spot_img
Home Blog Page 5715

ଚଳିତ ବର୍ଷ ଟ୍ରାକକୁ ଫେରୁଛି ଅର୍ଥନୀତି, ସନ୍ତୋଷଜନକ GST ସଂଗ୍ରହ

ଭୁବନେଶ୍ୱର: କରୋନା ସଂକଟରେ ଟ୍ରାକ୍‌କୁ ଫେରୁଛି ଅର୍ଥନୀତି । ମେ ମାସରେ ସନ୍ତୋଷଜନକ ଜିଏସଟି ସଂଗ୍ରହ । ପୂର୍ବବର୍ଷ ତୁଳନାରେ ୯୦ ପ୍ରତିଶତ ବୃଦ୍ଧି । ୨୦୨୧ ମେ ମାସରେ ସଂଗ୍ରହ ହୋଇଛି 827 କୋଟି ଜିଏସଟି । ଯାହା ପୂର୍ବ ବର୍ଷ ତୁଳନାରେ ୯୦ ପ୍ରତିଶତ ଅଧିକ । 2020 ମେ’ରେ ଏହା 440 କୋଟି ଥିଲା । ସେହିପରି 2019 ମେ ମାସରେ 589 କୋଟି ଟଙ୍କା ଆଦାୟ ହୋଇଥିଲା । ଏହାକୁ ତୁଳନା କଲେ 40 ପ୍ରତିଶତ ବୃଦ୍ଧି ହୋଇଛି ଜିଏସଟି ସଂଗ୍ରହ ।

ଅନ୍ୟପଟେ ଆୟକର ରିଟର୍ଣ୍ଣ ଦାଖଲ ସମୟ ବୃଦ୍ଧି କରାଯାଇଥିବାରୁ ଆହୁରି ଅର୍ଥ ସଂଗ୍ରହର ସୁଯୋଗ ରହିଛି । ପେଟ୍ରୋଲ VAT ଓ ଏକ୍ସାଇଜ ସଂଗ୍ରହ ବି ଭଲ ହୋଇଛି । ତେବେ ଏପ୍ରିଲ ମାସ GST ସଂଗ୍ରହ ସହ ତୁଳନା ଠିକ ନୁହେଁ । ଏପ୍ରିଲ ମାସରେ ପ୍ରତି ବର୍ଷ ଅଧିକ ସଂଗ୍ରହ ହୋଇଥାଏ । କାରଣ ଆର୍ଥିକବର୍ଷ ଶେଷ ଓ ନୂଆ ଆର୍ଥିକ ବର୍ଷର GST ସଂଗ୍ରହର ଏହା ମିଶ୍ରିତ ପ୍ରଭାବ ଯୋଗୁ 1130 କୋଟି ହୋଇଥିଲା । ଆଗାମୀ ମାସରେ ଅଧିକ GST ସଂଗ୍ରହର ସୁଯୋଗ ରହିଥିବା ଅର୍ଥନୈତିକ ସମୀକ୍ଷକ କହିଛନ୍ତି ।

ଏପ୍ରିଲ ତୁଳନାରେ ମେ ମାସରେ କେନ୍ଦ୍ର ସରକାର 40ହଜାର କୋଟି କମ GST ସଂଗ୍ରହ କରିଛନ୍ତି । ସେହି ହିସାବରେ GST ଭରଣା ବାବଦରେ ଓଡ଼ିଶା ବି କମ ପାଇବ । ତେବେ ଗତବର୍ଷ ମେ ମାସର ରାଜସ୍ୱ ସଂଗ୍ରହକୁ ତୁଳନା କଲେ, ଓଡ଼ିଶା 22 ପ୍ରତିଶତ ଅଧିକ ସଂଗ୍ରହ କରିଛି । ଏଥିରେ କେନ୍ଦ୍ର ଅଧିକ ଦେବା ପରିବର୍ତ୍ତେ 11 ପ୍ରତିଶତ ଭରଣା କମ କରିଛି । ତେବେ ଗତ ବର୍ଷ ମେ ତୁଳନାରେ ରାଜ୍ୟ ଅଧିକ ରାଜସ୍ୱ ସଂଗ୍ରହ କରିବାର କାରଣ ଅଣ-ଟିକସ ବାବଦ ରାଜସ୍ୱ । ଯେଉଁଥିରୁ ରାଜ୍ୟ 181 ପ୍ରତିଶତ ଅଧିକ ପାଇଛି ।

ପାୱାର ବ୍ୟାଙ୍କରୁ ମୋବାଇଲ ଚାର୍ଜ କରୁଥିବା ସମୟରେ ବିସ୍ଫୋରଣ, ୧ ମୃତ

ଉମରିୟା: ମଧ୍ୟପ୍ରଦେଶର ଉମରିୟା ଜିଲ୍ଲାର ପାୱାର ବ୍ୟାଙ୍କରୁ ମୋବାଇଲ ଚାର୍ଜ କରିବା ବିପଦଜ୍ଜନକ ପ୍ରମାଣିତ ହୋଇଛି । ପାୱାର ବ୍ୟାଙ୍କରୁ ମୋବାଇଲ ଚାର୍ଜ କରୁଥିବାବେଳେ ପାୱାର ବ୍ୟାଙ୍କ ବିସ୍ଫୋରଣ ହୋଇ ଯୁବକ ଜଣଙ୍କ ଗୁରୁତର ଆହତ ହୋଇଛନ୍ତି । ଯୁବକଙ୍କୁ ଡାକ୍ତରଖାନା ନିଆଯାଇଥିବା ବେଳେ ଚିକିତ୍ସାଧିନ ଅବସ୍ଥାରେ ହିଁ ତାଙ୍କର ମୃତ୍ୟୁ ହୋଇଛି । ଘଟଣାଟି ଉମରିୟା ଜିଲ୍ଲାର ଛପରୋଡ ଗାଁର। ଏହି ଗାଁରେ ରହୁଥିବା ୨୮ ବର୍ଷୀୟ ରାମ ଶୁକ୍ରବାର ସକାଳେ ପାୱାର ବ୍ୟାଙ୍କରୁ ମୋବାଇଲ ଚାର୍ଜ କରୁଥିଲେ। ଚାର୍ଜିଂ ସମୟରେ ପାୱାର ବ୍ୟାଙ୍କ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ଯୁବକ ଜଣଙ୍କ ଗୁରୁତର ଆହତ ହୋଇଛନ୍ତି ।

ପାୱାର ବ୍ୟାଙ୍କର ବିସ୍ଫୋରଣ ଏତେ ଭୟଙ୍କର ଥିଲା ଯେ, ପୂରା ଘରର କାନ୍ଥରେ ତାର ଚିହ୍ନ ଥିଲା । ଗୁରୁତର ଆହତ ଯୁବକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଯେଉଁଠି ଚିକିତ୍ସା ସମୟରେ ଯୁବକଙ୍କ ମୃତ୍ୟୁ ହୋଇଥିଲା । ଯଦିଓ ପାୱାର ବ୍ୟାଙ୍କ କେଉଁ କମ୍ପାନୀର ଥିଲା ତାହା ସ୍ପଷ୍ଟ ହୋଇନାହିଁ, କିନ୍ତୁ ଏହି ଘଟଣା ପରେ ଗାଁରେ ଆତଙ୍କ ଖେଳିଯାଇଛି ।

କୁହାଯାଉଛି ଯେ, ଏହି ଘଟଣା ଘଟିବା ସମୟରେ ଯୁବକ ଜଣକ ପାୱାର ବ୍ୟାଙ୍କରୁ ମୋବାଇଲ ଚାର୍ଜ କରୁଥିଲେ ଏବଂ ମୋବାଇଲକୁ ନିଜ ହାତରେ ଧରି ଥିଲେ। ପାୱାର ବ୍ୟାଙ୍କ ବିସ୍ଫୋରଣ ହେବା ମାତ୍ରେ ଘରର ଛାତଟି ଉଡିଯାଇଥିଲା ଏବଂ ଘରର ଅନେକ ସ୍ଥାନରେ କାନ୍ଥ ଫାଟି ଯାଇଥିଲା । ମୃତକଙ୍କ ବାପାଙ୍କ ଅନୁଯାୟୀ ଯୁବକମାନେ ପାୱାର ବ୍ୟାଙ୍କରୁ ମୋବାଇଲ ଚାର୍ଜ କରୁଥିଲେ।

ଥାନାରେ ଗାଁ ଲୋକଙ୍କ ଭଙ୍ଗାରୁଜା, ନିର୍ଦ୍ଦୋଶୀକୁ ବାନ୍ଧିଥିବା ଅଭିଯୋଗ

ଗଞ୍ଜାମ: ଦିଗପହଣ୍ଡି ଥାନାରେ ଗାଁ ଲୋକଙ୍କ ଭଙ୍ଗାରୁଜା । କୋଟିନଡା ଗ୍ରାମର ଜଣେ ଯୁବକଙ୍କ ଏତଲା ଆଧାରରେ ୯ ଜଣଙ୍କୁ ଗିରଫ କରିଛି ପୋଲିସ୍ । ଏହାର ପ୍ରତିବାଦରେ ଆଜି ଗାଁ ଲୋକେ ଥାନାରେ ଭିତରେ ଧସେଇ ପଶିବାକୁ ଉଦ୍ୟମ କରିବା ସହ ଗେଟ୍‌ ଭାଙ୍ଗିବାକୁ ଚେଷ୍ଟା କରିଥିବା ଜଣା ପଡିଛି ।

ଉତ୍ତ୍ୟକ୍ତ ଲୋକଙ୍କ କହିବା କଥା, ଗ୍ରାମର ଜଣେ ଯୁବକ ବିଭିନ୍ନ ଅସାମାଜିକ କାର୍ଯ୍ୟରେ ଲିପ୍ତ ରହୁଥିବା ବେଳେ ପୋଲିସ ତାଙ୍କ ଅଭିଯୋଗ ଆଧାରରେ ୯ ଜଣ ନିର୍ଦ୍ଦୋଷଙ୍କୁ ଗିରଫ କରିଛି । ଯାହାକୁ ବିରୋଧ କରି ଗ୍ରାମବାସୀ ଥାନା ଆଗରେ ଧାରଣା ଦେଇଥିଲେ । ପୋଲିସ ଅଭିଯୋଗ ନରଖିବାରୁ ଗ୍ରାମବାସୀ ଥାନା ଭିତରେ ଧସେଇ ପଶିବାକୁ ଉଦ୍ୟମ କରିଥିଲେ ।

ମ୍ୟାଚ୍ ଫିକ୍ସିଂ ପାଇଁ ବ୍ୟାନ୍ ହୋଇଥିବା ଏହି ଖେଳାଳିଙ୍କ BCCIକୁ ଗୁହାରୀ

ଆଇପିଏଲ ..ଇଣ୍ଡିଆନ ପ୍ରିମିୟର ଲିଗ୍ । ଏହାକୁ ନେଇ ଦର୍ଶକ ହୁଅନ୍ତୁ କିମ୍ବା ଖେଳାଳୀ ସମସ୍ତଙ୍କ ଭିତରେ ଥାଏ ଉତ୍ସାହ । ହେଲେ କରୋନା ମହାମାରୀ କାରଣରୁ ଚଳିତବର୍ଷର ଆଇପିଏଲ ବିନା ଦର୍ଶକରେ ଖେଳାଗଲା । ଯାହା ଏକ ଚର୍ଚ୍ଚାର ବିଷୟ ଥିଲା । କିନ୍ତୁ ଆଇପିଏଲକୁ ନେଇ ଚର୍ଚ୍ଚା କେବଳ ଏବେ ନୁହେଁ ପୂର୍ବରୁ ବି ହୋଇଛି । ୨୦୧୩ ଆଇପିଏଲର ବିବାଦ ଆଜି ବି କେହି ଭୁଲିନଥିବେ । ଆଇପିଏଲ-୨୦୧୩ ସ୍ପଟ ଫିକ୍ସିଂ ଯୋଗୁଁ ବିବାଦ ଘେରକୁ ଆସିଥିଲା । ଆଉ ଏହି ଫିକ୍ସିଂ ରେ ସାମିଲ ଥିବା ଖେଳାଳୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ମଧ୍ୟ ନିଆଯାଇଥିଲା । ସ୍ପଟ ଫିକ୍ସିଂ କାରଣରୁ ବିସିସିଆଇ ୩ଜଣ ଖେଳାଳୀଙ୍କୁ ଆଜୀବନ ବ୍ୟାନ କରିଦେଇଥିଲେ । ଏହି ଖେଳାଳୀ ମାନେ ଥିଲେ ଏସ୍ ଶ୍ରୀଶନ୍ତ, ଅଙ୍କିତ  ଓ ଅଜିତ ଚଣ୍ଡିଲା । ଦିଲ୍ଲୀ ପୋଲିସ ସେ ସମୟରେ ଏହି ୩ଜଣ ଖେଳାଳୀଙ୍କୁ ମୁମ୍ବାଇରୁ ଗିରଫ କରିଥିଲା । ସେ ସମୟରେ ପୋଲିସ ଅନେକ ବଡ ବଡ କ୍ରିକେଟ ଦୁନିଆର ଗୁମରୁ ପରଦା ହଟାଇଥିଲା । କ୍ରିକେଟ ପ୍ରେମୀ ଏହି ୩ଜଣ ଖେଳାଳୀଙ୍କର ଆରେଷ୍ଟ ଖବର ଦେଖି ବିଶ୍ୱାସ କରିପାରୁନଥିଲେ । କିନ୍ତୁ ଏହି ଘଟଣା ସତ ଥିଲା ।

 

ପରବର୍ତ୍ତୀ ମୂହୂର୍ତ୍ତରେ ଶ୍ରୀଶନ୍ତଙ୍କ ଦଣ୍ଡ କମ୍ ହେବାପରେ ପୁଣିଥରେ ସେ ମଇଦାନରେ ଓହ୍ଲାଇସାରିଛନ୍ତି । କିନ୍ତୁ ଏହାରି ଭିତରେ ଅଙ୍କିତ ଚହ୍ୱାନଙ୍କର ଦାବି ଯେ ବିସିସିଆଇର ଲୋକପାଳ ଡିକେ ଜୈନ ତାଙ୍କ ଦଣ୍ଡକୁ କମାଇ ୭ବର୍ଷ କରିଦେଇଛନ୍ତି । ହେଲେ ଏ ସମ୍ବନ୍ଧରେ ବିସିସିଆଇ ତରଫରୁ କୈାଣସି ଅଫିସିଆଲ ଚିଠି ମିଳିନାହିଁ । ଅଙ୍କିତଙ୍କ କହିବା ଅନୁସାରେ ସେ ମୁମ୍ବାଇ କ୍ରିକେଟ ଏସୋସିଏସନରୁ ସହାୟତା ମାଗିଥିଲେ । ଲୋକପାଳ ୩ ମେ ରେ ଦଣ୍ଡ କମାଇବାର ନିଷ୍ପତ୍ତି ଶୁଣାଇଥିଲେ । ଦେଖିବାକୁ ଗଲେ ୨୦୨୦ ସେପ୍ଟେମ୍ବରରୁ ତାଙ୍କ ଉପରେ ଲାଗିଥିବା ବ୍ୟାନ ପୁରା ହୋଇଯାଇଛି । ସେଥିପାଇଁ ଅଙ୍କିତ ଲୋକପାଳଙ୍କ ଆଦେଶ ସହ ବିସିସିଆଇକୁ ଏକ ଚିଠି ମଧ୍ୟ ଲେଖିଥିଲେ ।

କିନ୍ତୁ ଅଙ୍କିତଙ୍କ ଚିଠିର କୈାଣସି ଉତ୍ତର ଏବେ ପର୍ଯ୍ୟନ୍ତ ବିସିସିଆଇ ତରଫରୁ ମିଳିନାହିଁ । ସେଥିପାଇଁ ମୁମ୍ବାଇ କ୍ରିକେଟ ଏସୋସିଏସନଙ୍କୁ ଅଙ୍କିତ ଅପିଲ୍ କରିଚାଲିଛନ୍ତି ଯେ କେବେ ସେ ପୁଣିଥରେ ମଇଦାନରେ ଖେଳିପାରିବେ । ଏବେ ଆପଣ ଭାବୁଥିବେ ଶ୍ରୀଶନ୍ତ କେଉଁଭଳି ମଇଦାନକୁ ଫେରିପାରିଲେ । ବିସିସିଆଇ ଶ୍ରୀଶନ୍ତଙ୍କ ଉପରେ ଲଗାଇଥିବା ଆଜୀବନ ବ୍ୟାନକୁ ପରବର୍ତ୍ତୀ ମୂହୂର୍ତ୍ତରେ ସୁପ୍ରିମକୋର୍ଟ କମ୍ କରିଦେଇଥିଲେ । ସେଥିପାଇଁ ସେ ପୁଣିଥରେ ମଇଦାନରେ ଖେଳିପାରିଥିଲେ । ତେବେ ଆହୁରୀ ମଧ୍ୟ ଜାଣିରଖନ୍ତୁ ୨୦୦୭ ଟି-୨୦ ବିଶ୍ୱ କପ୍ ଓ ୨୦୧୧ ଦିନିକିଆ ବିଶ୍ୱକପ୍ ଜିତିଥିବା ଭାରତୀୟ ଦଳରେ ଶ୍ରୀଶନ୍ତ ସାମିଲ ଥିଲେ ।

ଦୁଷ୍କର୍ମ ଓ ହତ୍ୟା ମାମଲାରେ ଦଣ୍ଡ ଭୋଗୁଥିବା ରାମ ରହୀମ କରୋନା ପଜିଟିଭ୍

ଗୁରୁଗ୍ରାମ: ଚର୍ଚ୍ଚିତ ଭଣ୍ଡ ବାବାଙ୍କୁ କରୋନା । ରୋହତକର ସୁନାରିୟା ଜେଲରେ ଦୁଷ୍କର୍ମ ଓ ହତ୍ୟା ମାମଲାରେ ଜେଲରେ ଦଣ୍ଡ ଭୋଗୁଥିବା ଡେରା ସଚ୍ଚା ସୌଦର ମୁଖ୍ୟ ରାମ ରହୀମ କରୋନା ପଜିଟିଭ୍ । ପଜିଟିଭ୍ ଚିହ୍ନଟ ହେବା ପରେ ତାଙ୍କୁ ମେଦାନ୍ତାର କରୋନା ୱାର୍ଡରେ ରଖାଯାଇଛି । ରବିବାର ମଧ୍ୟାହ୍ନ ୧୨ଟାରେ ତାଙ୍କୁ ସୁନାରୟା ଜେଲରୁ ମେଦାନ୍ତା ଅଣାଯାଇଥିଲା । ତେବେ ଏହାପୂର୍ବରୁ ରାମ ରହୀମ ଅସୁସ୍ଥତା ବିଷୟରେ ଜଣାଇଥିଲା। ଏହା ପରେ ତାଙ୍କୁ PGI ରୋହତକରେ ଭର୍ତ୍ତି କରାଯାଇଥିଲା। ଆଜି PGIର ଡାକ୍ତରଙ୍କ ପରାମର୍ଶ ପରେ ରାମ ରହୀମଙ୍କୁ ମେଦାନ୍ତକୁ ଅଣାଯାଇଛି । ଏବଂ ଏହି ସମୟରେ ଯେତେବେଳେ ତାଙ୍କର ପରୀକ୍ଷା କରାଯାଇଥିଲା ସେତେବେଳେ ସେ ସଂକ୍ରମିତ ଥିବା ସ୍ପଷ୍ଟ ହୋଇଥିଲା ।

ବାସ୍ତବରେ, ଜୁନ୍ ୩ରେ ଖବର ଆସିଥିଲା ​​ଯେ, ଜେଲରେ ଥିବା ଗୁରୁମିତ ରାମ ରହୀମର ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଛି। ଏହା ପରେ ତାଙ୍କୁ PGI ରୋହତକରେ ଭର୍ତ୍ତି କରାଯାଇଥିଲା। ପେଟରେ ଯନ୍ତ୍ରଣା ହେଉଥିବା ରାମ ରହୀମ ଅଭିଯୋଗ କରୁଥିଲେ। ଗୁରୁବାର ଦିନ ପ୍ରାୟ ୭ଟା ସମୟରେ କଡା ସୁରକ୍ଷା ମଧ୍ୟରେ ରାମ ରହୀମଙ୍କୁ ଜେଲରୁ PGIକୁ ଅଣାଯାଇଥିଲା । ତା’ପରେ ତାଙ୍କୁ ଗୁରୁଗ୍ରାମର ମେଦାନ୍ତା ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ଏହାପୂର୍ବରୁ ମେ 1୨ରେ ମଧ୍ୟ ରକ୍ତଚାପ ସମସ୍ୟା ହେତୁ ରାମ ରହୀମଙ୍କୁ ରୋହତକ PGI କୁ ଅଣାଯାଇଥିଲା କିନ୍ତୁ ସେ କୋଭିଡ ପରୀକ୍ଷା କରିବାକୁ ମନା କରିଦେଇଥିଲା । PGI ରେ ରାମ ରହୀମଙ୍କ ସିଟି ସ୍କାନ୍ କରାଯାଇଥିଲା ।

ସୂଚନାଯୋଗ୍ୟ ଯେ, ରାମ ରହୀମ ୫ ଅଗଷ୍ଟ ୨୦୧୭ଠାରୁ ଜେଲରେ ଅଛି । ପଞ୍ଚକୁଲାର ସିବିଆଇର ସ୍ୱତନ୍ତ୍ର କୋର୍ଟ ରାମ ରହୀମଙ୍କୁ ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ କରିଥିଲେ। ଏହି ୧୬ ବର୍ଷ ପୁରୁଣା ମାମଲାରେ ଗୁରୁମିତ ରାମ ରହୀମଙ୍କ ସହ ଅନ୍ୟ ତିନିଜଣ ଦୋଷୀ କୁଲଦୀପ ସିଂ, ନିର୍ମଲ ସିଂ ଏବଂ କୃଷ୍ଣ ଲାଲଙ୍କୁ ମଧ୍ୟ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି।

ଏହି ମହିଳାଙ୍କ ଶରୀରରେ କରୋନା ଭାଇରସର ୩୨ ମ୍ୟୁଟେସନ୍, ଜାଣନ୍ତୁ କେଉଁଠି ?

କାପେ ଟାଉନ: ଦକ୍ଷିଣ ଆଫ୍ରିକାରେ ବିଶେଷଜ୍ଞ ଜଣେ ୩୨ ବର୍ଷୀୟା ମହିଳାଙ୍କ ଠାରେ ଏଭଳି ଭୟାନକ କରୋନା ଭାଇରସର ମ୍ୟୁଟେସନ ଆବିଷ୍କାର କରିଛନ୍ତି ଯାହା ଆଗକୁ ଚିନ୍ତା ବଢାଇପାରେ । ଏଡସ୍ ସଂକ୍ରମିତ ଏହି ମହିଳା ୨୧୬ ଦିନ ଧରି କରୋନା ଦ୍ୱାରା ସଂକ୍ରମିତ ଥିଲେ । ସଂକ୍ରମଣ କାଳରେ ତାଙ୍କ ଶରୀରରେ ଭାଇରସର ୩୨ ମ୍ୟୁଟେସନ୍ ହୋଇଥିଲା । ମେଡିକାଲ ଜର୍ଣ୍ଣାଲ ମେଡରିକ୍ସରେ ଗୁରୁବାର ଦିନ ଏହି କେସ୍ ଷ୍ଟଡି ପ୍ରକାଶିତ ହୋଇଛି । ରିପୋର୍ଟ ଅନୁସାରେ ମହିଳା ଜଣକ ୨୦୦୬ରେ ଏଡସ୍ ସଂକ୍ରମିତ ହୋଇଥିଲେ । କରୋନା ସଂକ୍ରମଣ କାଳରେ ସେ ଏଡସର ଅନ୍ତିମ ପର୍ଯ୍ୟାୟରେ ଥିଲେ । ଏଡସ କାରଣରୁ ତାଙ୍କ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଯାଇଥିଲା ।

ସେପ୍ଟେମ୍ବର ୨୦୨୦ରେ କରୋନା ଦ୍ୱାରା ସଂକ୍ରମିତ ହେବା ପରେ ଭାଇରସର ସ୍ପାଇକ୍ ପ୍ରୋଟିନରେ ୧୩ ମ୍ୟୁଟେସନ୍ ଓ ୧୯ ଜେନେଟିକ୍ ପରିବର୍ତ୍ତନ ହୋଇଥିଲା । ଯାହାକି ଭାଇରସର ବ୍ୟବହାରକୁ ବଦଳାଇ ଦେଇଥିଲା  ।ଆଲଫା ଭେରିଆଣ୍ଟର ଅଂଶବିଶେଷ ଥିବା EF84K,ଇଂଲଣ୍ଡରେ ଆବିଷ୍କୃତ B.1.1.7 ଭାରିଆଣ୍ଟ୍ ଓ N510Y ମ୍ୟୁଟେସନଙ୍କୁ ତାଙ୍କ ଶରୀରରେ ଦେଖିବାକୁ ମିଳିଥିଲା । ମହିଳା ଜଣଙ୍କଠାରୁ ଏହି ମ୍ୟୁଟେସନ୍ ଅନ୍ୟମାନଙ୍କୁ ସଂକ୍ରମିତ କରିଛି ନା ନାହିଁ ତାହା ଏପର୍ଯ୍ୟନ୍ତ ଜଣା ପଡିନାହିଁ ବୋଲି ବିଶେଷଜ୍ଞ କହିଛନ୍ତି । ତେବେ ଦକ୍ଷୀଣ ଆଫ୍ରିକାର କ୍ୱାଜୁଲୁ ଅଂଚଳରୁ ଅଧିକାଂଶ ନୂଆ ଭ୍ୟାରିଆଣ୍ଟ୍ ବାହାରିବ ସଂଯୋଗ ନୁହେଁ ବୋଲି ବିଶେଷଜ୍ଞଙ୍କ ମତ । କାରଣ ଏହି ଅଂଚଳର ୪ ଜଣରେ ଜଣେ ବୟସ୍କ ଏଚଆଇଭି ପଜିଟିଭ୍ ।

ଏଚଆଇଭି ପଜିଟିଭ୍ କରୋନା ଦ୍ୱାରା ସଂକ୍ରମିତ ହେବାର ଅଧିକ ଆଶଙ୍କା ଥିବା ନେଇ ସେଭଳି ବଳିଷ୍ଠ ପ୍ରମାଣ ଯଦିଓ ମିଳିନାହିଁ ତଥାପି ବିଶେଷଜ୍ଞଙ୍କ ମତ ଯେ, ଯଦି ଏଭଳି ମାମଲା ଅଧିକ ସଂଖ୍ୟାରେ ସାମ୍ନାକୁ ଆସେ ତେବେ ଏଚଆଇଭିର ଅନ୍ତିମ ପର୍ଯ୍ୟୟରେ ଥିବା ରୋଗୀ କରୋନାର ନୂଆ ଭ୍ୟାରିଆଣ୍ଟର ଫ୍ୟାକ୍ଟ୍ରି ଭାବେ ଉଭା ହେବାର ଭୟ ରହିଛି । ଅଧ୍ୟୟନରେ ସାମିଲ ଥିବା ବିଶେଷଜ୍ଞ ତୁଲିଓ ଦା ଓଲିଭେରିଆଙ୍କ ଅନୁସାରେ ଏଚଆଇଭିର ଆଡଭାନ୍ସ ଷ୍ଟେଜରେ ଥିବା ରୋଗୀ କରୋନା ଭାଇରସକୁ ନିଜ ଶରିରରେ ଜଣେ ସାଧାରଣ ବ୍ୟକ୍ତିଙ୍କଠାରୁ ଅଧିକ ଦିନ ପର୍ଯ୍ୟନ୍ତ ବହନ କରିପାରିବେ । ଯେଉଁ ମହିଳାଙ୍କ ଶରିରରେ ଭାଇରସର ୩୨ ମ୍ୟୁଟେସନ୍ ହୋଇଥିଲା ସେ ଅନେକ ଦିନ ଧରି ମିଲଡ(ମୃଦୁ) ସଂକ୍ରମଣର ଶିକାର ହୋଇଥିଲେ ।

ସାମାନ୍ୟ ସେଲଫି ସାଜିଲା କାଳ, ଡ୍ୟାମକୁ ଖସିପଡିଲେ ଦୁଇ ସାଙ୍ଗ

ରାଉରକେଲା: ସେଲଫି ନେଉଥିଲେ , ଡ୍ୟାମକୁ ଖସି ପଡ଼ିଲେ । ସାମାନ୍ୟ ମଜା ମସ୍ତି ଯେ କେତେ ଭୟଙ୍କର ହୋଇପାରେ  । ବନ୍ଧୁ ମାନଙ୍କ ସଙ୍ଗେ ପ୍ରମୋଦନ କରୁଥିଲେ କିନ୍ତୁ ଅସାବଧାନତା ପ୍ରାଣ ନେଇଗଲା । ଏମିତି କିଛି ଅଘଟଣ ଘଟିଛି ରାଉରକେଲାରେ  । ସେଲଫି ନେବାବେଳେ ଡ୍ୟାମରେ ବୁଡିଗଲେ ଦୁଇ ଯୁବକ । ଜଣଙ୍କୁ  ଉଦ୍ଧାର କରାଯାଇଥିବାବେଳେ ଆଉଜଣେ ଏବେ ବି  ନିଖୋଜ ଅଛନ୍ତି । କିନ୍ତୁ ଉଦ୍ଧାର ହୋଇଥିବା ଯୁବକ ଜଣଙ୍କ ପରବର୍ତ୍ତୀ ସମୟରେ ଆଖି ବୁଜିଥିଲେ  ।

ସୂଚନା ମୁତାବକ କାଂସବାହାଲ ଡ୍ୟାମ ନିକଟରେ ସେଲଫି ନେଉଥିବାବେଳେ ବୁଡିଯାଇଥିଲେ ଯୁବକ । ସ୍ଥାନୀୟ ଲୋକଙ୍କ ସୂଚନା ପରେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଁଚିଥିଲା  । ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଦେଇଥିଲା  । କିନ୍ତୁ ଅଗ୍ନିଶମ ବାହିନୀର ଟିମ  ଜଣକୁ ଉଦ୍ଧାର କରିଥିବାବେଳେ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରିଥିଲା । କିନ୍ତୁ ଡାକ୍ତରଖାନାରେ ତାଙ୍କୁ ମୃତ ଘୋଷଣା କରାଯାଇଛି  । ତେବେ ଅନ୍ୟ ଜଣେ ଯୁବକ ଏବେବି ନିଖୋଜ ଅଛନ୍ତି । ନିଖୋଜ ଯୁବକଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରଖିଛି ଅଗ୍ନିଶମ ବାହିନୀ ।

ସାମାନ୍ୟ ଅସବାଧନତା ପ୍ରାଣ ନେଉଥିବାବେଳେ ଆଜିର ଯୁବପୀଢୀ ସେଲଫି ମାନିଆ ହୋଇଛନ୍ତି  । ଫଟୋ ଉଠାଇବାର ବ୍ୟାକୁଳତା ଜୀବନ ନେଇଯାଉଛି  । ତଥାପି ସଜାଗ ଆଉ ସତେଚନାର ଅଭାବ ଏବେ ମଧ୍ୟ ପରିଲିଖିତ । କେଉଁଠି ଡ୍ୟାମରେ ତ ଆଉ କେଉଁଠି ଟ୍ରେନ ଲାଇନରେ ଯାଉଛି ଜୀବନ  । ରାଉରକେଲା କାଂସବାହାଲ ଡ୍ୟାମରେ ଘଟିଥିବା ଏହି ଘଟଣା ସଭିଙ୍କୁ ଚକିତ କରିଛି  । ଘରର ଭେଣ୍ଡା ପୁଅର ଆକସ୍ମିକ ବିୟୋଗକୁ  ପରିବାର ଲୋକେ ବିଶ୍ୱାସ କରି ପାରୁନାହାଁନ୍ତି   । ସେପଟେ ନିଖୋଜ ଥିବା  ଯୁବକର ପରିବାର ଏବେ ଜୀବନ ମରଣର ଦୋଛକିରେ  ।

ମହାମାରୀ ବେଳେ ରକ୍ତଦାନ, ଓଡ଼ିଶା ମୋ ପରିବାର ଜାରି ରଖିଛି ପ୍ରୟାସ

କଳାହାଣ୍ଡି: ଓଡିଶା ମୋ ପରିବାର ଆନୁକୂଲ୍ୟରେ ରକ୍ତଦାନ ଶିବିର   । କଳାହାଣ୍ଡି ଯୁବ ଓ ଛାତ୍ର ବିଜୁ ଜନତା ତରଫ ରୁ ଭବାନୀପାଟଣା ରକ୍ତ ଭଣ୍ଡାର ରେ ସ୍ବେଛାକୃତ ରକ୍ତଦାନ ଶିବିର ଉଦଘାଟନ କରିଛନ୍ତି ଶକ୍ତି ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର  । କଳାହାଣ୍ଡି ଯୁବ ଓ ଛାତ୍ର ତରଫରୁ ଆୟୋଜିତ ହୋଇଥିବା ରକ୍ତଦାନ ଶିବିବରରେ 32ୟୁନିଟ ରକ୍ତ ସଂଗ୍ରହ ହୋଇଥିବାବେଳେ ଆସନ୍ତା କାଲିଠୁ କଲାହାଣ୍ଡି ଜିଲ୍ଲା ଜୁନାଗଡ଼ ଧର୍ମଗଡ଼ ଗୋଲାମୁଣ୍ଡା ରୁ ଯୁବକ ଛାତ୍ର ମାନେ ସ୍ବେଛାକୃତ ହିସାବରେ ଏହି କରୋନା ସମୟ ରେ ରକ୍ତଦାନ କରିବେ ବୋଲି ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର  କହିଛନ୍ତି  ।

ଜିଲ୍ଲା ଯୁବ  ବିଜେଡି ସଭାପତି ଆଦିତ୍ୟ ନନ୍ଦ ଙ୍କ ସୂଚନା ହିସାବରେ ରାଜ୍ୟରେ ଏକ ଲକ୍ଷରୁ ଉର୍ଦ୍ଧ୍ୱ ୟୁନିଟ ଓଡିଶା ମୋ ପରିବାର ତରଫରୁ ରକ୍ତଦାନ କରିଥିବାବେଳେ ଆଗକୁ ମଧ୍ୟ ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ ଙ୍କ ନିର୍ଦେଶ କୁ ପାଳନ କରି ଏହି ମହାମାରୀ ସମୟ ରେ ଜଣେ ବି ରକ୍ତ ଅଭାବରୁ ମୃତ୍ୟୁ ନ ହେବ ତାହାକୁ ନଜର ରଖି ରକ୍ତବିନ୍ଦୁ କର୍ମକୁ ଆଗେଇ ନିଆଯିବ  ।

ସମୁଦ୍ର ଭିତରେ କ’ଣ ରହୁଛନ୍ତି ଏଲିୟନ୍ସ ? ଆମେରିକା ଗୁଇନ୍ଦା ରିପୋର୍ଟ ଲିକ୍ ପରେ ଚର୍ଚ୍ଚା

ଏଲିୟନ୍ସ କଣ ପୃଥିବୀରେ ଅଛନ୍ତି ? କଣ ଏଲିୟନ୍ସ ଆମ ଦୁନିଆକୁ ଆସି କିଛି ଅସମ୍ଭବ କରିଶ୍ମା କରୁଛନ୍ତି । ଏସବୁ କଥା ଆଜିର ନୁହେଁ । ଅନେକ ବର୍ଷ ତଳୁ ଏହି ଭଳି ପ୍ରଶ୍ନବାଚୀ ଉଠୁଛି । ଦୁନିଆର କେତେକ ସ୍ଥାନରେ ଏଲିୟନ୍ସ ଦେଖାଯିବା ନେଇ ପୂର୍ବରୁ ଜୋରସୋରରେ ଦାବି ମଧ୍ୟ ହୋଇଛି । କିନ୍ତୁ କିଛି ବୈାଜ୍ଞାନିକ ଏଲିଅନ୍ସଙ୍କ ଅସ୍ତିତ୍ୱକୁ ସ୍ୱୀକାର କରୁଥିବା ବେଳେ ଆଉକିଛି ଏହାକୁ ମନଗଢା କାହାଣୀ ବୋଲି କୁହନ୍ତି । କିନ୍ତୁ ବର୍ତ୍ତମାନ ଏଲିୟନ୍ସ ଅଛନ୍ତି କି ନାହିଁ ଏନେଇ ପୁଣିଥରେ ଚର୍ଚ୍ଚା ହେଉଛି । ଆମେରିକାର ଗୁଇନ୍ଦା ଏଜେନ୍ସୀର ଜଣେ ଅଧିକାରୀଙ୍କ ଦ୍ୱାରା ୟୁଏଫଓ ଓ ଏଲିୟନ୍ସକୁ ନେଇ କରାଯାଇଥିବା ସମୀକ୍ଷା ରିପୋର୍ଟ ଲିକ୍ ହେବା ପରେ ଏହି ପ୍ରଶ୍ନ ପୁଣି ମୁଣ୍ଡ ଟେକିଛି ।

ଏହି ସମୀକ୍ଷା ରିପୋର୍ଟ କିଛି ସାଧାରଣ କଥା ନୁହେଁ । କାହିଁକି ନା ଏଥିରେ ଅନେକ ଗୁମର ଲୁଚିରହିଛି । ଆମେରିକାର ନୈାସେନା ଗତ ୨୦ ବର୍ଷ ହେବ ଆକାଶରେ ଯେଉଁ ୟୁଏଫଓ କିମ୍ବା କୈାଣସି ଏଲିୟନ୍ସର ଝଲକ ଦେଖିଥିବାର କଥା କହୁଥିଲେ ସେସବୁ ବିଷୟରେ ରିପୋର୍ଟରେ ଉଲ୍ଲେଖ ଅଛି । ୧୨୦ରୁ ଅଧିକଥର ଏଲିୟନ୍ସଙ୍କର ଝଲକ ଦେଖାଯିବାର ଘଟଣାର ରେକର୍ଡ ମଧ୍ୟ ଏଥିରେ ରହିଛି । ହେଲେ ବର୍ତ୍ତମାନ ଏଲିୟନ୍ସ ଅନ୍ତରୀକ୍ଷରୁ ନୁହଁ ସମୁଦ୍ରରୁ ଆସୁଥିବା କଥା ଶୁଣିବାକୁ ମିଳିଲାଣି । ହଁ ଆଜ୍ଞା ଅନ୍ତରୀକ୍ଷର ଅଜଣା ଗ୍ରହରୁ ଆସୁଥିବା ଏଲିୟନ୍ସଙ୍କ ଠିକଣା ବଦଳିଯିବାର ସୂଚନା ମିଳିଛି । ଆଇସିଇଆର ର ଉପାଧ୍ୟକ୍ଷ ତଥା ଏଲିୟନ୍ସଙ୍କ ଗତିବିଧିି ଉପରେ କାମ କରୁଥିବା ‘ଗେରୀ ହେସଲଟାଇନ’ ଙ୍କ ଅନୁସାରେ ସମୁଦ୍ର ହେଉଛି ଏଲିୟନ୍ସଙ୍କ ବେସ୍ ।

ସେ କହିଛନ୍ତି କିଛି ଏମିତି ପ୍ରମାଣ ରହିଛି ଯାହା ଏଲିୟନ୍ସଙ୍କ ଉପସ୍ଥିତିର କାହାଣୀ କହୁଛି । ଅନେକ ଜଣ ପ୍ରଶ୍ନ ମଧ୍ୟ କରନ୍ତି ଯଦି ୟୁଏଫଓ ଦେଖାଯାଏ ତେବେ ଏହା ଆକାଶରେ କେଉଁଠି ଅର୍ନ୍ତଧ୍ୟାନ ହୋଇଯାଏ । କଣ ଏଲିୟନ୍ସଙ୍କର ବିମାନ ହାଇପରସୋନିକ । ତେବେ ଏସବୁ କଥାକୁ ନେଇ ଗେରୀ ହେସଲଟାଇନ କୁହନ୍ତି –ଏଲିୟନ୍ସ ଅନ୍ତରୀକ୍ଷରୁ ନୁହେଁ ବରଂ ସମୁଦ୍ର ଭିତରୁ ଆସନ୍ତି । ଆମ ପୃଥିବୀରେ ଥିବା ମହାସାଗର ଭିତରେ ଲୁଚିରୁହନ୍ତି ଏଲିୟନ୍ସ । ସେହିଠାରେ ହିଁ ସେମାନଙ୍କର ଗୁପ୍ତ ଆଡ୍ଡା ରହିଛି । କିନ୍ତୁ ଆଯିଯାଏଁ ଯେଉଁ ଏଲିୟନ୍ସ ବା ୟୁଏଫଓକୁ ଆମେ ଦେଖିଛୁ ହୁଏତ ସେମାନେ ଆମ ପୃଥିବୀରେ ହିଁ ରହୁଛନ୍ତି । ଆମେ ସବୁବେଳେ ଭାବି ଆସିଛୁ ଯେ ଏଲିୟନ୍ସ ଅଚାନକ ଅନ୍ତରୀକ୍ଷରୁ ଆସି କୁଆଡେ ଗାୟବ ହୋଇଯାଆନ୍ତି । କିନ୍ତୁ ପ୍ରକୃତରେ ସେମାନେ ଆମ ପୃଥିବୀରେ ଥିବା ମହାସାଗର ଗୁଡିକରେ ହିଁ ରହୁଛନ୍ତି । ତେବେ ଗେରୀ ହେସଲଟାଇନଙ୍କର ଏହିଭଳି କଥାରେ ଅନେକ ଗବେଶକ ଏଲିୟନ୍ସ ବେସ୍ କ୍ୟାମ୍ପ ବିଷୟରେ ଜାଣିବା ପାଇଁ ଅନୁସନ୍ଧାନ ଆରମ୍ଭ କରିଦେଲେଣି । ତେବେ ଏହି ବିଷୟ କେତେ ଦୂର ସତ କିମ୍ବା ମିଛ ଏହାର ସ୍ପଷ୍ଟ ପ୍ରମାଣ ଏଯାଏଁ ମିଳିପାରିନି ।

ମାଛକୁଣ୍ଡ ଜଳ ଭଣ୍ଡାରରେ ଭାସୁଛି ମହିଳାଙ୍କ ମୃତ ଦେହ, ହତ୍ୟା ନା ଆତ୍ମହତ୍ୟା ?

କୋରାପୁଟ: ମାଛକୁଣ୍ଡ ଜଳ ଭଣ୍ଡାରର ଭାସୁଛି ମହିଳାଙ୍କ ମୃତ ଦେହ । ଜଳ ଭଣ୍ଡାରର ଉପର ପାର୍ଶ୍ଵରେ ରହିଥିବା ଆମ୍ବପଡା ଡଙ୍ଗା ଘାଟ ନିକଟରେ ଏକ ଅଚିହ୍ନା ମହିଳାଙ୍କ ମୃତ ଦେହ ଭାସୁଥିବା ଦେଖିବାକୁ ମିଳିଛି । ଦୁଇ ଦିନ ହେଲା ମହିଳା ଜଣଙ୍କ ମୃତ ଦେହଟି ଜଳ ଭଣ୍ଡାରରେ ଭାସୁଥିଲେ ମଧ୍ୟ ପୋଲିସ କିମ୍ବା ପ୍ରସାଶନଙ୍କ ପକ୍ଷରୁ ଉଦ୍ଧାର କରାଯାଇନାହିଁ । ସେପଟେ ମୃତ ଦେହ ଦୁଇ ଦିନ ଧରି ଭାସୁଥିବାବେଳେ ପ୍ରଶାସନ ପକ୍ଷରୁ କୈଣସି ତତ୍ପରତା ପ୍ରକାଶ ପାଇନାହିଁ  । ଯାହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି  ।

ମାଛକୁଣ୍ଡ ଜଳ ଭଣ୍ଡାରରେ ଜଣେ ମହିଳାଙ୍କ କିପରି ମୃତ୍ୟୁ ଘଟିଲା  । ଏହା ହତ୍ୟା ନା ଆତ୍ମହତ୍ୟା କିମ୍ବା ଦୁର୍ଘଟଣା । ଏସବୁକୁ ନେଇ ଲୋକଙ୍କ ମନରେ ବିଭିନ୍ନ ପ୍ରଶ୍ନ ଉଙ୍କି ମାରୁଛି  ।   ମହିଳା ଜଣକ କିଏ ଆଉ କେଉଁ ଅଞ୍ଚଳର ଏ ଯାଏଁ  ପରିଚୟ ମଧ୍ୟ ମିଳିପାରିନାହିଁ । ମହିଳା ଜଣକ ଏକ ମାଛ ଜାଲରେ ଲାଗି ରହିଥିବା ଦେଖିବାକୁ ମିଳିଛି । ପୋଲିସ କିମ୍ବା ସ୍ଥାନୀୟ ପ୍ରଶାସନିକ ଅଧିକାରୀ କେହି ମଧ୍ୟ ଘଟଣାସ୍ଥଳରେ ପହଁଚି ନାହାଁନ୍ତି  । ମୃତ ମହିଳା ଜଣଙ୍କୁ ଉଦ୍ଧାର କଲାପରେ ଘଟଣା ବିଷୟରେ ସ୍ପଷ୍ଟ ହେବ  ।