spot_img
Home Blog Page 5868

କରୋନା ନେଲା ଆଉ ୧୦ ଜଣଙ୍କ ଜୀବନ, ମୃତ୍ୟୁସଂଖ୍ୟା ୨ ହଜାର ପାର୍

ଭୁବନେଶ୍ୱର: ରାଜ୍ୟରେ ଦୈନିକ ସଂକ୍ରମଣ ୬ ହଜାର ରହୁଥିବା ବେଳେ ଗତ ୨୪ ଘଣ୍ଟାରେ ଆଉ ୧୦ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଅନ୍ୟ ରାଜ୍ୟ ଅପେକ୍ଷା ଓଡ଼ିଶାରେ ମୃତ୍ୟୁହାର କମ୍ ରହିଛି । ୧୦ ମୃତ୍ୟୁକୁ ମିଶାଇ ରାଜ୍ୟରେ ମୋଟ କରୋନା ମୃତ୍ୟୁସଂଖ୍ୟା ୨ ହଜାର ୭ରେ ପହଞ୍ଚିଛି । ବୌଦ୍ଧରୁ ଜଣେ, ଖୋର୍ଦ୍ଧାରୁ ୪ ଜଣ, ରାୟଗଡ଼ାରୁ ୨ ଜଣ, ସୁନ୍ଦରଗଡ଼ରୁ ୩ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।

ସଂକ୍ରମଣ ଭଳି କୋଭିଡ୍ ମୃତ୍ୟୁରେ ଖୋର୍ଦ୍ଧା ଜିଲ୍ଲା ଶୀର୍ଷରେ ରହିଛି । ୪ ମୃତ୍ୟୁ ସହ ଜିଲ୍ଲାର ମୋଟ କୋଭିଡ୍ ମୃତ୍ୟୁ ୩୫୧କୁ ବୃଦ୍ଧି ପାଇଛି । ଜିଲ୍ଲାରେ ଏବେ ୮ ହଜାର ୯୭୩ଟି ସକ୍ରିୟ ମାମଲା ରହିଛି । ସେହିଭଳି ସୁନ୍ଦରଗଡ଼ ଜିଲ୍ଲାରେ ୩ ମୃତ୍ୟୁକୁ ମିଶାଇ ମୋଟ କୋଭିଡ୍ ମୃତ୍ୟୁ ସଂଖ୍ୟା ୧୮୫କୁ ବୃଦ୍ଧି ପାଇଛି । ଜିଲ୍ଲାରେ ଏବେ ୫ ହଜାର ୭୩୫ ଜଣ କରୋନା ଆକ୍ରାନ୍ତ ରହିଛନ୍ତି ।

ରାୟଗଡ଼ା ଜିଲ୍ଲାରେ ଗତ ୨୪ ଘଣ୍ଟାରେ ୨ କୋଭିଡ୍ ଆକ୍ରାନ୍ତଙ୍କ ମୃତ୍ୟୁକୁ ମିଶାଇ ଜିଲ୍ଲାରେ ମୃତ୍ୟୁସଂଖ୍ୟା ୫୨କୁ ବୃଦ୍ଧି ପାଇଛି । ଏବେ ଜିଲ୍ଲାରେ ୭୫୨ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ବୌଦ୍ଧ ଜିଲ୍ଲାରେ ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏଥିସହ ଜିଲ୍ଲାରେ କୋଭିଡ୍ ମୃତ୍ୟୁସଂଖ୍ୟା ୧୨କୁ ବୃଦ୍ଧି ପାଇଛି । ଜିଲ୍ଲାରେ ଏବେ ୩୪୯ ଜଣ ସକ୍ରିୟ ସଂକ୍ରମିତ ଅଛନ୍ତି ।

ରାଜ୍ୟରୁ ଆଉ ୬ ହଜାର ୭୩ ସଂକ୍ରମିତ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର: ରାଜ୍ୟରେ ୬ ହଜାର ତଳକୁ ଖସୁନି ଦୈନିକ ସଂକ୍ରମଣ ମାମଲା । ଲଗାତାର ଷଷ୍ଠ ଦିନରେ ରାଜ୍ୟରୁ ୬ ହଜାରରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ବିଗତ ୨୪ ଘଣ୍ଟାରେ ରାଜ୍ୟରୁ ୬ ହଜାର ୭୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୩ ହଜାର ୫୨୨ଟି ମାମଲା ଆସିଥିବା ବେଳେ ୨ ହଜାର ୫୫୧ଟି ମାମଲା ସ୍ଥାନୀୟ ସଂକ୍ରମଣ । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୦୯୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଅନୁଗୁଳରୁ ୨୩୯ ଜଣ, ବାଲେଶ୍ୱରରୁ ୭୮, ବରଗଡ଼ରୁ ୨୮୬, ଭଦ୍ରକରୁ ୬୫, ବଲାଙ୍ଗିରରୁ ୪୫୭, ବୌଦ୍ଧରୁ ୬୪, କଟକରୁ ୧୯୮, ଦେବଗଡ଼ରୁ ୩୬, ଢେଙ୍କାନାଳରୁ ୧୨, ଗଜପତିରୁ ୭୯, ଗଞ୍ଜାମରୁ ୨୦୯, ଜଗତସିଂହପୁରରୁ ୬୨, ଯାଜପୁରରୁ ୧୦୭, ଝାରସୁଗୁଡ଼ାରୁ ୩୫୯, କଳାହାଣ୍ଡିରୁ ୨୭୭, କନ୍ଧମାଳରୁ ୩୪, କେନ୍ଦ୍ରାପଡ଼ାରୁ ୬୪, କେନ୍ଦୁଝରରୁ ୨୬୬, ଖୋର୍ଦ୍ଧାରୁ ୧୦୯୨, କୋରାପୁଟରୁ ୭୬, ମାଲକାନଗିରିରୁ ୨୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି ମୟୂରଭଞ୍ଜରୁ ୧୪୯, ନବରଙ୍ଗପୁରରୁ ୨୦୬, ନୟାଗଡ଼ରୁ ୧୧୦, ନୂଆପଡ଼ାରୁ ୪୦୦, ପୁରୀରୁ ୨୨୬, ରାୟଗଡ଼ାରୁ ୭୭, ସମ୍ବଲପୁରରୁ ୧୫୮, ସୋନପୁରରୁ ୭୪, ସୁନ୍ଦରଗଡ଼ରୁ ୩୭୧ ଏବଂ ଷ୍ଟେଟ ପୁଲରୁ ୨୧୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୨୦ ହଜାର ୧୨୯କୁବୃଦ୍ଧି ପାଇଛି । ଏବେ ରାଜ୍ୟରେ ୫୦ ହଜାର ୯୫୮ ଜଣ ସକ୍ରିୟ ସଂକ୍ରମିତ ଥିବାବେଳେ ୩ ଲକ୍ଷ ୬୭ ହଜାର ୧୧୧ ଜଣ କରୋନାକୁ ମାତ୍ ଦେଇଛନ୍ତି ।

ଅଣ୍ଡରୱର୍ଲ୍ଡ ଡନ୍ ଛୋଟା ରାଜନକୁ କରୋନା, ଦିଲ୍ଲୀ ଏମ୍ସରେ ଭର୍ତ୍ତି

ନୂଆଦିଲ୍ଲୀ: ତିହାଡ଼ ଜେଲରେ ବନ୍ଦୀ ଥିବା ଅଣ୍ଡରୱର୍ଲ୍ଡ ଡନ୍ ଛୋଟା ରାଜନ କରୋନା ସଂକ୍ରମିତ ହୋଇଛି । ତାକୁ ଚିକିତ୍ସା ପାଇଁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି । ଜେଲ୍ ଅଧିକାରୀଙ୍କ ଅନୁସାରେ, ଏବେ ତାର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ଅଣ୍ଡରୱାର୍ଲ୍ଡ ଡନ୍ ଛୋଟା ରାଜନ କରୋନା ରିପୋର୍ଟ ପଜିଟିଭ୍ ଆସିବା ପରେ ସ୍ଥାନୀୟ କୋର୍ଟକୁ ଏନେଇ ସୂଚନା ଦେଇଥିଲେ ଜେଲ୍ କର୍ତ୍ତୃପକ୍ଷ ।

ଛୋଟା ରାଜନ ୨୦୧୫ରେ ଇଣ୍ଡୋନେସିଆର ବାଲିରୁ ପ୍ରତ୍ୟର୍ପଣ ପରେ ତିହାଡ଼ ଜେଲରେ ଥିଲା । ମୁମ୍ବାଇରେ ବି ତା ବିରୋଧରେ ମାମଲା ଚାଲିଛି । ଉକ୍ତ ମାମଲାକୁ ସିବିଆଇକୁ ଦିଆଯାଇଛି । ଏହାର ଶୁଣାଣି ସ୍ୱତନ୍ତ୍ର କୋର୍ଟରେ ଚାଲିଛି । ସୋମବାର ତିହାଡ଼ର ସହାୟକ ଜେଲର ସ୍ଥାନୀୟ ଅଦାଲତଙ୍କୁ ଜଣାଇଥିଲେ ମାମଲାର ଶୁଣାଣି ପାଇଁ ଛୋଟା ରାଜନଙ୍କୁ ଭିଡିଓ କନଫରେନ୍ସିଂରେ ହାଜର କରାଯାଇ ପାରିବ ନାହିଁ । ସେ କରୋନା ସଂକ୍ରମିତ ହେବା ପରେ ତାକୁ ଏମ୍ସରେ ଭର୍ତ୍ତି କରାଯାଇଛି ।

୭୦ରୁ ଅଧିକ ମାମଲା

ଛୋଟା ରାଜନ ବିରୋଧରେ ଅପହରଣ ଓ ହତ୍ୟା ସହ ଜଡ଼ିତ ୭୦ରୁ ଅଧିକ ମାମଲା ଚାଲିଛି । ପତ୍ରକାର ଜ୍ୟୋତିର୍ମୟ ଦେ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହେବା ପରେ ଆଜୀବନ କାରାଦଣ୍ଡାଦେଶ ଆଦେଶ ମିଳିଥିଲା । ୧୯୯୩ରେ ମୁମ୍ବାଇ ସିଲିଏଲ୍ ବୋମା ବିସ୍ଫୋରଣ ମାମଲାର ଅଭିଯୁକ୍ତ ହେଉଛି ଛୋଟା ରାଜନ ।

କରୋନା ଠାରୁ ବର୍ତ୍ତିବା ଲାଗି ସରକାରଙ୍କ ପାଖରେ କଣ ରହିଛି ଜାତୀୟ ଯୋଜନା ? ସୁପ୍ରିମକୋର୍ଟରେ ଆଜି ଶୁଣାଣି

ନୂଆଦିଲ୍ଲୀ: ମହାମାରୀ କରୋନା ଠାରୁ ମୁକ୍ତି ପାଇବା ଲାଗି ଦେଶ ପାଇଁ କଣ ଯୋଜନା କରିଛନ୍ତି କେନ୍ଦ୍ର ସରକାର । କରୋନାର ବଢ଼ୁଥିବା ମାମଲା ଏବଂ କୋଭିଡ୍ ଆକ୍ରାନ୍ତଙ୍କ କ୍ଷେତ୍ରରେ ଉପୁଜୁଥିବା ଅସୁବିଧାକୁ ନେଇ ସୁପ୍ରିମକୋର୍ଟ ନିଜ ଆଡ଼ୁ ପଚାରିବା ସହ କେନ୍ଦ୍ର ସରକାରଙ୍କୁ ନୋଟିସ୍ ଜାରି କରିଥିଲେ । କରୋନାରୁ ମୁକ୍ତି ପାଇବା ଲାଗି ସରକାର ଦେଶ ପାଇଁ କଣ ଯୋଜନା କରିଛନ୍ତି ବୋଲି ପଚାରିଥିଲେ । ଏହି ମାମଲାର ଶୁଣାଣି ଜଷ୍ଟିସ୍ ଡିୱାଇ ଚନ୍ଦ୍ରଚୂଡ଼, ଜଷ୍ଟିସ୍ ଏଲ୍. ନାଗେଶ୍ୱର ରାୱ ଏବଂ ଜଷ୍ଟିସ୍ ଏସ୍.ରବୀନ୍ଦ୍ର ଭଟ୍ଟଙ୍କ ତିନିଜଣିଆ ଖଣ୍ଡପୀଠ କରିବେ ।

ସୁପ୍ରିମକୋର୍ଟ ଏହି ମାମଲାରେ ବରିଷ୍ଠ ଆଇନଜୀହୀ ହରୀଶ ସାଲଭେଙ୍କୁ ଆମିକସ୍ କ୍ୟୁରି ନିଯୁକ୍ତ କରିଥିଲେ । ତେବେ ଏହି ମାମଲାରୁ ନିଜକୁ ଦୂରେଇ ରଖିବା ଲାଗି ହରୀଶ ଅନୁମତି ମାଗିଥିଲେ । ଯାହାପରେ କୋର୍ଟ ତାଙ୍କୁ ବାଦ୍ ପାଇଁ ଅନୁମତି ଦେଇଛନ୍ତି ।

Coronavirus Second Wave Supreme Court Hearing Today On Covid National Plan

ଦେଶ ପ୍ରାଇଁ ୪ ପ୍ରସଙ୍ଗ

୧) ଅକ୍ସିଜେନ୍ ଯୋଗାଣ- ରାଜଧାନୀ ଦିଲ୍ଲୀ ସମେତ ଦେଶର କେତେକ ରାଜ୍ୟରେ ଅକ୍ସିଜେନ୍ ନିଅଣ୍ଟ ଯୋଗୁଁ ଲୋକଙ୍କ ଜୀବନ ଯାଉଛି ।

୨) ଔଷଧ ଯୋଗାଣ- କରୋନା ଚିକିତ୍ସାରେ ପ୍ରୟୋଗ ଅତ୍ୟାବଶ୍ୟକୀୟ ଔଷଧର ଅଭାବ ପ୍ରାୟ ରାଜ୍ୟରେ ଦେଖା ଦେଇଛି ।

୩) ଭ୍ୟାକ୍ସିନ୍ ଦେବାର ପ୍ରଣାଳୀ- ମେ’ ୧ରୁ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ ହେବ । କିନ୍ତୁ ଦେଶରେ ଟିକା ଅଭାବ ଲାଗି ରହିଛି ।

୪) ଲକଡାଉନ୍ ଅଧିକାର- ସୁପ୍ରିମକୋର୍ଟ କହିଛନ୍ତି ଲକଡାଉନ୍ ଲାଗୁ ଅଧିକାର ରାଜ୍ୟ ସରକାରଙ୍କ ପାଖରେ ଅଛି, କୋର୍ଟଙ୍କ ପାଖରେ ନାହିଁ ।

୨୦୨୧-୨୨ ଶିକ୍ଷାବର୍ଷ ପାଇଁ ଆଜିଠୁ ବିଦ୍ୟାଳୟରେ ନାମଲେଖା ଆରମ୍ଭ

ଭୁବନେଶ୍ୱର: ଆଜିଠୁ ପ୍ରାଥମିକ ଓ ମାଧ୍ୟମିକ ସ୍କୁଲ ପିଲାଙ୍କ ନାମଲେଖା ଆରମ୍ଭ । ୨୦୨୧-୨୨ ଶିକ୍ଷାବର୍ଷ ପାଇଁ ନାମଲେଖା ଆରମ୍ଭ କରିବାକୁ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଆସନ୍ତା ମେ ୩୧ ସୁଦ୍ଧା ସରିବ ନାମଲେଖା ପ୍ରକ୍ରିୟା । ଗଣଶିକ୍ଷା ବିଭାଗ ପକ୍ଷରୁ ଏନେଇ SOP ଜାରି କରାଯାଇଛି । ସକାଳ ୭ଟାରୁ ସାଢ଼େ ୯ଟା ପର୍ଯ୍ୟନ୍ତ ଚାଲିବ ନାମଲେଖା । ଏକାସାଙ୍ଗେ ନାମଲେଖା କକ୍ଷରୁ ୫ରୁ ଅଧିକ ଅଭିଭାବକଙ୍କୁ ପ୍ରବେଶ ଅନୁମତି ଦିଆଯିବନାହିଁ ।

Admission For Primary School Students Commence From Today

ମାସ୍କ, ସାନିଟାଇଜେସନ୍, ସାମାଜିକ ଦୂରତା ରକ୍ଷା କରାଯାଇ ନାମଲେଖା ପ୍ରକ୍ରିୟା ଚାଲିବ । ସ୍କୁଲ ନୋଟିସ୍ ବୋର୍ଡରେ କରୋନା କଟକଣା ସମ୍ପର୍କିତ ନୋଟିସରେ ଉଲ୍ଲେଖ କରିବେ ସ୍କୁଲ କର୍ତ୍ତୃପକ୍ଷ । ସମସ୍ତ ସରକାରୀ ଓ ସରକାରୀ ସ୍ବିକୃତୀପ୍ରାପ୍ତ ସ୍କୁଲ, ମଦ୍ରାସା ଓ ଆଦର୍ଶ ବିଦ୍ୟାଳୟରେ ଏହି ନିୟମ ଲାଗୁ ହେବ । ଏ ନେଇ ଗଣଶିକ୍ଷା ବିଭାଗ ପକ୍ଷରୁ ସମସ୍ତ ଜିଲା ଶିକ୍ଷାଧିକାରୀଙ୍କୁ ଚିଠି କରାଯାଇଛି ।

ଅକ୍ସିଜେନ କମିଲେ କେମିତି କରିବେ ଉପଚାର, ଘରେ କରନ୍ତୁ ପ୍ରୟୋଗ

ନନ୍ଦିଘୋଷ ବ୍ୟୁରୋ: ଅକ୍ସିଜେନର ଅଭାବରେ ଆଉଟପାଉଟ ଏବେ ଅନେକ ରାଜ୍ୟ । ବେଡ ସଂଖ୍ୟା ଠାରୁ ବଳି ପଡୁଛି ଆକ୍ରାନ୍ତଙ୍କ ସଂଖ୍ୟା । ଯଦି ବେଡ ମିଳୁଛି ତେବେ ଅକ୍ସିଜେନ ମିଳୁନି, ଆଉ ଯଦି ଅକ୍ସିଜେନ ମିଳୁଛି ତେବେ ବେଡ ମିଳୁନାହିଁ । ଏପରି ସ୍ଥିତି ଏବେ ଦେଶବ୍ୟାପୀ ଆତଙ୍କ ସୃଷ୍ଟି କରିଛି । ଅନେକ ଆକ୍ରାନ୍ତ ଏବେ ଘରେ ରହି ଚିକିତ୍ସିତ ହେଉଛନ୍ତି ଏବଂ ଅକ୍ସିଜେନ ସଂଯୋଗରେ ମଧ୍ୟ ରହୁଛନ୍ତି । ତେବେ ଘରେ ରହିବା ସମୟରେ ଆପଣ କିମ୍ବା ଆପଣଙ୍କ ସମ୍ପର୍କୀୟ ନିଶ୍ୱାସ ନେବାରେ ଅସୁବିଧା ଅନୁଭବ କରନ୍ତି ତେବେ କରିବେ କଣ ? କିପରି କରିବେ ସମାଧାନ ? କଣ ରହିଛି ଏହାର ଦେଶୀ ଉପଚାର ?

ଦେଶର ଅନେକ ବରିଷ୍ଠ ବିଶେଷଜ୍ଞଙ୍କ ଏନେଇ କିଛି ଟିପସ ଦେଇଛନ୍ତି । ଆମେ ଘରେ ରହିବା ସମୟରେ ନିଶ୍ୱାସ ନେବାରେ ଅସୁବିଧା ହେଲେ ଏହି ଉପାୟକୁ ଅବଲମ୍ବନ କରିପାରିବା । ବିଶେଷଜ୍ଞଙ୍କ କହିବା ମୁତାବକ ଜଣେ ସଂକ୍ରମିତଙ୍କୁ ମୁହଁ ମାଡି ତଳେ ଶୁଆଇବା ଦ୍ୱାରା ନିଶ୍ବସ ପ୍ରଶ୍ୱାସ ନେବାରେ ଉନ୍ନତି ଆସିଥାଏ । ଶରୀରକୁ ଅମ୍ଲଜାନ ମିଳିବାରେ ସହଜ ବି ହୋଇଥାଏ । କୋଭିଡ ଆକ୍ରାନ୍ତଙ୍କ ଠାରେ ଏହି ଉପାୟ ବେଶ ଫଳପ୍ରଦ ହେଉଥିବା କୁହାଯାଇଛି । ଏଭଳି ପ୍ରସେସକୁ ପ୍ରୋନିଂ କୁହାଯାଉଥିବା କହିଛନ୍ତି ବିଶେଷଜ୍ଞ ।

ଜଣେ ବ୍ୟକ୍ତି ନିଜେ ଚାହିଁଲେ ପ୍ରୋନିଂ କରିପାରିବେ । ଏଥିପାଇଁ କେବଳ ୪ରୁ ୫ଟି ତକିଆର ଆବଶ୍ୟକତା ରହିଛି । ପେଟ ମାଡି ଶୋଇବା, ବାମ କଡ଼ରେ ଶୋଇବା, ଡାହାଣ କଡ଼ ମାଡି ଶୋଇବା ଏବଂ ପୁଣି ଥରେ ପେଟ ମାଡି ଶୋଇବା ମଧ୍ୟ ପ୍ରୋନିଂର ପ୍ରୋସେସ । ଏହି ଉପାୟକୁ ଦିନକୁ ଏକ ଘଣ୍ଟାରୁ ଦୁଇ ଘଣ୍ଟା କରାଯାଇପାରିବ । ଏକକାଳୀନ ଅଧ ଘଣ୍ଟାଏ ପ୍ରୋସେସିଂରେ ରହିବା ଦ୍ବାରା ସୁଫଳ ମିଳିପାରିଥାଏ । ଏହାର ଅର୍ଥ ଆପଣ ଯେପର୍ଯ୍ୟନ୍ତ ଶରୀରର କଷ୍ଟ ସମ୍ଭାଳିପାରୁଛନ୍ତି ସେପର୍ଯ୍ୟନ୍ତ କରିପାରିବେ । କିନ୍ତୁ ଖାଇବା ପରେ ହଠାତ ପ୍ରୋନିଂ କରିବା ଶରୀରପ୍ରତି ଫଳପ୍ରଦ ନୁହେଁ । ଖାଇବାର ୩୦ ମିନିଟ ପରେ କରାଯାଇପାରିବ ।

ପ୍ରତ୍ୟକ ବ୍ୟକ୍ତି ପ୍ରୋନିଂ କରିପାରିବେ ହେଲେ କିଛି ନିର୍ଦ୍ଧିଷ୍ଟ ଲୋକଙ୍କୁ ଏହିସବୁ ମନା । ଯେପରିକି ଗର୍ଭବତୀ ମହିଳା, ରକ୍ତ ଜମାଟ ବାନ୍ଧିଥିବା ବ୍ୟକ୍ତି, ଶରୀରରେ କୈଣସି ଅଙ୍ଗରେ ଫ୍ୟାକ୍ଚର ଥିବା ବ୍ୟକ୍ତି ଏବଂ ଯଦି ହାର୍ଟ ସମସ୍ୟା ଥାଏ ତେବେ ପ୍ରୋନିଂ କରିବା ମନା । ତେବେ ପ୍ରଶ୍ନ ଉଠିବା ସ୍ୱଭାବିକ କେତେବେଳେ ଆମେ ଏହି ଉପାୟ ଅବଲମ୍ବନ କରିବା । ବା ଆମେ କେତେବେଳେ ଜାଣିବା ଯେ, ବର୍ତ୍ତମାନ ପ୍ରୋନିଂ କରିବା ଠିକ ବୋଲି । ଶରୀରରେ ଅମ୍ଳଜାନ ସ୍ତର ହ୍ରାସ ଘଟିଲେ ଅର୍ଥାତ ନିଶ୍ବାସ ପ୍ରଶ୍ୱାସ ନେବାରେ ସମସ୍ୟା ସୃଷ୍ଟି ହେଲେ ପ୍ରୋନିଂ କରିପାରିବେ । ଯଦ୍ବାରା ଏଭଳି ସମୟରେ ଆମେ ଘରେ ରହି ମଧ୍ୟ ଜୀବନ ସୁରକ୍ଷିତ ରଖିପାରିବା ।

ବାଇଡେନଙ୍କ ସହ କଥା ହେଲେ ମୋଦି, କୋଭିଡ ସ୍ଥିତି ନେଇ ଆଲୋଚନା

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ. ବିଡେନ୍‌ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶରେ କୋଭିଡର ସ୍ଥିତି ଉଦବେଗଜନକ ହୋଇଥିବାବେଳେ କରୋନା ଟିକାରେ ବ୍ୟବହୃତ ହେଉଥିବା କଞ୍ଚାମାଲ ପାଇଁ ଆମେରିକା ପ୍ରଧାନମନ୍ତ୍ରୀଙ୍କ ସହ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଫୋନ ଯୋଗେ କଥା ହୋଇଥିବା ନେଇ ମୋଦି ନିଜେ ଟ୍ବିଟ୍‌ କରିଛନ୍ତି ।

ଆମେରିକାର ରାଷ୍ଟ୍ରପତି ବିଡେନଙ୍କ ସହ ଫଳପ୍ରଦ ବାର୍ତ୍ତାଳାପ ହୋଇଛି ବୋଲି ମୋଦି କହିଛନ୍ତି । ଆମେ ଉଭୟ ଦେଶର COVID ପରିସ୍ଥିତି ବିଷୟରେ ଭଲ ଭାବରେ ଆଲୋଚନା କରିଛୁ । ଜୋ. ବିଡେନ୍‌ଙ୍କ ସହ ମୋର ଆଲୋଚନା ଟିକାର କଞ୍ଚାମାଲ ଏବଂ ଔଷଧ ଉପରେ ହୋଇଛି । ତେବେ ଦୁଇଜଣଙ୍କ ଆଲୋଚନା ସଫଳ ହୋଇଛି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଗତକାଲି ଭାରତ କୋଭିଡ ସ୍ଥିତି ଦେଖି ସବୁ ପ୍ରକାର ସମର୍ଥନ କରିବେ ବୋଲି ବିଡେନ ଟୁଇଟ କରିଥିଲେ । କରୋନାର ପ୍ରଥମ ଲହର ବେଳେ ଭାରତ ସହାୟତା କରିଥିବାରୁ ଦ୍ବିତୀୟ ଲହରରେ ଆମେରିକା ସହାୟତା କରିବାକୁ ପ୍ରତିଶ୍ରୁତି ବଦ୍ଧ ବୋଲି ବିଡେନ ଟୁଇଟ କରିଥିଲେ ।

କୁମିନ୍ସଙ୍କୁ ଅଥୟ କଲା କୋଭିଡ ସ୍ଥିତି, ଭାରତକୁ ସହାୟତାର ହାତ ବଢାଇଲେ ଅଷ୍ଟ୍ରେଲିଆ ଖେଳାଳି

ଭୁବନେଶ୍ୱର: ଦେଶରେ କୋଭିଡ ସ୍ଥିତି ଉଦବେଗଜନକ । ଅକ୍ସିଜେନ ଅଭାବରୁ ଅନେକ ପ୍ରାଣହାନୀ ଘଟୁଛି । ଏପରିସ୍ଥିତିରେ ଭାରତକୁ ସାହାଯ୍ୟର ହାତ ବଢାଇଛନ୍ତି ଅନେକ ଅନ୍ତ୍ରର୍ଜାତୀୟ ସଂଗଠନ । ଭାରତରେ କୋଭିଡ ଆକ୍ରାନ୍ତଙ୍କ ବିପର୍ଯ୍ୟସ୍ତ ପରିସ୍ଥିତିରେ ସହାୟତା ପ୍ରଦାନ କରିଛନ୍ତି ଅଷ୍ଟ୍ରେଲିଆ କ୍ରିକେଟ ଖେଳଳୀ ପ୍ୟାଟ କୁମିନ୍ସ । ଅକ୍ସିଜେନ ପାଇଁ ପିଏମ କେୟାର ଫଣ୍ଡକୁ କମିନ୍ସ ଦାନ କରିଛନ୍ତି ୫୦ ହଜାର ୟୁଏସ ଡଲାର । ଭାରତୀୟ ମୁଦ୍ରାରେ ୩୮ ଲକ୍ଷ ଟଙ୍କା ପ୍ରଦାନ କରିଛନ୍ତି ଏହି ଖେଳାଳୀ ।

ପିଏମ କେୟାର ଫଣ୍ଡକୁ ଏହି ଅର୍ଥ ପ୍ରଦାନ କରିବା ସହ ପ୍ୟାଟ କୁମିନ୍ସ ଟ୍ବିଟରରେ ଲେଖିଛନ୍ତି ମୁଁ ଗତ କିଛି ଦିନ ହେବ ଭାରତରେ ଖେଳି ଆସୁଛି । ଭାରତୀୟ ଦର୍ଶକ ମୋତେ ଭଲପାଇବା ଦେଇଛନ୍ତି । କିନ୍ତୁ ସେହି ଦେଶର ଲୋକଙ୍କ ସ୍ଥିତି ଏବେ ଭଲ ନାହିଁ । କୋଭିଡ ସ୍ଥିତି ଭାରତରେ ବ୍ୟାପିବାରେ ଲାଗିଛି । ଅକ୍ସିଜେନ ଅଭାବରୁ ଅନେକ ଜୀବନ ଚାଲି ଯାଉଛି । ପୁଣି ଅନେକ ଆକ୍ରାନ୍ତ ବେଡ ପାଇ ପାରୁନାହାଁନ୍ତି । ତେଣୁ କିଛି ମାତ୍ରାରେ ସେବା କରିବାରେ ସାମର୍ଥ୍ୟ ହୋଇଛି ବୋଲି କହିଛନ୍ତି ଅଷ୍ଟ୍ରେଲିଆ ଖେଳାଳୀ ।

ମୟୂରଭଞ୍ଜରେ ୧୦୦ ଶଯ୍ୟା ବିଶିଷ୍ଟ କିମସ କୋଭିଡ ହସ୍ପିଟାଲ ଉଦଘାଟନ

ମୟୂରଭଞ୍ଜ: ମୟୂରଭଞ୍ଜ ଜିଲ୍ଲାର ବାଙ୍କିଶୋଳ ଠାରେ ଆଜିଠାରୁ କାର୍ଯ୍ୟକାରୀ ହେଲା କିମସ କୋଭିଡ ହସ୍ପିଟାଲ। ପୂର୍ବଵର୍ଷ ପରି ବାରିପଦା ସହର ଉପକଣ୍ଠ ର ଥିବା ବାଙ୍କିଶୋଳ ଠାରେ ଏହି ହସ୍ପିଟାଲ କୁ ମୟୂରଭଞ୍ଜ ଜିଲ୍ଲାପାଳ ଭିନିତ ଭରଦ୍ୱାଜ ଉଦଘାଟନ କରିଥିଲେ। ୧୦୦ ଶଯ୍ୟା ବିଶିଷ୍ଟ ଏହି ହସ୍ପିଟାଲ ରେ ୨୦ ଟି ଆଇସିୟୁ ଏବଂ ୧୦ ଟି ଭେଣ୍ଟିଲେଟର ରହିବା ପାଇଁ ବ୍ୟବସ୍ଥା ରହିଛି।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ ରୁଦ୍ରନାରାୟଣ ମହାନ୍ତିଙ୍କ ସମେତ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡଃ ରୁପଭାନୁ ମିଶ୍ର, କୋବିଡ ନୋଡାଲ ଅଫିସର ଗ୍ୟାନରଞନ ମହାନ୍ତି, ଜିଲ୍ଲା ଜରୁରୀକାଳୀନ ଅଧିକାରୀ ସୁଜୟ କୁମାର ପତି ଏବଂ କିମସ କୋଵିଡ ହସ୍ପିଟାଲ ଇନଚାର୍ଯ ଡକ୍ଟର ସରୋଜ କୁମାର ସାହୁ ପ୍ରମୁଖ ଅଂଶଗ୍ରହଣ କରିଥିଲେ।

ଅକ୍ସିଜେନ ଅଭାବରୁ ରୋଗୀ ମୃତ୍ୟୁ ଅଭିଯୋଗ, ଖଣ୍ଡନ କଲେ ସିଡିଏମଓ

ବଲାଙ୍ଗୀର: କଣ୍ଟାବାଞ୍ଜି ଡାକ୍ତରଖାନାରେ ଅକ୍ସିଜେନ୍ ଅଭାବରୁ ରୋଗୀ ମୃତ୍ୟୁ ଅଭିଯୋଗ ନେଇ ତୁମୁଳକାଣ୍ଡ । ଅକ୍ସିଜେନ ଅଭାବରୁ ମୃତ୍ୟୁ ହୋଇଥିବା ନେଇ ଭଙ୍ଗାରୁଜା କଲେ ସମ୍ପର୍କୀୟ । ସେପଟେ ଅଭିଯୋଗକୁ ଖଣ୍ଡନ କରିଛନ୍ତି ବଲାଙ୍ଗୀର ସିଡିଏମଓ । ମୃତ ବ୍ୟକ୍ତି କଣ୍ଟାବାଞ୍ଜି ଆଶ୍ରମପଡ଼ାର ପ୍ରେମ ମେହେର । ନିଶା ସେବନ କରି ସେ ଗୁରୁତର ଅବସ୍ଥାରେ କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି ହୋଇଥିଲେ । ତାଙ୍କଠାରେ କରୋନା ଲକ୍ଷଣ ନଥିଲା କିମ୍ବା ତାଙ୍କୁ ଅକ୍ସିଜେନର ଆବଶ୍ୟକତା ନଥିଲା କହିଛନ୍ତି ଡାକ୍ତର।

କଣ୍ଟାବାଞ୍ଜି ଡାକ୍ତରଖାନାରେ ପର୍ଯ୍ୟାପ୍ତ ପରିମାଣର ଅକ୍ସିଜେନ ମହଜୁଦ ରହିଛି। ଅକ୍ସିଜେନ ଅଭାବ ଏକ ଗୁଜବ ବୋଲି ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ବାସ୍ଥ୍ୟ ଅଧିକାରୀ ଡ. ଭୀମ ସାହୁ ସୂଚନା ଦେଇଛନ୍ତି । ତେବେ ମେଡିକାଲରେ ଭଙ୍ଗାରୁଜା କରିଥିବା ୨ରୁ ଅଧିକ ବ୍ୟକ୍ତିଙ୍କ ବିରୋଧରେ ଏତଲା ଦିଆଯିବ।

ବଲାଙ୍ଗୀର ଜିଲ୍ଲାରେ ଅକ୍ସିଜେନର ଅଭାବ ନାହିଁ । କରୋନା ଓ ଅକ୍ସିଜେନର ମିଛ ପ୍ରଚାର ଓ ଡାକ୍ତରଖାନାରେ ଗଣ୍ଡଗୋଳ କରୁଥିବା ବ୍ୟକ୍ତିଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବଲାଙ୍ଗୀର ଏସପି କହିଛନ୍ତି ।