spot_img
Home Blog Page 5492

ରାଜ୍ୟରେ ୫୭ ହଜାର ୪୧୪ ଗର୍ଭବତୀଙ୍କୁ ଦିଆଯାଇଛି କରୋନା ଟିକା

ଭୁବନେଶ୍ୱର: ବର୍ତ୍ତମାନ ସୁଦ୍ଧା ରାଜ୍ୟରେ ୧ କୋଟି ୭୮ ଲକ୍ଷରୁ ଅଧିକ ଲୋକଙ୍କୁ ଦିଆଗଲାଣି କୋଭିଡ ଟିକା। ୫୭ ହଜାର ୪୧୪ ଗର୍ଭବତୀଙ୍କୁ ଦିଆଯାଇଛି ଟିକା। ଗ୍ରାମାଞ୍ଚଳରେ ଟିକାକରଣକୁ ଜୋରଦାର କରିବାକୁ ସ୍ୱାସ୍ଥ୍ୟ ବିଭାଗ ଲକ୍ଷ୍ୟ ରଖିଛି। ଦୈନିକ ୩ଲକ୍ଷ ଟିକାରରଣ କରିବାକୁ ଟାର୍ଗେଟ୍ ରଖିଛନ୍ତି ରାଜ୍ୟ ସରକାର। ଏବେ ମୋଟ୍ ୧୩୫୩ କେନ୍ଦ୍ରରେ ଟିକାକରଣ ଚାଲିଛି।

ରାଜ୍ୟରେ କୋଭିସିଲ୍ଡ ଟିକା ୧୨ ଲକ୍ଷ ୬୩ ହଜାର ୩୦ ଥିବା ବେଳେ, ୭୭ ହଜାର ୧୮୦ କୋଭାକ୍ସିନ ଟିକା ମହଜୁଦ ଅଛି। ୧୮ରୁ ୪୪ ବର୍ଷ ବୟସର ୫୮ଲକ୍ଷ ୨୪ ହଜାର ୮୭୫ ଜଣ ପ୍ରଥମ ଡୋଜ୍ ନେଇଥିବା ବେଳେ, ଦ୍ବିତୀୟ ଡୋଜ୍ ନେଇଛନ୍ତି ୪ ଲକ୍ଷ ୮୫ ହଜାର ୨୭୬ ଜଣ। ସେହିପରି ୪୫ ବର୍ଷରୁ ଅଧିକ ବୟସ୍କ ୭୧ଲକ୍ଷ ୯୫ହଜାର ୧୩୫ ଜଣ ନେଇଛନ୍ତି ପ୍ରଥମ ଡୋଜ୍ ଟିକା। ୩୧ଲକ୍ଷ ୪୫ହଜାର ୧୮୮ ଜଣ ନେଇଛନ୍ତି ଦ୍ୱିତୀୟ ଡୋଜ୍।

କରୋନା ସଂକ୍ରମଣ ସ୍ଥିତି ଜାଣିବା ପାଇଁ ଦିଲ୍ଲୀରେ ଲାଗୁହେଲା କଲର କୋଡ ବ୍ୟବସ୍ଥା

ନୂଆଦିଲ୍ଲୀ: ଦେଶରେ ପ୍ରଥମ ଥର ଲାଗି ଦିଲ୍ଲୀରେ ଲାଗୁ ହେଲା କଲର କୋଡ ବ୍ୟବସ୍ଥା। କୋଭିଡର ମୁକାବିଲା ଲାଗି ଦିଲ୍ଲୀ ସରକାର ଏହି ପଦକ୍ଷେପ ନେଇଛନ୍ତି। ସହରରେ ଲାଗୁ ହୋଇଛି ଗ୍ରେଡ ରେସପନସ ଆକ୍ସନ ପ୍ଲାନ ବା ଜିଆରଏପି। ଦିଲ୍ଲୀ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ଏନେଇ ନିଷ୍ପତ୍ତି ନେଇଛନ୍ତି। ଯଦିଓ ରାଜଧାନୀରେ କୋଭିଡ ସ୍ଥିତି ନିୟନ୍ତ୍ରଣକୁ ଆସିଛି, ତଥାପି ଏହାକୁ ବ୍ୟବସ୍ଥିତ କରିବା ଲାଗି ଏହି ପଦକ୍ଷେପ ନେଇଛନ୍ତି ସରକାର।

ନୂଆ ନିୟମ ଅନୁସାରେ ଯେଉଁଠି ପଜିଟିଭିଟି ହାର ଲଗାତାର ଦୁଇ ଦିନ ଲାଗି ୦.୫ ପ୍ରତିଶତ ରହିବ ବା ୭ ଦିନ ଭିତରେ ୧୫୦୦ରୋଗୀ ଚିହ୍ନଟ ହେବେ ସେହି ସ୍ଥାନରେ ଲେବଲ ଓ୍ୱାନ ୟେଲୋ ଆଲର୍ଟ ଜାରି କରାଯିବ। ଯେଉଁ ଅଞ୍ଚଳରେ ପଜିଟିଭିଟି ହାର ଦୁଇ ଦିନ ଧରି ୧ ପ୍ରତିଶତରୁ ଅଧିକ ରହିବ ବା ୭ ଦିନ ମଧ୍ୟରେ ୩୫୦୦ ରୋଗୀ ଚିହ୍ନଟ ହେବେ ବା ୭ ଦିନରେ ୭୦୦ ବେଡ ଆବଶ୍ୟକ ହେବ ସେହି ସ୍ଥାନରେ ଲେବଲ ୨ ଅମ୍ବର୍ ଆଲର୍ଟ ଜାରି କରାଯିବ। ଯେଉଁ ଅଞ୍ଚଳରେ ଦୁଇ ଦିନ ଧରି ୨ ପ୍ରତିଶତରୁ ଅଧିକ ପଜିଟିଭିଟି ହାର ରହିବ ବା ୭ ଦିନରେ ୯୦୦୦ ରୋଗୀ ଚିହ୍ନଟ ହେବେ ବା ୭ ଦିନରେ ୧୦୦୦ରୁ ଅଧିକ ବେଡ ଦରକାର ହେବ ସେହି ସ୍ଥାନରେ ଲେବଲ ଥ୍ରୀ ଅରେଞ୍ଜ ଆଲର୍ଟ ଜାରି ହେବ।

ସେହିପରେ ଦୁଇ ଦିନରେ ପଜିଟିଭିଟି ହାର ୫ ପ୍ରତିଶତରୁ ଅଧିକ ରହିବ ବା ୭ ଦିନରେ ୧୬ ହଜାରରୁ ଅଧିକ ରୋଗୀ ଚିହ୍ନଟ ହେଲେ ସେହି ସ୍ଥାନରେ ଲେବଲ ଫୋର ରେଡ ଆଲର୍ଟ ଜାରି କରାଯିବ। ଏହି ନିଷ୍ପତ୍ତି ଯୋଗୁ ଉଭୟ ଲୋକ ଓ ପ୍ରଶାସନ ସତର୍କ ହେବେ। ଦିଲ୍ଲୀରେ ବର୍ତ୍ତମାନ ସୁଦ୍ଧା ୧୪ ଲକ୍ଷ ୩୬ ହଜାର ୭୬୧ କୋଭିଡ ରୋଗୀ ଠାବ ହୋଇଛନ୍ତି। ସେମାନଙ୍କ ମଧ୍ୟରୁ ୧୪ ଲକ୍ଷ ୧୧ ହଜାର ରୋଗୀ ସୁସ୍ଥ ହୋଇଛନ୍ତି।

ପୋଲିସ ହାଜତରେ ସବୁଠାରୁ ଅଧିକ ହେଉଛି ମାନବିକ ଅଧିକାର ଉଲ୍ଲଂଘନ

ନୂଆଦିଲ୍ଲୀ: ପୋଲିସ ହାଜତରେ ସବୁଠାରୁ ଅଧିକ ହେଉଛି ମାନବିକ ଅଧିକାର ଉଲ୍ଲଂଘନ। ସମାଜରେ ଏବେ ଏହି ସମସ୍ୟା ଅଧିକ ଦେଖାଯାଉଛି। ମାନବାଧିକାରର ସୁରକ୍ଷା ଓ ସ୍ୱାଭିମାନ ସର୍ବଦା ଆବଶ୍ୟକ ବୋଲି କହିଛନ୍ତି ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ଏନ.ଭି.ରମନ୍ନା। ଦେଶର ବିଭିନ୍ନ ଥାନାରେ ହେଉଥିବା ହାଜତ ନିର୍ଯାତନା ପ୍ରସଙ୍ଗରେ ସେ କହିଛନ୍ତି, ମାନବାଧିକାରର ସୁରକ୍ଷା ନେଇ ରହିଥିବା ସାମ୍ବିଧାନିକ ବ୍ୟବସ୍ଥା ତଥା ଘୋଷଣାନାମା ବାରମ୍ବାର ଉଲ୍ଲଂଘନ ହେଉଛି।

ଗିରଫ ବା ଅଟକ ରହିଥିବା ଜଣେ ବ୍ୟକ୍ତିଙ୍କ ନିକଟରେ ଠିକ୍ ସମୟରେ ଆଇନଗତ ପ୍ରତିନିଧି ଥାନାରେ ନ ପହଞ୍ଚିବା ହେଉଛି ଦୁର୍ଭାଗ୍ୟଜନକ। ଜାତୀୟ ଆଇନ ସେବା କର୍ତ୍ତୃପକ୍ଷ ଦ୍ୱାରା ଆୟୋଜିତ ବୈଠକରେ ଯୋଗ ଦେଇ ଜଷ୍ଟିସ ରମନ୍ନା କହିଛନ୍ତି, ଗିରଫ ବା ଅଟକ ରଖିବା ସମୟରେ ଯଦି ଠିକ୍ ନିଷ୍ପତ୍ତି ନିଆଯାଇପାରିବ ତେବେ ଜଣେ ଅଭିଯୁକ୍ତ ଆତ୍ମରକ୍ଷା କରିବାକୁ ସକ୍ଷମ ହୋଇପାରିବ । ଏହାସହ ବର୍ତ୍ତମାନ ବାରମ୍ବାର ଦେଖାଯାଉଥିବା ହାଜତ ଜନିତ ନିର୍ଯାତନା ରୋକାଯାଇ ପାରିବ।

ପୋଲିସର ମାତ୍ରାଧିକ କାର୍ଯ୍ୟକଳାପକୁ ରୋକିବା, ଆଇନଗତ ସେବା କ୍ଷେତ୍ରରେ ରହିଥିବା ସାମ୍ବିଧାନିକ ଅଧିକାର ସଂକ୍ରାନ୍ତ ବ୍ୟବସ୍ଥାର ଉପଯୁକ୍ତ ପ୍ରଚାର, ପ୍ରସାର ଓ ମାଗଣା ଆଇନଗତ ସେବା ପ୍ରଦାନ କରିବାର ଆବଶ୍ୟକତା ରହିଛି ବୋଲି କହିଛନ୍ତି ଜଷ୍ଟିସ ରମନ୍ନା। ଏଥିପାଇଁ ପ୍ରତି ଥାନାରେ ପର୍ଯ୍ୟାପ୍ତ ସୂଚନା ଫଳକ ଲଗାଇବା, ସଚେତନତାଧର୍ମୀ ବାର୍ତ୍ତା ଉଲ୍ଲେଖ କରିବା ଆବଶ୍ୟକ ବୋଲି ସେ କହିଛନ୍ତି। ସହାୟତା ଆବଶ୍ୟକ କରୁଥିବା ଜଣେ ବ୍ୟକ୍ତିଙ୍କୁ ମାଗଣା ଆଇନ ସେବା ପ୍ରଦାନ କରିବା ବ୍ୟବସ୍ଥା ସ୍ୱାଧୀନତା ଆନ୍ଦୋଳନର ମୂଳ ଲକ୍ଷ୍ୟ ଥିଲା। ସେହି ସମୟରେ ସ୍ୱାଧୀନତା ସଂଗ୍ରାମୀମାନଙ୍କୁ ମଧ୍ୟ ଅନେକ ଆଇନ ରକ୍ଷକ ସହାୟତା ଦେଇଥିଲେ ବୋଲି ସିଜେଆଇ କହିଛନ୍ତି।

ପାରିବାରିକ କଳହକୁ ନେଇ ମହିଳାଙ୍କୁ ଭୂଜାଲିରେ ଆକ୍ରମଣ କରି ହତ୍ୟା

ନରସିଂହପୁର: ବଡ଼ମ୍ବା ନରସିଂହପୁର ଥାନା କାଠଖୁଣ୍ଟି ଗାଁରେ ଅଭାବନୀୟ ଘଟଣା। ପୂର୍ବ ଶତ୍ରୁତାକୁ ନେଇ ଦୁଇ ପରିବାର ମୁହାଁମୁହିଁ ହୋଇଛନ୍ତି। ଭୂଜାଲି ମାଡ଼ରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ, ଅନ୍ୟ ଦୁଇ ଜଣ ଗୁରୁତର ଅଛନ୍ତି। ସେମାନଙ୍କୁ କଟକ ବଡ ଡାକ୍ତରଖାନାକୁ ପଠାଇ ଦିଆଯାଇଛି। ପୂର୍ବ ଶତ୍ରୁତାକୁ କେନ୍ଦ୍ର କରି ଗତକାଲି ବିଳମ୍ବିତ ରାତିରେ ଦୁଇ ପରିବା ମଧ୍ୟରେ ଗଣ୍ଡଗୋଳ ହୋଇଥିଲା। ବାଦଲ ମହାଲିକଙ୍କ ଭୂଜାଲି ମାଡରେ ଅନ୍ୟ ଏକ ପରିବାରର ବିନୋଦିନୀ ମହାଲିକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା। ଆକ୍ରମଣରେ ଆହତ ହୋଇଥିବା ବିରଞ୍ଚି ମହାଳିକ ଓ ତାଙ୍କ ପୁଅ ଆଲୋକ ମହାଳିକଙ୍କୁ ଗୁରୁତର ଅବସ୍ଥାରେ ପ୍ରଥମେ ନରସିଂହପୁର ମେଡିକାଲକୁ ନିଆଯାଇଥଲା। ପରେ ଉଭୟଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ଆଠଗଡ଼ ଏସଡିପିଓଙ୍କ ସହ ବଡମ୍ବା ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଅଭିଯୁକ୍ତ ବାଦଲକୁ ଧରିବା ପାଇଁ ପୋଲିସ ତଲାସି ଅଭିଯାନକୁ ଜୋରଦାର କରିଛି।

ରାଜ୍ୟରେ ହଜାରେ ତଳକୁ ଖସିଲା କରୋନା ସଂକ୍ରମଣ

ଭୁବନେଶ୍ୱର: ରାଜ୍ୟରେ ହଜାରେ ତଳକୁ ଖସିଲା ଦୈନିକ ସଂକ୍ରମଣ। ଦିନକରେ ୮୮୬ ପଜିଟିଭ ଚିହ୍ନଟ ହୋଇଥିବା ବେଳେ ୨୪ଘଣ୍ଟାରେ ସୁସ୍ଥ ହୋଇଛନ୍ତି ୧୪ଶହ ୬୩। ୨୮ଜିଲ୍ଲା ଓ ଷ୍ଟେଟପୁଲରୁ ସଂକ୍ରମିତ ଚିହ୍ନଟ ହୋଇଥିବା ବେଳେ ବଲାଙ୍ଗୀର ଓ ନୂଆପଡାରେ ସଂକ୍ରମଣ ଶୂନ ରହିଛି। ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୫୧୨ ଜଣ ଚିହ୍ନଟ ହୋଇଥିବା ବେଳେ, ଲୋକାଲ କେସ୍ ରହିଛି ୩୭୪। ଖୋର୍ଦ୍ଧାରୁ ସର୍ବାଧିକ ୨୫୩, କଟକରୁ ୮୧, ବାଲେଶ୍ୱରରୁ ୬୨, ଯାଜପୁରରୁ ୬୦, ଜଗତସିଂହପୁରରୁ ୫୪, ପୁରୀରୁ ୫୩, ଷ୍ଟେଟପୁଲରୁ ୫୧ସଂକ୍ରମିତ ଚିହ୍ନଟ ହୋଇଛନ୍ତି । କେନ୍ଦ୍ରାପଡ଼ାରୁ ୩୩, ଅନୁଗୁଳରୁ ୩୨, ଭଦ୍ରକରୁ ୩୧, ମୟୂରଭଞ୍ଜ ଓ ନୟାଗଡ଼ରୁ ୨୫ଜଣ ଲେଖାଏଁ, କେନ୍ଦୁଝରରୁ ୧୮, ସମ୍ବଲପୁରରୁ ୧୫, ସୁନ୍ଦରଗଡ଼ରୁ ୧୨, ଢେଙ୍କାନାଳ ଓ କଳାହାଣ୍ଡିରୁ ୧୧ଜଣ ଲେଖାଏଁ, ମାଲକାନଗିରିରୁ ୯, ବରଗଡ଼ ଓ ଗଞ୍ଜାମରୁ ୮ଜଣ ଲେଖାଏଁ, କୋରାପୁଟରୁ ୭, କନ୍ଧମାଳ ଓ ରାୟଗଡ଼ାରୁ ୫ଜଣ ଲେଖାଏଁ, ଗଜପତି ଓ ନବରଙ୍ଗପୁରରୁ ୪ଜଣ ଲେଖାଏଁ, ଝାରସୁଗୁଡାରୁ ୩, ବୌଦ୍ଧ, ଦେବଗଡ଼ ଓ ସୋନପୁରରୁ ୨ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି। ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୯ଲକ୍ଷ ୮୭ହଜାର ୯୫୬ ଥିବା ବେଳେ ମୋଟ୍ ସୁସ୍ଥ ହେଲେଣି ୯ଲକ୍ଷ ୬୯ହଜାର ୯୧୬। ଆକ୍ଟିଭ କେସ୍ ୧୧ହଜାର ୪୮୬।

ରାଜ୍ୟରେ ଡ୍ରାଇଭିଂ ଲର୍ଣ୍ଣିଂ ଟେଷ୍ଟ ପାଇଁ ଆରମ୍ଭ ହେଉଛି ସ୍ଲଟ ବୁକିଂ

ଭୁବନେଶ୍ୱର: ରାଜ୍ୟରେ ପୁଣି କଡାକଡି ହେବ ଟ୍ରାଫିକ୍ ନିୟମ। ଆଜିଠୁ ରାଜ୍ୟରେ ଡ୍ରାଇଭିଂ ଲର୍ଣ୍ଣିଂ ଟେଷ୍ଟ ପାଇଁ ଆରମ୍ଭ ହେଉଛି ସ୍ଲଟ ବୁକିଂ। ସକାଳ ୭ଟାରୁ ରାତି ୧୦ଟା ମଧ୍ୟରେ ଏଥିପାଇଁ ବୁକିଂ କରିପାରିବେ ଆବେଦନକାରୀ। ପରିବହନ ଆପରେ ବୁକିଂ କରିପାରିବେ ଆବେଦନକାରୀ। ମହାମାରୀ କରୋନା ପାଇଁ ଗତ ମାର୍ଚ୍ଚ ୧୮ ତାରିଖରୁ ବନ୍ଦ ଥିଲା ସ୍ଲଟ ବୁକିଂ। ଏନେଇ ରାଜ୍ୟ ପରିବହନ ପ୍ରାଧିକରଣ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଡ୍ରାଇଭିଂ ଲର୍ଣ୍ଣିଂ ଟେଷ୍ଟ ପାଇଁ ପୂର୍ବରୁ ଯେଉଁମାନେ ଆବେଦନ କରିଥିଲେ, ସେମାନଙ୍କ ଆବେଦନ ବାତିଲ ହେବ। ଏଥିପାଇଁ ପୁଣି ଥରେ ଆବେଦନ କରିବାକୁ ପଡିବ। ଏହାସହ ଯେଉଁମାନେ ଡ୍ରାଇଭିଂ ଲର୍ଣ୍ଣିଂ ଟେଷ୍ଟ ପାଇଁ ଦେୟ ପ୍ରଦାନ କରିଥିଲେ, ତାହା ବଳବତ୍ତର ରହିବ। ୧୧ ତାରିଖରୁ ଆରମ୍ଭ ହେବ ଲର୍ଣ୍ଣିଂ ଟେଷ୍ଟ ।

ଆଜି ରାଜ୍ୟ କ୍ୟାବିନେଟ ବୈଠକ, ୧୪ଟି ପ୍ରସ୍ତାବ ଉପରେ ବାଜିପାରେ ମୋହର

ନୂଆଦିଲ୍ଲୀ: ଆଜି ରାଜ୍ୟ କ୍ୟାବିନେଟ ବୈଠକ। ଅପରାହ୍ନ ୫ଟାରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଗୁରୁତ୍ୱପୂର୍ଣ୍ଣ ବୈଠକ ବସିବ। ବୈଠକରେ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ ଆଜି ବାଜିବ ମୋହର। ମୋଟ ୧୪ଟି ପ୍ରସ୍ତାବ ଉପରେ ଆଲୋଚନା ହେବାର ସମ୍ଭାବନା ରହିଛି। ବୈଠକରେ ରାଜ୍ୟରେ ଭିତ୍ତିଭୂମିର ବିକାଶ, କ୍ରୀଡା ଭିତ୍ତିଭୂମିର ଉନ୍ନୟନ ଓ କ୍ୟାଡର ରୁଲ୍ ସଂଶୋଧନ ସମ୍ପର୍କିତ ପ୍ରସ୍ତାବ ଆସିପାରେ। କରୋନା କଟକଣା କାରଣରୁ ଭର୍ଚୁଆଲରେ ବୈଠକ ଅନୁଷ୍ଠିତ ହେବ। ନବୀନ ନିବାସରୁ ମୁଖ୍ୟମନ୍ତ୍ରୀ ଭର୍ଚୁଆଲରେ ବୈଠକ ସହିତ ଯୋଡି ହେବେ। ଏହାସହ ଯେଉଁ ମନ୍ତ୍ରୀମାନେ ଜିଲ୍ଲାଗସ୍ତରେ ଅଛନ୍ତି, ସେମାନେ ଜିଲ୍ଲାସ୍ତରରୁ ହିଁ ଯୋଡି ହେବାର ସୁବିଧା କରାଯାଇଛି।

ସାନ ଭଉଣୀର ମୁଣ୍ଡ-ଗଣ୍ଡି ଅଲଗା, ଫ୍ୟାନରେ ଝୁଲୁଛି ବଡ ଭଉଣୀ

କେନ୍ଦୁଝର: ନୟାକୋଟ ଥାନା ଫୁଲଝରରେ ଅଭାବନୀୟ ଘଟଣା। ସାନଭଉଣୀଙ୍କୁ ହତ୍ୟାକରି ଆତ୍ମହତ୍ୟା କଲା ବଡ଼ଭଉଣୀ । ମୃତକ ଦ୍ୱୟ ହେଲେ ରୁକ୍ମଣୀ ଦେହୁରୀ ଓ ବଡ଼ଭଉଣୀ କ୍ଷୀରମଣି ଦେହୁରୀ। ମାଆ ଜେମା ଦେହୁରୀ ବିଲକୁ କାମ କରିବାକୁ ଯାଇ, ସନ୍ଧ୍ୟାରେ ଫେରିବା ବେଳକୁ ଘର ଭିତରୁ କବାଟ ବନ୍ଦ ଥିଲା ।

କବାଟ ଭାଙ୍ଗି ଦେଖିଲା ବେଳେ ଉଭୟଙ୍କ ମୃତଦେହ ଦେଖିବାକୁ ପାଇଥିଲେ । ରୁକ୍ମଣୀଙ୍କୁ ମୁଣ୍ଡ ଗଣ୍ଡି ଅଲଗା ହୋଇପଡିଥିବା ବେଳେ, ବଡଝିଅ କ୍ଷୀରମଣିଙ୍କ ମୃତଦେହ ଫ୍ୟାନରେ ଝୁଲିରହିଥିଲା । ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।

ITBPରେ ପ୍ରଥମ ଥର ଭର୍ତ୍ତି ହେଲେ ମହିଳା, ୨ ଅଫିସରଙ୍କୁ ଆସିଷ୍ଟାଣ୍ଡ କମାଣ୍ଡାଣ୍ଟ ଦାୟିତ୍ୱ

ନୂଆଦିଲ୍ଲୀ: ପ୍ରଥମ ଥର ଲାଗି ITBP ବା ଇଣ୍ଡୋ-ତିବ୍ବତାନ୍ ବର୍ଡର ପୋଲିସ ଅଫିସର ରାଙ୍କରେ ଭର୍ତ୍ତି ହେଲେ ମହିଳା । ପ୍ରଥମ ପର୍ଯ୍ୟାୟରେ ୨ ମହିଳା ଅଫିସରଙ୍କୁ ITBPରେ ନିଯୁକ୍ତି ଦିଆଯାଇଛି । ଉତ୍ତରାଖଣ୍ଡର ମସୁରୀ ସ୍ଥିତ ITBP ଏକାଡେମୀରେ ୨ ମହିଳା ଅଫିସରଙ୍କୁ ଆସିଷ୍ଟାଣ୍ଡ କମାଣ୍ଡାଣ୍ଟ ଭାବେ ନିଯୁକ୍ତି ପ୍ରଦାନ କରାଯାଇଛି । ପୂର୍ବରୁ ITBPରେ ମହିଳାମାନଙ୍କୁ କେବଳ ଯବାନ ଭାବେ ନିଯୁକ୍ତି ଦିଆଯାଉଥିବା ବେଳେ ଏବେ ମହିଳାଙ୍କୁ ଅଫିସର ରାଙ୍କରେ ସାମିଲ କରାଯାଇଛି ।

୨୦୧୬ରେ UPSC ମାଧ୍ୟମରେ ମହିଳାଙ୍କୁ ଆସିଷ୍ଟାଣ୍ଡ କମାଣ୍ଡାଣ୍ଟ ପଦରେ ଭର୍ତ୍ତି ପାଇଁ ଅନୁମତି ଦିଆଯାଇଥିଲା । ପରୀକ୍ଷାରେ ଉତ୍ତୀର୍ଣ୍ଣ ହୋଇ ୨ ମହିଳା ୫୨ ସପ୍ତାହ ଧରି ଟ୍ରେନିଂ ନେଇଥିଲେ । ରବିବାର ଦୁଇ ମହିଳା ଅଫିସରଙ୍କ ସମେତ ଅନ୍ୟ ୫୧ଜଣ ପୁରୁଷ ଅଫିସରଙ୍କୁ ଆସିଷ୍ଟାଣ୍ଡ କମାଣ୍ଡାଣ୍ଟ ଭାବେ ନିଯୁକ୍ତି ଦିଆଯାଇଛି । ନିଯୁକ୍ତି ପାଇଥିବା ସମସ୍ତ ଅଫିସର ଭାରତ-ଚୀନ୍ ସୀମାର ଲାଇନ ଅଫ ଆକଚୁଆଲ କଣ୍ଟ୍ରୋଲ ବା LACର ସୁରକ୍ଷା ଦାୟିତ୍ବ ସମ୍ଭାଳିବେ ।

ପୂର୍ବ ଲଦାଖର କୋରାକୋରମଠାରୁ ଉତ୍ତରାଖଣ୍ଡ, ସିକ୍କିମ ଓ ଅରୁଣାଚଳ ପ୍ରଦେଶର ପର୍ଯ୍ୟନ୍ତ ୩ହଜାର ୪୮୮ କିମି ଲମ୍ବ ସୀମାରେ ITBP ଯବାନମାନେ ନିୟୋଜିତ ହୋଇଥାନ୍ତି । ପୂର୍ବ ଲଦାଖରେ ଚୀନ ସହ ସୀମା ବିବାଦ ଲାଗି ରହିଥିବା ବେଳେ ମାଇନସ ତାପମାତ୍ରାରେ ରହି ଶତ୍ରୁ ଦେଶର ସୈନ୍ୟଙ୍କ ସହ ଲଢ଼େଇ କରିଥିଲେ । ଏହାଛଡ଼ା କେତେକ ମାଓପ୍ରବଣ ଅଞ୍ଚଳରେ ବି ITBP ଯବାନଙ୍କୁ ନିୟୋଜିତ କରାଯାଇଥାଏ । ପାହାଡ଼ି ଇଲାକାରେ ଆସୁଥିବା ପ୍ରକୃତିକ ବିପଦ ସମୟରେ ଫାଷ୍ଟ ରେସପନ୍ସ ଫୋର୍ସ ଭାବେ କାର୍ଯ୍ୟ କରିଥାନ୍ତି ଇଣ୍ଡୋ-ତିବ୍ବେତାନ୍ ବର୍ଡର ପୋଲିସ ।

ସ୍ୱାଧୀନତା ଦିବସରେ ପ୍ଲାଷ୍ଟିକ ପତାକା ମନା, ନିର୍ଦ୍ଦେଶ ଦେଲେ କେନ୍ଦ୍ର ସରକାର

ନୂଆଦିଲ୍ଲୀ: ସ୍ୱାଧୀନତା ଦିବସରେ କେହି ବ୍ୟବହାର କରିବେ ନାହିଁ  ପ୍ଲାଷ୍ଟିକ ପତାକା  । ଚଳିତ ସ୍ୱାଧିନତା ଦିବସରେ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର । କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ ଜାରି ନିର୍ଦ୍ଦେଶନାମାରେ କୁହାଯାଇଛି- ସ୍ବାଧୀନତା ଦିବସ ଲାଗି ଲୋକମାନେ ପ୍ଲାଷ୍ଟିକ ପତାକା ବ୍ୟବହାର କରାଯାଉଥିବା ଦେଖାଯାଉଛି ।

ତେବେ ଏହି ଦିବସରେ ଯେପରି କେହି ପ୍ଲାଷ୍ଟିକ ପତାକା ବ୍ୟବହାର କରିବେ ନାହିଁ ସେଥିପ୍ରତି ସତର୍କ ଦୃଷ୍ଟି ଦେବା ଆବଶ୍ୟକ । ଏହା ଦ୍ୱାରା ଜାତୀୟ ପତାକାକୁ ଉପଯୁକ୍ତ ସମ୍ମାନ ମିଳିପାରିବ । ପ୍ଲାଷ୍ଟିକ ପତାକା ପରିବେଶ ପ୍ରତି କ୍ଷତିକାରକ ହେବା ସହ ଦୀର୍ଘ ଦିନ ଧରି ନଷ୍ଟ ନ ହେଉଥିବାରୁ ପରିବେଶବିତ୍ ଉଦ୍‌ବେଗ ପ୍ରକାଶ କରିଆସୁଛନ୍ତି । କାଗଜରେ ତିଆରି ପତାକା ବି ମନଇଚ୍ଛା ରାସ୍ତାରେ ନଫୋପାଡିବା ଲାଗି ମଧ୍ୟ ପରାମର୍ଶ ଦିଆଯାଇଛି ।

ସ୍ୱାଧିନତା ଦିବସରେ ଛାତ୍ରଛାତ୍ରୀ ହୁଅନ୍ତୁ ଅବା ସାଧାରଣ ଲୋକେ  । ପ୍ଲାଷ୍ଟିକ ପତାକା ବ୍ୟବହାର କରିଥାନ୍ତି  । ପରବର୍ତ୍ତୀ ସମୟରେ ତାହାକୁ ଅନ୍ୟତ୍ର ଫୋପାଡ଼ି ଦେଇଥାନ୍ତି  । ଫଳରେ ଏହା ଉପରେ ଅନେକ ଲୋକ ମଧ୍ୟ ଅସମ୍ମାନ କରିଥିବା ପରିଲିଖିତ ହୁଏ  । ଏହାର ଅନ୍ୟ ଏକ କାରଣ ମଧ୍ୟ ରହିଛି ପରିବେଶ ପ୍ରଦୂଶିତ  । ଅର୍ଥାତ ପ୍ଲାଷ୍ଟିକ ପତାକା ମାଟିରେ ମିଶିନଥାଏ  । ତେଣୁ ସମସ୍ତ ସ୍ଥିତିକୁ ନଜରରେ ରଖି କେନ୍ଦ୍ର ସରକାର ଏହି ନୂତନ ନିର୍ଦ୍ଦେଶନାମା ଜାରି କରିଛନ୍ତି  ।