ନିଲମ୍ବିତ ହେଲେ ୨ ତହସିଲଦାର, ଲାଞ୍ଚ ନେଇ ଗିରଫ ହୋଇଥିଲେ

1 min read
Barang And Raikia Tahasildar Suspended From Service

ଭୁବନେଶ୍ୱର: ଲାଞ୍ଚୁଆ ଓଏଏସଙ୍କୁ ନିଲମ୍ବନ ଛାଟ । ଲାଞ୍ଚ ନେଇ ଗିରଫ ହୋଇଥିବା ୨ ଜଣ ତହସିଲଦାରଙ୍କୁ ଚାକିରିରୁ ନିଲମ୍ବନ କରିଛି ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ । କଟକ ବାରଙ୍ଗ ତହସିଲଦାର ବିଚିତ୍ରାନନ୍ଦ ନାୟକ ଏବଂ କନ୍ଧମାଳ ଜିଲ୍ଲା ରାଇକିଆ ତହସିଲଦାର ଚକ୍ରଧର ପାଢ଼ୀଙ୍କୁ ଚାକିରିରୁ ନିଲମ୍ବିତ କରାଯାଇଛି ।

ବିଚିତ୍ରାନନ୍ଦ ବାରଙ୍ଗ ତହସିଲଦାର ଥିବା ବେଳେ ଗତ ଏପ୍ରିଲ୍ ୬ ତାରିଖରେ ଭିଜିଲାନ୍ସ ହାତରେ ଧରା ପଡ଼ି ଜେଲ୍ ଯାଇଥିଲେ । ଭିଜିଲାନ୍ସ ବିଚିତ୍ରାନନ୍ଦଙ୍କ ଗାଡ଼ିରୁ ୧ ଲକ୍ଷରୁ ଅଧିକ ଟଙ୍କା ଜବତ କରିଥିଲା । ଏହି ମାମଲାରେ ଭିଜିଲାନ୍ସ ତାଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଏହି ମାମଲାରେ ତାଙ୍କୁ ନିଲମ୍ବିତ କରାଯାଇଛି । ଏଥିସହ ନିଲମ୍ବନ କାଳରେ ଜିଲ୍ଲାପାଳଙ୍କ ଅଫିସରେ ପରବର୍ତ୍ତୀ ନିର୍ଦ୍ଦେଶନାମା ଯାଏ କାର୍ଯ୍ୟ କରିବେ ।

ସେହିଭଳି ରାଇକିଆ ତହସିଲଦାର ଚକ୍ରଧର ପାଢ଼ୀଙ୍କୁ ନିଲମ୍ବିତ କରାଯାଇଛି । ଗତ ଏପ୍ରିଲ୍ ୨୮ ତାରିଖରେ ୪୦ ଟଙ୍କା ଲାଞ୍ଚ ନେବାବେଳେ ବ୍ରହ୍ମପୁର ଭିଜିଲାନ୍ସ ହାତରେ ଧରାପଡ଼ିଥିଲେ ଚକ୍ରଧର । ତାଙ୍କୁ ନିଲମ୍ବିତ କରାଯିବା ସହ ଜିଲ୍ଲାପାଳଙ୍କ ଅଫିସରେ ସେ ପରବର୍ତ୍ତୀ ନିର୍ଦ୍ଦେଶନାମା ଯାଏ କାର୍ଯ୍ୟ କରିବେ ।

Opn Commnet Area

Leave a Reply

Your email address will not be published. Required fields are marked *

Close Bitnami banner