spot_img
Home Blog Page 5780

ଲଗାତାର ତୃତୀୟ ଦିନରେ ବଢ଼ିଲା ସଂକ୍ରମଣ ମାମଲା, ଦେଶରେ ୨୪ ଘଣ୍ଟାରେ ୩୮୭୪ ମୃତ

ନୂଆଦିଲ୍ଲୀ: ଦେଶରେ ଦୈନିକ କରୋନା ସଂକ୍ରମଣ ମାମଲା ୩ ଲକ୍ଷ ତଳେ ରହିଛି । ତଥାପି କମୁଥିବା ସଂକ୍ରମଣ ଗତ ୩ ଦିନ ହେଲା ଆଂଶିକ ବଢ଼ିଛି । ଗତ ୨୪ ଘଣ୍ଟାରେ ଦେଶରୁ ଆଉ ୨ ଲକ୍ଷ ୬୭ ହଜାର  ୭୦ଟି ପଜିଟିଭ୍ ମାମଲା ଚିହ୍ନଟ ହୋଇଛନ୍ତି । ୩ ହଜାର ୮୭୪ ସଂକ୍ରମିତଙ୍କ ଜୀବନ ନେଇଛି କିଲର କରୋନା । ଦିନକରେ ୩ ଲକ୍ଷ ୬୯ ହଜାର ୭୭ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।

ଦେଶରେ କରୋନାର ସ୍ଥିତି

ମୋଟ କରୋନା ମାମଲା– ୨ କୋଟି ୫୭ ଲକ୍ଷ ୭୨ ହଜାର ୪୦୦

ମୋଟ ସୁସ୍ଥ– ୨ କୋଟି ୨୩ ଲକ୍ଷ ୫୫ ହଜାର ୪୪୦

ମୋଟ ମୃତ୍ୟୁ– ୨ ଲକ୍ଷ ୮୭ ହଜାର ୧୨୨

ସକ୍ରିୟ ସଂକ୍ରମଣ ମାମଲା– ୩୧ ଲକ୍ଷ ୨୯ ହଜାର ୮୭୮

ମୋଟ ଟିକାକରଣ– ୧୮ କୋଟି ୭୦ ଲକ୍ଷ ୯ ହଜାର ୭୯୨

ଅସହ୍ୟ ହେଲା ସ୍ୱାମୀର ଅତ୍ୟାଚାର, ୯ ମାସର ଛୁଆକୁ ଗାଡ଼ି ଆଗକୁ ଫିଙ୍ଗିଦେଲା ମାଆ

ଭଦ୍ରକ: ସହି ପାରିଲେନି ସ୍ୱାମୀର ଅତ୍ୟାଚାର, ଗାଡ଼ି ଆଗକୁ କଅଁଳ ଛୁଆକୁ ଫିଙ୍ଗିଦେଲା ମାଆ । ଏଭଳି ଏଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲାରେ । ବିଳମ୍ବିତ ରାତିରେ ଚାରିଘରିଆ ନିକଟ ମୁଣ୍ଡାସାହି ରାସ୍ତାରେ ଜଣେ ମହିଳା ସ୍ୱାମୀଙ୍କ ସହ ମନୋମାଳିନ୍ୟକୁ ନେଇ ଛୁଆକୁ ଗାଡ଼ି ଆଗକୁ ଫିଙ୍ଗି ଆତ୍ମହତ୍ୟା ପାଇଁ ଉଦ୍ୟମ କରିଥିଲେ । ତେବେ ସ୍ଥାନୀୟ ଲୋକଙ୍କ ମାଆ ଓ ଛୁଆଙ୍କ ଜୀବନ ବଞ୍ଚି ଯାଇଛି ।

9 Month Child Thrown In Front of Vehicle By Mother In Bhadrak

ସୂଚନା ଅନୁସାରେ, ମହିଳା ଜଣଙ୍କ ସ୍ୱାମୀ ପ୍ରଥମ ବିବାହ କରିଥିଲେ । ଛୁଆପିଲା ମଧ୍ୟ ଥିଲେ । ପୁଣି ଥରେ ସେ ଆଉ ଏକ ବିବାହ କରି ଦ୍ଵିତୀୟ ସ୍ତ୍ରୀକୁ ଭଡ଼ା ଘରେ ରଖିଥିଲେ । ଦ୍ୱିତୀୟ ସ୍ତ୍ରୀର ଛୁଆ ହେବା ପରେ ଆଉ ପଚାରି ନଥିଲେ । ଏହାକୁ ନେଇ ସ୍ୱାମୀ, ସ୍ତ୍ରୀଙ୍କ ମଧ୍ୟରେ ଝଗଡ଼ା ହୋଇଥିଲା । ଏଥିରେ ମହିଳା ଜଣଙ୍କ ଭାଙ୍ଗି ପଡ଼ି ୯ ମାସର ଛୁଆକୁ ଗାଡ଼ି ଆଗକୁ ଫିଙ୍ଗି ଆତ୍ମହତ୍ୟା ଉଦ୍ୟମ କରୁଥିବା ବେଳେ ସ୍ଥାନୀୟ ଲେକ ଉଦ୍ଧାର କରିଛନ୍ତି ।

9 Month Child Thrown In Front of Vehicle By Mother In Bhadrak

ଛୁଆକୁ ଗାଡ଼ି ଆଗକୁ ଫିଙ୍ଗିବା ବେଳେ ଟ୍ରକ୍ ଚାଳକ ଗାଡ଼ି ଅଟକାଇ ସ୍ଥାନୀୟ ଲୋକଙ୍କୁ ଡାକିଥିଲେ । ପରେ ମାଆ ଓ ଛୁଆଙ୍କୁ ନେଇ ମେଡିକାଲରେ ଚିକିତ୍ସିତ କରିବା ସହ ପୋଲିସକୁ ଖବର ଦେଇଥିଲେ । ପୋଲିସ ଉଭୟ ସ୍ୱାମୀ, ସ୍ତ୍ରୀଙ୍କୁ ଥାନାକୁ ନେଇ ଆପୋଷ ବୁଝାମଣା ପରେ ଛାଡ଼ିଥିବା ଜଣାପଡ଼ିଛି ।

କରୋନା ମୃତ୍ୟୁରେ ରାଜ୍ୟର ସର୍ବକାଳୀନ ରେକର୍ଡ, ୨୪ ଘଣ୍ଟାରେ ୨୫ ମୃତ

ଭୁବନେଶ୍ୱର: ବଢ଼ିଲା ମୃତ୍ୟୁସଂଖ୍ୟା । ରାଜ୍ୟରେ ୨୪ ଘଣ୍ଟାରେ ୧୧ ହଜାରରି ଅଧିକ ସଂକ୍ରମିତ ଚିହ୍ନଟ ହୋଇଥିବା ବେଳେ ୨୫ ଜଣ କୋଭିଡ୍ ଆକ୍ରାନ୍ତଙ୍କ ମୃତ୍ୟୁ ହୋଇଛି । ପ୍ରଥମଥର ପାଇଁ ରାଜ୍ୟରେ ଗୋଟିଏ ଦିନରେ ୨୨ରୁ ଅଧିକ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ୨୪ ଘଣ୍ଟାରେ ୨୫ କରୋନା ଆକ୍ରାନ୍ତଙ୍କ ମୃତ୍ୟୁ ସହ ରାଜ୍ୟରେ ମୋଟ ମୃତ୍ୟୁସଂଖ୍ୟା ୨୪ ଶହ ପାର୍ କରିଛି ।

ଏଥିସହ ପଢ଼ନ୍ତୁ- ରାଜ୍ୟରେ ସାଢ଼େ ୬ ଲକ୍ଷ ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୧୧ ହଜାରରୁ ଅଧିକ ପଜିଟିଭ୍

ଅନୁଗୁଳରୁ ୩ ଜଣ କୋଭିଡ୍ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ବାଲେଶ୍ୱରରୁ ଜଣେ, ବରଗଡ଼ରୁ ଜଣେ, ବଲାଙ୍ଗିରରୁ ଜଣେ, ବୌଦ୍ଧରୁ ଜଣେ, କଟକରୁ ଜଣେ, ଢେଙ୍କାନାଳରୁ ଜଣେ, ଗଞ୍ଜାମରୁ ୨ ଜଣ, କଳାହାଣ୍ଡିରୁ ୪ ଜଣ, କେନ୍ଦୁଝରରୁ ଜଣେ, ଖୋର୍ଦ୍ଧାରୁ ୪ ଜଣ, ପୁରୀରୁ ଜଣେ, ରାୟଗଡ଼ାରୁ ୨ ଜଣ ଓ ସୁନ୍ଦରଗଡ଼ରୁ ୨ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।

୨୪ ଘଣ୍ଟାରେ ୨୫ ମୃତ୍ୟୁ ସହ ରାଜ୍ୟରେ ମୋଟ କୋଭିଡ୍ ମୃତ୍ୟୁସଂଖ୍ୟା ୨୪୦୩କୁ ବୃଦ୍ଧି ପାଇଛି । ରାଜ୍ୟରେ ଏବେ ମୋଟ ୧ ଲକ୍ଷ ୬ ହଜାର ୮୧୨ ସକ୍ରିୟ ମାମଲା ରହିଛି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬ ଲକ୍ଷ ୫୫ ହଜାର ୮୯୯କୁ ବୃଦ୍ଧି ପାଇଛି । ୫ ଲକ୍ଷ ୪୬ ହଜାର ୬୩୧ ଜଣ କରୋନାରୁ ସୁସ୍ଥ ହୋଇଛନ୍ତି ।

ରାଜ୍ୟରେ ସାଢ଼େ ୬ ଲକ୍ଷ ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୧୧ ହଜାରରୁ ଅଧିକ ପଜିଟିଭ୍

ଭୁବନେଶ୍ୱର: ଖସୁନି କରୋନା ସଂକ୍ରମଣ ମାମଲା । ଗତ ୨୪ ଘଣ୍ଟାରେ ରାଜ୍ୟରୁ ଆଉ ୧୧ ହଜାର ୪୯୮ଟି ସଂକ୍ରମଣ ମାମଲା ଚିହ୍ନଟ ହୋଇଛି । କ୍ୱାରେଣ୍ଟାଇନରୁ ୬ ହଜାର ୪୩୯ଟି ମାମଲା ଚିହ୍ନଟ ହୋଇଥିବା ବେଳେ ୫ ହଜାର ୫୯ଟି ସ୍ଥାନୀୟ ସଂକ୍ରମଣ ମାମଲା ଆସିଛି । ଖୋର୍ଦ୍ଧାରୁ ସର୍ବାଧିକ ୧୪୯୭, କଟକରୁ ୧୧୦୭ଟି ମାମଲା ଆସିଛି ।

ଅନୁଗୁଳରୁ ୮୬୭, ବାଲେଶ୍ୱରରୁ ୫୨୪, ବରଗଡ଼ରୁ ୩୯୫, ଭଦ୍ରକରୁ ୧୩୪, ବଲାଙ୍ଗିରରୁ ୨୯୪, ବୌଦ୍ଧରୁ ୩୧୩, କଟକରୁ ୧୧୦୭, ଦେବଗଡ଼ରୁ ୧୧୪, ଢେଙ୍କାନାଳରୁ ୨୫୧, ଗଜପତିରୁ ୮୬, ଗଞ୍ଜାମରୁ ୨୨୮, ଜଗତସିଂହପୁରରୁ ୩୨୫, ଯାଜପୁରରୁ ୩୭୮, ଝାରସୁଗୁଡ଼ାରୁ ୨୪୭, କଳାହାଣ୍ଡିରୁ ୨୦୫, କନ୍ଧମାଳରୁ ୧୦୧ ଜଣ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିଭଳି କେନ୍ଦ୍ରାପଡ଼ାରୁ ୨୦୪, କେନ୍ଦୁଝରରୁ ୧୯୩, ଖୋର୍ଦ୍ଧାରୁ ୧୪୯୭, କୋରାପୁଟରୁ ୨୬୬, ମାଲକାନଗିରିରୁ ୧୧୦, ମୟୂରଭଞ୍ଜରୁ ୫୩୮, ନବରଙ୍ଗପୁରରୁ ୩୪୬, ନୟାଗଡ଼ରୁ ୩୮୨, ନୂଆପଡ଼ାରୁ ୧୫୨, ପୁରୀରୁ ୪୨୪, ରାୟଗଡ଼ାରୁ ୨୩୩, ସମ୍ବଲପୁରରୁ ୩୯୩, ସୋନପୁରରୁ ୨୨୭, ସୁନ୍ଦରଗଡ଼ରୁ ୭୦୩ ଏବଂ ଷ୍ଟେଟ ପୁଲରୁ ୨୬୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

୨୪ ଘଣ୍ଟାରେ ଚିହ୍ନଟ ୧୧ ହଜାର ୪୯୮ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬ ଲକ୍ଷ ୫୫ ହଜାର ୮୯୯କୁ ବୃଦ୍ଧି ପାଇଛି । ୫ ଲକ୍ଷ ୪୬ ହଜାର ୬୩୧ ଜଣ କରୋନାରୁ ସୁସ୍ଥ ହୋଇଛନ୍ତି । ଏବେ ରାଜ୍ୟରେ ୧ ଲକ୍ଷ ୬ ହଜାର ୮୧୨ ଜଣ ସକ୍ରିୟ ସଂକ୍ରମିତ ଅଛନ୍ତି ।

ଟ୍ରାକରୁ ଖସି ଦେବ ନଦୀକୁ ଢ଼ଳି ପଡ଼ିଲା ହାଟିଆ-ରାଉରକେଲା ପାସେଞ୍ଜର

ରାଉରକେଲା: ଅଳ୍ପକେ ବଡ଼ ଟ୍ରେନ୍ ଦୁର୍ଘଟଣାରୁ ବର୍ତ୍ତିଲେ ୮୪ ଯାତ୍ରୀ । ଝାଡ଼ଖଣ୍ଡର କନୋରମା ରେଲୱେ ଷ୍ଟେସନ ନିକଟରେ ହାଟିଆ-ରାଉରକେଲା ପାସେଞ୍ଜର ଟ୍ରେନ୍ ଦୁର୍ଘଟଣାଗ୍ରସ୍ତ ହୋଇଛି । ବୁଧବାର ରାତି ପ୍ରାୟ ୮ଟା ୨୦ରେ ଟ୍ରେନ୍ ଲାଇନଚ୍ୟୁତ୍ ହୋଇ ଦେବ ନଦୀକୁ ଢ଼ଳି ପଡ଼ିଥିଲା । ତେବେ ଟ୍ରେନର ଗତି କମ୍ ଥିବାରୁ ଏକ ବଡ଼ ଦୁର୍ଘଟଣା ଅଳ୍ପକେ ଟଳି ଯାଇଛି ।

Narrow Escape For 84 Passengers Of Hatia Rourkela Train

ବାନୋ ରେଳ ଷ୍ଟେସନ ଛାଡ଼ିବା ପରେ କନୋରମା ଷ୍ଟେସନ ନିକଟରେ ଏହି ଦୁର୍ଘଟଣା ଘଟିଥିବା ରାଞ୍ଚି ରେଲୱେ ମଣ୍ଡଳ ପ୍ରବନ୍ଧକ ସୂଚନା ଦେଇଛନ୍ତି । ତେବେ ଦୁର୍ଘଟଣାର ପ୍ରକୃତ କାରଣ ଏଯାଏଁ ଜଣାପଡ଼ିନାହିଁ । କମ୍ ବେଗରେ ଟ୍ରେନଟି ଯାଉଥିବାରୁ କେବଳ ଇଞ୍ଜିନ୍ ହିଁ ଲାଇନଚ୍ୟୁତ୍ ହୋଇଥିଲା । ଯାତ୍ରୀମାନଙ୍କୁ କୌଣସି କ୍ଷତି ହୋଇନାହିଁ ।

Narrow Escape For 84 Passengers Of Hatia Rourkela Train

ଟ୍ରେନ୍ ଚାଳକ ମଧ୍ୟ ଦୁର୍ଘଟଣାରୁ ଅଳ୍ପେକ ରକ୍ଷା ପାଇଛନ୍ତି । ୬ଟି କୋଚ ଓ ଇଞ୍ଜିନ୍ ବ୍ୟବସ୍ଥା କରାଯାଇ ଯାତ୍ରୀମାନଙ୍କୁ ନିଜ ନିଜ ଗନ୍ତବ୍ୟସ୍ଥଳକୁ ପଠାଯାଇଥିବା ଚକ୍ରଧରପୁର ଡିଆରଏମ ସୂଚନା ଦେଇଛନ୍ତି । ଟ୍ରେନ୍ ଇଞ୍ଜିନ୍ କିପରି ଲାଇନଚ୍ୟୁତ୍ ହେଲା ସେନେଇ ରେଲୱେ ପକ୍ଷରୁ ତଦନ୍ତ କରାଯାଉଛି ।

ଆଜି ଏହି ୩ ଜିଲ୍ଲାରେ ଦିଆଯିବ ନାହିଁ କୋଭିଡ୍ ଟିକା

ଭୁବନେଶ୍ୱର: ରାଜ୍ୟରେ ଟିକା ଅଭାବ ଜାରି ରହିଛି । ବାରମ୍ବାର ଚିଠି ସତ୍ତ୍ୱେ କେନ୍ଦ୍ର ସରକାର ଆବଶ୍ୟକ ଟିକା ପଠାଉନାହାଁନ୍ତି । ଫଳରେ ଦ୍ୱିତୀୟ ଡୋଜ୍ ଅପେକ୍ଷାରେ ଅଛନ୍ତି ଲକ୍ଷାଧିକ ଲୋକ । ଆଜି ବାଲେଶ୍ୱର, ଜଗତସିଂହପୁର, କେନ୍ଦ୍ରାପଡ଼ା ଜିଲ୍ଲାରେ ଟିକାକରଣ ବନ୍ଦ ରହିବ ।

ଗତକାଲି ୫୭୭ଟି କେନ୍ଦ୍ରରେ କୋଭିଡ୍ ଟିକା ଦିଆଯାଇଥିଲା । ୭୬ ହଜାର ୪୭୮ ଜଣଙ୍କୁ ଭ୍ୟାକ୍ସିନ୍ ଦିଆଯାଇଛି । ରାଜ୍ୟରେ ୬୮ ଲକ୍ଷ ୧୨ ହଜାର ୧୧୮ ଡୋଜ୍ ଏଯାବତ୍ ଦିଆଯାଇଛି । ୧୮ରୁ ୪୪ ବର୍ଷ ବୟସ୍କ ମଧ୍ୟରେ ୨ ଲକ୍ଷ ୯ ହଜାର ୩୧୧ ଜଣ ପ୍ରଥମ ଡୋଜ୍ ଟିକା ନେଇଛନ୍ତି । ୪୫ ଲକ୍ଷ ୩୧ ହଜାର ୩୩୫ ଜଣ ୪୫ ବର୍ଷରୁ ଅଧିକ ବୟସ୍କ ପ୍ରଥମ ଡୋଜ୍ ଏବଂ ୧୦ ଲକ୍ଷ ୩୪ ହଜାର ୪୩୩ ଜଣ ଦ୍ୱିତୀୟ ଡୋଜ୍ ଟିକା ନେଇଛନ୍ତି ।

ଏବେ ରାଜ୍ୟ ପାଖରେ କେନ୍ଦ୍ର ଦେଇଥିବା କୋଭିସିଲ୍ଡ ଟିକା ମଧ୍ୟରୁ ୮୨ ହଜାର ୩୦ ଡୋଜ୍, କୋଭାକ୍ସିନର ୩ ଲକ୍ଷ ୬୫ ହଜାର ୨୯୦ ଡୋଜ୍ ଏବଂ ରାଜ୍ୟ କିଣିଥିବା କୋଭାକ୍ସିନରୁ ୪୧ ହଜାର ୧୦ ଡୋଜ୍ ଏବଂ କୋଭିସିଲ୍ଡ ୩ ଲକ୍ଷ ୮୩ ହଜାର ୩୦ ଡୋଜ୍ ରହିଛି ।

କରୋନା ସହ ଲଢ଼ି ଜିତିଲା ୨୬ ଦିନର ଶିଶୁ

ନୂଆପଡ଼ା: କରୋନା କରୋନାକୁ ହରାଇଲା ୨୬ ଦିନର ଶିଶୁ । ମହାମାରୀ ସହ ୭ ଦିନ ସଂଘର୍ଷ କରି କରୋନାକୁ ମାତ ଦେଇଛି ନବଜାତକ ଶିଶୁଟି । ନୂଆପଡା ଜିଲ୍ଲା ସଦର ବ୍ଲକର ଏ ଘଟଣା । ସ୍ବାସ୍ଥ୍ୟବସ୍ଥା ଖରାପ ଥିବାରୁ ଗତ ୧୨ ତାରିଖରେ ତାଙ୍କୁ ନୂଆପଡ଼ା ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।

ଟେଷ୍ଟ ପରେ ସେ କରୋନାରେ ଆକ୍ରାନ୍ତ ଥିବା ଜଣାପଡ଼ିଥିଲା । ପରେ ତାଙ୍କୁ ଶିଶୁ ୱାର୍ଡର ଏସଏନସିୟୁରେ ଭର୍ତ୍ତି କରାଯାଇ ଥିଲା । ତେବେ ୧୮ ତାରିଖରେ ସେ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି । ଚିକିତ୍ସା ବେଳେ ଶିଶୁଟିକୁ ଅକ୍ସିଜେନ୍, ବ୍ଲଡ୍ ଟ୍ରାନ୍ସଫ୍ୟୁଜନ୍ ଆଦି ଦିଆଯାଇଥିଲା ।

ସମ୍ କୋଭିଡ୍ ହସ୍ପିଟାଲରେ କରୋନାକୁ ପରାସ୍ତ କଲେ ୯୯ ବର୍ଷୀୟ ବୃଦ୍ଧ

ଭୁବନେଶ୍ୱର: କରୋନା ବିରୋଧ ଯୁଦ୍ଧରେ ବିଜୟୀ ହେଉଛନ୍ତି ବୟୋଜ୍ୟେଷ୍ଠ । ସମ୍ କୋଭିଡ୍ ହସ୍ପିଟାଲରୁ ସୁସ୍ଥ ହେଉଛନ୍ତି ଜଣକ ପରେ ଜଣେ ବରିଷ୍ଠ ନାଗରିକ । ଏହି କ୍ରମରେ ବୁଧବାର ଜଣେ ୯୯ ବର୍ଷୀୟ ବୃଦ୍ଧ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି ।

ଭୁବନେଶ୍ୱର ସହିଦନଗର ଅଞ୍ଚଳର ମୁରଲୀଧର ଦାସ କୋଭିଡ୍ ସଂକ୍ରମିତ ହୋଇ ଗତ ମେ ୯ ତାରିଖରେ ସମ୍ କୋଭିଡ୍ ହସ୍ପିଟାଲରେ ଭର୍ତ୍ତି ହୋଇଥିଲେ । ତେବେ ସମ୍ କୋଭିଡ୍ ହସ୍ପିଟାଲର ଡାକ୍ତର, ନର୍ସ ଓ ସ୍ୱାସ୍ଥ୍ୟ ସେବାରେ ନିୟୋଜିତ ଥିବା କର୍ମଚାରୀଙ୍କ ଉତ୍ତମ ଚିକିତ୍ସା, ସେବା ଓ ଯତ୍ନ ଫଳରେ ସେ ସୁସ୍ଥ ହୋଇ ଘରକୁ ଫେରିଛନ୍ତି ।

99 Old Years Old Man Defeated Corona In Odisha

ମୁରଲୀଧରଙ୍କର ପାର୍କିନ୍ସନ, ଉଚ୍ଚ ରକ୍ତଚାପ, ମଧୁମେହ ଭଳି ଅନେକ ସ୍ୱାସ୍ଥ୍ୟଗତ ସମସ୍ୟା ରହିଥିବା ବେଳେ ଆଗରୁ ବ୍ରେନଷ୍ଟ୍ରୋକ୍ ମଧ୍ୟ ହୋଇସାରିଛି । କୋଭିଡ ଆକ୍ରାନ୍ତ ହେବା ପରେ ସେ ଠିକ୍ ଭାବେ କଥା ମଧ୍ୟ କହି ପାରୁନଥିଲେ । ତେଣୁ ଏହି ବୟୋଜ୍ୟେଷ୍ଠଙ୍କର ନିଷ୍ଠା ଓ ଯତ୍ନର ସହ ସେବା କରିଥିଲେ ସମ୍ କୋଭିଡର ଡାକ୍ତର ଓ ନର୍ସ ।

ଦୀର୍ଘ ୧୧ ଦିନ ମଧ୍ୟରେ ତାଙ୍କ ସହ ଏକ ଅନାବିଳ ସମ୍ପର୍କ ସୃଷ୍ଟି ହୋଇଯାଇଥିଲା ବୋଲି କହିଛନ୍ତି ହସ୍ପିଟାଲର ଡାକ୍ତର, ନର୍ସ ଓ ସ୍ୱାସ୍ଥ୍ୟକର୍ମୀ । ମୁରଲୀଧର ହସ୍ପିଟାଲରୁ ଡିସଚାର୍ଜ ହେବା ସମୟରେ ବେଶ ଆନନ୍ଦିତ ଥିଲେ । ସେ ଯିବା ସମୟରେ ଏକ ଭାବବିହ୍ଵଳ ପରିବେଶ ସୃଷ୍ଟି ହୋଇଥିଲା । କୋଭିଡର ଦ୍ଵିତୀୟ ଲହରୀ  ସମୟରେ ଭୁବନେଶ୍ୱରର ୯୦ ଓ ୯୮ ବର୍ଷୀୟା ଦୁଇ ଜଣ ବୃଦ୍ଧା ସମ କୋଭିଡ୍ ହସ୍ପିଟାଲରୁ ସୁସ୍ଥ ହୋଇ ଘରକୁ ଫେରିଛନ୍ତି ।

କାଳ ସାଜିଲା କରୋନା, ପୁଅର ମୃତ୍ୟୁ ଶୁଣି ହୃଦଘାତରେ ଚାଲିଗଲା ମାଆର ଜୀବନ

ଯାଜପୁର: ମହାମାରୀ ନେଇଗଲା ମାଆ, ପୁଅଙ୍କୁ । ଗୋଟିଏ ପରିବାରର ୩ ଜଣ କରୋନା ସଂକ୍ରମିତ ହୋଇଥିଲେ । ବାପପୁଅଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ଥିବାରୁ ସେମାନଙ୍କୁ ମେଡିକାଲରେ ଭର୍ତ୍ତି କରା ଯାଇଥିଲା । ମାଆ ଏକାକୀ ହୋମ୍ ଆଇସୋଲେସନରେ ଥିଲେ । ଚିକିତ୍ସାଧୀନ ଅବସ୍ଥାରେ ଆଜି ସକାଳେ ଏକମାତ୍ର ୨୮ ବର୍ଷର ପୁଅର ମୃତ୍ୟୁ ହୋଇଥିଲା ।

 Mother Dies In Heart Attack After Listening Death Of Covid Positive Son

ଏହି ଖବର ଶୁଣିବା ପରେ ତାଙ୍କ ମାଆଙ୍କର ହୃଦଘାତରେ ମୃତ୍ୟୁ ହୋଇଛି । ଏଭଳି ଦୁଃଖଦ ଘଟଣା ଘଟିଛି ଯାଜପୁର ଜିଲ୍ଲା ବ୍ୟାସନଗର ଧବଳଗିରି ଅଞ୍ଚଳରେ । ସୂଚନା ମୁତାବକ ରଙ୍ଗ ବ୍ୟବସାୟୀ ଚୈତନ୍ୟ ଆରୁଖଙ୍କ ପରିବାରର ସମସ୍ତେ କରୋନାରେ ଆକ୍ରାନ୍ତ ହୋଇଥିଲେ । ଚୈତନ୍ୟ ଏବେବି କୋଭିଡ୍ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।

 Mother Dies In Heart Attack After Listening Death Of Covid Positive Son

ଯାଜପୁରର ଏ ଗୋଟିଏ ଘଟଣା ନୁହେଁ । କରୋନା ଏଭଳି ଅନେକ ପରିବାରକୁ ଛାରଖାର୍ କରି ଦେଇଛି । କେଉଁଠି ଛୋଟ ଛୋଟ ଛୁଆଙ୍କୁ ଅନାଥ କରି ପରିବାର ଉଜୁ଼ଡ଼ି ଯାଉଛି ତ ଆଉ କେଉଁଠି ଭେଣ୍ଡିଆ ପୁଅ ଆରପାରିକୁ ଗଲା ପରେ ଏକା ହେଉଯାଉଛି ବୁଢ଼ୀ ମାଆ । ଭୂତାଣୁର ଆକ୍ରମଣରେ ପୂରା ପରିବାର ଉଜୁଡ଼ି ଯାଉଛି ।

କରୋନା ପାଇଁ ଆସନ୍ତାକାଲିଠାରୁ ୨୭ ତାରିଖ ଯାଏଁ ବନ୍ଦ ରହିବ ହାଇକୋର୍ଟ

କଟକ: ରାଜ୍ୟ ସହ କଟକ ସହରରେ ବଢ଼ୁଥିବା ସଂକ୍ରମଣକୁ ଦେଖି ହାଇକୋର୍ଟ ବନ୍ଦ ରଖିବାକୁ ନିଷ୍ପତ୍ତି ହୋଇଛି । ହାଇକୋର୍ଟର ଏକାଧିକ କର୍ମଚାରୀ ମଧ୍ୟ କରୋନା ସଂକ୍ରମିତ ହୋଇଛନ୍ତି । ଏହାକୁ ଦୃଷ୍ଟିରେ ରଖି ଆସନ୍ତାକାଲି ମେ ୧୯ ତାରିଖରୁ ଓଡ଼ିଶା ହାଇକୋର୍ଟ ମେ ୨୭ ତାରିଖ ଯାଏ ବନ୍ଦ ସଟଡାଉନ୍ ରହିବ । ୨୮ ତାରିଖରେ ଖୋଲିବ ହାଇକୋର୍ଟ । ଏନେଇ ହାଇକୋର୍ଟ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି ।

ଏହି ସମୟରେ ଜରୁରୀ ମାମଲା ଶୁଣାଣି ହେବ । ରେଜିଷ୍ଟ୍ରାର (ଜୁଡିସିଆଲ୍)ଙ୍କ ନିକଟରେ ପୂର୍ବରୁ ଧାର୍ଯ୍ୟ ମାମଲା ମୁଖ୍ୟ ବିଚାରପତିଙ୍କ ନିର୍ଦ୍ଦେଶ ଅନୁସାରେ ଶୁଣାଣି ହେବ । ଏହି ସମୟରେ ଅଭ୍ୟାସ କରୁଥିବା ଆଇନଜୀବୀଙ୍କୁ ବିରତ ରହିବା ପାଇଁ କୋର୍ଟ ଅନୁରୋଧ କରିଛନ୍ତି । ୨୮ ତାରିଖ ପରେ କୋର୍ଟ ଖୋଲିଲେ ସରକାରଙ୍କ ଲକଡାଉନ୍ ଅନୁଯାୟୀ କୋଭିଡ କଟକଣାରେ କୋର୍ଟ କାର୍ଯ୍ୟ ଚାଲିବ ।