ଭୁବନେଶ୍ୱର: ରାଜ୍ୟରେ ଦ୍ୱିତୀୟ ଲହର କମିନଥିବା ବେଳେ ତୃତୀୟ ଲହର ଆସିବା ସମ୍ଭାବନା ବଢିଛି । ତୃତୀୟ ଲହରକୁ ନେଇ ସଜାଗ ରାଜ୍ୟ ସରକାର। ଏଥିପାଇଁ ଲୋକଙ୍କୁ ସଚେତନ ହେବା ପାଇଁ ପରାମର୍ଶ ଦେଇଛି ସ୍ୱାସ୍ଥ୍ୟ ବିଭାଗ। ଟିକା ନେବା ପରେ ସଂକ୍ରମଣ ହେଉଥିବାରୁ କୋଭିଡ ନିୟମ ମାନି ଚଳିବା ପାଇଁ ପରାମର୍ଶ ଦିଆଯାଇଛି।
ଟେଷ୍ଟି, ଟ୍ରାକିଂ, ଟ୍ରିଟମେଣ୍ଟ ଓ ଟିକାକରଣ। 4-ଟି ଅଧିକ ତ୍ୱରାନ୍ୱିତ କରିଛି ସ୍ୱାସ୍ଥ୍ୟ ବିଭାଗ। ବର୍ତ୍ତମାନ ରାଜ୍ୟ ସରକାର ଏନଫୋର୍ସମେଣ୍ଟ ଓ କଣ୍ଟେନମେଣ୍ଟକୁ ଫୋକସ କରିଥିବା ବେଳେ, କଟକ ଭୁବନେଶ୍ୱରରେ ସଂକ୍ରମଣ ପ୍ଲାଟ୍ୟୁ ଷ୍ଟେଜରେ ରହିବା ଚିନ୍ତା ବଢାଇଛି। ଯେଉଁ ଜାଗାରେ ସଂକ୍ରମଣ ଅଧିକ ରହୁଛି ସେଠି ନୂଆ ଭୂତାଣୁ ସୃଷ୍ଟି ହେବାର ସମ୍ଭାବନା ରହିଛି। ତେଣୁ ଯେଉଁ ଜିଲ୍ଲାରେ ସଂକ୍ରମଣ ବଢୁଛି, ସେଠାରେ କୋଭିଡ ନିୟମକୁ କଡ଼ାକଡ଼ି କରିବାକୁ ନିର୍ଦ୍ଦେଶ ଦିଆଯାଇଛି।
ଏହାସହ ତୃତୀୟ ଲହର ପାଇଁ ରାଜ୍ୟସରକାରଙ୍କୁ ସ୍ୱତନ୍ତ୍ର ଆକ୍ସନ ପ୍ଲାନ କରିବା ପାଇଁ ପରାମର୍ଶ ଦେଇଛନ୍ତି ସ୍ୱାସ୍ଥ୍ୟ ବିଶେଷଜ୍ଞ। ନଭେମ୍ବର ମାସ ପର୍ଯ୍ୟନ୍ତ କୋଭିଡ କଟକଣା କଡ଼ାକଡ଼ି କରାଯିବା ଦରକାର। ଟିକା ନେବା ପରେ ୪୦ ପ୍ରତିଶତ ଲୋକ ସଂକ୍ରମିତ ହେଉଥିବାରୁ ଲୋକେ ଅମାନିଆ ନହେବା ପାଇଁ ମଧ୍ୟ ପରାମର୍ଶ ଦିଆଯାଇଛି।
