spot_img
Home Blog Page 5854

କୋଭିଡ୍ ସଂକ୍ରମିତ ବିହାର ମୁଖ୍ୟ ଶାସନ ସଚିବ ଅରୁଣ ସିଂଙ୍କ ଦେହାନ୍ତ

ପାଟଣା: କରୋନାରେ ପ୍ରାଣ ହରାଇଛନ୍ତି ବିହାରର ମୁଖ୍ୟ ଶାସନ ସଚିବ ଅରୁଣ କୁମାର ସିଂ । ୧୯୮୪ ବ୍ୟାଚର ଆଇଏଏସ୍ ଅଫିସର ଅରୁଣ ସିଂଙ୍କ ଦେହାନ୍ତ ହୋଇଛି । ପାଟଣାର ଏଚଏମଆରଆଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।

Bihar Chief Secretary Arun Singh dies from Corona

ମୁଖ୍ୟ ଶାସନ ସଚିବ ଅରୁଣ ସିଂଙ୍କ ଦେହାନ୍ତରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଶୋକବ୍ୟକ୍ତ କରିଛନ୍ତି । ଏହା ପୂର୍ବରୁ ସ୍ୱାସ୍ଥ୍ୟ ବିଭାଗର ଅତିରିକ୍ତ ସଚିବ ରବି ଶଙ୍କର ଚୌଧରୀଙ୍କ ମୃତ୍ୟୁ କରୋନାରେ ହୋଇଥିଲା ।

ସୂଚନା ଅନୁସାରେ, ଏପ୍ରିଲ୍ ୧୫ ତାରିଖରେ ବିହାର ମୁଖ୍ୟ ଶାସନ ସଚିବ ଅରୁଣ ସିଂଙ୍କ କୋଭିଡ୍ ରିପୋର୍ଟ ପଜିଟିଭ୍ ଆସିଥିଲା । ଯାହାପରେ ସେ ପାଟଣାର ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ହୋଇଛି ।

କରୋନାର ଜରୁରୀ ଔଷଧର ଉତ୍ପାଦନ ଓ ବିତରଣ ନେଇ କେନ୍ଦ୍ରକୁ ସୁପ୍ରିମକୋର୍ଟଙ୍କ ପ୍ରଶ୍ନ

ନୂଆଦିଲ୍ଲୀ: ସୁପ୍ରିମକୋର୍ଟରେ କରୋନା ମାମଲା ନେଇ ଶୁଣାଣି ଚାଲିଛି । ଶୁଣାଣି ବେଳେ ସୁପ୍ରିମକୋର୍ଟ କେନ୍ଦ୍ରକୁ ପଚାରିଛନ୍ତି, ଜରୁରୀ ଔଷଧ ଓ ବିତରଣ ସୁନିଶ୍ଚିତ କାହିଁକି ହେଉନାହିଁ । କେନ୍ଦ୍ର ପକ୍ଷରୁ ସତ୍ୟପାଠ ଦାଖଲ କରାଯାଇ କୁହାଯାଇଛି, ପ୍ରତି ମାସରେ ଏକ କୋଟି ତିନି ଲକ୍ଷ ରେମଡେସିଭିର ଉତ୍ପାଦନ କ୍ଷମତା ରହିଛି । କିନ୍ତୁ ସରକାର ଚାହିଦା ଓ ବିତରଣ ତଥ୍ୟ କୋର୍ଟରେ ଦେଇନାହାଁନ୍ତି ।

ସୁପ୍ରିମକୋର୍ଟ କହିଛନ୍ତି, କେନ୍ଦ୍ର ସରକାର ଡକ୍ଟରଙ୍କୁ କୁହନ୍ତୁ ରେମଡେସିଭିର ଅଥବା ଫାବିଫ୍ଲୁ ବ୍ୟତୀତ୍ ଅନ୍ୟ ଉପଯୁକ୍ତ ଔଷଧ ନେଇ ରୋଗୀଙ୍କୁ ଜଣାନ୍ତୁ । ଗଣମାଧ୍ୟମ ରିପୋର୍ଟ ଅନୁସାରେ, ଆରଟିପିସିଆର୍ ଟେଷ୍ଟରେ କୋଭିଡର ନୂଆ ରୂପ ମଧ୍ୟ ଜଣାପଡ଼ୁନାହିଁ । ଏଥିପାଇଁ ଅନୁସନ୍ଧାନ ଆବଶ୍ୟକତା ରହିଛି ।

ଏଥିସହ କେନ୍ଦ୍ର ସରକାରଙ୍କୁ ପଚାରିଛନ୍ତି ୧୮ରୁ ୪୫ ବର୍ଷ ବୟସ୍କଙ୍କୁ ଟିକାକରଣ ଲାଗି କରାଯାଇଥିବା ଯୋଜନା ବିଷୟରେ ଜଣାନ୍ତୁ । କଣ କେନ୍ଦ୍ର ପାଖରେ କିଛି ରାଜସ୍ୱ ଅଛି ଯେଉଁଥିରେ ଭ୍ୟାକ୍ସିନର ଦାମ ସମାନ ରଖା ଯାଇପାରିବ । କେନ୍ଦ୍ର ସରକାର ଭାରତ ବାୟୋଟେକ୍ ଓ ସେରମ ଇନିଷ୍ଟିଚ୍ୟୁଟକୁ କେତେ ଟଙ୍କା ଦେଇଛନ୍ତି ଜଣାଇବାକୁ କହିଛନ୍ତି ସୁପ୍ରିମକୋର୍ଟ ।

ବାଙ୍ଗାଲୋରର ବିଜୟ ରଥକୁ ରୋକିବାକୁ ପଡ଼ିଆକୁ ଓହ୍ଲାଇବ ପଞ୍ଜାବ

ନୂଆଦିଲ୍ଲୀ: ଆଜି ଆଇପିଏଲର ଆଉ ଏକ ବଡ଼ ମୁକାବିଲା । ପ୍ରଥମ ଟ୍ରଫି ଲକ୍ଷ୍ୟରେ ଥିବା ରୟାଲ ଚାଲେଞ୍ଜର୍ସ ବାଙ୍ଗାଲୋରକୁ ସାମ୍ନା କରିବ ପଞ୍ଜାବ କିଙ୍ଗ୍ସ । ୬ ମ୍ୟାଚରୁ ୧୦ ପଏଣ୍ଟ ଅର୍ଜନ କରି ପଏଣ୍ଟ ଟେବୁଲରେ ତୃତୀୟ ସ୍ଥାନରେ ଆରସିବି ଥିବାବେଳେ କେବଳ ଦୁଇଟି ବିଜୟ ସହ ୪ ପଏଣ୍ଟ ହାସଲ କରିଥିବା ପଞ୍ଜାବ କିଙ୍ଗ୍ସ ପାଇଁ ଏହି ମ୍ୟାଚ୍ ଅଧିକ ଗୁରୁତ୍ବ ବହନ କରିବ । ବିରାଟ କୋହଲିଙ୍କ ନେତୃତ୍ବାଧିନ ଆରସିବି ଦିଲ୍ଲୀ କ୍ୟାପିଟାଲ୍ସ ବିପକ୍ଷ ଗତ ମ୍ୟାଚକୁ ରୋମାଞ୍ଚକର ଭାବେ ୧ ରନରେ ଜିତିବା ପରେ ଆରସିବିର ଆତ୍ମବିଶ୍ବାସ ଆହୁରି ଉଚ୍ଚରେ ପହଞ୍ଚିଛି ।

ଅନ୍ୟପକ୍ଷରେ ସଠିକ୍ ସନ୍ତୁଳନ ପାଇଁ ସଂଘର୍ଷ କରୁଥିବା କେଏଲ୍ ରାହୁଲଙ୍କ ପଞ୍ଜାବ କିଙ୍ଗ୍ସ ତା’ର ପୂର୍ବ ମ୍ୟାଚରେ କୋଲକାତା ନାଇଟ୍ ରାଇଡର୍ସଠାରୁ ୫ ୱିକେଟରେ ପରାଜିତ ହୋଇଥିଲା । ସବୁଠାରୁ ବଡ଼ କଥା ହେଲା ଦଳରେ ଆପାତତଃ ସମସ୍ତ ବ୍ୟାଟ୍ସମ୍ୟାନ୍ ଅସ୍ଥିର ପ୍ରଦର୍ଶନ ଦେଇ ଆସୁଛନ୍ତି । ବୋଲିଂ ବାହିନୀ ମଧ୍ୟ ଭଲ ପ୍ରଦର୍ଶନ ଦେବାରେ ଏକପ୍ରକାର ବିଫଳ ହୋଇଛି । ଏସବୁ କଥାକୁ ବିଚାରକୁ ନେଲେ ପଞ୍ଜାବ କିଙ୍ଗ୍ସ ଆଜିର ମ୍ୟାଚରେ କଠିନ ପରୀକ୍ଷାର ସମ୍ମୁଖୀନ ହେବା ପୂରା ନିଶ୍ଚିତ ।

ଆରସିବିକୁ ହରାଇବାକୁ ହେଲେ ଏହି ଦଳକୁ ଅତ୍ୟନ୍ତ ଉଚ୍ଚକୋଟୀର କ୍ରିକେଟ୍ ଖେଳିବାକୁ ହେବ । ଅନ୍ୟପଟେ ଆରସିବି ପାଇଁ ମିଷ୍ଟର ଥ୍ରୀ ସିକ୍ସଷ୍ଟି ଏବି ଡି’ଭିଲିୟର୍ସ ଟ୍ରମ୍ପ କାର୍ଡ ସାବ୍ୟସ୍ତ ହେଉଛନ୍ତି । ମହମ୍ମଦ ସିରାଜ, ହର୍ଷଲ ପଟେଲଙ୍କ ବୋଲିଂକୁ ସାମ୍ନା କରିବା ଅଧିକାଂଶ ପ୍ରତିପକ୍ଷଙ୍କ ପାଇଁ ସହଜ ହେଉନି । ଏମାନଙ୍କ ଛଡ଼ା ଦେବଦତ୍ତ ପଡ଼ିକଲ ଓ ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ୍ ବହୁତ ଭଲ କ୍ରିକେଟ୍ ଖେଳୁଛନ୍ତି । ଅଧିନାୟକ ବିରାଟ କୋହଲି ଗତକିଛି ମ୍ୟାଚରେ ଆଶାଜନକ ପ୍ରଦର୍ଶନ କରି ନଥିବାରୁ ଶୁକ୍ରବାର ଏକ ବଡ଼ ପାଳି ଖେଳିବା ଆଶା କରାଯାଇପାରେ ।

କୋଭିଡ ପଜିଟିଭ୍ ପରେ ହୃଦଘାତରେ ବରିଷ୍ଠ ସାମ୍ବାଦିକ ରୋହିତ ସରଦାନାଙ୍କ ଦେହାନ୍ତ

ନୂଆଦିଲ୍ଲୀ: ଜଣାଶୁଣା ବରିଷ୍ଠ ଟିଭି ସାମ୍ବାଦିକ ରୋହିତ ସରଦାନାଙ୍କ ଦେହାନ୍ତ ହୋଇଛି । ରୋହିତଙ୍କ କରୋନା ରିପୋର୍ଟ ପଜିଟିଭ୍ ଆସିଥିଲା । ଆଜି ତାଙ୍କର ମୃତ୍ୟୁ ହୃଦଘାତରେ ହୋଇଛି । ୨୦୧୮ ମସିହାରେ ରୋହିତ ସରଦାନା ଗଣେଶ ବିଦ୍ୟାର୍ଥୀ ପୁରସ୍କାର ପାଇଥିଲେ ।

କୋଭିଡ୍ ସଂକ୍ରମିତ ରୋହିତ ସରଦାନା ଶେଷ ମୁହୂର୍ତ୍ତରେ ବି ଲୋକଙ୍କୁ ସାହାଯ୍ୟ କରୁଥିଲେ । ଗତକାଲି ସକାଳ ୮ଟା ୪୬ରେ ଶେଷ ଟ୍ୱିଟ୍ କରିଥିଲେ ସରଦାନା । କୋଭିଡ୍ ସଂକ୍ରମିତଙ୍କୁ ରେମଡେସିଭିର ଇଞ୍ଜେକ୍ସନ୍ ଆବଶ୍ୟକତା ନେଇ ସରଦାନା ଟ୍ୱିଟ୍ କରିଥିଲେ । ହେଲେ ଆଜି ହଠାତ୍ ତାଙ୍କର ମୃତ୍ୟୁକୁ କେହି ସହଜରେ ଗ୍ରହଣ କରିପାରୁ ନାହାଁନ୍ତି । ରୋହିତ ସରଦାନାଙ୍କ ମୃତ୍ୟୁକୁ ନେଇ ସାମ୍ବାଦିକଙ୍କ ମହଲରେ ଶୋକର ଛାୟା ଖେଳି ଯାଇଛି ।

୧୯୮ଟି ମେଡିକାଲ ବୁଲିବା ପରେ ବି ମିଳିଲାନି ବେଡ୍, ୬୫ ହଜାର ଟଙ୍କା ଦେଇ ଆମ୍ବୁଲାନ୍ସରେ ପଳାଇଲେ ସୁରଟ

ନାଗପୁର: ମହାରାଷ୍ଟ୍ର ପାଇଁ ମହାମାରୀ ଆଣିଛି ବଡ଼ ସଂକଟ । ସ୍ୱାସ୍ଥ୍ୟସେବାର ପ୍ରତିଟି ବିକଳ ଚିତ୍ର ଓଗାଳି ଦେଉଛି କରୋନା । ସବୁକିଛି ଠିକ୍ ଚାଲିଥିବା ସରକାର କହୁଥିଲେ ମଧ୍ୟ ସୋସିଆଲ୍ ମିଡିଆରେ ଭାଇରାଲ୍ ଦୃଶ୍ୟ ସବୁ ସତକୁ ପଦାକୁ ଆଣୁଛି । ନାଗପୁରରେ ଦମ୍ପତି କରୋନା ପଜିଟିଭ୍ ଚିହ୍ନଟ ପରେ ୧୯୮ଟି ହସ୍ପିଟାଲେ ବେଡ୍ ପାଇଁ ଘୁରି ବୁଲିଥିଲେ । କେଉଁଠି ବି ବେଡ୍ ମିଳିନଥିଲା । ଶେଷରେ ଦମ୍ପତି ୬୫ ହଜାର ଟଙ୍କା ଖର୍ଚ୍ଚ କରି ଆମ୍ବୁଲାନ୍ସରେ ସୁରଟ ପଳାଇଥିଲେ । ସେଠାରେ ଦିନର ଚିକିତ୍ସା ପରେ କରୋନାକୁ ମାତ୍ ଦେଇଛନ୍ତି ।

ଉତ୍ତରପ୍ରଦେଶର ମୂଳ ବାସିନ୍ଦା ବ୍ରୁଜେଶ କୁମାର ତ୍ରିପାଠୀ ଓ ଅନୁପମା ନାଗପୁରରେ ରୁହନ୍ତି । ଦୁଇ ସପ୍ତାହ ତଳେ ଉଭୟଙ୍କ ଦେହ ଖରାପ ହୋଇଥିଲା । ଏପ୍ରିଲ ୧୭ରେ ଉଭୟଙ୍କ କରୋନା ରିପୋର୍ଟ ପଜିଟିଭ୍ ଆସିଥିଲା । ଅନୁପମାଙ୍କ ଅକ୍ସିଜେନ୍ ସ୍ତର ଲଗାତାର ଖସିବାରେ ଲାଗିଥିଲା । ଫୁସପୁସର ୬୦ ପ୍ରତିଶତ କରୋନାରେ ସଂକ୍ରମିତ ହୋଇ ସାରିଥିଲା । ନାଗପୁରର କୌଣସି ହସ୍ପିଟାଲ ଦମ୍ପତିଙ୍କୁ ବେଡ୍ ଦେଇନଥିଲେ ।

ଦୁହେଁ ୧୯୮ଟି ହସ୍ପିଟାଲ ବୁଲିବା ପରେ କେଉଁଠି ବି ମିଳିନଥିଲା ଚିକିତ୍ସା । କିଛି ହସ୍ପିଟାଲ ଫାଇଲ୍ ଦେଖି ହିଁ ମନା କରି ଦେଇଥିଲେ । ସେମାନଙ୍କ ପାଖରେ ଅନ୍ୟ କୌଣସି ବିକଳ୍ପ ନଥିଲା । ଶେଷରେ ବ୍ରୁଜେଶ ସୁରଟରେ ରହୁଥିବା ତାଙ୍କ ଭିଣୋଇଙ୍କ ସହ କଥା ହୋଇ ଅକ୍ସିଜେନ୍ ଆମ୍ବୁଲାନ୍ସରେ ସୁରଟ ଯାଇଥିଲେ । ସେଠାରେ ଚିକିତ୍ସା ପରେ ଉଭୟ ଏବେ ସୁସ୍ଥ ଅଛନ୍ତି । ୧୩ ଘଣ୍ଟାରେ ୭୫୦ କିଲୋମିଟର ଯାତ୍ରା କରି ୧୮ ତାରିଖରେ ସେଠାରେ ପହଞ୍ଚିଥିଲେ ।

କରୋନା ସଂକ୍ରମଣ ପାଇଁ ମେ’ ୧୫ ଯାଏ ବନ୍ଦ ରହିବ ନନ୍ଦନକାନନ ପ୍ରାଣୀ ଉଦ୍ୟାନ

ଭୁବନେଶ୍ୱର: ରାଜ୍ୟ ସହ ରାଜଧାନୀରେ ବୃଦ୍ଧି ପାଉଛି କୋଭିଡ୍ ସଂକ୍ରମଣ ମାମଲା । ଏହାକୁ ଦେଖି ନନ୍ଦନକାନନ ପ୍ରାଣୀ ଉଦ୍ୟାନ ଏବଂ ରାଜ୍ୟ ବଟାନିକାଲ୍ ଗାର୍ଡେନ୍ ବନ୍ଦ ରଖିବାକୁ ନିଷ୍ପତ୍ତି ନେଇଛନ୍ତି କର୍ତ୍ତୃପକ୍ଷ । ମେ’ ୧ରୁ ମେ’ ୧୫ ତାରିଖ ଯାଏ ପର୍ଯ୍ୟଟକଙ୍କ ଲାଗି ନନ୍ଦନକାନନ ବନ୍ଦ ରହିବ ।

Nandankanan Zoological Park To Closed Till 15th May For Corona

ରାଜ୍ୟରେ ଏବେ ୬୧ ହଜାର ୬୯୮ ଜଣ ସକ୍ରିୟ ସଂକ୍ରମିତ ଥିବା ବେଳେ ମୋଟ ସଂକ୍ରମଣ ମାମଲା ୪ ଲକ୍ଷ ୪୪ ହଜାର ୧୯୪କୁ ବୃଦ୍ଧି ପାଇଛି । ସେହିଭଳି ରାଜଧାନୀରେ ବିଏମସି ଅଞ୍ଚଳରେ ୬ ହଜାର ୯୧୩ଟି ସକ୍ରିୟ ସଂକ୍ରମଣ ମାମଲା ରହିଛି । ମହାମାରୀର ଭୟାବହତାକୁ ଦେଖି କର୍ତ୍ତୃପକ୍ଷ ଏଭଳି ନିଷ୍ପତ୍ତି ନେଇଛନ୍ତି । ଗତବର୍ଷ ମଧ୍ୟ ନନ୍ଦନକାନନ କରୋନା ସଂକ୍ରମଣ ପାଇଁ ବନ୍ଦ ରହିଥିଲା ।

କରୋନା ରୋଗୀଙ୍କ ପାଇଁ ଭଲ ଖବର, ଘଣ୍ଟାଏରେ ମିଳିବ ବୀମା ଟଙ୍କା

ନୂଆଦିଲ୍ଲୀ: ଦେଶରେ କରୋନା ସଂକ୍ରମ ଭୟାବହ ହେଉଥିବା ବେଳେ ମେଡିକାଲରେ ବେଡ୍ ଓ ଅକ୍ସିଜେନ୍ ଅଭାବ ଲୋକଙ୍କ ନିଦ ହଜାଇ ଦେଇଛି । ଏହାରି ଭିତରେ IRDAI ବୀମା କମ୍ପାନୀଙ୍କୁ ଗୋଟିଏ ଘଣ୍ଟା ମଧ୍ୟରେ କୋଭିଡ୍ ସହ ଜଡ଼ିତ କୌଣସି ସ୍ୱାସ୍ଥ୍ୟ ବୀମା କ୍ଲେମକୁ କ୍ଲିଅର କରିବାକୁ ନିର୍ଦ୍ଦେଶ ଦେଇଛନ୍ତି ।

ଗୁରୁବାର ଦିଲ୍ଲୀ ହାଇକୋର୍ଟ ଏହି ମାମଲାର ଶୁଣାଣି କରି ଆଦେଶ ଦେବା ପରେ IRDAI ସବୁ ବୀମା କମ୍ପାନୀଙ୍କୁ ନିର୍ଦ୍ଦେଶ ଦେଇଛନ୍ତି । କ୍ୟାସଲେସ୍ କ୍ଲେମକୁ ତ୍ୱରିତ କରିବାକୁ କୁହାଯାଇଛି । ଏଥିପାଇଁ କୋଭିଡ୍ ଆକ୍ରାନ୍ତଙ୍କୁ ମେଡିକାଲରେ ଭର୍ତ୍ତି ହେବା ପରେ ସମସ୍ତ ଦସ୍ତାବିଜ୍ ଦେବାର ଘଣ୍ଟାଏ ମଧ୍ୟରେ କ୍ୟାସଲେସ୍ କ୍ଲେମ ଆପ୍ରୁଭ କରାଯିବ ।

ଏହାଦ୍ୱାରା କରୋନା ଆକ୍ରାନ୍ତ ଆଶ୍ୱସ୍ତି ପାଇବେ । ହସ୍ପିଟାଲରେ ବେଡ୍ ସମସ୍ୟାରୁ ମୁକ୍ତି ମିଳିବ । ଏହାଦ୍ୱାରା ଜଣେ ରୋଗୀ ସୁସ୍ଥ ହୋଇ ମେଡିକାଲରୁ ଡିସଚାର୍ଜ ହେବା ସହଜ ହେବ । ଏହା ପୂର୍ବରୁ କ୍ଲେମକୁ ୨ ଘଣ୍ଟା ମଧ୍ୟରେ ସାରିବାକୁ ନିର୍ଦ୍ଦେଶ ଦିଆଯାଇଥିଲା ।

କରୋନାରେ ଚାଲିଗଲେ ପୂର୍ବତନ ଆଟର୍ଣ୍ଣିଂ ଜେନେରାଲ୍ ସୋଲି ସୋରାବଜି

ନୂଆଦିଲ୍ଲୀ: ଦେଶରେ କରୋନା ମୃତ୍ୟୁସଂଖ୍ୟା ବଢ଼ି ଚାଲିଛି । ଭାରତର ପୂର୍ବତନ ଆଟର୍ଣ୍ଣିଂ ଜେନେରାଲ୍ ସୋଲି ସୋରାବଜୀଙ୍କ ଦେହାନ୍ତ କରୋନାରେ ହୋଇଛି । ବରିଷ୍ଠ ଓକିଲ, ପୂର୍ବ ଆଟର୍ଣ୍ଣିଂ ଜେନେରାଲ୍ ତଥା ପଦ୍ମ ବିଭୂଷଣ ସୋଲି ସୋରାବଜୀଙ୍କ ମୃତ୍ୟୁ ଆଜି ସକାଳେ ହୋଇଛି । ସେ ୧୯୮୯ରୁ ୯୦ ଏବଂ ପୁଣି ୧୯୯୮ରୁ ୨୦୦୪ ଯାଏ ଦେଶର ଆଟର୍ଣ୍ଣିଂ ଜେନେରାଲ୍ ଥିଲେ ।

୧୯୩୦ ମସିହାରେ ସୋଲି ସୋରାବଜୀ ବମ୍ବେରେ ଜନ୍ମ ଗ୍ରହଣ କରିଥିଲେ । ୧୯୫୩ରେ ବମ୍ବେ ହାଇକୋର୍ଟରେ ପ୍ରାକ୍ଟିସ୍ ଆରମ୍ଭ କରିଥିଲେ । ୧୯୭୧ ମସିହାରେ ସେ ସୁପ୍ରିମକୋର୍ଟର ସିନିୟର କାଉନିସିଲ୍ ହୋଇଥିଲେ । ଦୁଇଥର ଦେଶର ଆଟର୍ଣ୍ଣିଂ ଜେନେରାଲ୍ ଭାବେ କାର୍ଯ୍ୟ କରିଥିଲେ ।

ଦେଶର ଜଣେ ବଡ଼ ମାନବାଧିକାର କର୍ମୀ ଭାବେ ସୋଲି ସୋରାବଜୀ ଜଣାଶୁଣା । ୧୯୯୭ ମସିହାରେ ସୋଲି ସୋରାବଜୀଙ୍କୁ ନାଇଜେରିଆ ବିଶେଷ ଦୂତଭାବେ ଜାତିସଂଘକୁ ପଠାଇଥିଲା । ପରେ ୧୯୯୮ରୁ ୨୦୦୪ ଯାଏ ମାନବ ଅଧିକାର ସମ୍ବନ୍ଧରେ ଓ ସଂରକ୍ଷଣ ଉପରେ ଜାତିସଂଘର ସବ୍-କମିଶନର ସଦସ୍ୟ ଓ ଅଧ୍ୟକ୍ଷ ଥିଲେ ।

 

 

ସୋଲି ସୋରବଜୀଙ୍କ ଦେହାନ୍ତରେ ରାଷ୍ଟ୍ରପତି, ପ୍ରଧାନମନ୍ତ୍ରୀ ପ୍ରମୁଖ ଶୋକବ୍ୟକ୍ତ କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକବ୍ୟକ୍ତ କରିବା ସହ ତାଙ୍କ ପରିବର ଓ ବନ୍ଧୁବର୍ଗଙ୍କୁ ସମବେଦନା ଜଣାଇଛନ୍ତି ।

ଜମି ବିବାଦକୁ ନେଇ ଗଣ୍ଡଗୋଳ, ଡ୍ରେନରେ ବୁଡ଼ାଇ ହତ୍ୟା ଉଦ୍ୟମ

ଭୁବନେଶ୍ୱର: ରାଜଧାନୀ ଭୁବନେଶ୍ବର ଉପକଣ୍ଠ ଦାରୁଠେଙ୍ଗରେ ଅଭାବନୀୟ ଘଟଣା । ଜମି ବିବାଦକୁ ନେଇ ଡ୍ରେନ ପାଣିରେ ବୁଡ଼ାଇ ହତ୍ୟା ଉଦ୍ୟମ କରାଯାଇଛି । ଚନ୍ଦକା ଦାରୁଠେଙ୍ଗ ଗାଁରେ ଏଭଳି ଘଟିଛି ଘଟଣା । ସୋସିଆଲ ମିଡିଆରେ ଉକ୍ତ ଭିଡିଓ ଭାଇରାଲ ହୋଇଛି । ସୂଚନା ଅନୁସାରେ, ଚନ୍ଦକା ଥାନା ଦାରୁଠେଙ୍ଗ ଗାଁର ବୁଲୁ ବେହେରା ଓ ରବୀନ୍ଦ୍ର ବେହେରାଙ୍କ ପରିବାର ମଧ୍ୟରେ ଜମିଜମାକୁ ନେଇ ବିବାଦ ଲାଗି ରହିଛି । ଉକ୍ତ ଘଟଣାକୁ ନେଇ ଦୁଇ ପରିବାର ମଧ୍ୟରେ ଅନେକ ଥର ଗଣ୍ଡଗୋଳ ମଧ୍ୟ ହୋଇଛି ।

Man Attempt To Murder For Land In Bhubaneswar

ତେବେ ପକ୍ଷାଘାତରେ ଆକ୍ରାନ୍ତ ରବୀନ୍ଦ୍ର ବେହେରା ସବୁଦିନ ପରି ଗତକାଲି ଚାଲିବାକୁ ଯାଇଥିଲେ । ଏହି ସମୟରେ ବୁଲୁଙ୍କ ସହ ତାଙ୍କର କୌଣସି କାରଣକୁ ନେଇ ପାଟିତୁଣ୍ଡ ହୋଇଥିଲା । ବୁଲୁ ତାଙ୍କୁ ମାରିବାକୁ ଯିବାରୁ ସେ ତାଙ୍କ ହାତକୁ କାମୁଡ଼ି ଦେଇଥିଲେ । ଏଥିରେ ଉତକ୍ଷିପ୍ତ ହୋଇ ବୁଲୁ ରବୀନ୍ଦ୍ରଙ୍କୁ ମାଡ଼ ମାରିବା ସହ ନିକଟରେ ଥିବା ଡ୍ରେନରେ ବୁଡ଼ାଇ ହତ୍ୟା ଉଦ୍ୟମ କରିଥିଲେ । ଯେତେ ଚିତ୍କାର କଲେ ମଧ୍ୟ ବୁଲୁ ଛାଡ଼ି ନଥିଲେ ।

ଲୋକେ ଦୌଡ଼ି ଆସିବାରୁ ରବୀନ୍ଦ୍ର ଅଳ୍ପକେ ବର୍ତ୍ତି ଯାଇଥିଲେ । ଏନେଇ ଉଭୟଙ୍କ ପକ୍ଷରୁ ଥାନାରେ ଅଭିଯୋଗ କରାଯାଇଥିଲା । ପୋଲିସ ଘଟଣାକୁ ହାଲକା ଭାବେ ନେଇ ଉଭୟଙ୍କୁ ବୁଝାସୁଝା କରି ଛାଡ଼ି ଦେଇଥିଲା । ଏଭଳି ହୃଦୟ ବିଦାରକ ଭିଡିଓ ଭାଇରାଲ୍ ହେବା ପରେ ଘଟଣାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ପରେ ପୋଲିସ ପୁଣି ଉଭୟଙ୍କୁ ଡାକି ଥାନାରେ ଅଟକ ରଖି ପଚରାଉଚରା କରୁଥବା ଜଣାପଡ଼ିଛି ।

ଭୟଙ୍କର ହେଉଛି ମହାମାରୀ, ୨୪ ଘଣ୍ଟାରେ ଦେଶରେ ୩୪୯୮ ଜଣ ମୃତ

ନୂଆଦିଲ୍ଲୀ: ଦେଶରେ ଥମୁନି କରୋନା ଦ୍ବିତୀୟ ଲହର ଆତଙ୍କ । ଗତ ୨୪ ଘଣ୍ଟାରେ ଦେଶରେ ଚିହ୍ନଟ ହୋଇଛନ୍ତି ଆଉ ୩ ଲକ୍ଷ ୮୬ ହଜାର ୪୫୨ ଜଣ କରୋନା ଆକ୍ରାନ୍ତ । ସେହିପରି କରୋନାରେ ଆଉ ୩ ହଜାର ୪୯୮ ଜଣଙ୍କ ଜୀବନ ଯାଇଛି । କରୋନାରୁ ସୁସ୍ଥ ହୋଇଛନ୍ତି ଆଉ ୨ ଲକ୍ଷ ୯୭ ହଜାର ୫୪୦ ସଂକ୍ରମିତ । ଏଥିସହ ମୋଟ ଆକ୍ରାନ୍ତଙ୍କ ସଂଖ୍ୟା ୧ କୋଟି ୮୭ ଲକ୍ଷ ୬୨ ହଜାର ୯୭୬ରେ ପହଞ୍ଚିଛି ।

ଏଯାବତ୍ ୧ କୋଟି ୫୩ ଲକ୍ଷ ୮୪ ହଜାର ୪୧୮ ଆକ୍ରାନ୍ତ ସୁସ୍ଥ ହୋଇଛନ୍ତି । ସେହିପରି ମୋଟ ମୃତ୍ୟୁସଂଖ୍ୟା ୨ ଲକ୍ଷ ୮ ହଜାର ୩୩୦କୁ ବୃଦ୍ଧି ପାଇଛି । ଦେଶରେ ଏବେ ୩୧ ଲକ୍ଷ ୭୦ ହଜାର ୨୨୮ ସକ୍ରିୟ ମାମଲା ରହିଛି । ଦେଶରେ ଟିକାକରଣ ଜାରିଥିବା ବେଳେ ଏବେ ସୁଦ୍ଧା ମୋଟ ୧୫ କୋଟି ୨୨ ଲକ୍ଷ ୪୫ ହଜାର ୧୭୯ ଜଣଙ୍କୁ ଦିଆଯାଇଛି ଟିକା ।