spot_img
Home Blog Page 5772

ପୁଣି ବଢ଼ିଲା ଲକ୍‌ଡାଉନ୍ ଅବଧି : ଫଳ ଓ ପନିପରିବାର ହୋମ୍ ଡେଲିଭରୀ କରିବ ଉଦ୍ୟାନ କୃଷି ବିଭାଗ

ଚେନ୍ନାଇ: ତାମିଲନାଡ଼ୁରେ ପୁଣି ବଢ଼ିଲା ଲକ୍‌ଡାଉନ୍ ଅବଧି । ଆଉ ସପ୍ତାହକ ପାଇଁ ସମ୍ପୂର୍ଣ୍ଣ ଲକ୍‌ଡାଉନ୍ ଘୋଷଣା କଲେ ମୁଖ୍ୟମନ୍ତ୍ରୀ ଏମ୍‌.କେ ଷ୍ଟାଲିନ୍ । ମେ ୨୪ ଠାରୁ ଏହି ଲକ୍‌ଡାଉନ୍ ଲାଗୁ ହେବ । ଏହି ଲକ୍‌ଡାଉନ୍ ପ୍ରସ୍ତୁତି ପାଇଁ ଶନିବାର ରାତି ୯ ଟା ଯାଏଁ ଦୋକାନ ବଜାର ଖୋଲାରହିବ ଏଥିସହିତ ମେ‘ ୨୩ ଅର୍ଥାତ ରବିବାର ମଧ୍ୟ ଖୋଲାରହିବ । ସକାଳ ୬ଟାରୁ ରାତି ୯ ଟା ଯାଏଁ ଦୋକାନ ବଜାର ଖୋଲା ରହିବ । ଫଳରେ ଲୋକେ ସେମାନଙ୍କ ଆବଶ୍ୟକ ସାମଗ୍ରୀ କିଣିବା ସହ ନିଜ ହୋମ୍ ଟାଉନ୍‌କୁ ଯାଇପାରିବେ । ଏହି ସମୟ ମଧ୍ୟରେ ଘରୋଇ ଏବଂ ସରକାରୀ ବସ୍‌ ଚଳାଚଳ ନେଇ ଅନୁମତି ଦିଆଯାଇଛି । ଲକ୍‌ଡାଉନ୍ ସମୟରେ ଔଷଧ ଦୋକାନ, ଦୁଗ୍ଧ ଯୋଗାଣ, ପାନୀୟ ଜଳ ଯୋଗାଣ ଏବଂ ଖବରକାଗଜ ବିତରଣକୁ ଅନୁମତି ଦିଆଯାଇଛି । ଫଳ ଓ ପନିପରିବାକୁ ଉଦ୍ୟାନ କୃଷି ବିଭାଗ ଦ୍ୱାରା ବିଭିନ୍ନ ଗାଡ଼ି ସହାୟତାରେ ଚେନ୍ନାଇରେ ଯୋଗାଇ ଦିଆଯିବ । ସଚିବାଳୟ ଏବଂ ଜିଲ୍ଲା ପ୍ରଶାସନର ଜରୁରୀକାଳୀନ ବିଭାଗ କାର୍ଯ୍ୟ କରିବା । ଏତଦ୍ ବ୍ୟତୀତ ବ୍ୟାଙ୍କ କର୍ମଚାରୀ, ଇନ୍ୟୁରାନ୍ସ କମ୍ପାନୀ ଏବଂ ଆଇଟି କମ୍ପାନୀମାନଙ୍କ ଓ୍ୱାର୍କ ଫର୍ମ ସୁବିଧା ନିଜ କର୍ମଚାରୀଙ୍କୁ ଯୋଗାଇଦେବାକୁ କୁହାଯାଇଛି । ଇ-କମର୍ସ ସେବା ସକାଳ ୮ଟାରୁ ସନ୍ଧ୍ୟା ୬ ଟା ଯାଏଁ କାର୍ଯ୍ୟ କରିବ । ତେବେ କୃଷି କାର୍ଯ୍ୟ ନିମନ୍ତେ ଆବଶ୍ୟକ ସାମଗ୍ରୀର ଯାତାୟତ ଉପରେ କୌଣସି କଟକଣା ଲାଗୁ ହେବନାହିଁ । କେବଳ ଶେଷକୃତ କାର୍ଯ୍ୟ ପାଇଁ ଆନ୍ତଃଜିଲ୍ଲା ଚଳାଚଳକୁ ଅନୁମତି ଦିଆଯିବ ।

ଏଥିସହିତ ପଢ଼ନ୍ତୁ: କେନ୍ଦ୍ର ସରକାରଙ୍କୁ କାଠଗଡାରେ ଛିଡା କଲେ ସିରମର ବରିଷ୍ଠ ଅଧିକାରୀ, ଷ୍ଟକ୍ ନଦେଖି,ହୁ’ର ଗାଇଡ୍ ଲାଇନ୍ ନମାନି ଟିକାକରଣ

ସମ୍ଭାବ୍ୟ ବାତ୍ୟା ‘ୟଶ’ର ମୁକାବିଲା ନେଇ ଅଗ୍ନିଶମ ବିଭାଗର ପ୍ରସ୍ତୁତି: ପେଲିସ, ପ୍ରଶାସନ ସହ ସମନ୍ୱୟ ରକ୍ଷା କରି କାର୍ଯ୍ୟ କରିବାକୁ ନିର୍ଦ୍ଦେଶ

କଟକ: ସମ୍ଭାବ୍ୟ ବାତ୍ୟା ‘ୟଶ’ର ମୁକାବିଲା ନେଇ ଓଡ଼ିଶା ଅଗ୍ନିଶମ ସେବା ବିଭାଗର ପ୍ରସ୍ତୁତି ବୈଠକ ।  ରାଜ୍ୟ ସରକାରଙ୍କ ନିର୍ଦ୍ଦେଶ ପରେ ସମ୍ଭାବ୍ୟ ବାତ୍ୟା ‘ୟଶ’ର ମୁକାବିଲା କରିବା ପାଇଁ ଓଡ଼ିଶା ଅଗ୍ନିଶମ ବିଭାଗର ବରିଷ୍ଠ ଅଧିକାରୀମାନଙ୍କୁ ନେଇ ୨୦ ମଇରେ ଅଗ୍ନିଶମ ମହାନିର୍ଦ୍ଦେଶକ ଏମ୍ ଅକ୍ଷୟଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଛି । ସମସ୍ତ ଅଗ୍ନିଶମ କେନ୍ଦ୍ରର କର୍ମଚାରୀମାନଙ୍କୁ ଉଦ୍ଧାରକାରୀ ଯନ୍ତ୍ରାଂଶ ପାଓ୍ୱାର ସ, ପାଓ୍ୱାର ବୋଟ୍,ଲାଇଟ୍ ଇଦ୍ୟାଦି ସହ ପ୍ରସ୍ତୁତ ରହିବା ପାଇଁ ନିର୍ଦ୍ଦେଶ ଦିଆଯାଇଛି । ଆଜି ମହାନିର୍ଦ୍ଦେଶକ ଏମ୍.ଅକ୍ଷୟ ସମ୍ଭାବ୍ୟ ବାତ୍ୟାରେ ପ୍ରଭାବିତ ହେବାକୁ ଥିବା ଦୁଇ ଗୋଟି ଜିଲ୍ଲାକୁ ଗସ୍ତ କରି ଅଗ୍ନିଶମ କେନ୍ଦ୍ର ଗୁଡ଼ିକର ପ୍ରସ୍ତୁତି ଉପରେ ସମୀକ୍ଷା କରିଥିଲେ । ପ୍ରଥମେ ମହାନିର୍ଦ୍ଦେଶକ କେନ୍ଦ୍ରାପଡ଼ା ଜିଲ୍ଲା ଗସ୍ତ କରି ସଦର ମହକୁମା ଠାରେ ଜିଲ୍ଲା ପୁଲିସ ଅଧ୍ୟକ୍ଷକଙ୍କ ସହ ବରିଷ୍ଠ ପୁଲିସ ଅଧିକାରୀ ଏବଂ ବରିଷ୍ଠ ଅଗ୍ନିଶମ ଅଧିକାରୀମାନଙ୍କୁ ନେଇ ବାତ୍ୟାର ମୁକାବିଲା ପ୍ରସ୍ତୁତି ସମ୍ୱନ୍ଧରେ ସମୀକ୍ଷା ବୈଠକ କରିଥିଲେ । ଏହାପରେ ଜଗତସିଂହପୁର ଜିଲ୍ଲା ଗସ୍ତ କରି ପାରାଦୀପ ଠାରେ ଜଗତସିଂହପୁର ପୁଲିସ ଅଧିକ୍ଷକ ତଥା ବରିଷ୍ଠ ପୋଲିସ ଅଧିକାରୀ ଏବଂ ଅଗ୍ନିଶମ ଅଧିକାରୀମାନଙ୍କୁ ନେଇ ସେମାନଙ୍କର ପ୍ରସ୍ତୁତି ସମ୍ୱନ୍ଧରେ ସମୀକ୍ଷା କରିବା ସଙ୍ଗେ ସଙ୍ଗେ ସମସ୍ତ ଉଦ୍ଧାରକାରୀ ଯନ୍ତ୍ରାଂଶ ସହ କର୍ମଚାରୀମାନଙ୍କୁ ପ୍ରସ୍ତୁତ କରି ରଖିବା ପାଇଁ ନିର୍ଦ୍ଦେଶ ଦେଇଥିଲେ । ଜିଲ୍ଲାର ପୋଲିସ ଓ ପ୍ରଶାସନ ସହ ପୂର୍ଣ୍ଣ ସମନ୍ୱୟ ରକ୍ଷା କରି କାର୍ଯ୍ୟ କରିବା ପାଇଁ ନିର୍ଦ୍ଦେଶ ଦେଇଥିଲେ ।

            ଏହି ଗସ୍ତ ସମୟରେ ମହାନିର୍ଦ୍ଦେଶକ ମଧ୍ୟ ଅନ୍ୟ ବରିଷ୍ଠ ଅଧିକାରୀମାନଙ୍କ ସହ କେନ୍ଦ୍ରାପଡ଼ା ଜିଲ୍ଲାର ଛତା ଠାରେ ଥିବା ୧୨୫ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଦ୍ୱୟ ପରିଦର୍ଶନ କରିଥିଲେ । ଏହି ଅବସରରେ ମୁତୟନ ହୋଇଥିବା ଅଗ୍ନିଶମ କର୍ମଚାରୀ ଏବଂ ହସ୍ପିଟାଲ କର୍ମଚାରୀମାନଙ୍କ ସହିତ ଉକ୍ତ ହସ୍ପିଟାଲମାନଙ୍କରେ ଥିବା ଅଗ୍ନିନିର୍ବାପକ ବ୍ୟବସ୍ଥା ଓ ଅଗ୍ନିଶମ ବିଭଗ ତରଫରୁ ନିଆଯାଇଥିବା ଅଗ୍ନିନିରାପତ୍ତା ପଦକ୍ଷେପ ଓ ପ୍ରସ୍ତୁତି ସମ୍ୱନ୍ଧରେ ଆଲୋଚନା କରିବା ସହିତ ସସ୍ତ କର୍ମଚାରୀଙ୍କୁ ଯେ କୌଣସି ଜରୁରୀକାଳୀନ ପରିସ୍ଥିତିକୁ ମୁକାବିଲା କରିବା ପାଇଁ ସଜାଗ ରହିବା ପାଇଁ ନିର୍ଦ୍ଦେଶ ଦେଇଥିଲେ ।

ରେଳ ଧାରଣାରେ ପଡ଼ିଛି ଯୁବକଙ୍କ କଟା ମୃତଦେହ: ମେଡିକାଲରୁ ଲୁଚି ଆସି ଆତ୍ମହତ୍ୟା କରିଥିବା ଅନୁମାନ

ସୋର: ବାଲେଶ୍ୱର ଜିଲ୍ଲା ସୋର ରେଳ ଷ୍ଟେସନ ନିକଟରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ସୋର ଷ୍ଟେସନର ନିକଟ ଡାଉନଲାଇନରେ ଜଣେ ଯୁବକ ମୃତଦେହ ଦେଖିବାକୁ ମିଳିଛି । ମୃତଦେହ ଟି ରେଳ ଧାରଣା ଉପରେ ପଡ଼ିଥିବା ବେଳେ ମୃତ ଯୁବକଙ୍କ ଶରୀର ଦୁଇ ଖଣ୍ଡ ହୋଇଯାଇଛି । ଟ୍ରେନ ଆଗକୁ ଡେଇଁ ଯୁବକ ଜଣଙ୍କ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ମୃତଦେହ ନିକଟରେ କିଛି ଖାଦ୍ୟ ପଡ଼ିଥିବା ମଧ୍ୟ ଦେଖିବାକୁ ମିଳିଛି । ଡାକ୍ତରଖାନାରୁ ଲୁଚି ପଳାଇ ଆସି ରୋଗ ଯନ୍ତ୍ରଣା ସହି ନ ପାରି ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଥାଇ ପାରନ୍ତି ବୋଲି ଜିଆରପି ଅନୁମାନ କରୁଛି । ଖବର ପାଇ ବାଲେଶ୍ୱର ଜିଆରପି ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ଏଥି ସହିତ ଏକ ଅପମୃତ୍ୟୁ ମାମଲା ମଧ୍ୟ ରୁଜୁ କରିଛି ଘଟଣାର ତଦନ୍ତ ଆରମ୍ଭ କରିଛି । ମୃତ ଯୁବକର ପରିଚୟ ମିଳିପାରିନଥିବା ବେଳେ ତଦନ୍ତ ପରେ କେଉଁ ମେଡିକାଲରେ ଥିଲା କିପରି ଏଠାକୁ ଆସିଲା ତାହା ଜଣାପଡ଼ିବ ବୋଲି ଜିଆରପି ସବ୍‌ ଇନ୍ସପେକ୍ଟର ସୁଶାନ୍ତି ସିଂ କହିଛନ୍ତି ।

ଏଥିସହିତ ପଢ଼ନ୍ତୁ: ଆସୁଛି ବାତ୍ୟା ‘ୟଶ୍’ ! ଅମଳ ଫସଲକୁ ସାଇତି ରଖିବାକୁ SRCଙ୍କ ପରାମର୍ଶ

ଦେଶରେ ୮ ହଜାର ୮୪୮ ବ୍ଲାକ ଫଙ୍ଗସ୍ ଆକ୍ରାନ୍ତ ଚିହ୍ନଟ, ଓଡ଼ିଶାରୁ ୧୫

ନୂଆଦିଲ୍ଲୀ: କରୋନା ସଂକଟ କାଳରେ ଦେଶରେ ବ୍ଲାକ ଫଙ୍ଗସ୍ ବା ମ୍ୟୁକରମାଇକୋସିସ୍ ଦ୍ରୁତଗତିରେ ବ୍ୟାପୁଛି । ଦେଶରେ ବିଭିନ୍ନ ସ୍ଥାନରେ ଏବେ ଯାଏ ୮ ହଜାର ୮୪୮ଟି ବ୍ଲାକ୍ ଫଙ୍ଗସ୍ ମାମଲା ଚିହ୍ନଟ ହୋଇଛି । ଯେତେବେଳେ କି ବ୍ଲାକ ପଙ୍ଗସରେ ୨୦୦ରୁ ଅଧିକ ଜଣ ପ୍ରାଣ ହରାଇଛନ୍ତି । ବ୍ଲାକ ଫଙ୍ଗସ୍ ଆକ୍ରାନ୍ତଙ୍କ ଚିକିତ୍ସା ପାଇଁ ବ୍ୟବହୃତ ଆଣ୍ଟି ଫଙ୍ଗଲ ଇଞ୍ଜେକ୍ସନ୍ ଏମ୍ଫୋଟେରିସିନ-ବିର ଚାହିଦା ବୃଦ୍ଧି ପାଇଛି ।

ଶନିବାର କେନ୍ଦ୍ର ସରକାର ଦେଇଥିବା ତଥ୍ୟ ଅନୁସାରେ, ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ପ୍ରଦେଶକୁ ୨୩ ହଜାର ୬୮୦ ଅତିରିକ୍ତ ଭାଏଲ୍ ପ୍ରଦାନ କରିଛନ୍ତି । କେନ୍ଦ୍ର ରସାୟନ ଓ ସାର ମନ୍ତ୍ରୀ ସଦାନନ୍ଦ ଗୌଡ଼ା ଏନେଇ ସୂଚନା ଦେଇଛନ୍ତି । ଏହା ପୂର୍ବରୁ ଗୁରୁବାର ଦିଲ୍ଲୀ ହାଇକୋର୍ଟ କେନ୍ଦ୍ର ସରକାରଙ୍କୁ ପ୍ରସ୍ତାବ ଦେଇ କହିଥିଲେ, ଚାହିଦା ପୂରା କରିବାକୁ ଅନ୍ତର୍ଜାତୀୟ ସ୍ତରରୁ ଔଷଧ କିଣାଯାଉ ।

 15 Black Fungus Infected Found In Odisha As Per Centre Data

କେନ୍ଦ୍ର ସରକାରଙ୍କ ତଥ୍ୟ ପ୍ରକାରେ, ଗୁଜରାଟରେ ସର୍ବାଧିକ ୨୨୮୧ ଜଣ ବ୍ଲାକ୍ ଫଙ୍ଗସ୍ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମହାରାଷ୍ଟ୍ରରେ ୨୦୦୦, ଆନ୍ଧ୍ର ପ୍ରଦେଶରେ ୯୧୦ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ବ୍ଲାକ ପଙ୍ଗସରେ ୯୦ ଜଣଙ୍କ ମୃତ୍ୟୁ ହୋଇଛି । ସେହିଭଳି ଗୁଜରାଟରେ ୬୧, ମଧ୍ୟପ୍ରଦେଶରେ ୩୧ ଜଣଙ୍କ ମୃତ୍ୟୁ ହୋଇଛି । ଓଡ଼ିଶାରେ ୧୫ ଜଣ ବ୍ଲାକ ଫଙ୍ଗସ୍ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ରାଜ୍ୟକୁ ୫୦ ଭାଏଲ୍ ଏମ୍ଫୋଟେରିସିନ-ବି ଇଞ୍ଜେକ୍ସନ୍ ଦେଇଛନ୍ତି କେନ୍ଦ୍ର ସରକାର ।

ବାତ୍ୟାରେ ପ୍ରଭାବିତ ହେବାକୁ ଥିବା ଜିଲ୍ଲାରେ ବନ୍ଦ ରହିବ ଟିକାକରଣ

ଭୁବନେଶ୍ୱର: ପୂର୍ବକେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହୋଇଥିବା ବେଳେ ୨୪ ତାରିଖ ସୁଦ୍ଧା ଏହା ବାତ୍ୟାର ରୂପ ନେବ । ୨୩ ସକାଳେ ଏହା ଅବପାତ ରୂପ ନେଇ ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରି ୨୪ ତାରିଖରେ ବାତ୍ୟାରେ ପରିଣତ ହେବ । ପରବର୍ତ୍ତୀ ସମୟରେ ଅଧିକ ଘନୀଭୂତ ହୋଇ ପରବର୍ତ୍ତୀ ୨୪ ଘଣ୍ଟାରେ ଅତି ଭୟଙ୍କର ବାତ୍ୟାରେ ପରିଣତ ହେବ ‘ୟଶ’ । ଉତ୍ତର ବଙ୍ଗୋପସାଗର ନିକଟର ପଶ୍ଚିମବଙ୍ଗ ଓ ସଂଲଗ୍ନ ଉତ୍ତର ଓଡ଼ିଶା ଏବଂ ବାଂଲାଦେଶ ଉପକୂଳ ୨୬ ସକାଳେ ଛୁଇଁବା ପୂର୍ବାନୁମାନ କରାଯାଇଛି ।

ଏଥିସହ ପଢ଼ନ୍ତୁ- ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ, ୨୪ ସୁଦ୍ଧା ନେବ ବାତ୍ୟାର ରୂପ

ବାତ୍ୟାରେ ପ୍ରଭାବିତ ଜିଲ୍ଲାରେ ଟିକାକରଣ ବନ୍ଦ ରହିବ । ଏନେଇ ପରିବାର ଓ କଲ୍ୟାଣ ବିଭାଗ ନିର୍ଦ୍ଦେଶକ ବିଜୟ ପାଣିଗ୍ରାହୀ ସୂଚନା ଦେଇଛନ୍ତି । ବାତ୍ୟା ସମୟରେ ମୁଖ୍ୟତଃ ବିଦୁତ ସେବା ବ୍ୟାଘାତ ହୋଇଥାଏ । ଏହାକୁ ଦୃଷ୍ଟିରେ ରଖି ସବୁ ଜିଲ୍ଲା ପ୍ରଶାସନକୁ ଜେନେରେଟର ବ୍ୟବସ୍ଥା କରିବାକୁ କୁହାଯାଇଛି ।

କେନ୍ଦ୍ର ସରକାରଙ୍କୁ କାଠଗଡାରେ ଛିଡା କଲେ ସିରମର ବରିଷ୍ଠ ଅଧିକାରୀ, ଷ୍ଟକ୍ ନଦେଖି,ହୁ’ର ଗାଇଡ୍ ଲାଇନ୍ ନମାନି ଟିକାକରଣ

କରୋନା ମହାମାରୀ ସମୟରେ ସାରା ଦେଶରେ ଚାଲିଛି ଟିକାକରଣ । ୧୮ବର୍ଷରୁ ୪୪ବର୍ଷ ବୟସର ବ୍ୟକ୍ତିଙ୍କୁ ଦିଆଯାଉଛି ଟିକା । ହେଲେ ଟିକାକରଣ ପ୍ର୍ରକ୍ରିୟାକୁ ନେଇ ଅନେକ ସ୍ଥାନରୁ ଆସୁଛି ଅଭିଯୋଗ । କେଉଁଠି ଟିକାର ଅଭାବ ଦେଖାଯାଉଛି ତ ପୁଣି କେଉଁଠି ଟିକାକରଣ କେନ୍ଦ୍ରରେ ଅବହେଳା । ତେବେ କରୋନା ମହାମାରୀ ବିରୋଧରେ ଲଢିବାକୁ ହେଲେ ଟିକା ନେବା ବି ଜରୁରୀ । କିନ୍ତୁ ବର୍ତମାନ ସରକାରଙ୍କ ଟିକାକରଣକୁ ନେଇ ଅନେକ ପ୍ରଶ୍ନ ଉଠୁଛି । ଆଗରୁ ରାଜନୈତିକ ଦଳ ପ୍ରଶ୍ନ କରୁଥିଲେ,ଏବେ ପୁଣେର ଭ୍ୟାକସିନ ନିର୍ମାତା କମ୍ପାନୀ ସିରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ର କାର୍ଯ୍ୟ ନିର୍ବାହୀ ନିର୍ଦ୍ଦେଶକ ସୁରେଶ ଯାଦବ ବି ସରକାରଙ୍କ ନୀତିକୁ ନେଇ ଉଠାଇଛନ୍ତି ପ୍ରଶ୍ନ ।

ସୁରେଶଙ୍କ ଅନୁସାରେ ସରକାର ଟିକାକରଣ ଯୋଜନା ତ’ କରିଦେଲେ କିନ୍ତୁ ବାସ୍ତବତାକୁ ନଜର ଅନ୍ଦାଜ କରିଛନ୍ତି । ତାଙ୍କ ଅନୁସାରେ ସରକାର କିଛି ନବୁଝି ଟିକାକରଣ କଥା ଘୋଷଣା କରିଥିଲେ । ନା ସରକାର ଷ୍ଟକ୍ କେତେ ଅଛି ଦେଖିଥିଲେ ନା ଟିକା କରଣକୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନର ଗାଇଡ୍ ଲାଇନକୁ ଅନୁସରଣ କରିଛନ୍ତି । କେତେ ଷ୍ଟକ୍ ଅଛି କେତେ ଟିକା ଆବଶ୍ୟକ ତା’ର ଆକଳନ ନକରି କେନ୍ଦ୍ର ସରକାର କରି ବିଭିନ୍ନ ଆୟୁବର୍ଗଙ୍କୁ ଟିକାକରଣ ପାଇଁ ଅନୁମତି ଦେଇଦେଇଛନ୍ତି । ଯାହା ସମ୍ପୂର୍ଣ୍ଣ ରୂପେ ଭୁଲ୍ ନିଷ୍ପତ୍ତି । ତାଙ୍କ କହିବା ଅନୁସାରେ ପ୍ରାଥମିକତା ଆଧାରରେ ଟିକାକରଣ ହେବା ଆବଶ୍ୟକ । ଏବଂ ଦେଶରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ନିର୍ଦ୍ଦାରିତ ନିୟମକୁ ବି ପାଳନ କରିବା ଜରୁରୀ । ପ୍ରଥମେ ୩୦କୋଟି ଲୋକଙ୍କୁ ଭ୍ୟାକସିନ୍ ଦେବା ପାଇଁ ୬୦ କୋଟି ଡୋଜ୍ ର ଆବଶ୍ୟକତା ଥିଲା । ଆଉ ଏହି ଟାର୍ଗେଟକୁ ପୂରା କରିବା ପୂର୍ବରୁ ହିଁ ସରକାର ସବୁଆୟୁବର୍ଗଙ୍କ ପାଇଁ ଘୋଷଣା କଲେ ଟିକାକରଣ । ଏ ସମ୍ଭନ୍ଧରେ କୈାଣସି ଆଲୋଚନା ପର୍ଯ୍ୟାଲୋଚନା ନ କରି ସରକାର କରିଦେଲେ ବଡ ଘୋଷଣା ।


ପର୍ଯ୍ୟାପ୍ତ ପରିମାଣରେ ଟିକା ଉପଲବ୍ଧ ନଥିବା କଥା ସରକାର ଜାଣିଥିଲେ ମଧ୍ୟ ଏଭଳି ଘୋଷଣ କରିଥିଲେ । ଏହିଭଳି ନିଷ୍ପତ୍ତି ନେଇ ସରକାର ନିଜ ପାଇଁ ଅସୁବିଧା ସୃଷ୍ଟି କରିଛନ୍ତି । ସେ ଆହୁରି କହିଛନ୍ତି ଯେ, ଭୁଲରୁ ଅନେକ ଶିକ୍ଷା ମିଳିଛି । ଜିନିଷର ଉପଲବ୍ଧତାକୁ ନଜରରେ ରଖିବାକୁ ପଡିବ । ଏହାର ସଠିକ୍ ଉପଯୋଗ କରିବାକୁ ପଡିବ । ଲୋକଙ୍କର ଅଭିଯୋଗ ରହିଛି ଯେ ଟିକା ନେବା ପରେ ବି ସେମାନେ ସଂକ୍ରମିତ ହେଉଛନ୍ତି । ଏଥିପାଇଁ ବି ସର୍ତକ ହେବାକୁ ପଡିବ । ତାସହ ଲୋକଙ୍କୁ ସଚେତନ କରାଇ ସମସ୍ତ ଗାଇଡ୍ ଲାଇନ୍କୁ ପାଳନ କରିବାକୁ ହେବ । ସୂଚନାଯୋଗ୍ୟ, ଦେଶରେ ଏବେସୁଦ୍ଧା ୧୯.୩୨ କୋଟି ଲୋକଙ୍କୁ ଟିକା ଦିଆଯାଇଛି । ଶୁକ୍ରବାର ହିଁ ୧୩,୮୩,୩୫୮ ଜଣଙ୍କୁ ଭାକସିନର ଡୋଜ୍ ପ୍ରଦାନ କରାଯାଇଥିଲା

ଆସୁଛି ବାତ୍ୟା ‘ୟଶ୍’ ! ଅମଳ ଫସଲକୁ ସାଇତି ରଖିବାକୁ SRCଙ୍କ ପରାମର୍ଶ

ଭୁବନେଶ୍ୱର: ଉତ୍ତର ଆଣ୍ଡାମାନ ସାଗରରେ ଲଘୁଚାପ କ୍ଷେତ୍ର ସୃଷ୍ଟି ହୋଇଛି । ଆକଳନ ଅନୁସାର ଏହା କାଲି ସୁଦ୍ଧା ଅବପାତର ରୂପ ନେଇ ୨୪ ତାରିଖ ସୁଦ୍ଧା ବାତ୍ୟାରେ ପରିଣତ ହେବ । ବାତ୍ୟାର ରୂପ ନେଇ ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରିବ । ଉତ୍ତର ଓଡ଼ିଶା-ସୁନ୍ଦରବନ ଅଞ୍ଚଳରେ ୨୬ ତାରିଖରେ ଲ୍ୟାଣ୍ଡଫଲ୍ ସମ୍ଭାବନା ରହିଛି ।

ବାତ୍ୟା ‘ୟସ’କୁ ନେଇ ପ୍ରସ୍ତୁତି ଜୋରଦାର କରାଯାଇଥିବା ଏସଆରସି ପ୍ରଦୀପ ଜେନା ସୂଚନା ଦେଇଛନ୍ତି । ଜିଲ୍ଲା ପ୍ରଶାସନ ଆଲୋଚନା କରାଯାଇଛି । ବିଭିନ୍ନ ବିଭାଗ ମଧ୍ୟ ଆଗୁଆ ପଦକ୍ଷେପ ନେଇଛନ୍ତି । ଆଜି ସକାଳ ସୁଦ୍ଧା ସମୁଦ୍ରରେ ଥିବା ସମସ୍ତ ମତ୍ସ୍ୟଜୀବୀ କୂଳକୁ ଫେରି ଆସିଛନ୍ତି । କୋଷ୍ଟ ଗାର୍ଡ ମଧ୍ୟ ସମାନ ସୂଚନା ଦେଇଛି । କୃଷି ବିଭାଗ ପକ୍ଷରୁ ମଧ୍ୟ ଚାଷୀମାନଙ୍କ ପାଇଁ ଆଡଭାଇଜରୀ ଜାରି କରାଯାଇଛି । ଅମଳ ଫସଲକୁ ସାଇତି ରଖିବାକୁ କୁହାଯାଇଛି ।

Cyclone Yass, SRC Advised Farmer To Save Harvesting Crops

ପବନର ବେଗ ଓ ବର୍ଷା କେତେ ପରିମାଣରେ ହେବ ସଠିକ୍ ସୂଚନା ମିଳିନାହିଁ । ଜିଲ୍ଲା ପ୍ରଶାସନ ପକ୍ଷରୁ ବାତ୍ୟା ଆଶ୍ରୟସ୍ଥଳୀ ଚିହ୍ନଟ କରାଯାଇଛି । ସରପଞ୍ଚ, ୱାର୍ଡ ସଭ୍ୟ, ଏସଚଏଜି ଗ୍ରୁପ୍ ସ୍ଥାନାନ୍ତରଣରେ ସାମିଲ୍ ହେବେ । ସ୍ୱେଚ୍ଛାସେବୀ ସଂସ୍ଥା ମଧ୍ୟ ବାତ୍ୟା ପ୍ରଭାବିତ ଅଞ୍ଚଳରେ ସେବା ଯୋଗାଇବ । ବାତ୍ୟା ସମୟରେ ଅକ୍ସିଜେନ୍ ଯୋଗାଣରେ କୌଣସି ଅସୁବିଧା ସୃଷ୍ଟି ହେବ ନାହିଁ । ଜିଲ୍ଲା କୋଭିଡ୍ ହସ୍ପିଟାଲ ଓ ସିସିସିରେ ପର୍ଯ୍ୟାପ୍ତ ଅକ୍ସିଜେନ୍ ରଖାଯିବ ।

ସମସ୍ତ କୋଭିଡ୍ ହସ୍ପିଟାଲ ଓ କୋଭିଡ୍ କେୟାର ସେଣ୍ଟରରେ ଅତିରିକ୍ତ ଜେନେରେଟର ସହ ପିଇବା ପାଣି ବ୍ୟବସ୍ଥା କରାଯାଉଛି । ଡାକ୍ତରଖାନା ମାନଙ୍କରେ ମଧ୍ୟ ସମାନ ବ୍ୟବସ୍ଥା କରାଯାଉଛି । ମହିଳା ଓ ଶିଶୁ ବିଭାଗ ପକ୍ଷରୁ ୨ ସପ୍ତାହ ମଧ୍ୟରେ ପ୍ରସବ ହେବାକୁ ଥିବା ମହିଳାଙ୍କୁ ମେଡିକାଲ ନିଆଯିବ । ଶେଷ ମୁହୂର୍ତ୍ତ ଯାଏ ଅପେକ୍ଷା ନକରି ବାତ୍ୟା ସୂଚନା ମିଳିଲେ ବାତ୍ୟା ଆଶ୍ରୟସ୍ଥଳୀକୁ ଯିବା ପାଇଁ ଲୋକଙ୍କୁ ପରାମର୍ଶ ଦେଇଛନ୍ତି ଏସଆରସି ।

କାଲିଠାରୁ ଅଗ୍ନିଶମ, ଓଡ୍ରାଫ୍, ଏନଡିଆରଏଫ୍ ଟିମ୍ ବିଭିନ୍ନ ଜିଲ୍ଲାକୁ ଯିବେ । ଟେଲିକମ୍ ବିଭାଗ ମଧ୍ୟ ଯୋଜନା କରିଛି । ସମସ୍ତ ଟେଲିକମ୍ ଅପରେଟର ଏକାଠି କାମ କରିବେ ବାତ୍ୟା ସମୟରେ । ଶକ୍ତି ବିଦ୍ୟୁତ୍ ବିଭାଗ ମଧ୍ୟ ଅତିରିକ୍ତ ମାନବ ସମ୍ବଳ ନେଇ ପଦକ୍ଷେପ ନେବେ ।

ବଲିଉଡ୍ ସଂଗୀତ ନିର୍ଦ୍ଦେଶକ ରାମଲକ୍ଷ୍ମଣଙ୍କ ହୃଦଘାତରେ ନିଧନ

ମୁମ୍ବାଇ: ୧୯୯୦ ଦଶକର ପ୍ରସିଦ୍ଧ ବଲିଉଡ୍ ସଂଗୀତ ନିର୍ଦ୍ଦେଶକ ରାମଲକ୍ଷ୍ମଣଙ୍କର ହୃଦଘାତରେ ନିଧନ ହୋଇଯାଇଛି । ଶନିବାର ସକାଳରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୭୮ ବର୍ଷ ହୋଇଥିଲା । ନାଗପୁର ସ୍ଥିତ ନିଜ ବାସଭବନରେ ସେ ଅନ୍ତିମ ନିଶ୍ୱାସ ତ୍ୟାଗ କରିଛନ୍ତି । ହିନ୍ଦୀ ସହିତ ମରାଠୀ ଓ ଭୋଜପୁରୀ ଫିଲ୍ମ ପାଇଁ ସେ ସଂଗୀତ ନିର୍ଦ୍ଦେଶନା ଦେଇ ନିଜ ପାଇଁ ଅଲଗା ସ୍ଥାନ ତିଆରି କରିଥିଲେ ।

କରୋନାର ଦ୍ୱିତୀୟ ଟିକା ନେବା ପରେ ତାଙ୍କର ସ୍ୱାସ୍ଥ୍ୟବସ୍ଥା ଖରାପ ହୋଇଯାଇଥିଲ । ଏହାପରେ ତାଙ୍କୁ ଡାକ୍ତର ବିଶ୍ରାମ ନେବାକୁ ପରାମର୍ଶ ଦେଇଥିଲେ ।
ରାମଲକ୍ଷ୍ମଣଙ୍କ ପ୍ରକୃତ ନାମ ବିଜୟ ପାଟିଲ ଥିଲା । ତେବେ ବଲିଉଡରେ ପ୍ରବେଶ ସହିତ ସେ ନିଜ ନାମ ପରିବର୍ତ୍ତନ କରିଥିଲେ । ୧୯୯୦ ଦଶକର ପ୍ରସିଦ୍ଧ ଓ ବ୍ଲକବଷ୍ଟର ଫିଲ୍ମ ମୈନେ ପ୍ୟାର କିୟାର ସେ ସଂଗୀତ ନିର୍ଦ୍ଦେଶନା ଦେଇଥିଲେ । ରାଜଶ୍ରୀ ପ୍ରଡକ୍ସନ ଦ୍ୱାରା ପ୍ରସ୍ତୁତ ଏହି ଫିଲ୍ମ ସେହି ଦଶକର ସବୁଠୁ ସଫଳ ଫିଲ୍ମ ଥିଲା । ସୋଲେ ପରେ ଆୟ ଦୃଷ୍ଟିରୁ ଏହା ସବୁଠାରୁ ସଫଳ ଫିଲ୍ମ ଥିଲା । ମୈନେ ପ୍ୟାର କିୟା ସଲମାନଙ୍କୁ ସୁପରଷ୍ଟାର ବନାଇଥିଲା ଓ ବଲିଉଡକୁ ପୁଣି ଥରେ ରୋମାନ୍ସ-ମ୍ୟୁଜିକାଲ ଫିଲ୍ମର ଯୁଗ ଫେରିଥିଲା । ରାମଲକ୍ଷ୍ମଣ ରାଜଶ୍ରୀ ପ୍ରଡକ୍ସନର ପ୍ରଥମ ପସନ୍ଦ ଥିଲେ ।

ମୈନେ ପ୍ୟାର କିୟା ସହିତ ହମ ସାଥ୍ ସାଥ୍ ହୈ, ହମ୍ ଆପକେ ହୈ କୌନ୍ ଭଳି ସୁପର ଡୁପର ହିଟ୍ ଫିଲ୍ମର ସଂଗୀତ ନିର୍ଦ୍ଦେଶକ ଭାବେ ସେ କାର୍ଯ୍ୟ କରିଥିଲେ । ରାମଲକ୍ଷ୍ମଣଙ୍କ ନିଧନରେ ଲତା ମଙ୍ଗେସକର ଶୋକ ବ୍ୟକ୍ତ କରିଛନ୍ତି । ଟ୍ୱିଟ୍ କରି ଲତା ଲେଖିଛନ୍ତି ଯେ,ସେ ବହୁତ ଭଲ ବ୍ୟକ୍ତି ଥିଲେ । ମୁଁ ତାଙ୍କ ପାଇଁ ଅନେକ ଗୀତ ଗାଇଛି ।

ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ, ୨୪ ସୁଦ୍ଧା ନେବ ବାତ୍ୟାର ରୂପ

ଭୁବନେଶ୍ୱର: ପୂର୍ବକେନ୍ଦ୍ରୀୟ ବଙ୍ଗୋପସାଗରରେ ଆଜି ଲଘୁଚାପ କ୍ଷେତ୍ର ସକ୍ରିୟ ହୋଇଛି । ୨୪ ତାରିଖ ସୁଦ୍ଧା ଏହା ସାମୁଦ୍ରିକ ଝଡ଼ ବା ବାତ୍ୟାର ରୂପ ନେବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଏହା କ୍ରମଶଃ ଘନୀଭୂତ ହୋଇ ଅତି ଭୟଙ୍କର ସାମୁଦ୍ରିକ ଝଡ଼ରେ ପରିଣତ ହେବ । ଏହା ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରିବ ବୋଲି ଜଣାପଡ଼ିଛି ।

୨୬ ତାରିଖ ସକାଳେ ପଶ୍ଚିମବଙ୍ଗ ଏବଂ ତତସଂଲଗ୍ନ ଉତ୍ତର ଓଡ଼ିଶା ଉପକୂଳ ଓ ବାଂଲାଦେଶ ଉପକୂଳକୁ ଏହା ଛୁଇଁବ ବୋଲି ପାଣିପାଗ ବିଭାଗ ଆକଳନ କରିଛି । ବାତ୍ୟା ପ୍ରଭାବରେ ୨୪ ତାରିଖରୁ ପବନ ଆରମ୍ଭ ହେବ । ୨୫ ତାରିଖରେ ଓଡ଼ିଶା ଉପକୂଳ ଜିଲ୍ଲାରେ ବର୍ଷା ହେବ । ଏନେଇ ପାଣିପାଗ ବିଭାଗ ପକ୍ଷରୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।

ଥଣ୍ଡା କାଶ ହେଲେ ବିନା ଡାକ୍ତରୀ ପରାମର୍ଶରେ ଔଷଧ ଖାଆନ୍ତୁ ନାହିଁ

ଭୁବନେଶ୍ୱର: ରାଜ୍ୟରେ ବର୍ତ୍ତମାନ ଟେଷ୍ଟିଂ ବଢୁଛି । ଏହି କ୍ରମରେ ଦେଖିଲେ ପଜିଟିଭ୍ ହାର କମୁଛି । ପୂର୍ବରୁ ଯାହା ୨୫ ପ୍ରତିଶତ ଥିଲା ତାହା ଏବେ ୧୮ ପ୍ରତିଶତରେ ପହଞ୍ଚିଲାଣି । ଏହି ସ୍ଥିତିକୁ ଦେଖିଲେ ମେ ମାସ ଶେଷ ବେଳକୁ କରୋନା ସଂକ୍ରମଣ କମିବାର ଆଶଙ୍କା ରହିଥିବା କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର । ଗାଁରେ ରହୁଥିବା ଲୋକମାନେ ଥଣ୍ଡା କାଶ ହେଲେ ଡାକ୍ତରଙ୍କ ବିନା ପରାମର୍ଶରେ ବିଭିନ୍ନ ଔଷଧ ଖାଉଛନ୍ତି । ସେ ଏଭଳି ଭୁଲ୍ ନ କରିବାକୁ ଲୋକଙ୍କୁ ଅନୁରୋଧ କରିଛନ୍ତି ।

Not Take Medicine With Out Doctor Consultation

ତେବେ ସବୁ ଔଷଧ ଦୋକାନ ମଧ୍ୟ ବିନା ପ୍ରେସକ୍ରିପସନରେ ଔଷଧ ନ ଦେବା ଉଚିତ୍ । ଏବେ ବିଭିନ୍ନ ରାଜ୍ୟରେ ଛୋଟ ପିଲା ଅଧିକ କରୋନା ସଂକ୍ରମିତ ହେଉଛନ୍ତି । ଏଥିପାଇଁ ଘରର ମୁଖ୍ୟଙ୍କୁ ଅଧିକ ସଚେତନ ହେବାକୁ ପଡ଼ିବ । କାରଣ ଛୋଟ ପିଲାମାନେ ଘର ବାହାରକୁ ଯାଆନ୍ତି ନାହିଁ । ତେଣୁ ଘରର ସବୁ ଲୋକମାନେ ଯଥା ଶୀଘ୍ର ଟିକା ନେଇଯାଆନ୍ତୁ । ଘରର ଅନ୍ୟ ଲୋକ ସଚେତନ ହେବେ ତାହାଲେ ଛୋଟ ପିଲାଙ୍କ ସଂକ୍ରମଣ ହେବାର ବହୁତ କମ ଆଶଙ୍କା ଥାଏ ।