spot_img
Home Blog Page 5716

ଟ୍ରପଲାଇନ୍ ପ୍ରଭାବରେ କାଳବୈଶାଖି, ୧୫ ଜିଲ୍ଲାକୁ ୟେଲୋ ୱାର୍ଣ୍ଣିଙ୍ଗ୍

ଭୁବନେଶ୍ୱରର: ସୋମବାରୁ ଠାରୁ ରାଜ୍ୟରେ ବଢିବ କାଳବୈଶାଖି ବର୍ଷା। ଏଥିପାଇଁ ୧୫ ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ବିଶେଷ କରି କୋରାପୁଟ, ମାଲକାନଗିରି, ନବରଙ୍ଗପୁର, କଳାହାଣ୍ଡି, କନ୍ଧମାଳ, ନୂଆପଡା, ବରଗଡ଼, ଝାରସୁଗୁଡା, ସୁନ୍ଦରଗଡ, ଦେବଗଡ଼, କେନ୍ଦୁଝର, ମୟୁରଭଞ୍ଜ, ବାଲେଶ୍ବର, ଭଦ୍ରକ ଏବଂ ଯାଜପୁର ଜିଲ୍ଲାରେ ଘଡଘଡି ବିଜୁଳି ସହ ବର୍ଷା ପବନ ପାଇଁ ସତର୍କତା ଜାରି କରାଯାଇଛି।

ଟ୍ରପଲାଇନ୍ ପ୍ରଭାବରେ କାଳବୈଶାଖି ବର୍ଷା ଜାରି ରହିଥିବା ବେଳେ ଆସନ୍ତା ୧୧ ତାରିଖରୁ ଉତ୍ତର ବଙ୍ଗୋପସାଗର ରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଏହା ପ୍ରଭାବରେ ୧୦ ତାରିଖରୁ ୧୪ ତାରିଖ ମଧ୍ୟରେ ରାଜ୍ୟର ଅଧିକାଂଶ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଏବେ ରାଜ୍ୟରେ ପ୍ରାକ୍ ମୌସୁମୀ ସକ୍ରିୟ ଥିବା ବେଳେ ଆସନ୍ତା ୧୧ ତାରିଖରୁ ଦକ୍ଷିଣ ପଶ୍ଚିମ ମୌସୁମୀ ବାୟୁ ଓଡିଶା ଛୁଇଁବ ବୋଲି ଆକଳନ କରିଛି ପାଣିପାଗ କେନ୍ଦ୍ର ।

ତେବେ ୯ ତାରିଖରେ କାଳବୈଶାଖି ବର୍ଷା ପାଇଁ ୨୦ ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ବିଶେଷ କରି କୋରାପୁଟ, ମାଲକାନଗିରି, ନବରଙ୍ଗପୁର ଏବଂ କଳାହାଣ୍ଡି ଜିଲ୍ଲାରେ ପ୍ରବଳ ବର୍ଷା ହେବ ବୋଲି ସତର୍କତା ଜାରି କରାଯାଇଛି । ସେପଟେ ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି  । ମୌସୁମୀ ବାୟୁ ଗୋଟେ ସପ୍ତାହ ମଧ୍ୟରେ ଓଡିଶା ଛୁଇଁବାକୁ ଥିବେବେଳେ ଏବେ ଠାରୁ ଆରମ୍ଭ ହେବାକୁ ଯାଉଛି ବର୍ଷା  । ଏଥିପାଇଁ ୧୫ ଜିଲ୍ଲାକୁ ଆଗୁଆ ସତର୍କ କରାଇଦେଇଛି ଆଞ୍ଚଳିକ ପାଣିପାଗ ବିଭାଗ ଭୁବନେଶ୍ୱର  ।

ଅନାଥ ଶିଶୁଙ୍କ ଘରେ ଜିଲ୍ଲାପାଳ: ପାଠ ପଢାଇବା ପାଇଁ ବାଟ କଢାଇଲେ

ଭୁବନେଶ୍ୱର : ଜିଲ୍ଲାପାଳ ହେବତ ଏମିତି । ଅସମୟରେ ଛିଡ଼ା ହେଲେ  । ଅସୁବିଧା ବୁଝିଲେ  । ବେସାହାରା ପିଲାଙ୍କୁ ସାହାରା ଦେବାର ସାହାସ ବି ଦେଲେ  । କରୋନାର କରାଳ ରୂପରେ  ତିନି ଶିଶୁ ଅନାଥ ହୋଇଯିବା ପରେ ସେମାନଙ୍କ ନିକଟରେ ପହଞ୍ଚିଛନ୍ତି ଗଞ୍ଜାମ ଜିଲ୍ଲାପାଳ ବିଜୟା ଅମୃତା କୁଲାଙ୍ଗେ । ପାଢ ପଢିବାର ପ୍ରତିଶ୍ରୁତି, ସମସ୍ତ ପ୍ରକାର ବ୍ୟବସ୍ଥା କରାଇଛନ୍ତି ଜିଲ୍ଲାପାଳ  ।

ସକାଳୁ ସକାଳୁ ସିଧାସଳଖ ଜିଲ୍ଲାପାଳ ବାହାରି ପଡିଥିଲେ ସାନଖେମୁଣ୍ଡି ଅଞ୍ଚଳକୁ । ଅନାଥ ହୋଇଯାଇଥିବା ୩ ଶିଶୁଙ୍କ ଘରେ ପହଁଚି ସେମାନଙ୍କ ସହ ଆଲୋଚନା କରିଥିଲେ   । କେମିତି ପଢୁଛନ୍ତି, କିପରି ଚଳୁଛନ୍ତି  । ସମସ୍ତ କଥା ପଚାରି ବୁଝିଥିଲେ ଜିଲ୍ଲାପାଳ କୁଲାଙ୍ଗେ । ପିଲାଙ୍କ ଦାୟିତ୍ୱ ନେବା ସହ ସେମାନଙ୍କ ପଢା ପାଇଁ ମୁଖ୍ୟମନ୍ତ୍ରୀଙ୍କ ରିଲଫ ପାଣ୍ଠିରୁ ଦଶ ହଜାର, ରେଡକ୍ରସ ପାଣ୍ଠିରୁ ୨୦ହଜାର ଓ ଗୁରୁକଲ୍ୟାଣ ପାଣ୍ଠିରୁ ୧୫ହଜାର ଟଙ୍କା ପ୍ରଦାନ କରିଛନ୍ତି ।

 ତାଙ୍କ ସହ ସାନଖେମୁଣ୍ଡି ତହସିଲଦାର ବିଡ଼ିଓ, ଗୋଷ୍ଠୀ ଶିକ୍ଷା ଅଧିକାରୀ, ସିଆରସିସି, ଶିକ୍ଷକ ସ୍ଥାନୀୟ ସରପଞ୍ଚ ସମିତି ସଭ୍ୟ ଉପସ୍ଥିତ ଥିଲେ । ଆଗାମୀ ଦିନରେ ସେମାନଙ୍କୁ ସମସ୍ତ ସରକାରୀ ଯୋଜନାରେ ସାମିଲ କରାଯିବ ପ୍ରତିଶ୍ରୁତି ଦେଇଛନ୍ତି ଜିଲ୍ଲାପାଳ।।

ବିଧାୟକ ତାରା ବାହିନୀପତି ଅସୁସ୍ଥ, ଆରୋଗ୍ୟ କମନା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଜୟପୁର ବିଧାୟକ ତାରା ପ୍ରସାଦ ବାହିନୀପତି କୋଭିଡ ସଂକ୍ରମିତ । କରୋନା ସଂକ୍ରମିତ ହେବା ପରେ ରାଜଧାନୀର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି ବିଧାୟକ ତାରା ବାହିନୀପତି । ବର୍ତ୍ତମାନ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବାନେଇ ସୂଚନା ଦେଇଛନ୍ତି ପତ୍ନୀ ତଥା କଂଗ୍ରେସ ଜିଲ୍ଲା ସଭାପତି ମିନାକ୍ଷୀ ସେନାପତି ।

ସେପଟେ ଜୟପୁର ବିଧାୟକ ତାରା ପ୍ରସାଦ ବାହିନୀପତିଙ୍କ ଅସୁସ୍ଥ ଖବର ପାଇବା ପରେ ମୁଖ୍ୟମନ୍ତ୍ରୀ ଚିନ୍ତିତ ଥିବା ଟ୍ବିଟ୍ କରି କହିଛନ୍ତି । ତାଙ୍କ ଆଶୁ ଆରୋଗ୍ୟ ଏବଂ ଉତ୍ତମ ସ୍ୱାସ୍ଥ୍ୟ କାମନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ସାଙ୍ଗମାନଙ୍କ ସହ ଯାଉଥିବା ବେଳେ ଗଣ ଦୁଷ୍କର୍ମର ଶିକାର ହେଲ ୧୯ ବର୍ଷୀୟ ଯୁବତୀ

ବରେଲି: ଗଣଦୁଷ୍କର୍ମ ଘଟଣାରେ ପୋଲିସକୁ ମିଲିଲା ବଡ଼ ସଫଳତା । ବରେଲି ଜିଲ୍ଲାର ଜଣେ ୧୯ ବର୍ଷର ଯୁବତୀଙ୍କୁ ୬ ଜଣ ଗଣଦୁଷ୍କର୍ମ କରିଛନ୍ତି । ଏହି ଘଟଣାରେ ଇଜ୍ଜତନଗର ପୋଲିସକୁ ବଡ଼ ଫଳତା ମିଳିଛି । ଗଣ ଦୁଷ୍କର୍ମ ଅଭିଯୋଗରେ ପୋଲିସ ୬ ଜଣଙ୍କ ମଧ୍ୟରୁ ଦୁଇଜଣଙ୍କୁ ଗିରଫ କରିଛି। ଏବଂ ଅନ୍ୟମାନଙ୍କୁ ଚିହ୍ନଟ କରିବାକୁ ଜୋରସୋରରେ ପ୍ରୟାସ ଚଳାଇଛି ପୋଲିସ । ଏମାନଙ୍କ ମଧ୍ୟରୁ ଜଣଙ୍କୁ ପୋଲିସ ଏନକାଉଣ୍ଟର ବେଳେ ଗିରଫ କରିଛି।

ପୋଲିସ ସହିତ ଧସ୍ତାଧସ୍ତି ସମୟରେ ୨୨ ବର୍ଷୀୟ ଅଭିଯୁକ୍ତ ବିଶାଲର ପାଦରେ ଗୁଳି ବାଜିଥିବା ସୂଚନା ମିଳିଛି । ଏହା ବ୍ୟତୀତ ଅନ୍ୟ ଜଣେ ଅଭିଯୁକ୍ତ ହେଉଛି ଅନୁଜ ପଟେଲ, ଯାହାର ବୟସ ୨୩ ବର୍ଷ । କିନ୍ତୁ ଚାରିଜଣ ଅଭିଯୁକ୍ତ ଏବେ ବି ଫେରାର ଅଛନ୍ତି , ଏମାନଙ୍କୁ ଧରିବାକୁ ପୋଲିସର କିଛି ଟିମ୍ ଲାଗିପଡ଼ିଛନ୍ତି ।

ଘଟଣାଟି ହେଉଛି ମେ ୩୧ର, ଯେତେବେଳେ ଯୁବତୀ ଜଣଙ୍କ ତାର ଦୁଇ ସାଙ୍ଗଙ୍କ ସହ କୌଣସି ସ୍ଥାନକୁ ଯାଉଥିଲା । ସେହି ସମୟରେ ଏହି ୬ଜଣ ଦୁର୍ବୃତ୍ତ ସେମାନଙ୍କୁ ରୋକିବା ସହ ଯୁବତୀ ଜଣଙ୍କୁ ଉଠାଇ ନେଇ ଦୁଷ୍କର୍ମ କରିଥିଲେ । ପୋଲିସ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ଯୁବତୀ ଜଣଙ୍କ ଲୋକଲଜ୍ଜାରୁ ବଞ୍ଚିବାକୁ କୌଣସି ମାମଲା ରୁଜୁ କରି ନଥିଲେ । କେବଳ ସେତିକି ନୁହେଁ ସେ ଏହି ଘଟଣା ବିଷୟରେ ନିଜ ପରିବାର ସଦସ୍ୟଙ୍କୁ ମଧ୍ୟ ଜଣାଇ ନଥିଲେ।

କିନ୍ତୁ ଯେତେବେଳେ ସେ ଘରେ ନିରବ ରହିଲେ ଏବଂ ପ୍ରତ୍ୟେକ କଥାରେ ବିରକ୍ତ ହେବାକୁ ଲାଗିଲେ, ସେତେବେଳେ ତାଙ୍କ ପରିବାରଲୋକ ତାଙ୍କୁ ପଚାରାଉଚରା କରି ଥିଲେ । ଏବଂ ଏହା ପରେ ମେ, ୫ରେ ଯୁବତୀ ଜଣଙ୍କ ପୋଲିସ ଷ୍ଟେସନ ଯାଇ ୬ଜଣ ଦୁର୍ବୃତ୍ତଙ୍କ ବିରୋଧରେ ଗଣଦୁଷ୍କର୍ମ ମାମଲା ରୁଜୁ କରିଥିଲେ । ପୋଲିସର କହିବା ଅନୁସାରେ, ଏନେଇ ଅଧିକ ତଦନ୍ତ ଚାଲିଛି ଏବଂ ଯୁବତୀ ଜଣଙ୍କର ଡାକ୍ତରୀ ଯାଞ୍ଚ କରାଯାଉଛି। ତେବେ ଘଟଣାରେ ରବିବାର ଦିନ ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଅନ୍ୟ ୪ଜଣ ଫେରାର ଅଭିଯୁକ୍ତକୁ ଗିରଫ କରିବା ପାଇଁ ଉଦ୍ୟମ ଜାରି ରହିଛି।

ହୋଲସେଲ୍ ମାର୍କେଟରେ କମିଲା ସୁନା ଦର: ଭାରି ରିହାତି ଦେଉଛନ୍ତି ବୁଲିୟାନ୍ ଡିଲର

ନୂଆଦିଲ୍ଲୀ: ପୁଣି କରୋନା କମାଇଲା ସୁନା ଦର । ହୋଲସେଲ୍ ମାର୍କେଟରେ କମିଲା ସୁନା  ବାର୍‌ର ରେଟ୍ । ପ୍ରତି ଆଉଁସ ଅର୍ଥାତ ୩୧ ଗ୍ରାମରେ ୧୨ ଡଲାରର ଡିସ୍‌କାଉଣ୍ଟ ଦେଉଛନ୍ତି ବୁଲିୟାନ୍ ଡିଲର (ଯେଉଁମାନେ ବ୍ୟାଙ୍କ କିମ୍ୱା ବିଦେଶରୁ ବଡ଼ ଆକାରରେ ସୁନା ବିସ୍କୁଟ ଓ ବାର୍ ଆଣି ଦେଶରେ ଗହଣା ଦୋକାନୀଙ୍କୁ ବ୍ରିକ୍ରି କରନ୍ତି) । ଦେଶରେ କମୁଥିବା ସୁନା ଚାହିଦା ଯୋଗୁଁ ଏଭଳି ଭାରି ରିହାତି ଦେଉଛନ୍ତି ସୁନା ବ୍ୟବସାୟୀ ।

ଦେଶର ବିଭିନ୍ନ ରାଜ୍ୟରେ ଏଯାବତ୍ କରୋନା କଟକଣାକୁ ସମ୍ପୂର୍ଣ୍ଣ ହଟାଇପାରିନି ଏବଂ କିଛି ରାଜ୍ୟରେ କରୋନା କଟକଣାକ କୋହଳ କରିବାକୁ ସମ୍ପୃକ୍ତ ରାଜ୍ୟ ସରକାର ଯୋଜନା କରୁଥିଲେ ମଧ୍ୟ ଏହାକୁ ଲାଗୁ କରିପାରିନାହାଁନ୍ତି । ଏରୁ ଦେଶରେ ସୁନାର ଚାହିଦା କମିବାରେ ଲାଗିଛି । ଏଥିସହିତ ବିଦେଶ ବଜାରରେ ମଧ୍ୟ ସୁନା ଦର ହ୍ରାସ ଭାରତରେ ହୋଲସେଲ୍ ମାର୍କେଟରେ ସୁନାର ଦର ହ୍ରାସର ଅନ୍ୟ ଏକ କାରଣ ବୋଲି କୁହାଯାଉଛି ।

          ବିଶେଷ କରି ମୁମ୍ୱାଇରେ ବୁଲିୟନ୍ ଡିଲରମାନେ ଏବେ ସୁନା ଉପରେ ବଡ଼ ଡିସ୍‌କାଉଣ୍ଟ ଦେଉଛନ୍ତି । ଡିଲାରମାନେ ପ୍ରତି ଆଉଁସ୍ ଅର୍ଥାତ ୩୧ ଗ୍ରାମ ସୁନା ଉପରେ ୧୨ ଡଲାର ଯାଏଁ ଡିସ୍‌କାଉଣ୍ଟ ଦେଉଛନ୍ତି । ଯାହା ଗତ ସେପ୍ୱମ୍ୱର ମାସ ପରଠାରୁ ସର୍ବାଧିକ । ତେବେ ଏଥିରେ ୧୦.୭୫ ପ୍ରତିଶତର କଷ୍ଟମ୍ ଡ୍ୟୁଟି ଓ ୩ ପ୍ରତିଶତର ବିକ୍ରି  କର ସାମିଲ ରହିଛି । ଗତ ସପ୍ତାହରେ ଦିଆଯାଉଥିବା ୧୦ ଡଲାର ରିହାତିକୁ ବଢ଼ାଇ ଏହି ଡିସ୍‌କାଉଣ୍ଟ ଦିଆଯାଉଛି । ତେବେ ଏଭଳି ଭାରି ରିହାତି ସତ୍ତ୍ୱେ ଗହଣା ଦୋକାନୀ କେବଳ ପଚରାଉଚରା କରୁଛନ୍ତି କିନ୍ତୁ କୌଣସି ପ୍ରକାର ଅର୍ଡର ଦେଉନଥିବା କହିଛନ୍ତ ବୁଲିୟନ୍ ଡିଲର । ବିଭିନ୍ନ ରାଜ୍ୟରେ ଏଯାବତ୍ କରୋନା କଟକଣା ହଟାଯାଇନଥିବାରୁ ସେମାନ କୌଣସି ଅର୍ଡର ଦେଉନଥିବା କହିଛନ୍ତି ।

          ଅପରପକ୍ଷରେ ଚୀନର ବୁଲିୟନ୍ ଡିଲର ମାନେ ମଧ୍ୟ ବଡ଼ ଧରଣ ରିହାତି ଦେଉଛନ୍ତି । ପ୍ରାୟ ୨୦ ଡଲାରରୁ ୫୦ ଡଲାର ରିହାତି ଦେଉଛନ୍ତି । ଚୀନରେ କରୋନା ପୁଣି କାୟା ମେଲାୟଥିବାରୁ ନୂଆ କଟକଣା ମଧ୍ୟ ଲାଗୁ କରାଯାଉଛି । ଆଉ ଏହି କାରଣରୁ ସେଠାରେ ମଧ୍ୟ ସୁନା ଦର ହ୍ରାସ ହୋଇଛି । ଚୀନର ଗୁଆଙ୍ଗଝୋ କରୋନା ମାମଲା ବଢ଼ୁଥିବା କାରଣରୁ ଲକଡାଉନ୍ ଲାଗୁ କରାଯାଇଛି । ଆଉ ଏହା ଦ୍ୱାରା ସମସ୍ତ ସୁନା ନିର୍ମାତାଙ୍କୁ ପ୍ରଭାବିତ କରିଛି । କିନ୍ତୁ ଆମେରିକାରେ ସୁନା ଦରରେ ବୃଦ୍ଧି ଘଟିଛି । ତେବେ ହୋଲ୍‌ସେଲ୍‌ ମାର୍କେଟରେ ସୁନା ଦର କମ୍‌ ରହିଲେ ଗ୍ରାହକମାନେ ଆଗକୁ ରିହାତି ମୂଲ୍ୟରେ ଗହଣା ପାଇପାରିବେ ବୋଲି ଆଶା କରାଯାଉଛି ।

ଗୋଟିଏ ଦିନରେ ହୋଇଯିବେ ଲକ୍ଷପତି ! ଜୁନ୍ ୧୪ରୁ ୧୬ ପର୍ଯ୍ୟନ୍ତ ରୋଜଗାର କରବାର ସୁଯୋଗ

ନୂଆଦିଲ୍ଲୀ: ଯଦି ଆପଣ ଏହି ମାସରେ ଭଲ ରୋଜଗାର କରିବାକୁ ଚାହୁଁଛନ୍ତି ତାହାଲେ ଆପଣଙ୍କର ଏକ ଭଳ ସୁଯୋଗ ଅଛି । ଆଉ ଏହି କିଛିଦିନରେ ଆପଣ ବହୁତ ଭଲ ରୋଜଗାର ମଧ୍ୟ କରିପାରିବେ । ଜୁନ୍ ୧୪ ରୁ ୧୬ ପର୍ଯ୍ୟନ୍ତ ଆପଣ ବହୁତ ଭଲ ରୋଜଗାର କରିବାକୁ  ସୁଯୋଗ ଦେଇଛି ଏକ କମ୍ପାନୀ । କୋଲକାତାର ଇସ୍ପାତ ଉତ୍ପାଦନକାରୀ କମ୍ପାନୀ ଶ୍ୟାମ ମେଟାଲିକ୍ ଏବଂ ଏନର୍ଜି ଲିମିଟେଡ୍ ଆପଣଙ୍କୁ ଏହି ସୁଯୋଗ ଦେଉଛି । କମ୍ପାନୀ ତାହାର IPO ସହିତ ଆସୁଛି, ଯାହା ମାଧ୍ୟମରେ ନିବେଶକମାନେ ଭଲ ଟଙ୍କା ରୋଜଗାର କରିପାରିବେ । ଜାଣନ୍ତୁ ଆପଣ କିପରି ଟଙ୍କା ବିନିଯୋଗ କରିପାରିବେ

ଆଇପିଓ ମାଧ୍ୟମରେ କମ୍ପାନୀ ୧୧୦୭ କୋଟି ଟଙ୍କା ସଂଗ୍ରହ କରିବାକୁ ଯୋଜନା କରୁଛି। ଯଦି ଏହି IPO ୧୪ ଜୁନ୍ ରେ ଲଞ୍ଚ ହେବ, ତେବେ ଆପଣ ୧୪ ରୁ ୧୬ ତାରିଖ ମଧ୍ୟରେ ଏଥିରେ ଟଙ୍କା ବିନିଯୋଗ କରିପାରିବେ । ଏହାସହ, ନିବେଶକଙ୍କ ପାଇଁ ନିଲାମ ପ୍ରକ୍ରିୟା ଜୁନ୍ ୧୧ରେ ଖୋଲିବ ।

କେତେ ସେୟାର ଦେବ କମ୍ପାନୀ ?

ସୂଚନା ଅନୁଯାୟୀ, ମାର୍କେଟ ରେଗୁଲେଟର SEBI ନିକଟରେ ଦାଖଲ ହୋଇଥିବା କମ୍ପାନୀର ଡ୍ରାଫ୍ଟ ରେଡ ହେରିଙ୍ଗ ପ୍ରୋସପେକ୍ଟସ (DRHP) ଅନୁଯାୟୀ, ଏହି ସାର୍ବଜନୀନ ପ୍ରସଙ୍ଗ ପାଇଁ କମ୍ପାନୀ ୬୫୭ କୋଟି ଟଙ୍କାର ନୂତନ ଇକ୍ୱିଟି ସେୟାର ପ୍ରଦାନ କରୁଥିବାବେଳେ ପ୍ରମୋଟର ଏବଂ ପୂର୍ବରୁ ଥିବା କମ୍ପାନୀର ନିବେଶକମାନେ ଅଫର ଫର ସେଲ୍ OFS ଦ୍ୱାରା ୪୫୦କୋଟି  ଟଙ୍କାର ସେୟାର ପ୍ରଦାନ କରିବ ।

କେଉଁଠାରେ ବ୍ୟବହୃତ ହେବ ପାଣ୍ଠି ?

ଆଇପିଓ ମାଧ୍ୟମରେ ଉଠାଯାଇଥିବା ୬୫୭ କୋଟି ଟଙ୍କା କମ୍ପାନୀ ନିଜେ ଏବଂ ଏହାର ସହଯୋଗୀ କମ୍ପାନୀ SSPLର ଋଣ ପରିଶୋଧ କରିବା ପାଇଁ ବ୍ୟବହାର କରିବ ।

ଏହି ଆଇପିଓ ପାଇଁ ଶ୍ୟାମ ମେଟାଲିକ୍, ଆଇସିଆଇସିଆଇ ସିକ୍ୟୁରିଟି (ICICI Securities), ଆକ୍ସିସ୍ କ୍ୟାପିଟାଲ୍(Axis Capital ), ଆଇଏଫ୍ଏଲ୍ ସିକ୍ୟୁରିଟିଜ୍ (IIFL Securities), ଜେଏମ୍ ଫାଇନାନ୍ସିଆଲ୍ (JM Financial)  ଏବଂ ଏସବିଆଇ କ୍ୟାପିଟାଲ (SBI Capital)କୁ ଏହାର ମୁଖ୍ୟ ପରିଚାଳକ ଭାବରେ ନିଯୁକ୍ତ କରିଛି।

କମ୍ପାନୀର ବ୍ୟବସାୟ କିଭଳି ହେଉଛି ?

କମ୍ପାନୀର ବ୍ୟବସାୟ ବିଷୟରେ ଜାଣିବାକୁ ଗଲେ, କମ୍ପାନୀ ୧୩ ଟି ରାଜ୍ୟ ଏବଂ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ୪୨ ବିତରକଙ୍କ ଏକ ଟିମ୍ ଗଠନ କରିଛି । ଓଡିଶାର ସମ୍ବଲପୁର, ପଶ୍ଚିମବଙ୍ଗର ଜାମୁରିଆ ଏବଂ ମଙ୍ଗଲପୁରରେ ଏହାର ମୋଟ ତିନୋଟି କାରଖାନା ଅଛି।

କମ୍ପାନୀ ଉପରେ ଋଣ କେତେ ?

ଏହା ବ୍ୟତୀତ କମ୍ପାନୀ ଉପରେ ମୋଟ ୩୮୧.୧୨ କୋଟି ଟଙ୍କା ଋଣ ଅଛି । ଏହାସହ ଏହାର ସହଯୋଗୀ କମ୍ପାନୀ ଉପରେ ୩୯୮.୬୦ କୋଟି ଟଙ୍କା ଋଣ ଥିଲା।  କମ୍ପାନୀ ଉପରେ ସମୁଦାୟ ୮୮୬,୨୯ କୋଟି ଟଙ୍କା ଋଣ ଅଛି ।

କେତେ ଲାଭ ?

୧.  ୨୦୨୦-୨୧ ଆର୍ଥିକ ବର୍ଷର ଡିସେମ୍ବର ତ୍ରୟମାସିକ ପର୍ଯ୍ୟନ୍ତ କମ୍ପାନୀର ମୋଟ ରାଜସ୍ୱ ୩୯୩୩.୦୮ କୋଟି ଟଙ୍କା ଥିଲା।

୨. ଗତ ବର୍ଷ ଏହି ଅବଧିରେ କମ୍ପାନୀର ମୋଟ ରାଜସ୍ୱ ୩୨୮୩.୦୯ କୋଟି ଥିଲା।

୩. ଶ୍ୟାମ ମେଟାଲିକ୍ସର ଡିସେମ୍ବର ତ୍ରୟମାସରେ ନେଟ୍ ଲାଭ ୪୫୬.୩୨ କୋଟି ଥିଲା।

୪. ଗତ ଆର୍ଥିକ ବର୍ଷ Q3 ରେ କମ୍ପାନୀର ନେଟ୍ ଲାଭ ମାତ୍ର ୨୬୦.୩୬ କୋଟି ଟଙ୍କା ଥିଲା |

ଗଛ ଲଗାଇବା ଏକ ସ୍ଫୂର୍ତ୍ତିଦାୟକ ଅନୁଭବ: ମୁଖ୍ୟମନ୍ତ୍ରୀ

ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କ ପ୍ରକୃତି ପ୍ରେମ । ବୃକ୍ଷରୋପଣ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗଛ ଲଗାଇବା ଏକ ସ୍ଫୂର୍ତ୍ତିଦାୟକ ଅନୁଭବ ଥିଲା ବୋଲି ଟ୍ବିଟ୍ କରିଛନ୍ତି ମୁଖ୍ୟମନ୍ତ୍ରୀ । ସେ ଲେଖିଛନ୍ତି, ଏହି ଗଛ ବଡ଼ ହେଲେ ଏଥିରେ ଦିନେ ଚଢ଼େଇ ବସା କରିବ । ଶୁଭିବ ଚଢ଼େଇଙ୍କ କିଚିରିମିଚିରି ଶବ୍ଦ । ଫୁଲ ଉପରେ ମହୁମାଛି ବସିବ । ଗଛର ଫଳଫୁଲ ଓ ଛାଇକୁ ସମସ୍ତେ ଉପଭୋଗ କରିବେ । ଜନନୀ ଜନ୍ମଭୂମିଶ୍ଚ ସ୍ବାର୍ଗାଦପି ଗରିୟସୀ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ୍ କରିଛନ୍ତି ।

ଏଥିସହିତ ପଢ଼ନ୍ତୁ: ୟୁପି ରାଜନୀତି: ବୈଠକକୁ ଡାକିଲେନି, ଜନ୍ମଦିନରେ ଶୁଭେଚ୍ଛା ବି ଜଣାଇଲେନି

 

ନୀଳଗିରି ବିଧାୟକଙ୍କ ମନ୍ତବ୍ୟକୁ ନେଇ ଭକ୍ତଙ୍କ ମଧ୍ୟରେ ତୀବ୍ର ଅସନ୍ତୋଷ: କହିଲେ, ଏହା ଏକ ଗୁରୁତର ଅପରାଧ

ବାଲେଶ୍ୱର: ନୀଳଗିରିରେ ମହାପ୍ରଭୁ ଜଗନ୍ନାଥଙ୍କ ରଥଯାତ୍ରା ନେଇ ବିଧାୟକ ଲେଖିଥିବା ବିବାଦୀୟ ଚିଠିକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।  ମହାପ୍ରଭୁଙ୍କ ରଥଯାତ୍ରା ନେଇ ଖର୍ଚ୍ଚକୁ ଅଯଥା କହିବା ଅତ୍ୟନ୍ତ ଅଶୋଭନୀୟ । ଜଣେ ଜନ ପ୍ରତିନିଧି ଏବଂ ହିନ୍ଦୁ ଭାବେ ଏଭଳି ଚିଠି ଲେଖିବା ଆଦୌ ସମୁଚୀନ ନୁହେଁ । ଏହା ଏକ ପ୍ରକାର ଗୁରୁତର ଅପରାଧ ଭାବେ ମନେ କରନ୍ତିୁ ଜଣେ ଭକ୍ତ କହିଛନ୍ତି ।

ସେହିଭଳି ଅନ୍ୟ ଜଣେ ଭକ୍ତ କହିଛନ୍ତି ଯେ, ଏଠାରେ ହେଉଥିବା ଜଗନ୍ନାଥଙ୍କ ରଥଯାତ୍ରା ମନ୍ଦିର ଅର୍ଥରେ ହୋଇଥାଏ ଏଥିଲାଗି ରାଜ୍ୟ ସରକାରଙ୍କ ପକ୍ଷରୁ ଆସୁଥିବା ପାଣ୍ଠି ନଗନ୍ୟ । ବର୍ଷକୁ ମାତ୍ର ୧୦ରୁ ୧୨ ଟଙ୍କା ଆସିଥାଏ । କିନ୍ତୁ ଏ ସବୁ ବିଷୟରେ ନ ଜାଣି ଏଭଳି ମନ୍ତବ୍ୟ ରଖିବା ଅତ୍ୟନ୍ତ ଅଶୋଭନୀୟ ଏହା ଅଗଣିତ ଜଗନ୍ନାଥ ପ୍ରେମୀଙ୍କ ଭାବାବେଗ ପ୍ରତି କୁଠାରଘାତ  । ସେ ଯଥାଶୀଘ୍ର ଏଥିଲାଗି କ୍ଷମା ପ୍ରାର୍ଥନା କରନ୍ତୁ ଏହା ପରେ ତାଙ୍କ ବିଷୟରେ ବିଚାର କରାଯିବ ।

ଏଥିସହିତ ପଢ଼ନ୍ତୁ: ବିଜେପି ବିଧାୟକଙ୍କ ବିବାଦୀୟ ଚିଠି: ‘ରଥ ନିର୍ମାଣ ଖର୍ଚ୍ଚ ଅଯଥା, ଏହାକୁ ତୁରନ୍ତ ବନ୍ଦ କର’

ଘରକୁ ଘର ରାଶନ ଯୋଜନାକୁ ନେଇ କେନ୍ଦ୍ର ଓ କେଜ୍ରିୱାଲ ମୁହାଁମୁହିଁ

ନୂଆଦିଲ୍ଲୀ: ଘରକୁ ଘର ରାଶନ ଯୋଜନାକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ କେନ୍ଦ୍ର ସରକାର ପୁଣିଥରେ ମୁହାଁମୁହିଁ ହୋଇଛନ୍ତି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ, ଆସନ୍ତା ସପ୍ତାହରୁ ଘରକୁ ଘର ରାଶନ ଯୋଜନା କାର୍ଯ୍ୟକାରୀ ହେବାକୁ ଯାଉଥିଲା । କିନ୍ତୁ ଏହାକୁ ଏହା କହି ରୋକି ଦିଆଗଲା ଯେ, ଏଥିପାଇଁ କେନ୍ଦ୍ର ସରକାରଙ୍କ ଅନୁମତି ନିଆଯାଇ ନାହିଁ । ଏହା ଭୂଲ ।
ଏହା ସହିତ କେଜ୍ରିୱାଲ ଅଭିଯୋଗ କରିଛନ୍ତି ଯେ, ଆମେ ଥରୁଟିଏ ନୁହେଁ ୫ଥର କେନ୍ଦ୍ରଠାରୁ ଏହି ଯୋଜନା ପାଇଁ ଅନୁମତି ନେଇଛୁ । ଆଇନଗତ ଭାବେ ଏଥିପାଇଁ ଅନୁମତିର ଆବଶ୍ୟକତା ନାହିଁ । ରାଶନର ହୋମ ଡେଲିଭରି କାହିଁକି ହୋଇ ପାରିବ ନାହିଁ ବୋଲି ସେ ପ୍ରଶ୍ନ କରିଛନ୍ତି । କେନ୍ଦ୍ର ରାଶନ ମାଫିଆ ସହିତ ଛିଡା ହୋଇଥିବା ଅଭିଯୋଗ ଆଣି ସେ କହିଛନ୍ତି ଯେ, ଆପଣ ଯଦି ରାଶନ ମାଫିଆ ସହିତ ଛିଡା ହେବେ ତେବେ ଗରିବଙ୍କର କ’ଣ ହେବ । ସେହି ୭୦ ଲକ୍ଷ ଗରିବଙ୍କର କ’ଣ ହେବ ଯେଉଁମାନଙ୍କ ରାଶନ ମାଫିଆ ଚୋରି କରୁଛି ।
ଦିଲ୍ଲୀ ସରକାରଙ୍କ କହିବା ହେଉଛି କେନ୍ଦ୍ର ସରକାର ଏହି ବୈପ୍ଲବିକ ଯୋଜନାକୁ ଅଟକାଉଛନ୍ତି । ଦୁଇଟି କାରଣ ଦର୍ଶାଇ ରାଶନର ହୋମ ଡେଲିଭରିକୁ ଉପ ରାଜ୍ୟପାଳ ରୋକୁଛନ୍ତି । କେନ୍ଦ୍ର ଏଥିପାଇଁ ଅନୁମତି ଦେଇ ନାହିଁ ଓ ଏହି ଯୋଜନା ବିରୋଧରେ ଅଦାଲତରେ ମାମଲା ଚାଲୁଥିବାରୁ ଫାଇଲକୁ ଉପ ରାଜ୍ୟପାଳ ଅଟକାଇଛନ୍ତି ।

ଏଥିସହିତ ପଢ଼ନ୍ତୁ: ୟୁପି ରାଜନୀତି: ବୈଠକକୁ ଡାକିଲେନି, ଜନ୍ମଦିନରେ ଶୁଭେଚ୍ଛା ବି ଜଣାଇଲେନି

ବିବାଦର କାରଣ କ’ଣ ?
ରାଶନର ହୋମ ଡେଲିଭରିକୁ ନେଇ ଦିଲ୍ଲୀ ଓ କେନ୍ଦ୍ର ସରକାରଙ୍କ ମଧ୍ୟରେ ବିବାଦ ପୁରୁଣା । ଦିଲ୍ଲୀ ସରକାରଙ୍କ ଏହି ଯୋଜନାକୁ ପ୍ରଥମେ କେନ୍ଦ୍ର ଏହା କହି ବିରୋଧ କରିଥିଲା ଯେ, ଏହି ଯୋଜନା କେନ୍ଦ୍ର ସରକାରଙ୍କ ଜାତୀୟ ଖାଦ୍ୟ ନିରାପତ୍ତା ଆଇନ୍ ଅନ୍ତର୍ଗତରେ ଆସୁଛି । ଏଥିରେ କୌଣସି ପ୍ରକାରର ପରିବର୍ତ୍ତନ ରାଜ୍ୟ କରିପାରିବେ ନାହିଁ । କେବଳ ସଂସଦ ହିଁ ଯୋଜନାରେ ପରିବର୍ତ୍ତନ କରି ପାରିବ । ତେଣୁ ଦିଲ୍ଲୀ ସରକାର ନା ଯୋଜନାର ନାମ ପରିବର୍ତ୍ତନ କରି ପାରିବ ନା ଏହାକୁ ଆଉ କୌଣସି ଯୋଜନା ସହିତ ଯୋଡି ପାରିବ । ସୂଚନାଯୋଗ୍ୟ ଯେ, ଦିଲ୍ଲୀ ସରକାର ଏହି ଯୋଜନାକୁ ମୁଖ୍ୟମନ୍ତ୍ରୀ ଘରକୁ ଘର ରାଶନ୍ ଯୋଜନା ନାଁ ଆରମ୍ଭ କରିବାକୁ ଚାହୁଁଥିଲା । ନାମକରଣକୁ ନେଇ ବିବାଦ ପରେ ଦିଲ୍ଲୀ ସରକାର ଯୋଜନାରୁ ମୁଖ୍ୟମନ୍ତ୍ରୀଙ୍କ ନାମ ହଟାଇ ଦେଇଥିଲେ । ଏହା ପରେ ଦିଲ୍ଲୀ ସରକାର ଏହାକୁ ଘରକୁ ଘର ରାଶନ ଯୋଜନା ନାମରେ ଆରମ୍ଭ କରିବାକୁ ଚାହିଁଥିଲେ । କିନ୍ତୁ କେନ୍ଦ୍ର ସରକାର ଏହାକୁ ମଧ୍ୟ ମଞ୍ଜୁରୀ ଦେବାକୁ ମନା କରିଦେଇଛନ୍ତି ।

ୟୁପି ରାଜନୀତି: ବୈଠକକୁ ଡାକିଲେନି, ଜନ୍ମଦିନରେ ଶୁଭେଚ୍ଛା ବି ଜଣାଇଲେନି

ଲକ୍ଷ୍ଣୌ: ଗତ ୨ ସପ୍ତାହ ହେଲା ଉତ୍ତରପ୍ରଦେଶରେ ଚାଲିଛି ଘନ ଘନ ବୈଠକ । ରାଷ୍ଟ୍ରୀୟ ସ୍ୱୟଂ ସେବକ ସଂଘ ଓ ବିଜେପି କେନ୍ଦ୍ରୀୟ ଟିମ୍‌ର ଏଭଳି ବୈଠକ ୟୁପିରେ ବଡ଼ ଧରଣର ରାଜେନୖତିକ ପରିବର୍ତ୍ତନ ଆଡ଼କୁ ଇସାରା କରୁଛି । ଏହାରି ମଧ୍ୟରେ ଜନ୍ମଦିନ ଅବସରରେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଟ୍ୱିଟ୍‌ରେ ପ୍ରଧାନମନ୍ତ୍ରୀ ଶୁଭେଚ୍ଛା ନ ଜଣାଇବା ରାଜେନୖତିକ ପରିବର୍ତ୍ତନର ଏଭଳି ଆକଳନକୁ ଖୋରାକ୍ ଯୋଗାଇଛି ।

            ଗତକାଲି ଯୋଗୀ ଆଦିତ୍ୟ ନାଥଙ୍କ ଜନ୍ମଦିନ ଥିବା ବେଳେ ବିଜେପିର ବିଗ୍ ଫେସ୍‌ମାନେ ତାଙ୍କୁ ଶୁଭେଚ୍ଛା ଜଣାଇନାହାନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ରମନ୍ତ୍ରୀ ଅମିତ ଶାହ ଓ ବିଜେପି ଅଧ୍ୟକ୍ଷ ଜେ.ପି ନଡ୍ଡା ମଧ୍ୟରୁ କେହିଁ ବି ସାର୍ବଜନୀନ ଭାବେ ଯୋଗୀଙ୍କୁ ଜନ୍ମଦିନ ଅବସରରେ ଶୁଭେଚ୍ଛା ଜଣାଇନଥିବା ବେଳେ ଫୋନ୍ ଯୋଗେ ପ୍ରଧାନମନ୍ତ୍ରୀ ମୋଦି ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶୁଭେଚ୍ଛା ଜଣାଇଥିବା ଜଣାପଡ଼ିଛି । ତେବେ ଗତ ବର୍ଷ କରୋନା କାଳରେ ପ୍ରଧାନମନ୍ତ୍ରୀ ମୋଦି, କେନ୍ଦ୍ରମନ୍ତ୍ରୀ ଅମିତ ଶାହ ଓ ବିଜେପି ଅଧ୍ୟକ୍ଷ ଜେ.ପି ନଡ୍ଡା ତାଙ୍କୁ ଟ୍ୱିଟରେ ଯୋଗେ ଜନ୍ମଦିନର ଶୁଭେଚ୍ଛା ଜଣାଇଥିଲେ । ଏଣୁ ଚଳିତ ବର୍ଷର ମହାମାରୀ ଜନିତ କ୍ଷୟକ୍ଷତି ଓ ବର୍ତ୍ତମାନର ଦୁଃଖଦ ପରିସ୍ଥିତି  ଶୁଭେଚ୍ଛା ନଜଣାଇବାର କାରଣ ନୁହେଁ ବୋଲି ସ୍ପଷ୍ଟ ହୋଇଛି ।

ଏଭଳି କି ଗତ ୧୮ ମଇରେ ଅମିତ ଶାହା କେନ୍ଦ୍ରୀୟ ମନ୍ତ୍ରୀ ଥାବର ଚନ୍ଦ୍ର ଗେହଲଟ୍‌ଙ୍କୁ ଜନ୍ମଦିନର ଶୁଭେଚ୍ଛା ଜଣାଇଥିଲେ । ଏହି ସମୟରେ ଦେଶରେ କରୋନା ପିକ୍‌ରେ ମଧ୍ୟ ଥିଲା । ଏଣୁ ଶୁଭେଚ୍ଛା ନ ଜଣାଇବାର କାରଣ କରୋନା ନୁହେଁ ବୋଲି ସ୍ପଷ୍ଟ ହୋଇଛି ।  ଅପରପକ୍ଷରେ କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ, ରାଜନାଥ ସିଂହ ଓ ସ୍ମୃତି ଇରାନୀ କିନ୍ତୁ ଜନ୍ମଦିନ ଅବସରେ ଯୋଗୀ ଆଦିତ୍ୟନାଥଙ୍କୁ ଟ୍ୱିଟ୍‌ର ଯୋଗେ ଶୁଭେଚ୍ଛା ଜଣାଇଥିଲେ ଏବଂ ଯୋଗୀଙ୍କ ଟ୍ୱିଟ୍‌ର ହ୍ୟାଣ୍ଡଲରୁ ଏହାର ଉତ୍ତର ମଧ୍ୟ ଦିଆଯାଉଥିଲା ।

ସୂଚନା ଯୋଗ୍ୟ ଯେ, ଗତ ୨୪ ମଇରେ କେନ୍ଦ୍ରୀୟ ନେତୃତ୍ୱଙ୍କ ଏକ ବୈଠକ ହୋଇଥିଲା । ଯେଉଁଥିରେ ମୋଦି,ଅମିତ ଶାହ, ଜେ.ପି ନଡ୍ଡା ,ସୁନିଲ ବଂଶଲ, ଦତ୍ତାତ୍ରେୟ ହୋସବୋଲେ ସାମିଲ ଥିଲେ । ଆଗାମୀ ୧୦ ମାସ ପରେ ୟୁପିରେ ହେବାକୁ ଥିବା ନିର୍ବାଚନ ନେଇ ଏଥିରେ ଆଲୋଚନା ହୋଇଥିବା ବେଳେ ଯୋଗୀ କିନ୍ତୁ ଅନୁପସ୍ଥିତ ଥିଲେ । ଏଭଳି କି ପରବର୍ତ୍ତୀ ସମୟରେ ଦିଲ୍ଲୀରେ ଦଳର ସାଂଗଠନିକ ମହାସଚିବ ଭିଏଲ୍ ସନ୍ତୋଷ ବିଧାୟକ, ମନ୍ତ୍ରୀ ଓ ଉପ ମୁଖ୍ୟମନ୍ତ୍ରୀଙ୍କ ସହ ୟୁପିରେ ଦଳର ସ୍ଥିତି ନେଇ ଆଲୋଚନା କରିବା ସହ ଫିଡ୍‌ବ୍ୟାକ୍ ମଧ୍ୟ ନେଇଥିଲେ । ପରବର୍ତ୍ତୀ ସମୟରେ ସଂଘର ନେତାଙ୍କ ସହ ମଧ୍ୟରେ ଦିଲ୍ଲୀରେ ୟୁପି ନେଇ ଆଲୋଚନା ହୋଇଥିଲେ । କିନ୍ତୁ କୌଣସି ବି ବୈଠକରେ ଯୋଗୀ ଉପସ୍ଥିତ ନ ରହିବା ଦଳରେ ମଧ୍ୟରେ ଅଲ୍‌ ନଟ୍ ଓ୍ୱେଲ୍‌କୁ ଦର୍ଶାଉଛି ।