spot_img
Home Blog Page 5490

Cabinet Decision: ୮୯ ଗୋଟି ବହୁମୁଖୀ ଇନଡୋର ଷ୍ଟାଡିୟମ ନିର୍ମାଣକୁ ମଞ୍ଜୁରୀ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ବସିଥିବା କ୍ୟାବିନେଟ୍ ବୈଠକରେ ୧୬ଟି ପ୍ରସ୍ତାବକୁ ଅନୁମୋଦନ ମିଳିଛି । ୮୯ ଗୋଟି ବହୁମୁଖୀ କ୍ରୀଡ଼ା ବିପର୍ଯ୍ୟୟ ଆଶ୍ରୟସ୍ଥଳ ଏବଂ ଚିକିତ୍ସାଳୟ ଉପଯୋଗୀ ଇନଡୋର ଷ୍ଟାଡିୟମ ନିର୍ମାଣକୁ ମଞ୍ଜୁରୀ ମିଳିଛି ।

‘ରାଜ୍ୟ କ୍ରୀଡ଼ା ଭିତ୍ତିଭୂମି ବିକାଶ ପ୍ରକଳ୍ପ’ ଯୋଜନାରେ ୮୯ ଗୋଟି ‘ବହୁମୂଖୀ ଇନଡୋର ଷ୍ଟାଡିୟମ’ ନିର୍ମାଣ ନିମନ୍ତେ ମଞ୍ଜୁରୀ ପ୍ରଦାନ କରିଛନ୍ତି । ଏଥିପାଇଁ ୬୯୩.୩୫ କୋଟି ବ୍ୟୟ ବରାଦ କରାଯାଇଛି । ଏହା ୧୮ ମାସ ମଧ୍ୟରେ ସମ୍ପୂର୍ଣ୍ଣ କରାଯିବ । ରାଜ୍ୟରେ କ୍ରୀଡ଼ା ବିକାଶ କ୍ଷେତ୍ରରେ ଏହା ଏକ ବଳିଷ୍ଠ ପଦକ୍ଷେପ ।

Odisha Cabinet Decision, 89 Multi Purpose Indore Stadium To Built In State

ରାଜ୍ୟ ସରକାର ଓଡ଼ିଶାରେ କ୍ରୀଡ଼ାର ବିକାଶ ନିମନ୍ତେ ନିରନ୍ତର ଧ୍ୟାନ କେନ୍ଦ୍ରୀତ କରିଆସୁଛନ୍ତି । ଗତ କିଛି ବର୍ଷ ମଧ୍ୟରେ ଆମ ରାଜ୍ୟ କ୍ରୀଡ଼ାର ବିକାଶ ଏବଂ କ୍ରୀଡ଼ା ଆୟୋଜନର ଏକ ପ୍ରମୁଖ ସ୍ଥାନର ମାନ୍ୟତା ପାଇଅଛି । 5T କାର୍ଯ୍ୟସୂତ୍ରୀ ଅନୁଯାୟୀ ରାଜ୍ୟରେ କ୍ରୀଡ଼ା କ୍ଷେତ୍ରରେ ରୂପାନ୍ତରଣକୁ ସୁନିଶ୍ଚିତ କରିବା ପାଇଁ ଏହି ପ୍ରକଳ୍ପ ପରିକଳ୍ପନା କରାଯାଇଅଛି । ମାନ୍ୟବର ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଜନ ପ୍ରତିନିଧି ଓ କ୍ରୀଡ଼ାବିତ ମାନଙ୍କୁ ନେଇ ହୋଇଥିବା ପରାମର୍ଶ ଆଧାରରେ ଏହି କ୍ରୀଡ଼ା ଭିତ୍ତିଭୂମିର ଆବଶ୍ୟକୀୟ ନକ୍ସା ପ୍ରସ୍ତୁତ ହୋଇଛି ।

Odisha Cabinet Decision, 89 Multi Purpose Indore Stadium To Built In State

‘ରାଜ୍ୟ କ୍ରୀଡ଼ା ଭିତ୍ତିଭୂମି ବିକାଶ ପ୍ରକଳ୍ପ’ ଉନ୍ନତମାନର କ୍ରୀଡ଼ା ଭିତ୍ତିଭୂମି ବିକାଶ ନିମନ୍ତେ ଉଦ୍ଦିଷ୍ଠ । ଏହି ପ୍ରକଳ୍ପ ଅଧୀନରେ ୮୯ ଗୋଟି ‘ବହୁମୂଖୀ ଇନ୍‌ଡୋର ଷ୍ଟାଡ଼ିୟମ ନିର୍ମାଣ’ କରିବା ନିମନ୍ତେ ଯୋଜନା କରାଯାଇଅଛି, ଯେଉଁଠି ବର୍ତ୍ତମାନ ଉନ୍ନତ ଭିତ୍ତିଭୂମି ଉପଲବ୍ଧ ନାହିଁ ।

Odisha Cabinet Decision, 89 Multi Purpose Indore Stadium To Built In State

ଏହି ଇନଡୋର ଷ୍ଟାଡିୟମଗୁଡ଼ିକ ବହୁମୂଖୀ ଉପଯୋଗ ନିମନ୍ତେ ବ୍ୟବହୃତ ହେବ । ବ୍ୟାଡମିଣ୍ଟନ, ଟେବୁଲ ଟେନିସ୍, ଭାରୋତ୍ତଳନ ଆଦି କ୍ରୀଡ଼ା ସହ ଯୋଗ ଓ ବ୍ୟାୟାମଶାଳାର ବ୍ୟବସ୍ଥା ମଧ୍ୟ ଉକ୍ତ ଷ୍ଟାଡିୟମରେ ରହିବ । ଏହି ଆନ୍ତଃଗୃହ ଗୁଡ଼ିକ ଉକ୍ତ ଅଞ୍ଚଳର ଅନ୍ୟାନ୍ୟ ଲୋକପ୍ରିୟ ଇନଡୋର ଖେଳ ନିମନ୍ତେ ମଧ୍ୟ ବ୍ୟବହୃତ କରାଯାଇ ପାରିବ । ଇନଡୋର ଷ୍ଟାଡିୟମ ଗୁଡ଼ିକ ଘଣ୍ଟାପ୍ରତି ୨୦୦ କି.ମି. ପବନର ବେଗକୁ ସହ୍ୟ କରିପାରୁଥିବା ଭଳି ନିର୍ମାଣ କରାଯିବ ଯଦ୍ୱାରା ପ୍ରାକୃତିକ ବିପର୍ଯ୍ୟୟ ମହାବାତ୍ୟା ଏବଂ ବନ୍ୟା ଆଦି ସମୟରେ ଏଗୁଡ଼ିକ ଆଶ୍ରୟ କେନ୍ଦ୍ର ରୂପେ ବ୍ୟବହୃତ ହୋଇପାରିବ ।

ମହାମାରୀ ସମୟରେ ବିଜ୍ଞାପିତ ଅଞ୍ଚଳ ପରିଷଦରେ ଥିବା ଷ୍ଟାଡିୟମ ଗୁଡ଼ିକ ୫୦ ଗୋଟି ଶଯ୍ୟା ବିଶିଷ୍ଟ ଏବଂ ପୌରାଞ୍ଚଳରେ ୧୦୦ ଗୋଟି ଶଯ୍ୟା ବିଶିଷ୍ଟ ଡାକ୍ତରଖାନା ରୂପେ ବ୍ୟବହାର କରାଯାଇ ପାରିବ । ଏହା ବାଦ୍ ତାଲିମ୍ ପ୍ରଦାନ, ସଭା ପରିଚାଳନା, ପରୀକ୍ଷା କେନ୍ଦ୍ର ଇତ୍ୟାଦି କାର୍ଯ୍ୟ ପାଇଁ ମଧ୍ୟ ଉକ୍ତ ଷ୍ଟାଡିୟମ ଅତ୍ୟନ୍ତ ଉପଯୋଗୀ ହୋଇପାରିବ । ଏହି ପ୍ରକଳ୍ପ ଦ୍ୱାରା ଓଡ଼ିଶାରେ କ୍ରୀଡ଼ା ବିକାଶର ଧାରା ଆହୁରି ଦୃଢ଼ୀଭୁତ ହେବ ।

ବିପଦ ଆଣିବ ତାପମାତ୍ରା ବୃଦ୍ଧି, ୨ ଡିଗ୍ରୀ ବଢ଼ିବ ପାରଦ

ନୂଆଦିଲ୍ଲୀ: ଗ୍ଲୋବାଲ୍ ୱାର୍ମିଂ ବିପଦ ବଢ଼ୁଛି । ଇଣ୍ଟର ଗର୍ଭମେଣ୍ଟାଲ ପ୍ୟାନେଲ ଅନ୍ କ୍ଲାଇମେଟ ଚେଞ୍ଜ (IPCC) ତାଜା ରିପୋର୍ଟରେ ଚେତାବନୀ ଦେଇଛି । ବର୍ଷ ୨୧୦୦ ସୁଦ୍ଧାର ପୃଥିବୀର ସର୍ବନିମ୍ନ ତାପମାତ୍ରା ଆଉ ୨ ଡିଗ୍ରୀ ବୃଦ୍ଧି ପାଇବ । ଏଥିପାଇଁ ବିପୁଳ ମାତ୍ରାରେ ଗ୍ରୀନ୍ ହାଉସ୍ ଗ୍ୟାସ ନିର୍ଗତ କମ୍ କରିବାକୁ କହିଛି IPCC । ଆସିଥିବା ଷଷ୍ଠ ଆକଳନ ରିପୋର୍ଟର ପ୍ରଥମ ଭାଗରେ ପୃଥିବୀର ଜଳବାୟୁ ସ୍ଥିତିର ତାଜା ମୂଲ୍ୟାଙ୍କନ, ପରିବର୍ତ୍ତନ ଓ ଗ୍ରହ ଉପରେ ଏହାର ପ୍ରଭାବ ଆଦି ତଥ୍ୟ ରହିଛି । ପୃଥିବୀର ଜଳବାୟୁ ସ୍ଥିତି ଉପରେ ଏହି ରିପୋର୍ଟ ବ୍ୟାପକ ଭାବେ ସ୍ୱୀକୃତ ବୈଜ୍ଞାନିକ ରାୟ ଅଟେ ।

Climate Change Report On Earth Climate Predict Above 2 Degree Rise In Temperature By 2100

ଆକଳନ ରିପୋର୍ଟର ପ୍ରଥମ ଭାଗରେ ଜଳବାୟୁ ପରିବର୍ତ୍ତନ ନେଇ ତଥ୍ୟ ରହିଛି । ୧୮୫୦ରୁ ୧୯୦୦ ମଧ୍ୟରେ ବିଶ୍ୱର ତାପମାତ୍ରା ପୂର୍ବ-ଇଣ୍ଡଷ୍ଟ୍ରିଆଲ୍ ଟାଇମ ତୁଳନାରେ ୧.୧ ଡିଗ୍ରୀ ବୃଦ୍ଧି ପାଇଛି । ଏଥିସହ ଏହି ରିପୋର୍ଟରେ ଆଇପିସି ୨୦୪୦ ମଧ୍ୟରେ ବିଶ୍ୱର ତାପମାତ୍ରା ୧.୫ ଡିଗ୍ରୀ ବୃଦ୍ଧି ପାଇବ ବୋଲି ଚେତାବନୀ ଦେଇଛି ।

Climate Change Report On Earth Climate Predict Above 2 Degree Rise In Temperature By 2100

୨୦୧୫ ପ୍ୟାରିସ୍ ଚୁକ୍ତି ଅନୁସାରେ, ଜଳବାୟୁ ପରିବର୍ତ୍ତନକୁ ବିଶ୍ୱର ତାପମାତ୍ରା ଅନୁସାରେ ୨ ଡିଗ୍ରୀ ସେଲସିୟସରୁ କମ୍ ରଖିବାକୁ ହେବ । ବିଶେଷକରି ୧.୫ ଡିଗ୍ରୀ ଭିତରେ ରଖିବାକୁ ହେବ । ବୈଜ୍ଞାନିକଙ୍କ ଅନୁସାରେ, ୨ ଡିଗ୍ରୀରୁ ଅଧିକ ତାପମାତ୍ରା ବୃଦ୍ଧି ପୃଥିବୀର ଜଳବାୟୁକୁ ସବୁଦିନ ଲାଗି ବଦଳାଇ ଦେବ । ଏହା ଫଳରେ ମନ୍ୟୁଷ ଓ ଅନ୍ୟ ପାଣୀ ବଞ୍ଚିବା କଷ୍ଟକର ହୋଇ ପଡ଼ିବ ।

Climate Change Report On Earth Climate Predict Above 2 Degree Rise In Temperature By 2100Predict Above 2 Degree

ରିପୋର୍ଟରେ କୁହାଯାଇଛି, ଗ୍ରୀନ୍ ହାଉସ୍ ଗ୍ୟାସ୍ ନିର୍ଗମନକୁ ବଡ଼ ପରିମାଣରେ ରୋକିପାରିଲେ ମଧ୍ୟ ପୃଥିବୀର ତାପମାତ୍ରା ୧.୫ ଡିଗ୍ରୀ ପାର କରି ୧.୬ ଡିଗ୍ରୀ ସେଲସିୟସ୍ ପହଞ୍ଚି ଯିବ । ପରେ ଏହା ୧.୫ ଡିଗ୍ରୀକୁ ଆସିପାରେ ।

ଆଇଏଏସ୍ ଏବଂ ଓଏଏସ୍ ସ୍ତରରେ ଛୋଟ ଧରଣର ଅଦଳବଦଳ

ଭୁବନେଶ୍ୱର: ଆଇଏଏସ୍ ଓ ଓଏଏସ୍ ସ୍ତରରେ ଛୋଟ ଧରଣର ଅଦଳବଦଳ କରିଛନ୍ତି ରାଜ୍ୟ ସରକାର । ଭଦ୍ରକ ଜିଲ୍ଲାପାଳ ଜ୍ଞାନରଞ୍ଜନ ଦାସଙ୍କୁ ପଞ୍ଚାୟତିରାଜ ବିଭାଗ ନିର୍ଦ୍ଦେଶକ ଭାବେ ନୂଆ ନିଯୁକ୍ତି ଦେଇଛନ୍ତି ରାଜ୍ୟ ସରକାର । ସେହିଭଳି ପଞ୍ଚାୟତିରାଜ ନିର୍ଦ୍ଦେଶକ ଥିବା ଉମାକାନ୍ତ ତ୍ରିପାଠୀଙ୍କୁ ଜଙ୍ଗଲ ଓ ପରିବେଶ ବିଭାଗ ଅତିରିକ୍ତ ସଚିବ ଭାବେ ନିଯୁକ୍ତି ମିଳିଛି । ଢେଙ୍କାନାଳ ଜିଲ୍ଲାପାଳ ଥିବା ଭୂମେଶ ଚନ୍ଦ୍ର ବେହେରାଙ୍କୁ ଆୟୁଷ ବିଭାଗ ନିର୍ଦ୍ଦେଶକ ଭାବେ ନିଯୁକ୍ତି ମିଳିଛି ଅନ୍ୟପକ୍ଷରେ ସରୋଜ କୁମାର ସେଠୀଙ୍କୁ ଢେଙ୍କାନାଳ ଜିଲ୍ଲାପାଳ ଭାବେ ନିଯୁକ୍ତି ଦିଆଯାଇଛି । ଆୟୁଷ ବିଭାଗ ନିର୍ଦ୍ଦେଶକ ଭାବେ ବର୍ତ୍ତମାନ କାର୍ଯ୍ୟ କରୁଥିବା ତ୍ରିଲୋଚନ ମାଝିଙ୍କୁ ଭଦ୍ରକ ଜିଲ୍ଲପାଳ ଭାବେ ନୂଆ ନିଯୁକ୍ତି ମିଳିଛି ।

କଣ୍ଟ୍ରୋଲରେ ଥିଲି ବୋଲି ୨୨ ଚାପୁଡ଼ା ମାରିଲି, ନହେଲେ ଆହୁରି ଅଧିକ ପଡ଼ିଥାନ୍ତା

ଲକ୍ଷ୍ନୌ: କିଛିଦିନ ତଳେ ଲକ୍ଷ୍ନୌର ଟ୍ରାଫିକରେ ଜଣେ କ୍ୟାବ ଡ୍ରାଇଭରଙ୍କୁ ଜଣେ ଯୁବତୀ ଚାପୁଡ଼ା ପରେ ଚାପୁଡ଼ା ମାରି ଚାଲିଥିଲେ । ତାହା ପୁଣି କ୍ୟାବ ଡ୍ରାଇଭରଙ୍କ ଭୁଲ୍ ନଥାଇ । ଉକ୍ତ ଘଟଣାରେ ଏବେ ପୁଣି ଆହୁରି ବିବାଦୀୟ ମନ୍ତବ୍ୟ ଦେଇଛନ୍ତି ମାଡ଼ ମାରିଥିବା ଯୁବତୀ ପ୍ରିୟଦର୍ଶିନୀ । କହିଛନ୍ତି- ପୂର୍ବରୁ ମୁଁ ଜଣେ ବାଇକ୍ ଆରୋହୀଙ୍କୁ ବହୁତ ମାରିଥିଲି । ଜଣେ ମଦ ପିଇ ମୋତେ ଛୁଇଁବାକୁ ଚାହୁଁଥିଲେ, ମୁଁ ତାଙ୍କୁ ଚାପୁଡ଼ା ସହ ଧକ୍କା ମାରିଥିଲି ।

Lucknow Slapgate Priyadarshini Said I Was In Control Or Else Would Have Slapped 25 Times

କ୍ୟାବ ଚାଳକଙ୍କୁ ମୁଁ ତ ହାତକୁ କଣ୍ଟ୍ରୋଲରେ ରଖି ମାରିଥିଲି । ନିଜକୁ ବଞ୍ଚାଇବା ଲାଗି କିଛି ବି କଲେ ତା ଠିକ୍ । ଯିଏ କେହି ବି ନିକଟ ହୁଏ ମୁଁ ତାକୁ ପ୍ରଥମେ ଧକ୍କା ପରେ ଚାପୁଡ଼ା ମାରେ ବୋଲି ମନ୍ତବ୍ୟ ଦେଇଛନ୍ତି ପ୍ରିୟଦର୍ଶିନୀ । ଘଟଣା ଦିନ ଆର୍ମି ଯବାନ ମୋତେ ଅଟକାଇ ଦେଇଥିଲେ । ନହେଲେ ସ୍ଥିତି ଆହୁରି ସାଂଘାତିକ ହୋଇଥାନ୍ତା । ୨୨ରୁ ୨୫ ଚାପୁଡ଼ା ମାରିଥାନ୍ତି ।

‘ଜୟ ଶ୍ରୀ ରାମ-ହର ହର ମହାଦେବ’ ନାରାରେ ପ୍ରକମ୍ପିତ ପାକିସ୍ତାନ

ନୂଆଦିଲ୍ଲୀ: ପାକିସ୍ତାନରେ ଜୟ ଶ୍ରୀ ରାମ ନାରା । ପାକିସ୍ତାନର ରହିମ ୟାର ଖାନ ଅଞ୍ଚଳରେ ହିନ୍ଦୁ ମନ୍ଦିର ଭଙ୍ଗାରୁଜା ଘଟଣା ପରେ ଲୋକଙ୍କ ରାଗ ଥମୁନି । କରାଚୀରେ ଅଳ୍ପସଂଖ୍ୟକ ହିନ୍ଦୁ ଅତ୍ୟାଚାର ବିରୋଧରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଏହି ବିକ୍ଷୋଭ ବେଳେ ସମଗ୍ର ଅଞ୍ଚଳ ଜୟ ଶ୍ରୀ ରାମ ଓ ହର ହର ମହାଦେବ ନାରାରେ ପ୍ରକମ୍ପିତ ହୋଇଥିଲା ।

 Pakistan Karachi Protest By Hindu People Temple Issue

ରବିବାର କରାଚୀ ପ୍ରେସ କ୍ଲବ ବାହାରେ ହୋଇଥିବା ବିକ୍ଷୋଭରେ ଅଳ୍ପସଂଖ୍ୟକ ବିକ୍ଷୋଭ ପ୍ରଦର୍ଶନ କରିଥିଲେ । ବିକ୍ଷୋଭକାରୀ ହିନ୍ଦୁ ମନ୍ଦିର ଭଙ୍ଗାରୁଜାକୁ ବିରୋଧ କରିବା ସହ ଘଟଣାର ନିନ୍ଦା କରିଥିଲେ । ଏଥିରେ ହିନ୍ଦୁ ସମୁଦାୟ ସହ ଶିଖ୍, ପାରସୀ, ଇସାଇ ଓ ଅନ୍ୟ ଧର୍ମର ଲୋକ ସାମିଲ୍ ଥିଲେ । ବିକ୍ଷୋଭକାରୀ ହର ହର ମହାଦେବ ସହ ଜୟ ଶ୍ରୀ ରାମ ନାରା ଲଗାଇଥିଲେ ।

 Pakistan Karachi Protest By Hindu People Temple Issue

କିଛିଦିନ ତଳେ ପାକିସ୍ତାନର ରହିମ ୟାର ଖାନ ଅଞ୍ଚଳରେ ଥିବା ଏକ ଗଣେଶ ମନ୍ଦିରରେ ଭଙ୍ଗାରୁଜା ହୋଇଥିଲା । ଭଙ୍ଗାରୁଜାର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା । ଯାହାକୁ ନେଇ ବିବାଦ ଉପୁଜି ଥିବା ବେଳେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ମଧ୍ୟ ଘଟଣାର ନିନ୍ଦା କରିଥିଲେ । ପାକିସ୍ତାନ ସୁପ୍ରିମକୋର୍ଟ ମଧ୍ୟ ଏହି ଘଟଣାରେ ପୋଲିସ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ନେଇଛନ୍ତି ।

ରାଜ୍ୟ ସରକାରଙ୍କ ବିଭିନ୍ନ ଯୋଜନାକୁ ଗୀତ ମାଧ୍ୟମରେ ପରିବେଷଣ କରୁଛନ୍ତି ଦିବ୍ୟାଙ୍ଗ କଳାକାର

ବଲାଙ୍ଗୀର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ସବୁ ବର୍ଗର ଲୋକଙ୍କ ପାଇଁ ଯୋଜନା ପ୍ରଣୟନ କରିଛନ୍ତି । ଯାହା ଜନ୍ମରୁ ମୃତ୍ୟୁ ଯାଏଁ ଲୋକଙ୍କ ପାଇଁ ସହାୟକ ହେଉଛି । ଆଉ ଏହି ଯୋଜନା ସବୁକୁ ଗୀତ ମାଧ୍ୟମରେ ଖୁବ୍ ସୁନ୍ଦର ଭାବେ ପରିବେଷଣ କରୁଛନ୍ତି ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ପତ୍ରାପାଲି ଗାଁର ଦିବ୍ୟାଙ୍ଗ କଳାକାର କାର୍ତ୍ତିକ ଖର୍ସେଲ । କାର୍ତ୍ତିକ ଜନ୍ମରୁ ଦୃଷ୍ଟି ବାଧିତ କିନ୍ତୁ ସେ ଠିକ ଭାବେ ଶୁଣିପାରନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗରିବ ଲୋକଙ୍କ ପାଇଁ ବିଭିନ୍ନ ଯୋଜନା ଘୋଷଣା କଲା ସମୟରେ ସେ ଶୁଣି ପ୍ରଭାବିତ ହୋଇଛନ୍ତି । ତେବେ ମୁଖ୍ୟମନ୍ତ୍ରୀଙ୍କ ସମସ୍ତ ଲୋକାଭିମୁଖୀ ଯୋଜନାକୁ ଗୀତ ମାଧ୍ୟମରେ ପରିବେଷଣ କରି ସମାଜକୁ ବାର୍ତ୍ତା ଦେଉଛନ୍ତି ଦିବ୍ୟାଙ୍ଗ କାର୍ତ୍ତିକ ଖର୍ସେଲ । ଦେଖନ୍ତୁ ପୂରା ଗୀତ…

ଏଥିସହିତ ପଢ଼ନ୍ତୁ: ଫିକା ପଡ଼ିବ ପାର୍ବଣ, ଏଥର ବି ଗଣେଶ ଓ ଦୁର୍ଗା ପୂଜାରେ ଭକ୍ତଙ୍କୁ ମଣ୍ଡପ ମନା

ରାଜ୍ୟରେ ଏବେ ବି ଦୁର୍ବଳ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ, ନିଅଣ୍ଟିଆ ବର୍ଷା ରେକର୍ଡ

ଭୁବନେଶ୍ୱର: ରାଜ୍ୟରେ ଏବେ ବି ଦୁର୍ବଳ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ମୌସୁମୀ ବାୟୁ ଦୁର୍ବଳ ହେବା ଫଳରେ ରାଜ୍ୟରେ ନିଅଣ୍ଟିଆ ବର୍ଷା ହୋଇଛି । କେବଳ ଅଗଷ୍ଟ ମାସରେ ସ୍ୱାଭାବିକ ଠାରୁ ୭୫ ପ୍ରତିଶତ କମ୍ ବର୍ଷା ହୋଇଛି । ଅଗଷ୍ଟ ୧ ତାରିଖରୁ ୯ ତାରିଖ ମଧ୍ୟରେ ରାଜ୍ୟରେ ୨୮.୫ ମିଲିମିଟର ବର୍ଷା ରେକର୍ଡ ହୋଇଛି । ଏହି ସମୟ ମଧ୍ୟରେ ରାଜ୍ୟରେ ୧୧୫.୪ ମିଲିମିଟର ବର୍ଷା ହେବା କଥା । ସେହିପରି ଜୁନ୍ ମାସରୁ ଆଜି ପର୍ଯ୍ୟନ୍ତ ରାଜ୍ୟରେ ସ୍ୱାଭାବିକ ଠାରୁ ୨୮ ପ୍ରତିଶତ କମ୍ ବର୍ଷା ହୋଇଛି । ୨୦ଟି ଜିଲ୍ଲାରେ ନିଅଣ୍ଟିଆ ବର୍ଷା ହୋଇଥିବା ବେଳେ ୧୦ ଜିଲ୍ଲାରେ ସ୍ୱାଭାବିକ ବର୍ଷା ହୋଇଛି । ବର୍ତ୍ତମାନ ସୁଦ୍ଧା ରାଜ୍ୟରେ ୬ ଶହ ୭୭.୭ ମିଲିମିଟର ବର୍ଷା ରେକର୍ଡ ହେବା କଥା କିନ୍ତୁ ୪ ଶହ ୮୪.୮ ମିଲିମିଟର ବର୍ଷା ରେକର୍ଡ ହୋଇଛି । ଯାହା ସ୍ୱାଭାବିକ ଠାରୁ ୨୮ ପ୍ରତିଶତ କମ୍ । ୪ଟି ଜିଲ୍ଲା ଭଦ୍ରକ, ବଲାଙ୍ଗିର, ଗଜପତି ଏବଂ ଯାଜପୁରରେ ସ୍ୱାଭାବିକ ଠାରୁ ୪୦ ପ୍ରତିଶତ କମ୍ ବର୍ଷା ରେକର୍ଡ ହୋଇଛି । ନିଅଣ୍ଟିଆ ବର୍ଷା ସମୟରେ ରାଜ୍ୟରେ ଆସନ୍ତା ୨ ରୁ ୩ ଦିନ ମଧ୍ୟରେ ରାଜ୍ୟରେ କେବଳ କାଳବେିଶାଖୀ ଜନିତ ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଭାରତ ମହାସାଗରରେ ଭାରତ ନିର୍ମାଣ କରୁଛି କି ଗୁପ୍ତ ସାମରିକ ଘାଟି ?

ନୂଆଦିଲ୍ଲୀ: ଭାରତ ମହାସାଗରରେ ଭାରତ କରୁଛି ଗୁପ୍ତ ସାମରିକ ଘାଟି ! ଏହି ସୈନ୍ୟ ଆଡ୍ଡାର ବ୍ୟବହାର କରି ସମୁଦ୍ରରେ ନିଜ ସ୍ଥିତି ସହ ଶକ୍ତି ବଢ଼ାଇବ ଭାରତ । କିଛିଦିନ ତଳେ ଅନ୍ତରାଷ୍ଟ୍ରୀୟ ନ୍ୟୁଜ୍ ଚ୍ୟାନେଲ୍ ଅଲ ଜଜିରା ନିଜ ରିସର୍ଚ୍ଚ ଆଧାରରେ ଏଭଳି ଦାବି କରି ସମୁଦ୍ରରେ ଭାରତର ଦମଦାର ସୈନ୍ୟ ଉପସ୍ଥିତିକୁ ଇସାରା କରିଛି ।

ଅଲ ଜଜିରା ଦାବି ଅନୁସାରେ, ମରିସସଠାରୁ ୧୧୦୦ କିଲୋମିଟର ଦୂର ଅଗାଲେଗା ଦ୍ୱୀପରେ ଭାରତ ନିଜର ନୌସେନା ଆଡ୍ଡା ପ୍ରସ୍ତୁତ କରୁଛି । ସାଟେଲାଇଟ୍ ଇମେଜ ଅନୁସାରେ ସେଠାରେ ନିର୍ମାଣ ଗତିବିଧି ଆଦି ଦ୍ରୁତଗତିରେ ଚାଲିଛି । ସେଠାରେ ଭାରତ ଅନ୍ତରାଷ୍ଟ୍ରୀୟ ସ୍ତରର ଏୟାରଷ୍ଟ୍ରିପର ନିର୍ମାଣ କରୁଛି ।

Agalega India Military Base In Indian Ocean Mauritius Island China

କେଉଁଠି ରହିଛି ଅଗାଲେଗା ଦ୍ୱୀପ ?

ଭାରତ ମହାସାଗରର ମରିସସରେ ରହିଛି ଏକ ଛୋଟ ଦ୍ୱୀପ ଅଗାଲେଗା । ଏହା ମୁଖ୍ୟ ମରିସସ ଦ୍ୱୀପ ଠାରୁ ଉତ୍ତରରେ ପ୍ରାୟ ୧୦୦୦ କିଲୋମିଟର ଦୂରରେ ରହିଛି । ଏହି ଦ୍ୱୀପର ଲମ୍ବା ୧୨ କିଲୋମିଟର ହୋଇଥିବା ବେଳେ ଚଉଡ଼ା ୧.୫ କିଲୋମିଟର । ଏଠାକାର ଜନସଂଖ୍ୟା ବହୁତ କମ୍ । ଆକଳନ ଅନୁସାରେ ଅଗାଲେଗା ଦ୍ୱୀପରେ ପ୍ରାୟ ୩୦୦ ଲୋକ ବସବାସ କରୁଛନ୍ତି ।

 Agalega India Military Base In Indian Ocean Mauritius Island China

ଅଗାଲେଗା ଦ୍ୱୀପ ଅଞ୍ଚଳରେ ଆମେରିକାର ସୈନ୍ୟ ଠିକଣା ଡିଏଗୋ ଗାର୍ସିୟା, ଚୀନର ସୈନ୍ୟ ଆଡ୍ଡା ଜିବୁତି, ଫାନ୍ସର ମିଲିଟ୍ରି ବେସ୍ ରିୟୁନିୟୋଁରେ ରହିଛି । ଏହି ସମସ୍ତ ସାମରିକ ଘାଟି ସମୁଦ୍ରରେ ରହିଛି । କ୍ଷେତ୍ରଫଳ ଅନୁସାରେ ମାତ୍ର କିଛି କିଲୋମିଟର ପରିବ୍ୟାପ୍ତ ଏହି ସାମରିକ ଘାଟି ବେଶ୍ ଶକ୍ତିଶାଳୀ । ତାର ପ୍ରକୃତ ଶକ୍ତି ସେଠାରେ ଥିବା ସେନା ଓ ରାଷ୍ଟ୍ର ମୁଖ୍ୟଙ୍କୁ ଜଣା । ଦୁନିଆର ଅନ୍ୟ ସଂସ୍ଥା ସେଠାକାର ସାମରିକ ଘାଟିକୁ ନେଇ କେବଳ ଆକଳନ କରିଥାନ୍ତି । ସ୍ପଷ୍ଟତଃ ଭାରତର ଅଗଣା ଭାବେ ପରିଚିତ ଭାରତ ମହାସାଗରର ଏବେ ବ୍ୟାପକ ଭାବେ ସାମରିକିକରଣ ହୋଇ ସାରିଛି । ଏହି ସମୁଦ୍ର କ୍ଷେତ୍ର ଦେଇ ବିଶ୍ୱକୁ ଦୁଇ ଦୃତୀୟାଂଶ ତୈଳ କାରବାର କରାଯାଏ ।

 Agalega India Military Base In Indian Ocean Mauritius Island China

ଭାରତ ମହାସାଗରରେ ଚୀନ ନିଜ ପ୍ରଭୃତ୍ୱ ବିସ୍ତାର କରିବାକୁ ଚାହୁଁଛି । ଏଥିପାଇଁ ଋଣକୁ ମୁଖ୍ୟ ଅସ୍ତ୍ର କରିଛି ଚୀନ । ଭାରତ ମହାସାଗରରେ ଥିବା ଋଣ ଦେଇ ଚୀନ ସେମାନଙ୍କୁ ନିଜ ଜାଲରେ ପକାଉଛି । ଋଣ ସୁଝି ନପାରୁଥିବା ଦେଶଙ୍କ ଠାରୁ ବନ୍ଦର ଓ ବିମାନ ଘାଟିର ନିୟନ୍ତ୍ରଣ ହାସଲ କରୁଛି । ସେହି ସବୁ ବନ୍ଦରରୁ ଚୀନ ନୌସେନା ଭାରତ ମହାସାଗର ଉପରେ ନଜର ରଖୁଛି । ଭାରତକୁ ଭାରତ ମହାସାଗରରେ ଘେରିବା ପାଇଁ ଚୀନର ଏହି ରଣନୀତିକୁ ବିଶେଷଜ୍ଞ ମୁକ୍ତା ଫାସ ବୋଲି କହିଥାନ୍ତି । ଚୀନର ଏଭଳି ରଣନୀତିକୁ ମାତ୍ ଦେବା ପାଇଁ ଭାରତ, ଆମେରିକା, ଅଷ୍ଟ୍ରେଲିଆ ଓ ଜାପାନ ଏକାଠି ହୋଇଛନ୍ତି । ଅତୀତରେ ଶ୍ରୀଲଙ୍କାକୁ ଚୀନ ଋଣ ଦେଇଥିଲା । ଋଣ ସୁଝି ନ ପାରିବା ପରେ ଚୀନ, ଶ୍ରୀଲଙ୍କାର ଏକ ବନ୍ଦରକୁ ନିଜ ଅଧିନକୁ ନେବାକୁ ଚାହୁଁଥିଲା । ତେବେ ଭାରତ, ଶ୍ରୀଲଙ୍କାକୁ ଋଣ ସୁଝିବାରେ ସାହାଯ୍ୟ କରିବା ପରେ ଚୀନର ଉଦ୍ୟମ ପଣ୍ଡ ହୋଇଥିଲା ।

ଭୂ-ରଣନୈତିକ ଦୃଷ୍ଟିରୁ ଭାରତ ମହାସାଗରର ଅଗାଲେଗାରେ ଭାରତର ସାମରିକ ଘାଟିକୁ ନେଇ ଅଲ ଜଜିରାର ଦାବି ସତ ହେଲେ ସାମରିକ କ୍ଷେତ୍ରରେ ଭାରତ ମହାସାଗରରେ ଏହା ଶକ୍ତି ସନ୍ତୁଳନ ସହ ଭାରତର ଶକ୍ତି ବଢ଼ାଇବ ।

ଅଗାଲେଗାକୁ ନେଇ ଦାବି କ’ଣ ?

କତର ମିଡିଆ ହାଉସ୍ ଅଲ ଜଜିରା ଅନୁସାରେ, ଅଗାଲେଗା ଦ୍ୱୀପରେ ଭାରତ ଗୁପ୍ତ ସାମରିକ ଘାଟି ନିର୍ମାଣ କରୁଛି । ସେଠାରେ ଭାରତ ୩ କିଲୋମିଟର ଲମ୍ବର ଏୟାରପୋର୍ଟ ନିର୍ମାଣ କରୁଛି । ଏହାଦ୍ୱାରା ଭାରତ ନିଜ ଜାହାଜ ଷ୍ଟେସନ ରୂପେ ବ୍ୟବହାର କରିପାରିବ । ଏଥିସହ ରନୱେର ବ୍ୟବହାର P-8I ଏୟାରକ୍ରାଫ୍ଟ କରିପାରିବ । P-8I ଭାରତର ସାମୁଦ୍ରିକ ପାଟ୍ରୋଲିଂ ହେଲିକପ୍ଟର । ଏହାର ବ୍ୟବହାର ସର୍ଭିଲାନ୍ସ, ଆଣ୍ଟି ସରଫେସ୍, ଆଣ୍ଟି ସବମରିନ ଗତିବିଧି ପାଇଁ କରାଯାଇ ପାରିବ । ଦ୍ୱୀପର କୂଳରେ ଜାହାଜ ଓ ବୋଟ୍ ଲାଗିବା ପାଇଁ ଆବଶ୍ୟକୀୟ ଭିତ୍ତିଭୂମି ମଧ୍ୟ ନିର୍ମାଣ ଚାଲିଛି ।

 Agalega India Military Base In Indian Ocean Mauritius Island China

ଅଲ ଜଜିରା ଅନୁସାରେ, ଅଗାଲେଗାରରୁ ମିଳିଥିବା ଫଟୋ ଓ ତଥ୍ୟ ଅନୁସାରେ ଏହି ଦ୍ୱୀପରେ ଗତ ୨ ବର୍ଷ ହେଲା ନିର୍ମାଣ ସମ୍ବନ୍ଧୀୟ କାର୍ଯ୍ୟ ଚାଲିଛି । ସେଠାରେ ନିର୍ମାଣ କାର୍ଯ୍ୟରେ ନିୟୋଜିତ ସଂଖ୍ୟାଧିକ ଶ୍ରମିକ ଅସ୍ଥାୟୀ କ୍ୟାମ୍ପରେ ରହୁଛନ୍ତି ।

ଅଲ ଜଜିରାର ଦାବି ଯାହା ବି ହେଉ… ୨୦୧୫ରେ ଭାରତ ମହାସାଗରର ଅବହେଳିତା ହୋଇ ରହିଥିବା ଏହି ଦ୍ୱୀପରେ ଏଣ୍ଟ୍ରି ମାରିଥିଲା । ସେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମରିସସ ଗସ୍ତରେ ଯାଇଥିଲେ । ସେଠାରେ ଦୁଇ ଦେଶ ମଧ୍ୟରେ କେତେକ ବୁଝାମଣାପତ୍ର ସ୍ୱାକ୍ଷର କରାଯାଇଥିଲା । ସେହି ଚୁକ୍ତି ମଧ୍ୟରୁ ଗୋଟିଏ ଥିଲା ଏହି ଅଗାଲେଗା ଦ୍ୱୀପକୁ ବିକଶିତ କରିବା । ଏହି ବୁଝାମଣା ଅନୁସାରେ, ଭାରତ ଅଗାଲେଗା ଦ୍ୱୀପରେ ସମୁଦ୍ର ଓ ବିମାନ ପରିବହନ ସୁବିଧାକୁ ଉନ୍ନତ ସହ ଭିତ୍ତିଭୂମି ବିକଶିତ କରିବା ।

 Agalega India Military Base In Indian Ocean Mauritius Island China

ଚୁକ୍ତି ଅନୁସାରେ, ଭାରତ ଏହି ଦ୍ୱୀପକୁ ବିକଶିତ କରିବା ପାଇଁ ୬୩୦ କୋଟି ଟଙ୍କାରୁ ଅଧିକ ଖର୍ଚ୍ଚ କରୁଛି । ଦ୍ୱୀପରେ ମାତ୍ର ୩୦୦ ଲୋକ ରହୁଥିବା ବେଳେ ୩ କିଲୋମିଟର ଲମ୍ବା ବିମାନବନ୍ଦର ନିର୍ମାଣ ହେଉଛି । ଦ୍ୱୀପକୁ ବିକଶିତ କରିବାର ଅର୍ଥ ସୈନ୍ୟ ଆଡ୍ଡା ନଜରରେ ଦେଖାଯାଉଛି ।

ତେବେ ମିଡିଆରେ କରାଯାଉଥିବା ଦାବିକୁ ମରିସସ କେବେ ସ୍ୱୀକାର କରିନାହିଁ । ମରିସସ ସରକାରଙ୍କ ପକ୍ଷରୁ କୁହାଯାଇଛି- ଅଗାଲେଗା ଦ୍ୱୀପରେ ସାମରିକ ଆଡ୍ଡା ପାଇଁ ଭାରତକୁ ଅନୁମତି ଦିଆଯାଇ ନାହିଁ କି ସେଭଳି କିଛି ଚୁକ୍ତି ହୋଇନାହିଁ ।

ଫିକା ପଡ଼ିବ ପାର୍ବଣ, ଏଥର ବି ଗଣେଶ ଓ ଦୁର୍ଗା ପୂଜାରେ ଭକ୍ତଙ୍କୁ ମଣ୍ଡପ ମନା

ଭୁବନେଶ୍ୱର: ପାର୍ବଣ ନେଇ ଆସିଲା ସ୍ୱତନ୍ତ୍ର ରିଲିଫ୍ କମିଶନଙ୍କ ଗାଇଡଲାଇନ୍ । ଗତବର୍ଷ ଭଳି ଏବର୍ଷ ମଧ୍ୟ ବିନା ଭକ୍ତରେ ସମସ୍ତ ପୂଜା, ପାର୍ବଣ ହେବ । ଗଣେଶ ପୂଜା, ଦୁର୍ଗା ପୂଜା, ଲକ୍ଷ୍ମୀ ପୂଜା, କାଳି ପୂଜା ଆଦି ସମସ୍ତ ପୂଜାରେ ଶ୍ରଦ୍ଧାଳୁଙ୍କ ସମାଗମକୁ ବାରଣ କରାଯାଇଛି । ଅଗଷ୍ଟରୁ ନଭେମ୍ବର ମାସ ମଧ୍ୟରେ ହେବାକୁ ଥିବା ସମସ୍ତ ପାର୍ବଣ ଉପରେ ଆଂଶିକ କଟକଣା ଲଗାଯାଇଛି ।

No Devotees Allowed To Puja Mandap For Covid

ମଣ୍ଡପରେ କୋଭିଡ୍ ଗାଇଡଲାଇନ୍ ମାନି ପୂଜା କରାଯାଇ ପାରିବ । ଏଥିପାଇଁ ସ୍ଥାନୀୟ କର୍ତ୍ତୃପକ୍ଷଙ୍କ ଠାରୁ ଆୟୋଜକ ଅନୁମତି ନେବେ । ଭିଡ଼ ଏଡ଼ାଇବା ପାଇ ପୂଜା ମଣ୍ଡପକୁ ଚାରିପଟୁ ଆବଦ୍ଧ କରାଯିବ । ମୂର୍ତ୍ତିର ସର୍ବାଧିକ ଉଚ୍ଚତା ୪ ଫୁଟ ମଧ୍ୟରେ ରହିବ । ପୂଜା ମଣ୍ଡପରେ ଗୋଟିଏ ସମୟରେ ୭ ଜଣରୁ ଅଧିକ ରହି ପାରିବେ ନାହିଁ । ମଣ୍ଡପରେ ସାମାଜିକ ଦୂରତା ସହ ମାସ୍କ ପିନ୍ଧିବା ଓ ସାନିଟାଇଜେସନକୁ ଗୁରୁତ୍ୱ ଦିଆଯାଇଛି ।

No Devotees Allowed To Puja Mandap For Covid

କୌଣସି ବିସର୍ଜନ ଶୋଭାଯାତ୍ରା ହୋଇପାରିବ ନାହିଁ । ସ୍ଥାନୀୟ କର୍ତ୍ତୃପକ୍ଷ ତିଆରି କରିଥିବା ଅସ୍ଥାୟୀ ପୋଖରୀରେ ମୂର୍ତ୍ତି ବିସର୍ଜନ କରାଯିବ । ପାର୍ବଣ ବେଳେ କୌଣସି ସଂଗୀତ କିମ୍ବା ସାଂସ୍କୃତିକ ଓ ମନୋରଞ୍ଜନ କାର୍ଯ୍ୟକ୍ରମ ହେବ ନାହିଁ । କେହି ଆଇନର ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସଆରସିଙ୍କ ନିର୍ଦ୍ଦେଶନାମାରେ କୁହାଯାଇଛି ।

ଘରୋଇ ଏବଂ ଶିକ୍ଷାନୁଷ୍ଠାନ ବସ୍‌ ଗୁଡ଼ିକର ଟିକସ ଛାଡ଼ କଲେ ରାଜ୍ୟ ସରକାର

ଭୁବନେଶ୍ୱର: ମୋଟର ଯାନ ଟିକସ ଛାଡ଼ କଲେ ରାଜ୍ୟ ସରକାର। ଘରୋଇ ବସ୍ ଏବଂ ଶିକ୍ଷାନୁଷ୍ଠାନ ବସ୍‌ ଗୁଡ଼ିକର ଟିକସ ଛାଡ଼ କରାଯାଇଛି। ଅଗଷ୍ଟ ଓ ସେପ୍ଟେମ୍ବର ମାସ ପାଇଁ ଟିକସ ଦେବେନି ବସ୍ ମାଲିକ। ଏନେଇ ବିଧିବଦ୍ଧ ବିଜ୍ଞପ୍ତି ଜାରି କଲା ରାଜ୍ୟ ବାଣିଜ୍ୟ ଓ ପରିବହନ ବିଭାଗ। ଲକ୍‌ଡାଉନ ପାଇଁ ବସ୍ ମାଲିକ କ୍ଷତି ସହିଥିବାରୁ ଏଭଳି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି।

ପୂର୍ବରୁ ନିଖିଳ ଓଡ଼ିଶା ବସ୍‌ ମାଲିକ ସଂଘ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଦିଆଯାଇଥିଲା ୧୦ଦଫା ଦାବି ପତ୍ର। ଏହାକୁ ଗ୍ରହଣ କରିବା ପରେ ପରିବହନ ମନ୍ତ୍ରୀ ପଦ୍ମନାଭ ବସ୍‌ ମାଲିକ ସଂଘର ସମସ୍ତ ଦାବି ଉପରେ ଆଲୋଚନା ହେବା ପରେ ଏହାକୁ ଧୀରେ ଧୀରେ ପୂରଣ କରିବାକୁ ରାଜ୍ୟ ସରକାର ସମୟ ନେଇଥିଲେ। ଏହାପରେ ବସ୍‌ ମାଲିକ ସଂଘ ବସ୍‌ ଚଳାଇବାକୁ ରାଜି ହୋଇଥିଲେ। ଯାହାପରେ ଏବେ ରାଜ୍ୟ ସରକାର ଏଭଳି ନିଷ୍ପତ୍ତି ନେଇଛନ୍ତି।