spot_img
Home Blog Page 5779

୨୬ ସକାଳେ ଓଡ଼ିଶା-ପଶ୍ଚିମବଙ୍ଗ ଉପକୂଳ ଛୁଇଁପାରେ ସମ୍ଭାବ୍ୟ ବାତ୍ୟା ‘ୟଶ’

ଭୁବନେଶ୍ୱର: ଉତ୍ତର ଆଣ୍ଡାମାନ ସାଗର ଓ ସଂଲଗ୍ନ ବଙ୍ଗୋପସାଗରରେ ୨୨ ତାରିଖ ସୁଦ୍ଧା ଲଘୁଚାପ କ୍ଷେତ୍ର ସୃଷ୍ଟି ହୋଇ ପରବର୍ତ୍ତୀ ୭୨ ଘଣ୍ଟାରେ ବାତ୍ୟାର ରୂପ ନେଇପାରେ । ଏହା ଉତ୍ତରପଶ୍ଚିମ ଦିଗରେ ଗତି କରି ୨୬ ତାରିଖ ସକାଳେ ଓଡ଼ିଶା-ପଶ୍ଚିମବଙ୍ଗ ଉପକୂଳ ଛୁଇଁବା ନେଇ ଆଶଙ୍କା କରାଯାଉଛି ।

Probable Cyclone Yash May Hit Odisha-West Bengal Coast In 26th May

ପ୍ରଭାବରେ ୨୫ ତାରିଖ ସନ୍ଧ୍ୟାରୁ ଉପକୂଳ ଓଡ଼ିଶାରେ ପ୍ରବଳ ବର୍ଷା ହେବ । ଧୀରେ ଧୀରେ ବର୍ଷାର ପରିମାଣ ମଧ୍ୟ ବଢ଼ିବ । ସେହିଭଳି ୨୩ ତାରିଖରୁ ଆରମ୍ଭ ହେବ ପବନ । ଘଣ୍ଟାପ୍ରତି ପବନର ବେଗ ଘଣ୍ଟାପ୍ରତି ୪୫ରୁ ୫୫ କିଲୋମିଟର ରହିବ । ପବନର ବେଗ ଘଣ୍ଟାପ୍ରତି ୫୦ରୁ ୬୦ କିମି ଯାଏ ବଢ଼ିବ । ୨୫ ତାରିଖରୁ ପବନର ବେଗ ଆହୁରି ବଢ଼ିବ ।

ଏହି ସମୟରେ ସମୁଦ୍ର ଅଶାନ୍ତ ରହିବ । ୨୩ରୁ ୨୫ ତାରିଖ ଯାଏ କେନ୍ଦ୍ରୀୟ ବଙ୍ଗୋପସାଗର ଏବଂ ୨୫ରୁ ୨୭ ତାରିଖ ଯାଏ ଉତ୍ତର ବଙ୍ଗୋପସାଗର ସହ ଓଡ଼ିଶା ଉପକୂଳରେ ସମୁଦ୍ର ଅଶାନ୍ତ ରହିବ । ଏହି ସମୟରେ ମତ୍ସ୍ୟଜୀବୀଙ୍କୁ ସମୁଦ୍ର ବାରଣ କରାଯାଇଛି । ସମୁଦ୍ରକୁ ଯାଇଥିବା ମତ୍ସ୍ୟଜୀବୀ ୨୩ ତାରିଖ ପୂର୍ବରୁ କୂଳକୁ ଫେରି ଆସିବକୁ ପରାମର୍ଶ ଦେଇଛି ପାଣିପାଗ ବିଭାଗ ।

ସାମାଜିକ ଦୂରତା,ମାସ୍କକୁ ନେଇ ଜାରି ହେଲା ନୂଆ ଗାଇଡଲାଇନ୍.

କରୋନା ପାଇଁ ସାରା ଦେଶ ସଙ୍କଟରେ । ଗୋଟିଏ ପରେ ଗୋଟିଏ କରୋନାର ଲହର ନେଉଛି ଲୋକଙ୍କର ଜୀବନ । କୋଭିଡ ଭାଇରସ୍ କେତେବେଳେ ପବନରେ ବ୍ୟାପୁଛି ତ ପୁଣି କେତେବେଳେ ଛୁଇଁଲେ ସଂକ୍ରମିତ ହେଉଛି । ତେଣୁ ସାଧାରଣ ଜନ ଜୀବନ ଅସ୍ତବ୍ୟସ୍ତ ହୋଇପଡିଲାଣି । ଡାକ୍ତରଙ୍କ କହିବା ଅନୁସାରେ ଯେତେବେଳେ କୈାଣସି ସଂକ୍ରମିତ କଥା ହେଉଛି ,ଗୀତ ଗାଉଛି,କାଶୁଛି କିମ୍ବା ଛିଙ୍କୁଛି । ସେହି ସମୟରେ ଭାଇରସ୍ ପାଟି ଓ ନାକ ଜରିଆରେ ପବନରେ ବ୍ୟାପୁଛି । ଯାହା ପରବର୍ତୀ ସମୟରେ ସୁସ୍ଥବ୍ୟକ୍ତିଙ୍କୁ ସଂକ୍ରମିତ କରୁଛି । ଦେଶରେ ବର୍ତମାନ କରୋନାର ଦ୍ୱିତୀୟ ପ୍ରବାହ ତାର ଭୟଙ୍କର ରୂପ ବି ଦେଖାଇଚାଲିଛି ।

ଆଉ ସରକାର ଲୋକଙ୍କୁ କରୋନା ପାଇଁ ସଚେତନ ମଧ୍ୟ କରିଚାଲିଛନ୍ତି । ମାସ୍କ ପିନ୍ଧନ୍ତୁ ସୁରକ୍ଷିତ ରୁହନ୍ତୁ ,ଲୋକେ ମାସ୍କକୁ ଜରୁରୀ ଭାବିଲେ ହିଁ କରୋନା ସହ ଲଢିପାରିବେ ବୋଲି ସରକାର ସୂଚନା ଦେଉଛନ୍ତି । ତେବେ ଏହାରି ଭିତରେ ସରକାର ମାସ୍କ,ସାମାଜିକ ଦୂରତା,ସ୍ୱଚ୍ଚତା,ଭେଣ୍ଟିଲେସନକୁ ନେଇ ନୂଆ ଗାଇଡଲାଇନ ଜାରୀ କରିଛନ୍ତି । ସାଧାରଣ ଉପାୟର ବ୍ୟବହାରରେ ବି ଆମେ କରୋନାକୁ ବ୍ୟାପିବାରୁ ରକ୍ଷା କରିପାରିବା ବୋଲି ସରକାର ସୂଚନା ଦେଇଛନ୍ତି । ଏହି ନୂଆ ଗାଇଡ୍‌ଲାଇନ୍ ଅନୁସାରେ – ମାସ୍କ,ସାମାଜିକ ଦୂରତା,ସ୍ୱଚ୍ଚତାର ପାଳନ କରିବା ସହ ଘରମାନଙ୍କରେ ପବନର ଯାତାୟତ ହେବା ଭଳି ବ୍ୟବସ୍ଥା ରହିବା ଆବଶ୍ୟକ । ଯେଉଁ ଘରେ ପବନ ଆତଯାତ ହେଉନଥିବ ସେଠାରେ ଭାଇରସ୍‌ର ପ୍ରଭାବ ବେଶି ବଢିବ । ଘର ହେଉ କିମ୍ବା କାର୍ଯ୍ୟାଳୟ ସବୁଠାରେ ବାୟୁ ଯିବା ଆସିବା ପାଇଁ ସଠିକ ସୁବିଧା ଥିବା ଦରକାର । ପବନ ଆତଯାତ କଲେ ସଂକ୍ରମଣର ଆଶଙ୍କା କମ୍ ରହିବ । ବଡ ବଡ କଂମ୍ପାନୀର ବିଲିଡିଙ୍ଗ ଓ ମଲ୍ ଆଦି ମାନଙ୍କରେ ସେଣ୍ଟ୍ରାଲ ଏୟାର ଫିଲ୍ଟରରେ ସୁଧାର କରିବା ଆବଶ୍ୟକ ।

ଏସବୁ ସ୍ଥାନରେ ଗ୍ଲୋବାଲ୍ ଫ୍ୟାନ ସିଷ୍ଟମ ଓ ରୁଫ୍ ଭେଣ୍ଟିଲେଟର ରଖିବା ପାଇଁ ଆଡଭାଇଜରୀ ଜାରୀ କରାଯାଇଛି । କରୋନା ମହାମାରୀ କାଶ କିମ୍ବା ଛିଙ୍କରେ ଆସୁଥିବା ଡ୍ରପଲେଟସ୍‌ରେ ଅଧିକ ବ୍ୟାପିଥାଏ । ଏହା ବାୟୁରେ ୧୦ମିଟର ଦୂରତା ପର୍ଯ୍ୟନ୍ତ ଗତିକରିପାରେ । ତେଣୁକରି ନୂଆ ଗାଇଡଲାଇନ ଅନୁସାରେ ସଂକ୍ରମିତ ବ୍ୟକ୍ତି ଭଲ ହେଇଯିବା ପରେ ବି ସେମାନଙ୍କ ଠାରୁ ଦୂରତା ବଜାଇ ରଖନ୍ତୁ । କାହିଁକି ନା ସେମାନଙ୍କ ଡ୍ରପଲେଟ୍ସରେ ସଂକ୍ରମଣ ବ୍ୟାପିବାର ସମ୍ଭାବନା ରହିଥାଏ । ତେଣୁକରି ଡବଲ୍ ମାସ୍କ ପିନ୍ଧନ୍ତୁ କିମ୍ବା ଏନ୍‌-୯୫ର ମାସ୍କ ହିଁ ପିନ୍ଧନ୍ତୁ । କୋଭିଡ-୧୯ର ଭାଇରସ୍ ଖୋଜେ ମଣିଷର ଶରୀର । ଯଦି ଏହା ମଣିଷ ଶରୀର ପର୍ଯ୍ୟନ୍ତ ପହଂଚିନପାରେ ତାହାଲେ ଏହା ନଷ୍ଟ ହୋଇଯାଏ । ତେଣୁକରି ସମସ୍ତଙ୍କୁ ସଂକ୍ରମଣଠାରୁ ବଂଚିବା ପାଇଁ ଖୋଲା ଓ ଶୁଦ୍ଧ ପବନ ଯାତାୟତ କରୁଥିବା ସ୍ଥାନ, ସାମାଜିକ ଦୂରତା,ଡବଲ୍ ମାସ୍କ ଓ ଘରେ କିମ୍ବା କାର୍ଯ୍ୟାଳୟରେ ସଂମ୍ପୂର୍ଣ୍ଣ ଭେଣ୍ଟିଲେସନରେ ରହିବା ଜରୁରୀ । ଏହିସବୁ ଗାଇଡ୍‌ଲାଇନ୍‌କୁ ସଠିକ୍ ଭାବରେ ମାନିଲେ ଆମେ କରୋନାକୁ ହରାଇପାରିବା ।

ପଦ୍ମଭୂଷଣ ରଘୁନାଥ ମହାପାତ୍ରଙ୍କର ଜ୍ୟେଷ୍ଠ ପୁତ୍ରଙ୍କ ଦେହାନ୍ତ

ଭୁବନେଶ୍ୱର: ବିଶିଷ୍ଟ ସ୍ଥପତି ତଥା ସାଂସଦ ପଦ୍ମଭୂଷଣ ସ୍ବର୍ଗତ ରଘୁନାଥ ମହାପାତ୍ରଙ୍କ ବଡ଼ ପୁଅ ଯଶୋବନ୍ତ ମହାପାତ୍ରଙ୍କର ଗୁରୁବାର ବିୟୋଗ ଘଟିଛି । ଭୁବନେଶ୍ୱର ଏମ୍ସ ରେ ଚିକିତ୍ସାଧୀନ ଥିବା ଯଶୋବନ୍ତ ଅତ୍ୟନ୍ତ ସଙ୍କଟାପନ୍ନ ଅବସ୍ଥାରେ ଗତକାଲି ସମ୍ କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ ।

ସମ କୋଭିଡ୍ ହସ୍ପିଟାଲର ଡାକ୍ତର ଓ ନର୍ସ ମାନଙ୍କର ସମସ୍ତ ପ୍ରଚେଷ୍ଟା ଓ ନିରବଛିନ୍ନ ଚିକିତ୍ସା ସତ୍ତ୍ୱେ ଆଜି ଦିନ ଗୋଟାଏରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ବୟସ ହୋଇଥିଲା । ଗତକାଲି  କୋଭିଡ ଆକ୍ରାନ୍ତ ଥିବା ତାଙ୍କ ସାନ ଭାଇ ତଥା କ୍ରିକେଟର ପ୍ରଶାନ୍ତ ମହାପାତ୍ରଙ୍କର ଏମ୍ସରେ ମୃତ୍ୟୁ ଘଟିଥିଲା ।

ପୂର୍ବରୁ ମେ ୯ ତାରିଖରେ କରୋନାରେ ପ୍ରାଣ ହରାଇଥିଲେ ବାପା ରଘୁନାଥ ମହାପାତ୍ର । ମାତ୍ର ୧୨ ଦିନ ମଧ୍ୟରେ କରୋନା ସଂକ୍ରମିତ ବାପାଙ୍କ ସହ ଦୁଇ ପୁଅଙ୍କ ମୃତ୍ୟୁ ହୋଇଛି ।

ଏଥିସହ ପଢ଼ନ୍ତୁ- ରଘୁନାଥ ମହାପାତ୍ରଙ୍କ ପୁତ୍ର ପ୍ରଶାନ୍ତଙ୍କ ପରଲୋକ

୧୦ ରାଜ୍ୟର ୫୪ ଜିଲ୍ଲାପାଳଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: କରୋନା ମହାମାରୀ ନିୟନ୍ତ୍ରଣ ନେଇ ପ୍ରଧାନମନ୍ତ୍ରୀ ମୋଦି ଆଜି ଓଡ଼ିଶା ସମେତ ୧୦ ରାଜ୍ୟର ୫୪ ଜଣ ଜିଲ୍ଲାପାଳଙ୍କ ସହ ଆଲୋଚନା କରିଛନ୍ତି । ଭର୍ଚୁଆଲରେ ଅନୁଷ୍ଠିତ ଏହି ବୈଠକରେ ମୋଦି କହିଛନ୍ତି, ମହାମାରୀ ଭଳି ପ୍ରାକୃତିକ ବିପର୍ଯ୍ୟୟ ଗୋଟିଏ କଥା ଶିଖାଇଛି ନିରନ୍ତର ପରିବର୍ତ୍ତନ ଜରୁରୀ ।

 PM Modi Holds Virtual Meetings With 54 Collector Of 10 States

ଭୂତାଣୁ ରୂପ ପରିବର୍ତ୍ତନ କରୁଛି । ସେହିଭଳି ଆମ ଯୋଜନା ବଦଳିବା ସହ ବଳିଷ୍ଠ ହେବା ଦରକାର । କରୋନାର ଦ୍ୱିତୀୟ ଲହରରେ ଯୁବଗୋଷ୍ଠୀ ଓ ଛୁଆଙ୍କ ପ୍ରତି ଚିନ୍ତା ବଢ଼ିଛି । ଆପଣମାନେ ଗ୍ରାଉଣ୍ଡରେ କାମ କରୁଛିବା ଯୋଗୁଁ ଏହି ଚିନ୍ତାରୁ ମୁକ୍ତି ତ ମିଳିଛି । କିନ୍ତୁ ଆଗକୁ ଆମକୁ ପ୍ରସ୍ତୁତ ହୋଇ ରହିବାକୁ ପଡ଼ିବ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଆଲୋଚନା ବେଳେ ଭ୍ୟାକ୍ସିନ୍ ଅପଚୟ ରୋକିବା, ସମ୍ବେଦନଶୀଳତାର ସହ ସମସ୍ୟା ସମାଧାନ ଉପରେ ପ୍ରଧାନମନ୍ତ୍ରୀ ଗୁରୁତ୍ୱ ଦେଇଛନ୍ତି । ଟିକାକରଣରେ ରାଜ୍ୟ ସରକାର ଓ ଅନ୍ୟମାନଙ୍କ ପରାମର୍ଶ ନେଇ ରଣନୀତି ପ୍ରସ୍ତୁତ ହେଉଥିବା ପ୍ରଧାନମନ୍ତ୍ରୀ ମୋଦି କହିଛନ୍ତି ।

 PM Modi Holds Virtual Meetings With 54 Collector Of 10 States

ପ୍ରଧାନମନ୍ତ୍ରୀ ମୋଦି ଓଡ଼ିଶା ସହ ଝାଡ଼ଖଣ୍ଡ, ମହାରାଷ୍ଟ୍ର, ପଶ୍ଚିମବଙ୍ଗ, କେରଳ, ରାଜସ୍ଥାନ, ହରିୟାଣା, ଛତିଶଗଡ଼, ଉତ୍ତରପ୍ରଦେଶ ଓ ପୁଡୁଚେରୀ ଆଦି ରାଜ୍ୟର ୫୪ ଜିଲ୍ଲାପାଳଙ୍କ ସହ କଥା ହୋଇଛନ୍ତି ।

ଓଡ଼ିଶା ସାହିତ୍ୟ ଏକାଡେମୀର ନୂତନ ସଭାପତି ହୃଷୀକେଶ ମଲ୍ଲିକ

ଭୁବନେଶ୍ୱର: ଓଡ଼ିଶା ସାହିତ୍ୟ ଏକାଡେମୀ, ଓଡ଼ିଶା ସଙ୍ଗୀତ ନାଟକ ଏକାଡେମୀ, ଓଡ଼ିଶା ଲଳିତ କଳା ଏକାଡେମୀ ଏବଂ ଓଡ଼ିଶା ଉର୍ଦ୍ଦୁ ଏକାଡେମୀର ନୂତନ କର୍ମକର୍ତ୍ତା ଚୟନ କରାଯାଇଛି । ହୃଷୀକେଶ ମଲ୍ଲିକ ଓଡ଼ିଶା ସାହିତ୍ୟ ଏକାଡେମୀର ନୂତନ ସଭାପତି ହୋଇଛନ୍ତି । ପୂର୍ବରୁ ଡକ୍ଟର ହରିହର ମିଶ୍ର ଓଡ଼ିଶା ସାହିତ୍ୟ ଏକାଡେମୀର ସଭାପତି ଥିଲେ । ସେହିପରି ଓଡ଼ିଶା ସାହିତ୍ୟ ଏକାଡେମୀର ଉପସଭାପତି ହେଲେ ସଂଗ୍ରାମ ଜେନା । ଓଡ଼ିଶା ପ୍ରଶାସନିକ ସେବାର ଅଧିକାରୀ ପ୍ରବୋଧ କୁମାର ରାଉତ ସମ୍ପାଦକ ହୋଇଛନ୍ତି ।

ଓଡ଼ିଶା ସଙ୍ଗୀତ ନାଟକ ଏକାଡେମୀର ନୂଆ କର୍ମକର୍ତ୍ତା ଚୟନ କରାଯାଇଛି । ଶ୍ରୀମତି ଅରୁଣା ମହାନ୍ତି ଓଡ଼ିଶା ସଙ୍ଗୀତ ନାଟକ ଏକାଡେମୀର ନୂଆ ସଭାପତି ମନୋନୀତ ହୋଇଛନ୍ତି । ନାଟ୍ୟକାର ମନ୍ମଥ କୁମାର ଶତପଥୀ ହୋଇଛନ୍ତି ଓଡ଼ିଶା ସଙ୍ଗୀତ ନାଟକ ଏକାଡେମୀର ଉପସଭାପତି ।

ସେହିଭଳି ଲଳିତ କଳା ଏକାଡେମୀ ପାଇଁ କର୍ମକର୍ତ୍ତା ଚୟନ କରାଯାଇଛି । ଲଲିତ କଳା ଏକାଡେମୀର ଉପସଭାପତି ହୋଇଛନ୍ତି ଶ୍ରୀନିବାସ ପଢ଼ିହାରୀ ଓ ପଞ୍ଚାନନ ସାମଲ ସମ୍ପାଦକ ଚୟନ ହୋଇଛନ୍ତି । ଓଡ଼ିଶା ଉର୍ଦ୍ଦୁ ଏକାଡେମୀର ସମ୍ପାଦକ ହୋଇଛନ୍ତି ଡକ୍ଟର ସୟଦ ମୁସିର ଆଲମ । ମୁଖ୍ୟମନ୍ତ୍ରୀ ଏହି ଚୟନକୁ ଅନୁମୋଦନ ପ୍ରଦାନ କରିଛନ୍ତି ।

ରଥ କାମରେ ନିୟୋଜିତ ୮ ଜଣ ସେବାୟତଙ୍କୁ କରୋନା

ପୁରୀ: ପୁରୀ ରଥଖଳାରେ ପଶିଲା କରୋନା । ରଥ କାମରେ ନିୟୋଜିତ ସେବାୟତଙ୍କ ମଧ୍ୟରୁ ୮ ଜଣ କୋଭିଡ୍‌ ପଜିଟିଭ ଚିହ୍ନଟ ହୋଇଛନ୍ତି । ମୋଟ୍‌ ୮୯ ଜଣଙ୍କୁ ସଙ୍ଗରୋଧରେ ରଖି ଟେଷ୍ଟ କରାଯାଇଥିଲା । ସେମାନଙ୍କ ମଧ୍ୟରୁ ୩ ଜଣ ମହାରଣା ଓ ୫ ଜଣ ଭୋଇ ସେବାୟତ କୋଭିଡ୍‌ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏନେଇ ଶ୍ରୀମନ୍ଦିର ଉନ୍ନୟନ ପ୍ରଶାସକ ଅଜୟ ଜେନା ସୂଚନା ଦେଇଛନ୍ତି ।

8 Servitor Of Puri Ratha Khala Found Covid Positive

ରଥକଳାରେ କାର୍ଯ୍ୟରତ ସମସ୍ତ ସେବାୟତ ପ୍ରଥମ ଡୋଜ୍ ନେଇଛନ୍ତି । ଆରଟି-ପିସିଆର୍ କୋଭିଡ୍ ଟେଷ୍ଟ ପରେ ରିପୋର୍ଟ ନେଗେଟିଭ୍ ଆସିବା ପରେ କାର୍ଯ୍ୟରେ ନିୟୋଜିତ ଅଛନ୍ତି । ସଂକ୍ରମିତ ସେବାୟତଙ୍କୁ ନୀଳାଚଳ କୋଭିଡ୍ କେୟାର୍ ସେଣ୍ଟରରେ ଚିକିତ୍ସିତ ହେଉଛନ୍ତି । ଆକ୍ରାନ୍ତ ସେବାୟତ ସୁସ୍ଥ ହେବା ପରେ କାର୍ଯ୍ୟରେ ଯୋଗଦେବେ । କୌଣସି ବିଳମ୍ବ ହେବ ନାହିଁ ବୋଲି କହିଛନ୍ତି ଉନ୍ନୟନ ପ୍ରଶାସକ ।

କରୋନାରେ ଚାଲିଗଲେ ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ପାହାଡ଼ିଆ

ଜୟପୁର: ରାଜସ୍ଥାନର ପ୍ରଥମ ଦଳିତ ତଥା ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ପାହାଡ଼ିଆଙ୍କ ଦେହାନ୍ତ । ଦିଲ୍ଲୀର ଏକ ଘରୋଇ ହସ୍ପିଟାଲରେ ୯୩ ବର୍ଷ ବୟସରେ ପାହାଡ଼ିଆଙ୍କ ପରଲୋକ ଘଟିଛି । କିଛି ଦିନ ତଳେ ସେ କରୋନା ପଜିଟିଭ୍ ହୋଇଥିଲେ । ଦିଲ୍ଲୀର ଏକ ଘରୋଇ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।

Former Rajasthan CM Jagannath Pahadia dies of COVID-19

ପାହାଡ଼ିଆଙ୍କ ମୃତ୍ୟୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ, ପ୍ରଦେଶ କଂଗ୍ରେସ ଅଧ୍ୟକ୍ଷ ଗୋବିନ୍ଦ ସିଂ ପ୍ରମୁଖ ଗଭୀର ଶୋକବ୍ୟକ୍ତ କରିଛନ୍ତି । ଦିନିକିଆ ରାଷ୍ଟ୍ରୀୟ ଶୋକ ଘୋଷଣା କରିଛନ୍ତି ରାଜସ୍ଥାନ ସରକାର । ରାଷ୍ଟ୍ରୀୟ ସମ୍ମାନ ସହ ପାହାଡ଼ିଆଙ୍କ ଶେଷକୃତ୍ୟ କରାଯିବା ସହ ଆଜି ଗୋଟିଏ ଦିନ ପାଇଁ ସମସ୍ତ ସରକାରୀ ଅଫିସ ବନ୍ଦ ରହିବ ।

ସମ୍ଭାବ୍ୟ ବାତ୍ୟା ନେଇ SRCଙ୍କ ବୈଠକ, ସଜାଗ ରହିବାକୁ ବିଭିନ୍ନ ବିଭାଗକୁ ପରାମର୍ଶ

ଭୁବନେଶ୍ୱର: ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ରାଜ୍ୟ ସରକାରଙ୍କ ପ୍ରସ୍ତୁତି । ବାତ୍ୟା ପରିସ୍ଥିତିର ଅନୁଧ୍ୟାନ କରିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା । ଆଇଏମ୍‌ଡି ଡିଜି ଓ ବିଭିନ୍ନ ବିଭାଗର ସଚିବଙ୍କ ସହ ଏସ୍‌ଆର୍‌ସି ପ୍ରଦୀପ ଜେନା ଭିଡିଓ କନଫରେନ୍ସିଂ ଯୋଗେ ଆଲୋଚନା କରିଛନ୍ତି ।

ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଜିରୋ କାଜୁଆଲିଟିକୁ ପ୍ରାଥମିକତା ଦେଇ ଆରମ୍ଭ ହୋଇଛି ପ୍ରସ୍ତୁତି । ରାଜୀବ ଭବନରୁ ଭିଡିଓ କନଫରେନ୍ସିଂରେ ସାମିଲ ହୋଇ ବାତ୍ୟା ମୁକାବିଲା ସମ୍ପର୍କରେ ଆଲୋଚନା କରିଛନ୍ତି  । ଆବଶ୍ୟକ ମାନବସମ୍ବଳ ସହ ଯନ୍ତ୍ରପାତି ପ୍ରସ୍ତୁତ ରଖିବାକୁ ଏସଆରସି ପରାମର୍ଶ ଦେଇଛନ୍ତି ।

ଏଥିସହ ପଢ଼ନ୍ତୁ- ସମ୍ଭାବ୍ୟ ବାତ୍ୟା ନେଇ ଏସଆରସିଙ୍କ ବୈଠକ, ଉପକୂଳବର୍ତ୍ତୀ ୧୦ ଜିଲ୍ଲା ସହ ଆଲୋଚନା

ଗତକାଲି ମଧ୍ୟ ଏସଆରସି ବିଭିନ୍ନ ବିଭାଗ ସହ ଉପକୂଳବର୍ତ୍ତୀ ଜିଲ୍ଲାର ଜିଲ୍ଲାପାଳମାନଙ୍କ ସହ ଆଲୋଚନା କରିଥିଲେ । ବିଗତ ଦିନ ମାନଙ୍କରେ ଆସିଥିବା ସାମୁଦ୍ରିକ ଝଡ଼ର ସଫଳ ମୁକାବିଲା କରିଛନ୍ତି ରାଜ୍ୟ ସରକାର । ଆଗୁଆ ପଦକ୍ଷେପ ଯୋଗୁଁ ବହୁ ଧନଜୀବନ ମଧ୍ୟ ରକ୍ଷା ହୋଇପାରିଛି ।

ସମ୍ଭାବ୍ଯ ବାତ୍ଯାକୁ ନେଇ ଭୟଭୀତ ନଈକୂଳିଆବାସୀ

ଆରଡ଼ି: ସମ୍ଭାବ୍ୟ ବାତ୍ୟାକୁ ନେଇ ସରକାର ପୂର୍ବ ପ୍ରସ୍ତୁତି ଆରମ୍ଭ କରିଛନ୍ତି । ଏସଆରସି ବିଭିନ୍ନ ଉପକୂଳବର୍ତ୍ତୀ ଜିଲ୍ଲାର ଜିଲ୍ଲାପାଳଙ୍କ ସହ କଥା ହୋଇଛନ୍ତି । ବାତ୍ୟା ଆସୁଥିବା ବେଳେ ଭଦ୍ରକ ଜିଲାର ନଦୀକୂଳିଆ ଅଞ୍ଚଳରେ ସ୍ଥିତି ପରଖିଛି ନନ୍ଦିଘୋଷ ଟିଭି । ଭଦ୍ରକ ଜିଲ୍ଲାର ଜଳଦେଶ ତଥା ତ୍ରିକୋଣ ଅଞ୍ଚଳ ଭାବେ ପରିଚିତ ଚାନ୍ଦବାଲି ବ୍ଲକର ଆରଡି, ତେନ୍ତୁଲିଡିହ, ମାଧପୁର, ସୁନ୍ଦରପୁର, ଓଳଗ, ନାନ୍ଦପୁର ଆଦି ପଞ୍ଚାୟତ ଦେଇ ପ୍ରବାହିତ ହେଉଥିବା ବୈତରଣୀ ଓ ସାଳନ୍ଦ ନଦୀ କୂଳକୁ ଲାଗି ରହିଛି ମୁଆଁ, କୁଲିବିନ୍ଧା, ପାଲଟପୁର, ଶୀତଳପୁର, ଗରିପୁର, ଧାନଖଣିଆ, ତିନିତର ଆଦି ୨୦ରୁ ୨୨ଟି ଗାଁ ।

Probable Cyclone, Aradi People Feared

ଅନେକ ସ୍ଥାନରେ ନଦୀବନ୍ଧ ଅତ୍ୟନ୍ତ ଦୁର୍ବଳ ରହିଥିବା ବେଳେ ୪ରୁ ୫ଟି ସ୍ଥାନରେ ଦୀର୍ଘ ବର୍ଷ ହେବ ନଦୀବନ୍ଧ ନଈରେ ଲିନ୍ନ ହୋଇଥିଲେ ମଧ୍ଯ ମରାମତି ହୋଇନଥିବା ନଦୀକୂଳିଆବାସୀ କହିଛନ୍ତି । ବର୍ତ୍ତମାନ ସମ୍ଭାବ୍ଯ ବାତ୍ଯାକୁ ନେଇ ଆତଙ୍କିତ ହୋଇ ପଡ଼ିଛନ୍ତି ନଦୀକୂଳିଆବାସୀ । ବିଶେଷକରି ଆଗକୁ ପୂର୍ଣ୍ଣିମା ତିଥି ଥିବାରୁ ନିକଟସ୍ଥ ଧାମାରା ସମୁଦ୍ର ମୁହାଣ ଅଶାନ୍ତ ରହିବ । ଏଥିସହ ଘୂର୍ଣ୍ଣିବଳୟ ପ୍ରଭାବରେ ଉଚ୍ଚ ଜୁଆର ଉଠିବାର ସମ୍ଭାବନା ରହିଛି ।

Probable Cyclone, Aradi People Feared

ଯଦି ଏପରି ସ୍ଥିତି ସୃଷ୍ଟି ହୁଏ ତାହାଲେ ଜନବସତିକୁ ଲୁଣା ପାଣି ମାଡ଼ି ଆସିବ ବୋଲି ନଦୀକୂଳିଆବାସୀ କହିଛନ୍ତି । ପୂର୍ବରୁ ଗ୍ରୀଷ୍ମ ଋତୁରେ ଯେବେ ବାତ୍ଯା ହୋଇଛି ଲୁଣା ଢେଉ ମାଡ଼ି ଆସିବାର ନଜିର ରହିଛି । ଏପଟେ ଭଦ୍ରକ ଜିଲାପାଳଙ୍କ ପକ୍ଷରୁ ସାମ୍ଭାବ୍ଯ ବାତ୍ଯାର ସମୀକ୍ଷା କରାଯିବା ସହ ସମସ୍ତ ତହସିଲିଦାର ଓ ବିଡିଓଙ୍କୁ ନଦୀକୂଳିଆ ଅଞ୍ଚଳ ଓ ବାତ୍ଯା ଆଶ୍ରୟସ୍ଥଳୀର ସ୍ଥିତି ଦେଖି ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି ।

ଏଣିକି ଘରେ କରିହେବ କରୋନା ଟେଷ୍ଟିଂ :ମଞ୍ଜୁରୀ ଦେଇଛି ଆଇସିଏମ୍ଆର୍

ଏଣିକି ଘରେ କରିହେବ କରୋନା ଟେଷ୍ଟିଂ । ହୋମ୍ ବେସଡ୍ କରୋନା ଟେଷ୍ଟିଂ କିଟକୁ ମଞ୍ଜୁରୀ ଦେଇଛି ଆଇସିଏମ୍ଆର୍ । ଏହାଯୋଗୁ ଟେଷ୍ଟିଂ ପ୍ରକ୍ରିୟା ତ୍ବରାନ୍ବିତ ହେବା ସହ ଲୋକମାନେ ଘରେ ରହି କରୋନା ଟେଷ୍ଟ କରାଇପାରିବେ । ସାମାନ୍ୟ ଲକ୍ଷଣ ଥିବା ବ୍ୟକ୍ତି ବା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତି ଏହି ହୋମ ରାପିଡ୍ ଆଣ୍ଟିଜେନ୍ ଟେଷ୍ଟିଂ କିଟ୍ ବ୍ୟବହାର କରି କରୋନା ଟେଷ୍ଟ କରାଇପାରିବେ । ICMR ଅନୁମତି ଦେବା ପରେ ଖୋଲା ବଜାରରେ ଏହି କିଟର ବିକ୍ରି ଲାଗି ଅନୁମତି ଦେଇଛି ଡ୍ରଗ୍ସ କଣ୍ଟ୍ରୋଲ ଜେନେରାଲ ଅଫ୍ ଇଣ୍ଡିଆ (ଡିସିଜିଆଇ) । ବଜାରରେ ତୁରନ୍ତ ଏହି କିଟ୍ ଉପଲବ୍ଧ ହେବ ନାହିଁ । ବହୁଳ ମାତ୍ରାରେ ବଜାରରେ ବିକ୍ରି ହେବା ଲାଗି ଆଉ କିଛି ସମୟ ଲାଗିବ ବୋଲି କୁହାଯାଇଛି । ଭାରତରେ ଏହି କିଟ୍ ପ୍ରସ୍ତୁତ କରୁଥିବା ଏକମାତ୍ର କମ୍ପାନୀ ମାଇ ଲ୍ୟାବ୍ ସଲ୍ୟୁସନ୍ସ ଲିମିଟେଡକୁ ମଞ୍ଜୁରୀ ଦିଆଯାଇଛି ।.