spot_img
Home Blog Page 5869

କୋଭିସିଲଡ ଏବଂ କୋଭାକ୍ସିନ ଭିତରେ କଣ ରହିଛି ପ୍ରଭେଦ ?

ନନ୍ଦିଘୋଷ ବ୍ୟୁରୋ: ମେ ୧ରୁ ସମଗ୍ର ଦେଶରେ ୧୮ ବର୍ଷରୁ ଅଧିକ ବୟସର ଲୋକଙ୍କୁ ଟିକା ଦିଆଯିବ । ୪୫ ବର୍ଷରୁ ଉର୍ଦ୍ଧ୍ୱ ବୟସର ଲୋକଙ୍କୁ ପୂର୍ବରୁ ଟିକା ଦିଆଯାଇଥିବା ବେଳେ ବର୍ତ୍ତମାନ ଯୁବ ବୟସ୍କଙ୍କୁ ଟିକାପ୍ରଦାନ କରାଯିବ । ସରକାର ଖୋଲା ବଜାରରେ ଟିକା ବିକ୍ରୟ ନେଇ ମଧ୍ୟ ଅନୁମତି ଦେଇଛନ୍ତି । କେନ୍ଦ୍ର ସରକାରଙ୍କ ଘୋଷଣା ପରେ ଟିକା ପ୍ରସ୍ତୁତକାରୀ କମ୍ପାନୀ ନିଜ ନିଜର ଦର ନିର୍ଦ୍ଧାରଣ କରିସାରିଛନ୍ତି । କେନ୍ଦ୍ର ସରକାରଙ୍କ ପାଇଁ ଟିକାର ମୂଲ୍ୟ ଭିନ୍ନ ରହିଥିବାବେଳେ ରାଜ୍ୟ ସରକାରଙ୍କ ପାଇଁ ମଧ୍ୟ ଦାମ ଭିନ୍ନ ରହିଛି ।

ସେପଟେ ଓଡିଶା ସମେତ ଦିଲ୍ଲୀ ଭଳି ରାଜ୍ୟ ନିଜ ରାଜ୍ୟରେ ଟିକାକରଣ ପକ୍ରିୟାକୁ ମାଗଣା କରାଯିବା ନେଇ ଘୋଷଣା କରିଛନ୍ତି । ଏହାରି ଭିତରେ କିନ୍ତୁ ଦୁଇ ଭ୍ୟାକ୍ସିନ କୋଭିସିଲ୍ଡ ଏବଂ କୋଭାକ୍ସିନକୁ ନେଇ ସମସ୍ୟା ସୃଷ୍ଟି ହୋଇଛି । ଭଭୟ ଭ୍ୟାକ୍ସିନକୁ ନେଇ ପ୍ରଭେଦ ସୃଷ୍ଟି ହୋଇଛି । ତେବେ କୋଭିସିଲ୍ଡ ଏବଂ କୋଭାକ୍ସିନ ମଧ୍ୟରେ କଣ ରହିଛି ପାର୍ଥକ୍ୟ ?

କୋଭିସିଲ୍ଡ
ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ଦ୍ୱାରା ନିର୍ମାଣ କରାଯାଉଛି ଅକ୍ସୋଫୋର୍ଡ ଏଷ୍ଟ୍ରାଜେନିକାର ଭ୍ୟାକ୍ସିନ କୋଭିସିଲ୍ଡ । ଏଡିନୋ ଭାଇରସକୁ ନିଷ୍କ୍ରିୟ କରାଯାଇ ବିକଶିତ କରାଯାଇଛି ଏହି ଭ୍ୟାକ୍ସିନ । ପ୍ରଥମେ ଏଡିନୋ ଭାଇରସକୁ ନିଷ୍କ୍ରିୟ କରାଯିବା ସହ ଏହା ଉପରେ SARS-CoV-2 ସ୍ପାଇନ ପ୍ରୋଟିନର ଜିନେଟିକ ମେଟେରିଆଲ ଲଗାଯାଇ ନିର୍ମାଣ କରାଯାଇଥିବା କହିଛନ୍ତି ବିଶେଷଜ୍ଞ ।

କେତେ ଫଳପ୍ରଦ କୋଭିସିଲ୍ଡ
ଯେତେବେଳେ ପ୍ରାଥମିକ ସ୍ତରରେ କୌଣସି କୋଭିଡ ଆକ୍ରାନ୍ତଙ୍କୁ ଭ୍ୟାକ୍ସିନ ଦିଆଯାଏ । ଅର୍ଥାତ ପ୍ରାଥମିକ ପର୍ଯ୍ୟାୟରେ ଯେତେବେଳେ କୋଭିସିଲ୍ଡ ଭ୍ୟାକ୍ସିନର ଡୋଜ ଦିଆଯାଏ, ସେତେବେଳେ ଶରୀରେ ରୋଗପ୍ରତିରୋଦ୍ଧକ ଶକ୍ତି ବଢାଇବା ସହ ଆଣ୍ଟିବଡି ବୃଦ୍ଧି କରିଥାଏ । ତତକ୍ଷାଣତ ଶରୀରେର ଉତ୍ପାତ ମଚାଇବା ସହ ଭାଇରସ ଉପରେ ଆଟାକ କରିବା ଆରମ୍ଭ କରିଦିଏ ।

ପ୍ରତିଶତ କେତେ..
କୋଭିସିଲ୍ଡର ପ୍ରଭାବ ଶରୀରେରେ ହଠାତ ପଡିଥାଏ । ପ୍ରଥମ ଡୋଜ ନେବାର କିଛି ଘଣ୍ଟା ପରେ ଭାଇରସକୁ ହ୍ରାସ ଘଟାଇଥାଏ ଏହି ଟିକା । ବିଶେଷଜ୍ଞଙ୍କ କହିବା ମୁତାବକ କୋଭିସିଲ୍ଡ ଭ୍ୟାକ୍ସିନ ୭୦ ପ୍ରତିଶତ ପ୍ରଭାବ ପକାଇଥାଏ । ମାସେ ପରେ ଯେତେବେଳେ ଜଣେ ଆକ୍ରାନ୍ତ ସମ୍ପୂର୍ଣ୍ଣ ଡୋଜ ନିଏ ସେତେବେଳେ ପାଖାପାଖି ୮୫ରୁ ୯୦ ପ୍ରତିଶତ ଫଳପ୍ରଦ ହୋଇଥାଏ ।

ଷ୍ଟୋରେଜ
କୋଭିସିଲ୍ଡ ଭ୍ୟାକ୍ସିନ ୨ରୁ ୮ ଡିଗ୍ରୀ ସେଲସିୟସର ତାପମାତ୍ରାରେ ଷ୍ଟୋର ହୋଇପାରୁଛି । ଏହି ନିର୍ଦ୍ଧିଷ୍ଟ ତାପମାତ୍ରା ମଧ୍ୟରେ କୋଭିସିଲ୍ଡ ଭ୍ୟାକ୍ସିନ ସୁରକ୍ଷିତ ରହୁଥିବା ଜଣାପଡିଛି ।

ଦର
ଖୋଲା ମାର୍କେଟରେ ଟିକା ମିଳିବା ନେଇ କେନ୍ଦ୍ର ସରକାର ଘୋଷଣା କରିବା ପରେ କୋଭିସିଲ୍ଡ କମ୍ପାନୀ ନିଜର ଦର ଧାର୍ଯ୍ୟ କରିଛି । ବିଭିନ୍ନ ରାଜ୍ୟ ପାଇଁ ନୂଆ ଦର ମୁତାବକ ୪୦୦ ଟଙ୍କା ଧାର୍ଯ୍ୟ କରାଯାଇଥିବାବେଳେ ଘରୋଇ ହସ୍ପିଟାଲ ପାଇଁ ଦର ରହିଛି ୬୦୦ ଟଙ୍କା । ସେହିପରି କେନ୍ଦ୍ର ସରକାରଙ୍କ ପାଇଁ ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ୧୫୦ ଟଙ୍କା ରଖିଥିବା ଘୋଷଣା କରିଛି ।

କୋଭାକ୍ସିନ
କୋଭାକ୍ସିନ ଏକ ନଷ୍କ୍ରିୟ ଭ୍ୟାକ୍ସିନ । ଏହାର ଅର୍ଥ ନୁହେଁ ଯେ ଏହି ଭ୍ୟାକ୍ସିନ ନିଷ୍କ୍ରିୟ । ଏହାର ଅର୍ଥ ହେଉଛି ମୃତ ଭ୍ୟାକ୍ସିନ ଠାରୁ ନିର୍ମାଣ କରାଯାଇଛି କୋଭାକ୍ସିନ । ଏହି ଭ୍ୟାକ୍ସିନକୁ ଭାରତୀୟ କମ୍ପାନୀ ଭାରତ ବାଓଟେକ ଏବଂ ଆଇସିଏମଆର ନିର୍ମାଣ କରିଛନ୍ତି । ଏହି ଭ୍ୟାକ୍ସନି ଇମ୍ୟୁନ ସେଲରେ କୋରୋନା ଭାଇରସ ବିପକ୍ଷରେ ମାନବ ଶରୀରରେ ଇମ୍ୟୁନ ସିଷ୍ଟମକୁ ସାହାଯ୍ୟ କରିଥାଏ । ବର୍ତ୍ତମାନ ଦେଶରେ ଏହି ଭ୍ୟାକ୍ସିନ ସମସ୍ତ ରାଜ୍ୟରେ ଦିଆଚାଲିଛି । କୋଭାକ୍ସିନର ଫଳପ୍ରଦ ମଧ୍ୟ ଅନେକ ସ୍ଥାନରେ ଉପଲବ୍ଦ ହେଉଅଛି ।

କେତେ ଫଳପ୍ରଦ କୋଭାକ୍ସିନ
ନ୍ୟୁୟର୍କ ଟାଇମ୍ସର ଏକ ରିପୋର୍ଟ ମୁତାବକ କୋଭାକ୍ସିନ ଶରୀରରେ ଆଣ୍ଟିବଡ଼ି ବୃଦ୍ଧି କତରିବାରେ ବିଶେଷ ଭାବରେ ସହାୟକ ହୋଇଥାଏ । ଶରୀରରେ କୋଭିଡକୁ ପ୍ରତିହତ କରିବା ପାଇଁ ଅର୍ଥାତ କୋଭିଡ ଜୀବାଣୁଙ୍କ ବିରୋଦ୍ଧରେ ଇମ୍ୟୁନ ସିଷ୍ଟମକୁ ଅଗ୍ରଗତି କରିବାରେ ସହାୟକ ହୋଇଥାଏ । SARS-CoV-2 ବିପକ୍ଷରେ ବିଶେଷ ଭାବେ ଏହା କାର୍ଯ୍ୟ କରିଥାଏ ।

ପ୍ରତିଶତ କେତେ

କୋଭାକ୍ସିନର ପ୍ରଭାବ ଶରୀରେରେ ହଠାତ ପଡିନଥାଏ । ପ୍ରଥମ ଡୋଜ ନେବାର କିଛି ଦିନ ପରେ ଭାଇରସ ବିରୋଧରେ ଇମ୍ୟୁନିଟ ବଢାଇଥାଏ । କୋଭାକ୍ସିନ ଶରୀରରେ ପ୍ରାଥମିକ ପର୍ଯାୟରେ ପ୍ରାୟ ୭୮ ପ୍ରତିଶତ ପ୍ରଭାବ ପକାଇଥାଏ । ଗୁରୁତ୍ତର କୋଭିଡ ସଂକ୍ରମିତଙ୍କ ଉପରେ ଏହାର ପ୍ରଭାବ ୧୦୦ ପ୍ରତିଶତ ରହୁଥିବା କହିଛନ୍ତି ବିଶେଷଜ୍ଞ ।

ଷ୍ଟୋରେଜ
କୋଭିସିଲ୍ଡ ଭଳି କୋଭାକ୍ସିନ ମଧ୍ୟ ୨ରୁ ୮ ଡିଗ୍ରୀ ସେଲସିୟସର ତାପମାତ୍ରାରେ ଷ୍ଟୋର ହୋଇପାରୁଛି । ଏହି ନିର୍ଦ୍ଧିଷ୍ଟ ତାପମାତ୍ରା ମଧ୍ୟରେ କୋଭିସିଲ୍ଡ ଭ୍ୟାକ୍ସିନ ସୁରକ୍ଷିତ ରହୁଥିବା ଜଣାପଡିଛି ।

ଦର
ଖୋଲା ମାର୍କେଟରେ ଟିକା ମିଳିବା ନେଇ କେନ୍ଦ୍ର ସରକାର ଘୋଷଣା କରିବା ପରେ କୋଭିସିଲ୍ଡ କମ୍ପାନୀ ନିଜର ଦର ଧାର୍ଯ୍ୟ କରିଛି । ବିଭିନ୍ନ ରାଜ୍ୟ ପାଇଁ ନୂଆ ଦର ମୁତାବକ ୬୦୦ ଟଙ୍କା ଧାର୍ଯ୍ୟ କରାଯାଇଥିବାବେଳେ ଘରୋଇ ହସ୍ପିଟାଲ ପାଇଁ ଦର ରହିଛି ୧୨୦୦ ଟଙ୍କା । ସେହିପରି କେନ୍ଦ୍ର ସରକାରଙ୍କ ପାଇଁ ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ୧୫୦ ଟଙ୍କା ରଖିଥିବା ଘୋଷଣା କରିଛି ।

ରିଲାଏନ୍ସ ଫାଉଣ୍ଡେସନ ପକ୍ଷରୁ ମୁମ୍ବାଇରେ କୋଭିଡ୍ ପରିଚାଳନାରେ ବ୍ୟାପକ ସଂପ୍ରସାରଣ

ଭୁବନେଶ୍ୱର: ମୁମ୍ବାଇରେ କୋଭିଡ୍ ସଂକ୍ରମଣକୁ ଏଡ଼ାଇବା ପାଇଁ ହାତ ବଢ଼ାଇଛି ରିଲାଏନ୍ସ ଫାଉଣ୍ଡେସନ।  ରିଲାଏନ୍ସ ଫାଉଣ୍ଡେସନ ପକ୍ଷରୁ ସହରରେ କୋଭିଡ୍ ପରିଚାଳନାର ବର୍ଦ୍ଧିତ ଆବଶ୍ୟକତାକୁ ପୂରଣ କରିବା ସହ ମହାମାରୀ ବିରୋଧରେ ସରକାରୀ ଲଢ଼େଇକୁ ସୁଦୃଢ଼ କରିଥିବା ଲାଗି ବ୍ୟାପକ ସଂପ୍ରସାରଣ କରାଯାଇଛି। ମହାରାଷ୍ଟ୍ର ସରକାର ଓ ବ୍ରିହାନମୁମ୍ବାଇ ମୁନିସପାଲ କର୍ପୋରେସନ ସହିତ ଏହାର ସମ୍ପର୍କକୁ ଆହୁରି ଦୃଢ଼ କରି ରିଲାଏନ୍ସ ପକ୍ଷରୁ ମୁମ୍ବାଇରେ କୋଭିଡ୍ ବିରୋଧୀ ଲଢ଼େଇରେ ଆଉ ଚାରିଟି ସ୍ୱତନ୍ତ୍ର ପଦକ୍ଷେପ ଗ୍ରହଣ କରାଯାଇଛି।

ରିଲାଏନ୍ସ ଫାଉଣ୍ଡେସନ ତରଫରୁ ୱର୍ଲିରେ ଥିବା ନ୍ୟାସନାଲ୍ ସ୍ପୋର୍ଟସ୍ କ୍ଲବ ଅଫ୍ ଇଣ୍ଡିଆରେ ୧୦୦ ଆଇସିୟୁ ଶଯ୍ୟା ସୃଷ୍ଟି, କାର୍ଯ୍ୟକ୍ଷମ ଓ ପରିଚାଳନା କରାଯିବ ଯାହା ୨୦୨୧ ମେ’ ୧୫ ଠାରୁ ପର୍ଯ୍ୟାୟକ୍ରମେ କାର୍ଯ୍ୟକ୍ଷମ ହେବ। ବର୍ତମାନ କାର୍ଯ୍ୟକ୍ଷମ ଥିବା ୫୫୦ ଶଯ୍ୟାର ୱାର୍ଡର ପରିଚାଳନା ସାର୍ ଏଚ୍‌ଏନ୍ ରିଲାଏନ୍ସ ଫାଉଣ୍ଡେସନ ହସ୍ପିଟାଲ୍ ମେ’ ୧ରୁ ନିଜ ହାତକୁ ନେବ। ଏଥି ସହିତ ସାର୍ ଏଚ୍‌ଏନ୍ ରିଲାଏନ୍ସ ଫାଉଣ୍ଡେସନ ହସ୍ପିଟାଲ୍  କୋଭିଡ୍ ରୋଗୀମାନଙ୍କ ପାଇଁ ମୋଟ ୬୫୦ ଶଯ୍ୟାର ପରିଚାଳନା କାର୍ଯ୍ୟ ନିର୍ବାହ କରିବ। ଖାଲି ସେତିକି ନୁହେଁ ରିଲାଏନ୍ସ ଫାଉଣ୍ଡେସନ ତରଫରୁ ୧୦୦ ନୂଆ ଆଇସିୟୁ ଶଯ୍ୟା ସୃଷ୍ଟି କରାଯାଉଛି । ସେହିପରି ଲକ୍ଷଣବିହୀନ ରୋଗୀଙ୍କ ପାଇଁ ବିକେସି ସ୍ଥିତ ଟ୍ରାଇଡେଣ୍ଟ ହୋଟେଲ୍‌ରେ ୧୦୦ ଶଯ୍ୟା ସ୍ଥାପନ କରାଯାଇଛି। ସେଭେନ୍ ହିଲସ୍ ହସ୍ପିଟାଲ୍‌ରେ ଆଇସିୟୁ ଶଯ୍ୟା ସଂଖ୍ୟା ବୃଦ୍ଧି କରାଯାଇ ୪୫ ଆଇସିୟୁ ଶଯ୍ୟା ସମେତ ମୋଟ ସଂଖ୍ୟା ୧୨୫ ଶଯ୍ୟାକୁ ବୃଦ୍ଧି କରାଯାଇଛି।

ଏନ୍‌ଏସ୍‌ସିଆଇ ଓ ସେଭେନ୍ ହିଲସ୍ ହସ୍ପିଟାଲ୍‌ରେ ସମସ୍ତ ରୋଗୀଙ୍କୁ ବିନା ମୂଲ୍ୟରେ ଚିକିତ୍ସା ପ୍ରଦାନ ବ୍ୟବସ୍ଥା କରାଯାଇଛି । ରୋଗୀମାନଙ୍କ ମେଡିକାଲ୍ ପରିଚାଳନାର ୨୪ ଘଣ୍ଟା ଦେଖାଶୁଣା ଓ ଚିକିତ୍ସା କରିବା ଲାଗି ଡାକ୍ତର, ନର୍ସ, ଅଣ ମେଡିକାଲ୍ ପେସାଦାରମାନଙ୍କ ଭଳି ଆଗ ଧାଡ଼ିର କର୍ମୀମାନଙ୍କୁ ନେଇ ଏକ ଟିମ୍ ନିୟୋଜିତ କରାଯିବ। ଏହି ପ୍ରକଳ୍ପର ସମ୍ପୂର୍ଣ୍ଣ ଖର୍ଚ୍ଚ ମଧ୍ୟରେ ସାମିଲ ରହିଥିବା ଆଇସିୟୁ ଶଯ୍ୟା ଓ ମନିଟର, ଭେଂଟିଲେଟର ଓ ମେଡିକାଲ୍ ଉପକରଣ ସମେତ ୬୫୦ ଶଯ୍ୟାର ପରିଚାଳନା ଖର୍ଚ୍ଚ ରିଲାଏନ୍ସ ଫାଉଣ୍ଡେସନ ବହନ କରିବ ।

 

ପଶ୍ଚିମବଙ୍ଗ: ଡାକ୍ତରଖାନାରେ ବେଡ୍‌ ମିଳୁନି, ଖାଲି ଅକ୍ସିଜେନ ସିଲିଣ୍ଡରର ଦାମ ୨୫ ହଜାର ଟଙ୍କା

ନୂଆଦିଲ୍ଲୀ: କରୋନା ପାଇଁ ଏବେ ଘାଣ୍ଟି ହେଉଛି ପଶ୍ଚିମବଙ୍ଗ। ପଶ୍ଚିମବଙ୍ଗରେ କରୋନା ସ୍ଥିତି ଏବେ ଅସମ୍ଭାଳ ପରିସ୍ଥିତିରେ ପହଞ୍ଚିଛି। ଏଭଳି ସ୍ଥିତିରେ ଚିକିତ୍ସା ବ୍ୟବସ୍ଥା ମଧ୍ୟ ଭୁଶୁଡ଼ି ପଡ଼ିଛି। ଲୋକେ କରୋନାରୁ ବଞ୍ଚିବା ପାଇଁ ଡାକ୍ତରଖାନା ଉପରେ ଭରସା କରୁଛନ୍ତି କିନ୍ତୁ ଯଦି ଲୋକଙ୍କୁ ଭଲ କରୁଥିବା କାରଖାନା ଅଚଳ ହୋଇପଡ଼େ ତେବେ ଲୋକେ କେଉଁଠିକୁ ଯିବେ। ସେହିଭଳି ଏକ ଦୁଃଖଦ ଖବର ସାମ୍ନାକୁ ଆସିଛି। ଯାହାକୁ ଶୁଣିଲେ ଆପଣଙ୍କ ଲୋମ ଟାଙ୍କୁରି ଉଠିବ।

କରୋନାର କରୁଣ ଚିତ୍ର କଣ ବଖାଣୁଛି ଦେଖନ୍ତୁ “କୌଣସି ପ୍ରକାରେ ମୁଁ ତିନି ଦିନ ପୂର୍ବରୁ ଆମ୍ବୁଲାନ୍ସକୁ ୧୦ ହଜାର ଟଙ୍କା ଦେଇ ମୋ ଭାଇଙ୍କୁ କୋଲକାତା ଆଣିଥିଲି। ଦିନସାରା ସମସ୍ତ ସରକାରୀ ଡାକ୍ତରଖାନା ଡହଡହ ଖରାରେ ବୁଲିବା ପରେ ମଧ୍ୟ ଚିକିତ୍ସା ପାଇଁ ବେଡ୍‌ ମିଳିଲାନି। ପରେ ମୁଁ ତାଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରିଥିଲି। କିନ୍ତୁ ସେଠାରେ ଦିନକୁ ଦେବାକୁ ପଡ଼ିଥାନ୍ତା ଏକ ଲକ୍ଷ ଟଙ୍କା, ଯାହା ମୋ ପକ୍ଷେ ଅସମ୍ବବ ଥିଲା। ଏହା ପରେ ମୁଁ ତାଙ୍କୁ ଘରକୁ ଆଣି ସେହି ଅଞ୍ଚଳର ଡାକ୍ତରଙ୍କ ପରାମର୍ଶ କ୍ରମେ ଘରେ ଅମ୍ଳଜାନ ଦେବା ଆରମ୍ଭ କଲି। ହେଲେ ଅମ୍ଭଜାନ ଯୋଗାଡ଼ କରିବା ଡାକ୍ତରଖାନାରେ ବେଡ ମିଳିବା ଭଳି କଷ୍ଟସାଧ୍ୟ ଥିଲା। କାରଣ ଗୋଟିଏ ଖାଲି ସିଲିଣ୍ଡରକୁ ୨୫ ହଜାର ଟଙ୍କା ଦେବାକୁ ପଡ଼ୁଥିଲାା।

ଏଭଳି ପରିସ୍ଥିତିର ସାମ୍ନା କରିଛନ୍ତି ପରଗନା ଜିଲ୍ଲାର ବାଂଲାଦେଶକୁ ଲାଗିଥିବା ଅଶୋକ ନଗର ଅଞ୍ଚଳର ମୋଇନୁଲ ଇସଲାମ। କରୋନା ସମୟରେ ଥିବା ସିଷ୍ଟମ ପ୍ରତି ନିରାଶା ଏବଂ ଅସନ୍ତୋଷ ତାଙ୍କ କଥାରୁ ସ୍ପଷ୍ଟ ବାରିହୁଏ।

ପଶ୍ଚିମବଙ୍ଗରେ କରୋନା ସଂକ୍ରମଣ ଯେଉଁ ବେଗରେ ବୃଦ୍ଧି ପାଉଛି ତାହା ଅତ୍ୟନ୍ତ ଚିନ୍ତାଜନକ ଅଟେ। ବିଶେଷକରି ରାଜଧାନୀ କୋଲକାତା ଏବଂ ଏହାର ଆଖପାଖ ଅଞ୍ଚଳରେ ଅବସ୍ଥା ଅତ୍ୟନ୍ତ ଗୁରୁତର ରହିଛି। ଏଠାରେ ଥିବା ପରିସଂଖ୍ୟାନକୁହେ କରୋନାର କାହାଣୀ। ରବିବାର ୧୬ ହଜାର ନୂଆ ମାମଲା ରୁଜୁ ହୋଇଥିବା ବେଳେ ୫୭ ଜଣଙ୍କର ମୃତ୍ୟୁ ହୋଇଥିଲା।

ଏଥିମଧ୍ୟରୁ କେବଳ କୋଲକାତାରେ ଚାରି ହଜାର ମାମଲା ରୁଜୁ ହୋଇଛି। ଦୁଇ ସପ୍ତାହ ପୂର୍ବରୁ, ଯେଉଁଠାରେ ରାଜ୍ୟରେ ଦୈନିକ ସଂକ୍ରମଣ ସଂଖ୍ୟା ୮,୩୯୮ ଏବଂ ହାରାହାରି ମୃତ୍ୟୁ ସଂଖ୍ୟା ୧୦ ଥିଲା, ଏହା ଦୁଇ ସପ୍ତାହ ମଧ୍ୟରେ ବହୁଗୁଣିତ ହୋଇଛି।

କରୋନା ସଂକଟରେ ସାହାଯ୍ୟକରି ମୁଖ୍ୟମନ୍ତ୍ରୀ ହାତେଇଥିବା ପ୍ରଶଂସାକୁ ବିଜେପି ହଜମ କରିପାରୁନି: ବିଜେଡି

ଭୁବନେଶ୍ୱର: ସଂକଟରେ ଓଡ଼ିଶା ସାଜିଲା ପଥ ପ୍ରଦର୍ଶକ। କରୋନା ସଂକଟ କାଳରେ ଦେଶ ସହ ଛିଡ଼ା ହେଲା ଓଡ଼ିଶା। ଦେଶରେ କରୋନାର ଦ୍ୱିତୀୟ ପ୍ରବାହ ଆତଙ୍କ ସୃଷ୍ଟି କରିଥିବାବେଳେ ଅନେକ ରାଜ୍ୟ ବେଡ୍ ସହ ଅକ୍ସିଜେନ୍ ଅଭାବକୁ ନେଇ ଚିନ୍ତାରେ ଅଛନ୍ତି। ଅମ୍ଲଜାନ ନିଅଣ୍ଟ ପଡ଼ୁଥିବାରୁ ରୋଗୀଙ୍କ ମୃତ୍ୟୁ ହେଉଛି। କିନ୍ତୁ ଦେଶର ଏଭଳି ଘଡ଼ିସନ୍ଧି ମୁହୂର୍ତ୍ତରେ ତ୍ରାଣକର୍ତ୍ତା ସାଜିଛନ୍ତି ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ବିଭିନ୍ନ ରାଜ୍ୟକୁ ମେଡିକାଲ୍ ଅକ୍ସିଜେନ୍ ପଠାଇ ସାଉଣ୍ଟିଛନ୍ତି ପ୍ରଶଂସା। ହେଲେ ମୁଖ୍ୟମନ୍ତ୍ରୀ ହାତେଇଥିବା ଗଦା ଗଦା ପ୍ରଶଂସାକୁ ହଜମ କରିପାରୁନାହାଁନ୍ତି ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର। ଓଡ଼ିଶାର ଏଭଳି କାର୍ଯ୍ୟକୁ ପ୍ରଶଂସା କରିବା ବଦଳରେ ସେ ଅଭ୍ୟାସଗତ ଭାବେ ବିଭ୍ରାନ୍ତିକର ଓ ନିମ୍ନମାନର ମନ୍ତବ୍ୟ ଦେବା ସହିତ ଅସହିଷ୍ଣୁ ମନୋଭାବ ଦେଖାଉଥିବା କହିଛନ୍ତି ବିଜେଡି ମୁଖପାତ୍ର ସୁଶ୍ରୀ ଇପ୍‌ସିତା ସାହୁ।

ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାରଙ୍କୁ ଜବାବ ଦେଇ ସୁଶ୍ରୀ କହିଛନ୍ତି ଯେ ଅକ୍ସିଜେନ ଯୋଗାଣ ମାଧ୍ୟମରେ ଓଡ଼ିଶା ଏବେ ଦିଲ୍ଲୀ, ମହାରାଷ୍ଟ୍ର ଭଳି ରାଜ୍ୟର ଲୋକଙ୍କୁ ଜୀବନଦାନ ଦେବାରେ ପ୍ରମୁଖ ଭୂମିକା ଗ୍ରହଣ କରୁଛି। ରାଜ୍ୟର ଏଭଳି ସହଯୋଗ ପାଇଁ ସେହିସବୁ ରାଜ୍ୟର ମୁଖ୍ୟମନ୍ତ୍ରୀମାନେ ଓଡ଼ିଶାକୁ ଭୁରି ଭୁରି ପ୍ରଶଂସା କରୁଛନ୍ତି। ତେବେ ଏଭଳି ପ୍ରଶଂସାକୁ ଏବେ ରାଜ୍ୟ ବିଜେପି ହଜମ କରିପାରୁ ନାହିଁ। ଯାହା ଲେଖାଶ୍ରୀଙ୍କ ପ୍ରତିକ୍ରିୟାରୁ ସଫା ସଫା ବାରିହୋଇ ପଡୁଛି।

ଲେଖାଶ୍ରୀ ପିପିଲି ଟିକଟ ପାଇଁ ଆଶାୟୀ ଥିଲେ। ସେଥିରେ ସଫଳ ନହେବା ଓ ଦଳରେ ନିଜର ପ୍ରାସଙ୍ଗିତା ହରାଉଥିବାରୁ ଏବେ ପ୍ରତିଦିନ ଗଣମାଧ୍ୟମରେ ଏଭଳି ଅବାନ୍ତର ଯୁକ୍ତି ବାଢ଼ଉଛନ୍ତି। ଏଭଳି ମନ୍ତବ୍ୟ ଦେଇ ନିଜକୁ ଗଣମାଧ୍ୟମରେ ଚର୍ଚ୍ଚାରେ ରହିବା ହେଉଛି ତାଙ୍କର ମୂଳ ଲକ୍ଷ୍ୟ। କିନ୍ତୁ ଓଡ଼ିଶାର ଜନସାଧାରଣ ବିଜେପି ନେତ୍ରୀଙ୍କର ଏଭଳି ନିତିଦିନିଆ ମନଗଢା ବିବୃତ୍ତି ସଂକ୍ରାନ୍ତରେ ଭଲଭାବେ ଅବଗତ ଅଛନ୍ତି ବୋଲି ବିଜେଡି ମୁଖପାତ୍ର କହିଛନ୍ତି।

କରୋନା ପାଇଁ ଖୋଲିଲା ୬ ବର୍ଷ ହେଲା ବନ୍ଦ ଥିବା ଅକ୍ସିଜେନ କମ୍ପାନୀ

ନୂଆଦିଲ୍ଲୀ: ବଢ଼ୁଥିବା କରୋନା ମାମଲା ମଧ୍ୟରେ ଭାରତ ପୃଥିବୀର କରୋନା ପେଣ୍ଠସ୍ଥଳି ପାଲଟିଛି। ସାରା ବିଶ୍ୱରେ ଭାରତରେ ସର୍ବାଧିକ ସଂଖ୍ୟକ କରୋନା ମାମଲା ରିପୋର୍ଟ କରାଯାଉଛି। ଏଥି ସହିତ ଅମ୍ଳଜାନ ଏବଂ ଶଯ୍ୟା ଅଭାବକୁ ନେଇ ଚିନ୍ତା ବଢ଼ୁଛି। ସେପଟେ ସୋମବାର ଦିଲ୍ଲୀରୁ ଆରାମଦାୟକ ଖବର ଆସିଛି। ଛତ୍ରପୁରରେ ସର୍ଦ୍ଦାର ପଟେଲ କୋଭିଡ କେୟାର ସେଣ୍ଟର ଆରମ୍ଭ ହୋଇଛି। ଏହି କୋଭିଡ କେୟାର ସେଣ୍ଟରରେ ୫ଶହ ଶଯ୍ୟା ବିଶିଷ୍ଟ ସୁବିଧା ରହିଛି। ୨ଶହ ଆଇସିୟୁ ଶଯ୍ୟା ସୁବିଧା ମଧ୍ୟ ଏଠାରେ ଶୀଘ୍ର ଆରମ୍ଭ ହେବାକୁ ଯାଉଛି ।

ଏଥି ସହିତ ଗୌତମ ବୁଦ୍ଧ ନଗର ଜିଲ୍ଲାରେ ଅମ୍ଳଜାନର ସଙ୍କଟ କ୍ରମାଗତ ଭାବେ ବଢ଼ିବାରେ ଲାଗିଛି। ଏଥିପାଇଁ ଜିଲ୍ଲା ପ୍ରଶାସନ ନିରନ୍ତର ଉଦ୍ୟମ ଜାରି ରଖିଛନ୍ତି। ଜିଲ୍ଲାର PGI ରେ ୬ ବର୍ଷ ଧରି ବନ୍ଦ ରହିଥିବା ଅମ୍ଳଜାନ କାରଖାନା ପୁନଃ ଖୋଲାଯାଇଛି। ଏହି କାରଖାନାରେ ପ୍ରାୟ ୭ଶହ ଘନ ମିଟର ଗ୍ୟାସ ଭର୍ତ୍ତି କରାଯାଇଛି। ଏଭଳି ପରିସ୍ଥିତିରେ, ଏହି ଗ୍ୟାସ କାରଖାନା ପୁରଣ ହେବା ପରେ ସରକାରୀ ଡାକ୍ତରଖାନାରେ ଅମ୍ଳଜାନ ଅଭାବରୁ ସାଧାରଣ ଜନତାଙ୍କ ସମସ୍ୟା ହ୍ରାସ ପାଇବ ବୋଲି ଆଶା ରହିଛି।

ଅମ୍ଳଜାନ ଅଭାବ ଖବର ପାଇବା ପରେ ଆମେରିକା ଭାରତକୁ ଅମ୍ଳଜାନ ପଠାଇପା ପାଇଁ ଆଗେଇ ଆସିଛି। ଆମେରିକା ପଠାଇଥିବା ୩୧୯ ଅମ୍ଳଜାନ କଣ୍ଟେନର ଦିଲ୍ଲୀରେ ପହଞ୍ଚିଛନ୍ତି। ଯାହା ପରେ ସେମାନଙ୍କୁ ବର୍ତ୍ତମାନ ଡାକ୍ତରଖାନାର ଆବଶ୍ୟକତା ଅନୁଯାୟୀ ଯୋଗାଇ ଦିଆଯିବ। ଏହା ବ୍ୟତୀତ ଭେଣ୍ଟିଲେଟର, ରେପିଡ୍‌ କିଟ୍ ମଧ୍ୟ ଆମେରିକାରୁ ପଠାଯାଉଛି।

ଆମେରିକା ଦ୍ୱାରା ଭାରତକୁ ପଠାଯାଇଥିବା ସହାୟତା ବ୍ୟତୀତ ହଂକଂ ୮ଶହ ଅମ୍ଳଜାନ ଏମ୍ଳଜାନ ଏୟାର ଲିପ୍ଟ କରାଯାଇଛି ।  ସବୁ ଏହା ବ୍ୟତୀତ ବ୍ରିଟେନ ଭାରତକୁ ୬ଶହ ଚିକିତ୍ସା ଉପକରଣ ପଠାଇଛି। ଏଥିରେ ଭେଣ୍ଟିଲେଟର ଏବଂ ଅନ୍ୟସବୁ ସାମଗ୍ରୀ ରହିଛି ।

ଆକାଶରେ ମେଘ ଦିଶିପାରେ, ଗର୍ଜିବ କିନ୍ତୁ ବର୍ଷା ହେବନାହିଁ, ଓଡ଼ିଶା ପାଣିପାଗକୁ ନେଇ ଏମିତି କହିଲେ ସ୍କାଇମେଟ୍

ଭୁବନେଶ୍ବର: ରାଜ୍ୟରେ ଗରମରୁ ତ୍ରାହି ମିଳିବା ସମ୍ଭବାନା କମ୍। ଏମିତିକି ଆଗକୁ ଗରମ ଆହୁରି ବଢ଼ିବା ଆଶଙ୍କା ରହିଛି। ପଶ୍ଚିମବଙ୍ଗ ଉପକୂଳରେ ଲଘୁଚାପ ସୃଷ୍ଟି ହୋଇପାରେ ଆଉ ଏହାର ପ୍ରଭାବରେ ଓଡ଼ିଶା ଆକାଶରେ ମେଘ ଦିଶିଲେ ବି ତାହା ବର୍ଷା ଦେବ ନାର୍ହି। ଏମିତି କିଛି ଅନୁମାନ କରିଛନ୍ତି ଭାରତର ଅନ୍ୟତମ ପାଣିପାଗ ଗବେଷଣା ସଂସ୍ଥା ସ୍କାଇମେଟ୍।

ପୂର୍ବଭାରତର ପାଣିପାଗ ବିଷୟରେ ପୂର୍ବାନୁମାନ କରି ସ୍କାଇମେଟ୍ କହିଛି ଯେ, ଏହି ଅଞ୍ଚଳରେ ପାଣିପାଗ ସମ୍ବନ୍ଧୀୟ କୌଣସି ପରିବର୍ତ୍ତନ ଲକ୍ଷ୍ୟ କରାଯାଉ ନାହିଁ। କିନ୍ତୁ ପଶ୍ଚିମବଙ୍ଗରେ ଏକ ଲଘୁଚାପ ସୃଷ୍ଟି ହେବ। ହେଲେ ଏହି ଲଘୁଚାପ ଦୁର୍ବଳ ରହିବା ହେତୁ ବର୍ଷା ଆଶଙ୍କା କମ୍ ରହିଛି। ପୁଣି ଏହାରି ପ୍ରଭାବରେ ଓଡ଼ିଶାର ଉତ୍ତାରାଞ୍ଚଳ ଆକାଶରେ ମେଘ ଦେଖାଯାଇପାରେ। ମଧ୍ୟ ଭାରତର ପାଣିପାଗ ସମ୍ପର୍କରେ ପୂର୍ବାନୁମାନ କରି ସ୍କାଇମେଟ୍ କହିଛନ୍ତି ଯେ, ମଧ୍ୟପ୍ରଦେଶ, ଛତିଗଡ଼ ଆଡ଼ୁ ଭୀଷଣ ଗରମ ପବନ ସଡ଼ିଶାଆଡ଼କୁ ପ୍ରବାହିତ ହେବ। ଏହାଦ୍ବାରା ଓଡ଼ିଶାର ତାପମାତ୍ରା ଦିନକୁ ବଢ଼ିବାରେ ଲାଗିବ ।

ଓଡ଼ିଶା ସରକାରଙ୍କ ସ୍ବତନ୍ତ୍ରି ରିଲିଫ୍ କମିଶନର ମଧ୍ୟ ତାପମାତ୍ରାରେ ବୃଦ୍ଧିକୁ ଦେଖି କଟକ, ଖୋର୍ଦ୍ଧା, ଢେଙ୍କାନାଳ, ମୟୂରଭଞ୍ଜ ଓ ବାଲେଶ୍ବରରେ ହିଟ୍ ୱେଖ ସତର୍କତା ଜାରି କରିଛନ୍ତି। ୨୮ ତାରିଖ ସକାଳ ୮ଟା ୩୦ ମିନିଟ୍ ଯାଏ ଏହିପରି ପୂର୍ବାନୁମାନ କରାଯାଇଛି। ଅପରପକ୍ଷେ ଉତ୍ତାପ ବଢ଼ିବା କାରଣରୁ ରାଜ୍ୟର ବିଭିନ୍ନ ଅଞ୍ଚଳରେ ଆକସ୍ମିକ ଭାବେ ଘଡ଼ଘଡ଼ି ଓ ବିଜୁଳି ଆଶଙ୍କା ରହିଛି। ମଙ୍ଗଳବାରଦିନ ମାଲକାନଗିରି, କୋରାପୁଟ, ଗଜପତି, ମୟୂରଭଞ୍ଜ ଏବଂ କେନ୍ଦୁଝର ଜିଲ୍ଲାରେ ଘଡ଼ଘଡ଼ି ଓ ବିଜୁଳି ଆଶଙ୍କା ରହିଛି।

ବୁଧବାର ଦିନ ଗଜପତି, ରାୟଗଡ଼ା, କୋରାପୁଟ, ମୟୂରଭଞ୍ଜ ପ୍ରଭୃତି ଜିଲ୍ଲାରେ କାଳ ବୈଶାଖୀ ଆଶଙ୍କା ରହିଛି। ସେହିପରି ଗୁରୁବାରଦିନ ବେଗଡ଼, କେନ୍ଦୁଝର, ମୟୂରଭଞ୍ଜ, ଢେଙ୍କାନାଳ, କଟକ, ଖୋର୍ଦ୍ଧା, ନୟାଗଡ଼, କନ୍ଧମାଳ, ରାୟଗଡ଼ା, କୋରାପୁଟ, ମାଲକାନଗିରି ଏବଂ ଗଜପତି ଜିଲ୍ଲାରେ ବଜ୍ରପାତ ଆଶଙ୍କା ରହିଛି। ଏଥିପ୍ରତି ସତର୍କ ରହିବାକୁ ସ୍ବତନ୍ତ୍ର ରିଲିଫ୍ କମିଶନର ଜନସାଧାରଣଙ୍କୁ ନିବେଦନ କରିଛନ୍ତି।

କୋଭିଡ କଟକଣାରେ କରାଯିବ ପ୍ରାଥମିକ ଓ ମାଧ୍ୟମିକ ପିଲାଙ୍କ ନାମଲେଖା

ଭୁବନେଶ୍ୱର: ପ୍ରାଥମିକ ଓ ମାଧ୍ୟମିକ ପିଲାଙ୍କ ନାମଲେଖା ଆରମ୍ଭ ହେବ । ୨୦୨୧- ୨୨ବର୍ଷ ପାଇଁ ମେ’ ୩୧ସୁଦ୍ଧା ନାମଲେଖା କରାଯିବ । ଏଥିପାଇଁ SOP ଜାରି କରିଛି ଗଣଶିକ୍ଷା ବିଭାଗ । ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଜିଲ୍ଲା ଶିକ୍ଷାଧିକାରୀ, ପ୍ରକଳ୍ପ ସଂଯୋଜକ ଏବଂ ବ୍ଲକ ଶିକ୍ଷାଧିକାରୀଙ୍କୁ ଚିଠି ଲେଖାଯାଇଛି । କୋଭିଡ ଭୟବହତା ଭିତରେ ନାମଲେଖା ପକ୍ରିୟା ଜାରି ରହିବ । କିନ୍ତୁ ଏସବୁ ପ୍ରକ୍ରିୟା କୋଭିଡ କଟକଣା ଭିତରେ କରାଯିବ ବୋଲି ବିଭାଗ ପକ୍ଷରୁ କୁହାଯାଇଛି ।

ଗଣଶିକ୍ଷା ବିଭାଗର ସୂଚନା ମୁତାବକ ସକାଳ ୭ଟାରୁ ୯ଟା ୩୦ପର୍ଯ୍ୟନ୍ତ ଚାଲିବ ନାମଲେଖା । ଏହି ସମୟରେ ଥରକେ ୫ରୁ ଅଧିକ ଅଭିଭାବକଙ୍କୁ ପ୍ରବେଶ ମନା ।
ନାମଲେଖାବେଳେ କରୋନା ଗାଇଡଲାଇନ ମାନିବାକୁ ହେବ । ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରିବା ଏହି ସମୟରେ ବାଧ୍ୟତା ମୂଳକ ବୋଲି କୁହାଯାଇଛି ।

ସରକାରୀ/ ସରକାରୀ ସ୍ୱୀକୃତିପ୍ରାପ୍ତ ସ୍କୁଲ ପାଇଁ ନିର୍ଦ୍ଦେଶ ଲାଗୁ କରାଯାଇଛି । ଆଦର୍ଶ ବିଦ୍ୟାଳୟ, ମଦ୍ରାସାଗୁଡ଼ିକ ମଧ୍ୟ ନିର୍ଦ୍ଦେଶ ପାଳନ କରିବେ । ସେହିପରି BSE/CHSE ସହ ଅନୁବନ୍ଧିତ ଥିବା ସ୍କୁଲ ଏହି ନିର୍ଦ୍ଦେଶ ପାଳନ କରିବେ ବୋଲି ଗଣଶିକ୍ଷା ବିଭାଗ ପକ୍ଷରୁ କୁହାଯାଇଛି ।

କରୋନା ସହ ଅହରହ ହେଉଛି ସଂଘର୍ଷ, ଦେଶରେ ଏପର୍ଯ୍ୟନ୍ତ ଦିଆଗଲାଣି ୧୪.୧୯ ଡୋଜ

ନୂଆଦିଲ୍ଲୀ: ଦେଶରେ କରୋନାର ଦ୍ୱିତୀୟ ଲହର ଆତଙ୍କ ଖେଳାଇଛି। ଦିନକୁ ଦିନ ସଂକ୍ରମିତଙ୍କ ସଂଖ୍ୟା ଦେଶରେ ବଢ଼ିବାରେ ଲାଗିଛି। ପ୍ରତିଦିନ ୩ ଲକ୍ଷରୁ ଅଧିକ କରୋନା ସଂକ୍ରମିତ ଚିହ୍ନଟ ହେଉଛନ୍ତି। ଏହାରି ମଧ୍ୟରେ ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ଏପର୍ଯ୍ୟନ୍ତ ଦେଶରେ ୧୪.୧୯ ଡୋଜ ଦିଆଯାଇଛି। ମନ୍ତ୍ରଣାଳୟ କହିଛି ଯେ ବର୍ତ୍ତମାନ ଦେଶରେ ଏକ ଲକ୍ଷରୁ ଅଧିକ ସକ୍ରିୟ ମାମଲା ରହିଛି। ମହାରାଷ୍ଟ୍ର, ଉତ୍ତରପ୍ରଦେଶ, କର୍ଣ୍ଣାଟକ, କେରଳ, ରାଜସ୍ଥାନ, ଗୁଜୁରାଟ ଏବଂ ତାମିଲନାଡୁ।

ଏଥି ସହିତ, AIIMS ନିର୍ଦ୍ଦେଶକ ରଣଦୀପ ଗୁଲେରିଆ କହିଛନ୍ତି – ଆମକୁ କରୋନା ରୋଗୀଙ୍କ ସଂଖ୍ୟା ହ୍ରାସ କରିବାକୁ ହେବ ଏବଂ ଡାକ୍ତରଖାନାର ଗାଇଡଲାଇନକୁ ସଠିକ୍ ଭାବରେ ବ୍ୟବହାର କରିବାକୁ ପଡିବ।

ଏଥି ସହିତ ଗୃହ ମନ୍ତ୍ରଣାଳୟର ଅତିରିକ୍ତ ସଚିବ କହିଛନ୍ତି ଯେ ଅମ୍ଳଜାନ ଅଭାବକୁ ପୂରଣ କରିବା ପାଇଁ ଭାରତ ବିଦେଶରୁ ଟ୍ୟାଙ୍କର୍ ଯୋଗାଉଛି। ଏହି ଟ୍ୟାଙ୍କର୍ ପରିବହନ ହେଉଛି ସବୁଠାରୁ ବଡ ଆହ୍ୱାନ।

ଦେଶରେ କରୋନା ଭ୍ୟାକ୍ସିନ୍ର ତୃତୀୟ ପର୍ଯ୍ୟାୟ, ମେ ୧ ରୁ ୧୮ ବର୍ଷରୁ ଅଧିକ ଲୋକଙ୍କ ପାଇଁ ଟୀକାକରଣର ମାତ୍ରା ଆରମ୍ଭ ହେବ। ଟୀକାକରଣ ଅଭିଯାନର ତୃତୀୟ ପର୍ଯ୍ୟାୟ ପୂର୍ବରୁ କରୋନା ଟିକା ମୂଲ୍ୟକୁ ନେଇ ଉତ୍ତେଜନା ଦେଖାଦେଇଛି। କରୋନା ଟିକାକୁ ନିୟନ୍ତ୍ରଣ କରିବା ପାଇଁ କେନ୍ଦ୍ର ସରକାର ଘରୋଇ ଡାକ୍ତରଖାନା ପାଇଁ ଅନେକ ନିର୍ଦ୍ଦେଶ ଦେଇଛନ୍ତି। ଅନଲାଇନ୍ ରାଜ୍ୟ ବୁକିଂ କରୁଥିବା ସେହି ଘରୋଇ ଡାକ୍ତରଖାନାଗୁଡ଼ିକୁ କରୋନା ଟିକା ଦିଆଯିବ ବୋଲି କେନ୍ଦ୍ର ରାଜ୍ୟ ସରକାରଙ୍କୁ କହିଛି।

ଚିକିତ୍ସା ସେବା ଯୋଗାଇବା ଲାଗି ଆସିବେ ସେନାବାହିନୀର ଡାକ୍ତର

ନୂଆଦିଲ୍ଲୀ: ଦେଶରେ କୋଭିଡ୍ ସ୍ଥିତିର ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିରକ୍ଷା ବିଭାଗର ସହାୟତା ଲୋଡ଼ିଛନ୍ତି। ମବସାମିରିକ ପ୍ରତିଷ୍ଠାନଗୁଡ଼ିକୁ ଯଥା ସମ୍ଭବ ସହାୟତା ଯୋଗାଇବା ଲାଗି ମୋଦି ଚିଫ୍ ଅଫ୍ ଆର୍ମି ଷ୍ଟାଫ୍ଙ୍କୁ ନିର୍ଦେଶ ଦେଇଛନ୍ତି। ଏହିକ୍ରମର ସେନାବାହିନୀରେ ନିୟୋଜିତ ଡାକ୍ତର, ନର୍ସିଂ ଷ୍ଟାଫ୍ ଏବଂ ଡାକ୍ତରଖାନା କର୍ମଚାରୀମାନେ ଏଣିକି ବିଭିନ୍ନ ସ୍ଥାନରେ କୋଭିଡ୍ ପୀଡ଼ିତଙ୍କ ଚିକିତ୍ସା ଲାଗି ନିୟୋଜିତ ହେବେ।

ସୋମବାରଦିନ ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ହୋଇଛି। ଏହି ବୈଠକରେ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ବିପିନ ରାୱତ୍ ଉପସ୍ଥିତ ରହି ସୋନାବାହିନୀରେ ଡାକ୍ତର ଏବଂ ଉପଲବ୍ଧ ସୁବିଧା ବାବଦରେ ଉଲ୍ଲେଖ କରିଥିଲେ। ସେ କହିଥିଲେ ଯେ, ଏବେ କାର୍ଯ୍ୟରତ ଡାକ୍ତର ଏବଂ ସ୍ବାସ୍ଥ୍ୟ କର୍ମଚାରୀଙ୍କ ସମେତ ଯେଉଁମାନେ ନିକଟରେ ଅବସର ନେଇଛନ୍ତି ସେମାନଙ୍କୁ ମଧ୍ୟ ଦେଶରେ ସୃଷ୍ଟି ହୋଇଥିବା ଏହି ବିପର୍ଯ୍ୟୟକୁ ମୁକାବିଲା କରିବା ପାଇଁ ନିାୟାଜିତ କରାଯିବ।

ଏପରିକି ଯେଉଁ ଡାକ୍ତର ଯେଉଁ ସ୍ଥାନରେ ଅଛନ୍ତି ସେମାନଙ୍କୁ ସେହି ସ୍ଥାନରେ ସିଭିଲ୍ ପ୍ରତିଷ୍ଠାନ ତଥା ଡାକ୍ତରଖାନାରେ ସେବା ପ୍ରଦାନ ପାଇଁ ନିୟୋଜିତ କରାଯିବାକୁ ସ୍ଥିର ହୋଇଛି। ଭାରତରେ ଏବେ ଦୈନିକ ସାଢ଼େ ତିନି ଲକ୍ଷରୁ ଅଧିକ ଲୋକ କୋଭିଡ୍ ଆକ୍ରାନ୍ତ ହେଉଛନ୍ତି। ଏଯାଏ ପ୍ରାୟ ୧୯୨୩୧୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।

‘CMSSର ଅବହେଳା ଯୋଗୁଁ ରାଜ୍ୟରେ ବିଳମ୍ବ ହୋଇଛି ଅକ୍ସିଜେନ ପ୍ଲାଣ୍ଟ ସ୍ଥାପନ’

ଭୁବନେଶ୍ୱର: ସେଣ୍ଟ୍ରାଲ ମେଡିକାଲ ସର୍ଭିସେସ୍ ସେସାଇଟି ବା CMSSର ଅବହେଳା ଯୋଗୁଁ ରାଜ୍ୟରେ ବିଳମ୍ବ ହୋଇଛି ଅକ୍ସିଜେନ ପ୍ଲାଣ୍ଟ ସ୍ଥାପନ । CMSS କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଅଧିନରେ ଏକ ସ୍ବୟଂ ଶାସିତ ସଂସ୍ଥା । ଆଜି ଡିଏମଇଟି ସିବିକେ ମହାନ୍ତି ଏହି ସୂଚନା ଦେଇଛନ୍ତି ।

ପିଏମ୍‌ କେୟାର ଅଧୀନରେ ରାଜ୍ୟକୁ ମିଳିଥିବା ୭ଟି ଅକ୍ସିଜେନ ପ୍ଲାଣ୍ଟ ସ୍ଥାପନରେ ଅହେତୁକ ବିଳମ୍ବ ଅଭିଯୋଗକୁ ସେ ଖଣ୍ଡନ କରିଛନ୍ତି । ଅକ୍ସିଜେନ ପ୍ଲାଣ୍ଟ ସ୍ଥାପନରେ ରାଜ୍ୟ ସରକାରଙ୍କ କୌଣସି ଭୂମିକା ନାହିଁ । ବରଂ ରାଜ୍ୟ ସରକାର ତ୍ବରିତ ଭାବେ ଏହି ପ୍ରସ୍ତାବକୁ ଗ୍ରହଣ କରି ୭ଟି ସ୍ଥାନ ଚିହ୍ନଟ କରି କେନ୍ଦ୍ରକୁ ଜଣାଇଛନ୍ତି ।

ଗତବର୍ଷ ଅକ୍ଟୋବରରେ ପିଏମ୍ କେୟାର ଫଣ୍ଡରୁ ସାରା ଦେଶର ବିଭିନ୍ନ ସଦର ମହାକୁମ୍ମା ହସ୍ପିଟାଲରେ ୧୬୨ଟି ଅକ୍ସିଜେନ ପ୍ଲାଣ୍ଟ ସ୍ଥାପନ ପାଇଁ ଟେଣ୍ଡର ହୋଇଥିଲା । ଏହି କ୍ରମରେ ଓଡ଼ିଶା ଭାଗରେ ୭ଟି ପଡିଥିଲା । ତେବେ ସ୍ଥାନ ଚିହ୍ନଟ କରିବା ରାଜ୍ୟ ସରକାରଙ୍କ ଦାୟିତ୍ବ । କିନ୍ତୁ ଜାଗା ଚିହ୍ନଟ ହେଲା ପରେ ବି କାମ ଆଜି ପର୍ଯ୍ୟନ୍ତ ଆଗେଇଲା ନାହିଁ ବୋଲି କହିଛନ୍ତି ସିବିକେ ମହାନ୍ତି ।