ଯାଜପୁର: ପୂଣ୍ୟତୋୟା ବୈତରଣୀ ନଦୀର ସୁରକ୍ଷା ପାଇଁ ଆଗେଇ ଆସିଛନ୍ତି ସାଧୁସନ୍ଥ। ଏହି ଅବସରରେ ଆରମ୍ଭ ହୋଇଛି ବୈତରଣୀ ପରିକ୍ରମା ଅଭିଯାନ। ଅଖିଳ ଭାରତୀୟ ସନ୍ୟାସୀ ସଂଗଠନର ଉପସଭାପତି ସ୍ୱାମୀ ରାମାନନ୍ଦ ପୁରୀଙ୍କ ନେତୃତ୍ୱରେ ରାଜ୍ୟ ତଥା ରାଜ୍ୟ ବାହାରର ଅନେକ ସାଧୁସନ୍ଥ ଏହି ଅଭିଯାନରେ ସାମିଲ ହୋଇଛନ୍ତି। ସର୍ବ ପୁରାତନ ବୈତରଣୀ ନଦୀର ଉତ୍ପତ୍ତି ସ୍ଥଳ କେନ୍ଦୁଝର ଜିଲ୍ଲାର ଗୋନାଶିକା ପର୍ବତରୁ ଏହି ଅଭିଯାନର ଶୁଭାରମ୍ଭ ହୋଇଛି। ଏଥିରେ ସାମିଲ ଥିବା ସାଧୁସନ୍ଥମାନେ ନଦୀର ଜଳ ସାଥିରେ ନେଇ ବିଭିନ୍ନ ଅଞ୍ଚଳକୁ ଯାଇ ବୈତରଣୀ ନଦୀର ସୁରକ୍ଷା ପାଇଁ ଲୋକଙ୍କୁ ସଚେତନ କରାଉଛନ୍ତି। ଯାଜପୁର ଜିଲ୍ଲାର ବିଭିନ୍ନ ସ୍ଥାନରେ ମଧ୍ୟ ଲୋକମାନଙ୍କୁ ସଚେତନ କରାଯାଇଛି। ବୈତରଣୀ ନଦୀର ସଙ୍ଗମ ସ୍ଥଳି ଭଦ୍ରକ ଜିଲ୍ଲାର ଚାନ୍ଦବାଲି ନିକଟରେ ଏହି ଅଭିଯାନ ଶେଷ ହେବ। ତେବେ ଆଗାମୀ ଦିନରେ ଓଡ଼ିଶାର ଅନ୍ୟ ନଦୀ ଗୁଡିକର ସୁରକ୍ଷା ପାଇଁ ଅଭିଯାନ ଆରମ୍ଭ ହେବ ବୋଲି ସାଧୁସନ୍ଥମାନେ କହିଛନ୍ତି।
ଜନଜାତି ସଂସ୍କୃତିର ସୁରକ୍ଷା ଆମ ପ୍ରାଥମିକତା: ମୁଖ୍ୟମନ୍ତ୍ରୀ
ଭୁବନେଶ୍ୱର: ୬୨ ପ୍ରକାର ଭିନ୍ନ ଜନଜାତି ଲୋକ ଓଡ଼ିଶାରେ ବସବାସ କରୁଛନ୍ତି । ଆଦିବାସୀଙ୍କ ପୁରାତନ ସଂସ୍କୃତିର ସୁରକ୍ଷାକୁ ସବୁବେଳେ ଆମେ ପ୍ରାଥମିକତା ଦେଇ ଆସୁଛୁ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଟ୍ୱିଟ୍ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲେଖିଛନ୍ତି ‘ବିଶ୍ୱ ଜନଜାତି ଦିବସରେ, ଆମେ ଆଦିବାସୀଙ୍କ ଅନନ୍ୟ ସଂସ୍କୃତି, ଭାଷା, ପରମ୍ପରା ଆମ ସାଂସ୍କୃତିକ ବିବିଧତାକୁ ନେଇ ଉତ୍ସବ ମନାଉଛୁ ।’
#Odisha is home to 62 distinct tribes and welfare of these people, preservation of their indigenous culture have always been our priority. On #IndigenousPeoplesDay, we celebrate their unique culture, language, traditions and their contribution to our rich cultural diversity. pic.twitter.com/t5eJuLRAeT
— Naveen Patnaik (@Naveen_Odisha) August 9, 2021
ବିଶ୍ୱ ଜନଜାତି ଦିବସ ଅବସରରେ ବିଜୁ ଜନତା ଦଳ ପକ୍ଷରୁ ବିଶେଷ କାର୍ଯ୍ୟକ୍ରମ କରାଯାଇଛି । କୋଭିଡ୍ ନିୟମ ଅନୁସାରେ ଦଳୀୟ ମୁଖ୍ୟ କାର୍ଯ୍ୟାଳୟ ଠାରେ ଜନଜାତି ଦିବସ ପାଳନ କରାଯାଉଛି । ପ୍ରତିବର୍ଷ ବିଭିନ୍ନ ଆଦିବାସୀ ସମ୍ପ୍ରଦାୟର ଅଧିକାର ଓ ବିକାଶ ପାଇଁ ଏହି ଦିନରେ ବିଶେଷ ଖସଡ଼ା ପ୍ରସ୍ତୁତ କରାଯାଇଥାଏ ।

କେହି ରହିବେ ନାହିଁ ପଛରେ, ଏହାକୁ ମୂଳ ମନ୍ତ୍ର କରି ବିଭିନ୍ନ ସ୍ଥାନରେ ବିଶ୍ୱ ଜନଜାତି ଦିବସ ପାଳନ କରାଯାଏ । ୨୧ ବର୍ଷ ଶାସନ କାଳରେ ନବୀନ ସରକାର ଆଦିବାସୀ ଓ ପଛୁଆ ବର୍ଗଙ୍କ ବିକାଶ ପାଇଁ ଅନେକ ଯୋଜନା କରିଛନ୍ତି । ଯାହା ତାଙ୍କୁ ସମାଜରେ ମୁଖ୍ୟ ସ୍ରୋତରେ ସାମିଲ କରିବାରେ ବେଶ ସହାୟକ ହୋଇଛି ।
କରୋନା କଟକଣାରେ ବିଜୁ ଜନତା ଦଳ ପକ୍ଷରୁ ପାଳିତ ହେଲା ବିଶ୍ୱ ଜନଜାତି ଦିବସ
ଭୁବନେଶ୍ୱର: ଆଜି ବିଶ୍ୱ ଜନଜାତି ଦିବସ। ଏହି ଅବସରରେ ବିଜୁ ଜନତା ଦଳ ପକ୍ଷରୁ ବିଶେଷ କାର୍ଯ୍ୟକ୍ରମ। କୋଭିଡ ନିୟମ ଅନୁସାରେ ଦଳୀୟ ମୁଖ୍ୟ କାର୍ଯ୍ୟାଳୟ ଠାରେ ପାଳନ ଜନଜାତି ଦିବସ କରାଯାଉଛି। ପ୍ରତିବର୍ଷ ବିଭିନ୍ନ ଆଦିବାସୀ ସମ୍ପ୍ରଦାୟର ଅଧିକାର ଓ ବିକାଶ ପାଇଁ ଏହି ଦିନରେ ବିଶେଷ ଖସଡ଼ା ପ୍ରସ୍ତୁତ କରାଯାଇଥାଏ। କେହି ରହିବେ ନାହିଁ ପଛରେ, ଏହାକୁ ମୂଳ ମନ୍ତ୍ର କରି ବିଭିନ୍ନ ସ୍ଥାନରେ ବିଶ୍ୱ ଜନଜାତି ଦିବସ ପାଳନ କରାଯାଏ। ୨୧ ବର୍ଷ ଶାସନ କାଳରେ ନବୀନ ସରକାର ଆଦିବାସୀ ଓ ପଛୁଆ ବର୍ଗଙ୍କ ବିକାଶ ପାଇଁ ଅନେକ ଯୋଜନା କରିଛନ୍ତି। ଯାହା ତାଙ୍କୁ ସମାଜରେ ମୁଖ୍ୟ ସ୍ରୋତରେ ସାମିଲ କରିବାରେ ବେଶ ସହାୟକ ହୋଇଛି।
କଟକରୁ ଜବତ ହେଲା ୧ କେଜି ୧୫୯ ଗ୍ରାମ ବ୍ରାଉନସୁଗାର
କଟକ: କରୋନା କାଳରେ ରାଜ୍ୟରେ ବଢ଼ିଚାଲିଝି ଧଳା ଜହରର କାରବାର। ବିଭିନ୍ନ ସମୟରେ ଜବତ ହେଉଛି ଧଳାଜହର। ବାଲେଶ୍ୱର ପାଲଟିଛି ବ୍ରାଉନସୁଗାର ମୁଖ୍ୟ ଆଡା। ବାଲେଶ୍ୱରରୁ ବିଭିନ୍ନ ସ୍ଥାନକୁ ଚାଲାଣ ହେଉଛି। ତେବେ ଆଜି କଟକରୁ ବିପୁଳ ପରିମାଣର ବ୍ରାଉନ ସୁଗାର ଜବତ ହୋଇଛି। ୧ କେଜି ୧୫୯ ଗ୍ରାମ ବ୍ରାଉନସୁଗାର ଜବତ କରିଛି କଟକର ସ୍ୱତନ୍ତ୍ର ସ୍କ୍ୱାଡ। ବ୍ରାଉନ ସୁଗାର କାରବାର ଘଟଣାରେ ୬ ଜଣଙ୍କୁ ଗିରଫ କରିଛି ପୋଲିସ।

ଜଳେଶ୍ୱରରୁ ବ୍ରାଉନସୁଗାର ଆଣି ଜଗତସିଂହପୁର, ପୁରୀ ଓ କେନ୍ଦ୍ରାପଡ଼ା ପଠାଇବା ଯୋଜନା କରୁଥିଲେ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରୀୟଦର୍ଶୀ। ସେହିପରି କଟକ-ଭୁବନେଶ୍ୱରରୁ ୬ କେଜି ୩ ଶହ ଗ୍ରାମ ଜବତ ହୋଇଛି। ଗତ ପାଞ୍ଚ ମାସରେ କଟକରୁ ୪ କେଜି ୨୮୦ ଗ୍ରାମ ଧଳା ଜହର ଜବତ କଲାଣି ପୋଲିସ। ବ୍ରାଉନ ସୁଗାର କାରବାର ଘଟଣାରେ ୬ ଜଣଙ୍କୁ ଗିରଫ କରିଛି ପୋଲିସ ।
ତୃତୀୟ ଲହରରେ ୧୫ ପ୍ରତିଶତ ଶିଶୁଙ୍କ ଉପରେ ପଡ଼ିପାରେ ପ୍ରଭାବ
ଭୁବନେଶ୍ୱର: ରାଜ୍ୟରେ ତୃତୀୟ ଲହର ବେଶି ମାତ୍ରାରେ ପ୍ରଭାବ ପକାଇବା ଆଶଙ୍କା କମ୍। ହେଲେ ୧୫ ପ୍ରତିଶତ ଶିଶୁ ଆକ୍ରାନ୍ତ ହେବା ସମ୍ଭାବନା ରହିଛି। ଆଉ ଏନେଇ ପ୍ରସ୍ତୁତ ରହିଛି ସ୍ୱାସ୍ଥ୍ୟ ବିଭାଗ। ଶିଶୁ ସଂକ୍ରମିତ ହେବା ଆଶଙ୍କା ଥିବାବେଳେ ଏଥିପାଇଁ ସରଞ୍ଜାମ, ମାନବସମ୍ଵଲ, ତାଲିମ ଉପରେ ଗୁରୁତ୍ୱ ଦିଆଯାଉଛି। ଆଜିଠୁ ଶିଶୁଙ୍କ ଚିକିତ୍ସା ନେଇ ତାଲିମ ଆରମ୍ଭ ହୋଇଛି। ଆଗଧାଡ଼ିର ଯୋଦ୍ଧା, ଅଙ୍ଗନବାଡି, ଆଶାଦିନି ମାନଙ୍କର ତାଲିମ ଶେଷ ହୋଇଛି। ଆଜିଠୁ ହସ୍ପିଟାଲ ଦାୟିତ୍ୱରେ ଯେଉଁମାନେ ସଂଶ୍ଲିଷ୍ଟ ରହିବେ ସେମାନଙ୍କୁ ୬ଟି ବ୍ୟାଚରେ ତାଲିମ ଆରମ୍ଭ ହୋଇଛି। ଆଗକୁ ଶିଶୁ ମାନେ ଯଦି ସଂକ୍ରମିତ ହୁଅନ୍ତି ସେମାନେ କିପରି ସଠିକ ଚିକିତ୍ସା ପାଇ ପାରିବେ ତାହା ଉପରେ ଗୁରୁତ୍ୱ ଦିଆଯାଉଛି।
ଆଜିଠାରୁ ଖୋର୍ଦ୍ଧା ଜିଲ୍ଲାରେ ଖୋଲୁଛି ଧର୍ମାନୁଷ୍ଠାନ, କିନ୍ତୁ ଭୁବନେଶ୍ୱରରେ ବନ୍ଦ ରହିବ ମନ୍ଦିର
ଖୋର୍ଦ୍ଧା: ରାଜ୍ୟରେ କରୋନା କଟକଣା ପାଇଁ ବନ୍ଦ ରହିଥିଲା ସମସ୍ତ ଧର୍ମାନୁଷ୍ଠାନ। ତେବେ ଲକ୍ଡାଉନ୍ କୋହଳ ହେବା ପରେ ରାଜ୍ୟ ସରକାର ଧର୍ମାନୁଷ୍ଠାନ ଖୋଲିବାକୁ ନିଷ୍ପତ୍ତି ନେଇଛନ୍ତି। ମନ୍ଦିର ଖୋଲିବାକୁ ଜିଲ୍ଲା ପ୍ରଶାସନକୁ ଦାୟିତ୍ୱ ଦେଇଛନ୍ତି। ନିଜ ଅଞ୍ଚଳରେ କରୋନା ସ୍ଥିତି ଦେଖି ଖୋଲି ପାରିବେ ବୋଲି ନିର୍ଦ୍ଦେଶ ରହିଛି। ତେବେ ଆଜି ଠାରୁ ଖୋର୍ଦ୍ଧା ଜିଲ୍ଲାରେ ଖୋଲିଲା ସମସ୍ତ ଧର୍ମାନୁଷ୍ଠାନ। ଭୁବନେଶ୍ୱର ଉପଖଣ୍ଡକୁ ଛାଡି ଜିଲ୍ଲାର ଅନ୍ୟ ସମସ୍ତ ଅଞ୍ଚଳରେ ଖୋଲିଛି ମନ୍ଦିର।
କାରୋନା କଟକଣା ପାଇଁ ଦୀର୍ଘ ଦିନ ଧରି ମନ୍ଦିର ବନ୍ଦ ଥିଲା ସମସ୍ତ ଧର୍ମାନୁଷ୍ଠାନ। ତେବେ ଧର୍ମାନୁଷ୍ଠାନ ଖୋଲିଲା ବେଳେ ଶ୍ରଦ୍ଧାଳୁ କୋଭିଡ ନିୟମ ଅନୁଯାୟୀ ମନ୍ଦିର ଭିତରେ ପ୍ରବେଶ କରିବେ। ଜିଲ୍ଲାରେ ଥିବା ବିଭିନ୍ନ ଶୈବ ପୀଠ, ବାଣପୁର ଭଗବତୀ ମନ୍ଦିର, ଉଗ୍ରତାରା ପୀଠ ଜାଗୁଳାଇପାଟଣା ଠାରେ ଥିବା ଜଗନ୍ନାଥଙ୍କ ମନ୍ଦିର କରୋନା କଟକଣାରେ ଖୋଲିଛି। ଆଜି ଶ୍ରାବଣ ମାସର ତୃତୀୟ ସୋମବାର। ହଟକେଶ୍ୱର ପୀଠରେ ମନ୍ଦିର ଖୋଲିବା ପରେ ଶ୍ରଦ୍ଧାଳୁଙ୍କ ଭିଡ଼ ଜମିଛି।
ଏଣିକା ମାତ୍ର ଏକ ଘଣ୍ଟା ମଧ୍ୟରେ ଠାବ ହୋଇପାରିବ କୋଭିଡ ଭୂତାଣୁ
ନୂଆଦିଲ୍ଲୀ: ମାତ୍ର ଏକ ଘଣ୍ଟା ଭିତରେ ଏଣିକି ଠାବ ହୋଇପାରିବ କୋଭିଡ ଭୂତାଣୁ। ଏକ କ୍ଷୁଦ୍ର ଡିଭାଇସ ଜରିଆରେ ବ୍ୟକ୍ତିଙ୍କ ଲାଳରୁ ଭୂତାଣୁ ଚିହ୍ନଟ ସମ୍ଭବ ହୋଇପାରିବ। ଏହି ଡିଭାଇସ ଉଦ୍ଭାବନ କରିଛନ୍ତି ଏମଆଇଟି ଓ ହାର୍ଭାର୍ଡ ବିଶ୍ୱବିଦ୍ୟାଳୟର କିଛି ଇଞ୍ଜିନିୟର। ଏହା ସହ ନୂଆ ଭାଇରସ ମ୍ୟୁଟାଣ୍ଟଗୁଡିକୁ ମଧ୍ୟ ସହଜରେ ଚିହ୍ନଟ କରାଯାଇପାରିବ ବୋଲି ଗବେଷକ କହିଛନ୍ତି। ସିଆରଆଇଏସପିଆର ଟେକ୍ନୋଲୋଜିରେ ତିଆରି ହୋଇଥିବା ଏହି ଡିଭାଇସ ଆଗକୁ ଅଧିକ ସହାୟକ ହେବ ବୋଲି କୁହାଯାଇଛି। ଏହି ନୂଆ ବ୍ୟବସ୍ଥାରେ ପ୍ରଥମେ ସାଲିଭାରୀ ନ୍ୟୁକ୍ଲିଜଗୁଡିକ ନିଷ୍କ୍ରିୟ ହୋଇଯାଆନ୍ତି। ଫଳରେ ଆରଏନଏ ବି ନଷ୍ଟ ହୋଇଯାଏ। ପରେ ବିଭିନ୍ନ ପ୍ରକ୍ରିୟା ଦ୍ୱାରା ଭୂତାଣୁ ସମ୍ପର୍କରେ ସୂଚନା ମିଳିଥାଏ।





