spot_img
Home Blog Page 5834

କରୋନା କାଳରେ ଆଶ୍ୱସ୍ତି: ଜମିଜମା ମୂଲ୍ୟାୟନ ରହିଲା ଅପରିବର୍ତ୍ତିତ

ଭୁବନେଶ୍ୱର: ରାଜ୍ୟରେ ଜମିଜମା ତଥା ସ୍ଥାବର ସମ୍ପତ୍ତି ମୂଳ୍ୟାୟନକୁ ଅପରିବର୍ତ୍ତିତ ରଖାଯାଇଛି। ଅର୍ଥାତ୍ ୨୦୨୧-୨୨ ଆର୍ଥିକ ବର୍ଷରେ ଯେଉଁ ଜମିବାଡ଼ି ବା ସ୍ଥାବର ସମ୍ପତ୍ତିର ବିକ୍ରି ବା ଦଲିଲ ହେବ ସେଥି ନେଇ ନୂଆ ଟିକସ ବସିବ ନାହିଁ। ପୁରୁଣା ବର୍ଷର ନିର୍ଦ୍ଧାରିତ ମୂଲ୍ୟ ଅନୁସାରେ ଜମିବାଡ଼ି ପଞ୍ଜିକରଣ ହେବ। ମୁଖ୍ୟମନ୍ତ୍ରୀଙ୍କ ଆଦେଶକ୍ରମେ ରାଜ୍ୟ ପଞ୍ଜିକରଣ ମହାନୀରିକ୍ଷକ ଏହା ସ୍ପଷ୍ଟ କରିଛନ୍ତି।

ରାଜସ୍ୱ ପାର୍ଷଦଙ୍କ ପକ୍ଷରୁ ପ୍ରକାଶିତ ଏକ ଚିଠିରେ କୁହାଯାଇଛି ଯେ, ଯେଉଁଭଳି ଭାବେ କୋଭିଡ୍ ସଂକ୍ରମଣ ଦେଖାଦେଇଛି ସେଥିରୁ ଲୋକଙ୍କୁ ସାମୟିକ ଆଶ୍ୱସ୍ତି ଦେବା ଲାଗି ସରକାର ଏପରି ଏକ ବର୍ଷିଆ ମୋରାଟୋରିୟମ୍ ଘୋଷଣା କରିଛନ୍ତି। ଏହି ଚିଠିରେ ପଞ୍ଜିକରଣ ମହାନିରୀକ୍ଷକ ଅଞ୍ଜନକୁମାର ମାନିକ୍ କହିଛନ୍ତି, କୋଭିଡ୍ର ଦ୍ୱିତୀୟ ପ୍ରବାହକୁ ପ୍ରଶମିତ କରିବା ପାଇଁ ରାଜ୍ୟ ସରକାର ଅନେକ ପ୍ରତିଶେଧକମୂଳକ ପଦକ୍ଷେପ ନେଇଛନ୍ତି।

ବିଭିନ୍ନ ସ୍ଥାନରେ ଅଯଥା ଗହଳିକୁ ରୋକିବା ଲାଗି ଲୋକଙ୍କୁ ବାରଣ କରାଯାଉଛି। ଏ କ୍ଷେତ୍ରରେ ଲୋକଙ୍କୁ ଜମିବାଡ଼ି ପଞ୍ଜିକରଣ ମୂଲ୍ୟ ବଢ଼ିବଯିବ ବୋଲି ଆଶଙ୍କାଗ୍ରସ୍ତ ହେବା ଅନୁଚିତ। ଲୋକଙ୍କୁ ଆଶ୍ୱସ୍ତି ଦେବା ଲାଗି ସରକାର ଏହି ପଦକ୍ଷେପ ନେଇଛନ୍ତି ବୋଲି ଶ୍ରୀ ମାନିକ୍ ଜଣାଇଛନ୍ତି।

ରାମାୟଣର ରାବଣ ମରିନାହାଁନ୍ତି, ମୁତ୍ୟୁ ଖବର ହେଉଛି ଏକ ଗୁଜବ

ନୂଆଦିଲ୍ଲୀ: ରାବଣ ମରିନାହାଁନ୍ତି, ସେ ବଞ୍ଚିଛନ୍ତି। କିଛି ଦିନ ହେବ ସୋସିଆଲ ମିଡିଆରେ ଭାଇରାଲ ହେଉଛି ଯେ ରାମାୟଣ ଭୂମିକାରେ ଅଭିନୟ କରିଥିବା ଅରବିନ୍ଦ ତ୍ରୀବେଦିଙ୍କ ମୃତ୍ୟୁ ହୋଇଛି। ଯାହା ସୋସିଆଲ ମିଡିଆରେ ଏବେ ବହୁ ପରିମାଣରେ ଭାଇରାଲ ହେବାକୁ ଲାଗୁଛି। ଯେଉଁଥି ପାଇଁ ରାବଣଙ୍କୁ ପସନ୍ଦ କରୁଥିବା ଦର୍ଶକ ଏଥିପାଇଁ ବହୁତ ଦୁଖ ଅନୁଭବ କରୁଛନ୍ତି।

ତେବେ ଆମେ ଆପଣଙ୍କୁ କହିଦେବାକୁ ଚାହୁଁଛୁଯେ ଏହା ହେଉଛି ଏକ ଗୁଜବ। ଯେଉଁଥି ପାଇଁ ରାମାୟଣରେ ରାବଣ ଭୂମିକାରେ ଅଭିନୟ କରିଥିବା ତାଙ୍କ ପୂର୍ବତନ ସହ-ଅଭିନେତା ଲକ୍ଷ୍ମଣ, ସୁନୀଲ ଲାହରୀ ଏହାକୁ ଖଣ୍ଡନ କରିଛନ୍ତି। ଦେଶରେ ଏବେ କରୋନା ସଂକ୍ରମଣ ନେଇ ସମସ୍ତେ ଭୟରେ ବଞ୍ଚୁଛନ୍ତି। ତେବେ ଏପରି ଚାପଗ୍ରସ୍ତ ସମୟରେ ମିଥ୍ୟା ଖବର ପ୍ରଚାର ନକରିବାକୁ ସେ ସମସ୍ତଙ୍କୁ ଅନୁରୋଧ କରିଛନ୍ତି।

ଅରବିନ୍ଦଙ୍କ ଫଟୋ ସେୟାର କରି ସୁନୀଲ ଲେଖିଛନ୍ତି, ” ଆଜିକାଲି କରୋନା ପାଇଁ ପ୍ରତି ଦିନ ଖରାପ ଖବର ଶୁଣିବାକୁ ମିଳୁଛି, ଆଉ ଉପରୁ ଅରବିନ୍ଦ ତ୍ରିବେଦୀ ଜିଙ୍କ ମୃତ୍ୟୁ ଗୁଜବ, ଯେଉଁମାନେ ଏଭଳି ମିଛ ଖବର ପ୍ରକାଶ କରୁଛ ଦୟାକରି ବନ୍ଦ କର ବୋଲି ସେ କହିଛନ୍ତି । ଭଗବାନଙ୍କ ଦୟାରୁ ଅରବିନ୍ଦ ଜି ଭଲ ଅଛନ୍ତି । ମୁଁ ତାଙ୍କ ସୁସ୍ଥ ଜୀବନ ପାଇଁ ପ୍ରାର୍ଥନା କରୁଛି ବୋଲି ସୁନୀଲ କହିଛନ୍ତି”।

ଏହା ପ୍ରଥମ ଘଟଣା ନୁହେଁ ଏହା ପୂର୍ବରୁ ଅନେକ ଥର ମୃତ୍ୟୁ ଖବରର ଏଭଳି ଶିକାର ହୋଇଛନ୍ତି। ଗତ ବର୍ଷ ମେ ମାସରେ ମଧ୍ୟ ସମାନ ଖବର ବ୍ୟାପିବାରେ ଲାଗିଲା, ଯାହା ଅରବିନ୍ଦ ତାଙ୍କ ଭଣଜାକୁ ତାଙ୍କ ଟ୍ୱିଟର ଆକାଉଣ୍ଟକୁ ନେଇ ଏହା ଅସତ୍ୟ ବୋଲି ସ୍ପଷ୍ଟ କରିବାକୁ କହିଥିଲେ।

ମେ’ ପରେ ଭାରତରେ ତାଣ୍ଡବ ରଚିବ କରୋନା, ବୈଜ୍ଞାନିକଙ୍କ ଚେତାବନୀ

ନୂଆଦିଲ୍ଲୀ: ଏପ୍ରିଲ୍ ମାସରେ କରୋନା ଯୋଗୁଁ ଭାରତରେ ରେକର୍ଡ ସଂଖ୍ୟକ ମୃତ୍ୟୁ ମାମଲା ସମସ୍ତଙ୍କୁ ଚକିତ କରିଛି। ଅନେକ ଅଧ୍ୟୟନରୁ ଜଣା ପଡିଛି, ମେ ମାସ ୧୫ ତାରିଖ ପରେ କରୋନା ପିକରେ ରହିବ । ଯାହା ଭାରତ ପାଇଁ ଖୁବ କଷ୍ଟଦାୟକ ସମୟ ହେବ । ହଙ୍ଗକଙ୍ଗର ଏକ ବ୍ରୋକରେଜ କମ୍ପାନୀ CLSAର ଅଧ୍ୟୟନ ଅନୁସାରେ ଭାରତରେ କରୋନାର ପିକ୍ ଜୁନ୍ ମାସ ଯାଏଁ ରହିବ ।


ବିଶ୍ୱର ଅନେକ ଦେଶ କରୋନାର ଦ୍ୱିତୀୟ ପ୍ରବାହକୁ ସାମ୍ନା କରୁଛି । ଅଧ୍ୟୟନ ଅନୁସାରେ, ଭାରତ ପାଇଁ କରାଯାଇଥିବା ଏହି ଆକଳନ ନିଶ୍ଚିତ ଭାବରେ ଚିନ୍ତାଜନକ । ଯଦି କରୋନା ମାମଲା ଏବଂ ଏଥିରୁ ହେଉଥିବା ମୃତ୍ୟୁ ଜୁନ୍ ମାସ ପର୍ଯ୍ୟନ୍ତ ଲାଗିରହିବ, ତେବେ ପରିସ୍ଥିତି ଭୟାବହ ହୋଇପାରେ ।
ଏହାପୂର୍ବରୁ ଆମେରିକାର ମିଶିଗନ ୟୁନିଭରସିଟିର ମହାମାରୀ ବିଷେଶଜ୍ଞ ଭ୍ରାମର ମୁଖାର୍ଜୀ ମଧ୍ୟ ଭାରତରେ ବଢୁଥିବା କରୋନା ମାମଲା ନେଇ ଟ୍ୱିଟ କରିଛନ୍ତି । ଦେଶରେ କରୋନା ସ୍ଥିତିକୁ ନଜରରେ ରଖି ସେ ଚେତାବନୀ ଦେଇଛନ୍ତି, ମେ ମାସ ମଧ୍ୟଭାଗରେ ପ୍ରତିଦିନ ୮ ରୁ ୧୦ ଲକ୍ଷ ନୂଆ ମାମଲା ସାମ୍ନାକୁ ଆସିପାରେ । ଏବଂ ମେ ୨୩ ତାରିଖ ବେଳକୁ ପାଖାପାଖି ୪୫୦୦ ଲୋକ ପ୍ରତିଦିନ କରୋନା ଯୋଗୁଁ ଜୀବନ ହରାଇ ପାରନ୍ତି।


କେବଳ ଏତିକି ନୁହେଁ, ଆଇଆଇଟି ବୈଜ୍ଞାନିକଙ୍କର ଗୋଟେ ଟିମ୍ ମଧ୍ୟ ଏକ ଅଧ୍ୟୟନ ଜାରି କରିଛନ୍ତି । ଏହି ଅଧ୍ୟୟନରେ ବୈଜ୍ଞାନିକମାନେ ବଢୁଥିବା ମାମଲା ନେଇ ତଥ୍ୟ ପ୍ରକାଶ କରିଛନ୍ତି । ବୈଜ୍ଞାନିକଙ୍କ କହିବା ଅନୁସାରେ ମେ ମାସ ମଧ୍ୟଭାଗରେ କରୋନା ମାମଲା ୧୦ ଲକ୍ଷ ପର୍ଯ୍ୟନ୍ତ ଆସିପାରେ । କରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବଢୁଥିବାବେଳେ ଦେଶରେ ୧୮ ବର୍ଷରୁ ଅଧିକ ବୟସ୍କକଙ୍କୁ ମଧ୍ୟ ଟିକା ଦେବା କାମ ଆରମ୍ଭ ହୋଇସାରିଛି । ଅଧିକରୁ ଅଧିକ ଲୋକଙ୍କୁ ଏହି ଟିକା ଦିଆଯାଇ, ଶୀଘ୍ର ଏହି ମହାମାରୀକୁ ନିୟନ୍ତ୍ରଣ କରାଯିବ ବୋଲି ଆଶା କରାଯାଉଛି।

ତୃତୀୟ ଥର ଲାଗି ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମମତା ବାନାର୍ଜୀ

ପଶ୍ଚିମବଙ୍ଗ: ଆଜିଠୁ ପଶ୍ଚିମବଙ୍ଗରେ ପୁଣି ମମତା ବାନାର୍ଜୀଙ୍କ ରାଜ୍। ନିର୍ବାଚନରେ ତୃଣମୂଳ କଂଗ୍ରେସର ବିପୁଳ ବିଜୟ ପରେ ଲଗାତାର ତୃତୀୟ ଥର ଲାଗି ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଟିଏମସି ସୁପ୍ରିମୋ ମମତା ବାନାର୍ଜୀ। ରାଜଭବନରେ ମମତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ରାଜ୍ୟପାଳ ଜଗଦୀପ୍ ଧନକଡ।

କୋଭିଡ୍ କଟକଣା ମଧ୍ୟରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଅବସରରେ ଟିଏମସିର ନିର୍ବାଚନ ରଣନୀତିକାର ପ୍ରଶାନ୍ତ କିଶୋରଙ୍କ ସମେତ ଟିଏମ୍‌ସିର ଅନେକ ବିଧାୟକ ଉପସ୍ଥିତ ଥିଲେ। ମମତାଙ୍କ ସହ କୌଣସି ମନ୍ତ୍ରୀ ଶପଥ ନେଇନାହାନ୍ତି। ତେବେ ଏଥର ନିର୍ବାଚନରେ ମମତା ପରାଜିତ ହୋଇଥିବାରୁ ୬ ମାସ ମଧ୍ୟରେ ଆଉ ଥରେ ତାଙ୍କୁ ନିର୍ବାଚନ ଜିତିବାକୁ ପଡ଼ିବ।

 

ସୁପ୍ରିମକୋର୍ଟଙ୍କ ବଡ଼ ନିଷ୍ପତ୍ତି; ଶିକ୍ଷା ଏବଂ ଚାକିରି କ୍ଷେତ୍ରରେ ମରାଠା ସଂରକ୍ଷଣ ଅସାମ୍ବିଧାନିକ

ନୂଆଦିଲ୍ଲୀ: ମରାଠା ସବୁଦାୟକୁ ସଂରକ୍ଷଣ ପ୍ରସଙ୍ଗରେ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ ଆସିଛି । ମରାଠା ସଂରକ୍ଷଣ ନେଇ ବୁଧବାର ଦିନ ସୁପ୍ରିମକୋର୍ଟ ଏକ ବଡ଼ ନିଷ୍ପତ୍ତି ନେଇ ଘୋଷଣା କରିଛନ୍ତି । ଚାକିରି ଓ କଲେଜରେ ନାମ ଲେଖା କ୍ଷେତ୍ରରେ ମରାଠା ସମୁଦାୟ ସଂରକ୍ଷଣକୁ ଅସମ୍ବିଧାନିକ ବୋଲି କହିଛନ୍ତି ସର୍ବୋଚ୍ଚ ନ୍ୟାୟାଳୟ। କୋର୍ଟ ନିଷ୍ପତ୍ତି ଅନୁସାରେ, ବର୍ତ୍ତମାନ ମରାଠା ସଂରକ୍ଷଣ ଆଧାରରେ କୈାଣସି ନୂତନ ବ୍ୟକ୍ତିଙ୍କୁ କଲେଜରେ ଚାକିରି କିମ୍ବା ସିଟ୍ ଦିଆଯିବ ନାହିଁ।

ସୁପ୍ରିମକୋର୍ଟ ଅନୁସାରେ , କୋଟା ପାଇଁ ମରାଠା ସମ୍ପ୍ରଦାୟକୁ ସାମାଜିକ, ଶିକ୍ଷାଗତ ପଛୁଆ ଘୋଷଣା କରାଯାଇପାରିବ ନାହିଁ । ଏହା ୨୦୧୮ ମହାରାଷ୍ଟ୍ର ରାଜ୍ୟ ଆଇନ୍ ସମାନତା ଅଧିକାରର ଉଲ୍ଲଂଘନ ବୋଲି କୋର୍ଟ କହିଛନ୍ତି । ସୂଚନାଯୋଗ୍ୟ ଯେ, ୧୯୯୨ ନିଷ୍ପତ୍ତିକୁ ନେଇ ପୁଣି ସମୀକ୍ଷା କରାଯିବ ନାହିଁ । ଯେଉଁଥିରେ ସଂରକ୍ଷଣ କୋଟା ୫୦ ପ୍ରତିଶତରେ ବନ୍ଦ ହୋଇଯାଇଥିଲା।

ସୁପ୍ରିମକୋର୍ଟର ଏକ ପାଞ୍ଚ ଜଣିଆ ଖଣ୍ଡପୀଠ ଏହି ରାୟ ଦେଇଛନ୍ତି। ସୁପ୍ରିମକୋର୍ଟ କହିଛନ୍ତି ଯେ, ମରାଠା ସଂରକ୍ଷଣ ୫୦ ପ୍ରତିଶତ ସୀମା ଉଲ୍ଲଂଘନ ଅଟେ। କୋର୍ଟର ଏହି ନିଷ୍ପତ୍ତି ଯୋଗୁଁ, ପିଜି ମେଡିକାଲ ପାଠ୍ୟକ୍ରମରେ ପ୍ରଥମେ କରାଯାଇଥିବା ଆଡମିଶନ ରହିବ, ପୂର୍ବର ହୋଇଥିବା କୌଣସି ନିଯୁକ୍ତିରେ ମଧ୍ୟ ପରିବର୍ତ୍ତନ ହେବ ନାହିଁ। ଅର୍ଥାତ୍ କୋର୍ଟଙ୍କ ଏହି ରାୟ ଯୋଗୁ ପୂର୍ବରୁ ଚାକିରି ବା କଲେଜରେ ନାମ ଲେଖାଇଥିବା ପିଲାଙ୍କ ଉପରେ କୌଣସି ପ୍ରଭାବ ପଡ଼ିବ ନାହିଁ ।

ପାଞ୍ଚ ଜଣ ବିଚାରପତି ତିନୋଟି ଭିନ୍ନ ରାୟ ଦେଇଛନ୍ତି । କିନ୍ତୁ ସମସ୍ତେ ବିଶ୍ୱାସ କରିଛନ୍ତି ଯେ ମରାଠା ସମ୍ପ୍ରଦାୟକୁ ସଂରକ୍ଷଣ ଦିଆଯାଇପାରିବ ନାହିଁ, ସଂରକ୍ଷଣ ୫୦ ପ୍ରତିଶତରୁ ଅଧିକ ହୋଇପାରିବ ନାହିଁ ଓ ଏହା କେବଳ ପଛୁଆ ବର୍ଗଙ୍କୁ ଦିଆଯାଇପାରିବ । ମରାଠାମାନେ ଏହି ବର୍ଗରେ ନାହାଁନ୍ତି । ଜଷ୍ଟିସ୍ ଅଶୋକ ଭୂଷଣଙ୍କ ବ୍ୟତୀତ ସୁପ୍ରିମକୋର୍ଟର ଏହି ସମ୍ବିଧାନ ବେଞ୍ଚରେ ଜଷ୍ଟିସ୍ ଏଲ୍ ନାଗେଶ୍ୱରା ରାଓ, ଜଷ୍ଟିସ୍ ଏସ୍ ଅବଦୁଲ୍ ନାଜିର, ଜଷ୍ଟିସ୍ ହେମନ୍ତ ଗୁପ୍ତା ଏବଂ ଜଷ୍ଟିସ୍ ଏସ୍ ରବିନ୍ଦ୍ର ଭଟ୍ଟ ସାମିଲ ଅଛନ୍ତି। ଏହାପୂର୍ବରୁ ବମ୍ବେ ହାଇକୋର୍ଟ ମରାଠା ସଂରକ୍ଷଣକୁ ବାତିଲ କରିଦେଇଥିଲେ,  ଯାହା ପରେ ସରକାର ସୁପ୍ରିମକୋର୍ଟରେ ପହଞ୍ଚିଥିଲେ।

ଆଜିଠାରୁ ଆରମ୍ଭ ହେଲା ୧୪ ଦିନିଆ ଲକ୍‌ଡାଉନ୍‌, ସେପଟେ ବଢ଼ିଲା ଆଳୁ ପିଆଜର ଦର

କଟକ: ଆଜି ଠାରୁ ରାଜ୍ୟରେ ୧୪ ଦିନିଆ ଲକଡ଼ାଉନ  ଆରମ୍ଭ ହୋଇଛି। ସକାଳୁ ଦିନ ୧୨ ଟା ପର୍ଯ୍ୟନ୍ତ ସବୁ ଅତ୍ୟାବସ୍ୟକ ଦୋକାନ ଖୋଲା ରହିବ ବୋଲି ରାଜ୍ୟ ସରକାର ଘୋଷଣା କରିଛନ୍ତି। କିନ୍ତୁ ଲୋକେ ଲକ୍‌ଡାଉନରେ କାଳେ କିଛି ମିଳିବନି ବୋଲି ଭାବି ସବୁ ଖାଇବା ଜିନିଷକୁ ଅଧିକ ପରିମାଣରେ କିଣିବାରେ ଲାଗିଛନ୍ତି। ଯେଉଁଥିପାଇଁ ଆଳୁ ପିଆଜ ଦରରେ ଅହେତୁକ ବୃଦ୍ଧି ଘଟିଛି।

କଟକରେ ଆଳୁ ପିଆଜ ଦର ଅହେତୁକ ବୃଦ୍ଧି ଦେଖିବାକୁ ମିଳିଛି। କଟକ ଛତ୍ରବଜାର ରେ ଆଜି ଆଳୁ, ପିଆଜ ଦର ଏବେ ଆକାଶ ଛୁଆଁ। ଗତକାଲି ଠାରୁ ଆଜି ପିଆଜ ଦର ଏକ କୁଇଣ୍ଟାଲ ପ୍ରତି ୨୦୦ ବୃଦ୍ଧି ପାଇଥିବା ବେଳେ ଆଜି ଆହୁରି ୪୦୦ ଟଙ୍କା ଵୃଦ୍ଧି ଘଟି ୬୦୦ ଟଙ୍କାରେ ପହଞ୍ଚିଛି। ସେହିଭଳି ଆଳୁ କୁଇଣ୍ଟାଲ ପ୍ରତି ୪୦୦ ରୁ୪୫୦ ଟଙ୍କା ବୃଦ୍ଧି ଘଟିଛି।

ସେପଟେ ସିଧାସଳଖ ଏହାର ପ୍ରଭାବ ସାଧାରଣ ଖାଉଟିଙ୍କ ଉପରେ ପଡ଼ିଛି। ଦେଖିବାକୁ ଗଲେ ଜିଲ୍ଲା ପ୍ରଶାସନ ଏହା ଉପରେ କୌଣସି ନଜର ରଖୁନଥିବାରୁ। କଟକରେ ଆଳୁ ପିଆଜ କଳା ବଜାର ହେଉଥିବା ଅଭିଯୋଗ ହେଉଛି। କିନ୍ତୁ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଟୁଇଟ କରି କହିଛନ୍ତି ଯେ ୩୦ ଟି ଜିଲ୍ଲାରେ ଏବେ ସ୍କ୍ୱାଡ ଗଠନ କରାଯାଇଛି କଳା ବଜାରୀ କୁ ରୋକିବା ପାଇଁ।

କରୋନା ଯୁଦ୍ଧରେ ହାତ ବଢ଼ାଇଲା RBI, ସ୍ୱାସ୍ଥ୍ୟ ସେବା ପାଇଁ ଦେଲା ୫୦ ହଜାର କୋଟି ଟଙ୍କା

ନୂଆଦିଲ୍ଲୀ: କରୋନାର ଦ୍ୱିତୀୟ ପ୍ରବାହ ମଧ୍ୟରେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସଙ୍କ ସାମ୍ବାଦିକ ସମ୍ମିଳନୀ। କରୋନା ଦ୍ୱିତୀୟ ପ୍ରବାହରେ ଦେଶର ଅର୍ଥନୀତି କେମିତି ପ୍ରଭାବିତ ହୋଇଛି ତାକୁ ନେଇ କରିଛନ୍ତି ସାମ୍ବାଦିକ ସମ୍ମିଳନୀ। ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ କରୋନାର ଦ୍ୱିତୀୟ ପ୍ରବାହ ଅର୍ଥନୀତିକୁ ବହୁ ପରିମାଣରେ ପ୍ରଭାବିତ କରିଛି।

ଏହା ଉପରେ ଆରବିଆଇ ସବୁ ସମୟରେ ନଜର ରଖିଛି । ତେବେ ଦ୍ୱିତୀୟ ପ୍ରବାହ ବିରୁଦ୍ଧରେ ଏକ ବଡ଼ ପଦକ୍ଷେପ ନେବା ଆବଶ୍ୟକତା ରହିଛି। ଶକ୍ତିକାନ୍ତ ଦାସ ଆହୁରି ମଧ୍ୟ କହିଛନ୍ତି ଯେ, ପ୍ରଥମ କରୋନା ପ୍ରବାହ ପରେ ଦେଶରେ ଅର୍ଥନୀତିରେ ଧିରେ ଧିରେ ସୁଧାର ଆସିଥିଲା । କିନ୍ତୁ ଏବେ ଦ୍ୱିତୀୟ ପ୍ରବାହ ପୁଣି ଥରେ ସଙ୍କଟ ସୃଷ୍ଟି କରିଛି।

ଏବେ କେନ୍ଦ୍ର ସରକାର ଟିକାକରଣକୁ ଅଧିକ ତ୍ୱରାନ୍ୱିତ କରୁଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ବିଶ୍ୱ ଅର୍ଥବ୍ୟବସ୍ଥାରେ ପୁନରୁଦ୍ଧାରର ଲକ୍ଷଣ ଦେଖିବାକୁ ମଳୁଛି। ଯଦି ଭାରତକୁ ଦେଖିବା ତେବେ ଭାରତୀୟ ଅର୍ଥନୀତି ମଧ୍ୟ ଚାପରୁ ମୁକୁଳୁଥିବା ଜଣାପଡ଼ିଛି।

ଜରୁରୀକାଳୀନ ସ୍ୱାସ୍ଥ୍ୟ ସେବା ପାଇଁ ଆରବିଆଇ ୫୦ ହଜାର କୋଟି ଟଙ୍କା ଦେଇଛି। ଏହା ମାଧ୍ୟମରେ ବ୍ୟାଙ୍କଗୁଡ଼ିକ ଟିକା ନିର୍ମାତା, ଟିକା ପରିବହନ, ରପ୍ତାନିକାରୀମାନଙ୍କୁ ସହଜ କିସ୍ତିରେ ଲୋନ ପ୍ରଦାନ କରିବେ। ଏହା ବ୍ୟତୀତ ଡାକ୍ତରଖାନା, ସ୍ୱାସ୍ଥ୍ୟ ସେବା ପ୍ରଦାନକାରୀ ମଧ୍ୟ ଏହି ସୁବିଧା ପାଇବେ। ପ୍ରାଥମିକ କ୍ଷେତ୍ର ପାଇଁ ଶୀଘ୍ର ଲୋନ ଏବଂ ପ୍ରୋତ୍ସାହନ ଦିଆଯିବ ବୋଲି ଶକ୍ତିକାନ୍ତ ଦାସ କହିଛନ୍ତି।

 

ଦେଶରେ ଗତ ୨୪ ଘଣ୍ଟାରେ ୩ଲକ୍ଷ ୮୨ହଜାର ୩୧୫ ନୂଆ ସଂକ୍ରମିତ ଚିହ୍ନଟ, ୩୭୮୦ ରୋଗୀଙ୍କର ମୃତ୍ୟୁ

ନୂଆଦିଲ୍ଲୀ: କରୋନା ସଂକ୍ରମଣ ସାରା ଦେଶରେ ତାର କାୟା ବିସ୍ତାର କରିଛି । ପ୍ରତିଟି ମୁହୂର୍ତ୍ତରେ ଚାଲିଯାଉଛି ମୁ୍ଲ୍ୟବାନ ଜୀବନ। ଏପ୍ରିଲର କରୋନା ଏମିତି ରୂପ ବଦଳାଇବା କେହି କେବେ ବିଶ୍ୱାସ କରିନଥିଲେ। କାରଣ ମଶାଣି ଆଜି ଶବ ମାନଙ୍କର ଗହଳିରେ ରୁନ୍ଧି ହୋଇଛି ଆଉ ମଣିଷ ସଜଡ଼ା କାରଖାନା ବିଫଳ ହୋଇଛି। ଦେଶରେ ସ୍ୱାସ୍ଥ୍ୟ ବ୍ୟବସ୍ଥାର କେଉଁଭଳି ଭାବରେ ଭୁସୁଡ଼ି ପଡ଼େ ତାହା କରୋନା ଆମକୁ ଦେଖାଇଛି। କେଉଁଠି ଅକ୍ସିଜେନର ଅଭାବ ତ ପୁଣି କେଉଁଠି ଚିକିତ୍ସା ପାଇଁ ସଜ୍ୟା ନାହିଁ ।

ସାରା ଦେଶରେ ଜାରି ରହିଛି କରୋନା କହର। ଦେଶରେ କରୋନା ସଂକ୍ରମଣ କମିବାର ନାଁ ନେଉନି। ଦିନକରେ ୩ଲକ୍ଷ ଉପରେ ରହୁଛି ସଂକ୍ରମିତଙ୍କ ସଂଖ୍ୟା ୨୪ ଘଣ୍ଟାରେ ଦେଶରେ ୩ଲକ୍ଷ ୮୨ହଜାର ୩୧୫ ସଂକ୍ରମିତ ଚିହ୍ନଟ ହୋଇଥିବା ବେଲେ ୩ହଜାର ୭୮୦ଆକ୍ରାନ୍ତଙ୍କ ଜୀବନ ନେଇଛି କିଲର କରୋନା । ଦିନକରେ ୩ଲକ୍ଷ ୩୮ହଜାର ୪୩୯ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୨କୋଟି ୬ଲକ୍ଷ ୬୫ହଜାର ୧୪୮ ଥିବା ବେଳେ ମୋଟ୍ ସୁସ୍ଥ ସଂଖ୍ୟା କୋଟିଏ ୬୯ଲକ୍ଷ ୫୧ହଜାର ୭୩୧ ରହିଛି । ମୋଟ୍ ମୃତ୍ୟୁସଂଖ୍ୟା ୨ଲକ୍ଷ ୨୬ହଜାର ୧୮୮ ଥିବା ବେଲେ ଆକ୍ଟିଭ କେସ୍ ରହିଛି ୩୪ଲକ୍ଷ ୮୭ହଜାର ୨୨୯ ।

ଭାଇରସ ଭୟ ଏତେ ମାତ୍ରାରେ ରହିଛି ଯେ, ଦେଶର ପ୍ରାୟତଃ ରାଜ୍ୟରେ ଲକଡାଉନ୍, ନାଇଟ୍ କର୍ଫ୍ୟୁ ଓ ସପ୍ତାହାନ୍ତ ସଟଡାଉନ ଜାରି ରହିଛି । ଦ୍ୱିତୀୟ ଲହରରେ ଅଧିକ ପ୍ରଭାବିତ ହୋଇଥିବା ମହାରାଷ୍ଟ୍ର, ଦିଲ୍ଲୀ, ଛତିଶଗଡ, ମଧ୍ୟ ପ୍ରଦେଶ ଓ ଗୁଜରାଟରୁ ସଂକ୍ରମିତ ସଂଖ୍ୟା କମୁଥିବା ସରକାର କହୁଥିବାବେଳେ ଉତ୍ତର ପ୍ରଦେଶ, କର୍ଣ୍ଣାଟକ, କେରଳରେ କରୋନା ମାଡିଚାଲିଛି। ଅଧିକ ମାତ୍ରାରେ ସଂକ୍ରମିତ ଚିହ୍ନଟ ହେଉଥିବାରୁ ଅନେକ ହସ୍ପିଟାଲରେ ବେଡ୍ ଓ ଅକ୍ସିଜେନର ସଙ୍କଟ ଦେଖାଦେଇଛି। ଯାହାଫଳରେ ରୋଗୀଙ୍କ ଅକ୍ସିଜେନ୍ ଅଭାବରୁ ଜୀବନ ଯାଉଥିବା ଦେଖିବାକୁ ମିଳିଛି ।

ବିଶ୍ୱରେ ବିରଳ, ଏକାଥରେ ୯ ସନ୍ତାନଙ୍କୁ ଜନ୍ମ ଦେଲେ ୨୫ ବର୍ଷୀୟ ମହିଳା

ମୋରକ୍କୋ: ବିଶ୍ୱରେ ଏମିତି ଅନେକ ଜିନିଷ ଘଟେ ଯାହା ଅଧିକାଂଶ ସମୟରେ ସମସ୍ତଙ୍କୁ ସ୍ତବ୍ଧ କରିଦେଇଥାଏ । ମାଆ ଶବ୍ଦ ହିଁ ନିଆରା । ମାଆ ଶବ୍ଦରୁ ଦିନ ଆରମ୍ଭ ହୋଇଥାଏ । ମାଆ ତା ଶିଶୁ କୁ ୯ ମାସ ଗର୍ଭରେ ରଖି ଜନ୍ମ ଦେଇଥାଏ । ସୃଷ୍ଟି କେତେବେଳେ ଯେ କଣ କରେ ତାହା କେହି କହିପାରିବେ ନାହିଁ । ତେବେ ଆଜି ଏଭଳି ଏକ ଖବର ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଚମ୍ୱିତ କରିଦେଇଛି । ଜଣେ ମହିଳା ସାଧାରଣତଃ ଏକା ସାଙ୍ଗେ ୨ କିମ୍ବା ୩ ସନ୍ତାନଙ୍କୁ ଜନ୍ମ ଦେଇଥାଏ । କିନ୍ତୁ ୯ ସନ୍ତାନଙ୍କୁ ଜନ୍ମ ଦେବା ବିରଳ ଘଟଣା । ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ । ମାଲିର ଜଣେ ମହିଳା ମରୋକ୍କୋରେ ମଙ୍ଗଳବାର ଦିନ ୯ଟି ସନ୍ତାନଙ୍କୁ ଜନ୍ମ ଦେଇଛନ୍ତି ।ସମସ୍ତ ନବଜାତକ ସୁସ୍ଥ ଥିବା ଜଣାପଡ଼ିଛି ।

ସୂଚନା ଅନୁସାରେ,ମାଲି ସରକାର ୨୫ ବର୍ଷୀୟ ମହିଳା ହଲିମା ସିଜେଙ୍କୁ ଦେଖାରଖା ପାଇଁ ମାର୍ଚ୍ଚ ୩୦ ରେ ମରୋକ୍କୋ ପଠାଇଦେଇଥିଲେ । ପ୍ରଥମେ ତାଙ୍କ ଗର୍ଭରେ ୭ଜଣ ଶିଶୁ ଥିବା ଜଣା ପଡିଥିଲା । ଏକା ସଙ୍ଗେ ୭ ଶିଶୁଙ୍କୁ ଜନ୍ମ ଦେବା ସାଧାରଣ କଥା ନୁହେଁ । ସେହିପରି ୯ ଶିଶୁଙ୍କୁ ଜନ୍ମ ଦେବା ଆହୁରି ବିରଳ ।

ମୋରକ୍କୋ ସ୍ୱାସ୍ଥ୍ୟ ମନ୍ତ୍ରାଳୟର ପ୍ରବକ୍ତା ରଚିଦ ଚୌଧୁରୀ କହିଛନ୍ତି ଯେ, ଦେଶରେ କେହି ମହିଳା ୯ ଶିଶୁଙ୍କୁ ଜନ୍ମ ଦେଇଥିବା ତଥ୍ୟ ତାଙ୍କ ପାଖରେ ନାହିଁ । କିନ୍ତୁ ମୋରକ୍କୋ ସ୍ୱାସ୍ଥ୍ୟ ମନ୍ତ୍ରାଳୟ କହିଛି ଯେ,ମହିଳାଙ୍କ ସିଜେରିଆନ କରାଯାଇଥିଲା । ଯେଉଁଥିରେ ସେ ୬ କନ୍ୟା ଓ ୩ ପୁତ୍ର ସନ୍ତାନଙ୍କୁ ଜନ୍ମ ଦେଇଥିଲେ । ଏବେ ସୁଦ୍ଧା ମାଆ ଓ ଶିଶୁ ସୁସ୍ଥ ଅଛନ୍ତି । ମାଲି ସ୍ୱାସ୍ଥ୍ୟ ମନ୍ତ୍ରୀ ଫାନ୍ତା ସିବେ ମଧ୍ୟ ସମାନ କଥା ଦୋହରାଇଛନ୍ତି ।

ଅନେକ ସମୟରେ ଏପରି ବିରଳ ଘଟଣା ସାମ୍ନାକୁ ଆସିଥାଏ । ନିକଟରେ ବ୍ରିଟେନର ଜଣେ ମହିଳା ଏକ ଅଦ୍ଭୁତ ଶିଶୁକୁ ଜନ୍ମ ଦେଇଥିଲେ।  ଯାହା ଆକାରଠୁ ଖୁବ ବଡ଼ ଥିଲା । ପ୍ରସବ ସମୟରେ ଡାକ୍ତରମାନେ ବି ଶିଶୁକୁ ଦେଖି ଚକିତ ହୋଇ ଯାଇଥିଲେ ।

ପାଚେରୀ ଭାଙ୍ଗି ନନ୍ଦନକାନନ ଭିତରକୁ ପଶିଲେ ୨ ଚନ୍ଦକା ଜଙ୍ଗଲୀ ହାତୀ

ଭୁବନେଶ୍ୱର: ବିଳମ୍ବିତ ରାତିରେ ନନ୍ଦନକାନନ ପ୍ରାଣୀ ଉଦ୍ୟାନର ଭାଙ୍ଗିଲା ପାଚେରୀ । ପଛପଟ ଗେଟର ପାଚେରୀ ଭାଙ୍ଗି ନନ୍ଦନକାନନ ଭିତରକୁ ପଶିଲେ ୨ ଚନ୍ଦକା ଜଙ୍ଗଲୀ ହାତୀ। ହାତୀ ଘଉଡାଇବାକୁ ଯାଇ ନନ୍ଦନକାନନ ବନବିଭାଗ କର୍ମଚାରୀ ହୋଇଛନ୍ତି ନାକେଦମ। ଜଙ୍ଗଲୀ ହିଂସ୍ର ହାତୀ ମାଖେନା ଅନେକ ଥର ନନ୍ଦନକାନନ ଓ ବୋଟାନିକାଲ ଗର୍ଡେନର ପାଚେରୀ ଭାଙ୍ଗି ବ୍ୟାପକ କ୍ଷୟକ୍ଷତି କରିଛି ।

ହେଲେ ଏଥର ୨ଟି ହାତୀ ପାଚେରୀ ଭାଙ୍ଗି ପଶିଥିବା ବେଳେ ଜନ୍ତୁ ଖୁଆଡ଼କୁ କିପରି ପ୍ରବେଶ ନକରିବେ ସେଥିପ୍ରତି ବନବିଭାଗ ନଜର ରଖିବା ସହ ୪ ରୁ ୫ଘଣ୍ଟା ପରେ ହାତୀ ଘଉଡାଇବାରେ ସଫଳ ହୋଇଥିଲା । ଆଜି ସକାଳୁ ପୁଣି ପଛ ପାଚେରୀ ଦେଇ ହାତୀ ପଶିଥିବା ବେଳେ ନନ୍ଦନକାନନର ପୋଶା ହାତୀ ସହଯୋଗରେ ବାହାର କରାଯିବ ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି ।