ଟଳୁନି ଟିକା ନିଅଣ୍ଟ, ଗୁରୁବାର ୯ ଜିଲ୍ଲାରେ ବନ୍ଦ ରହିବ ଟିକାକରଣ

1 min read
Covid Vaccination To Be Closed thursday In 9 District Of Odisha

ଭୁବନେଶ୍ୱର: ରାଜ୍ୟରେ ଟିକା ନିଅଣ୍ଟ ଜାରି ରହିଛି । ଫଳରେ ଅଧିକାଂଶ ଜିଲ୍ଲାରେ କୋଭିଡ୍ ଟିକାକରଣ ଠିକ୍ ଭାବେ ଚାଲି ପାରୁନି । ଅଧିକାଂଶ ଜିଲ୍ଲାରେ ୪୫ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ କୋଭିସିଲ୍ଡ ଟିକାର ଦ୍ୱିତୀୟ ଡୋଜ୍ ଦିଆଯାଇ ପାରୁନି । ସେପଟେ ଆସନ୍ତାକାଲି ଗୁରୁବାର ୯ଟି ଜିଲ୍ଲାର କୌଣସି କେନ୍ଦ୍ରରେ ବି ଟିକା ଦିଆଯିବ ନାହିଁ ।

ଗୁରୁବାର ୯ ଗୋଟି ଜିଲ୍ଲା ବଲାଙ୍ଗିର, ବରଗଡ଼, ବୌଦ୍ଧ, ଗଜପତି, ଝାରସୁଗୁଡ଼ା, କେନ୍ଦୁଝର, କୋରାପୁଟ, ନବରଙ୍ଗପୁର ଓ ସୋନପୁର କୋଭିଡ୍ ଟିକାକରଣ ବନ୍ଦ ରହିବ । ଏବେ ରାଜ୍ୟ ପାଖରେ କେନ୍ଦ୍ର ସରକାର ଦେଇଥିବା ୧ ଲକ୍ଷ ୪ ହଜାର ୭୦ ଡୋଜ୍ କୋଭିସିଲ୍ଡ ଥିବାବେଳେ ୩ ଲକ୍ଷ ୧୮୦ ଡୋଜ୍ କୋଭାକ୍ସିନ୍ ରହିଛି । ସେହିଭଳି ରାଜ୍ୟ କିଣିଥିବା କୋଭାକ୍ସିନ୍ ମଧ୍ୟରୁ ୧ ଲକ୍ଷ ୨୮ ହଜାର ୩୨୦ ଡୋଜ୍ ରହିଛି ।

ଆଜି ରାଜ୍ୟର ୯୨ଟି କେନ୍ଦ୍ରରେ ୨୧ ହଜାର ୮୦୪ ଡୋଜ୍ କୋଭିଡ୍ ଟିକା ଦିଆଯାଇଛି । ଏଥିସହ ରାଜ୍ୟରେ ଏଯାବତ୍ ମୋଟ ୫୯ ଲକ୍ଷ ୫୧ ହଜାର ୩୨୯ ଡୋଜ୍ ଟିକା ଦିଆଗଲାଣି ।

Opn Commnet Area

Leave a Reply

Your email address will not be published. Required fields are marked *

Close Bitnami banner