spot_img
Home Blog Page 5683

ମହାମାରୀ ଭୂତାଣୁକୁ ନଷ୍ଟ କରିଦେବ ମାସ୍କ: ବିଜ୍ଞାନ ଓ ପ୍ରଯୁକ୍ତି ବିଦ୍ୟା ବିଭାଗର ସ୍ୱୀକୃତି

ମହାରାଷ୍ଟ୍ର: ମହାମାରୀ ଭୂତାଣୁକୁ ନଷ୍ଟ କରିଦେବ ମାସ୍କ । ମାସ୍କ ସମ୍ପର୍କରେ ଆସିବା ମାତ୍ରେ ଏହି କିଲର ଭାଇରସ୍ ନଷ୍ଟ ହୋଇଯିବ । ପ୍ରଭାବଶୂନ୍ୟ ହୋଇଯିବ ଏହି ମାରାତ୍ମକ ଭୂତାଣୁ । ଏହି ମାସ୍କ ପ୍ରସ୍ତୁତକାରୀ କମ୍ପାନୀ ଥିଙ୍କର ଟେକ୍ନୋଲୋଜି ଅଫ୍ ଇଣ୍ଡିଆ ପକ୍ଷରୁ ଏ ନେଇ ଦାବି କରାଯାଉଥିବା ବେଳେ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ବିଭାଗ ପକ୍ଷରୁ ଏହାକୁ ସ୍ୱୀକୃତି ଦିଆଯାଇଛି ।

କରୋନା କାରଣରୁ ପୂରା ବିଶ୍ୱ ନୟାନ୍ତ ହେଉଛି । ଏହି ମହାମାରୀଠୁ ବର୍ତ୍ତିବା ପାଇଁ ପ୍ରତିଦିନ ବୈଜ୍ଞାନିକଙ୍କ ଦ୍ୱାରା ନୂଆ ନୂଆ ଆବିଷ୍କାର କରାଯାଉଛି । ଏଭଳି ସମୟରେ ପୁଣେର ଏକ ଷ୍ଟାର୍ଟ ଅପ୍ ଭୂତାଣୁରୁ ବର୍ତ୍ତିବା ପାଇଁ ବିକାଶିତ ଏକ ସ୍ୱତନ୍ତ୍ର ଧରଣ ମାସ୍କ । ଯାହା ୩-ଡି ପ୍ରିଣ୍ଟିଂ ଓ ଫାର୍ମାସୁଟିକାଲକୁ ମିଶାଇ ପ୍ରସ୍ତୁତ କରାଯାଇଛି । ଦାବି କରାଯାଉଛି ଏହି ଫେସ୍ ମାସ୍କ ସମ୍ପର୍କରେ ଆସିବା ପରେ କରୋନା ଭାଇରସ୍ ପ୍ରଭାବଶୂନ୍ୟ ହୋଇଯାଏ ।

ଏହି ମାସ୍କ ଆଣ୍ଟି ଭାଇରସ୍ ଏଜେଣ୍ଟ ଦ୍ୱାରା କୋଟିଂ କରାଯାଇଛି ।  ଆଉ କୋଟିଂର ଟେଷ୍ଟି ମଧ୍ୟ କରାଯାଇଛି । ଯେଉଁଥିରେ SARS-CoV-2କୁ ନିଷ୍କ୍ରିୟ କରୁଥିବା ଦେଖିବାକୁ ମିଳିଥିଲା । ବିଜ୍ଞାନ ଓ ପ୍ରଯୁକ୍ତି ବିଦ୍ୟା ବିଭାଗର ଟେକ୍ନୋଲୋଜି ଡେଫଲପମେଣ୍ଟ ବୋର୍ଡ ପକ୍ଷରୁ କୁହାଯାଉଛି ଯେ, ଏଥିରେ ବ୍ୟବହୃତ ମ୍ୟାଟରିଆଲ୍ ଏକ ସୋଡିୟମ୍ ଅଲେଫିନ୍ ସଲଫେଡ୍ ବେସଡ୍ ମିଶ୍ରଣ, ଯାହା ଏକ ସାବୁନ ପ୍ରସ୍ତୁତକାରୀ ଏଜେଣ୍ଟ । ଯାହା ଭାଇରସ୍ ସମ୍ପର୍କରେ ଆସିବା ମାତ୍ରେ ଭୂତାଣୁକୁ ନଷ୍ଟ କରିଦିଏ । ଡିଏସଟି ପକ୍ଷରୁ କୁହାଯାଇଛି ଯେ, କୋଭିଡ ବିରୋରେ ଲଢ଼ିବା ନେଇ କେନ୍ଦ୍ର ସରକାରଙ୍କ ଆହ୍ୱାନ କ୍ରମେ ଏହି ପ୍ରଜେକ୍ଟକୁ ପ୍ରସ୍ତୁତ କରାଯାଇଛି । ଅପରପକ୍ଷରେ ଟିଙ୍କର ଟେକ୍ନୋଲୋଜି ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ଏହି ମାସ୍କର ପେଟେଣ୍ଟ ନେଇ ଆବେଦନ କରିବା ସହ କମର୍ସିଆଲ୍ ସେଲ୍ ପାଇଁ ଉତ୍ପାଦନ ଆରମ୍ଭ କରିଦେଇଛି ।

ଏଥିସହିତ ପଢ଼ନ୍ତୁ: ଭୂତାଣୁର ନୂଆ ରୂପ ଡେଲଟା ପ୍ଳସ୍: ଏଯାଏଁ ଚିହ୍ନଟ ହେଲେଣି ୧୨୭ ରୋଗୀ

ଦେଶରେ ୨୪ ଘଣ୍ଟାରେ ୬୦ହଜାର ୪୭୧ ଜଣ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ କମୁଛି କରୋନା ସଂକ୍ରମଣ  । ହେଲେ ମୃତ୍ୟୁ ସଂଖ୍ୟାରେ ଲାଗୁନି ବ୍ରେକ୍‌  । ଗତ ୨୪ ଘଣ୍ଟାରେ ୬୦ହଜାର ୪୭୧ ଜଣ କରୋନା ପଜିଟିଭ୍‌ ଚିହ୍ନଟ ହୋଇଥିବା ବେଳେ, ୨ ହଜାର ୬୨୭ ଜଣଙ୍କ ଜୀବନ ନେଇଛି ମହାମାରୀ  । ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ,  ଏହାକୁ ମିଶାଇ ଦେଶରେ ମୋଟ କରୋନା ଜନିତ ମୃତ୍ୟୁସଂଖ୍ୟା ୩ ଲକ୍ଷ ୭୭ ହଜାର ୩୧ରେ ପହଞ୍ଚିଛି ।

ସେହିପରି ଦିନକରେ ୧ ଲକ୍ଷ ୧୭ହଜାର ୫୨୫ ଜଣ ଆକ୍ରନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଫଳରେ ଦେଶରେ ମୋଟ ୨ କେଟି ୮୨ ଲକ୍ଷ ୮୦ହଜାର ୪୭୨ ଜଣ ସୁସ୍ଥ ହୋଇଛନ୍ତି । ଆକ୍ଟିଭ କେସ୍‌ ରହିଛି ୯ ଲକ୍ଷ ୧୩ ହଜାର ୩୭୮ । ଏହାସହ ଗତକାଲି ଦେଶେରେ କରୋନା ଭାଇରସର ୧୭ ଲକ୍ଷ ୫୧ ହଜାର ୩୫୮ ନମୁନା ପରୀକ୍ଷା କରାଯାଇଥିଲା। ଏବଂ ବର୍ତ୍ତମାନ ପର୍ଯ୍ୟନ୍ତ ମୋଟ ୩୮ କୋଟି ୧୩ ଲକ୍ଷ ୭୫ ହଜାର ୯୮୪ ନମୁନା ପରୀକ୍ଷା କରାଯାଇଛି।

କରୋନା ଭାଇରସର ନୂଆ ଭାରିଆଣ୍ଟ ‘ଡେଲଟା ପ୍ଲସ୍’ ଚିହ୍ନଟ ହୋଇଛି

କରୋନା ଭାଇରସରଅତ୍ୟଧିକ ସଂକ୍ରାମକ ‘ଡେଲଟା’ ଭାରିଆଣ୍ଟ ଆହୁରି ସଂକ୍ରାମକ ହୋଇ ‘ଡେଲଟା ପ୍ଲସ୍’ କିମ୍ବା ‘AY.1’ ରେ ପରିବର୍ତ୍ତନ ହୋଇଛି । କିନ୍ତୁ ବର୍ତ୍ତମାନ ଭାରତରେ ଚିନ୍ତା କରିବାର କିଛି ନାହିଁ, କାରଣ ଦେଶରେ ଏପର୍ଯ୍ୟନ୍ତ ବହୁତ କମ୍ ମାମଲା ସାମ୍ନାକୁ ଆସିଛି । ‘ଡେଲଟା ପ୍ଲସ୍’ ପ୍ରକାରଟି ଡେଲ୍ଟା କିମ୍ବା ‘B1.617.2’ ପରିବର୍ତ୍ତିତ ହୋଇଛି ​​ଯାହା ପ୍ରଥମେ ଭାରତରେ ଚିହ୍ନଟ ହୋଇଥିଲା ଏବଂ ମହାମାରୀର ଦ୍ୱିତୀୟ ଲହର ପାଇଁ ଏହା ସମ୍ପୂର୍ଣ୍ଣ ଦାୟୀ ଥିଲା।

ଭୂତାଣୁର ନୂଆ ରୂପ ଡେଲଟା ପ୍ଳସ୍: ଏଯାଏଁ ଚିହ୍ନଟ ହେଲେଣି ୧୨୭ ରୋଗୀ

ନୂଆଦିଲ୍ଲୀ: ଦେଶରେ ଡେଲ୍‌ଟା ଡର କମି ନଥିବା ବେଳେ, ଡରାଇଲାଣି ଡେଲ୍‌ଟା ପ୍ଲସ୍‌ । କରୋନାର ଏହି ନୂଆ ମ୍ୟୁଟାଣ୍ଟ ଅଧିକ ସଂକ୍ରାମକ । ଏଯାଏ ଏହି ମ୍ୟୁଟାଣ୍ଟରେ ୧୨୭ ରୋଗୀ ଚିହ୍ନଟ ହୋଇଛନ୍ତି । ସେଥିରେ ଭାରତରୁ ଅଛନ୍ତି ୬ଜଣ । ନୂଆ ମ୍ୟୁଟାଣ୍ଟ ଡେଲଟା ପ୍ଲସ୍- B.1.617.2.1 ବା A.Y1 ବଢାଇଛି ଚିନ୍ତା । ୟୁରୋପ୍, ଏସିଆ ଓ ୟୁକେରେ ଚିହ୍ନଟ ହୋଇଥିବା ଏହି ଡେଲଟା ପ୍ଲସ୍ ଭ୍ୟାରିଆଣ୍ଟ ମୂଳ ଭୂତାଣୁଠାରୁ ଅଧିକ ଶକ୍ତିଶାଳୀ । ନୂଆ ଭ୍ୟାରିଆଣ୍ଟରେ ଆକ୍ରାନ୍ତଙ୍କ ଚିକିତ୍ସା ପାଇଁ ମନୋକ୍ଲୋନାଲ ଆଣ୍ଟିବଡି କକ୍‌ଟେଲ ଡୋଜ୍ କାମ କରି ନପାରେ ବୋଲି ବିଶେଷଜ୍ଞ ଅନୁମାନ କରିଛନ୍ତି । ଡେଲଟା ଭ୍ୟାରିଆଣ୍ଟର ୬୩ଟି ଜିନୋମ K417N ସହ ମୁଟେସନରେ ଏହି ନୂଆ ଭ୍ୟାରିଆଣ୍ଟ ସୃଷ୍ଟି ହୋଇଥିବା ପବ୍ଲିକ ହେଲଥ ଇଂଲଣ୍ଡ ବା PHE କହିଛି । ତେବେ ଡେଲଟା ଭ୍ୟାରିଆଣ୍ଟକୁ ନେଇ ବିପଦ ରହିଥିବା ବେଳେ ନୂଆ ମ୍ୟୁଟାଣ୍ଟ ଟେନସନ ଦୁଇଗୁଣା କରିଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୩ ହଜାର ୪୦୫ ଜଣ କରୋନା ସଂକ୍ରମିତ ଚିହ୍ନଟ

ପାରିବାରିକ କଳହର କରୁଣ ପରିଣତି: ସ୍ତ୍ରୀର ତଣ୍ଟିଚିପି ମାରିଦେଲା ସ୍ୱାମୀ

କଣ୍ଟାବାଞ୍ଜି: ସ୍ତ୍ରୀର ତଣ୍ଟିଚିପି ହତ୍ୟା କଲା ସୈତାନ ସ୍ୱାମୀ । କଣ୍ଟାବାଞ୍ଜି ଥାନା ଧାମନଡ଼ଙ୍ଗା ଗାଁରେ ବିଳମ୍ବିତ ରାତିରେ ଘଟିଛି ହତ୍ୟାକାଣ୍ଡ । ସ୍ୱାମୀକୁ ଥାନାରେ ଅଟକ ରଖି କଣ୍ଟାବାଞ୍ଜି ପୋଲିସର ତଦନ୍ତ ଜାରି ରଖିଛି । ମୃତକ ହେଲେ ଉର୍ମିଳା ମାଝୀ । ଧାମନଡଙ୍ଗା ଗାଁର ଜୟରାମ ମାଝୀ ବିଭିନ୍ନ ସମୟରେ ଉଭୟ ସ୍ୱାମୀ ସ୍ତ୍ରୀଙ୍କ ମଧ୍ୟରେ ଝଗଡ଼ା ଲାଗି ରହୁଥିଲା । ଗତ କିଛି ଦିନ ହେବ ଉର୍ମିଳା ନିଜ ସ୍ୱାମୀଙ୍କ ନିର୍ଯାତନା ସହିନପାରି ନିଜ ପରିବାର ଲୋକଙ୍କୁ ଜଣାଇଥିଲା । ଉର୍ମିଳାଙ୍କ ପରିବାର ଲୋକ ଏବଂ ଜୟରାମଙ୍କ ପରିବାର ଗାଁରେ ଏକ ବୈଠକ କରି ଝଗଡ଼ାର ସମଧାନ କରିଥିଲେ । ହେଲେ ଏହି ଝଗଡ଼ା ସମଧାନ ନହେବା ଯୋଗୁ ଥାନାରେ ଅଭିଯୋଗ କରିଥିଲେ ଉର୍ମିଳା । ତେବେ ଗତ ବିଳମ୍ବିତ ରାତିରେ ପୁଣି ସ୍ୱାମୀ ସ୍ତ୍ରୀଙ୍କ ମଧ୍ୟରେ କୌଣସି କଥାକୁ ନେଇ ଝଗଡା ହୋଇଥିବା ବେଳେ ଝଗଡା ଉଗ୍ର ରୂପ ନେଇଥିଲା । ଜୟରାମ ତଣ୍ଟି ଚିପି ହତ୍ୟା କରିଥିବା ପାରିପାର୍ଶ୍ୱିକ ସ୍ଥିତିରୁ ଜଣାଯାଇଛି । କଣ୍ଟାବାଞ୍ଜି ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ହତ୍ୟାକାରୀ ଜୟରାମ ମାଝୀଙ୍କୁ ଥାନାରେ ରଖି ଅଧିକ ତଦନ୍ତ ଆରମ୍ଭ କରିଦେଇଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୩ ହଜାର ୪୦୫ ଜଣ କରୋନା ସଂକ୍ରମିତ ଚିହ୍ନଟ

୩୪ ପ୍ରତିଶତ ଅଧିକ ବର୍ଷା ହେଲାଣି: ଆଗକୁ ଆଉ ୨ ଦିନ ବର୍ଷିବ

ଭୁବନେଶ୍ୱର: ରାଜ୍ୟରେ ଏଯାଏଁ ହେଲାଣି ସ୍ୱାଭାବିକଠାରୁ ୩୪ ପ୍ରତିଶତ ଅଧିକ ବର୍ଷା । ଗତ ୧୪ ଦିନ ମଧ୍ୟରେ ରାଜ୍ୟରେ ୯୫.୧ ମିଲିମିଟର ବର୍ଷା ରେକର୍ଡ ହୋଇଛି । ଯାହାକି ସ୍ୱାଭାବିକ ଠାରୁ ୩୪ ପ୍ରତିଶତ ଅଧିକ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଦେଇଛି । ୧୧ ଟି ଜିଲ୍ଲାରେ ସ୍ୱାଭାବିକ ଠାରୁ ୬୦ ପ୍ରତିଶତ ଅଧିକ ବର୍ଷା ରେକର୍ଡ କରାଯାଇଥିବା ବେଳେ, ୫ଟି ଜିଲ୍ଲାରେ ୨୧ ପ୍ରତିଶତ ଅଧିକ ବର୍ଷା  ହୋଇଛି । ବାକି ୧୪ ଟି ଜିଲ୍ଲାରେ ସ୍ୱାଭାବିକ ବର୍ଷା ହୋଇଛି । ରାଜ୍ୟରେ ବର୍ତ୍ତମାନ ଦକ୍ଷିଣ ପଶ୍ଚିମ ମୌସୁମୀ ବାୟୁ ସକ୍ରିୟ ରହିଛି  । ଉତ୍ତରପଶ୍ଚିମ ବଙ୍ଗୋପସାଗରରେ ଥିବା ଲଘୁଚାପ ବର୍ତ୍ତମାନ ଦକ୍ଷିଣ ଝାଡଖଣ୍ଡ ଓ ଏହାର ଆଖପାଖ ଅଞ୍ଚଳରେ ସକ୍ରିୟ ରହିଛି । ଯାହାର ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ଆସନ୍ତା ୨ ଦିନ ପର୍ଯ୍ୟନ୍ତ ପ୍ରବଳ ବର୍ଷା ନେଇ ସତର୍କତା ଜାରି କରାଯାଇଛି  । ବର୍ଷା ପାଇଁ ୧୪ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ସେହିପରି ଆଜି ୮ଟି ଜିଲ୍ଲା ଓ ଆସନ୍ତାକାଲି ପାଇଁ ୫ଟି ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୩ ହଜାର ୪୦୫ ଜଣ କରୋନା ସଂକ୍ରମିତ ଚିହ୍ନଟ

ଆଜି ଶୀତଳଷଷ୍ଠୀ, କଟକଣା ମଧ୍ୟରେ ଅନୁଷ୍ଠିତ ହେବ ଦେବ ଦମ୍ପତି ବିବାହ

ଭୁବନେଶ୍ୱର: ଆଜି ଶୀତଳଷଷ୍ଠୀ ଯାତ୍ରା । ମା’ ପାର୍ବତୀଙ୍କ ହାତ ଧରିବେ ଦେବଦେବ ମହାଦେବ । ଦେବ ଦମ୍ପତିଙ୍କ ବିବାହ ପାଇଁ ଶେଷ ପର୍ଯ୍ୟାୟରେ ପ୍ରସ୍ତୁତି । ଏଥିପାଇଁ ବିଭିନ୍ନ ଶୈବପୀଠ ଚଳଚଞ୍ଚଳ ହୋଇଉଠିଛି । ଆଜି ମା’ ପାର୍ବତୀଙ୍କ ହାତ ଧରିବେ ଦେବଦେବ ମହାଦେବ । କୋଭିଡ କଟକଣା ଭିତରେ ଦେବ ଦମ୍ପତିଙ୍କ ବିବାହ ଅନୁଷ୍ଠିତ ହେବ । ବିବାହ ପାଇଁ ମନ୍ଦିରରେ ନୀତିକାନ୍ତି ମଧ୍ୟ ଚାଲିଛି । ସମ୍ବଲପୁର ନନ୍ଦପଡାର ବାଲୁଙ୍କେଶ୍ବର, ଝାଡୁଆପଡାର ଲୋକନାଥ ବାବା, ମୁଦିପଡାର ଯାଗେଶ୍ବର ବାବା, ଠାକୁର ପଡାର ଗୁପ୍ତେଶ୍ୱର ବାବାଙ୍କ ବିବାହ ଅନୁଷ୍ଠିତ ହେବ । ସେହିପରି ଗତବର୍ଷ ଭଳି ଏଥର ମଧ୍ୟ ବିନା ଭକ୍ତରେ ଅନୁଷ୍ଠିତ ହେବ ପ୍ରଭୁ ଲିଙ୍ଗରାଜଙ୍କ ବିବାହ କାର୍ଯ୍ୟ । ୭ ଜଣ ସେବାୟତଙ୍କ ଦ୍ବାରା କେଦାରଗୌରୀ ମନ୍ଦିର ପରିସରରେ ହେବ ଦେବ ବିବାହ । ଆଜି ରାତି ୧୧ଟାରେ ଲିଙ୍ଗରାଜଙ୍କ ପାଲିଙ୍କି ଓ ବିମାନ ବାହାରି କେଦାରଗୌରୀ ମନ୍ଦିରରେ ୧୧ଟା ୪୫ ସୁଦ୍ଧା ପହଞ୍ଚିବ । ଆସନ୍ତାକାଲି ପଟୁଆର ବାହାରି ଲିଙ୍ଗରାଜ ମନ୍ଦିରକୁ ପ୍ରତ୍ୟାବର୍ତ୍ତନ କରିବ ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୩ ହଜାର ୪୦୫ ଜଣ କରୋନା ସଂକ୍ରମିତ ଚିହ୍ନଟ

 

ରାଜ୍ୟରେ ଆଉ ୩ ହଜାର ୪୦୫ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର:ରାଜ୍ୟରେ କମୁଛି କରୋନା । ଗ୍ରୀନଜୋନରେ ୧୩ ଜିଲ୍ଲା । ଦିନକରେ ୩ହଜାର ୪୦୫ ସଂକ୍ରମିତ ଚିହ୍ନଟ ହୋଇଥିବା ବେଳେ ୪୨ଜଣଙ୍କ ଜୀବନ ନେଇ କିଲର ଭାଇରସ୍ । ୨୪ ଘଣ୍ଟାରେ ୮ହଜାର ୧୮୨ ଆକ୍ରାନ୍ତ ସୁସ୍ଥ ହୋଇଛନ୍ତି । କ୍ବାରେଣ୍ଟାଇନରୁ ୧୯୪୨, ଲୋକାଲ କେସ୍ ୧୪୬୩ । ଖୋର୍ଦ୍ଧାରୁ ସର୍ବାଧିକ ୫୦୦, ଯାଜପୁରରୁ ୩୯୧, ବାଲେଶ୍ବରରୁ ୨୯୬, କଟକରୁ ୨୩୦ ସଂକ୍ରମିତ ଚିହ୍ନଟ ହୋଇଛନ୍ତି । ମୟୂରଭଞ୍ଜରୁ ୧୮୭, ଅନୁଗୁଳରୁ ୧୮୩, ଭଦ୍ରକରୁ ୧୭୯, ପୁରୀରୁ ୧୪୧, ଜଗତସିଂହପୁରରୁ ୧୨୯ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ନୟାଗଡ଼ରୁ ୯୭, କେନ୍ଦୁଝରରୁ ୮୯, ନବରଙ୍ଗପୁରରୁ ୮୩, ଷ୍ଟେଟପୁଲରୁ ୭୬, କେନ୍ଦ୍ରାପଡାରୁ ୭୩, ମାଲକାନଗିରିରୁ ୭୨, ବରଗଡ଼ରୁ ୬୬, କୋରାପୁଟରୁ ୬୩, ବୌଦ୍ଧରୁ ୫୯, ଗଜପତିରୁ ୫୮, କନ୍ଧମାଳରୁ ୫୫, ଢେଙ୍କାନାଳ ଓ କଳାହାଣ୍ଡିରରୁ ୫୪ଜଣ ଲେଖାଏଁ ଆକ୍ରାନ୍ତ, ସୁନ୍ଦରଗଡ଼ରୁ ୪୮, ରାୟଗଡ଼ାରୁ ୪୫, ସମ୍ବଲପୁରରୁ ୩୮, ଗଞ୍ଜାମରୁ ୩୬, ନୂଆପଡାରୁ ୨୮, ସୋନପୁରରୁ ୨୫, ଦେଓଗଡ଼ରୁ ୨୩, ବଲାଙ୍ଗୀରରୁ ୧୮ ସଂକ୍ରମିତ ଚିହ୍ନଟ ହୋଇଥିବା ବେଳେ ଝାରସୁଗୁଡାରୁ ସର୍ବନିମ୍ନ ୯ ଆକ୍ରାନ୍ତ ଚିହ୍ନଟ ହୋଇଛନ୍ତି ।

 

ବାପା-ମାଆଙ୍କୁ ଛଡ଼ାଇନେଲା କରୋନା, ୮ ବର୍ଷର ଝିଅ ସମ୍ଭାଳୁଛି ଦେଢ଼ ମାସର ଭାଇକୁ

ବାଲେଶ୍ୱର: କୁନି କାନ୍ଧରେ ବଡ ଦାୟିତ୍ବ । ୧୫ ଦିନରେ ବାପାମାଆଙ୍କୁ ଛଡାଇ ନେଇଛି କରୋନା । ଏବେ ୮ ବର୍ଷର ଝିଅ ଉପରେ ଦେଢ଼ ମାସର ଭାଇର ଦାୟିତ୍ବ । ବାଲେଶ୍ବର ଜିଲ୍ଲା ଭୋଗରାଇ ନିମାତପୁର ଗାଁର କ୍ରିଷ୍ଣା ସାନଭାଇର ଦାୟିତ୍ବ ନେବାକୁ ମାତ୍ର ୧୫ ଦିନରେ ପ୍ରସ୍ତୁତ ହୋଇଯାଇଛି । ସାନ ଭାଇକୁ ବଡ କରିବାକୁ କୁନି ବୟସରେ ସେ ଦେଖିଛି ଅସୁମାରୀ ସ୍ବପ୍ନ । ତୁନି ହଅ, ଆଉ କାନ୍ଦନା, ତୋ ଲୁହ ପୋଛିବାକୁ ପରା ମୁଁ ଅଛି । ତୋ ଅଳି ଶୁଣିବି, ତତେ ଗେଲ କରି ଖୁଆଇଦେବି, ଅବୁଝା ହେଲେ ଦୋଳିରେ ଝୁଲେଇ ଦେବି । ବାପା ମାଆ ସିନା ପର କରି ଚାଲିଗଲେ, ହେଲେ ମୁଁ ତତେ ସ୍ନେହ ମମତା ଦେବାରେ କେବେ ଉଣା କରିବିନି ।

ଦେଢ ମାସର କୁନି ଭାଇକୁ ଏମିତି ତୁନି କରୁଛି ଭଉଣୀ। ବାପା ମାଆଙ୍କୁ ଛଡ଼ାଇ ନେଇଛି କରୋନା । ଆଉ ସାନ ଭାଇ ପାଇଁ ଏବେ ମାଆ ହେଇଯାଇଛି ୮ବର୍ଷର ଭଉଣୀ। ଦୁନିଆ ଦେଖିବା ଆଗରୁ ଦୁଃଖକୁ ଅଙ୍ଗେ ନିଭାଉଛି। ଜୀବନ କଣ ଜାଣିବା ପୂର୍ବରୁ ମୃତ୍ୟୁର ଯାତନା ଭୋଗୁଛି । ବାଲେଶ୍ବର ଭୋଗରାଇ ନିମାତପୁର ଗାଁର ଏ କାହାଣୀ ଆପଣଙ୍କୁ କନ୍ଦାଇଦେବ। ୧୫ଟା ଦିନରେ କୁନି ଝିଅ କ୍ରିଷ୍ଣା ବଡ଼ ହେଇଯାଇଛି । ବାପା-ମାଆଙ୍କୁ ଛଡାଇନେଲା ମହାମାରୀ। ଏବେ କ୍ରିଷ୍ଣା କୋଳରେ କୁନି ଭାଇ। ଜୀବନ କଣ ଜାଣିବା ଆଗରୁ ଭାଇ ପାଇଁ କୁନି ଆଖିରେ ଆଖିଏ ସ୍ବପ୍ନ ।.

ବାପା ମାଆ ଉଭୟ ଥିଲେ କରୋନା ଯୋଦ୍ଧା। ମାଆ ସ୍ମିତା ପଣ୍ଡା ଆଚାର୍ଯ୍ୟ ହରିହର କ୍ୟାନ୍ସର ହସ୍ପିଟାଲରେ ନର୍ସ ଥିଲେ। ବାପା କମଳେଶ ରେଳବାଇରେ କାମ କରୁଥିଲେ। ନୂଆ ଅତିଥି ଅପେକ୍ଷାରେ ପୂରା ପରିବାରରେ ଉତ୍ସାହ ଥିଲା। ହେଲେ କାଳ ହୋଇ ଆସିଥିଲା କରୋନା । ପ୍ରସବର କିଛି ଦିନ ପୂର୍ବରୁ ସ୍ମିତା କରୋନାରେ ଆକ୍ରାନ୍ତ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ। ଚିକିତ୍ସାଧିନ ଅବସ୍ଥାରେ ପୁଅ ଜନ୍ମ ହୋଇଥିଲା। ଆଉ ୭ଦିନ ପରେ ଜୀବନ ଯୁଦ୍ଧରେ ହାରିଗଲେ ସ୍ମିତା। କମଳେଶ ବି ମାତ୍ର ୧୪ ଦିନ ପରେ ଆଖି ବୁଜିଲେ ।

 

ଦେଶର ଦ୍ୱିତୀୟ ଧନୀ ବ୍ୟକ୍ତିଙ୍କୁ ଝଟକା, ହଠାତ୍ ଖସିଗଲା ୨୦ ପ୍ରତିଶତ ସେୟାର

ନୂଆଦିଲ୍ଲୀ: ଏସିଆର ଅନ୍ୟତମ ଧନୀ ତଥା ଦେଶର ଦ୍ୱିତୀୟ ଧନୀ ବ୍ୟକ୍ତି ଗୌତମ ଆଦାନୀଙ୍କୁ ଶକ୍ତ ଝଟ୍‌କା । ଆଦାନୀ ପରିବାର ଦ୍ୱାରା ପରିଚାଳିତ ଆଦାନୀ ଗ୍ରୁପର ଏକାଧିକ କଂପାନୀର ସେୟାର ହଠାତ୍ ୨୦ ପ୍ରତିଶତରୁ ଅଧିକ ହ୍ରାସ ପାଇଛି । ଏହି ରିପୋର୍ଟକୁ କମ୍ପାନୀ ପକ୍ଷରୁ ଖଣ୍ଡନ କରାଯାଉଥିଲେ ସୁଦ୍ଧା କମ୍ପାନୀ ୬ ବିଲିୟନ ଡଲାର କ୍ଷତି ଘଟିଛି । ନ୍ୟାସନାଲ୍ ସିକ୍ୟୁରିଟିଜ୍ ଡିପୋଜିଟୋରି ଲିମିଟେଡ୍ ବା NSDL ପକ୍ଷରୁ ତିନିଟି ବିଦେଶୀ ଫଣ୍ଡ ସଂସ୍ଥାର ଆକାଉଣ୍ଟକୁ ଫ୍ରିଜ୍ କରାଯିବା ପରେ ଏଭଳି ସ୍ଥିତି ଦେଖିବାକୁ ମିଳିଛି ।

ଅଲବୁଲା ଇନଭେଷ୍ଟମେଣ୍ଟ ଫଣ୍ଡ, କ୍ରେଷ୍ଟା ଫଣ୍ଡ ଏବଂ APMS ଇନେଭେଷ୍ଟମେଣ୍ଟ ଫଣ୍ଡର ଆକାଉଣ୍ଟକୁ ଫ୍ରିଜ୍ କରିଛି NSDL । ଏମାନଙ୍କ ପାଖରେ ଆଦାନୀ ଗ୍ରୁପର ୪୩ ହଜାର ୫ ଶହ କୋଟି ଟଙ୍କାର ସେୟାର ରହିଛି । ସେମାନେ ଏହାକୁ ବିକ୍ରି କରିବାର ସମ୍ଭାବନା ମଧ୍ୟ ରହିଛି । ଆଦାନୀ ଏଣ୍ଟରପ୍ରାଇଜେସରେ ୬ ଦଶମିକ ୮୨ ପ୍ରତିଶତ, ଆଦାନୀ ଟ୍ରାନ୍ସମିସନରେ ୮ ଦଶମିକ ୦୩ ପ୍ରତିଶତ, ଆଦାନୀ ଟୋଟାଲ ଗ୍ୟାସରେ ୫ ଦଶମିକ ୯୨ ପ୍ରତିଶତ, ଆଦାନୀ ଗ୍ରୀନରେ ୩ ଦଶମିକ ୫୮ ପ୍ରତିଶତ ସେୟାର ଏହି ୩ଟି ଫଣ୍ଡ ଏଜେନ୍ସିର ଥିଲା ।

ଗତ ବର୍ଷକ ମଧ୍ୟରେ ଆଦାନୀ ଗ୍ରୁପର ବିଭିନ୍ନ କଂପାନୀରେ ୬୦୦ ପ୍ରତିଶତରୁ ଅଧିକ ବୃଦ୍ଧି ହୋଇଥିଲା । ଆଜି ଆଦାନୀ ପୋର୍ଟର ସେୟାର ମଧ୍ୟ ୧୮ ପ୍ରତିଶତ ହ୍ରାସ ହୋଇଛି । ଚର୍ଚ୍ଚା ହେଉଛି ଯେ, ମେ ୩୧ ପୂର୍ବରୁ NSDL ଏ ସବୁ ଫ୍ରିଜ୍ କରିଥିଲା । ଯଦି ୧୪ ଦିନ ପୂର୍ବରୁ ଫ୍ରିଜ୍ କରାଯାଇଥିଲା, ତେବେ ଆଜି କାହିଁକି ଏତେ ବଡ଼ ହ୍ରାସ ଦେଖିବାକୁ ମିଳିଲା ବୋଲି ମାର୍କେଟ ବିଶେଷଜ୍ଞ ପ୍ରଶ୍ନ ଉଠାଇଛନ୍ତି ।

ଟିକା ନେଲ କିନ୍ନର, ପ୍ରଥମ ଡୋଜ ଟିକା ଦେଲା ବିଏମସି

ଭୁବନେଶ୍ୱର: ଟିକା ନେଲ କିନ୍ନର । ଭୁବନେଶ୍ବର ଚନ୍ଦ୍ରଶେଖରପୁର କଲ୍ୟାଣ ମଣ୍ଡପରେ ଏକ ସ୍ୱତନ୍ତ୍ର ଡ୍ରାଇଭ ଜରିଆରେ କିନ୍ନରମାନଙ୍କୁ ପ୍ରଥମ ଡୋଜ୍ ଟିକାକରଣ କରିଛି ବିଏମସି । କୋବିଡ ଗାଇଡଲାଇନ ଅନୁସାରେ ପ୍ରଥମ ପର୍ଯ୍ୟାୟରେ ୩୨ ଜଣ କିନ୍ନରଙ୍କୁ ଟିକା ପ୍ରଦାନ କରାଯାଇଛି ।

ଆଗକୁ ଯେଉଁ କିନ୍ନରମାନେ ଟିକା ନେଇ ନାହାନ୍ତି ସେମାନଙ୍କୁ ମଧ୍ୟ ଟିକା ପ୍ରଦାନ କରାଯିବ ବୋଲି କହିଛନ୍ତି ବିଏମସି ଯୋନାଲ ଡେପୁଟି କମିଶନର । ସେପଟେ ଟିକା ନେବା ପରେ କିନ୍ନର ମାନେ ବେଶ୍ ଖୁସି ରହିଥିବା ବେଳେ ସରକାରଙ୍କ ପଦକ୍ଷେପକୁ ସ୍ୱାଗତ କରିଛନ୍ତି ।