କିଛି ଆଲୋଚନା ହୋଇପାରେ । ଉଭୟ ଟିକା ନିରାପଦ ଓ ଫଳପ୍ରଦ । ସମସ୍ତେ ଟିକା ନେବା ଉଚିତ୍ । ଦୁଇଟି ଡୋଜ୍ ନେବା ପରେ ହିଁ ସଂକ୍ରମଣରୁ ରକ୍ଷା କରାଯାଇ ପାରିବ । ପ୍ରଥମ ଡୋଜ ଏତେ ଫଳପ୍ରଦ ନୁହେଁ ବୋଲି କହିଛନ୍ତି ପରିବାର କଲ୍ୟାନ ନିର୍ଦ୍ଦେଶକ ବିଜୟ ପାଣିଗ୍ରାହୀ ।

ସ୍କୁଲ୍ ବନ୍ଦ ନିର୍ଦ୍ଦେଶ ସତ୍ତ୍ୱେ ସରକାରୀ ବିଦ୍ୟାଳୟରେ ହେଉଛି ପାଠପଢ଼ା

ବାରିପଦା: କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟର ସମସ୍ତ ଶିକ୍ଷାନୁଷ୍ଠାନକୁ ସରକାର ବନ୍ଦ ରଖିଛନ୍ତି । ଏଥିସହ ଦଶମ ଶ୍ରେଣୀ ପିଲାଙ୍କ ବୋର୍ଡ ପରୀକ୍ଷାକୁ ସଂକ୍ରମଣ ପାଇଁ ବାତିଲ୍ କରାଯାଇଛି । ସମସ୍ତ ସରକାରୀ ଓ ଘରୋଇ ଶିକ୍ଷାନୁଷ୍ଠାନ ବନ୍ଦ ରଖିବା ପାଇଁ କଡ଼ା ନିର୍ଦ୍ଦେଶନାମା ଜାରି କରିଛି ବିଦ୍ୟାଳୟ ଓ ଗଣଶିକ୍ଷା ବିଭାଗ । କିନ୍ତୁ ମୟୂରଭଞ୍ଜ ଜିଲ୍ଲାରେ ଏହାର ବ୍ୟତିକ୍ରମ ଦେଖିବାକୁ ମିଳିଛି । ସଂକ୍ରମଣ ବ୍ୟାପୁଥିବା ଥିବାବେଳେ ଛାତ୍ରଛାତ୍ରୀଙ୍କ ଜୀବନକୁ ବିପଦରେ ପକାଇ ଏଠି ଚାଲିଛି ସରକାରୀ ସ୍କୁଲରେ ପାଠପଢ଼ା ।

School Opened In Mayurbhanj After SME Closure Order Amid Covid19

ରାସଗୋବିନ୍ଦପୁର ବ୍ଲକର ପାଇକସାହି ଗାଁରେ ଥିବା ଶ୍ରୀ ଚୈତନ୍ୟଦେବ ସରକାରୀ ଉଚ୍ଚ ବିଦ୍ୟାଳୟରେ ପାଠପଢ଼ା ହେଉଛି । ସରକାରଙ୍କ ସମସ୍ତ ନିୟମକୁ ଖୋଲାଖୋଲି ଉଲ୍ଲଂଘନ କରି ବିଦ୍ୟାଳୟରେ ଶିକ୍ଷା ଦାନ ଚାଲିଛି । ବଢ଼ୁଥିବା କରୋନା ସଂକ୍ରମଣକୁ ଦେଖି ସରକାର ସମସ୍ତ ବିଦ୍ୟାଳୟ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି । ଏଠି କିନ୍ତୁ ବିଦ୍ୟାଳୟ ଶ୍ରେଣୀଗୃହରେ ସଂଖ୍ୟାଧିକ ଛାତ୍ରଛାତ୍ରୀଙ୍କୁ ବସାଇ ପାଠ ପଢ଼ାଉଛନ୍ତି ସାର୍ ।

School Opened In Mayurbhanj After SME Closure Order Amid Covid19

ବିଦ୍ୟାଳୟର ପ୍ରଧାନ ଶିକ୍ଷକ ରାମହରି ପରମାଣିକ ଛାତ୍ରଛାତ୍ରୀଙ୍କୁ ବିଦ୍ୟାଳୟକୁ ଡାକି ଶ୍ରେଣୀ ଗୃହରେ କୋଭିଡ୍ ସମୟରେ ପାଠ ପଢ଼ାଉଛନ୍ତି । ଏନେଇ ପ୍ରଧାନ ଶିକ୍ଷକ କୌଣସି ପ୍ରତିକ୍ରିୟା ଦେଇ ନଥିବା ବେଳେ ଜିଲ୍ଲା ଶିକ୍ଷା ଅଧିକାରୀ ମଧ୍ୟ ଫୋନ୍ ଉଠାଉ ନାହାଁନ୍ତି । ଜିଲ୍ଲାରେ ଦିନକୁ ଦିନ କରୋନା ସଂକ୍ରମଣ ବ୍ୟାପୁଥିବା ବେଳେ ମହାମାରୀ ସମୟରେ ଶିକ୍ଷକଙ୍କ ଏଭଳି ନିଷ୍ପତ୍ତିକୁ ନେଇ ପ୍ରଶ୍ନ ଉଠାଇଛନ୍ତି ସ୍ଥାନୀୟ ବାସିନ୍ଦା । ଜିଲ୍ଲାରେ ଏବେ କରୋନାର  ୮୯୫ଟି ସକ୍ରିୟ ସଂକ୍ରମଣ ମାମଲା ରହିଛି ।

କରୋନା ରୋଗୀଙ୍କୁ ଅକ୍ସିଜେନ ଯୋଗାଇବ ଏହି ଔଷଧ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବଢୁଥିବା ବେଳେ ଏକ ବିଶେଷ ଡେଭଲପମେଣ୍ଟ ସାମ୍ନାକୁ ଆସିଛି । ଫାର୍ମାସ୍ୟୁଟିକାଲ୍ସ କମ୍ପାନୀ ଜାୟଡସ କ୍ୟାଡିଲାର Pegylated Interferon alpha-2b ଔଷଧ ବା ଭିରାଫିନକୁ ମଞ୍ଜୁରୀ ମିଳିଛି । ୨୩ ଅପ୍ରେଲରେ rug Controller General of India (DCGI) ଏହାକୁ ଅନୁମତି ଦେଇ ସାରିଛନ୍ତି ।

ଏହି ଔଷଧର ବ୍ୟବହାର କୋଭିଡ ୧୯ ରୋଗୀଙ୍କ କ୍ଷେତ୍ରରେ କରାଯାଏ । ଏପର୍ଯ୍ୟନ୍ତ ଏହି ଔଷଧକୁ ହେପାଟାଇଟିସ ସି’ର ଚିକିତ୍ସା ପାଇଁ ବ୍ୟବହାର କରାଯାଏ । କିନ୍ତୁ ଯଦି କରୋନା ରୋଗୀଙ୍କୁ ପ୍ରଥମ ଷ୍ଟେଜରେ ଏହି ଔଷଧର ଗୋଟିଏ ଡୋଜ୍‌ଦିଆଯାଏ, ତେବେ ସେଥିରୁ ଖୁବଶୀଘ୍ର ମୁକ୍ତି ମିଳିପାରେ ବୋଲି ଦାବି କରିଛନ୍ତି ଡେଭଲପର୍ସ । ଏହା ସହିତ ଏହା ପରିସ୍ଥିତି ଗମ୍ଭୀର ହେବାକୁ ରୋକିପାରେ । ଭାରତରେ ପ୍ରାୟ ୧୦ ବର୍ଷ ଧରି ଏହି ଔଷଧ ବ୍ୟବହାର ହୋଇ ଆସୁଛି । ଏବେ DCGI ଏହାକୁ କୋଭିଡ ରୋଗୀଙ୍କ ନିକଟରେ ବ୍ୟବହାର ପାଇଁ ଅନୁମତି ଦେଇଛି ।

ଏହି ଔଷଧ ରୋଗୀ ଶରୀରରେ ଅମ୍ଳଜାନ ଅଭାବକୁ ପୂରଣ କରିବାରେ ସକ୍ଷମ ହୋଇଥାଏ । ଏହାକୁ ନେବାପରେ ଦୀର୍ଘ ସମୟ ପର୍ଯ୍ୟନ୍ତ ଅକ୍ସିଜେନ ସପ୍ଲାଇର ଆବଶ୍ୟକତା ପଡ଼େ ନାହିଁ । ଦେଶରେ ୨୦ରୁ ୨୫ଟି କେନ୍ଦ୍ରରେ ଏହାର ଟ୍ରାଏଲ ହୋଇ ସାରିଛି । ଏହାକୂ ନେବାଦ୍ୱାରା ମେଡିକଲ ଅକ୍ସିଜେନର ଆବଶ୍ୟକତା ପଡ଼ୁନଥିବା କଥା ସାମ୍ନାକୁ ଆସିଛି ।

କ୍ୟାଡିଲା ହେଲ୍ଥକେୟାର ଲିମେଟେଡର ମ୍ୟାନେଜିଙ୍ଗ୍‌ଡାଇରେକ୍ଟର ଡାକ୍ତର ଶର୍ବିଲ ପଟେଲଙ୍କ କହିବା ଅନୁସାରେ ଏହି ଔଷଧ ଶରୀରରେ ଭାଇରାଲ ସ୍ଥିତି କମ୍‌କରିବାରେ ସହାୟକ ।

ସୁପ୍ରିମକୋର୍ଟର ୪୮ ତମ ପ୍ରଧାନ ବିଚାରପତି ଭାବେ ଶପଥ ନେଲେ ଜଷ୍ଟିସ୍ ଏନ.ଭି. ରମଣା

ନୂଆଦିଲ୍ଲୀ: ଜଷ୍ଟିସ୍ ଏନ.ଭି. ରମଣା ଶନିବାର ସୁପ୍ରିମକୋର୍ଟର ୪୮ ତମ ପ୍ରଧାନ ବିଚାରପତି ଭାବେ ଶପଥ ଗ୍ରହଣ କରିଛନ୍ତି । ରାଷ୍ଟ୍ରପତି ରାମନାଥ କୋବିନ୍ଦ ଜଷ୍ଟିସ୍ ଏନ.ଭି. ରମଣାଙ୍କୁ ଶପଥ ପାଠ କରାଇଛନ୍ତି । ପ୍ରଧାନ ବିଚାରପତି ଭାବେ ଜଷ୍ଟିସ୍ ରମଣା ୨୦୨୨ ଅଗଷ୍ଟ ୨୬ ଯାଏ କାର୍ଯ୍ୟ କରିବେ ।

Justice NV Ramana Takes Oath As 48th Chief Justice Of India

୨୦୧୪ ଫେବ୍ରୁଆରୀ ୧୭ରେ ସୁପ୍ରିମକୋର୍ଟରେ ନିଯୁକ୍ତି ପାଇବା ପୂର୍ବରୁ ଜଷ୍ଟିସ୍ ରମଣା ଦିଲ୍ଲୀ ହାଇକୋର୍ଟର ମୁଖ୍ୟ ବିଚାରପତି ଥିଲେ । ୧୯୫୭ ମସିହା ଅଗଷ୍ଟ ୨୭ ତାରିଖରେ ଆନ୍ଧ୍ରପ୍ରଦେଶ କ୍ରିଷ୍ଣା ଜିଲ୍ଲାର ପୋନ୍ନାଭରମ ଜିଲ୍ଲାର ଏକ କୃଷକ ପରିବାରରେ ଗ୍ରହଣ କରିଥିଲେ ।

Justice NV Ramana Takes Oath As 48th Chief Justice Of India

୧୯୮୩ ଫେବ୍ରୁଆରୀ ୧୦ରୁ ସେ ଓକିଲାତି ଆରମ୍ଭ କରିଥିଲେ । ଆନ୍ଧ୍ରପ୍ରଦେଶ ହାଇକୋର୍ଟ ସହ କେନ୍ଦ୍ର ଏବଂ ଆନ୍ଧ୍ରପ୍ରଦେଶ ଆଡମିନଷ୍ଟ୍ରେଟିଭ୍ ଟ୍ରିବ୍ୟୁନାଲ୍ସରେ ସେ କାର୍ଯ୍ୟ କରିଛନ୍ତି । ଆନ୍ଧ୍ରପ୍ରଦେଶର ଅତିରିକ୍ତ ଆଡଭୋକେଟ୍ ଜେନେରାଲ ଭାବେ କାର୍ଯ୍ୟ ତୁଲାଇଛନ୍ତି । ୨୦୦୦ ମସିହା ଜୁନ୍ ୨୭ରେ ଜଷ୍ଟିସ୍ ରମଣାଙ୍କୁ ଆନ୍ଧ୍ରପ୍ରଦେଶରେ ସ୍ଥାୟୀ ବିଚାରପତି ଭାବେ ନିଯୁକ୍ତ ହୋଇଥିଲେ ।