spot_img
Home Blog Page 5790

ଏକାକୀ ରହୁଥିବା ବୟସ୍କଙ୍କୁ ଟିକାକରଣ କେନ୍ଦ୍ରରେ ପହଁଚାଉଛି BMC

ଭୁବନେଶ୍ୱର: ବୟସ୍କ ବ୍ୟକ୍ତିଙ୍କ ପାଇଁ ବିଏମସି ବଢାଇଲା ସାହାଯ୍ୟର ହାତ । ସିନିଅର ସିଟିଜେନଙ୍କ ପାଇଁ ସାହାଯ୍ୟର ହାତ ବଢ଼ାଇଛି ଭୁବନେଶ୍ୱର ମହାନଗର ନିଗମ । ଚଳପ୍ରଚଳ କରିପାରୁନଥିବା ୬୦ ବର୍ଷରୁ ଉର୍ଦ୍ଧ ବୟସ୍କ ଲୋକଙ୍କୁ ଘରୁ ଆଣି କୋଭିଡ ଟିକା ଦେଇଛି ବିଏମସି । ଆଜିଠାରୁ ଏଭଳି ଅଭିନବ ଉପାୟରେ ଟିକାକରଣ ଆରମ୍ଭ କରାଯାଉଛି ।

ଅଧିକାଂଶ ବ୍ୟକ୍ତିଙ୍କ ପୁଅ ଓ ଝିଅ ବାହାରେ ରହୁଥିବାରୁ ସେମାନଙ୍କର ଟିକାକରଣରେ ଅସୁବିଧା ସୃଷ୍ଟି ହୋଇଛି । ଏ ସମସ୍ତ ଘଟଣାକୁ ପରିଲିଖିତ କରି ବିଏମସି ଏହି ବ୍ୟବସ୍ଥା କରିଛି । ବିଏମସି ଅଞ୍ଚଳରେ ୬୦ ବର୍ଷରୁ ଉର୍ଦ୍ଧ୍ୱ ବୟସର ଲୋକମାନେ ଟିକା ନେବାର ପୂର୍ଵ ଦିନ ୧୯୨୯ ନମ୍ବରରେ କଲକରିବା ସହ ବୁକିଂ କରିପାରିବେ । ଏହାର ପରଦିନ ବିଏମସିର ସ୍ୱତନ୍ତ୍ର ଗାଡି ଯାଇ ତାଙ୍କୁ ଘରୁ ଆଣିବା ସହ ଟିକାକରଣ ପରେ ଘରେ ଛାଡ଼ି ଆସିବାର ବ୍ୟବସ୍ଥା କରିଛି ।

ବର୍ତ୍ତମାନ ୩ ଟି କେନ୍ଦ୍ରରେ ଏହି ଟିକାକରଣ ଚାଲୁରହିଛି । ଅନ୍ୟପଟେ ଏଭଳି ବ୍ୟବସ୍ଥା ଦ୍ୱାରା ପ୍ରାପ୍ତ ବୟସ୍କ ବ୍ୟକ୍ତି ଉପକାର ପାଇପାରିବେ ଓ ଏହି ପଦକ୍ଷେପ ସ୍ୱାଗତଯୋଗ୍ୟ ବୋଲି କହିଛନ୍ତି କିଛି ବରିଷ୍ଠ ନାଗରିକ । ଏଭଳି ସ୍ଥିତିରେ ଟିକାକରଣର ଆବଶ୍ୟକତା ରହିଥିବାବେଳେ ପରିଜନ ପାଖରେ ନଥିବାରୁ ଟିକାକରଣରୁ ବଞ୍ଚିତ ହେଉଥିଲେ ବୟସ୍କ ବ୍ୟକ୍ତି । ବିଏମସିର ଏହି ପ୍ରୟାସ ଦ୍ୱାରା ସେମାନେ ଉପକୃତ ହୋଇଛନ୍ତି ।

ସମ୍ମିଳିତ ଭାବେ ହେବ କରୋନା ମୁକାବିଲା, ବିଧାନସଭାରେ ବସିଲା ସର୍ବଦଳୀୟ ବୈଠକ

ଭୁବନେଶ୍ୱର: କୋଭିଡ୍‌ ବିରୋଧୀ ଲଢ଼େଇରେ ସାମିଲ ହେବେ ସମସ୍ତ ରାଜନୈତିକ ଦଳ । ସମ୍ମିଳିତ ଭାବେ କରୋନା ମୁକାବିଲା ପାଇଁ ଆରମ୍ଭ ହୋଇଛି ସର୍ବଦଳୀୟ ବୈଠକ । ଭିଡିଓ କନଫରେନ୍ସିଂ ଜରିଆରେ ବୈଠକରେ ସାମିଲ ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଧାନସଭାରେ ବସିଥିବା ଏହି ବୈଠକରେ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ଏବଂ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଓ ସ୍ୱାସ୍ଥ୍ୟମନ୍ତ୍ରୀ ନବ ଦାସ ସାମିଲ ହୋଇଛନ୍ତି ।

ସେହିପରି କଂଗ୍ରେସ ଦଳ ନେତା ନରସିଂହ ମିଶ୍ର, ମୁଖ୍ୟ ସଚେତକ ତାରା ପ୍ରସାଦ ବହିନୀପତି, କଂଗ୍ରେସ ବିଧାୟକ ସୁରେଶ ରାଉତରାୟ,ଦାଶରଥି ଗମାଙ୍ଗ, ସନ୍ତୋଷ ସିଂ ସାଲୁଜା ବୈଠକରେ ଯୋଗ ଦେଇଛନ୍ତି । ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ, ବିଜେପି ବିଧାୟକ ଜୟନ୍ତ ଷଡ଼ଙ୍ଗୀ ମଧ୍ୟ ବୈଠକରେ ଉପସ୍ଥିତ ଅଛନ୍ତି । ବିଜେଡି ପକ୍ଷରୁ ସ୍ନେହାଙ୍ଗିନୀ ଛୁରିଆ ଓ ଅନ୍ୟ ବିଧାୟକ ମାନେ ମଧ୍ୟ ଉପସ୍ଥିତ ଅଛନ୍ତି ।

କୋଭିଡ ମୁକାବିଲାରେ ସମସ୍ତ ଦଳର ପରାମର୍ଶକୁ ନେଇ ରଣନୀତି ପ୍ରସ୍ତୁତ କରିବାକୁ ଯାଉଛନ୍ତି ରାଜ୍ୟ ସରକାର । ଯେଉଁଥିପାଇଁ ଆଜି ସର୍ବଦଳୀୟ ବୈଠକ ଡକାଯାଇଛି । ଏହି ବୈଠକରେ ବିଜେପି ଏବଂ କଂଗ୍ରେସ ଦଳର ବରିଷ୍ଠ ନେତୃତ୍ୱ ଉପସ୍ଥିତ ରହିଥିଲେ । ମୁଖ୍ୟମନ୍ତ୍ରୀ ଭିଡିଓ କନଫରେନ୍ସ ମାଧ୍ୟମରେ ଯୋଗଦେଇଥିବା ବେଳେ ବାଚସ୍ପତିଙ୍କ ଅଧ୍ୟକ୍ଷତାରେ ବସିଛି ବୈଠକ  ।

ପୋଲିସ-ନକ୍ସଲ ଗୁଳି ବିନିମୟ,କ୍ରସ ଫାୟାରରେ ୩ ଗ୍ରାମବାସୀ ନିହତ

ରାୟପୁର: ମାଲକାନଗିରି ସୀମାନ୍ତ ଛତିଶଗଡ଼ରେ ପୁଣି ମାଓବାଦୀଙ୍କ ତାଣ୍ଡବ । ସୁକମା ଜିଲ୍ଲାରେ ପୋଲିସ୍ କ୍ୟାମ୍ପ ଉପରେ ଗୁଳି ବିନିମୟ କରିଛନ୍ତି ମାଓବାଦୀ । ଏଥିରେ ତିନି ଜଣ ସ୍ଥାନୀୟ ବାସିନ୍ଦାଙ୍କ ମୃତ୍ୟୁ ହୋଇଥିବା ସୂଚନା ମିଲିଛି । ସିଲଗୀର୍ ଅଞ୍ଚଳରେ ହେଉଥିବା ପୋଲିସ୍ କ୍ୟାମ୍ପକୁ ବିରୋଧ କରି ଗତ ତିନି ଦିନ ହେଲା ସ୍ଥାନୀୟଲୋକ ଆନ୍ଦୋଳନ କରୁଥିଲେ । ହେଲେ ଆଜି ପୋଲିସ୍ କ୍ୟାମ୍ପ ଉପରେ ଅଚାନକ ଗୁଳିଚାଳନା କରିଥିଲେ ମାଓବାଦୀ ।

ସୁକମାରେ ମାଓ ଉତ୍ପାତ କମାଇବାକୁ ଉଭୟ କେନ୍ଦ୍ର ଏବଂ ରାଜ୍ୟ ସରକାର ଆଣ୍ଟା ଭିଡିଛନ୍ତି । ସେପଟେ ପ୍ରଶାସନର ଏଭଳି ଋଣନୀତିରେ ରକ୍ତମୁଖା ହୋଇ ଉଠିଛନ୍ତି ମାଓବାଦୀ । ଯେଉଁଥିପାଇଁ ପୋଲିସ କ୍ୟାମ୍ପକୁ ବିରୋଧ କରି ଗୁଳି ଚାଳନା କରିଥିବା ଜଣା ପଡିଛି । ଯେଉଁଥିରେ ସ୍ଥାନୀୟ ଲୋକଙ୍କ ମୃତ୍ୟୁ ହୋଇଛି ।

ଗତମାସରେ ବିଜାପୁର ଏନକାଉଣ୍ଟରରେ 22 ଜଣ ଯବାନ ମାଏବାଦୀଙ୍କ ଗୁଳିରେ ସହିଦ ହୋଇଥିଲେ । ଏହାପରେ ମଧ୍ୟ ଜଣେ ଯବାନଙ୍କୁ ଅପହରଣ କରିନେଇଥିଲେ ମାଓବାଦୀ । ସର୍ତ୍ତ ମୁତାବକ ପରବର୍ତ୍ତୀ ସମୟରେ ଖଲାସ କରିଥିଲେ  । ହେଲେ ପୁଣି ଥରେ ଆଶାକର୍ମୀ ଏବଂ ନର୍ସଙ୍କୁ ଅପହରଣ କରିନେଇଥିଲେ  ।

ଆମ୍ବୁଲାନ୍ସ ପାଇଁ ଭଡ଼ା ଧାର୍ଯ୍ୟ କଲେ ପରିବହନ ବିଭାଗ, ଜାଣନ୍ତୁ କେତେ ରହିଲା..

ଭୁବନେଶ୍ୱର: କୋଭିଡ ସମୟରେ ପରିବହନ ବିଭାଗର ନିଷ୍ପତି । ଆମ୍ବୁଲାନ୍ସ ପାଇଁ ଭଡ଼ା ଧାର୍ଯ୍ୟ କଲେ ପରିବହନ ବିଭାଗ । କିନ୍ତୁ କେବଳ ଘରୋଇ ଆମ୍ବୁଲାନ୍ସ ପାଇଁ ଭଡ଼ା ଧାର୍ଯ୍ୟ କରାଯାଇଥିବା ଜଣା ପଡିଛି । ପରିବହନ ବିଭାଗର ନିଷ୍ପତି ମୁତାବକ ରୋଗୀ ପରିବହନ ପାଇଁ ମାରୁତି ଓମିନି ଆମ୍ବୁଲାନ୍ସ ଭଡ଼ା ବାବଦରେ ୭୫୦ଟଙ୍କା ନେଇପାରିବେ ।

ସେହିପରି ମାରୁତି ଓମିନି ଲାଇଫ ସପୋର୍ଟ ଆମ୍ଭୁଲାନ୍ସ ଭଡ଼ା ଆକାରରେ ୧୦୦୦ଟଙ୍କା ନେଇପାରିବେ। ମହିନ୍ଦ୍ରା ବୋଲେରୋ ଶ୍ରେଣୀର ଆମ୍ବୁଲାନ୍ସ ଭଡ଼ା ୧୦୦୦ଟଙ୍କା । ମହିନ୍ଦ୍ରା ବୋଲେରୋ ଲାଇଫ ସପୋର୍ଟ ଆମ୍ବୁଲାନ୍ସ ଭଡ଼ା ୧୫୦୦ଟଙ୍କା ରହିଛି । ସେହିଭଳି ଓ୍ୱିଙ୍ଗର ଶ୍ରେଣୀଭୁକ୍ତ ଆମ୍ବୁଲାନ୍ସ ଭଡ଼ା ୧୨୫୦ ଟଙ୍କା ହୋଇଥିବାବେଳେ ଓ୍ୱିଙ୍ଗର ଶ୍ରେଣୀଭୁକ୍ତ ଲାଇଫ ସପୋର୍ଟ ଆମ୍ବୁଲାନ୍ସ ଭଡ଼ା ୨୦୦୦ଟଙ୍କା କରାଯାଇଛି ।

ରାଜ୍ୟରେ କରୋନା ଆକ୍ରାନ୍ତଙ୍କୁ ଆମ୍ବୁଲାନ୍ସ ନେବା ପାଇଁ ଚଢା ଦର ଦାବି କରୁଥିବା ବେଳେ ପରିବହନ ବିଭାଗ ଏନେଇ ନିଷ୍ପତି ନେଇଛନ୍ତି। ନିଷ୍ପତି ମୁତାବକ ଧାର୍ଯ୍ୟ ହୋଇଥିବା ଦର ଠାରୁ କୌଣସି ଆମ୍ବୁଲାନ୍ସ ଅଧିକ ଟଙ୍କା ନେଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଭାଗ ପକ୍ଷରୁ ଚେତାବନୀ ଦିଆଯାଇଛି ।

ପ୍ରିୟଙ୍କା ଚୋପ୍ରାଙ୍କ ସ୍ୱାମୀ ନିକ ଜୋନସ ଆହତ, ମେଡିକାଲରେ ଭର୍ତ୍ତି

ନୂଆଦିଲ୍ଲୀ: ଆମେରିକା ଆକ୍ଟର ତଥା ପ୍ରିୟଙ୍କା ଚୋପ୍ରାଙ୍କ ସ୍ୱାମୀ ନିକ ଜୋନସ ଆହତ । ଦୁର୍ଘଟଣାରେ ନିକ ଜୋନସ ଆହତ ହୋଇଥିବା ଜଣାପଡିଛି । ସୂଚନା ମୁତାବକ ଏକ କାର୍ଯ୍ୟକ୍ରମ ପାଇଁ ସୁଟିଙ୍ଗ ଜାରି ଥିବାବେଳେ ସେହି ସମୟରେ ଆହତ ହୋଇଛନ୍ତି ପ୍ରିୟଙ୍କା ଚୋପ୍ରାଙ୍କ ସ୍ୱାମୀ ।

ଜୋନସଙ୍କୁ ଆମ୍ବୁଲାନ୍ସରେ ଏକ ଘରୋଇ ମେଡିକାଲରେ ଭର୍ତ୍ତି କରାଯାଇଛି । ସେପଟେ ବର୍ତ୍ତମାନ ସେ ସୁସ୍ଥ ରହିଥିବା ପରିବାର ପକ୍ଷରୁ ଜଣାଯାଇଛି । କୋଭିଡ ସମୟରେ ଅସହାୟକୁ ସହୟତା ଦେବା ପାଇଁ ନିକଟରେ ଘୋଷଣା କରିଥିଲେ ପତି-ପତ୍ନୀ । ସେହିପରି କୋଭିଡରେ ସଂକ୍ରମିତ ହୋଇ ଚିକିତ୍ସିତ ହେଉଥିବା ବ୍ୟକ୍ତି, ଯେଉଁମାନଙ୍କର ଭେଣ୍ଟିଲେଟରର ଆବଶ୍ୟକତା ରହିଛି । ସେମାନଙ୍କୁ ସ୍ବାସ୍ଥ୍ୟ ଜନିତ ସମସ୍ତ ବ୍ୟବସ୍ଥା କରିବେ ବୋଲି ମଧ୍ୟ ଘୋଷଣା କରିଛନ୍ତି ପ୍ରିୟଙ୍କା ଏବଂ ନିକ୍ ।

ନେତାଙ୍କ ଗିରଫ ବିରୋଧରେ କର୍ମୀ, CBI କାର୍ଯ୍ୟାଳୟକୁ ପଥର ମାଡ଼

କୋଲକାତା: ନିର୍ବାଚନ ସରିଛି କିନ୍ତୁ ତାତି ଏବେ ବହୁଛି । ଦିଦି- ମୋଦି ଲଢେଇରେ ଏଣ୍ଟ୍ରି ମାରିଛି ସିବିଆଇ। ନାରଦା ଷ୍ଟିଙ୍ଗ କେସରେ ଗିରଫ ହୋଇଥିବା ତିନି ଟିଏମସି ନେତାଙ୍କ ସପକ୍ଷରେ ବାହାରିଛନ୍ତି କର୍ମୀ । ଗିରଫ ପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସିବିଆଇ ଅଫିସରେ ପହଁଚିଥିଲେ । ଆଉ ଏବେ ଦଳୀୟ କର୍ମୀ ନେତାଙ୍କ ଗିରଫ ପ୍ରତିବାଦରେ ବାହାରିଛନ୍ତି । ସୂଚନା ମୁତାବକ ସିବିଆଇ କାର୍ଯ୍ୟାଳୟ ଉପରକୁ ପଥର ଫିଙ୍ଗିଛନ୍ତି ଟିଏମସି କର୍ମୀ ।

ନାରଦା ମାମଲାରେ ମମତା ବାନାର୍ଜୀ ସରକାରଙ୍କ ମନ୍ତ୍ରୀ ଫିରହାଦ ହାକିମ, ସୁବ୍ରତ ମୁଖାର୍ଜୀ , ଟିଏମସି ବିଧାୟକ ମଦନ ମିତ୍ର ଓ ପୂର୍ବତନ ବିଜେପି ନେତା ସୋବେନ୍ ଚାଟାର୍ଜୀଙ୍କୁ ଗିରଫ କରିଛି ସିବିଆଇ । ଆଜି ସକାଳେ ସିବିଆଇ ଏହି ନେତାମାନଙ୍କ ଘରେ ପ୍ରଥମେ ରେଡ୍ କରିଥିଲା । ପରେ ସେମାନଙ୍କୁ ପଚରାଉଚରା ପାଇଁ ସିବିଆଇ ଅଫିସକୁ ନେଇଥିଲା । ପଚରାଉଚରା ପରେ ସିବିଆଇ ଏମାନଙ୍କୁ ଗିରଫ କରିଥିଲା ।

ବିନା କୌଣସି ନୋଟିସରେ ତିନି ମନ୍ତ୍ରୀ, ବିଧାୟକଙ୍କୁ ଗିରଫ କରାଯିବାରୁ ସ୍ବର ଉଠାଇଛି ଟିଏମସି । ସିବିଆଇ କାର୍ଯ୍ୟାଳୟରେ ମମତା ବାନାର୍ଜୀ ପହଁଚି ମୋତେ ଗିରଫ କରାଯାଉ ବୋଲି କହିଥିଲେ । ବିଜେପି ନିର୍ବାଚନରେ ହାରିବା ପରେ ପ୍ରତିଶୋଧ ପରାୟଣ ହୋଇ ଏଭଳି କରୁଥିବା ଅଭିଯୋଗ କରିଛି ଟିଏମ୍‌ସି । ଅନେକ ଟିଏମସି କର୍ମୀ ସିବିଆଇ ଅଫିସ ବାହାରେ ହଙ୍ଗାମା କରିଛନ୍ତି।

ସିପିଙ୍କୁ ଦେଲେ ସଞ୍ଚିତ ଅର୍ଥ, କହିଲେ ଅଙ୍କଲ ଆପଣଙ୍କ ସେବାରେ ଲାଗୁ ମୋ ଟଙ୍କା..

ଭୁବନେଶ୍ୱର: କୁନି ପିଲା ଟା। ହୁଏତ ଦୁନିଆକୁ ଭଲସେ ଦେଖିନି, ବୁଝିବା ତ ପରର କଥା । ସାଙ୍ଗ ସାଥି ମେଳରେ ଖେଳିବା ଏବଂ ପାଠ ପଢିବାର ବୟସ । ସମାଜ ଠାରୁ ଶିଖିବାର ସମୟ । କିନ୍ତୁ ଏଭଳି କୋଭିଡ ଦୁସ୍ଥିତିରେ ସମାଜକୁ ଶିକ୍ଷା ଦେଇଛି ଏହି କୁନି ବାଳକ ଇଶାନ । ଆଉ ପୁଣି ଥରେ ପ୍ରମାଣିତ କରିଦେଇଛି ‘ସାନ ସିନା ଦାନ ତା ମହାନ’ ।

କୋଭିଡର ପ୍ରାଦୁର୍ଭାବ ଭିତରେ ସରକାର ଜୀବନକୁ ପ୍ରାଧାନ୍ୟ ଦେଇଛନ୍ତି । ତାଲାବନ୍ଦ କରିଛନ୍ତି । ଅନେକ ଦିନ ମଜୁରିଆ, ଶ୍ରମିକ ଏବଂ ଛୋଟ ଛୋଟ ବେପାର ବାଣିଜ୍ୟ କରି ବଞ୍ଚୁଥିବା ଲୋକମାନେ ଜୀବନ ବଞ୍ଚାଇବାକୁ ଜୀବିକାକୁ ପଛ କରିଦେଇଛନ୍ତି । କିନ୍ତୁ ସୁରକ୍ଷା ପ୍ରହରୀ ଆଜି ବି ସୁରକ୍ଷା ଦେଇଛାଲିଛନ୍ତି । ଖରାକୁ ଖାତିର ନକରି ଲୋକଙ୍କ ପାଇଁ ସତର୍କ ଘଣ୍ଟି ସାଜିଛନ୍ତି । ନିଜ ଜୀବନକୁ ପଛରେ ପକାଇ ସାଧାରଣ ଲୋକଟିର ସୁରକ୍ଷା ପାଇଁ ଅହରହ କାର୍ଯ୍ୟ କରିଚାଲିଛନ୍ତି ।

ଯେତେବେଳେ ସମସ୍ତେ ଘରେ ବନ୍ଦୀ, ସେତେବେଳେ ପୋଲିସ ବାହାରେ । ମାନବ ସମାଜକୁ ଭୟଭୀତ କରୁଥିବା ଭୂତାଣୁକୁ ମାତ ଦେବା ପାଇଁ ପୋଲିସର ପ୍ରୟାସକୁ ଯେତେ ପ୍ରଶଂସା କଲେ ମଧ୍ୟ କମ ପଡିବ । ପୋଲିସର ଏଭଳି କାର୍ଯ୍ୟ କୁନି ପିଲାଟିକୁ ପ୍ରଭାବିତ କରିଛି । ରଘୁନାଥପୁରର ଛାତ୍ର ଈଶାନ ନାୟକ ସଞ୍ଚିତ କରିଥିବା କିଛି ଟଙ୍କା ପୋଲିସକୁ ଦାନ କରିଛନ୍ତି । ପିଗି ବ୍ୟାଙ୍କକୁ ଭାଙ୍ଗି 43 ହଜାର ଟଙ୍କା କମିସନରେଟ ପୋଲିସକୁ ପ୍ରଦାନ କରିଛନ୍ତି। ଏହି ଟଙ୍କାରେ କିଛି ଏସେନସିଆଲ ସାମଗ୍ରୀ କିଣାଯାଉ ବୋଲି କହିଛନ୍ତି ଛାତ୍ର ଇଶାନ । ସେପଟେ ପୋଲିସ କମିସନର ସୌମେନ୍ଦ୍ର ପ୍ରିୟଦର୍ଶୀ ଇଶାନଙ୍କ ସହାୟତାକୁ ପ୍ରଶଂସା କରିଛନ୍ତି । ଆଉ କହିଛନ୍ତି ସାବାସ ଇଶାନ ।

ବିଜୁ ଛାତ୍ର ଜନତା ଦଳ ପକ୍ଷରୁ ରକ୍ତଦାନ ଶିବିର ଆୟୋଜିତ: ରକ୍ତଦାତାଙ୍କୁ ଉତ୍ସାହିତ କଲେ ପ୍ରଣବ ପ୍ରକାଶ

ଭୁବନେଶ୍ୱର: ଲକ୍‌ଡାଉନ୍‌ ସମୟରେ ରକ୍ତ ଅଭାବ ଦେଖାଦେଇଛି । ରକ୍ତଦାନ ଶିବିର ଜରିଆରେ ରକ୍ତ ସଂଗ୍ରହ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଛାତ୍ର ବିଜେଡି ପକ୍ଷରୁ ମାସେ ବ୍ୟାପୀ ରକ୍ତଦାନ ଶିବିର ଆରମ୍ଭ ହୋଇଛି । ଦୈନିକ ୨୦ରୁ ୨୫ ୟୁନିଟ୍ ରକ୍ତ ସଂଗ୍ରହ କରି ୧୩ହଜାର ୟୁନିଟ ରକ୍ତ ସଂଗ୍ରହ ପାଇଁ ଲକ୍ଷ୍ୟ ରଖାଯାଇଛି । ଏହି ଅବସରରେ ବିଧାୟକ ଅତନୁ ସବ୍ୟସାଚୀ ନାୟକ, ଦେବୀ ମିଶ୍ର, ଦେବୀ ତ୍ରିପାଠୀ, ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ରକ୍ତଦାତାଙ୍କକୁ ଉତ୍ସାହିତ କରିଥିଲେ । କୋଭିଡ ନିୟମ ମାନି ରକ୍ତଦାନ ଶିବିର ଆୟୋଜନ କରାଯାଉଛି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତଥର ନିର୍ଦ୍ଦେଶ ଦେଇଥିଲେ ଓ ଏଥର ବି ନିର୍ଦ୍ଦେଶ ଦେଇଛନ୍ତି ଯେ ଓଡ଼ିଶା ମୋ ପରିବାର ତରଫରୁ ହାତକୁ ନିଆଯାଇଥିବା ଜୀବନ ବିନ୍ଦୁ କାର୍ଯ୍ୟକ୍ରମକୁ ବ୍ଲକ ଓ ପଞ୍ଚାୟତ ସ୍ତରରେ କୋଭିଡ ନିୟମ ଅନୁସାରେ ଆୟୋଜନ କରାଯିବ । ମୁଖ୍ୟମନ୍ତ୍ରୀ ଜଣେ ଦୂରଦର୍ଶୀ  । ଭିଜୱରେ କାମ କରୁଛନ୍ତି ବୋଲି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି । ସାରା ଦେଶ ନବୀନ ପଟ୍ଟନାୟଙ୍କ ଦୂରଦୃଷ୍ଟିର ଉଦାହରଣ ଦେଉଛି, ମାନୁଛି ମଧ୍ୟ । ସେମାନେ ଖୋଲା ହୃଦୟରେ ନବୀନ ପଟ୍ଟନାୟକଙ୍କୁ ଦୂରଦର୍ଶୀ କହି ତାଙ୍କୁ ଅନୁସରଣ କରିବାକୁ କହୁଛନ୍ତି ।

ଏଥିସହିତ ପଢ଼ନ୍ତୁ: ‘ଭୁବନେଶ୍ୱର ବାର୍ତ୍ତାଜୀବୀ’କୁ ଉନ୍ମୋଚନ କଲେ ମାନସ ମଙ୍ଗରାଜ: ସତର୍କତାର ସହ କାର୍ଯ୍ୟ କରିବାକୁ ସାମ୍ୱାଦିକଙ୍କୁ ପରାମର୍ଶ

ଡିଆରଡିଓ ଦ୍ୱାରା ପ୍ରସ୍ତୁତ କରୋନା ଔଷଧ ୨-ଡିଜିକୁ ଦିଲ୍ଲୀ ଏମ୍ସକୁ ପଠାଗଲା

ନୂଆଦିଲ୍ଲୀ: କରୋନା ଚିକିତ୍ସା ପାଇଁ ଆସିଲା ନୂଆ ଔଷଧ । କରୋନା ରୋଗୀଙ୍କ ଚିକିତ୍ସାରେ ବ୍ୟବହାର ପାଇଁ ଡିଆରଡିଓ ପ୍ରସ୍ତୁତ କରିଥିବା 2-ଡିଜି ଔଷଧକୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଶୁଭାରମ୍ଭ କରିଛନ୍ତି । ଏହାପରେ ଔଷଧକୁ ଦିଲ୍ଲୀ ଏମ୍‌ସ ହସ୍ପିଟାଲକୁ ପ୍ରଦାନ କରାଯାଇଛି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡା. ହର୍ଷବର୍ଦ୍ଧନ ଦିଲ୍ଲୀ ଏମ୍‌ସକୁ 2-ଡିଜି ଔଷଧ ପ୍ରଦାନ କରିଛନ୍ତି । ଡିଆରଡିଓ ଦ୍ୱାରା ପ୍ରସ୍ତୁତ ଏହି ଔଷଧ କରୋନାର ବିଭିନ୍ନ ଭ୍ୟାରିଆଣ୍ଟ ବିରୋଧରେ କାର୍ଯ୍ୟ କରୁଥିବା ବେଳେ କରୋନା ଆକ୍ରାନ୍ତଙ୍କୁ ଗୁରୁତର ହେବାକୁ ଦେବନାହିଁ । ଆଜିଠୁ କରୋନା ରୋଗୀଙ୍କ ଚିକିତ୍ସା ପାଇଁ ବ୍ୟବହାର ହେବ ୨-ଡିଜି ଔଷଧ । ୨-ଡିଜି ନାମକ ଏହି ଔଷଧକୁ ହାଇଦ୍ରାବାଦର ଡକ୍ଟର ରେଡ୍ଡୀ ଲାବୋରେଟୋରୀ ସହଯୋଗରେ ‘ଡିଆର୍‌ଡିଓ’ ଲ୍ୟାବ୍‌ ପ୍ରସ୍ତୁତ କରିଛି। ପୂର୍ବରୁ 2-ଡିଜିର ଜୁରୁରୀକାଳିନ ବ୍ୟବହାର ପାଇଁ ଅନୁମତି ଦେଇଥିଲା ଡିସିଜିଆଇ । ଦ୍ୱିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷଣରେ 2-ଡିଜି ଔଷଧ ସଫଳ ହୋଇଥିବା ଜଣାପଡିଛି  ।

ଏଥିସହିତ ପଢ଼ନ୍ତୁ: ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୧୦ ହଜାର ୭୫୭ କରୋନା ସଂକ୍ରମିତ ଚିହ୍ନଟ

‘ନାରଦା’ ମାମଲାରେ ୩ TMC ନେତାଙ୍କୁ ଗିରଫ କଲା ସିବିଆଇ: ମମତା ପହଞ୍ଚି କହିଲେ ମୋତେ ଗିରଫ କର

କୋଲକାତା: ସରିଲା ନିର୍ବାଚନ ଫେରିଲା ସିବିଆଇ । କିଛି ଦିନର ନିରବତା ପରେ  ପଶ୍ଚିମବଙ୍ଗରେ ପୁଣି ଆକ୍ସନମୋଡରେ ଏହି କେନ୍ଦ୍ରୀୟ ତଦନ୍ତକାରୀ ସଂସ୍ଥା । ୩ ବରିଷ୍ଠ ତୃଣମୂଳ କଂଗ୍ରେସ ନେତା ଏବଂ ମନ୍ତ୍ରୀଙ୍କୁ ଗିରଫ କରିଛି ସିବିଆଇ । ନାରଦା ଷ୍ଟ୍ରିଂ ଅପରେସନ୍ ମାମଲାରେ ସେମାନଙ୍କୁ ଗିରଫ କରିଥିବା ସୂଚନା । ସୋମବାର ସକାଳେ ପରିବହନ ମନ୍ତ୍ରୀ ଫିରହାଦ୍ ହାକିମ୍, ପଞ୍ଚାୟତ ମନ୍ତ୍ରୀ ସୁବ୍ରତ ମୁଖର୍ଜୀ, ବିଧାୟକ ମଦନ ମିତ୍ର ଏବଂ ପୂର୍ବତନ ଟିଏମ୍‌ସି ମେୟର ଶୋଭାନ ଚାଟାର୍ଜୀ ସିବିଆଇ ଦ୍ୱାରା ଗିରଫ ହୋଇଛନ୍ତି । ଏହା ପରେ ସିବିଆଇ କାର୍ଯ୍ୟାଳୟରେ ପହଞ୍ଚିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଏବଂ ମୋତେ ମଧ୍ୟ ଗିରଫ କର ବୋଲି ସେ କହିଛନ୍ତି ।

ପ୍ରଥମେ ହକିମ୍ , ଶ୍ରୀ ମିତ୍ର ଏବଂ ଶ୍ରୀ ଚାଟାର୍ଜୀଙ୍କୁ ସେମାନଙ୍କ ଘରେ ଅଟକ ରଖିଥିଲା ସିବିଆଇ ।  ପରେ ସେମାନଙ୍କ କୋଲକାତା ସ୍ଥିତି ସିବିଆଇ କାର୍ଯ୍ୟାଳୟକୁ ନେଇଥିଲା । ତାଙ୍କୁ ନାରଦା ଷ୍ଟ୍ରିଂ ଅପରେସନ୍ ମାମଲାରେ ଗିରଫ କରାଯାଇଥିବା ସେ କହିଛନ୍ତି । ତେବେ ତାଙ୍କୁ କୌଣସି ପ୍ରକାର ନୋଟିସ କରାନଯାଇ ଗିରଫ କରାଯାଇଥିବା ସେ କହିଛନ୍ତି ।

            ତେବେ ହାକିମଙ୍କୁ ସିବିଆଇ କାର୍ଯ୍ୟାଳୟ ନେବା ବେଳେ ପ୍ରବଳ ଉତ୍ତେଜନା ଦେଖିବାକୁ ମିଳିଥିଲା । ବହୁ ସଂଖ୍ୟାରେ ଟିଏମ୍‌ସି କର୍ମକର୍ତ୍ତା ତାଙ୍କ ଘର ନିକଟରେ ଜମା ହୋଇ ପ୍ରତିବାଦ କରିଥିଲେ । ଏଭଳି କି ସିବିଆଇ ଗାଡ଼ ଯିବାକୁ ବାଟ ଛାଡ଼ି ନଥିଲେ ଟିଏମ୍‌ସି କର୍ମକର୍ତ୍ତା । ପରେ ହାକିମ୍ ବୁଝାସୁଝା କରିବା ପରେ ଟିଏମ୍‌ସି କର୍ମକର୍ତ୍ତା ସିବିଆଇ ଗାଡ଼ି ଯିବାକୁ ବାଟ ଛାଡ଼ିଥିଲେ ।