spot_img
Home Blog Page 5583

ରାଜ୍ୟରେ ସୁଧୁରୁଛି କରୋନା ସଂକ୍ରମଣ, ଚିହ୍ନଟ ହେଲେ ୧୯୩୦ ଜଣ କରୋନା ସଂକ୍ରମିତ

ଭୁବନେଶ୍ୱର: ରାଜ୍ୟରେ ଲଗାତାର ଖସୁଛି କରୋନା ସଂକ୍ରମଣ। ଗତ ୨୪ ଘଣ୍ଟାରେ ଚିହ୍ନଟ ହେଲେ ୧୯୩୦ କରୋନା ପଜିଟିଭ। କ୍ୱାରେଣ୍ଟାଇନରୁ ୧୧ ଶହ ୧୭ ଜଣ ଥିବା ବେଳେ ଲୋକାଲ କଣ୍ଟାକ୍ଟ ରହିଛି ୮୧୩ । ତେବେ ସଂକ୍ରମଣ ନିୟନ୍ତ୍ରଣ ଆସୁଥିଲେ ବି ମୃତ୍ୟୁ ସଂଖ୍ୟାରେ ଲାଗୁନି ବ୍ରେକ୍‌। ରାଜ୍ୟରେ ଆଉ ୬୮ ଜଣଙ୍କର ଜୀବନ ନେଲା ମହାମାରୀ। ଖୋର୍ଦ୍ଧାରୁ ସର୍ବାଧିକ ୪୩୧ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୨୨୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ସେହିପରି ଅନୁଗୁଳରୁ ୫୦, ବାଲେଶ୍ୱରରୁ ୧୩୪, ବରଗଡ଼ରୁ ୧୨, ଭଦ୍ରକରୁ ୯୮, ବଲାଙ୍ଗୀରୁ ୧, ବୌଦ୍ଧରୁ ୩, ଦେବଗଡ଼ରୁ ୮, ଢ଼େଙ୍କାନାଳରୁ ୬୨, ଗଜପତିରୁ ୪, ଗଞ୍ଜାମରୁ ୧୭, ଜଗତସିଂହପୁରରୁ ୭୫, ଯାଜପୁରରୁ ୧୨୫, ଝାରସୁଗୁଡ଼ାରୁ ୧୬, ଗଳାହାଣ୍ଡିରୁ ୭, କନ୍ଧମାଳରୁ ୨୭, କେନ୍ଦ୍ରାପପଡ଼ାରୁ ୧୨୩, କେନ୍ଦୁଝରରୁ ୪୮, କୋରାପୁଟ ରୁ ୧୪, ମାଲଗାନାଗିରିରୁ ୨୮, ମୟୂରଭଞ୍ଜରୁ ୯୮, ନବରଙ୍ଗପୁରରୁ ୫, ନୟାଗଡ଼ରୁ ୫୮, ନୂଆପଡ଼ାରୁ ୨, ପୁରୀରୁ ୨୭, ରାୟଗଡ଼ାରୁ ୩୮, ସମ୍ବଲପୁରରୁ ୨୫, ସୋନପୁରରୁ ୫, ସୁନ୍ଦରଗଡ଼ରୁ ୯୪, ଷ୍ଟଟପୁଲରୁ ୭୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଦେଶରେ ସକ୍ରିୟ ହୋଇଛି ମୌସୁମୀ, ପ୍ରବଳ ବର୍ଷା କାରଣରୁ ବିଗୁଡ଼ୁଛି ସ୍ଥିତି

ନୂଆଦିଲ୍ଲୀ: ଦିଲ୍ଲୀ-ଏନସିଆରରେ ପହଞ୍ଚିଛି ମୌସୁମୀ। ପାଣିପାଗ ବିଭାଗ ଅନୁଯାୟୀ ହରିୟାଣାର ଦିଲ୍ଲୀ ଏବଂ ଗୁରୁଗ୍ରାମରେ ମୌସୁମୀ ପ୍ରବେଶ କରିଛି। ମଙ୍ଗଳବାର ସକାଳେ ଦିଲ୍ଲୀ-ଏନସିଆରରେ ବର୍ଷା ହୋଇଥିଲା ଯେଉଁଥିପାଇଁ ତାପମାତ୍ରାରେ ହ୍ରାସ ହୋଇଥିବା ରେକର୍ଡ କରାଯାଇଛି। ଦିଲ୍ଲୀରେ ବର୍ଷା ଏବଂ ଥଣ୍ଡା ପବନ ଯୋଗୁଁ ଲୋକମାନେ ପ୍ରବଳ ଗରମରୁ ଆରାମ ପାଇଛନ୍ତି।

ସେପଟେ ଦେଶର କେତେକ ସ୍ଥାନରେ ସକ୍ରିୟ ହୋଇଛି ମୌସୁମୀ। ଉତ୍ତର ଭାରତରେ ମୌସୁମୀ ଭୟଙ୍କର ରୂପ ଧାରଣ କରିଛି। ହିମାଚଳ ପ୍ରଦେଶରେ ବାଦଲଫଟା ବର୍ଷା, ଉତ୍ତରାଖଣ୍ଡରେ ଧସିଲା ମାଟି। ଭୀଷଣ ବନ୍ୟାର ରୂପ ନେଇଛି ମୌସୁମୀ ବର୍ଷା। ବହୁ ଅଞ୍ଚଳ ପାଣି ଘେରରେ ଥିବା ବେଳେ ଲୋକଙ୍କୁ ବିପଦପୂର୍ଣ୍ଣ ଭାବେ ଉଦ୍ଧାର କରାଯାଉଥିବା ଦୃଶ୍ୟ ସାମ୍ନାକୁ ଆସୁଛି। ଉତ୍ତରାଖଣ୍ଡର ଡେରାଡୁନର ଦୃଶ୍ୟ ଦେଖନ୍ତୁ। କିପରି ପାଣି ସୁଅକୁ କାଟି କିଛି ମହିଳା ଓ ପୁରୁଷଙ୍କୁ ବଞ୍ଚାଯାଉଛି। ବର୍ଷା ଓ ପାଣି ଲହରୀ ଯୋଗୁଁ କାର୍‌ ଗୁଡିକ ଖେଳଣା ପରି ଭାସିବାକୁ ଲାଗିଥିଲେ। ହଠାତ୍ ବାଦଲଫଟା ବର୍ଷା ଯୋଗୁ ନଦୀରେ ପାଣି ଭର୍ତ୍ତି ହୋଇଯାଇଛି।

ଏମିତିକି ନଦୀ କୂଳିଆ ଅଞ୍ଚଳକୁ ଆର୍ଲଟ କରାଯାଇଛି। ଭୀଷଣ ବର୍ଷା ଯୋଗୁଁ କିଛି କିଛି ସ୍ଥାନରେ ମାଟି ଧସି ଯାଇଛି। କିଛି ରାସ୍ତା କଟି ଯାଇଥିବା ବେଳେ ଯାତାୟାତ ବାଧାପ୍ରାପ୍ତ ହୋଇଛି। ମଣ୍ଡି ଜିଲ୍ଲାର ଏନଏଚ ୩ ବନ୍ଦ କରିଦିଆଯାଇଛି। ଉଦ୍ଧାର ପାଇଁ ଏନଡିଆରଏଫ୍ ଟିମ୍ ନିୟୋଜିତ ହୋଇଛନ୍ତି। ପାଣିପାଗ ବିଭାଗର ପୂର୍ବାନୁମାନ ଆହୁରି ୪୮ ଘଣ୍ଟା ହିମାଞ୍ଚଲରେ ବର୍ଷା ହେବ। ଜମ୍ମୁ କାଶ୍ମୀରରେ ମଧ୍ୟ  ଭୀଷଣ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି।

ରାଜ୍ୟରେ ଖସୁଛି କରୋନା ସଂକ୍ରମଣ, ହେଲେ ଚିନ୍ତା ବଢ଼ାଇଲାଣି ଲାମ୍ବଡ଼ା ଭ୍ୟାରିଆଣ୍ଟ

ନୂଆଦିଲ୍ଲୀ: ରାଜ୍ୟରେ ଖସୁଛି କରୋନା ଗ୍ରାଫ୍। ୨ ହଜାର ତଳକୁ ଖସିଲା ଦୈନିକ ସଂକ୍ରମଣ। ଶହେ ତଳେ ରହିଛି ୨୫ଜିଲ୍ଲା। ଲକଡାଉନ୍ ଓ ସଟଡାଉନ୍ ଫଳରେ ଦୈନିକ ସଂକ୍ରମଣ କମିବାରେ ଲାଗିଛି। ହେଲେ ଚିନ୍ତା ବଢାଇଲାଣି ଲାମ୍ବଡା ଭ୍ୟାରିଆଣ୍ଟ। ଦକ୍ଷିଣ ଆମେରିକାର ଚିଲି ଓ ପେରୁରୁ ୨୭ଟି ଦେଶକୁ ବ୍ୟାପିଲାଣି ଲାମ୍ବଡା। ବ୍ରିଟେନ, ବ୍ରାଜିଲ ଓ ଦକ୍ଷିଣ ଆଫ୍ରିକା ଷ୍ଟ୍ରେନର ଭୟାବହତା ଏବେଠାରୁ ଚିନ୍ତା ବଢାଇଲାଣି। ଭୂତାଣୁର ମ୍ୟୁଟେସନ ସହ ନୂତନ ଶକ୍ତିଶାଳୀ ଭ୍ୟାରିଆଣ୍ଟ ଜନ୍ମ ନେଉଛି। ଲାମ୍ବଡା ଏମାନଙ୍କଠାରୁ ଅଧିକ ଭୟାନକ ଅଟେ। କାରଣ ଚିଲି ଓ ପେରୁରେ ଏହା ଅନେକ ଜୀବନ ନେଲାଣି। ଲାମ୍ବଡା ବିରୋଧରେ କୋଭାକ୍ସିନ ଓ କୋଭିସିଲଡ୍ ପ୍ରଭାବଶାଳୀ ହେଉନଥିବା ନେଇ ଆଶଙ୍କା କରୁଛନ୍ତି ବିଶେଷଜ୍ଞ। ଅନ୍ୟ ଭୂତାଣୁ ଅପେକ୍ଷା ଏହା ଦୁଇଗୁଣା ଅଧିକ ସଂକ୍ରାମକ ବୋଲି ଜଣାପଡିଛି। ତେବେ ଏଯାଏ ଭାରତରେ ଲାମ୍ବଡା ଭୟ ଆସିନି।

ଗୁଣ୍ଡିଚା ମନ୍ଦିରରେ ୩ ରଥ ପହଞ୍ଚିବା ପରେ ଆଜି ଚତୁର୍ଦ୍ଧାମୂର୍ତ୍ତିଙ୍କ ହେବ ଆଡ଼ପ ମଣ୍ଡପ ବିଜେ

ପୁରୀ: ଶରଧାବାଲିରେ ତିନି ରଥ। ରଥ ଉପରେ ରଥାରୂଢ ହୋଇ ଦର୍ଶନ ଦେଉଛନ୍ତି ମହାବାହୁ। ଆଜି ରଥା ରୂଢ ଚତୁର୍ଦ୍ଧା ମୁରତିଙ୍କ ହେବ ଆଡପ ମଣ୍ଡପ ବିଜେ ନୀତି। ଗୋଟି ପହଣ୍ଡିରେ ଆଡ଼ପ ମଣ୍ଡପକୁ ବିଜେ କରିବେ ଚତୁର୍ଦ୍ଧା ମୂରତି। ରଥ ଉପରେ ମହାପ୍ରଭୁଙ୍କ ଦୈନନ୍ଦିନ ନୀତି କାନ୍ତି ଅନୁଷ୍ଠିତ ହୋଇ ସନ୍ଧ୍ୟା ଧୂପ ନୀତି ଶେଷ ପରେ ଆଡପ ମଣ୍ଡପ ବିଜେ ନୀତି ସମ୍ପାଦନ କରିବେ ସେବାୟତ। ସକାଳୁ ମହାପ୍ରଭୁଙ୍କର ସରିଛି ମଙ୍ଗଳ ଆଳତି। ଆଡ଼ପମଣ୍ଡପ ବିଜେ କରି ଜନ୍ମବେଦୀରେ ଲୀଳାଖେଳା କରିବେ ତିନି ଠାକୁର। ଗତକାଲି ଶାନ୍ତିଶୃଙ୍ଖଳା ସହ ଶେଷ ହୋଇଛି ମହାପ୍ରଭୁଙ୍କ ରଥଯାତ୍ରା।

ରଥ ଗୁଣ୍ଡିଚା ମନ୍ଦିରରେ ଲାଗିସାରିବା ପରେ ପୁରୀରେ ସାମାନ୍ୟ କୋହଳ ହେଲା କର୍ଫ୍ୟୁ

ପୁରୀ: ପୁରୀରେ ପ୍ରଶାସନ ପକ୍ଷରୁ ରଥଯାତ୍ରା ନିମନ୍ତେ କରାଯାଇଥିବା କର୍ଫ୍ୟୁ ରେ କୋହଳ। ଆଜି ସନ୍ଧ୍ୟା ୮ ଘଟିକା ପର୍ଯ୍ୟନ୍ତ ପୂର୍ବରୁ ଜାରି ଥିବା କର୍ଫ୍ୟୁ କଟକଣାକୁ ପ୍ରତ୍ୟାହାର।ତେବେ କୁମ୍ଭାରପଡା ସାହିର ମିଶ୍ର ଲେନ ଦେଇ ବଡଶଙ୍ଖରୁ ବାନାମ୍ବର ଛକ, ପୁରୁଣା ନବକଳେବର ରୋଡ ଦେଇ ବାନାମ୍ବର ଛକ ଠାରୁ ମାଟିଆପଡା ଛକ, ମାଟିଆପଡା ଛକ ଠାରୁ ଆଶୁତୋଷ ମଠ ଛକ, ଆଶୁତୋଷ ମଠ ଛକ ଠାରୁ ନୀଳକଣ୍ଠ ମନ୍ଦିର ଛକ, ନୀଳକଣ୍ଠ ମନ୍ଦିର ଛକ ଠାରୁ ବଡଶଙ୍ଖ ପର୍ଯ୍ୟନ୍ତ କର୍ଫ୍ୟୁ କଟକଣା ରହିବ।

ଆସନ୍ତା କାଲି ବୁଧବାର ସକାଳ ୬ ଘଟିକା ପର୍ଯ୍ୟନ୍ତ ବଳବତ୍ତର ରହିବ। ଶ୍ରୀ ଜୀଉ ମାନଙ୍କ ଆଡପ ମଣ୍ତପ ବିଜେ ପହଣ୍ତି ନିମନ୍ତେ ପ୍ରଶାସନ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି। ଏହି ସମୟ ମଧ୍ୟରେ ଉକ୍ତ ଅଞ୍ଚଳରେ ସମସ୍ତ ଦୋକାନ ଓ ବଜାର, ଔଷଧ ଦୋକାନ, ବାଣିଜ୍ୟିକ ପ୍ରତିଷ୍ଠାନ, କାର୍ଯ୍ୟାଳୟ ବନ୍ଦ ରହିବ। ସାଧାରଣ ଲୋକଙ୍କ ଚଳପ୍ରଚଳ ଉପରେ କଟକଣା ଜାରି କରାଯାଇଛି। କେବଳ ସ୍ୱୀକୃତିପ୍ରାପ୍ତ ଏବଂ ଅତ୍ୟାବଶ୍ୟକୀୟ ସାମଗ୍ରୀ ବହନ କରିଥିବା ଗାଡିକୁ ଛାଡିଦେଲେ ଅନ୍ୟଗାଡି ଗୁଡିକ ଯିବା ଆସିବା ଉପରେ ମଧ୍ୟ ଏହି କଟକଣା ବଳବତ୍ତର ରହିବ। ଏଥିନିମନ୍ତେ ସହଯୋଗ କରିବାକୁ ପ୍ରଶାସନ ପକ୍ଷରୁ ପରାମର୍ଶ ଦିଆଯାଇଛି।

ଜମି ପାଇଁ ଭାଇ ହେଲା ବଇରୀ, ସାନର ଠେଙ୍ଗା ମାଡ଼ରେ ବଡ଼ ମୃତ

କୋଣାର୍କ: ପୁରୀ ଜିଲ୍ଲା ନିମାପଡ଼ା ଥାନା ଅନ୍ତର୍ଗତ ଅଳନ୍ଧା ଗ୍ରାମରେ ହତ୍ୟାକାଣ୍ଡ ଘଟିଛି । ଜମିବାଡ଼ି ବିବାଦକୁ କେନ୍ଦ୍ର କରି ବଡ଼ ଭାଇକୁ ହତ୍ୟା କରିଛି ସାନ ଭାଇ । ସାନ ଭାଇର ଠେଙ୍ଗା ମାଡ଼ରେ ବଡ଼ ଭାଇର ମୃତ୍ୟୁ ହୋଇଛି । ଦୀର୍ଘ ଦିନ ହେଲା ଗାଁର ଜିତେନ୍ଦ୍ର ପ୍ରଧାନ ଓ ସାନଭାଇ ରବୀନ୍ଦ୍ର ପ୍ରଧାନଙ୍କ ମଧ୍ୟରେ ଜମିଜମା ବିବାଦ ଲାଗିରହିଥିଲା । ଏହାକୁ ନେଇ ଆଜି ଉଭୟଙ୍କ ମଧ୍ୟରେ ବଚସା ହୋଇଥିଲା ।

ଏଥିରେ ଉତକ୍ଷିପ୍ତ ହୋଇ ରବୀନ୍ଦ୍ର ବଡ଼ଭାଇକୁ ଏକ ଠେଙ୍ଗାରେ ମାଡ଼ ମାରିଥିଲେ । ଜିତେନ୍ଦ୍ର ଅଚେତ ହେବାପରେ ତାଙ୍କୁ ନିମାପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା । ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ଜିତେନ୍ଦ୍ରଙ୍କ ପତ୍ନୀଙ୍କ ଅଭିଯୋଗ କ୍ରମେ ନିମାପଡ଼ା ପୋଲିସ ଅଭିଯୁକ୍ତ ରବୀନ୍ଦ୍ରକୁ ଗିରଫ କରିଛି । ଜିତେନ୍ଦ୍ରଙ୍କ ମୃତଦେହ ବ୍ୟବଚ୍ଛେଦ ପାଇଁ ଚାରିଛକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଛି ।

ଉତ୍ତର-ପୂର୍ବ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: କରୋନା ସ୍ଥିତି ନେଇ ଆସନ୍ତାକାଲି ମଙ୍ଗଳବାର ଉତ୍ତର-ପୂର୍ବ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆସାମ, ନାଗାଲାଣ୍ଡ, ତ୍ରିପୁରା, ସିକ୍କିମ, ମଣିପୁର, ମେଘାଳୟ, ଅରୁଣାଚଳ ପ୍ରଦେଶ ଓ ମିଜୋରାମ ମୁଖ୍ୟମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିବେ । ଏସବୁ ରାଜ୍ୟରେ କରୋନା ସ୍ଥିତିରେ ସୁଧାର ଆସୁଥିବା ବେଳେ ଦିନ ୧୧ଟାରେ ମୁଖ୍ୟମନ୍ତ୍ରୀମାନଙ୍କ ସହ କଥା ହେବେ ପ୍ରଧାନମନ୍ତ୍ରୀ ।

ସଂକ୍ରମିତଙ୍କ ସଂଖ୍ୟା କମୁଥିବା ବେଳେ ମୃତ୍ୟୁ ସଂଖ୍ୟା ବି କମିବାରେ ଲାଗିଛି । ଆଗାମୀ ଦିନରେ କଣ ରହିବ ରଣନୀତି ସେ ନେଇ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ମୋଦି । ଏଥିସହ ସମ୍ଭାବ୍ୟ ତୃତୀୟ ଲହର ନେଇ ମଧ୍ୟ ଆଲୋଚନା ହୋଇପାରେ । ଦେଶରେ କରୋନା ସ୍ଥିତି ନେଇ ଏହା ପୂର୍ବରୁ ଅନେକ ଥର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିସାରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ମଙ୍ଗଳବାର ମାତ୍ର ୯୭ଟି କେନ୍ଦ୍ରରେ ଦିଆଯିବ କୋଭିଡ୍ ଟିକା

ଭୁବନେଶ୍ୱର: ଟିକା ସଂକଟ ଭିତରେ ଗତି କରୁଛି ଓଡ଼ିଶା । ରାଜ୍ୟରେ ହଜାରେରୁ ଅଧିକ ଟିକା କେନ୍ଦ୍ର ରହିଥିବା ବେଳେ ଆସନ୍ତାକାଲି ମଙ୍ଗଳବାର ରାଜ୍ୟର ମାତ୍ର ୯୭ଟି କେନ୍ଦ୍ରରେ ଦିଆଯିବ କୋଭିଡ୍ ଟିକା । ଅନ୍ୟ ସମସ୍ତ କେନ୍ଦ୍ରରେ କୋଭିଡ୍ ଟିକାକରଣ ବନ୍ଦ ରହିବ ।

Only 97 Covid Vaccination Centre Will Vacinate People Tomorrow

୧୫ଟି ଜିଲ୍ଲାର କୌଣସି କେନ୍ଦ୍ରରେ କୋଭିଡ୍ ଟିକା ଦିଆଯିବ ନାହିଁ । ଅନୁଗୁଳ, ବାଲେଶ୍ୱର, ଦେବଗଡ଼, ଢେଙ୍କାନାଳ, ଗଜପତି, ଝାରସୁଗୁଡ଼ା, କଳାହାଣ୍ଡି, କନ୍ଧମାଳ, କେନ୍ଦ୍ରାପଡ଼ା, କୋରାପୁଟ, ମାଲକାନଗିରି, ନବରଙ୍ଗପୁର, ନୟାଗଡ଼, ନୂଆପଡ଼ା ଓ ସମ୍ବଲପୁର ଜିଲ୍ଲାର କୌଣସି ସ୍ଥାନରେ ଟିକାକରଣ ହେବ ନାହିଁ ।

୧୨ ତାରିଖ ସନ୍ଧ୍ୟା ସୁଦ୍ଧା ରାଜ୍ୟରେ କୋଭିସିଲ୍ଡ ଟିକାର ୩ ଲକ୍ଷ ୪୯ ହଜାର ୯୩୦ ଡୋଜ୍ ମହଜୁଦ୍ ଥିବାବେଳେ କୋଭାକ୍ସିନ୍ ଟିକାର ୩ ଲକ୍ଷ ୯ ହଜାର ୫୩୦ ଡୋଜ୍ ରହିଛି ।

ମହାକାଶରୁ ଫେରିଲେ ରିଚାର୍ଡ ବ୍ରାନସନ୍ ଓ ଭାରତୀୟ ମହିଳା ସିରିସା

ନୂଆଦିଲ୍ଲୀ: ମହାକାଶରେ ମଜା ନେଇ ଫେରିଛନ୍ତି ବ୍ରିଟେନ ଉଦ୍ୟୋଗପତି ରିଚାର୍ଡ ବ୍ରାନସନ୍ । ଭର୍ଜିନ ଗାଲାକଟିକ୍‌ସର ମୁଖ୍ୟ ରିଚାର୍ଡ ବ୍ରାନସନ୍ ଓ ଅନ୍ୟ ୫ ଜଣ ରବିବାର ଅନ୍ତରୀକ୍ଷ ଅଭି‌ମୁଖେ ରୋମାଞ୍ଚକର ଯାତ୍ରା କରିଥିଲେ । ଏହି ଯାତ୍ରାର ସ୍ୱପ୍ନ ସତ ହୋଇଛି । ହେଲେ ଏହା ଭାରତ ପାଇଁ ଏକ ବଡ ଗର୍ବ । କାରଣ ଏମାନଙ୍କ ଭିତରେ ଥିଲେ ଭାରତୀୟ ମହିଳା ସିରିସା ବନ୍ଦଲା । କଳ୍ପନା ଚାୱଲା ଏବଂ ସୁନିତା ୱିଲିୟମ୍‌ସଙ୍କ ପରେ ତୃତୀୟ ଭାରତୀୟ ବଂଶୋଦ୍ଭବ ମହିଳାଭାବେ ମହାକାଶ ଯାତ୍ରା କରିଛନ୍ତି ସିରିସା ।

ଭର୍ଜିନ ଗାଲାକଟିକର ଯାତ୍ରୀବାହୀ ରକେଟ୍ ଭିଏସଏସ ୟୁନିଟ 22 ରବିବାର ସଂଧ୍ୟାରେ ନ୍ୟୁ ମେକ୍ସିକୋରୁ ଉଡାଣ ଆରମ୍ଭ କରିଥିଲା । ଏଥିରେ ସିରିସାଙ୍କ ସମେତ ମୋଟ ୫ ଜଣ ମହାକାଶଚାରୀ ମହାକାଶକୁ ଯାତ୍ରା କରିଥିଲେ । ଏଥିରେ ଦୁଇ ପାଇଲଟ୍ ଏବଂ ଚାରି ଜଣ ଯାତ୍ରୀ ଥିଲେ । ଭର୍ଜିନ୍ ଗାଲାକ୍ଟିକର ଏହି ମହାକାଶଯାନ ରାତି ପ୍ରାୟ ୯ ଟା ୨୦ରେ ସ୍ପେସପୋର୍ଟ ଆମେରିକାରେ ନିରାପଦରେ ଅବତରଣ କରିଥିଲା । ଏଥିରେ ସମସ୍ତ ଯାତ୍ରୀ ସୁରକ୍ଷିତ ଏବଂ ଖୁସି ଥିଲେ । ଲଞ୍ଚ ଠାରୁ ଆରମ୍ଭ କରି ଅବତରଣ ପର୍ଯ୍ୟନ୍ତ ସମୁଦାୟ ସମୟ ପ୍ରାୟ ୯୦ ମିନିଟ୍ ରହିଥିଲା ।

ଭିଏସଏସ ୟୁନିଟି ପ୍ରାୟ ଚାରି ମିନିଟ୍ ଯାଏ କକ୍ଷ୍ୟପଥରେ ରହିଥିଲା । ଏହି ସମୟରେ, ମହାକାଶଚାରୀମାନେ ଶୂନ୍ୟ ମାଧ୍ୟାକର୍ଷଣ ଶକ୍ତି ଅନୁଭବ କରିଥିଲେ | ମହାକାଶରେ ଥିବା ବେଳେ ୧୭ଟି ଝରକାରୁ ପୃଥିବୀର ଆକୃତି ମଧ୍ୟ ଦେଖିଥିଲେ । ତେବେ ମହାକାଶକୁ ଯିବାର ଲକ୍ଷ ହେଉଛି ମହାକାଶ ପର୍ଯ୍ୟଟନକୁ ପ୍ରୋତ୍ସାହିତ କରିବା। ଯେଉଁଥିପାଇଁ ୬୦୦ରୁ ଅଧିକ ଲୋକ ଅପେକ୍ଷା କରିଛନ୍ତି । ଭିର୍ଜିନ୍ ଗାଲାକଟିକ୍ ପ୍ରଥମେ ୨୦୧୮ରେ ମହାକାଶକୁ ଉତକ୍ଷେପଣ ହୋଇଥିଲା । ୨୦୦୪ରେ ବ୍ରାନସନ ଏହି ଭିର୍ଜିନ କମ୍ପାନୀକୁ ପ୍ରତିଷ୍ଠା କରିଥିଲେ।

ଏବେ ଆସନ୍ତୁ ଜାଣିବା ଏଥିରେ ସାମିଲ ହୋଇଥିବା ତୃତୀୟ ଭାରତୀୟ ବଂଶଦ୍ଭବ ମହିଳା ସିରିସା ବନ୍ଦଲାଙ୍କ ବିଷୟରେ । ଆନ୍ଧ୍ରପ୍ରଦେଶର ଗୁଣ୍ଠୁର ଜିଲ୍ଲାରେ ଜନ୍ମ ଗ୍ରହଣ କରିଥିଲେ ସିରିସା । 4 ବର୍ଷ ବୟସରେ ଆମେରିକା ଯାଇଥିଲେ . ପରେ ସେଠାରେ ପଢାପଡ଼ି କରିବା ପରେ 2011ରେ ପର୍ଡୁ ୟୁନିଭରସିଟି ଅଫ୍ ଏରୋନେଟିକ୍ସ ଏବଂ ଜ୍ୟୋତିର୍ବିଜ୍ଞାନରୁ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ। 2015ରେ ଜର୍ଜ ୱାଶିଂଟନ୍ ବିଶ୍ବ ବିଦ୍ୟାଳୟରୁ ମାଷ୍ଟର ଅଫ୍ ବିଜିନେସ୍ ଆଡମିନିଷ୍ଟ୍ରେସନ୍ ଡିଗ୍ରୀ ସମାପ୍ତ କରିଥିଲେ ସିରିସା। ଏବେ ବ୍ରାନସନ୍ ଭର୍ଜିନ୍ ଗାଲାକ୍ଟିକରେ ସରକାରୀ ବ୍ୟାପାର ଏବଂ ଅନୁସନ୍ଧାନ କାର୍ଯ୍ୟର ଉପାଧ୍ୟକ୍ଷ ଅଛନ୍ତି ସିରିସା ବନ୍ଦଲା ।

ଆମେରିକାର ହୁଷ୍ଟନରେ ନାସାର ଜନସନ୍ ସ୍ପେସ୍ ସେଣ୍ଟର ନିକଟରେ ତାଙ୍କର ପିଲାଦିନ କଟିଥିଲା . ସିରିସା ସର୍ବଦା ଏକ ମହାକାଶଚାରୀ ହେବାକୁ ଚାହୁଁଥିଲେ । କିନ୍ତୁ ଦୃଷ୍ଟିଶକ୍ତି କମ ଥିବାରୁ ତାଙ୍କର ପାଇଲଟ୍ କିମ୍ବା ମହାକାଶଚାରୀ ହେବା ସ୍ବପ୍ନ ପୂରା ହୋଇପାରୁନଥିଲା । ହେଲେ ରିଚାର୍ଡ ବ୍ରାନସନଙ୍କ ଭର୍ଜିନ ଗାଲାକ୍‌ଟିକରେ ସେ ଯାତ୍ରା କରିପାରିଛନ୍ତି . ତେବେ ଏହି ଯାତ୍ରାରେ ସିରିଶା ରିସର୍ଚ୍ଚର ଭାବେ ଯୋଡ଼ି ହୋଇଥିଲେ । ଯାତ୍ରା ସମୟରେ ମାନବୀୟ ଅନୁଭବ ସହିତ ଜଡ଼ିତ ବିଭିନ୍ନ ଦିଗକୁ ନେଇ ରିସର୍ଚ୍ଚ କରିବେ ସିରିସା।

ରାଷ୍ଟ୍ରପତି ଜୋବେନଲ ମୋସେଙ୍କୁ ହତ୍ୟା; ଜାଣନ୍ତୁ କ’ଣ ରହିଛି ଘଟଣା

କୈରେବିଆଇ ଦେଶ ହୈତିର ରାଷ୍ଟ୍ରପତି ଜୋବେନଲ ମୋସେଙ୍କୁ ହତ୍ୟା । ରାଷ୍ଟ୍ରପତି ଘରେ ଥିବାବେଲେ କିଛି ସନ୍ଦିଗ୍ଧ ବୁଧବାର ତାଙ୍କ ବାସ ଭବନରେ ପଶି ହତ୍ୟା କରିଛନ୍ତି । ସେପଟେ ରାଷ୍ଚ୍ରପତି ଜୋବେନଲ ମୋସେଙ୍କ ପତ୍ନୀ ମଧ୍ୟ ଅପରାଧିଙ୍କ ଆକ୍ରମଣରେ ଆହତ ହୋଇଛନ୍ତି । ପୋଲିସ ଏହି ଘଟଣାର ତଦନ୍ତ ଚଳାଇଥିବା ବେଳେ ବିବୃତ୍ତି ପ୍ରକାଶ କରି କହିଛି, ହତ୍ୟା ଘଟଣାରେ ସମୁଦାୟ ୪ ଜଣ ସନ୍ଦିଗ୍ଧଙ୍କୁ ପୋଲିସ ଗୁଳି କରି ମାରିଥିବାବେଳେ ଆଉ ଦୁଇ ଜଣ ଜୀବୀତ ଅବସ୍ଥାରେ ଧରାପଡିଛନ୍ତି । ହୈତିର ପୋଲିସ ମୁଖ୍ୟ ଲିୟାନ ଚାଲ୍ରସ କହିଛନ୍ତି ଖୁବ ଶୀଘ୍ର ଏହି ଦୁଇ ଅପରାଧିଙ୍କୁ ଗିରଫ କରାଯିବ ।

ରାଷ୍ଟ୍ରପତି ମୋସେଙ୍କୁ ୫୩ ବର୍ଷ ହୋଇଥିବା ବେଳେ ତାଙ୍କର ମୃତ୍ୟୁ ଘଟିଛି । ବିବିସିର ରିପୋର୍ଟ ମୁତାବକ ହୈତିର ରାଜଧାନୀ ପୋର୍ଟ ଅଉ ପ୍ରିନ୍ସରେ ଥିବା ନିଜ ଭବନରେ ରହିଥିଲେ ରାଷ୍ଟ୍ରପତି ମୋସେ । ସ୍ଥାନୀୟ ସମୟ ୧ ଟା ପାଖାପାଖି କିଛି ଅଜ୍ଞାତ ବନ୍ଧୁକଧାରୀ ବ୍ୟକ୍ତି ରାଷ୍ଟ୍ରପତିଙ୍କୁ ଗୁଳି କରି ହତ୍ୟା କରିଛନ୍ତି । ଏବଂ ତାଙ୍କ ପତ୍ନୀ ମାର୍ଟିନ ମୋସେ ଏଥିରେ ଆହାତ ହୋଇଥିବା ଜଣାପଡିଛି । ସେପଟେ ଦେଶର ପ୍ରଥମ ମହିଳାଙ୍କୁ ଅଧିକ ଚିକିତ୍ସା ପାଇଁ ପ୍ଲୋରେଡ଼ା ନିଆଯାଇଛି । ବର୍ତ୍ତମାନ ତାଙ୍କର ଚିକିତ୍ସା ଜାରି ରହିଥିବାବେଳେ ସେ ସୁସ୍ଥ ରହିଛନ୍ତି ।

ପୋଲିସ ମୁଖ୍ୟ ଏକଥା ମଧ୍ୟ ଟେଲିଭିଜନରେ ବିବୃତ୍ତି ରଖି କହିଛନ୍ତି, ରାଷ୍ଟ୍ରପତିଙ୍କ ହତ୍ୟା ଘଟଣାରେ ସାମିଲ ଥିବା ୪ ଜଣଙ୍କୁ ପୋଲିସ ଘଟଣାସ୍ଥଳରେ ହତ୍ୟା କରିଥିବାବେଳେ ତିନି ଜଣ ପୋଲିସ କର୍ମଚାରୀଙ୍କୁ କିଛି ସନ୍ଦିଗ୍ଧ ବନ୍ଧକ ରଖିଥିଲେ । ସେପଟେ ପୋଲିସର ସଫଳ ଅପରେସନ ଫଳରେ ୩ ପୋଲିସ କର୍ମଚାରୀ ସୁରକ୍ଷିତ ଉଦ୍ଧାର ହୋଇଛନ୍ତି ଏବଂ ଦୁଇ ଜଣ ସନ୍ଦିଗ୍ଧ ଧରା ପଡିଛନ୍ତି ।

ରାଷ୍ଟ୍ରପତି ଭାବେ ମୋସେ ୨୦୧୭ ରେ ଦାୟିତ୍ୱ ନେଇଥିଲେ । ଦେଶରେ ରାଜନୈତିକ ଅସ୍ଥିରତା ଜାରି ରହିଥିବାବଳେ ଇସ୍ତଫା ନେଇ ମଧ୍ୟ ଜୋରଦାର ହଙ୍ଗାମା ଲାଗି ରହିଥିଲା । ପ୍ରାକୃତିକ ଦୁର୍ବିପାକ ଲାଗି ରହିଥିବା ଏହି ଦେଶରେ ରାଷ୍ରପତି ମୋସେଙ୍କ ଉଦ୍ୟମରେ ଏହାକୁ ରୋକା ଯାଇପାରିଛି । ଅନ୍ୟପଟେ ବର୍ତ୍ତମାନ ଅନ୍ତରୀଣ ରାଷ୍ଟ୍ରପତି ଭାବେ ଦାୟିତ୍ୱ ନିର୍ବାହ କରିଥିବା ବ୍ଲାର୍ଡେ ଜୋସେଫ କହିଛନ୍ତି ଏହି ହତ୍ୟାକାଣ୍ଡ ପଛରେ କାହାର ହାତ ରହିଛ, ତାହା ସ୍ପଷ୍ଟ ହୋଇନାହିଁ । ବର୍ତ୍ତମାନ ଦେଶର ସ୍ଥିତିକୁ ଦେଖି ଜରୁରୀକାଳୀନ ସ୍ଥିତି ଘୋଷଣା କରାଯାଇଛି । କିନ୍ତୁ ଏହି ହତ୍ୟାକାଣ୍ଡ ଘଟାଇଥିବା ନାଗରିକ ମାନେ ବିଦେଶୀ ଥିଲେ । ଏମାନେ ଇଂରାଜୀ ଏବଂ ସ୍ପେନିସ ଭାଷା ଜାଣିଥିବା ମଧ୍ୟ ଉଲ୍ଲେଖ କରିଛନ୍ତି । କିଛି ରିପୋର୍ଟରୁ ଜଣା ପଡିଛି ଏମାନେ କଳା ରଙ୍ଗର କପଡ଼ା ପରିଧାନ କରିୋଥିବା ବେଳେ ଆମେରିକାର ଦ୍ରଗ୍ସ ଏନଫୋର୍ସ ମେଣ୍ଟ ଏଜେନ୍ସିରୁ ଆସିଥିବା ନେଇ ନାଟକ ରଚିଥିଲେ । ସେପଟେ ଏନେଇ ହୈତି ପକ୍ଷରୁ ଆମେରିକାକୁ ସୁରକ୍ଷା ମଗାଯାଇଥିବା ବେଳେ, ଆମେରିକା କୌଣସି ସୁରକ୍ଷା ବ୍ୟବସ୍ଥା ଯୋଗାଇ ପାରିବ ନାହିଁ ବୋଲି ସ୍ପଷ୍ଟ ମନା କରିଦେଇଛି ।