spot_img
Home Blog Page 5831

୧୦ ହଜାର ପାର କଲା ଦୈନିକ ସଂକ୍ରମଣ, ୨୪ ଘଣ୍ଟାରେ ୧୦, ୫୨୧ଆକ୍ରାନ୍ତ

ଭୁବନେଶ୍ୱର: ରାଜ୍ୟରେ ପୁଣି ୧୦ ହଜାର ପାର କଲା ଦୈନିକ ସଂକ୍ରମଣ । ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହୋଇଛନ୍ତି ୧୦ହଜାର ୫୨୧ନୂଆ କରୋନା ପଜିଟିଭ୍ । କ୍ବାରେଣ୍ଟାଇନରୁ ୫ହଜାର ୯୪୫ ଚିହ୍ନଟ ହୋଇଥିବା ବେଳେ, ଲୋକାଲ କେସ୍ ରହିଛି ୪ହଜାର ୫୭୬ । ସେହିପରି ଆଉ ୧୭ ଜଣଙ୍କ ଜୀବନ ନେଇଛି ମହାମାରୀ । ହଟସ୍ପଟ ତାଲିକାରେ ଥିବା ଖୋର୍ଦ୍ଧାରୁ ପୁଣି ହାଜର ପାର୍ କରିଛି ଆକ୍ରାନ୍ତ ସଂଖ୍ୟା । ଖୋର୍ଦ୍ଧାରୁ ୧୪୭୭ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିପରି ବାକି ଜିଲ୍ଲା ଉପରେ ଯଦି ନଜର ପକାଇବା, ତାହେଲେ ସୁନ୍ଦରଗଡ଼ରୁ ୧୧୮୬, କଟକରୁ ୯୬୩, କଳାହାଣ୍ଡିରୁ ୫୭୧, ବରଗଡ଼ରୁ ୫୪୩, ସମ୍ବଲପୁରରୁ ୪୬୦, ନବରଙ୍ଗପୁରରୁ ୪୦୪, ଅନୁଗୁଳରୁ ୩୮୮, ଯାଜପୁରରୁ ୩୭୩, ପୁରୀରୁ ୩୧୯, ବଲାଙ୍ଗୀରରୁ ୩୧୪, ଝାରସୁଗୁଡ଼ାରୁ ୩୧୪, ନୂଆପଡ଼ାରୁ ୩୦୪, ମୟୂରଭଞ୍ଜରୁ ୨୮୮, ଷ୍ଟେଟ୍ ପୁଲରୁ ୨୮୨, ବୌଦ୍ଧରୁ ୨୫୦ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିପରି ନୟାଗଡ଼ରୁ ୨୨୪, ଜଗତସିଂହପୁରରୁ ୨୧୭, ଗଞ୍ଜାମରୁ ୧୯୬, କେନ୍ଦୁଝରରୁ ୧୯୪, କୋରାପୁଟରୁ ୧୮୨, ଭଦ୍ରକରୁ ୧୫୮, ରାୟଗଡ଼ାରୁ ୧୪୦, କେନ୍ଦ୍ରାପଡ଼ାରୁ ୧୨୧, ଗଜପତିରୁ ୧୧୩, ସୋନପୁରରୁ ୧୧୨, ବାଲେଶ୍ବରରୁ ୯୭, ଦେବଗଡ଼ରୁ ୮୮, ଢେଙ୍କାନାଳରୁ ୮୮, ମାଲକାନଗିରିରୁ ୮୩ ଓ କନ୍ଧମାଳରୁ ୭୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

କାଳବୈଶାଖୀ ତାଣ୍ଡବ, ବିଭିନ୍ନ ସ୍ଥାନରେ ୫ ଜଣଙ୍କର ମୃତ୍ୟୁ

ଭୁବନେଶ୍ୱର: ରାଜ୍ୟରେ ବିଭିନ୍ନ ଜିଲ୍ଲାରେ କାଳବୈଶାଖୀ ତାଣ୍ଡବ । ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ମଙ୍ଗିଆଗୁଡା ଗାଁ ନିକଟରେ ବଜ୍ରପାତରେ ଦୁଇଜଣ ନାବାଳିକାଙ୍କ ମୃତ୍ୟୁ ହୋଇଛି । ଜଣେ ଗୁରୁତର ଆହତ ହୋଇଛନ୍ତି । ମୃତକ ୨ ଜଣ ହେଲେ ଟେମରା ଗାଁର ଉର୍ମିଳା ଭତ୍ରା ଏବଂ ହୀରାଦେଇ ଭତ୍ରା । ମଙ୍ଗିଆଗୁଡ଼ା ଗାଁକୁ ଶାଗ ତୋଳିବାକୁ ଯାଇଥିବା ବେଳେ ଘଟିଛି ଅଘଟଣ ।

ସେପଟେ ଗଞ୍ଜାମ ଜିଲ୍ଲା ଶେରଗଡ଼ ବ୍ଲକ ବ୍ରାହ୍ମଣଛାଇ ଗାଁରେ କାଳେବୈଶାଖୀ ବର୍ଷା ପବନ ପାଇଁ ଅଘଟଣ ଘଟିଛି । ଗଛ ପଡ଼ି ଦୁଇଜଣଙ୍କ ମୃତ୍ୟୁ ହୋଇଥିବା ସୂଚନା । ମୃତକ ଦୁଇଜଣ ହେଲେ କାହ୍ନା ପ୍ରଧାନ ଓ ପୂର୍ଣ୍ଣଚନ୍ଦ୍ର ପ୍ରଧାନ । ସେପଟେ ଆଜି ଅପରାହ୍ଣରେ କଟକରେ କାଳବୈଶାଖୀ ଘଡ଼ଘଡ଼ି ସହ ବର୍ଷା ହୋଇଛି । ନୂଆବଜାର ସ୍ଥିତ ତିନିଘରିଆ ଠାରେ ବଜ୍ରପାତରେ ଜଣକର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି । ଗୁରୁତରଙ୍କୁ ଏସସିବି ମେଡିକାଲରେ ଭର୍ତ୍ତି କରାଯାଇଛି ।

କରୋନା ଚିକିତ୍ସାରେ ବ୍ୟବହାର ପାଇଁ ରସ୍ ରେଜେନରନ ଆଣ୍ଟବଡି କକଟେଲକୁ ଅନୁମତି

ନୂଆଦିଲ୍ଲୀ: ରସ୍ ରେଜେନରନ ଦ୍ୱାରା ପ୍ରସ୍ତୁତି ଆଣ୍ଟିବଡି ଡ୍ରଗ୍ କକଟେଲକୁ ଭାରତରେ କରୋନା ଚିକିତ୍ସାରେ ଜରୁରୀକାଳୀନ ପ୍ରୟୋଗ ପାଇଁ ଅନୁମତି ମିଳିଛି । ଦେଶ କରୋନାର ଦ୍ୱିତୀୟ ପ୍ରବାହରେ ଯୁଝି ହେଉଥିବା ବେଳେ ବୁଧବାର ସେଣ୍ଟ୍ରାଲ୍ ଡ୍ରଗ୍ସ ଷ୍ଟାଣ୍ଡାର୍ଡ୍ସ କଣ୍ଟ୍ରୋଲ୍ ଅର୍ଗାନାଇଜେସନ୍ (CDSCO) ଅନୁମତି ଦେଇଛି ।

ୟୁଏସ୍ ରେଗୁଲେଟର୍ସ ଏବଂ ୟୁରୋପିଆନ୍ ରେଗୁଲେଟରୀ ପ୍ୟାନେଲର ବିଶେଷଜ୍ଞଙ୍କ ମତାମତ ଆଧାରରେ ଅନୁମତି ଦିଆଯାଇଛି । ଭାରତରେ କିପ୍ଲା ଏହି ଡ୍ରଗ ବିତରଣ କରିବ । ଆଣ୍ଟିବଡି କକଟେଲ୍ କାସିରିଭିମବ୍ ଏବଂ ଇମଦେଭିମାବ କରୋନା ଚିକିତ୍ସାରେ ବ୍ୟବହାର ହେବ । ୧୨ ବର୍ଷ ବୟସରୁ ଅଧିକ ଏବଂ ୪୦ କେଜିରୁ ଅଧିକ ଓଜନ ଥିବା ବ୍ୟକ୍ତି ଯେଉଁମାନେ ହାଇ ରିସ୍କ ଗ୍ରୁପରେ ଥିବା ସେମାନଙ୍କୁ ଏହା ଦିଆଯିବ ।

ଏହି ଡ୍ରଗ୍ ଦିଆଗଲେ ସ୍ୱାସ୍ଥ୍ୟାବସ୍ଥା ଗୁରୁତର ହେବ ନାହିଁ । ସାରା ଦେଶରେ କିପ୍ଲା ଏହି ଡ୍ରଗର ବିତରଣ କରିବ । ଏହି ଡ୍ରଗ୍ କୋଭିଡ୍ ଚିକିତ୍ସା କେନ୍ଦ୍ରରେ ଉପଲବ୍ଧ ହେବ ।

ନିଲମ୍ବିତ ହେଲେ ୨ ତହସିଲଦାର, ଲାଞ୍ଚ ନେଇ ଗିରଫ ହୋଇଥିଲେ

ଭୁବନେଶ୍ୱର: ଲାଞ୍ଚୁଆ ଓଏଏସଙ୍କୁ ନିଲମ୍ବନ ଛାଟ । ଲାଞ୍ଚ ନେଇ ଗିରଫ ହୋଇଥିବା ୨ ଜଣ ତହସିଲଦାରଙ୍କୁ ଚାକିରିରୁ ନିଲମ୍ବନ କରିଛି ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ । କଟକ ବାରଙ୍ଗ ତହସିଲଦାର ବିଚିତ୍ରାନନ୍ଦ ନାୟକ ଏବଂ କନ୍ଧମାଳ ଜିଲ୍ଲା ରାଇକିଆ ତହସିଲଦାର ଚକ୍ରଧର ପାଢ଼ୀଙ୍କୁ ଚାକିରିରୁ ନିଲମ୍ବିତ କରାଯାଇଛି ।

ବିଚିତ୍ରାନନ୍ଦ ବାରଙ୍ଗ ତହସିଲଦାର ଥିବା ବେଳେ ଗତ ଏପ୍ରିଲ୍ ୬ ତାରିଖରେ ଭିଜିଲାନ୍ସ ହାତରେ ଧରା ପଡ଼ି ଜେଲ୍ ଯାଇଥିଲେ । ଭିଜିଲାନ୍ସ ବିଚିତ୍ରାନନ୍ଦଙ୍କ ଗାଡ଼ିରୁ ୧ ଲକ୍ଷରୁ ଅଧିକ ଟଙ୍କା ଜବତ କରିଥିଲା । ଏହି ମାମଲାରେ ଭିଜିଲାନ୍ସ ତାଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଏହି ମାମଲାରେ ତାଙ୍କୁ ନିଲମ୍ବିତ କରାଯାଇଛି । ଏଥିସହ ନିଲମ୍ବନ କାଳରେ ଜିଲ୍ଲାପାଳଙ୍କ ଅଫିସରେ ପରବର୍ତ୍ତୀ ନିର୍ଦ୍ଦେଶନାମା ଯାଏ କାର୍ଯ୍ୟ କରିବେ ।

ସେହିଭଳି ରାଇକିଆ ତହସିଲଦାର ଚକ୍ରଧର ପାଢ଼ୀଙ୍କୁ ନିଲମ୍ବିତ କରାଯାଇଛି । ଗତ ଏପ୍ରିଲ୍ ୨୮ ତାରିଖରେ ୪୦ ଟଙ୍କା ଲାଞ୍ଚ ନେବାବେଳେ ବ୍ରହ୍ମପୁର ଭିଜିଲାନ୍ସ ହାତରେ ଧରାପଡ଼ିଥିଲେ ଚକ୍ରଧର । ତାଙ୍କୁ ନିଲମ୍ବିତ କରାଯିବା ସହ ଜିଲ୍ଲାପାଳଙ୍କ ଅଫିସରେ ସେ ପରବର୍ତ୍ତୀ ନିର୍ଦ୍ଦେଶନାମା ଯାଏ କାର୍ଯ୍ୟ କରିବେ ।

ଫୋନ୍ କଲରେ ବାହାଘର ଅନୁମତି

ଭୁବନେଶ୍ୱର: ବିବାହ ଓ ଶୁଦ୍ଧିକ୍ରିୟା ପାଇଁ ଘରେ ବସି ମିଳିବ ଅନୁମତି । ଲକ୍‌ଡାଉନରେ ଅନୁମତି ପାଇଁ ଥାନାକୁ ଯିବାକୁ ପଡ଼ିବନି । ଅନୁମତି ପାଇଁ ୧୦୦ କିମ୍ବା ୮୧୪୪୨୦୭୧୦୦ ନମ୍ବରରେ ଫୋନ୍ କରି ପାରିବେ ରାଜଧାନୀବାସୀ । ଏହି ନମ୍ବରରେ କାର୍ଯ୍ୟକ୍ରମ ସମ୍ପର୍କରେ ସୂଚନା ଦେବା ପରେ ଭୁବନେଶ୍ୱର ଡିସିପି ଲାଇସେନ୍ସ ସେଲ୍ ପକ୍ଷରୁ ଉକ୍ତ ନମ୍ବରରେ ଏକ ଫର୍ମାଟ ପଠାଯିବ । ସେହି ଫର୍ମ ପୂରଣ କରି ହ୍ୱାଟ୍ସଆପରେ ପଠାଇଲେ ଲାଇସେନ୍ସ ମିଳିପାରିବ ।

ଏହାର ସଫ୍ଟ କପି ବ୍ୟବହାର କରି କୋଭିଡ୍ ନିୟମ ମୁତାବକ କାର୍ଯ୍ୟକ୍ରମ କରାଯାଇ ପାରିବ । କମିଶନରେଟ ପୋଲିସର ଭୁବନେଶ୍ୱର ୟୁପିଡି ପାଇଁ ଡିସିପି ଅଫିସରେ ଅନୁମତି ମିଳୁଛି । ତେବେ ଡିସିପି ଅଫିସକୁ ଆସି ଅନୁମତି ନେବାକୁ ବାରଣ କରାଯାଇଛି । ଏଣିକି ୧୦୦କୁ କଲ୍‌ କରି ଅନୁମତି ସମ୍ପର୍କରେ ସୂଚନା ପାଇପାରିବେ ।

ଟଳୁନି ଟିକା ନିଅଣ୍ଟ, ଗୁରୁବାର ୯ ଜିଲ୍ଲାରେ ବନ୍ଦ ରହିବ ଟିକାକରଣ

ଭୁବନେଶ୍ୱର: ରାଜ୍ୟରେ ଟିକା ନିଅଣ୍ଟ ଜାରି ରହିଛି । ଫଳରେ ଅଧିକାଂଶ ଜିଲ୍ଲାରେ କୋଭିଡ୍ ଟିକାକରଣ ଠିକ୍ ଭାବେ ଚାଲି ପାରୁନି । ଅଧିକାଂଶ ଜିଲ୍ଲାରେ ୪୫ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ କୋଭିସିଲ୍ଡ ଟିକାର ଦ୍ୱିତୀୟ ଡୋଜ୍ ଦିଆଯାଇ ପାରୁନି । ସେପଟେ ଆସନ୍ତାକାଲି ଗୁରୁବାର ୯ଟି ଜିଲ୍ଲାର କୌଣସି କେନ୍ଦ୍ରରେ ବି ଟିକା ଦିଆଯିବ ନାହିଁ ।

ଗୁରୁବାର ୯ ଗୋଟି ଜିଲ୍ଲା ବଲାଙ୍ଗିର, ବରଗଡ଼, ବୌଦ୍ଧ, ଗଜପତି, ଝାରସୁଗୁଡ଼ା, କେନ୍ଦୁଝର, କୋରାପୁଟ, ନବରଙ୍ଗପୁର ଓ ସୋନପୁର କୋଭିଡ୍ ଟିକାକରଣ ବନ୍ଦ ରହିବ । ଏବେ ରାଜ୍ୟ ପାଖରେ କେନ୍ଦ୍ର ସରକାର ଦେଇଥିବା ୧ ଲକ୍ଷ ୪ ହଜାର ୭୦ ଡୋଜ୍ କୋଭିସିଲ୍ଡ ଥିବାବେଳେ ୩ ଲକ୍ଷ ୧୮୦ ଡୋଜ୍ କୋଭାକ୍ସିନ୍ ରହିଛି । ସେହିଭଳି ରାଜ୍ୟ କିଣିଥିବା କୋଭାକ୍ସିନ୍ ମଧ୍ୟରୁ ୧ ଲକ୍ଷ ୨୮ ହଜାର ୩୨୦ ଡୋଜ୍ ରହିଛି ।

ଆଜି ରାଜ୍ୟର ୯୨ଟି କେନ୍ଦ୍ରରେ ୨୧ ହଜାର ୮୦୪ ଡୋଜ୍ କୋଭିଡ୍ ଟିକା ଦିଆଯାଇଛି । ଏଥିସହ ରାଜ୍ୟରେ ଏଯାବତ୍ ମୋଟ ୫୯ ଲକ୍ଷ ୫୧ ହଜାର ୩୨୯ ଡୋଜ୍ ଟିକା ଦିଆଗଲାଣି ।

‘ଭାରତରେ ନିଶ୍ଚୟ ଆସିବ କରୋନାର ତୃତୀୟ ପ୍ରବାହ, ଟାଳି ହେବନି’

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ମାମଲା ଦ୍ରୁତଗତିରେ ବୃଦ୍ଧି ପାଉଛି । ଦୈନିକ ସାଢ଼େ ୩ ଲକ୍ଷରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି । ଦେଶରେ ସ୍ଥିତି ଚିନ୍ତାଜନକ ରହିଛି । କରୋନାର ଦ୍ୱିତୀୟ ଲହର ଅଧିକ ଜୀବନ ନେଉଛି । ପ୍ରତିଦିନ ସାଢ଼େ ୩ ହଜାରରୁ ଅଧିକ କରୋନା ଆକ୍ରାନ୍ତଙ୍କ ମୃତ୍ୟୁ ହେଉଛି । ଏହାରି ଭିତରେ ବୁଧବାର ଦିନ କେନ୍ଦ୍ର ସରକାରଙ୍କ ବରିଷ୍ଠ ବୈଜ୍ଞାନିକ ପରାମର୍ଶଦାତା ବିଜୟ ରାଘବନ କରୋନାର ତୃତୀୟ ପ୍ରବାହ ନେଇ ଚେତାବନୀ ଦେଇ କହିଛନ୍ତି, ନିଶ୍ଚୟ ଆସିବ ।

ରାଘବନ କହିଛନ୍ତି, ବେଶି ସଂକ୍ରମିତ ଚିହ୍ନଟ ହେଉଛନ୍ତି । ତେଣୁ ଏବେ କୁହାଯାଇ ପାରିବ ନାହିଁ କରୋନାର ତୃତୀୟ ପ୍ରବାହ କେବେ ଆସିବ । କିନ୍ତୁ ଏହା ଅବଶ୍ୟ ଆସିବ । ଆମକୁ ସେଥିପ୍ରତି ପ୍ରସ୍ତୁତ ହୋଇ ରହିବାକୁ ପଡ଼ିବ । ତୃତୀୟ ଲହରକୁ ଅଟକାଇ ହେବନାହିଁ ବୋଲି କହିଛନ୍ତି ରାଘବନ ।

ସେ କହିଛନ୍ତି, ଭ୍ୟାକ୍ସିନେସନକୁ ଅପଡେଟ୍ କରିବା ଆବଶ୍ୟକତା ପଡ଼ିବ ଯେମିତି ନୂଆ ଷ୍ଟ୍ରେନର ମୁକାବିଲା କରି ହେବ । ଏଥିସହ କରୋନାର ନୂଆ ପ୍ରବାହକୁ ଦୃଷ୍ଟିରେ ରଖି ପ୍ରସ୍ତୁତ ହେବା ଲାଗି ସେ କହିଛନ୍ତି । ଭ୍ୟାକ୍ସିନ୍ ଅପଗ୍ରେଡ୍ ସହ ସର୍ଭେଲାନ୍ସ ଉପରେ ଗୁରୁତ୍ୱାରୋପ କରିଛନ୍ତି ।

ଅନ୍ୟପଟେ ନୀତି ଆୟୋଗର ସଦସ୍ୟ ଡକ୍ଟର ବି.କେ ପାଲ୍ କହିଛନ୍ତି- କରୋନା ପଶୁ ଠାରୁ ବ୍ୟାପୁ ନାହିଁ । ଏହା ମଣିଷ ଠାରୁ ମଣିଷକୁ ବ୍ୟାପୁଛି ।

ରାଜ୍ୟରେ କରୋନାରୁ ସୁସ୍ଥ ହେଲେ ଆଉ ୬ ହଜାର ୧୭୬ ଜଣ, ଜାଣନ୍ତୁ କେଉଁ ଜିଲ୍ଲାରୁ କେତେ…

ଭୁବନେଶ୍ୱର: ସଂକ୍ରମିତଙ୍କ ସଂଖ୍ୟା ବଢ଼ୁଥିବା ବେଳେ ରାଜ୍ୟରେ କରୋନାରୁ ଆରୋଗ୍ୟ ହାର ବଢ଼ୁଛି । ଗତ ୨୪ ଘଣ୍ଟାରେ ରାଜ୍ୟରୁ ଆଉ ୬ ହଜାର ୧୭୬ ଜଣ କରୋନ ଆକ୍ରାନ୍ତ ସୁସ୍ଥ ହୋଇଛନ୍ତି । ଏଥିସହ ରାଜ୍ୟରେ ମୋଟ ୪ ଲକ୍ଷ ୧୬ ହଜାର ୪୦୩ ଜଣ କରୋନାକୁ ମାତ୍ ଦେଇ ଆରୋଗ୍ୟ ଲାଭ କରିଛନ୍ତି ।

ସଂକ୍ରମଣ ଅଧିକ ଥିବା ଖୋର୍ଦ୍ଧାରୁ ସର୍ବାଧିକ ୯୫୪ ଜଣ ସୁସ୍ଥ ହୋଇଥିବା ବେଳେ କଳାହାଣ୍ଡିରୁ ୫୧୯, କଟକରୁ ୪୮୫, ବଲାଙ୍ଗିରରୁ ୪୫୯, ସୁନ୍ଦରଗଡ଼ରୁ ୪୩୩, ଝାରସୁଗୁଡ଼ାରୁ ୨୬୩, ଅନୁଗୁଳରୁ ୨୪୩, ବରଗଡ଼ରୁ ୨୩୯, ପୁରୀରୁ ୨୨୮, ସମ୍ବଲପୁରରୁ ୨୨୫, ନବରଙ୍ଗପୁରରୁ ୨୦୦, ନୂଆପଡ଼ାରୁ ୧୯୫, ଗଞ୍ଜାମରୁ ୧୬୮, ମୟୂରଭଞ୍ଜରୁ ୧୪୯, ବାଲେଶ୍ୱରରୁ ୧୩୭ ଜଣ ସୁସ୍ଥ ହୋଇଛନ୍ତି ।

ସେହିଭଳି ସୋନପୁରରୁ ୧୨୦, କେନ୍ଦ୍ରାପଡ଼ାରୁ ୧୧୩, ଯାଜପୁରରୁ ୧୧୨, ନୟାଗଡ଼ରୁ ୧୦୩, ଭଦ୍ରକରୁ ୮୭, ଜଗତସିଂହପୁରରୁ ୮୫, ରାୟଗଡ଼ାରୁ ୭୮, ଦେବଗଡ଼ ଓ କେନ୍ଦୁଝରରୁ ୭୪ ଜଣ ଲେଖାଏଁ, ଗଜପତିରୁ ୬୪, କୋରାପୁଟରୁ ୫୨, କନ୍ଧମାଳରୁ ୪୦, ବୌଦ୍ଧ ଓ ମାଲକାନଗିରିରୁ ୨୮ ଜଣ ଲେଖାଏଁ, ଢେଙ୍କାନାଳରୁ ୨୦ ଏବଂ ଷ୍ଟେଟପୁଲରୁ ୨୦୧ ଜଣ ସଂକ୍ରମିତ କରୋନାରୁ ସୁସ୍ଥ ହୋଇଛନ୍ତି ।

ପର୍ଯ୍ୟାପ୍ତ ପରିମାଣରେ ରାଜ୍ୟରେ ମହଜୁଦ୍ ଅଛି ଅତ୍ୟାବଶ୍ୟକ ସାମଗ୍ରୀ: ମନ୍ତ୍ରୀ

ଭୁବନେଶ୍ୱର: ଲକ୍‌ଡାଉନ୍‌ ସମୟରେ ଅତ୍ୟାବଶ୍ୟକ ସାମଗ୍ରୀର ବେଆଇନ ମହଜୁଦ ଓ କଳାବଜାରୀ ଉପରେ ରାଜ୍ୟ ସରକାର କଡ଼ା ନଜର ରଖିଛନ୍ତି । ଏଥି ନିମନ୍ତେ ଯାଞ୍ଚ ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଜିଲ୍ଲା ଯୋଗାଣ ଅଧିକାରୀମାନେ ଓ ଅନ୍ୟ କ୍ଷେତ୍ର ଅଧିକାରୀମାନେ ନିଜେ ଜିଲ୍ଲାରେ ବୁଲିବା ସହ ବେଆଇନ୍‌ ମହଜୁଦକାରୀ ଓ କଳାବଜାରୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ନିର୍ଦ୍ଦେଶ ଦେଇଛନ୍ତି ।

ଏବେ ରାଜ୍ୟରେ ସମସ୍ତ ଅତ୍ୟାବଶ୍ୟକ ସାମଗ୍ରୀ ପର୍ଯ୍ୟାପ୍ତ ପରିମାଣରେ ମହଜୁଦ୍ ରହିଛି । ବର୍ତ୍ତମାନ  ରାଜ୍ୟରେ ଚାଉଳ, ଡାଲି ଓ ଗହମଜାତୀୟ ଦ୍ରବ୍ୟ ଯଥା- ଅଟା, ମଇଦା, ସୁଜି ଏବଂ ଖାଇବା ତେଲ, ଆଳୁ, ପିଆଜ, ଚିନି ଇତ୍ୟାଦି ଖାଉଟି ସାମଗ୍ରୀ ଚାହିଦାଠାରୁ ଅଧିକ ରହିଛି । କରୋନାର ଦ୍ୱିତୀୟ ପ୍ରବାହ ପାଇଁ ସମଗ୍ର ରାଜ୍ୟରେ ଲକ୍‌ଡାଉନ୍‌ ଘୋଷଣା କରାଯାଇଛି । ଏହି ସମୟରେ ଅତ୍ୟାବଶ୍ୟକ ସାମଗ୍ରୀ ଦୋକାନ ଏବଂ ପରିବା, କ୍ଷୀର ଓ ମାଛମାଂସ ଦୋକାନ ସକାଳ ୬ଟାରୁ ଅପରାହହ୍ଣ ୧୨ଟା ଯାଏ ସୋମବାରଠାରୁ ଶୁକ୍ରବାର ପର୍ଯ୍ୟନ୍ତ ଖୋଲା ରହୁଛି । ଏଥି ସହିତ ଲକ୍‌ଡାଉନ୍‌ ସମୟରେ ଅତ୍ୟାବ୍ୟଶକୀୟ ସାମଗ୍ରୀର ଆମଦାନୀ ଓ ପରିହବନରେ କୌଣସି କଟକଣା ନାହିଁ । ତେଣୁ ଜନସାଧାରଣ କେବଳ ନିଜର ଆବଶ୍ୟକତା ଅନୁଯାୟୀ ଖାଉଟି ସାମଗ୍ରୀ କିଣିବା ପାଇଁ ମନ୍ତ୍ରୀ ଶ୍ରୀ ସ୍ୱାଇଁ ଜନସାଧାରଣଙ୍କୁ ଅନୁରୋଧ କରିଛନ୍ତି ।

ଭୟଭୀତ ହୋଇ ଅଯଥାରେ ଅଧିକ ପରିମାଣରେ ସାମଗ୍ରୀ କିଣି ମହଜୁଦ ରଖନ୍ତୁ ନାହିଁ ବୋଲି ମନ୍ତ୍ରୀ ଶ୍ରୀ ସ୍ୱାଇଁ କହିଛନ୍ତି । ରାଜ୍ୟର ବ୍ୟବସାୟୀମାନେ ମଧ୍ୟ ଏହି ସବୁ ସାମଗ୍ରୀର ଚାହିଦା ଅନୁଯାୟୀ ଆମଦାନୀ କରୁଛନ୍ତି । ରାଜ୍ୟ ସରକାରଙ୍କ ଯୋଗାଣ ବିଭାଗର କର୍ମଚାରୀମାନେ ଏହାର ତଦାରଖ କରି ପ୍ରତିଦିନ ରିପୋର୍ଟ ସରକାରଙ୍କୁ ଦେବା ପାଇଁ ନିର୍ଦ୍ଦେଶ ଦିଆଯାଇଛି । ତେଣୁ ଜନସାଧାରଣ କୌଣସି ଗୁଜବରେ ବିଶ୍ୱାସ ନକରି ନିଜର ଆବଶ୍ୟକତା ଅନୁଯାୟୀ ସାମଗ୍ରୀ କିଣାକିଣି କରିବା ସହିତ କଳାବଜାରୀଙ୍କୁ ରୋକିବା ପାଇଁ ସରକାରଙ୍କୁ ସହଯୋଗ କରନ୍ତୁ ବୋଲି ମନ୍ତ୍ରୀ ଶ୍ରୀ ସ୍ୱାଇଁ ଅନୁରୋଧ କରିଛନ୍ତି ।

ମିଳିଲାନି ICU ବେଡ୍, ରାସ୍ତାରେ ଚାଲିଗଲା NSGର ଗ୍ରୁପ୍ କମାଣ୍ଡରଙ୍କ ପ୍ରାଣ

ନୂଆଦିଲ୍ଲୀ: କରୋନା ସଂକଟ ସହ ଦିଲ୍ଲୀ ଲଢ଼ୁଛି । ଅକ୍ସିଜେନ୍ ଅଭାବ ସାଙ୍ଗକୁ ବେଡ୍ ନିଅଣ୍ଟ ସ୍ୱାସ୍ଥ୍ୟସେବା ଉପରେ ପୁଳା ପୁଳା ପ୍ରଶ୍ନ ଛିଡ଼ା କରିଛି । ଦିଲ୍ଲୀରେ ବଢ଼ୁଥିବା ସଂକ୍ରମଣ ମାମଲା ଭିତରେ ବ୍ଲାକ୍ କ୍ୟାଟ୍ କୁହାଯାଉଥିବା NSGର ଗ୍ରୁପ୍ କମାଣ୍ଡରଙ୍କ ମୃତ୍ୟୁ ହୋଇଛି । ମିଳିଥିବା ତଥ୍ୟ ଅନୁସାରେ, ଏନଏସଜିର ଗ୍ରୁପ କମାଣ୍ଡର ବୀରେନ୍ଦ୍ର କୁମାରଙ୍କୁ ଦିଲ୍ଲୀରେ ତୁରନ୍ତ ଆଇସିୟୁ ବେଡ୍ ନମିଳିବାରୁ ମୃତ୍ୟୁ ହୋଇଛି । ବୀରେନ୍ଦ୍ର କୁମାର ଝା ଏପ୍ରିଲ୍ ୨୨ରେ ଅର୍ଦ୍ଧସୈନିକ ବଳର ରେଫରଲ୍ ହସ୍ପିଟାଲ୍ ନୋଏଡାରେ କରୋନା ସଂକ୍ରମିତ ହେବା ପରେ ଭର୍ତ୍ତି ହୋଇଥିଲେ । ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବାବେଳେ ମେ ୪ ସନ୍ଧ୍ୟା ୬ଟରେ ତାଙ୍କ ସ୍ୱାସ୍ଥ୍ୟ ଅଚାନକ ବିଗିଡ଼ି ଯିବା ଅକ୍ସିଜେନ୍ ସ୍ତର କମି ଯାଇଥିଲା ।

Corona Positive NSG Group Commander Death Due To Not Found ICU Bed Delhi

ଏହା ପରେ ନୋଏଡା ରେଫରଲ୍ ହସ୍ପିଟାଲରେ ଆଇସିୟୁ ବେଡ୍ ଖାଲି ନଥିବାରୁ ବୀରେନ୍ଦ୍ରଙ୍କୁ ଅନ୍ୟ ହସ୍ପିଟାଲ ଯିବାକୁ ପରାମର୍ଶ ଦେଇଥିଲେ ଡାକ୍ତର । ଯାହାପରେ ଦିଲ୍ଲୀରେ ଆଇସିୟୁ ବେଡ୍ ଖୋଜା ଚାଲିଥିଲା । ସୂତ୍ର ଅନୁସାରେ, ଏନସିଜି ଗ୍ରୁପ୍ କମାଣ୍ଡରଙ୍କୁ ହସ୍ପିଟାଲରେ ଆଇସିୟୁ ବେଡ୍ ମିଳିବାକୁ ପ୍ରାୟ ୫ ଘଣ୍ଟା ସମୟ ଲାଗି ଯାଇଥିଲା । ସେହି ସମୟ ଭିତରେ ଆହୁରି ଗୁରୁତର ହୋଇ ପଡ଼ିଥିଲା ବୀରେନ୍ଦ୍ରଙ୍କ ସ୍ୱାସ୍ଥ୍ୟ ।

ସୂଚନା ଅନୁସାରେ, ରାତି ପ୍ରାୟ ୧୧ଟା ବେଳେ ବୀରେନ୍ଦ୍ରଙ୍କୁ ସୁଖଦେବ ବିହାର ମ୍ୟାକ୍ସ ହସ୍ପିଟାଲ ଅଣାଯାଉଥିଲା । ସେଠାରେ ମଧ୍ୟ ବେଡ୍ ନ ମିଳିବାରୁ ତାଙ୍କୁ ଏସ୍କର୍ଟ ହସ୍ପିଟାଲ ଦିଲ୍ଲୀ ନିଆ ଯାଇଥିଲା । ତେବେ ସ୍ୱାସ୍ଥ୍ୟାବସ୍ଥା ଗୁରୁତର ଥିବାରୁ ମେଡିକାଲରେ ପହଞ୍ଚୁ ପହଞ୍ଚୁ ତାଙ୍କର ମୃତ୍ୟୁ ହୋଇ ଯାଇଥିଲା ।