ରାଜ୍ୟରେ ଖସୁଛି କରୋନା ସଂକ୍ରମଣ, ହେଲେ ଚିନ୍ତା ବଢ଼ାଇଲାଣି ଲାମ୍ବଡ଼ା ଭ୍ୟାରିଆଣ୍ଟ

ନୂଆଦିଲ୍ଲୀ: ରାଜ୍ୟରେ ଖସୁଛି କରୋନା ଗ୍ରାଫ୍। ୨ ହଜାର ତଳକୁ ଖସିଲା ଦୈନିକ ସଂକ୍ରମଣ। ଶହେ ତଳେ ରହିଛି ୨୫ଜିଲ୍ଲା। ଲକଡାଉନ୍ ଓ ସଟଡାଉନ୍ ଫଳରେ ଦୈନିକ ସଂକ୍ରମଣ କମିବାରେ ଲାଗିଛି। ହେଲେ ଚିନ୍ତା ବଢାଇଲାଣି ଲାମ୍ବଡା ଭ୍ୟାରିଆଣ୍ଟ। ଦକ୍ଷିଣ ଆମେରିକାର ଚିଲି ଓ ପେରୁରୁ ୨୭ଟି ଦେଶକୁ ବ୍ୟାପିଲାଣି ଲାମ୍ବଡା। ବ୍ରିଟେନ, ବ୍ରାଜିଲ ଓ ଦକ୍ଷିଣ ଆଫ୍ରିକା ଷ୍ଟ୍ରେନର ଭୟାବହତା ଏବେଠାରୁ ଚିନ୍ତା ବଢାଇଲାଣି। ଭୂତାଣୁର ମ୍ୟୁଟେସନ ସହ ନୂତନ ଶକ୍ତିଶାଳୀ ଭ୍ୟାରିଆଣ୍ଟ ଜନ୍ମ ନେଉଛି। ଲାମ୍ବଡା ଏମାନଙ୍କଠାରୁ ଅଧିକ ଭୟାନକ ଅଟେ। କାରଣ ଚିଲି ଓ ପେରୁରେ ଏହା ଅନେକ ଜୀବନ ନେଲାଣି। ଲାମ୍ବଡା ବିରୋଧରେ କୋଭାକ୍ସିନ ଓ କୋଭିସିଲଡ୍ ପ୍ରଭାବଶାଳୀ ହେଉନଥିବା ନେଇ ଆଶଙ୍କା କରୁଛନ୍ତି ବିଶେଷଜ୍ଞ। ଅନ୍ୟ ଭୂତାଣୁ ଅପେକ୍ଷା ଏହା ଦୁଇଗୁଣା ଅଧିକ ସଂକ୍ରାମକ ବୋଲି ଜଣାପଡିଛି। ତେବେ ଏଯାଏ ଭାରତରେ ଲାମ୍ବଡା ଭୟ ଆସିନି।