spot_img
Home Blog Page 5486

ଭୁବନେଶ୍ୱରରେ ହଜାରେ ପାର କଲା ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା

ଭୁବନେଶ୍ୱର: ରାଜଧାନୀରେ ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ଏକ ହଜାର ପାର କରିଛି। ଗତ ୨୪ ଘଣ୍ଟାରେ ଭୁବନେଶ୍ୱରରେ ମୋଟ ୩୫ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି। ଫଳରେ ଭୁବନେଶ୍ୱରରେ ମୋଟ ଡେଙ୍ଗୁ ରୋଗୀଙ୍କ ସଂଖ୍ୟା ହଜାରେ ୯କୁ ବୃଦ୍ଧି ପାଇଛି।

ତେବେ ଆସ୍ୱସ୍ଥିକର ଖବର ହେଉଛି ବର୍ତ୍ତମାନ ସୁଦ୍ଧା ୭ଶହ ୬ଜଣ ସୁସ୍ଥ ହୋଇଛନ୍ତି। ଆକ୍ଟିଭ କେସ ୩୦୩ ରହିଛି। ଗତ୨୪ଘଣ୍ଟାରେ ସଚେତନତା ଓ ସଫେଇ କାର୍ଯ୍ୟକ୍ରମକୁ ବ୍ୟାପକ କରାଯାଇଛି। ୧୦ ହଜାର ୨୭୬ଟି ଘରେ ମୋଟ ୪୨ହଜାର ୫୮୮ ଲୋକଙ୍କ ଠାରୁ ତଥ୍ୟ ସଂଗ୍ରହ କରାଯାଇଛି। ୩୨ ହଜାର ୮୩୧ଟି ସମ୍ଭାବ୍ୟ ମଶା ବୃଦ୍ଧି ସ୍ଥାନକୁ ହଟେଇବା ସହ ୩୨ ହଜାର ୪୮୭ଟି ସ୍ଥାନରେ ମଶାର ଲାର୍ଭାକୁ ଚିହ୍ନଟ କରି ନଷ୍ଟ କରାଯାଇଛି।

ଲୋକସଭାରେ ପାରିତ ହେଲା ଓବିସି ସଂଶୋଧନ ବିଲ୍

ନୂଆଦିଲ୍ଲୀ: ଏଣିକି ପଛୁଆ ବର୍ଗ ତାଲିକା ପ୍ରସ୍ତୁତ କରିବ ରାଜ୍ୟ! ମଙ୍ଗଳବାର ସଂସଦରେ ଏ ସମ୍ପର୍କିତ ସଂଶୋଧନ ବିଲ ପାରିତ ହୋଇଛି ।। ୭ ରାଜ୍ୟର ନିର୍ବାଚନ  ମୁଣ୍ଡ ଉପରେ ଥିବାବେଳେ ଓବିସି ବିଲ୍ ଗୃହୀତ କରିବା ଲାଗି ଜୋରଦାର କସରତ ଚାଲିଥିଲା । ପେଗାସସ ମାମଲାରେ ସରକାରଙ୍କୁ ବିରୋଧ କରୁଥିବା ବିରୋଧୀ ଓବିସି ବିଲକୁ କିନ୍ତୁ ସମର୍ଥନ କରିଛନ୍ତି । ଓବିସି ସଂଶୋଧନ ବିଲ୍‌ ଆଜି ଲୋକସଭାରେ ପାସ୍‌ ହୋଇଛି। ଏହି ଓବିସି ସଂଶୋଧନ ବିଲ୍‌ ସପକ୍ଷରେ ଲୋକସଭାରେ ଉପସ୍ଥିତ ଥିବା ସମସ୍ତ ୩୮୫ ସାଂସଦ ଭୋଟ ଦେଇଥିବା ବେଳେ ଜଣେ କେହି ବି ଏହା ବିରୋଧରେ ମତ ଦେଇନାହାନ୍ତି।

ଲୋକସଭାରେ ବିଲ୍‌ ପାରିତ ହୋଇଥିବାରୁ ଏବେ ଏହାକୁ ରାଜ୍ୟସଭାରେ ଉପସ୍ଥାପନ କରାଯିବ। ସେଠାରେ ମଧ୍ୟ ଏହା ପାସ ହୋଇଯିବ ଏବଂ ଆଇନରେ ପରିଣତ ହେବା ପାଇଁ ରାଷ୍ଟ୍ରପତିଙ୍କ ଅନୁମୋଦ ଲାଗି ପଠାଯିବ । ଏହି ୧୨୭ତମ ସମ୍ବିଧାନ ସଂଶୋଧନ ବିଲ୍ ରାଷ୍ଟ୍ରପତିଙ୍କ ସ୍ୱୀକୃତି ପାଇଲେ ରାଜ୍ୟମାନେ ତିଆରି କରିବେ ଓବିସି ତାଲିକା । ୧୦୨ତମ ସମ୍ବିଧାନ ସଂଶୋଧନ ଯୋଗୁ ଓବିସି ତାଲିକା ପ୍ରସ୍ତୁତ କରିବା କ୍ଷମତା ରାଜ୍ୟ ହାତରୁ ଚାଲିଯାଇଥିଲା । ଯଦି ରାଜ୍ୟଗୁଡିକର ତାଲିକା କରିବା କ୍ଷମତା ରହିବ ନାହିଁ ତେବେ ଦେଶରେ ୬୭୧ ଓବିସି ଜାତି ଏହି ସୁବିଧାରୁ ବଞ୍ଚିତ ହେବେ । ସେପଟେ ବିଲକୁ ସମର୍ଥନ କରିଛି ବିଜେଡି । ହେଲେ ରାଜ୍ୟ ତାର ସ୍ୱତନ୍ତ୍ର ପଛୁଆ ବର୍ଗଙ୍କ ଗଣନା କରିବ ବୋଲି ବିଜେଡି କହିଛି  ।

କେନ୍ଦୁଝରରେ ପୁଣି ହାତୀ ମୃତ୍ୟୁ: ଗତ ୧ ମାସ ମଧ୍ୟରେ ୪ ହାତୀ ମୃତ

କେନ୍ଦୁଝର: ସ୍ଥାନୀୟ ଅଞ୍ଚଳରେ ପୁଣି ହାତୀ ମୃତ୍ୟୁ । ଆଜି ଜିଲ୍ଲା ବିଜେପି ରେଞ୍ଜ ସରୁକୁଦର ଜଙ୍ଗଲ ନିକଟରୁ ଏକ ମାଇ ହାତୀର ମୃତଦେହ ଉଦ୍ଧାର । ଗତ ୭ ତାରିଖରେ ତଳଚମ୍ପେଇରେ ମଧ୍ୟ ଏକ ମାଈ ହାତୀର ମୃତୁ ଦେହ ଉଦ୍ଧାର କରାଯାଇଥିଲା । ପାହାଡ଼ରୁ ଖସିପଡିବା ଯୋଗୁ ଏହି ହାତୀଟିର ମୃତ୍ୟୁ ହୋଇଥିବା କହିଥିଲା ବନ ବିଭାଗ । ଗତ ଜୁଲାଇ ୧୯ ତାରିଖରେ ମଧ୍ୟ ସେହି ବିଜେପି ରେଞ୍ଜର ବଂଶପାଳ ଅଞ୍ଚଳରେ ଗୋଟେ ମା ହାତୀ ଓ ଛୁଆ ହାତୀର ମୃତଦେହ ଉଦ୍ଧାର କରାଯାଇଥିଲା । ମୃତ୍ୟୁର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି ।

ଏଥିସହିତ ପଢ଼ନ୍ତୁ: ଜଡି ବୁଟିର ଲେପ ସହ ବାଉଁଶ ତାଟ ଯୋଡ଼ିପାରୁଛି ଭଙ୍ଗା ହାଡ଼

ଗତ ଏକ ମାସ ଭିତରେ ୪ଟି ହାତୀର ମୃତ୍ୟୁ ହେଲାଣି । ବନ ବିଭାଗର ଅପାରଗତା ଯୋଗୁ ହାତୀ ବଂଶ ବିପଦରେ ଥିବା ଅଭିଯୋଗ ହୋଇଛି । ଅନ୍ୟପଟେ କାମାକ୍ଷାନଗର ରଞ୍ଜାଗଡ଼ ସରଂକ୍ଷିତ ଜଙ୍ଗଲ ଗହଳମୁଣ୍ଡା ଠାରେ ଚିକିତ୍ସାଧୀନ ଅବସ୍ଥାରେ ଦନ୍ତା ହାତୀଟିର ମୃତ୍ୟୁ ହୋଇଛି । ହାତୀର ଆନୁମାନିକ ବୟସ ପନ୍ଦରରୁ କୋଡିଏ ବର୍ଷ  । ଦନ୍ତା ଦେହରୁ ଦୁଇଟି ବିଷାକ୍ତ ଲୌହ ଖଣ୍ତ ମିଳିଛି । ତେବେ ଆଜକୁ ମାସେ ତଳେ ଦନ୍ତାକୁ ଶିକାରୀ ମାନେ ଆକ୍ରମଣ କରିଥିଲେ । ସେ ଗୁରୁତର ଭାବେ ଆହତ ହୋଇଥିଲା । ଆଜି ଚିକିତ୍ସାଧିନ ଅବସ୍ଥାରେ ହାତୀଟିର ମୃତ୍ୟୁ ହୋଇଛି । ଘଟଣାର ତଦନ୍ତ ଜାରି ରହିଥିବା ସୂଚନା ଦେଇଛନ୍ତି ଢେ଼ଙ୍କାନାଳ ବନଖଣ୍ଡ ଅଧିକାରୀ ।

ସ୍ୱାଧୀନତା ଦିବସରେ ପତାକା ଉତ୍ତୋଳନ କରିବେ ୧୯ ମନ୍ତ୍ରୀ, ଜାଣନ୍ତୁ କେଉଁଠି କିଏ କରିବେ ପତାକା ଉତ୍ତୋଳନ

ଭୁବନେଶ୍ୱର: କରୋନା କଟକଣା ମଧ୍ୟରେ ରାଜ୍ୟରେ ପାଳନ ହେବ ସ୍ୱାଧୀନତା ଦିବସ । ଏ ନେଇ ପୂର୍ବରୁ ସରକାରଙ୍କ ପକ୍ଷରୁ ନିଷ୍ପତ୍ତି ହୋଇଥିବା କେଉଁ ଜିଲ୍ଲାରେ କିଏ ପତାକା ଉତ୍ତୋଳନ କରିବେ ଏ ନେଇ ସୂଚନା ଜାରି କରାଯାଇଛି ।

ତାଲିକା ଅନୁଯାୟୀ ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ- ବରଗଡ଼, ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ-କନ୍ଧମାଳ, ଷ୍ଟିଲ୍ ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ-ଗଞ୍ଜାମ, ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ-ପୁରୀ, ପରିବହନ ମନ୍ତ୍ରୀ ପଦ୍ମନାଭ ବେହେରା-କଟକ, ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ ପ୍ରତାପ ଜେନା, କୃଷି ମନ୍ତ୍ରୀ ଅରୁଣ ସାହୁ-ସୁନ୍ଦରଗଡ଼,  ଗ୍ରାମୀଣ ବିକାଶ ସୁଶାନ୍ତ ସିଂହ- ବଲାଙ୍ଗୀର, ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ-କଳାହାଣ୍ଡି, ଶିଶୁ ଓ ମହିଳା ବିକାଶ ମନ୍ତ୍ରୀ ଟୁକୁନି ସାହୁ-କୋରାପୁଟ,  ଏସ୍‌ଏସ୍‌ଟି  ମନ୍ତ୍ରୀ ଜଗନ୍ନାଥ ସାରକା- ଗଜପତି, ଶକ୍ତି ମନ୍ତ୍ରୀ ଦିବ୍ୟ ଶଙ୍କର ମିଶ୍ର- ନୂଆପଡ଼ା, ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା-ସମ୍ୱଲପୁର, ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ-ବାଲେଶ୍ୱର, ପର୍ଯ୍ୟଟନ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ-ଅନୁଗୁଳ, ସ୍କିଲ୍ ଡେଫଲପମେଣ୍ଟ ମନ୍ତ୍ରୀ ପ୍ରେମାନନ୍ଦ ନାୟକ-ସୋନପୁର, ଜଳ ସମ୍ପଦ ମନ୍ତ୍ରୀ ରଘୁନନ୍ଦନ ଦାସ-କେନ୍ଦୁଝର, ହସ୍ତତନ୍ତ ବୟନ ଶିଳ୍ପ ମନ୍ତ୍ରୀ ପଦ୍ମିନୀ ଦିଆନ- ମାଲକାନଗିରି, କ୍ରୀଡ଼ା ମନ୍ତ୍ରୀ ତୁଷାରକାନ୍ତି ବେହେରା-ନବରଙ୍ଗପୁର ଜିଲ୍ଲାରେ ଅନୁଷ୍ଠିତ ହେବାକୁ ଥିବା ପତାକା ଉତ୍ତୋଳନ କାର୍ଯ୍ୟକ୍ରମରେ ଜାତୀୟ ପତାକା ଉତ୍ତୋଳନ କରିବେ ।

ଓଡ଼ିଶାରେ ପହଞ୍ଚିଲେ ଓଡ଼ିଆ ହକି ତାରକା: ବିମାନରେ ବନ୍ଦରରେ କ୍ରୀଡ଼ାମନ୍ତ୍ରୀଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତି କଲେ ସ୍ୱାଗତ

ଭୁବନେଶ୍ୱର: ଓଡ଼ିଶାରେ ପହଞ୍ଚିଲେ ଓଡ଼ିଆ ହକି ତାରକା । ମଙ୍ଗଳବାର ରାତିରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଛନ୍ତି ଓଡ଼ିଆ ହକି ଖେଳାଳି । ଅଲିମ୍ପିକ୍ସରେ ଜବରଦସ୍ତ ପ୍ରଦର୍ଶନ କରି ଓଡ଼ିଶା ଫେରିଛନ୍ତି ଉଭୟ ପୁରୁଷ ଓ ମହିଳା ହକି ଖେଳାଳି । ସଦ୍ୟ ସମାପ୍ତ ପୁରୁଷ ହକି ଦଳ ଅଲିମ୍ପିକ୍ସରେ ବ୍ରୋଞ୍ଜ ପଦକ ହାସଲ କରିଥିବେ ବେଳେ ମହିଳା ଦଳ କଡ଼ା ଟକ୍କର ଦେବା ସତ୍ତ୍ୱେ ପଦକ ବିଜୟରୁ ବଞ୍ଚିତ ହୋଇଛି । ଓଡ଼ିଶାରୁ ଉଭୟ ପୁରୁଷ ଓ ମହିଳା ହକି ଦଳରେ ୨ ଜଣ ଲେଖାଏଁ ଓଡ଼ିଆ ଖେଳାଳି ଭାଗ ନେଇଥିଲେ ଏବଂ ନିଜ ଦମ୍‌ଦାର ପ୍ରଦର୍ଶନ ସହ ଦଳର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଅମିତ ରୋହିଦାସ, ବୀରେନ୍ଦ୍ର ଲାକ୍ରା, ନମିତା ଟପ୍ପୋ, ଦୀପଗ୍ରେସ ଏକ୍କା ଆଜି ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଥିବା ବେଳେ ତାଙ୍କୁ ବିପୁଳ ସ୍ୱାଗତ ସମ୍ୱର୍ଦ୍ଧନା ଦିଆଯାଇଥିଲ ।

ସେମାନଙ୍କୁ ରାଜ୍ୟ ସରକାରଙ୍କ ପକ୍ଷରୁ କ୍ରୀଡ଼ା ଓ ଯୁବ ସେବା ମନ୍ତ୍ରୀ ତୁଷାରକାନ୍ତି ବେହେରା, କ୍ରୀଡ଼ା ଓ ଯୁବ ସେବା ସଚିବ ତଥା ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସଚିବ ଭିନିଲ କ୍ରିଷ୍ଣା, ଭାରତୀୟ ହକି ଦଳର ପୂର୍ବତନ ଅଧିନାୟକ ଦିଲୀପ ତିର୍କୀ ଓ ଅଭିଜିତ ପଲ ବିମାନ ବନ୍ଦରରେ ଉପସ୍ଥିତ ଥିଲେ । ଏହା ସହିତ ସେମାନଙ୍କ ପରିବାର ଲୋକେ ମଧ୍ୟ ଉପସ୍ଥିତ ଥିଲେ । ପରେ ସେମାନଙ୍କ ଭିନ୍ନ କାର୍ ଜରିଆରେ ପାଇଲଟ ଗାଡ଼ି ସହ ଘରେ ଛଡ଼ାଯିବାର ବ୍ୟବସ୍ଥା କରାଯାଇଛି ।

ମୂର୍ତ୍ତିର ଉଚ୍ଚତା ନେଇ ଅସହମତି: ପାର୍ବଣ ଗାଇଡଲାଇନ୍‌ରେ ପରିବର୍ତ୍ତନ ନେଇ ନିବେଦନ କରିବ ପୂଜା କମିଟି

କଟକ: ସାରା ରାଜ୍ୟରେ କୋଭିଡ କଟକଣା ମଧ୍ୟରେ ବିଭିନ୍ନ ପୂଜା କରିବାକୁ ମାର୍ଗଦର୍ଶିକା ପ୍ରସ୍ତୁତ କରିଛନ୍ତି ସରକାର । ହେଲେ ମାର୍ଗଦର୍ଶିକାର କେତେକ ନିୟମକୁ ନେଇ ଅସହମତି ପ୍ରକାଶ କରିଛି କଟକ ଦୁର୍ଗାପୂଜା କମିଟି। ମୂର୍ତ୍ତିର ଉଚ୍ଚତା ଓ ପରଦା ଭିତରେ ପୂଜା ନିଷ୍ପତ୍ତିର ପୁନଃବିଚାର ଦାବି କରିଛି କମିଟି ।  ଦେବୀଗଡ଼ାରେ ମୂର୍ତ୍ତୀ ବିସର୍ଜନ ପାଇଁ ଅନୁମତି ଦେବାକୁ ମୁଖ୍ୟମନ୍ତ୍ରୀଙ୍କୁ ନିବେଦନ କରାଯିବ ।

କୋହଳ କରାଯାଉ ପାର୍ବଣ କଟକଣା । ମୂର୍ତ୍ତିର ଉଚ୍ଚତା ନିଷ୍ପତ୍ତିର କରାଯାଉ ପୁନଃବିଚାର । ଏଥିସହିତ ଆବଦ୍ଧ ମଣ୍ଡପରେ ପୂଜା କରାଯିବାକୁ ନେଇ ଜାରି ଗାଇଡଲାଇନରେ ପରିବର୍ତ୍ତନ କରିବାକୁ କରିଛନ୍ତି ଅନୁରୋଧ । ଦେବୀଗଡ଼ାରେ ମଧ୍ୟ ମୂର୍ତ୍ତି ବିସର୍ଜନ ଅନୁମତି ଦେବାକୁ ନିବେଦନ କରିଛି କଟକ ପୂଜା କିମିଟି । କରୋନା କାଳରେ ପୂଜା ପାଇଁ ସରକାର ଆଣିଥିବା ଗାଇଡଲାଇନକୁ ସ୍ୱାଗତ କରାଯାଇଛି । ହେଲେ କିଛି ନିୟମରେ ପରିବର୍ତ୍ତନ ଆଣିବା ନିହାତି ଆବଶ୍ୟକ ବୋଲି କହିଛି ପୂଜା କମିଟି । ମୂର୍ତ୍ତିର ଖଡ଼ମା ଶହ ଶହ ବର୍ଷ ପୁରୁଣା । ମୂର୍ତ୍ତିର ଉଚ୍ଚତା ଠିକ ନହେଲେ ଠାକୁରାଣୀ ଗହଣା ଓ ପୋଷାକ ପିନ୍ଧି ପାରିବେ ନାହିଁ । ମନ୍ଦିର ଯେପରି ସ୍ୱଳ୍ପ ଭକ୍ତରେ ଖୋଲିଛି, ସେହି ପରି ଭକ୍ତଙ୍କୁ ରାସ୍ତାରୁ ଦୁର୍ଗା ମାଆଙ୍କ ଦର୍ଶନ ସୁଯୋଗ ଦିଆଯାଉ । ସେହିଭଳି ଶହ ଶହ ବର୍ଷ ହେବ ଦେବୀ ଗଡାରେ ଠାକୁର ବିସର୍ଜନ ହେବାର ପରମ୍ପରା ରହିଛି । ଏଣୁ ନିଷ୍ପତ୍ତିରେ କିଛିଟା ପରିବର୍ତ୍ତନ ଆଣିବା ପାଇଁ ଆସନ୍ତା ଶୁକ୍ରବାର ଶାନ୍ତି କମିଟି ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରାଯିବ ।  ଗତବର୍ଷ ମଧ୍ୟ ପାର୍ବଣ ଗାଇଡଲାଇନ୍ ହାଇକୋର୍ଟଙ୍କ ନିର୍ଦ୍ଦେଶରେ କିଛିଟା ପରିବର୍ତ୍ତନ ହୋଇଥିଲା ।

 

ମହାନଦୀ ପଡ଼ିଆ ପାଲଟିଛି ଏୟାର ଫିଲ୍ଡ , ଘର ବଖରାକୁ କରିଛନ୍ତି ପ୍ରୟୋଗଶାଳା

କଟକ: ସୋଲ ଓ ପଟି ସହ ଖେଳୁ ଖେଳୁ ସେ ବନି ଗଲେ ଏରୋପ୍ଲେନ ବୟ । ଅଳ୍ପ ବୟସରେ ଉଡ଼ାଜାହାଜ ଉଡ଼ାଇବାକୁ ଇଚ୍ଛା ତାଙ୍କୁ ଚଢାଇଲା ସଫଳତାର ଶିଡି । ଘରେ ବସି ତିଆରି କରୁଛନ୍ତି ରିମୋଟ କଣ୍ଟ୍ରୋଲ ଏରୋପ୍ଲେନ୍ ସହ ବହୁ ରିମୋର୍ଟ ସାମଗ୍ରୀ ।

ଅଟୋ ଚାଳକ ବାପାଙ୍କର ଇଞ୍ଜିନିୟର ପୁଅ । ମାତ୍ର ୧୪ ବର୍ଷ ବୟସରେ ବିଚକ୍ଷଣ ବୁଦ୍ଧି । ଆକାଶରେ ଏରୋପ୍ଲେନ୍ ଉଡ଼ାଇଛନ୍ତି କଟକ ତୁଳସୀପୁରର ଆଦିତ୍ୟ । ସୋଲ ସହ ଖେଳୁ ଖେଳୁ ପାଲଟିଗଲେ ଏରୋପ୍ଲେନ୍ ବୟ । ଗୋଟିଏ କି ୨ ଟି ନୁହେଁ ଏକାଧିକ ଏରୋପ୍ଲେନ ତିଆରି କରି ରିମୋଟରେ ଉଡ଼ାଉଛନ୍ତି ଆଦିତ୍ୟ । ମହାନଦୀ ପଡ଼ିଆ ତାଙ୍କ ପାଇଁ ପାଲଟିଛି ଏୟାର ଫିଲ୍ଡ । ଆଉ ଘରର ଗୋଟିଏ ବଖରା କରିଛନ୍ତି ସେ ପ୍ରୟୋଗଶାଳା ।

ପିଲାବେଳୁ ଉଡାଜାହାଜ ପ୍ରତି ଥିବା ଦୁର୍ବଳତା ତାଙ୍କୁ ଆଜି ଦେଇଛି ସ୍ବତନ୍ତ୍ର ପରିଚୟ । ଆଠ ବର୍ଷ ବୟସରୁ ଆଦିତ୍ୟ ତିଆରି ଆରମ୍ଭ କରିଥିଲେ ଏଭଳି ରିମୋଟ କଣ୍ଟ୍ରୋଲ ଏରୋପ୍ଲେନ୍ । ସାମର୍ଥ୍ୟ ଅନୁସାରେ ପୁଅକୁ ବାପା ଯୋଗାଇଥିଲେ ସାହାଯ୍ୟ ସହଯୋଗ । ଫଳରେ ନବମ ଶ୍ରେଣୀରେ ପଢୁଥିବା ଆଦିତ୍ୟ ଏବେ ଉଡାଜାହଜ ସହ ରିମୋଟ କଣ୍ଟ୍ରୋଲ ପାଣିଜାହଜ, ମୋଟର ସାଇକେଲ, ଜେସିବି ମେସିନ, ରୋବଟ୍ ଓ ସାଇକେଲ ତିଆରି କରିପାରିଛନ୍ତି । ଆଗକୁ ଯଦି ଆଦିତ୍ୟଙ୍କୁ ଅଧିକ ପ୍ରୋତ୍ସାହନ ମିଳିଲେ ନିଶ୍ଚିତ ରୂପେ ସେ ରାଜ୍ୟ ପାଇଁ ଗୌରବ ଆଣି ପାରନ୍ତେ ।

ଏଥିସହିତ ପଢ଼ନ୍ତୁ: ଜଡି ବୁଟିର ଲେପ ସହ ବାଉଁଶ ତାଟ ଯୋଡ଼ିପାରୁଛି ଭଙ୍ଗା ହାଡ଼

ହାଇ ଆଲର୍ଟରେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦର: ଜାଣନ୍ତୁ କାହିଁକି

ଭୁବନେଶ୍ୱର: ଦିଲ୍ଲୀ ଏୟାରପୋର୍ଟରେ ଆତଙ୍କୀ ହମଲା ନେଇ ଧମକ ମିଳିବା ପରେ ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନ ବନ୍ଦରରେ ହାଇ ଆଲର୍ଟ ।  ସୁରକ୍ଷା ପାଇଁ ଏସଓପି ଜାରି କଲା ବେସାମରିକ ବିମାନ ଚଳାଚଳ ମନ୍ତ୍ରଣାଳୟ । ୧୦ ଦିନ ପାଇଁ ହାଇଆଲର୍ଟ ଜାରି କଲେ ବିମାନ ବନ୍ଦର କର୍ତ୍ତୃପକ୍ଷ । ଅଗଷ୍ଟ ୧୦ ରୁ ୨୦ ତାରିଖ ପର୍ଯ୍ୟନ୍ତ ବଢିଲା ସିକ୍ୟୁରିଟି ବ୍ୟବସ୍ଥା । ଭିଜିଟରମାନଙ୍କୁ ବିମାନ ବନ୍ଦର ମନା ହୋଇଥିବାବେଳେ ଯାତ୍ରୀମାନଙ୍କୁ କଡ଼ା ଚେକିଂ କରାଯିବ । ବିମାନ ବନ୍ଦର ପରିସରରେ ଗାଡି ଚଳାଚଳ ଉପରେ କଡା ନଜର ରଖାଯାଇଛି । ସନ୍ଦିଗ୍ଧଙ୍କ ଉପରେ ନଜର ରଖିବେ କେନ୍ଦ୍ରୀୟ ଫୋର୍ସ । କେନ୍ଦ୍ରୀୟ ଫୋର୍ସ ସହ ସ୍ଥାନୀୟ ପୋଲିସ ଓ ଘରୋଇ ସୁରକ୍ଷାକର୍ମୀ ନିୟୋଜିତ ହେବେ । ସେହିଭଳି ଅଗଷ୍ଟ ୧୫ ପାଇଁ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା କରାଯାଇଛି । ଏ ନେଇ ସୂଚନା ଦେଇଛନ୍ତି ଏୟାରପୋର୍ଟ ନିର୍ଦ୍ଦେଶକ ଡକ୍ଟର ପ୍ରଭାତ ରଞ୍ଜନ ବେଉରିଆ ।

ଏଥିସହିତ ପଢ଼ନ୍ତୁ: ଥମୁନି ବ୍ରାଉନସୁଗର ବେପାର, ରାଜଧାନୀରୁ ପୁଣି ଜବତ ହେଲା ଧଳା ଜହର

 

 

 

ଜେହ ଅଲୀ ଖାନ ନା ଜାହଙ୍ଗିର, କରୀନାଙ୍କ ଦ୍ୱିତୀୟ ପୁଅ ନା କ’ଣ ?

ମୁମ୍ବାଇ: କରୀନ କପୁରଙ୍କ ପ୍ରଥମ ପ୍ରେଗ୍ନେସି ଭଳି ଦ୍ୱିତୀୟ ପ୍ରେଗ୍ନେସିକୁ ନେଇ ବିବାଦ ଆରମ୍ଭ ହୋଇଛି । ପ୍ରଥମେ ପୁଅ ତୈମୁରର ନାଁ ସାମନାକୁ ଆସିବା ପରେ କରୀନା ଓ ସୈଫ ଟ୍ରୋଲର ଶିକାର ହୋଇଥିଲେ । ସେତେବେଳେ ଟ୍ରୋଲିଂର ଶିକାର ହୋଇଥିବା ସୈଫ-କରୀନା କିଛିଦିନ ଯାଏଁ ଦ୍ୱିତୀୟ ପୁଅର ନାଁ ଖୁଲାସା କରିନଥିଲେ । ଛୋଟ ପୁଅର ଡାକ ନାମ ଜେହ ଏତିକି ହିଁ ଜଣାପଡ଼ିଥିଲା । ଏବେ କରୀନା କପୁରଙ୍କ ପ୍ରେଗେନ୍ସି ବୁକ୍ ପ୍ରଗେନ୍ସି ବାଇବିଲ୍ ରିଲିଜ୍ ହେବା ସହ ସାନ ପୁଅର ନାଁ ଖୁଲାସା ହୋଇଛି । କରୀନାଙ୍କ ଦ୍ୱିତୀୟ ପୁଅର ନାଁ ଜାହଙ୍ଗିର ।

ଅଗଷ୍ଟ ୯ ଗତକାଲି କରୀନା କପୁର, କରଣ ଜୋହରଙ୍କ ସହ ଇନଷ୍ଟାଗ୍ରାମରେ ଏକ ଲାଇଭ କରି ବ୍ୟକ୍ତିଗତ ଜୀବନର ବହୁତ କିଛି କଥା ସେୟାର କରିଛନ୍ତି । ଏଭଳିକି ଲାଇଭରେ ଦ୍ୱିତୀୟ ପୁଅର ନାଁ କହିଛନ୍ତି କରୀନା । ୨୦୨୧ ଫେବ୍ରୁଆରୀରେ ସୈଫ-କରୀନାଙ୍କ ଦ୍ୱିତୀୟ ପୁଅ ଜନ୍ମ ନେଇଥିଲା ।

ଏବେ ଦ୍ୱିତୀୟ ପୁଅର ନାଁ ଜାହଙ୍ଗିର ଅଲୀ ଖାନ ଜଣାପଡ଼ିବା ପରେ ସୈଫ-କରୀନା ସୋସିଆଲ୍ ମିଡିଆରେ ଟ୍ରୋଲର ଶିକାର ହେଉଛନ୍ତି । ଟ୍ରୋଲର୍ସଙ୍କ କହିବା ହେଉଛି- କରୀନା ଓ ସୈଫ ମୁଗଲ ଶାସକଙ୍କ ଟିମ୍ ଗଢ଼ିବାକୁ ଚାହୁଁଛନ୍ତି । ପ୍ରଥମେ ତୈମୁର ଏବେ ଜହାଙ୍ଗିର, ଆଗକୁ କିଏ ବୋଲି ପ୍ରଶ୍ନ କରିଛନ୍ତି ନେଟିଜେନ୍ସ ।

ଜଡି ବୁଟିର ଲେପ ସହ ବାଉଁଶ ତାଟ ଯୋଡ଼ିପାରୁଛି ଭଙ୍ଗା ହାଡ଼

ଟାଙ୍ଗୀ: ବୈଦ୍ୟଙ୍କ ଦେଶୀ ସେକ ଯୋଡୁଛି ହାଡ଼ ।  ଦୁର୍ଘଟଣା ହେଉ ଅବା ଅନ୍ୟ କୌଣସି କାରଣ, ସବୁ ପାଇଁ ରାମବାଣ ସାଜିଛି ସେକ ପଦ୍ଧତି । ଏହି ପାରମ୍ପରିକ ଚିକିତ୍ସା ପଦ୍ଧତିକୁ ବଞ୍ଚାଇ ରଖିଛନ୍ତି ଖୋର୍ଦ୍ଧା କାଳୁପଡା ଘାଟର ଯୁବ ବୈଦ୍ୟ ମନୋଜ କୁମାର । ଜଡି ବୁଟିର ଲେପ ସହ ବାଉଁଶ ତାଟ ଯୋଡିପାରୁଛି ଭଙ୍ଗା ହାଡ ।

ବିନା ସର୍ଜରୀରେ ହାଡ ଭଙ୍ଗା ଚିକିତ୍ସା । ଦେଶୀ ପଦ୍ଧତିରେ ସେକ ନେଇ ଭଲ ହେଉଛନ୍ତି ରୋଗୀ । ଜଡ଼ିବୁଟିର ଲେପ ସହ ବାଉଁଶ ତାଟ, ଯୋଡିପାରୁଛି ଭଙ୍ଗା ହାଡ଼ । ଆଜିବି ପାରମ୍ପରିକ ପଦ୍ଧତିରେ ଏଠି ଚାଲିଛି ଚିକିତ୍ସା । ଯୁବ ବୈଦ୍ୟଙ୍କ ସେକ ନେଇ ଭଲ ହେଉଛନ୍ତି ରୋଗୀ । ଖୋର୍ଦ୍ଧା ଚିଲିକା କାଳୁପଡ଼ା ଘାଟରେ ମନୋଜ କୁମାର ମହାନ୍ତିଙ୍କର ସେକ କେନ୍ଦ୍ରର ଠିକଣା ଖୋଜିଖୋଜି ରୋଗୀ ଆସି ପହଞ୍ଚୁଛନ୍ତି। ହାଡ ଭାଙ୍ଗିଥିବା ଜାଗାରେ ଜଡିବୁଟି ସହ ଜଡା ତେଲ, କ୍ଷୀର, ମହୁ ଆଦିରେ ପ୍ରସ୍ତୁତ ପଂଚରସ ଲଗାଇ ପଟି ବାନ୍ଧି ଦେବା ପରେ ତାହା ଭଙ୍ଗା ହାଡ ଯୋଡୁଥିବା ରୋଗୀ କହିଛନ୍ତି ।

କାହିଁ  କେଉଁ କାଳରୁ ଏଠାରେ  ଚାଲିଛି ହାଡ ଭଙ୍ଗା ଚିକିତ୍ସା କେନ୍ଦ୍ର । ବାପା ଜେଜେଙ୍କ ପରେ ମନୋଜ ଏହି ପାରମ୍ପରିକ ଚିକିତ୍ସା ପଦ୍ଧତିକୁ ବଞ୍ଚାଇ ରଖିଛନ୍ତି । ଟଙ୍କା ଅଭାବରୁ ରୋଗୀ ଡାକ୍ତରଖାନା ଯାଇପାରୁ ନ ଥିବା ବେଳେ ଏହି ସେକ ସେମାନଙ୍କ ପାଇଁ ବେଶ ସହାୟକ ହୋଇପାରିଛି ।

ଏଥିସହିତ ପଢ଼ନ୍ତୁ: ୧୨ ସମୁଦ୍ର କୂଳିଆ ସହର ପାଇଁ ମାଡ଼ି ଆସୁଛି ବଡ଼ ବିପଦ