spot_img
Home Blog Page 5757

ବାତ୍ୟା ପରେ ସ୍ୱାସ୍ଥ୍ୟ ଚିନ୍ତା, କୋଭିଡ୍ ଲକ୍ଷଣ ଦେଖାଗଲେ ଟେଷ୍ଟ କରାଇବାକୁ ନିର୍ଦ୍ଦେଶ

ଭୁବନେଶ୍ୱର: ବାତ୍ୟା ‘ୟାସ୍’ ଛାଡ଼ି ଯାଇଛି ପ୍ରଳୟର ପଦଚିହ୍ନ । ଏବେ ପ୍ରଶାସନ ପୁନରୁଦ୍ଧାରକୁ ତ୍ୱରାନ୍ୱିତ କରିଛି । ବାତ୍ୟାକୁ ଦୃଷ୍ଟିରେ ରଖି ୧୨ ଜିଲ୍ଲାର ତଳିଆ ଅଞ୍ଚଳର ଲୋକଙ୍କୁ ବାତ୍ୟା ଆଶ୍ରୟସ୍ଥଳୀକୁ ନିଆ ଯାଇଥିଲା । ସ୍ଥିତି ସ୍ୱାଭାବିକ ହେବା ପରେ ସେମାନେ ଘରକୁ ଫେରିଛନ୍ତି । ସେହିଭଳି ଉଦ୍ଧାର ଓ ପୁନରୁଦ୍ଧାର କାର୍ଯ୍ୟରେ ସଂଖ୍ୟାଧିକ କର୍ମଚାରୀ ନିୟୋଜିତ ଅଛନ୍ତି । ସେମାନେ ପୁନରୁଦ୍ଧାର କାର୍ଯ୍ୟ ଶେଷ ପରେ ଘରକୁ ଫେରିବେ ।

ମହାମାରୀ ସମୟରେ ବାତ୍ୟା ଆଶ୍ରୟସ୍ଥଳୀ ଏବଂ ବାତ୍ୟା ପରିଚାଳନା ଓ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଥିବା ଲୋକଙ୍କ ଉପରେ ସ୍ୱତନ୍ତ୍ର ନଜର ରଖାଯିବ । ସେମାନଙ୍କ ସ୍ୱାସ୍ଥ୍ୟାବସ୍ଥା ମନିଟର କରିବା ପାଇଁ ଅତିରିକ୍ତ ମୁଖ୍ୟ ଶାସନ ସଚିବ, ସ୍ୱାସ୍ଥ୍ୟ ବିଭାଗ ୧୨ ଜିଲ୍ଲାକୁ ନିର୍ଦ୍ଦେଶ ଦେଇଛନ୍ତି । ଆଗାମୀ ସପ୍ତାହରେ କାହାରି ଠାରେ କୋଭିଡର ଲକ୍ଷଣ ଦେଖାଗଲେ ନିରୀକ୍ଷଣ କରିବାକୁ କୁହାଯାଇଛି ।

Close Monitor Of Health Who Returning From Cyclone Shelter in 12 District

ଘରକୁ ଘର ସର୍ଭେ ବେଳେ ମଧ୍ୟ ଏଥିପ୍ରତି ଗୁରୁତ୍ୱ ଦିଆଯିବ । ବାତ୍ୟା ଆଶ୍ରୟସ୍ଥଳୀରୁ ଫେରିଥିବା ଓ ବାତ୍ୟା ପରିଚାଳନାରେ ନିୟୋଜିତ ଥିବା ଲୋକଙ୍କୁ ନିଜ ସ୍ୱାସ୍ଥ୍ୟ ଉପରେ ନଜର ରଖିବାକୁ କୁହାଯାଇଛି । କୋଭିଡର କୌଣସି ଲକ୍ଷଣ ଦେଖାଗଲେ ଟେଷ୍ଟିଂ କରିବାକୁ ନିର୍ଦ୍ଦେଶ ଦିଆଯାଇଛି ।

ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର, ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼, ପୁରୀ, କଟକ, ଢେଙ୍କାନାଳ, ଅନୁଗୁଳ ଓ ଖୋର୍ଦ୍ଧା ଜିଲ୍ଲାପାଳଙ୍କୁ ଏନେଇ ଅତିରିକ୍ତ ମୁଖ୍ୟ ଶାସନ ସଚିବ, ସ୍ୱାସ୍ଥ୍ୟ ବିଭାଗ ଚିଠି ଲେଖିଛନ୍ତି ।

ବାତ୍ୟା ‘ୟାସ୍’ ପ୍ରଭାବିତ ଅଞ୍ଚଳ ବୁଲି କ୍ଷୟକ୍ଷତି ଅନୁଧ୍ୟାନ କରିବେ ପିଏମ୍ ମୋଦି

ଭୁବନେଶ୍ୱର: ଉତ୍ତର ଓଡ଼ିଶା ଉପକୂଳରେ ତାଣ୍ଡବ ରଚିଛି ଅତି ଭୀଷଣ ବାତ୍ୟା ‘ୟାସ୍’ । ଅନେକ ସ୍ଥାନରେ ଘରଦ୍ୱାର ଭାଙ୍ଗି ଯାଇଥିବା ବେଳେ ଚାଷଜମି ବୁଡ଼ି ରହିଛି । ବାତ୍ୟା ପରବର୍ତ୍ତୀ ସ୍ଥିତିର ଅନୁଧ୍ୟାନ ପାଇଁ ଆସନ୍ତାକାଲି ପ୍ରଧାନମନ୍ତ୍ରୀ ଓଡ଼ିଶା ଓ ପଶ୍ଚିମବଙ୍ଗ ଗସ୍ତରେ ଆସିବେ ବୋଲି ଜଣାପଡ଼ିଛି । ଏହା ପୂର୍ବରୁ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାତ୍ୟା ପ୍ରଭାବିତ ବାଲେଶ୍ୱର, ଭଦ୍ରକ ଓ କେନ୍ଦ୍ରାପଡ଼ା ଜିଲ୍ଲାକୁ ଆକାଶ ମାର୍ଗରୁ ବୁଲି ଦେଖିଥିଲେ ।

PM Modi to visit Odisha & WB to review the impact of Cyclone Yaas tomorrow

ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱତନ୍ତ୍ର ବିମାନରେ ଆସି ଭୁବନେଶ୍ୱରରେ ପହଞ୍ଚିବେ । ଭୁବନେଶ୍ୱରରେ ରାଜ୍ୟର ବରିଷ୍ଠ ଅଧିକାରୀଙ୍କ ସହ ପ୍ରଧାନମନ୍ତ୍ରୀ ସମୀକ୍ଷା ବୈଠକରେ ବାତ୍ୟା କ୍ଷୟକ୍ଷତି ଓ ପୁନରୁଦ୍ଧାର କାର୍ଯ୍ୟ ନେଇ ଆଲୋଚନା କରିବେ । ଆଲୋଚନା ପରେ ପ୍ରଧାନମନ୍ତ୍ରୀ ଆକାଶ ମାର୍ଗରୁ ବାତ୍ୟା ଅଞ୍ଚଳ ବୁଲି ଦେଖିବେ ।

ବାତ୍ୟା ‘ୟାସ୍’ରେ ଗମ୍ଭୀର ଭାବେ ପ୍ରଭାବିତ ବାଲେଶ୍ୱର, ଭଦ୍ରକ ସହ ପଶ୍ଚିମବଙ୍ଗର ପୂର୍ବ ମେଦିନୀପୁରର ଅଞ୍ଚଳକୁ ପ୍ରଧାନମନ୍ତ୍ରୀ ମୋଦି ଆକାଶ ମାର୍ଗରୁ ପରିଦର୍ଶନ କରିବେ । ତା’ପରେ ପଶ୍ଚିମବଙ୍ଗରେ ମୋଦି ସମୀକ୍ଷା ବୈଠକ କରିବେ ବୋଲି ଜଣାପଡ଼ିଛି ।

୫ ଜିଲ୍ଲାରେ ପ୍ରବଳ ବର୍ଷା ଆଶଙ୍କା, ୩୦ରୁ ପୁଣି କାଳବୈଶାଖୀ

ଭୁବନେଶ୍ୱର: ମାଳଦ୍ୱୀପ କମୋରିନ୍ ଅଞ୍ଚଳ ସହ ଦକ୍ଷିଣପଶ୍ଚିମ ଏବଂ ପୂର୍ବକେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ଦକ୍ଷିଣପଶ୍ଚିମ ମୌସୁମୀ ବାୟୁ ସକ୍ରିୟ ହେଉଛି । ଦକ୍ଷିଣପୂର୍ବ ବଙ୍ଗୋପସାଗର ଏବଂ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରର କେତେକ ଅଞ୍ଚଳରେ ଆଜି ସକାଳୁ ଦକ୍ଷିଣପଶ୍ଚିମ ବାୟୁ ସକ୍ରିୟ ହୋଇଛି । ମେ ୩୧ ସୁଦ୍ଧା ଦକ୍ଷିଣମୌସୁମୀ ବାୟୁ କେରଳ ଛୁଇଁବା ନେଇ ସ୍ଥିତି ଉପୁଜିଥିବା ଆକଳନ କରିଛି ପାଣିପାଗ ବିଭାଗ ।

ଏହାର ପ୍ରଭାବରେ ରାଜ୍ୟର ୫ ଜିଲ୍ଲାରେ ଆଗାମୀ ୨୪ ଘଣ୍ଟା ମଧ୍ୟରେ ପ୍ରବଳ ବର୍ଷା ସମ୍ଭାବନା ରହିଛି । ସୁନ୍ଦରଗଡ଼, ଦେବଗଡ଼, କେନ୍ଦୁଝର, ଝାରସୁଗୁଡ଼ା ଓ ସମ୍ବଲପୁର ଜିଲ୍ଲାକୁ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିଛି ।

ସେହିଭଳି କାଳବୈଶାଖୀ ନେଇ ୩୦ ତାରିଖ ପାଇଁ ଉତ୍ତର ଉପକୂଳ ଓଡ଼ିଶା ସହ ୬ ଜିଲ୍ଲାକୁ ୟେଲୋ ୱାର୍ଣ୍ଣିଂ ଦିଆଯାଇଛି । ବର୍ଷା ଘଡ଼ିଘଡ଼ି ସହ ଘଣ୍ଟାପ୍ରତି ୩୦ରୁ ୪୦ କିଲୋମିଟର ବେଗରେ ପବନ ବହିବାର ଆଶଙ୍କା ରହିଛି । କେନ୍ଦୁଝର, ମୟୂରଭଞ୍ଜ, କୋରାପୁଟ, ମାଲକାନଗିରି, ରାୟଗଡ଼ା ଓ ଗଜପତି ଜିଲ୍ଲାକୁ ସତର୍କ ସୂଚନା ଦିଆଯାଇଛି ।

୩୧ ତାରିଖ ପାଇଁ କାଳବୈଶାଖୀ ନେଇ ମାଲକାନଗିରି, କୋରାପୁଟ, ରାୟଗଡ଼ା, ନୂଆପଡ଼ା, ନବରଙ୍ଗପୁର, କଳାହାଣ୍ଡି, କନ୍ଧମାଳ, ବଲାଙ୍ଗିର ଓ ଗଜପତି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଆସନ୍ତା ୨ରୁ ୩ ଦିନ ଯାଏ ଦିନ ତାପମାତ୍ରା ୩ରୁ ୫ ଡିଗ୍ରୀ ବଢ଼ିବା ନେଇ ଆକଳନ କରିଛି ପାଣିପାଗ ବିଭାଗ ।

ବାତ୍ୟା ପରେ ବୈତରଣୀରେ ଆସୁଛି ମଧ୍ୟମ ଧରଣର ବନ୍ୟା, ସ୍ଥିତି ସ୍ପଷ୍ଟ କଲେ ଏସଆରସି,

ଭୁବନେଶ୍ୱର: ବାତ୍ୟା ପରେ ଚାଲିଛି ତ୍ୱରିତ ପୁନରୁଦ୍ଧାର  । ଆବଶ୍ୟକ ସେବା ଯୋଗାଇବାରେ ନ୍ୟସ୍ତ କର୍ମଚାରୀ  । ବାତ୍ୟା ପରେ କଣ ରହିଛି ସ୍ଥିତି, ସରକାରଙ୍କ ଆଗାମୀ ପଦକ୍ଷେପ କଣ । ସେନେଇ ସାମ୍ୱାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା  । ବାତ୍ୟା ପରେ ବୈତରଣୀରେ ଆସୁଛି ମଧ୍ୟମ ଧରଣର ବନ୍ୟା । ବିପଦ ଓଙ୍କେତ ଉପରେ ପ୍ରବାହିତ ହେଉଛି ବୈତରଣୀ ନଦୀରେ ବନ୍ୟାଜଳ । ଆନନ୍ଦପୁର ଓ ଆଖୁଆପଦାରେ ବିପଦ ସଙ୍କେତ ଉପରେ ବନ୍ୟାଜଳ ପ୍ରବାହିତ ହେଉଛି । ତେଣୁ ତଳିଆ ଅଞ୍ଚଳର ଲୋକଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି ଏସଆରସି ପ୍ରଦୀପ ଜେନା ।

ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼ରେ ପ୍ରବଳ ବର୍ଷା ହୋଇଛି । ବୁଢାବଳଙ୍ଗରେ ଫ୍ଲାସ୍ ଫ୍ଲଡ୍ ସମ୍ଭାବନା ଥିଲା, କିନ୍ତୁ ବନ୍ୟା ସ୍ଥିତି ଟଳିଯାଇଛି ବୋଲି କହିଛନ୍ତି ଏସଆରସି । ସୁବର୍ଣ୍ଣରେଖା ଓ ବୁଢାବଳଙ୍ଗରେ ବନ୍ୟା ସ୍ଥିତି ନାହିଁ । କେନ୍ଦୁଝର ଜିଲ୍ଲାରେ 27 ମିମି ବର୍ଷା ହୋଇଛି । ସୁନ୍ଦରଗଡ଼ରେ 113 ମିମି, ଅନୁଗୁଳରେ 58ମିମି, କେନ୍ଦୁଝର ଯୋଡାରେ 269ମିମି ବର୍ଷା ହୋଇଛି । 8ଟି ବ୍ଲକରେ 2ଶହ ମିମି ବର୍ଷା ହୋଇଛି । ବାତ୍ୟାକୁ ଦୃଷ୍ଟିରେ ରଖି ସାଢେ 6 ଲକ୍ଷରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଥିଲା । ସୁନ୍ଦରଗଡ଼ ଜିଲ୍ଲାରୁ 3ହଜାର ଲୋକଙ୍କୁ ସ୍ଥାନାନ୍ତର କରାଯାଇଥିବା କହିଛନ୍ତି ଏସଆରସି  ।

ବାଲେଶ୍ୱରରୁ ସର୍ବାଧିକ ଲକ୍ଷେ 90ହଜାର ଲୋକ ସ୍ଥାନାନ୍ତର ହୋଇଥିଲେ । ତେବେ ବାତ୍ୟା ସମୟରେ କିଛି ସ୍ଥାନରେ ଲୋକେ ରାସ୍ତା କାଟି ଦେଇଛନ୍ତି । ଏହି ରାସ୍ତାକୁ ସନ୍ଧ୍ୟା ସୁଦ୍ଧା ମରାମତି କରାଯିବ । ପାଣି ଛାଡିଲା ପରେ ଆବଶ୍ୟକତା ଅନୁସାରେ ମରାମତି ହେବ । ପାଣି ସମସ୍ୟା ନହେବା ପାଇଁ ବାତ୍ୟା ପ୍ରଭାବିତ ଅଞ୍ଚଳକୁ ଅତିରିକ୍ତ ପାଣି ଟ୍ୟାଙ୍କର ପଠାଯାଉଛି । ପ୍ରଭାବିତ ଅଞ୍ଚଳରେ ସନ୍ଧ୍ୟା ସୁଦ୍ଧା ବିଦ୍ୟୁତ୍ ମିଳିବ ବୋଲି କହିଛନ୍ତି ଏସଆରସି ।

ବାତ୍ୟାଞ୍ଚଳ ବୁଲିଲେ ମୁଖ୍ୟମନ୍ତ୍ରୀ, ଆକାଶରୁ ଆକଳନ କଲେ କ୍ଷୟକ୍ଷତି

ଭୁବନେଶ୍ୱର: ଆକାଶ ମାର୍ଗରୁ ବାତ୍ୟାଞ୍ଚଳ ପରିଦର୍ଶନ କରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବାତ୍ୟା ୟାସ ପ୍ରଭାବରେ କ୍ଷତିଗ୍ରସ୍ତ ହୋଇଥିବା ଜିଲ୍ଲା ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ାକୁ ହେଲିକପ୍ଟରରେ ଯୋଗେ ଯାଇ ସ୍ଥିତି ଦେଖୁଛନ୍ତି । ଆଜି 12.30 ସମୟରେ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକ ବିମାନ ବନ୍ଦରରୁ ହେଲିକପ୍ଟର ଯୋଗେ ଉଡାଣ ଭରିଥିଲେ । ପରେ ବାତ୍ୟାଞ୍ଚଳ ପରିଦର୍ଶନ ଜାରି ରଖିଛନ୍ତି ।

ଗତକାଲି ମଧ୍ୟ ବାତ୍ୟା ସମୀକ୍ଷା କରିଥିଲେ ମୁଖ୍ୟମନ୍ତ୍ରୀ । ୨୪ ଘଣ୍ଟା ମଧ୍ୟରେ ବାତ୍ୟା ପ୍ରଭାବିତ ଅଞ୍ଚଳରେ ଯୋଗାଯୋଗ ପୁନରୁଦ୍ଧାର କରିବାକୁ ନିର୍ଦ୍ଦେଶ ଦେଇଥିଲେ । ଆଉ ଆଜି ହେଲିକପ୍ଟର ଯୋଗେ ବାତ୍ୟା ପ୍ରଭାବିତ ଅଞ୍ଚଳକୁ ପରିଦର୍ଶନ କରିବା ନେଇ କାର୍ଯ୍ୟାଳୟ ପକ୍ଷରୁ ଜଣାଯାଇଥିଲା । ବାତ୍ୟା ପ୍ରଭାବିତ ଜିଲ୍ଲା ଗୁଡିକରେ ପୁନରୁଦ୍ଧାର, କ୍ଷୟକ୍ଷତି ଆକଳନ ପାଇଁ ତ୍ୱରତି ପଦକ୍ଷେପ ସରକାର ଗ୍ରହଣ କରିଛନ୍ତି । ଆଉ ଆଜି ବାତ୍ୟାଞ୍ଚଳ ପରିଦର୍ଶନ ଜାରି ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଚାହୁଁ ଚାହୁଁ ଭୁଶୁଡ଼ି ପଡିଲା ତିନି ମହଲା କୋଠା…

ପାଟନା: ଚାହୁଁ ଚାହୁଁ ଭୁଷୁଡ଼ି ପଡିଲା ତିନି ମହଲା କୋଠା । ଜହାନବାଦ ଜିଲ୍ଲା ମଖଦୁମପୁର ବଜାରରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଗୋଟେପଟେ କୋଭିଡ ପାଇଁ ଲକଡାଉନ ସାରା ବଜାର । ରାସ୍ତା ଘାଟ ଖାଁ ଖାଁ । ଅନ୍ୟପଟେ ଦୋକାନ ବଜାର ମଧ୍ୟ ବନ୍ଦ ରହିଥିଲା । ଯାହା ବଡ଼ ଦୁର୍ଘଟଣାରୁ ଅଳ୍ପକେ ବଞ୍ଚାଇ ଦେଇଛି । ମଖଦୁମପୁର ବଜାରରର ଏନଏଚ ୮୩ ପାର୍ଶ୍ୱରେ ଥିବା ଏହି ତିନି ମହଲା ବିଶିଷ୍ଟ କୋଠା ଭୁଷୁଡିବା ଆରମ୍ଭ କରିଥିଲା । ଏବଂ କିଛି ସେକେଣ୍ଟ ମଧ୍ୟରେ ସମ୍ପୂର୍ଣ୍ଣ ଧୂଳିସାତ ହୋଇଯାଇଥିଲା ଏହି କୋଠା ।

ସାମାଜିକ ଗଣମାଧ୍ୟମରେ ଭାଇରାଲ ହେଉଛି ଏହି ଭିଡିଓ । ରାସ୍ତାରେ କୌଣସି ବ୍ୟକ୍ତି ଯା ଆସ କରୁନଥିବାରୁ କେହି ମୃତାହତ ହୋଇନଥିବା ଜଣାପଡିଛି । ସେପଟେ କୋଠା ନିର୍ମାଣରେଲ ତ୍ରୁଟି ଏବଂ ଦୁର୍ବଳ କାର୍ଯ୍ୟ କରାଯାଇଥିବାରୁ କୋଠାଟି ଭୁଷୁଡ଼ି ପଡିଥିବା କହିଛନ୍ତି ଯନ୍ତ୍ରୀ । ଅନ୍ୟପଟେ ଏତେବଡ଼ ବିଲଡିଂ ରାସ୍ତା ଉପରେ ପଡି ରହିଥିବାରୁ ଗାଡି ଚାଳଚଳାରେ ବାଧାପ୍ରାପ୍ତ ହୋଇଥିଲା । ଏ ବିଷୟରେ ଖବର ପାଇ ନିକଟସ୍ଥ ଥାନା ଅଧିକାରୀ ଏବଂ ଅଗ୍ନିଶମ ବିଭାଗ ଘଟଣାସ୍ଥଳରେ ପହିଁଛି ରାସ୍ତା ସଫା କରିଥିଲେ ।

ରାଜ୍ୟରେ ବାତ୍ୟା ପରେ ନାହିଁ ବନ୍ୟା ସ୍ଥିତି, ବିପଦ ସଂକେତ ଉପରେ ବୈତରଣୀ

ଭୁବନେଶ୍ୱର: ରାଜ୍ୟରେ ବାତ୍ୟା ପରେ ବନ୍ୟା ସ୍ଥିତି ନାହିଁ କିନ୍ତୁ ବୈତରଣୀ ବିପଦ ସଙ୍କେତ ଉପରେ ପ୍ରଭାବିତ ହେଉଛି । ଆନନ୍ଦପୁର ପାଖରେ ବୈତରଣୀ ବିପଦ ସଂକେତ ଉପରେ ଜଳ ପ୍ରଭାବିତ ହେଉଛି । ବର୍ତ୍ତମାନ 38.36 ମିଟର ସହ ବିପଦ ସଙ୍କେତ ଉପରେ ରହିଛି । ଆଗକୁ ଏହି ଠାରେ 40.85 ମିଟର ରେ ଜଳ ପ୍ରଭାହିତ ହେବା ନେଇ ସୂଚନା ଦେଇଛନ୍ତି ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଜ୍ୟୋତିର୍ମୟ ରଥ ।

ସେହିପରି ଜ୍ୟୋତିର୍ମୟ ରଥ କହିଛନ୍ତି, ଆଖୁଆପଦା ଠାରେ ଜଳସ୍ତର ବଢ଼ିବ ବୁଢ଼ାବଳଙ୍ଗ ଓ ସୁବର୍ଣ୍ଣରେଖା ରେ ବିପଦ ସଙ୍କେତ ତଳେ ଜଳ ପ୍ରଭାବିତ ହେଉଛି । ସାଳନ୍ଦୀ ରେ ବି ଜଳସ୍ତର କମ ରହିଛି ।  ସମୁଦ୍ର ଜୁଆର ପାଣି ଓ ପବନ ମାଡ଼ ହେବା ଦ୍ୱାରା ଆମର ଅନେକ ଲୁଣା ବନ୍ଧ ଡ୍ୟାମେଜ ହୋଇଛି । ଆମେ ତାର ଆକଳନ କରୁଛୁ । କେନ୍ଦ୍ରାପଡା, ବାଲିଆପାଳ ଭଳି ଜାଗାରେ ଲୁଣା ବନ୍ଧ ଅଧିକ ମାତ୍ରାରେ ନଷ୍ଟ ହୋଇଛି ।

ୟାସ ପ୍ରଭାବରେ ସର୍ବାଧିକ କ୍ଷତିଗ୍ରସ୍ତ ହୋଇଥିବା ତିନୋଟି ଜିଲ୍ଲା ସମ୍ବନ୍ଧରେ ସୂଚନା ଦେଇଛନ୍ତି ଜ୍ୟୋତିର୍ମୟ ରଥ । ଭଦ୍ରକ, ବାଲେଶ୍ୱର, କେନ୍ଦ୍ରାପଡ଼ାରେ ସମୁଦ୍ର ପାଣି ମାଡିଯିବା ଯୋଗୁଁ ଅନେକ ଲୋକେ କ୍ଷତିଗ୍ରସ୍ତ ହୋଇଛନ୍ତି । ତାହାର ଆକଳନ ଚାଲିଥିବାବେଳେ ଆଜି ମୁଖ୍ୟମନ୍ତ୍ରୀ ଆକାଶମାର୍ଗରୁ ସ୍ଥିତି ସମୀକ୍ଷା କରିବା ସହ ପରିଦର୍ଶନ କରିବେ ।

ପାଣିଗ୍ରାହୀଙ୍କ ନାଁରେ ପୁଣି ଏତଲା: ଜେଲରେ ଅଛନ୍ତି, ମୋବାଇଲ ଛାଡୁ ନାହାଁନ୍ତି

ଭୁବନେଶ୍ୱର: ଜେଲରେ ଅଛନ୍ତି, ମୋବାଇଲ ଛାଡୁ ନାହାଁନ୍ତି । କର୍ତ୍ତୃପକ୍ଷଙ୍କ ଅଗୋଚରରେ ମୋବାଇଲ ବ୍ୟବହାର କରୁଛନ୍ତି ବିଚରାଧିନ କଏଦୀ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ । ଯେଉଁଥିପାଇଁ ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ରୁଜୁ ହେଲା ଆଉ ଏକ ମାମଲା। ଝାରପଡା ଜେଲରେ ବିଚାରାଧୀନ ବନ୍ଦୀ ହିସାବରେ ରହି ମୋବାଇଲ ବ୍ୟବହାର କରୁଥିବାରୁ ତାଙ୍କ ବିରୋଧରେ ଗତକାଲି ଏତଲା କରିଥିଲେ ଝାରପଡା ଜେଲ କର୍ତ୍ତୃପକ୍ଷ ।

ଏକ ଆଣ୍ଡ୍ରୋଏଡ଼ ଫୋନରେ ନିଜ ପରିବାର ବର୍ଗ ଓ ନିକଟ ସମ୍ପର୍କୀୟଙ୍କୁ ଭିଡିଓ କଲ କରୁଥିଲେ ପ୍ରଦୀପ । ଏ ନେଇ ଜେଲ ବିଭାଗର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ସୂଚନାଯୋଗ୍ୟ ଯେ 5ଟି ଅଧୀନରେ ଜେଲ ବିଭାଗ ଆସିବା ପରେ ‘ଅପରେସନ କ୍ଲିନ୍‌ ଅପ’କୁ ବ୍ୟାପକ କରାଯାଇଛି । ପ୍ରତ୍ୟେକ ଦିନ ସ୍ପେଶାଲ ଟିମ ବିଭିନ୍ନ ଜେଲରେ ଚଢ଼ାଉ କରୁଛନ୍ତି ।

ଚାଲିଗଲେ ସଙ୍ଗୀତକାର ଶାନ୍ତିରାଜ, କୋଭିଡରେ ଥିଲେ ସଂକ୍ରମିତ

ଭୁବନେଶ୍ୱର: ବିଶିଷ୍ଟ ଓଡିଆ ଗାୟକ ଓ ସଙ୍ଗୀତକାର ଶାନ୍ତିରାଜ ଖୋସଲାଙ୍କ ପରଲୋକ । କୋଭିଡରେ ଆକ୍ରାନ୍ତ ହୋଇ ହୋମ୍ ଆଇସୋଲେସନରେ ଥିଲେ ଶାନ୍ତିରାଜ । ହଠାତ୍ ନିଶ୍ୱାସ- ପ୍ରଶ୍ୱାସ ନେବାରେ ସମସ୍ୟା ଅନୁଭବ କରିବାରୁ ମେଡିକାଲକୁ ଯାଉଥିଲେ । ଏହି ସମୟରେ ତାଙ୍କର ଦେହାନ୍ତ ହୋଇଥିବା ସୂଚନା ମିଳିଛି ।

ଶାନ୍ତିରାଜ ଖୋସଲା ବହୁ ଆଲବମ୍ ଓ ଫିଲ୍ମରେ ତାଙ୍କ ସଙ୍ଗୀତର ଯାଦୁ ଛାଡିଯାଇଛନ୍ତି । ଧନରେ ରଖିବୁ ଶପଥ ମୋର ହେଉ ବା ମୋତେ ଆଣିଦେଲୁ ଲକ୍ଷେ ଫଗୁଣ, ବାଇଶି ପାହାଚେ ଖେଳିବ ମୀନ ହେଉ କି ତୋର ମୋର ଯୋଡି ସୁନ୍ଦର  । ସବୁଥିରେ ତାଙ୍କ ସଙ୍ଗୀତ ଶ୍ରୋତାଙ୍କୁ କରିଛି ଆନ୍ଦୋଳିତ । ଶାନ୍ତିରାଜଙ୍କ ପରଲୋକ ଓଡିଆ ଫିଲ୍ମ ଓ ସଙ୍ଗୀତ ଜଗତରେ ଅପୂରଣୀୟ କ୍ଷତି ସୃଷ୍ଟି କରିଛି । ସେପଟେ ଶାନ୍ତିରାଜଙ୍କ ଦେହାନ୍ତରେ ସଙ୍ଗୀତ ଜଗତ ଶୋକପ୍ରକାଶ କରିଛନ୍ତି  ।

୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ, ୬ହଜାର ୭୩୬ ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ । ୨୪ ଘଣ୍ଟାରେ ଆଉ ୬ହଜାର ୭୩୬ ସଂକ୍ରମିତ ଚିହ୍ନଟ ହୋଇଥିବା ବେଳେ 34ଜଣଙ୍କ ଜୀବନ ନେଇଛି କିଲର କରୋନା । କ୍ବାରେଣ୍ଟାଇନରୁ ୩ହଜାର ୭୭୪, ଲୋକାଲ କେସ୍ ୨ହଜାର ୯୬୨ । ଖୋର୍ଦ୍ଧାରେ ଖସିଛି ସଂକ୍ରମଣ । ଅନୁଗୁଳରୁ ସର୍ବାଧିକ ୭୮୮, ସୁନ୍ଦରଗଡ଼ରୁ ୭୨୦ ସଂକ୍ରମିତ ଚିହ୍ନଟ ହୋଇଛନ୍ତି ।

ଖୋର୍ଦ୍ଧାରୁ ୫୧୭, ବରଗଡ଼ରୁ ୪୦୫, ଯାଜପୁରରୁ ୩୭୪, କଟକରୁ ୩୬୨, ସମ୍ବଲପୁରରୁ ୩୦୯ ସଂକ୍ରମିତ ଚିହ୍ନଟ ହୋଇଛନ୍ତି । ନବରଙ୍ଗପୁରରୁ ୨୮୨, ପୁରୀରୁ ୨୬୫, ବୌଦ୍ଧରୁ ୨୬୨, କଳାହାଣ୍ଡିରୁ 241, କୋରାପୁଟରୁ 219, ନୟାଗଡ଼ରୁ ୨୦୭, ଭଦ୍ରକରୁ 206 ସଂକ୍ରମିତ ଚିହ୍ନଟ ହୋଇଛନ୍ତି । ଗଞ୍ଜାମରୁ ୧୯୬, ଢେଙ୍କାନାଳରୁ ୧୭୮, ବଲାଙ୍ଗୀରରୁ ୧୪୪, ରାୟଗଡ଼ାରୁ ୧୨୩, ଝାରସୁଗୁଡାରୁ ୧୨୦, ଜଗତସିଂହପୁରରୁ ୧୦୬, ଷ୍ଟେଟପୁଲରୁ ୧୦୨ ସଂକ୍ରମିତ ଚିହ୍ନଟ ହୋଇଛନ୍ତି ।

ମାଲକାନିଗିରିରୁ ୯୮, କେନ୍ଦ୍ରାପଡାରୁ ୮୫, ସୋନପୁରରୁ ୮୨, ଗଜପତିରୁ ୮୦, ବାଲେଶ୍ବରରୁ ୭୧, ଡେଓଗଡ଼ରୁ ୬୪, ନୂଆପଡାରୁ ୪୮, ମୟୂରଭ଼୍ଜରୁ ୩୪, କେନ୍ଦ୍ରାପଡା ଓ କେନ୍ଦୁଝରରୁ ୨୪ ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ୨୪ ଘଣ୍ଟାରେ ୧୦ହଜାର ୬୩୫ସଂକ୍ରମିତ ସୁସ୍ଥ ହୋଇଥିବା ବେଳେ ମୋଟ୍ ସୁସ୍ଥ ହେଲେଣି ୬ଲକ୍ଷ ୨୩ହଜାର ୬୨୮ । ମୋଟ୍ ସଂକ୍ରମିତଙ୍କ ସଂଖ୍ୟା ୭ଲକ୍ଷ ୩୨ହଜାର ୭୩୯ରେ ପହଁଚିଛି  ।