spot_img
Home Blog Page 5758

୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ, ୬ହଜାର ୭୩୬ ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ । ୨୪ ଘଣ୍ଟାରେ ଆଉ ୬ହଜାର ୭୩୬ ସଂକ୍ରମିତ ଚିହ୍ନଟ ହୋଇଥିବା ବେଳେ 34ଜଣଙ୍କ ଜୀବନ ନେଇଛି କିଲର କରୋନା । କ୍ବାରେଣ୍ଟାଇନରୁ ୩ହଜାର ୭୭୪, ଲୋକାଲ କେସ୍ ୨ହଜାର ୯୬୨ । ଖୋର୍ଦ୍ଧାରେ ଖସିଛି ସଂକ୍ରମଣ । ଅନୁଗୁଳରୁ ସର୍ବାଧିକ ୭୮୮, ସୁନ୍ଦରଗଡ଼ରୁ ୭୨୦ ସଂକ୍ରମିତ ଚିହ୍ନଟ ହୋଇଛନ୍ତି ।

ଖୋର୍ଦ୍ଧାରୁ ୫୧୭, ବରଗଡ଼ରୁ ୪୦୫, ଯାଜପୁରରୁ ୩୭୪, କଟକରୁ ୩୬୨, ସମ୍ବଲପୁରରୁ ୩୦୯ ସଂକ୍ରମିତ ଚିହ୍ନଟ ହୋଇଛନ୍ତି । ନବରଙ୍ଗପୁରରୁ ୨୮୨, ପୁରୀରୁ ୨୬୫, ବୌଦ୍ଧରୁ ୨୬୨, କଳାହାଣ୍ଡିରୁ 241, କୋରାପୁଟରୁ 219, ନୟାଗଡ଼ରୁ ୨୦୭, ଭଦ୍ରକରୁ 206 ସଂକ୍ରମିତ ଚିହ୍ନଟ ହୋଇଛନ୍ତି । ଗଞ୍ଜାମରୁ ୧୯୬, ଢେଙ୍କାନାଳରୁ ୧୭୮, ବଲାଙ୍ଗୀରରୁ ୧୪୪, ରାୟଗଡ଼ାରୁ ୧୨୩, ଝାରସୁଗୁଡାରୁ ୧୨୦, ଜଗତସିଂହପୁରରୁ ୧୦୬, ଷ୍ଟେଟପୁଲରୁ ୧୦୨ ସଂକ୍ରମିତ ଚିହ୍ନଟ ହୋଇଛନ୍ତି ।

ମାଲକାନିଗିରିରୁ ୯୮, କେନ୍ଦ୍ରାପଡାରୁ ୮୫, ସୋନପୁରରୁ ୮୨, ଗଜପତିରୁ ୮୦, ବାଲେଶ୍ବରରୁ ୭୧, ଡେଓଗଡ଼ରୁ ୬୪, ନୂଆପଡାରୁ ୪୮, ମୟୂରଭ଼୍ଜରୁ ୩୪, କେନ୍ଦ୍ରାପଡା ଓ କେନ୍ଦୁଝରରୁ ୨୪ ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ୨୪ ଘଣ୍ଟାରେ ୧୦ହଜାର ୬୩୫ସଂକ୍ରମିତ ସୁସ୍ଥ ହୋଇଥିବା ବେଳେ ମୋଟ୍ ସୁସ୍ଥ ହେଲେଣି ୬ଲକ୍ଷ ୨୩ହଜାର ୬୨୮ । ମୋଟ୍ ସଂକ୍ରମିତଙ୍କ ସଂଖ୍ୟା ୭ଲକ୍ଷ ୩୨ହଜାର ୭୩୯ରେ ପହଁଚିଛି  ।

ବାତ୍ୟା ପ୍ରଭାବିତ ଅଞ୍ଚଳ ଯିବେ ମୁଖ୍ୟମନ୍ତ୍ରୀ, ଆକାଶ ମାର୍ଗରୁ କରିବେ ଦେଖିବେ ସ୍ଥିତି

ଭୁବନେଶ୍ୱର: ବାତ୍ୟାଞ୍ଚଳ ପରିଦର୍ଶନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବାତ୍ୟା ୟାସ ପ୍ରଭାବରେ କ୍ଷତିଗ୍ରସ୍ତ ହୋଇଥିବା ଜିଲ୍ଲା ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ାକୁ ହେଲିକପ୍ଟରରେ ଯୋଗେ ଯାଇ ସ୍ଥିତି ଦେଖିବେ ମୁଖ୍ୟମନ୍ତ୍ରୀ । ସୂଚନା ମୁତାବକ 12.30 ସମୟରେ ମୁଖ୍ୟମନ୍ତ୍ରୀ ଏହି କ୍ଷତିଗ୍ରସ୍ତ ଅଞ୍ଚଳକୁ ପରିଦର୍ଶନ କରିବା ପାଇଁ ବାହାରିବେ ।

ଗତକାଲି ବାତ୍ୟା ସମୀକ୍ଷା ବେଳେ ୨୪ ଘଣ୍ଟା ମଧ୍ୟରେ ବାତ୍ୟା ପ୍ରଭାବିତ ଅଞ୍ଚଲରେ ଯୋଗାଯୋଗ ପୁନରୁଦ୍ଧାର କରିବାକୁ ନିର୍ଦ୍ଦେଶ ଦେଇଥିଲେ ମୁଖ୍ୟମନ୍ତ୍ରୀ । ଏଥିସହ ୨୪ ଘଣ୍ଟା ମଧ୍ୟରେ ୮୦ ପ୍ରତିଶତ ଅଞ୍ଚଳରେ ବିଜୁଳି ଯୋଗାଣ କରିବାକୁ ମୁଖ୍ୟମନ୍ତ୍ରୀ ସମୀକ୍ଷା ବେଳେ ନିର୍ଦ୍ଦେଶ ଦେଇଛନ୍ତି । ଏଥିସହ ପ୍ରଭାବିତ ଅଞ୍ଚଳର ଲୋକଙ୍କୁ ୭ ଦିନ ପର୍ଯ୍ୟନ୍ତ ରିଲିଫ ଯୋଗାଇବାକୁ ଗୋଷଣା କରିଥିଲେ ମୁଖ୍ୟମନ୍ତ୍ରୀ ।

ବାତ୍ୟା ୟାସରେ ସର୍ବାଧିକ କ୍ଷତିଗ୍ରସ୍ତ ହୋଇଛନ୍ତି ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା । ବାଲେଶ୍ୱରରେ ସ୍ଥଳଭାଗ ଛୁଇଁଥିବାବେଳେ ବ୍ୟାପକ ପବନ ଏବଂ ଲଗାଣ ବର୍ଷା ଯୋଗୁଁ ଅନେକ ଘର ଏବଂ ଗଛ ଭାଙ୍ଗିଛି । ସେପଟେ ଅଧିକାଂଶ ଚାଷ ଜମିରେ ସମୁଦ୍ର ପାଣି ମାଡିଯିବା ହେତୁ ବ୍ୟାପକ କ୍ଷତି ଘଟିଛି । ଅନ୍ୟପଟେ ରାଜ୍ୟ ସରକାରଙ୍କ ଆଗୁଆ ନିଷ୍ପତି ଏବଂ ସାଧାରଣ ଲୋକଙ୍କ ସୁରକ୍ଷା ପାଇଁ ନିଆଯାଇଥିବା ପଦକ୍ଷେପ ଯୋଗୁଁ ଧନଜୀବନ କ୍ଷତି ଘଟିନାହିଁ ।

କିନ୍ତୁ ମୟୁରଭଞ୍ଜ ଜିଲ୍ଲା ମୋରଡ଼ା ନିର୍ବାଚନ ମଣ୍ଡଳୀରେ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି । ରାଜ୍ୟ ସରକାରଙ୍କ ନିର୍ଦେଶ ମୁତାବକ ମୃତକଙ୍କ ପରିବାରକୁ ୪ ଲକ୍ଷ ଟଙ୍କାର ଆର୍ଥିକ ସହାୟତା ରାଶି ଘୋଷଣା କରାଯାଇଛି । ରାଜ୍ୟ ସରକାରଙ୍କ ତ୍ୱରିତ ନିଷ୍ପତି ଏବଂ ଆଗୁଆ ପଦକ୍ଷେପ ଯୋଗୁଁ ବାତ୍ୟାକୁ ସଫଳ ଭାବେ ମୁକାବିଲା କରାଯାଇପାରିଛି ।

ବାତ୍ୟା ୟାସରେ ମୃତ୍ୟୁ ଘଟିଥିବା ପରିବାରକୁ ଆର୍ଥିକ ସହାୟତା, ମିଳିବ ୪ଲକ୍ଷ

ଭୁବନେଶ୍ୱର: ବାତ୍ୟା ୟାସରେ ମୃତାହତ ହୋଇଥିବା ପରିବାରକୁ ସହାୟତା ଘୋଷଣା କରିଛନ୍ତି ରାଜ୍ୟ ସରକାର । ସରକାରଙ୍କ ପକ୍ଷରୁ ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ସହାୟତା ରଶି ପ୍ରଦାନ କରାଯିବା ନେଇ ସରକାର ଘୋଷଣା କରିଛନ୍ତି । ସୂଚନା ମୁତାବକ ଲଗାଣ ବର୍ଷା ପବନ ଯୋଗୁଁ ଘର କାନ୍ଥ ଧସି ଯିବାରୁ ପ୍ରାଣ ହରାଇଛନ୍ତି ପଳାଶମୁଣ୍ଡୁଳି ପଞ୍ଚାୟତ କୁସୁମକୁଟି ଗ୍ରାମର ବୁଧୁନି ସିଂ(୭୦)। ତେବେ ବ୍ଲକ୍ ପ୍ରଶାସନ ଜିରୋ କାଜୁଆଲିଟି ଲକ୍ଷ୍ୟ ନେଇ ସ୍ଥାନାନ୍ତର କାର୍ଯ୍ୟ କରିଥିଲେ ବି ବୃଦ୍ଧା ଜଣକ କେମିତି ବିପଦସଙ୍କୁଳ ଘରେ ରହିଲେ ଏ ନେଇ ଆରମ୍ଭ ହୋଇଛି ତଦନ୍ତ।

ସେପଟେ ବୃଦ୍ଧାଙ୍କର ମୃତ୍ୟୁ ଘଟିବା ପରେ ସଙ୍ଗେ ସଙ୍ଗେ ସହାୟତା ଘୋଷଣା କରିଛନ୍ତି ସରକାର। ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ସହାୟତା ଯୋଗାଇ ଦିଆଯିବ ବୋଲି କହିଛନ୍ତି ତହସିଲଦାର ଅନନ୍ତ କୁମାର ହାଁସଦା। ମୋରଡ଼ା ବିଧାୟକ ରାଜକିଶୋର ଦାଶ ପହଞ୍ଚି ମୃତକଙ୍କ ପରିବାରକୁ ଭେଟି ସମବେଦନା ଜଣାଇବା ସହ ସମସ୍ତ ସରକାରୀ ସହାୟତା ପ୍ରଦାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି।

ସୂଚନାଯୋଗ୍ୟ ବୃଦ୍ଧା ଜଣକ ଶୋଇଥିବା ବେଳେ ଗତକାଲି ରାତିରେ ତାଙ୍କ ଉପରେ କାନ୍ଥ ପଡ଼ି ଯାଇଥିଲା। ତାଙ୍କୁ ଗୁରୁତର ଅବସ୍ଥାରେ ବାରିପଦା ମୁଖ୍ୟ ଡାକ୍ତରଖାନା ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ଓଡିଶା ଛାଡ଼ିଛି ୟାସ, ଝାଡଖଣ୍ଡରେ ଜାରି ରହିଛି ବର୍ଷା-ପବନ

ଭୁବନେଶ୍ୱର: ଉତ୍ତର ଓଡିଶାରେ ବିଭିଷୀକା ରଚିବା ପରେ ଏବେ ପଡୋଶୀ ରାଜ୍ୟରେ ପହଁଚିଛି ବାତ୍ୟା ‘ୟାସ’। ଭଦ୍ରକ, ବାଲେଶ୍ୱରରେ ବିଶେଷ କ୍ଷୟକ୍ଷତି ଘଟିଥିବାବେଳେ ଏବେ ମଧ୍ୟ ଅନେକ ଅଞ୍ଚଳରୁ ବିଛିନ୍ନ ଲୋକେ । ସେପଟେ ରାଜ୍ୟ ସରକାର ଜାରି ରଖିଛନ୍ତି କ୍ଷୟକ୍ଷତି ଆକଳନ । ଜାତୀୟ ପାଣିପାଗ ବିଭାଗ ପକ୍ଷରୁ ଜାରି କରାଯାଇଥିବା ସୂଚନା ଅନୁସାରେ ବାତ୍ୟା ୟାସ ଓଡିଶା ସୀମା ଅତିକ୍ରମ କରିବା ପରେ ଝାଡ଼ଖଣ୍ଡରେ ପହଁଚିଛି ।

ଝାଡଖଣ୍ଡ ଏବଂ ଏହାର ଆଖପାଖ ଅଞ୍ଚଳରେ ବାତ୍ୟାର ପ୍ରକୋପ ଜାରି ରହିଛି । ପବନର ଗତି ସେତେ ପ୍ରଭାବଶାଳୀ ନଥିଲେ ସୁଦ୍ଧା କିଛି ଲୋକେ କ୍ଷତି ହୋଇଛନ୍ତି । ଆସନ୍ତା ୬ ଘଣ୍ଟା ପର୍ଯ୍ୟନ୍ତ ବାତ୍ୟା ୟାସର ପ୍ରଭାବ ଜାରି ରହିବ । ସେପଟେ ବାଲେଶ୍ବରରେ ସ୍ଥଳ ଛୁଇଁବା ପରେ ଧିରେ ଧିରେ ଦୁର୍ବଳ ହେବାରେ ଲାଗିଛି ପବନର ଗତି ।

ତିନିଦିନ ତଳେ ଆଣ୍ଟିଗୁଆରୁ ଫେରାର୍ ମେହୁଲ ଚୋକସି ଡୋମିନିକାରୁ ଗିରଫ

ନୂଆଦିଲ୍ଲୀ: ପିଏନବି ଘୋଟାଲା ମାମଲାର ମୁଖ୍ୟ ଅଭିଯୁକ୍ତ ତଥା ହୀରା ବ୍ୟବସାୟୀ ମେହୁଲ ଚୋକସି ଗିରଫ । ଆଣ୍ଟିଗୁଆରୁ ଫେରାର୍ ହେବାର ୩ ଦିନ ପରେ ମେହୁଲ ଚୋକସି ଡୋମିନିକାରୁ ଧାର ପଡ଼ିଛି । ଡୋମିନିକା ପୋଲିସ ମେହୁଲ ଚୋକସିକୁ ହେପାଜତକୁ ନେଇଛି । ଆଣ୍ଟିଗୁଆ ପୋଲିସ ଡୋମିନିକା ପୋଲିସ ସହ ସମ୍ପର୍କରେ ରହିଛି ।

Mehul Chowksi Found In Dominica Police Custody PNB Scam Case Antigua

ରବିବାର ୨୩ ମାର୍ଚ୍ଚରେ ମେହୁଲ୍ ଚୋକସି ଫେରାର୍ ହୋଇଥିବା ଜଣାପଡ଼ିଥିଲା । ଆଣ୍ଟିଗୁଆ ପୋଲିସ ପକ୍ଷରୁ ଜାରି ବୟାନରେ କୁହାଯାଇଥିଲ, ଶେଷଥର ପାଇଁ ଚୋକସିଙ୍କୁ ରବିବାର ଦେଖିବାକୁ ମିଳିଥିଲା । ପୋଲିସ ଚୋକସିଙ୍କ କାରକୁ ଜବତ କରିଥିବା ବେଳେ ଚୋକସିଙ୍କ ଖୋଜ ଖବର ମିଳିନଥିଲା ।

ଆଣ୍ଟିଗୁଆରୁ ଫେରାର୍ ପରେ ଭାରତୀୟ ଦୂତାବାସ ଅଧିକାରୀ ଅନେକ ଜାଗାରେ ଚୋକସିଙ୍କୁ ଖୋଜିଥିଲେ । ପଞ୍ଜାବ ନ୍ୟାସନାଲ ବ୍ୟାଙ୍କରୁ ୧୩ ହଜାର ୫୦୦ କୋଟି ଟଙ୍କାର ଘୋଟାଲାରେ ସମ୍ପୃକ୍ତ ମେହୁଲ ଚୋକସି । ୨୦୧୮ ମସିହାରେ ଚୋକସି ଭାରତ ଛାଡ଼ି ଯିବା ପୂର୍ବରୁ କ୍ୟାରିଆନର ଦ୍ୱୀପ ଦେଶ ଆଣ୍ଟିଗୁଆ ଏବଂ ବାରବୁଡ଼ାର ନାଗରିକତା ଗ୍ରହଣ କରିଥିଲା । ମେହୁଲ ଚୋକସି ଓ ନୀରବ ମୋଦି ମିଳିମିଶି ପଞ୍ଜାବ ନ୍ୟାସନାଲ ବ୍ୟାଙ୍କର ୧୩ ହଜାର ୫୦୦ କୋଟି ଟଙ୍କାର ଘୋଟାଲାରେ ସାମିଲ୍ ଥିଲେ । ନୀର ମୋଦି ଏବେ ଲଣ୍ଡନର ଏକ ଜେଲରେ ଥିବାବେଳେ ଚୋକସି ଡୋମିନିକାରୁ ଧରାପଡ଼ିଛନ୍ତି ।

ହ୍ୱାଟ୍ସଆପକୁ କେନ୍ଦ୍ର ସରକାରଙ୍କ ଜବାବ, ଗମ୍ଭୀର ମାମଲାରେ ଦେବାକୁ ହେବ ସୂଚନା

ନୂଆଦିଲ୍ଲୀ: ଫେସବୁକ୍ ମାଲିକାନାରେ ଥିବା ମେସେଜିଂ ଆପ୍ ହ୍ୱାଟ୍ସଆପ୍ କେନ୍ଦ୍ର ସରକାରଙ୍କ ନୂଆ ଆଇଟି ନିୟମକୁ ବିରୋଧ କରି ଅଦାଲତର ଦ୍ୱାରସ୍ଥ ହୋଇଛି । ହ୍ବାଟ୍ସଆପ୍ କୋର୍ଟଙ୍କ ଦ୍ବାରସ୍ଥ ହୋଇଥିବା ବେଳେ ଜବାବ ରଖିଛନ୍ତି କେନ୍ଦ୍ର ସରକାର । ନୂଆ ନିୟମରେ ୟୁଜରଙ୍କ ଗୋପନୀୟତା ପ୍ରଭାବିତ ହେବ ବୋଲି ହ୍ବାଟସଆପ୍ ଅଭିଯୋଗ କରିଥିବା ବେଳେ ସବୁ ମେସେଜର ଅରିଜିନ୍ ଟ୍ରେସ୍ କରାଯିବ ନାହିଁ ବୋଲି ଆଇଟି ମନ୍ତ୍ରଣାଳୟ ପକ୍ଷରୁ କୁହାଯାଇଛି ।

ସୋସିଆଲ ମିଡିଆ ପ୍ଲାଟଫର୍ମ ଗୁଡ଼ିକ ଲାଗି କେନ୍ଦ୍ର ସରକାର ଜାରି କରିଥିବା ନୂତନ ମାର୍ଗଦର୍ଶିକା ବିରୋଧରେ ହାଇକୋର୍ଟଙ୍କ ଦ୍ବାରସ୍ଥ ହୋଇଛି ହ୍ୱାଟ୍ସଆପ୍ । ଦିଲ୍ଲୀ ହାଇକୋର୍ଟରେ ଭାରତ ସରକାରଙ୍କ ମାର୍ଗଦର୍ଶିକାକୁ ଚ୍ୟାଲେଞ୍ଜ କରି ହ୍ୱାଟ୍ସଆପ୍ ପିଟିସନ ଦାଏର କରିଥିଲା । ନୂଆ ମାର୍ଗଦର୍ଶିକା ଲାଗୁ କରାଯିବା ଉପରେ ରୋକ ଲଗାଇବାକୁ ହ୍ୱାଟ୍ସଆପ୍ ଦାବି କରିଛି । ନୂଆ ନିୟମରେ ୟୁଜରଙ୍କ ରାଇଟ ଟୁ ପ୍ରାଇଭେସୀ କ୍ଷୂର୍ଣ୍ଣ ହେବ । ନୂଆ ନିୟମ ଅନୁସାରେ ଚାର୍ଟକୁ ଟ୍ରେସ୍ କରିବାକୁ ପଡ଼ିବ ।

ଫଳରେ ୟୁଜରଙ୍କ ପ୍ରାଇଭେସୀ ପ୍ରଭାବିତ ହେବ ବୋଲି ହ୍ୱାଟ୍ସଆପ୍ ପକ୍ଷରୁ କୁହାଯାଇଥିଲା । ସେପଟେ କେନ୍ଦ୍ର ସରକାର ନୂଆ ନିୟମ ମାନିବାକୁ ସମ୍ମତି ଜଣାଇଛି ଫେସବୁକ୍ । ଡିଜିଟାଲ କଣ୍ଟେଣ୍ଟକୁ ନେଇ କରାଯାଇଥିବା ନୂଆ ନିୟମ ସମ୍ପର୍କରେ ସରକାରଙ୍କ ସହ ଆଲୋଚନା କରିବା ପରେ ନିୟମ ଲାଗୁ କରାଯିବ ବୋଲି ଫେସବୁକ୍ କହିଛି ।

ଶିମିଳିପାଳରେ ବର୍ଷା, ବୁଢ଼ାବଳଙ୍ଗ ନଦୀରେ ବଢ଼ୁଛି ଜଳସ୍ତର

ବାରିପଦା: ବାତ୍ୟା ‘ୟାସ୍’ ଦୁର୍ବଳ ହୋଇ ଝାଡ଼ଖଣ୍ଡ ମୁହାଁ ହୋଇଛି । ଉତ୍ତର ଓଡ଼ିଶାରେ ୨ ଦିନ ଧରି ହେଉଥିବା ବର୍ଷା ଥମିଛି । ତାଜା ଖବର ଅନୁସାରେ ରାତି ୯ଟା ସୁଦ୍ଧା ମୟୂରଭଞ୍ଜରେ ବୁଢାବଳଙ୍ଗ ନଦୀର ଜଳସ୍ତର ୨୫ ଦଶମିକ ୦୩ ମିଲିମିଟର ରହିଛି । ବୁଢ଼ାବଳଙ୍ଗ ନଦୀର ସତର୍କ ସ୍ତର ୨୯ ଦଶମିକ ୦୭ ମିଲିମିଟର ରହିଛି । ଶିମିଳିପାଳ ଅଭୟାରଣ୍ୟ ଭିତରେ ଦିନରେ ପ୍ରବଳ ବର୍ଷା ହୋଇଥିବା ରେକର୍ଡ଼ କରାଯାଇଛି । ରାତିରେ ଆଉ ଅଧିକ ପରିମାଣରେ ବର୍ଷା ହେଲେ ନଦୀର ଜଳସ୍ତର ବୃଦ୍ଧି ପାଇବା ସ୍ୱାଭାବିକ ।

Rain In Similipal, Water Level Of Budhabalanga Increasing Gradually

ଏହାକୁ ଦୃଷ୍ଟିରେ ରଖି ବୁଢ଼ାବଳଙ୍ଗ ନଦୀ କୂଳରେ ଥିବା ବାରିପଦା ସହରର ତଳି ଅଞ୍ଚଳରେ ରହୁଥିବା ୩୬୦୦ ଲୋକଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଆଶ୍ରୟସ୍ଥଳୀକୁ ସ୍ଥାନାନ୍ତରଣ କରାଯାଇଛି । ଜିଲ୍ଲା ପ୍ରଶାସନ ପରିସ୍ଥିତି ଉପରେ ନଜର ରଖାଯାଇଥିବା ସୂଚନା ଦେଇଛନ୍ତି । ବୁଢ଼ାବଳଙ୍ଗ ନଦୀକୁ ବାଦ୍ ଦେଲେ ଜିଲ୍ଲାର ଅନ୍ୟ କୌଣସି ନଦୀରେ ଜଳସ୍ତର ବୃଦ୍ଧି ପାଇନାହିଁ ।

ଆଗାମୀ ୧୨ ଘଣ୍ଟା ମଧ୍ୟରେ ଉତ୍ତର ଓଡ଼ିଶାର କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ଆଶଙ୍କା ରହିଛି ।

ଚାଲିଛି ‘ୟାସ୍’ କ୍ଷୟକ୍ଷତି ଆକଳନ, ଗୁରୁବାର ସକାଳେ ଜଣାପଡ଼ିବ ବିଦ୍ୟୁତ୍ କ୍ଷୟକ୍ଷତି: SRC

ଭୁବନେଶ୍ୱର: ବାତ୍ୟା ‘ୟାସ୍’ର ପ୍ରଭାବ ଓ ପରବର୍ତ୍ତୀ ସ୍ଥିତିର ପରିଚାଳନା ନେଇ ସୂଚନା ଦେଇଛନ୍ତି ଏସଆରସି । ବିଦ୍ୟୁତ୍ ନଥିବା ସ୍ଥାନରେ ଜେନେରେଟର ସେଟ୍ ସହ ଟ୍ୟାଙ୍କର ବ୍ୟବସ୍ଥା କରାଯାଇଛି । ପଞ୍ଚାୟତ ଓ ସହରାଞ୍ଚଳରେ ଜଳ ଯୋଗାଣ ଜାରି ରହିଛି । ପୁନରୁଦ୍ଧାର କାର୍ଯ୍ୟ ଚାଲିଛି । ଅଧିକାଂଶ ରାସ୍ତା ଅବରୋଧ ହଟାଇ ଦିଆଯାଇଛି । ମୟୂରଭଞ୍ଜ ଜିଲ୍ଲାରେ ଆଜି ରାତିରେ କ୍ଷୟକ୍ଷତି ହୋଇପାରେ । ସକାଳେ କ୍ଷୟକ୍ଷତି ଆକଳନ କରାଯିବ ।

Road Will Repair Within Two Days Assured SRC Cyclone YaasRoad Will Repair Within Two Days Assured SRC Cyclone Yaas

ପାଣି ଜମିଥିବା ସ୍ଥାନରେ ରାସ୍ତା କଟା ଯାଇଛି । ଦିନେ ଦୁଇଦିନ ଭିତରେ ସେସବୁ ରାସ୍ତା ମରାମତି କରାଯିବ । ଶିମିଳିପାଳରେ ଅଧିକ ବର୍ଷା ହୋଇଥିଲେ ବି ବନ୍ୟା ଆଶଙ୍କା ରହିଛି । ମୁଖ୍ୟମନ୍ତ୍ରୀ ଆଜି ବାତ୍ୟା ପ୍ରଭାବିତ ଜିଲ୍ଲାର ସ୍ଥିତି ନେଇ ପଚାରି ବୁଝିଛନ୍ତି । କାଲି ସକାଳ ସୁଦ୍ଧା ବିଦ୍ୟୁତ୍ ସେବା କେତେ କ୍ଷତିଗ୍ରସ୍ତ ହୋଇଛି ଜଣାପଡ଼ିଯିବ । ବାତ୍ୟା ସମୟରେ ସ୍ଥାନାନ୍ତରିତ ହୋଇଥିବା ଲୋକଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ କରାଯିବ ।

ଏଥିସହ ପଢ଼ନ୍ତୁ: ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ବାତ୍ୟାରେ ଜଳବନ୍ଦୀ ୧୨୮ ଗାଁକୁ ୭ ଦିନ ପର୍ଯ୍ୟନ୍ତ ଦିଆଯିବ ରିଲିଫ୍

ପ୍ରାଥମିକ କ୍ଷୟକ୍ଷତି ଆକଳନ ପାଇଁ ୪୮ରୁ ୭୨ ଘଣ୍ଟା ଆବଶ୍ୟକ । ସମୁଦ୍ର ଜୁଆର ଆସିବା ଫଳରେ କିଛି ସ୍ଥାନରେ ବନ୍ଧ ନଷ୍ଟ ହୋଇଛି । ଜଳ ସମ୍ପଦ ବିଭାଗର ଅଧିକାରୀ କ୍ଷୟକ୍ଷତି ଆକଳନ କରୁଛନ୍ତି । ଡ୍ରିଙ୍କିଂ ୱାଟର ପଏଣ୍ଟରେ କିଛି ଅସୁବିଧା ହୋଇନାହିଁ, ବିଦ୍ୟୁତ୍ ଆସିଲେ କାର୍ଯ୍ୟକ୍ଷମ ହେବ । ଭଦ୍ରକ ଜିଲ୍ଲାରେ ପ୍ରାୟ ୪୪ଟି ଗାଁ, ବାଲେଶ୍ୱର ଜିଲ୍ଲାର ପାଖାପାଖି ୮୪ଟି ଗାଁରେ ଏମିତି ୧୨୦ଟି ଗାଁରେ ସମୁଦ୍ର ପାଣି ପଶିଛି । ଜଳ ନିଷ୍କାସନ ବ୍ୟବସ୍ଥା କରାଯାଉଛି ।

Road Will Repair Within Two Days Assured SRC Cyclone YaasRoad Will Repair Within Two Days Assured SRC Cyclone Yaas

ବାଲେଶ୍ୱରରେ ଜଣଙ୍କର ମୃତ୍ୟୁ ହୋଇଛି । ବାତ୍ୟା ଆଶ୍ରୟସ୍ଥଳୀରେ ଥିବା ଜଣେ ବ୍ୟକ୍ତି ଘର କେମିତି ଅଛି ଦେଖିବାକୁ ଯାଇ ଫେରି ଆସିବା ବେଳେ ତାଙ୍କର ମୃତ୍ୟୁ ହୋଇଛି । କେନ୍ଦୁଝର ଜିଲ୍ଲାରେ ଗଛ ପଡ଼ି ଜଣେ ପୂଜକଙ୍କ ମୃତ୍ୟୁ ହୋଇଛି । ଜିଲ୍ଲାପାଳ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି, ରିପୋର୍ଟ ଆସିନାହିଁ । ବାତ୍ୟା ଆଶ୍ରୟସ୍ଥଳୀରେ ଥିବା ଲୋକଙ୍କୁ ଖାଦ୍ୟ ଯୋଗାଇ ଦିଆଯାଉଛି । ସବୁ ଜିଲ୍ଲାରେ ପଲିଥିନ୍ ଗଚ୍ଛିତ ଅଛି, ଯୋଗାଇ ଦିଆଯିବ ।

ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ବାତ୍ୟାରେ ଜଳବନ୍ଦୀ ୧୨୮ ଗାଁକୁ ୭ ଦିନ ପର୍ଯ୍ୟନ୍ତ ଦିଆଯିବ ରିଲିଫ୍

ଭୁବନେଶ୍ୱର: ବାତ୍ୟା ‘ୟାସ୍’ର ପରବର୍ତ୍ତୀ କ୍ଷୟକ୍ଷତି ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମୀକ୍ଷା କରିଛନ୍ତି । ବାତ୍ୟା ପ୍ରଭାବିତ ଜିଲ୍ଲାର ୧୨୮ଟି ଗାଁ ଜଳବନ୍ଦୀ ହୋଇ ରହିଛି । ଜଳବନ୍ଦୀ ହୋଇ ରହିଥିବା ୧୨୮ ଗାଁର ସମସ୍ତ ପରିବାରକୁ ୭ ଦିନ ଲାଗି ରିଲିଫ୍ ଯୋଗାଇ ଦିଆଯିବ । ବାତ୍ୟା ପରବର୍ତ୍ତୀ ସ୍ଥିତି ସମୀକ୍ଷା ପରେ ଏ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

CM Announces 7 days relief for all families of 128 marooned villages

ଏଥିସହ ବାତ୍ୟାରେ କ୍ଷତିଗ୍ରସ୍ତ ହୋଇଥିବା ପ୍ରମୁଖ ରାସ୍ତା ଗୁଡ଼ିକ ୨୪ ଘଣ୍ଟାରେ ମରାମତି କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ବାତ୍ୟା ପ୍ରଭାବିତ ଜିଲ୍ଲାରେ ୮୦ ପ୍ରତିଶତ ବିଦ୍ୟୁତ୍ ସରବରାହ ୨୪ ଘଣ୍ଟାରେ ଦିଆଯିବ । ବାତ୍ୟାର ସଫଳ ମୁକାବିଲା ଓ ପ୍ରଭାବୀ ସ୍ଥାନାନ୍ତରଣ ପାଇଁ ମୁଖ୍ୟମନ୍ତ୍ରୀ ପଞ୍ଚାୟତିରାଜ ପ୍ରତନିଧି, ଜିଲ୍ଲା ପ୍ରଶାସନ, ପୋଲିସ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି ।

ବାତ୍ୟା ସମୟରେ ଡାକ୍ତର ଓ ସ୍ୱାସ୍ଥ୍ୟକର୍ମୀ ନିରବଚ୍ଛିନ୍ନ ଭାବେ ସ୍ୱାସ୍ଥ୍ୟ ସେବା ଜାରି ରଖିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେମାନଙ୍କୁ ଧନ୍ୟବାଦ ଦେଇଛନ୍ତି ।

ମହାମାରୀରେ ଦେଶବାସୀଙ୍କୁ ଭ୍ରମିତ କରୁଛନ୍ତି ରାମଦେବ, ଲାଗୁ ହେଉ ଦେଶଦ୍ରୋହ ମାମଲା

ନୂଆଦିଲ୍ଲୀ: ବିବାଦରେ ବାବା ରାମଦେବ । ଏଲୋପାଥି ଏବଂ କୋଭିଡ ଭ୍ୟାକ୍ସିନକୁ ନେଇ ଦେଇଥିବା ବିବାଦୀୟ ବୟାନକୁ ନେଇ ଏବେ ବାବାଙ୍କୁ ଘେରିଛି ଭାରତୀୟ ମେଡିକାଲ ଆସୋସିଏସନ (IMA) । ପ୍ରଧାନମନ୍ତ୍ରୀଙ୍କୁ ଆସୋସିଏସନ ଚିଠି ଲେଖିବା ସହ ଯୋଗଗୁରୁ ବାବା ରାମଦେବଙ୍କ ଉପରେ ଦେଶଦ୍ରୋହ ମାମଲା ଲଗାଇବାକୁ ଦାବି କରିଛନ୍ତି । ସମଗ୍ର ଦେଶବାସୀ କୋଭିଡକୁ ନେଇ ଅସହ୍ୟ ଯନ୍ତ୍ରଣା ପାଉଥିବାବେଳେ ଅନେକ ଏହି ମହାମାରୀରେ ପରିଜନଙ୍କୁ ହରାଇଲଣି । କିନ୍ତୁ ଭ୍ୟାକ୍ସିନ ଉପରେ ଭରସା କରୁନଥିବା ବାବା ରାମଦେବ ଦେଶବାସୀଙ୍କୁ ଭ୍ରମିତ କରୁଛନ୍ତି । ଏବଂ ମୃତ୍ୟୁ ଆଡକୁ ପାଛୋଟି ନେବାର ପ୍ରୟାସ କରୁଥିବା ଅଭିଯୋଗ ଆଣିଛି IMA ।

କିଛିଦିନ ହେବ ଯୋଗଗୁରୁ ବାବା ରାମଦେବ ଏବଂ ଭାରତୀୟ ମେଡିକାଲ ଆସୋସିଏସନ ମଧ୍ୟରେ ଲାଗି ରହିଛି ବାର୍ତ୍ତା ଯୁଦ୍ଧ । ଏଥିରେ କେବଳ ଆଇଏମଏ ନୁହେଁ ଦେଶର ଅଧିକାଂଶ ଡାକ୍ତର ମଧ୍ୟ ସାମିଲ ହୋଇଛନ୍ତି ଏଂବଂ ବାବାଙ୍କ ବୟାନକୁ ବିରୋଧ କରିଛନ୍ତି । କୋଭିଡ ସମୟରେ ନିଜ ଜୀବନକୁ ପଛ କରି ସମସ୍ତ ଡାକ୍ତର ଦେଶର ସେବାରେ ଲାଗିଛନ୍ତି । କୋଭିଡ ରୋଗୀଙ୍କ ଚିକିତ୍ସାରେ ନିଜକୁ ଉତ୍ସର୍ଗ କରିଛନ୍ତି । ଏପରି ସମୟରେ ମେଡିକାଲ ସାଇନ୍ସ ପ୍ରତି ବାବା ରାମଦେବଙ୍କୁ ବୟାନ ସେମାନଙ୍କ ମନୋବଳକୁ ଆଘାତ ଦେଇଥିବା ଅଭିଯୋଗ ହୋଇଛି ।

ସୂଚନା ମୁତାବକ ବାବ ଏକ ଟିଭି କାର୍ଯ୍ୟକ୍ରମରେ ଯୋଗ କରିବା ସହ ଭ୍ୟକ୍ସିନ ଏବଂ ଭେଣ୍ଟିଲେଟରକୁ ନେଇ ଦେଇଥିଲେ ନକରାତ୍ମକ ବୟାନ । କୋଭିଡ ରୋଗୀଙ୍କ ଶରୀରରେ ଭେଣ୍ଟିଲେଟର ଲଗାଇବାର ଆବଶ୍ୟକ ନାହିଁ । ଯଦି ରୋଗୀମାନେ ଯୋଗ କରିବେ ତେବେ ଅକ୍ସିଜେନ ତୁରନ୍ତ କାର୍ଯ୍ୟକ୍ଷମ ହେବ । ବାବା ନିଜେ ଅକ୍ସିଜେନ କମିଯାଉଥିବା ରୋଗୀମାନଙ୍କର ଅକ୍ସିଜେନ ଲେଭଲ ବଢାଇଦେଉଥିବା କହିଥିଲେ । ସେହିପରି ବାବା ଏକଥା ମଧ୍ୟ କହିଥିଲେ, ଏକ ହଜାର ଡାକ୍ତର କୋଭିଡ ଭ୍ୟାକ୍ସିନ ନେବା ସ୍ବତେ ମୃତ୍ୟୁ ବରଣ କରିଛନ୍ତି । ରାମଦେବଙ୍କ ଏପରି ବୟାନ ଡାକ୍ତର ଏବଂ ରୋଗୀଙ୍କ ମନବୋଳକୁ ହ୍ରାସ ଘଟାଇଛି । ମାହାମାରୀ ସମୟରେ ବାବା ଭ୍ରମିତ କରାଉଛନ୍ତି । ତେଣୁ ବାବାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରିବାକୁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛି ଆଇଏମଏ ।