୧୯୮ଟି ମେଡିକାଲ ବୁଲିବା ପରେ ବି ମିଳିଲାନି ବେଡ୍, ୬୫ ହଜାର ଟଙ୍କା ଦେଇ ଆମ୍ବୁଲାନ୍ସରେ ପଳାଇଲେ ସୁରଟ

1 min read
198 Hospitals In Nagpur Were Not Admitted To Positive Couple Reached Surat By Ambulance

ନାଗପୁର: ମହାରାଷ୍ଟ୍ର ପାଇଁ ମହାମାରୀ ଆଣିଛି ବଡ଼ ସଂକଟ । ସ୍ୱାସ୍ଥ୍ୟସେବାର ପ୍ରତିଟି ବିକଳ ଚିତ୍ର ଓଗାଳି ଦେଉଛି କରୋନା । ସବୁକିଛି ଠିକ୍ ଚାଲିଥିବା ସରକାର କହୁଥିଲେ ମଧ୍ୟ ସୋସିଆଲ୍ ମିଡିଆରେ ଭାଇରାଲ୍ ଦୃଶ୍ୟ ସବୁ ସତକୁ ପଦାକୁ ଆଣୁଛି । ନାଗପୁରରେ ଦମ୍ପତି କରୋନା ପଜିଟିଭ୍ ଚିହ୍ନଟ ପରେ ୧୯୮ଟି ହସ୍ପିଟାଲେ ବେଡ୍ ପାଇଁ ଘୁରି ବୁଲିଥିଲେ । କେଉଁଠି ବି ବେଡ୍ ମିଳିନଥିଲା । ଶେଷରେ ଦମ୍ପତି ୬୫ ହଜାର ଟଙ୍କା ଖର୍ଚ୍ଚ କରି ଆମ୍ବୁଲାନ୍ସରେ ସୁରଟ ପଳାଇଥିଲେ । ସେଠାରେ ଦିନର ଚିକିତ୍ସା ପରେ କରୋନାକୁ ମାତ୍ ଦେଇଛନ୍ତି ।

ଉତ୍ତରପ୍ରଦେଶର ମୂଳ ବାସିନ୍ଦା ବ୍ରୁଜେଶ କୁମାର ତ୍ରିପାଠୀ ଓ ଅନୁପମା ନାଗପୁରରେ ରୁହନ୍ତି । ଦୁଇ ସପ୍ତାହ ତଳେ ଉଭୟଙ୍କ ଦେହ ଖରାପ ହୋଇଥିଲା । ଏପ୍ରିଲ ୧୭ରେ ଉଭୟଙ୍କ କରୋନା ରିପୋର୍ଟ ପଜିଟିଭ୍ ଆସିଥିଲା । ଅନୁପମାଙ୍କ ଅକ୍ସିଜେନ୍ ସ୍ତର ଲଗାତାର ଖସିବାରେ ଲାଗିଥିଲା । ଫୁସପୁସର ୬୦ ପ୍ରତିଶତ କରୋନାରେ ସଂକ୍ରମିତ ହୋଇ ସାରିଥିଲା । ନାଗପୁରର କୌଣସି ହସ୍ପିଟାଲ ଦମ୍ପତିଙ୍କୁ ବେଡ୍ ଦେଇନଥିଲେ ।

ଦୁହେଁ ୧୯୮ଟି ହସ୍ପିଟାଲ ବୁଲିବା ପରେ କେଉଁଠି ବି ମିଳିନଥିଲା ଚିକିତ୍ସା । କିଛି ହସ୍ପିଟାଲ ଫାଇଲ୍ ଦେଖି ହିଁ ମନା କରି ଦେଇଥିଲେ । ସେମାନଙ୍କ ପାଖରେ ଅନ୍ୟ କୌଣସି ବିକଳ୍ପ ନଥିଲା । ଶେଷରେ ବ୍ରୁଜେଶ ସୁରଟରେ ରହୁଥିବା ତାଙ୍କ ଭିଣୋଇଙ୍କ ସହ କଥା ହୋଇ ଅକ୍ସିଜେନ୍ ଆମ୍ବୁଲାନ୍ସରେ ସୁରଟ ଯାଇଥିଲେ । ସେଠାରେ ଚିକିତ୍ସା ପରେ ଉଭୟ ଏବେ ସୁସ୍ଥ ଅଛନ୍ତି । ୧୩ ଘଣ୍ଟାରେ ୭୫୦ କିଲୋମିଟର ଯାତ୍ରା କରି ୧୮ ତାରିଖରେ ସେଠାରେ ପହଞ୍ଚିଥିଲେ ।

Opn Commnet Area

Leave a Reply

Your email address will not be published. Required fields are marked *

Close Bitnami banner