spot_img
Home Blog Page 5832

ଅକ୍ସିଜେନ୍ ରିଫିଲିଂ ପ୍ଲାଣ୍ଟରେ ବିସ୍ଫୋରଣ, ୩ ଜଣଙ୍କ ମୃତ୍ୟୁ

ଲକ୍ଷ୍ନୌ: ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌରେ ଅକ୍ସିଜେନ୍ ସିଲିଣ୍ଡର ବିସ୍ଫୋରଣ ବେଳେ ବଡ଼ ଅଘଟଣ ଘଟିଛି । ସିଲିଣ୍ଡର ରିଫିଲିଂ ବେଳେ ବିସ୍ଫୋରଣ ଘଟି ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଛି । ଏଥିରେ ଅନ୍ୟ କିଛି ଜଣ ଆହତ ହୋଇଥିବା ଜଣାପଡ଼ିଛି । ଚିନହଟର କେଟି ଅକ୍ସିଜେନ୍ ପ୍ଲାଣ୍ଟରେ ଏହି ବିସ୍ଫୋରଣ ହୋଇଥିବା ବେଳେ ସ୍ଥାନୀୟ ପୋଲିସ ଓ ପ୍ରଶାସନ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।

Explosion On Oxygen Refill Plant In Lucknow Two People Dead, 6 Injured 

କେଟି ରୋଡରେ ଅକ୍ସିଜେନ୍ ପ୍ଲାଣ୍ଟରେ ବିସ୍ଫୋରଣରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଆହତ ହୋଇଛନ୍ତି । ପ୍ଲାଣ୍ଟରେ କାମ କରୁଥିବା ଜଣେ କର୍ମଚାରୀଙ୍କ ହାତ ମଧ୍ୟ ବିସ୍ଫୋରଣରେ ଉଡ଼ି ଯାଇଛି । ବିସ୍ଫୋରଣର ତଦନ୍ତ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ପୋଲିସ ଅନୁସାରେ, ରିଫିଲିଂ ବେଳେ ଗ୍ୟାସ୍ ଲିକେଜ୍ ଯୋଗୁଁ ବିସ୍ଫୋରଣ ଘଟିଛି ।

ଆହାତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ବିସ୍ଫୋରଣରେ ପ୍ଲାଣ୍ଟର ଉପରେ ପଡ଼ିଥିବା ସେଡ୍ ମଧ୍ୟ ଉଡ଼ିଯାଇଛି ।

୨୧ ବର୍ଷ ପୂର୍ବେ ବିବାହ କରିବାକୁ ନିଷ୍ପତ୍ତି ନେଇଥିଲେ ସଲମାନ, ଅଚାନକ…

 ମୁମ୍ବାଇ:  ବଲିଉଡରେ ଯଦି କାହାର ବିବାହକୁ ଦେଶବାସୀ ଦୀର୍ଘଦିନ ଧରି ଅପେକ୍ଷା କରିଥାନ୍ତି ସେ ହେଉଛନ୍ତି ଦବଙ୍ଗ୍‌ ମାନେ ସଲମାନ ଖାନ୍‌। ୫୫ ବର୍ଷ ହୋଇ ଯାଇଥିଲେ ମଧ୍ୟ ସେ ଆଜିପର୍ଯ୍ୟନ୍ତ ବିବାହ କଲେନାହିଁ । ସଲମାନଙ୍କ ବିବାହ ଖବର ଅନେକ ଥର ସାମ୍ନାକୁ ଆସିଛି, କିନ୍ତୁ ତାହା କେବେ ମଧ୍ୟ ସତ ହୋଇନାହିଁ । ଅବଶ୍ୟ ଆଜିଠାରୁ ଠିକ୍‌୨୧ ବର୍ଷ ପୂର୍ବେ ସଲମାନ ବିବାହ କରିବା ପାଇଁ ନିଷ୍ପତ୍ତି ନେଇଥିଲେ । କିନ୍ତୁ ଶେଷ ସମୟରେ ନିଷ୍ପତ୍ତି ବଦଳାଇ ଦେଲେ ।

ଥରେ କପିଲ ଶର୍ମାଙ୍କ ଶୋ’ରେ ଅତିଥି ହୋଇ ପହଞ୍ଚିଥିବା ବେଳେ ସଲମାନଙ୍କ ଏହି ସିକ୍ରେଟକୁ ରିଭିଲ କରିଛନ୍ତି ତାଙ୍କ ଘନିଷ୍ଠ ବନ୍ଧୁ ସାଜିଦ ନାଡ଼ିୟଡବାଲା। ସାଜିଦଙ୍କ କହିବା ଅନୁସାରେ, ସଲମାନ ଏବଂ ସେ କେବେ ମଧ୍ୟ ବିବାହ ନକରିବା ପାଇଁ ନିଷ୍ପତ୍ତି ନେଇଥିଲେ । ଅବଶ୍ୟ ପରେ ସାଜିଦ ବିବାହ କରିନେଲେ, କିନ୍ତୁ ସଲମାନ ଆଜିପର୍ଯ୍ୟନ୍ତ ବିବାହ କଲେ ନାହିଁ ।

 

ସାଜିଦ ଏହା ମଧ୍ୟ କହିଥିଲେଯେ, ୧୯୯୯ରେ ସଲମାନ ତାଙ୍କ ନିଷ୍ପତ୍ତି ବଦଳେଇଦେଲେ ଏବଂ ବିବାହ କରିବା ପାଇଁ କହିଲେ । ତାଙ୍କ ବାପା ଏବଂ ମା’ଙ୍କ ବିବାହ ବାର୍ଷିକୀ ଅର୍ଥାତ୍‌ନଭେମ୍ବର ୧୮ରେ ବିବାହ କରିବା ପାଇଁ ସଲମାନ ନିଷ୍ପତ୍ତି ନେଇଥିଲେ । ସଲମାନଙ୍କ ପରିବାର ବିବାହ ପାଇଁ ପ୍ରସ୍ତୁତି ମଧ୍ୟ ଆରମ୍ଭ କରିଦେଲେ । କିନ୍ତୁ ବିବାହର ୫ରୁ ୬ ଦିନ ପୂର୍ବରୁ ସଲମାନ ବାଜି ଓଲାଟାଇଦେଲେ ଏବଂ ବିବାହ କରିବା ପାଇଁ ମନା କରିଦେଲେ । ଅବଶ୍ୟ ସାଜିଦ ମନା କରିନପାରି ବିବାହ କରିଦେଲେ ।

ସବୁଠାରୁ ମଜାଦାର କଥା ହେଉଛି, ସାଜିଦ ବିବାହ ବେଦୀରେ ବସିଥିବା ବେଳେ ସଲମାନ ତାଙ୍କ ନିକଟକୁ ଆସିଲେ ଏବଂ କାନରେ କହିଲେଯେ, ଯଦି ବାହାଘର ଛାଡ଼ି ଯିବାକୁ ଚାହୁଁଛୁ, ତେବେ ଗେଟ୍‌ବାହାରେ ଗାଡ଼ି ଛିଡ଼ା ହୋଇଛି । ଅବଶ୍ୟ ସଲମାନ ଏହାକୁ କେବଳ ମଜାକରେ କହିଥିଲେ । କିନ୍ତୁ ବାସ୍ତବରେ ସେ ସାଜିଦଙ୍କୁ ଶୁଭକାମନା ଜଣାଇଥିଲେ ।

୧୯୯୪ରେ ମଧ୍ୟ ସଲମାନ ଏବଂ ସଙ୍ଗୀତା ବିଜଲାନୀଙ୍କ ବିବାହ ପାଇଁ ତାରିଖ ଧାର୍ଯ୍ୟ ହୋଇ ସାରିଥିଲା । ବିବାହ କାର୍ଡ଼ ମଧ୍ୟ ଛପା ସରିଥିଲା । କିନ୍ତୁ କୁହାଯାଏ, ବିବାହ ପୂର୍ବରୁ ସଲମାନ ଧୋକା ଦେଉଥିବା ସଙ୍ଗୀତା ଜାଣି ନେଇଥିଲେ । ଯାହାପରେ ସେ ବିବାହ କରିବାକୁ ମନା କରିଦେଲେ । କିନ୍ତୁ ସେହି ସମୟରେ ସଲମାନ ବିବାହ କରିବାକୁ ଚାହୁଁଥିଲେ । ଯାହାର ଖୁଲାସା ନିଜେ ସଲମାନ କଫି ଓ୍ୱିଦ୍‌କରନରେ କରିଥିଲେ ।

ରାଜ୍ୟରେ ମୋଟ ସଂକ୍ରମଣ ମାମଲାର ୨୦ ପ୍ରତିଶତ ଶିଶୁ

ଭୁବନେଶ୍ୱର: କରୋନାର ପ୍ରଥମ ଲହର ଅପେକ୍ଷା ଦ୍ୱିତୀୟ ଲହରରେ ଅଧିକ ଛୁଆ ସଂକ୍ରମିତ ହେଉଛନ୍ତି । ଏହା ପଛରେ ଭୂତାଣୁର ନୂଆ ରୂପ ରହିଛି । ଭାଇରସର ମ୍ୟୁଟେସନ୍ ଯୋଗୁଁ ଅଧିକ ଶିଶୁ ସଂକ୍ରମିତ ହେଉଥିବା କହିଛନ୍ତି ଶିଶୁରୋଗ ବିଶେଷଜ୍ଞ ପ୍ରଫେସର ଡାକ୍ତର ପ୍ରଭାକର ମିଶ୍ର । ରାଜ୍ୟରେ ଚିହ୍ନଟ ମୋଟ ସଂକ୍ରମଣ ମାମଲାରୁ ୨୦ ପ୍ରତିଶତ ମାମଲା କିଶୋର, କିଶୋରୀଙ୍କ ଠାରେ ଚିହ୍ନଟ ହୋଇଛି ।

ଶିଶୁ ଓ କିଶୋରକିଶୋରୀଙ୍କୁ କରୋନା କମ୍ ମାତ୍ରାରେ ସଂକ୍ରମିତ କରୁଛି । କୋଭିଡ୍ ମୁକ୍ତ ହେବା ପରେ ୨ରୁ ୫ ସପ୍ତାହ ମଧ୍ୟରେ ସେମାନଙ୍କ ଠାରେ ପ୍ରବଣତା କମ୍ ରହୁଥିବା ବେଳେ ଏମ୍ଆଇସି ଦେଖାଯାଉଛି । ଯେଉଁଥିରେ ହୃଦଯନ୍ତ୍ର, ଶ୍ୱାସକ୍ରିୟା, ଯକୃତ, ବୃକକ ଆଦି ପ୍ରଭାବିତ ହେଉଛି । ସେମାନେ ଗୁରୁତର ହୋଇ ଆଇସିୟୁରେ ଭର୍ତ୍ତି ହେଉଛନ୍ତି । ତେଣୁ ସାବଧାନ୍ ରହିବା ଉଚିତ୍ ।

20 Percentage Of Child Are Corona Infected In State

କରୋନାର ଦ୍ୱିତୀୟ ଲହରରେ କେତେକ ନୂଆ ଲକ୍ଷଣ ଦେଖା ଯାଉଛି । ତରଳ ଝାଡ଼ା, ପେଟ ବଥା, ବାନ୍ତି ହେବା, ଜିଭରେ ଲାଲ୍ ପଡ଼ିବା, ଆଖି ଲାଲ୍ ପଡ଼ିବା, ଚର୍ମ ସଂକ୍ରମଣ ଆଦି ନୂଆ ଲକ୍ଷଣ ଦେଖାଯାଉଛି । ପିଲାମାନଙ୍କ କ୍ଷେତ୍ରରେ ପ୍ରଚଳିତ ଔଷଧ ଡାକ୍ତରଙ୍କ ପରାମର୍ଶକ୍ରମେ ଦିଆଯାଇ ପାରିବ । ଶିଶୁଙ୍କ ଠାରେ ରୋଗ ପ୍ରତିଷେଧକ ଶକ୍ତି ଅଧିକ ଥିବାରୁ ସେମାନେ ଶୀଘ୍ର କୋଭିଡ୍ ମୁକ୍ତ ହେଉଛନ୍ତି ।

ଛୁଆ କୋଭିଡ୍ ସଂକ୍ରମିତ ହୋଇଥିଲେ ଘରେ ହୋମ୍ ଆଇସୋଲେସନରେ ରହି ପାରିବେ । ସମସ୍ତ ପ୍ରକାର କୋଭିଡ୍ ନିୟମକୁ ପାଳନ କରିବାକୁ ପଡ଼ିବ । ତେବେ ଛୁଆକୁ ୪ ମାସ ହୋଇଥିବା ବେଳେ ମାଆ ସଂକ୍ରମିତ ହେଲେ ଛୁଆକୁ ସ୍ତନ୍ୟପାନ କରାଇପାରିବେ । ଛୁଆକୁ କ୍ଷୀର ଦେବା ପୂର୍ବରୁ ମାଆ ସାବୁନରେ ହାତ ଧୋଇବା ସହ ମାସ୍କ ପିନ୍ଧିବା ଉଚିତ୍ ବୋଲି ଡାକ୍ତର କହିଛନ୍ତି ।

କରୋନା କାଳରେ ଗର୍ଭଧାରଣ କେତେ ସୁରକ୍ଷିତ, ଜାଣନ୍ତୁ କଣ କହୁଛନ୍ତି ଡାକ୍ତର…

ଭୁବନେଶ୍ୱର: ମହାମାରୀ କରୋନା ସମୟରେ ଗର୍ଭଧାରଣ କେତେ ସୁରକ୍ଷିତ ? ଏ ପ୍ରଶ୍ନ ଆପଣଙ୍କ ମନରେ ନିଶ୍ଚୟ ଉଠୁଥିବ । ଯଦି କରୋନା ସମୟରେ ଆପଣ ଗର୍ଭ ଧାରଣ କରିଛନ୍ତି ତେବେ ତୁରନ୍ତ ଡାକ୍ତରଙ୍କ ପରାମର୍ଶ କରନ୍ତି । ଗର୍ଭାବସ୍ଥାରେ ରୋଗ ପ୍ରତିଷେଧକ ଶକ୍ତି କମିଯାଏ । ଫୁସଫୁସ୍ ଜନିତ ରୋଗ ବେଶୀ ହୁଏ । ଆଉ ଏଭଳି ସମୟରେ କରୋନା ହେଲେ ମାଆ ଓ ଶିଶୁଙ୍କ ପ୍ରତି ବିପଦ ସୃଷ୍ଟି କରେ । ତେଣୁ କରୋନା କାଳରେ ଗର୍ଭ ରହିଲେ ତୁରନ୍ତ ଡାକ୍ତରଙ୍କ ପରାମର୍ଶ ନେବା ଆବଶ୍ୟକ ବୋଲି କହିଛନ୍ତି କଟକ ଏସସିବିର ସ୍ତ୍ରୀ ଓ ପ୍ରସୂତି ରୋଗ ବିଭାଗ ମୁଖ୍ୟ ପ୍ରଫେସର ଡାକ୍ତର ତୁଷାର ଜ୍ୟୋତି କର ।

 Are Pregency Safe In Corona Time, Know What Saying Doctors

କୋଭିଡ୍ ସମୟ ଯୋଗୁଁ ଆପଣ ଗର୍ଭଧାରଣ ବେଳେ ପ୍ରତି ମାସରେ ନଆସି ମାସେ ଲେଖାଏଁ ବ୍ୟବଧାନରେ ମେଡିକାଲ୍ ଚେକ୍ ଅପ୍ ପାଇଁ ଯାଆନ୍ତୁ । ମେଡିକାଲ୍ ଗଲା ବେଳେ କୋଭିଡ୍ ଗାଇଡଲାଇନ୍ ମାନନ୍ତୁ । ଗର୍ଭାବସ୍ଥାରେ ଅଲଟ୍ରାସାଉଣ୍ଡ କରିବା ଉଚିତ୍ । ତେବେ, ଅଲଟ୍ରାସାଉଣ୍ଡ ବେଳେ ସମସ୍ତ କୋଭିଡ୍ ଗାଇଡଲାଇନ୍ ମାନିବାକୁ ପରାମର୍ଶ ଦେଇଛନ୍ତି ଡାକ୍ତର ।

ଗର୍ଭାବସ୍ଥାରେ ମାଆ କରୋନା ସଂକ୍ରମିତ ହେଲେ ଶିଶୁ ସମୟ ପୂର୍ବରୁ ଜନ୍ମ ନେଇଥାଏ । ଅର୍ଥାତ୍ ପରିପକ୍ୱ ବୟସ ହେବା ପୂର୍ବରୁ ଛୁଆ ଜନ୍ମ ହୁଏ । ମାସ ଅନୁପାତ ଅନୁସାରେ ଛୁଆର ଅଭିବୃଦ୍ଧି ହୋଇନପାରେ । ଗର୍ଭାବସ୍ଥା ଭଳି ସମ୍ବେଦନଶୀଳ ସମୟରେ ମାଆ ଗୁରୁତର ହେଲେ ସେଥିପାଇଁ ସରକାର ବ୍ୟବସ୍ଥା କରିଛନ୍ତି । କଟକ ଏସସିବିର ପ୍ରସୂତି ୱାର୍ଡରେ ୩୦ଟି ଅଲଗା ଶଯ୍ୟା କରିଛନ୍ତି । ଏଥିରେ କୋଭିଡ୍ ସଂକ୍ରମିତ ପ୍ରସୂତିଙ୍କ ଚିକିତ୍ସା କରାଯିବ । ଏଥିରେ ଭେଣ୍ଟିଲେଟର ବ୍ୟବସ୍ଥା ରହିଛି । ଜିଲ୍ଲା ଚିକିତ୍ସାଳୟରେ ମଧ୍ୟ ସ୍ୱତନ୍ତ୍ର ବ୍ୟବସ୍ଥା ହୋଇଛି ।

ସାଧାରଣ ରୋଗୀ ଭଳି ଗର୍ଭବତୀ ମହିଳା ସୁସ୍ଥ ହେଉଛନ୍ତି । ତେବେ, ଗାଇଡଲାଇନ୍ ଅନୁସାରେ ଗର୍ଭାବସ୍ଥା ସମୟରେ କିମ୍ବା କ୍ଷୀର ଦେଉଥିବା ମାଆ କରୋନା ଟିକା ନେବେ ନାହିଁ । ପ୍ରଥମ ଡୋଜ୍ ଟିକା ନେବା ପରେ କେହି ମହିଳା ଗର୍ଭଧାରଣ କଲେ ଦ୍ୱିତୀୟ ଡୋଜ୍ ଟିକା ନେବା ଅନୁଚିତ୍ ବୋଲି ଡାକ୍ତର କହିଛନ୍ତି ।

ଭୁବନେଶ୍ୱର ରେଳ ଷ୍ଟେସନରେ କଡ଼ାକଡ଼ି ହେଲା ନିୟମ

ଭୁବନେଶ୍ୱର: ନୂଆ ଷ୍ଟ୍ରେନ୍ ପରେ କଡ଼ାକଡ଼ି ହେଲା ନିୟମ । ଆନ୍ଧ୍ରପ୍ରଦେଶ ଓ ତେଲଙ୍ଗାନା ଯାତ୍ରୀଙ୍କୁ ଚିହ୍ନଟ ପାଇଁ ଭୁବନେଶ୍ୱର ରେଳ ଷ୍ଟେସନରେ ନିୟମକୁ କଡ଼ାକଡ଼ି କରାଯାଇଛି । ଷ୍ଟେସନରେ ସମସ୍ତ ବାଟ ବନ୍ଦ ରହିଥିବାବେଳେ କେବଳ ୧ ନମ୍ବର ପ୍ଲାଟଫର୍ମ ଦେଇ ଯାତ୍ରୀ ଯିବା ଆସିବା କରିପାରିବେ । ସମସ୍ତ ଗଳା ବାଟ ବନ୍ଦ କରି ନଜର ରଖା ଯାଇଥିବା କହିଛନ୍ତି ଷ୍ଟେସନ ନିର୍ଦ୍ଦେଶକ ।

ପୋଲିସ ଓ ବିଏମସି ସହାୟତାରେ ଆସୁଥିବା ଯାତ୍ରୀଙ୍କ ଭାକ୍ସିନେସନ ରିପୋର୍ଟ ଓ କୋଭିଡ୍ ନେଗେଟିଭ୍ ରିପୋର୍ଟ ଯାଞ୍ଚ ହେଉଛି । ଯାହାର ରିପୋର୍ଟ ନାହିଁ ତାଙ୍କର ନାଁ ଠିକଣା ରେଜିଷ୍ଟ୍ରେସନ ସହ ବାଧ୍ୟତାମୂଳକ ସଙ୍ଗରୋଧ ପାଇଁ ପଠାଯାଉଛି । ବର୍ତ୍ତମାନ ଆନ୍ଧ୍ର ତେଲଙ୍ଗାନା ଭାୟା ହୋଇ ୨୦ରୁ ୨୨ ଟ୍ରେନ୍ ଯାତାୟତ କରୁଛି ।

ଏହାସହ କରୋନା ସଂକ୍ରମଣକୁ ଦେଖି ୭ଟି ଟ୍ରେନ୍ ବାତିଲ୍ କରାଯାଇଛି । କିଛି ଲୋକାଲ୍ ଟ୍ରେନ୍ ବି ରହିଛି । ଲୋକାଲ ଟ୍ରେନ୍ ବାତିଲ ନିଶ୍ଚିତ ସଂକ୍ରମଣ କମାଇବ ବୋଲି ଆଶା କରିଛନ୍ତି ଭୁବନେଶ୍ୱର ରେଳ ଷ୍ଟେସନ ନିର୍ଦ୍ଦେଶକ ଚିତ୍ତ ନାୟକ ।

ଶହେରୁ ଅଧିକ ପାଦ୍ରୀ କରୋନା ପଜିଟିଭ୍, ୨ ଜଣଙ୍କ ମୃତ୍ୟୁ

ଥିରୁବନନ୍ତପୁରମ: ଚର୍ଚ୍ଚ ଅଫ୍ ସାଉଥ ଇଣ୍ଡିଆର ୧୦୦ରୁ ଅଧିକ ପାଦ୍ରୀ କରୋନା ସଂକ୍ରମିତ ହୋଇଛନ୍ତି । ଗତ ମାସରେ ମୁନ୍ନାରରେ ଆୟୋଜିତ ଉତ୍ସବରେ ଏମାନେ ଯୋଗ ଦେଇଥିଲେ । ସଂକ୍ରମିତଙ୍କ ମଧ୍ୟରୁ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୫ ଜଣଙ୍କ ଅବସ୍ଥା ସଂକଟାପର୍ଣ୍ଣ ରହିଛି । ସଂକ୍ରମିତଙ୍କ ମଧ୍ୟରେ ସିଏସ୍ଆଇର ପରିଚାଳକ ଅଛନ୍ତି ।

Kerala Over 100 Christian priests test positive for coronavirus, two died

ଖ୍ରୀଷ୍ଟିୟାନ୍ ପାଦ୍ରୀ ଏବଂ ସଭ୍ୟଙ୍କୁ ନେଇ ବାର୍ଷିକ ଉତ୍ସବ ମୁନ୍ନାରର ସିଏସ୍ଆଇ ଖ୍ରୀଷ୍ଟ ଚର୍ଚ୍ଚରେ ଏପ୍ରିଲ୍ ୧୩ରୁ ୧୭ ମଧ୍ୟରେ ହୋଇଥିଲା । ଦେଶ କରୋନାର ଦ୍ୱିତୀୟ ପ୍ରବାହ ସହ ଯୁଝୁଥିଲା ବେଳେ ଏଥିରେ ବିଭିନ୍ନ ଚର୍ଚ୍ଚରୁ ୩୫୦ରୁ ଅଧିକ ପାଦ୍ରୀ ଯୋଗ ଦେଇଥିଲେ । ସମ୍ମିଳନୀକୁ ସ୍ଥଗିତ ରଖିବାକୁ ବାରମ୍ବାର ଅନୁରୋଧ ସତ୍ତ୍ୱେ ଆୟୋଜନକାରୀ ସମ୍ମେଳନ କରିଥିବା କୁହାଯାଉଛି । ଏପରିକି ସମ୍ମିଳନୀରେ ଯୋଗ ନଦେଲେ ଫାଦରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଡର ମଧ୍ୟ ଦେଖାଯାଇଥିବା ଜଣାପଡ଼ିଛି ।

Kerala Over 100 Christian priests test positive for coronavirus, two died

ସମ୍ମିଳନୀରେ ଯୋଗ ଦେଇଥିବା ଥିରୁବନନ୍ତପୁରମ ଏଲଏମଏସ୍ ଚର୍ଚ୍ଚର ପାଦ୍ରୀ ରେଭ୍ ବିଜୁମନଙ୍କ ମୃତ୍ୟୁ କରୋନାରେ ହୋଇଛି । ସେହିଭଳି ପୁନ୍ନାକ୍କାମୁଗଲ ସିଏସ୍ଆଇ ଚର୍ଚ୍ଚର ପାଦ୍ରୀ ରେଭ୍ ସାଇନ୍ ବି ରାଜ୍ କରୋନାରେ ପ୍ରାଣ ହରାଇଛନ୍ତି । ଏବେ ଅଧିକାଂଶ ଫାଦରଙ୍କ କରୋନା ଚିକିତ୍ସା କାରାକୋନମରେ ଚାଲିଥିବା ବେଳେ ଅନେକ ହୋମ୍ କ୍ୱାରେଣ୍ଟାଇନରେ ଅଛନ୍ତି ।

ସ୍ୱାସ୍ଥ୍ୟ ବ୍ୟବସ୍ଥାର ନଗ୍ନ ଚିତ୍ର, ଗୋଟିଏ ବେଡ ପାଇଁ ମଗାଯାଉଛି ୫୦ ହଜାର ଟଙ୍କା

ନୂଆଦିଲ୍ଲୀ: ହସ୍ପିଟାଲରେ ବେଡ୍ ପାଇଁ ଲାଞ୍ଚ କାରବାର । ୨୫ରୁ ୫୦ ହଜାର ଟଙ୍କା ବିକ୍ରି ହେଉଛି ବେଡ୍। କେଇଟା ଟଙ୍କା ପାଇଁ ଗୁରୁତର ରୋଗୀଙ୍କୁ ମରଣମୁହଁକୁ ଠେଲି ଦେଉଛନ୍ତି ଦଲାଲ୍। କରୋନା କାଳରେ ହସ୍ପିଟାଲରେ ବେଡ୍ ଅଭାବ ବେଳେ ବ୍ୟାକ୍‌ ହ୍ୟାଣ୍ଡରେ ଟଙ୍କା ନେଇ ବେଡ୍ ବିକି ଦେଉଛନ୍ତି ମେଡିକାଲ ଦଲାଲ୍। କେତେଜଣ ସ୍ୱାସ୍ଥ୍ୟକର୍ମୀ ଓ ମ୍ୟୁନିସିପାଲିଟି ଅଫିସ କର୍ମଚାରୀଙ୍କ ହାତବାରିସି ସାଜିଥିବା ଦଲାଲମାନେ ହସ୍ପିଟାଲରେ ଚଳାଇଛନ୍ତି ଦାଦାଗିରି।

ଏଭଳି ଘଟଣା ନଜରକୁ ଆସିଛି ବାଙ୍ଗାଲୋର ସହରରୁ। ହସ୍ପିଟାଲରେ ବେଡ୍‌ ଯୋଗାଣ ନେଇ କର୍ଣ୍ଣାଟକ ସରକାରଙ୍କ ପକ୍ଷରୁ ଜାରି କରାଯାଇଥିବା ନିର୍ଦ୍ଦେଶ ଅନେକ ଗରିବ ଲୋକଙ୍କ ଜୀବନ ନେଉଛି ବୋଲି କହିଛନ୍ତି ବାଙ୍ଗାଲୋରର ସାଉଥ୍ ସାଂସଦ ତଥା ବିଜେପି ନେତା ତେଜସ୍ୱୀ ସୂର୍ଯ୍ୟ। ତାଙ୍କ ଅଭିଯୋଗ ପରେ ପୋଲିସ ୨ଜଣଙ୍କୁ ଗିରଫ କରିଛି। ସୂର୍ଯ୍ୟଙ୍କ ଅଭିଯୋଗ ଯେ, ମ୍ୟୁନିସିପାଲିଟି ଓ ସ୍ୱାସ୍ଥ୍ୟକର୍ମୀଙ୍କ ଏଜେଣ୍ଟମାନେ ଅତି ଗୁରୁତର ରୋଗୀଙ୍କଠାରୁ ବେଡ୍ ଛଡ଼ାଇ ବିକ୍ରି କରୁଛନ୍ତି।

ଗୋଟିଏ ବେଡ୍ ପାଇଁ ୨୫ରୁ ୫୦ ହଜାର ପର୍ଯ୍ୟନ୍ତ ଚାର୍ଜ କରାଯାଉଛି। ହସ୍ପିଟାଲରେ ଶଯ୍ୟା ସଂରକ୍ଷଣ ପାଇଁ କର୍ଣ୍ଣାଟକ ସରକାର ଦେଇଥିବା ନିର୍ଦ୍ଦେଶ ଯୋଗୁ ସ୍ଥିତି ଏଭଳି ହୋଇଛି ବୋଲି ବିଜେପି ସାଂସଦ ଅଭିଯୋଗ ଆଣିଛନ୍ତି। ବେଙ୍ଗାଲୁରୁ ମହାନଗର ପାଳିକା ପକ୍ଷରୁ ଓ୍ୱେବସାଇଟରେ ସବୁ ବେଡ୍ ଫୁଲ୍ ଥିବା ଦର୍ଶାଯାଉଛି। ମାତ୍ର ମହାନଗର ନିଗମର କର୍ମଚାରୀ ଓ ସ୍ୱାସ୍ଥ୍ୟକର୍ମୀଙ୍କ ଏଜେଣ୍ଟମାନେ ଟଙ୍କା ନେଇ ବେଡ୍ ବିକ୍ରି କରିଦେଉଛନ୍ତି। ସରକାରୀ ଓ ବେସରକାରୀ ଡାକ୍ତରଖାନା ଗୁଡ଼ିକରେ ନିର୍ଦ୍ଧିଷ୍ଠ କେତେକ ଶଯ୍ୟା ସଂରକ୍ଷିତ ରଖିବାକୁ ରାଜ୍ୟ ସରକାରଙ୍କ ନିର୍ଦ୍ଦେଶ ରହିଥିବାରୁ ହଜାର ହଜାର ରୋଗୀଙ୍କ ସମ୍ପର୍କୀୟ ଏହି ସମସ୍ୟା ଭୋଗୁଛନ୍ତି। ମହାମାରୀ ସମୟରେ ଏଭଳି କାର୍ଯ୍ୟ ଅତ୍ୟନ୍ତ ନିନ୍ଦନୀୟ ବୋଲି ବିଜେପି ସାଂସଦ ସୂର୍ଯ୍ୟ କହିଛନ୍ତି।

ସଙ୍କଟ ବେଳେ ବଢ଼ିଛି କଳାବଜାରୀ, ଆମ୍ବୁଲାନ୍ସରେ ନେବା ପାଇଁ ଦାବି କରୁଛନ୍ତି ୫୦ ହଜାର

ଭୁବନେଶ୍ୱର: କରୋନା ସଙ୍କଟ ବେଳେ ବଢ଼ିଛି କଳାବଜାରୀ । ଅକ୍ସିଜେନ ସିଲିଣ୍ଡରଠାରୁ ଆରମ୍ଭ କରି ବେଡ୍, ମେଡିସିନ ଏମିତିକି ଆମ୍ବୁଲାନ୍ସ ସେବା ମିଳିବାରେ ନାହିଁ ନ ଥିବା ସମସ୍ୟା ଭୋଗୁଛନ୍ତି ଲୋକେ । କଠିନ ପରିସ୍ଥିତିରେ କେତେଜଣ ନ୍ୟସ୍ତସ୍ୱାର୍ଥ ବ୍ୟକ୍ତି କେଇଁଟା ଟଙ୍କା ପାଇଁ ରୋଗୀ ଓ ରୋଗୀଙ୍କ ସମ୍ପର୍କୀୟଙ୍କୁ ଲୁଟୁଛନ୍ତି। ଦିଲ୍ଲୀ ଓ ନୋଏଡ଼ାରେ ଏକ ଷ୍ଟିଙ୍ଗ ଅପୋରେସନରୁ ଧରାପଡ଼ିଛି ଜଣେ ଆମ୍ବୁଲାନ୍ସ ଡ୍ରାଇଇଭରଙ୍କ ଚାଲାକି। ଜଣେ କରୋନା ରୋଗୀଙ୍କୁ ହସ୍ପିଟାଲ ନେବାକୁ ୫୦ ହଜାର ଟଙ୍କା ଦାବି କରୁଛନ୍ତି ଆମ୍ବୁଲାନ୍ସ ଡ୍ରାଇଭର। ଆମ୍ବୁଲାନ୍ସ ସାଇଜକୁ ଦେଖି ଦର ଧାର୍ଯ୍ୟ କରୁଛନ୍ତି ଡ୍ରାଇଭର।

ଦିଲ୍ଲୀର ଜିଟିବି ହସ୍ପିଟାଲ ବାହାରେ ଥିବା ଛୋଟ ଆମ୍ବୁଲାନ୍ସରେ ରୋଗୀ ନେବା ପାଇଁ ଡ୍ରାଇଭର ୨୫ ହଜାର ଟଙ୍କା ଦାବି କରୁଛନ୍ତି। ଏହାଛଡ଼ା ଆମ୍ବୁଲାନ୍ସରେ ଡାକ୍ତର ଓ ନର୍ସଙ୍କୁ ମଧ୍ୟ ରଖାଯାଉଛି। ରୋଗୀ ସହ ଡାକ୍ତର ରହିଲେ ୩୦ ହଜାର ଓ ନର୍ସ ରହିଲେ ୨୨ ହଜାର ଚାର୍ଜ କରୁଛନ୍ତି ଡ୍ରାଇଭର। କରୋନାରେ ଛଟପଟ ହେଉଥିବା ରୋଗୀଙ୍କ ସମ୍ପର୍କୀୟ ବାଧ୍ୟ ହୋଇ ଛଢ଼ା ଦର ଦେଇ ଆମ୍ବୁଲାନ୍ସ ବୁକ୍ କରୁଛନ୍ତି। କୌଣସି ରୋଗୀଙ୍କଠାରୁ ଆମ୍ବୁଲାନ୍ସ ଡ୍ରାଇଭର ଅଧିକ ଟଙ୍କା ନେଇପାରିବେ ନାହିଁ ବୋଲି ଗତ ସେପ୍ଟେମ୍ବରରେ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ। ହେଲେ କୋର୍ଟଙ୍କ ନିର୍ଦ୍ଦେଶକୁ ଅବମାନନା କରି ଅନେକ ରାଜ୍ୟରେ ଆମ୍ବୁଲାନ୍ସ ଚାଳକମାନେ ଏଭଳି ରୋଗୀଙ୍କ ସମ୍ପର୍କୀୟଙ୍କୁ ଲୁଟୁ ଥିବା ଦେଖାଯାଉଛି।

ହସ୍ପିଟାଲରେ ମିଳିଲାନି ବେଡ୍, ବାଇକ୍ ଉପରେ ଚାଲିଗଲା ଓକିଲଙ୍କ ଜୀବନ

ନୂଆଦିଲ୍ଲୀ: ହସ୍ପିଟାଲରେ ମିଳିଲାନି ବେଡ୍ । ବାଇକ୍ ଉପରେ ଚାଲିଗଲା ଓକିଲଙ୍କ ଜୀବନ । ମଧ୍ୟପ୍ରଦେଶରୁ ଆସିଛି ଏଭଳି ଦୁଃଖଦ ଖବର । ଚିକିତ୍ସା ଅଭାବରୁ ମଧ୍ୟପ୍ରଦେଶର ରତଲାମରେ ଜଣେ ଓକିଲ ସୁରେଶ ଡାଗରଙ୍କ ଜୀବନ ଯାଇଛି। ସୁରେଶଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ମା’ ଓ ଭାଇ ତାଙ୍କୁ ରତଲାମ ହସ୍ପିଟାଲକୁ ନେଇଥିଲେ। ପ୍ରାୟ ୩ ଘଣ୍ଟା ଅପେକ୍ଷା କରିବା ପରେ ବି ତାଙ୍କୁ ହସ୍ପିଟାଲରେ ଆଡମିଟ କରାଯାଇ ନ ଥିଲା। ନିକଟରେ ଥିବା ଏକ ଘରେଇ ହସ୍ପିଟାଲରେ ବି ବେଡ୍ ମିଳିଲାନି।

ଆଉ ଏକ ହସ୍ପିଟାଲକୁ ନେଉଥିବା ବେଳେ ରାସ୍ତାରେ ହିଁ ସୁରେଶଙ୍କ ମୃତ୍ୟୁ ହୋଇଥିଲା। କେତେଜଣ ପୋଲିସ କର୍ମଚାରିଙ୍କ ସହଯୋଗରେ ଆମ୍ବୁଲାନ୍ସରେ ସୁରେଶଙ୍କୁ ହସ୍ପିଟାଲ ପଠାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଠିକ୍ ସମୟରେ ଚିକିତ୍ସା ମିଳି ଯାଇଥିଲା ସୁରେଶଙ୍କ ଜୀବନ ବଞ୍ଚିଯାଇପାରିଥାନ୍ତା। କରୋନା ପଜିଟିଭ୍ ଥିବା ଆଶଙ୍କାରେ କୌଣସି ହସ୍ପିଟାଲରେ ସୁରେଶଙ୍କୁ କୌଣସି ହସ୍ପିଟାଲରେ ଆଡମିଟ କରାଯାଇ ନଥିଲା ବୋଲି ପରିବାର ଲୋକେ କହିଛନ୍ତି।

ଦୁଇ ଜଣ ବନ୍ଧୁକ ବେପାରୀଙ୍କୁ ବାନ୍ଧିଲା କ୍ରାଇମବ୍ରାଞ୍ଚ ଏସଟିଏଫ୍

ଭୁବନେଶ୍ୱର: କରୋନା କାଳରେ ବଢ଼ିଚାଲିଛି ଆତଙ୍କରାଜ। ଲୁଟପାଟ ଠାରୁ ଆରମ୍ଭ କରି ବନ୍ଧୁକ ବେପାର ବଢ଼ିବାରେ ଲାଗିଛି। ତେବେ ଆନ୍ତଃରାଜ୍ୟ ବନ୍ଧୁକ ବେପାର ରାକେଟର ପର୍ଦ୍ଦାଫାସ ହୋଇଛି। ଦୁଇ ଜଣ ବନ୍ଧୁକ ବେପାରୀଙ୍କୁ ବାନ୍ଧିଛି କ୍ରାଇମବ୍ରାଞ୍ଚ ଏସଟିଏଫ୍। ସେମାନଙ୍କଠାରୁ ୫ଟି ୭ ଏମଏମ୍ ବନ୍ଧୁକ, ୭ଟି ମାଗାଜିନ୍ ଓ ୭ଟି ଅଫୁଟା ଗୁଳି ଜବତ ହୋଇଛି। ଗିରଫ ଅଭିଯୁକ୍ତ ହେଲେ ବିହାର ମୁଙ୍ଗେର ଅଞ୍ଚଳର ରବୀନ୍ଦ୍ର ପ୍ରାସଦ ଓ ବାଲେଶ୍ୱର ଶ୍ରୀକୃଷ୍ଣପୁର ଗାଁର ବିଶ୍ୱନାଥ ବିଶୋୟୀ।

ବନ୍ଧୁକ କିଣାବିକା ନେଇ ବିଶେଷ ସୂତ୍ରରୁ ଖବର ପାଇଥିଲା କ୍ରାଇମବ୍ରାଞ୍ଚ ଏସଟିଏଫ୍। ଏମାନଙ୍କ ଉପରେ ସ୍ୱତନ୍ତ୍ର ନଜର ରହିଥିଲା। ଭଦ୍ରକ ଜିଲ୍ଲା ରାଣୀତାଲ ନିକଟରେ ଚଢ଼ାଉ ବେଳେ ଦୁଇ ଅଭିଯୁକ୍ତଙ୍କୁ ଧରିବା ସହ ସେମାନଙ୍କୁ ନିକଟରୁ ବନ୍ଧୁକ ଓ ଗୁଳି ଜବତ ହୋଇଛି । ଗତବର୍ଷକ ଭିତରେ ବେଆଇନ ବନ୍ଧୁକ କାରବାର ମାମଲାରେ ଏସଟିଏଫ ୨୭ଟି ବନ୍ଧୁକ ଓ ୬୧ ଗୁଳି ଜବତ କରିଛି।