spot_img
Home Blog Page 5396

ପାରା ଅଲମ୍ପିକ୍ସରେ ଓଡ଼ିଆ ପୁଅ ପ୍ରମୋଦଙ୍କ ଜଲୱା, ଜିତିଲେ ସ୍ୱର୍ଣ୍ଣ

ଟୋକିଓ: ଟୋକିଓ ପାରା ଅଲମ୍ପିକ୍ସରେ ଓଡ଼ିଆ ପୁଅ ପ୍ରମୋଦ ଭଗତ କମାଲ୍ କରିଛନ୍ତି । ପୁରୁଷ ସିଙ୍ଗଲ୍ସ ବ୍ୟାଡମିଣ୍ଟନରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ପ୍ରମୋଦ । ଫାଇନାଲରେ ବ୍ରିଟେନର ଡାନିଏଲ ବେଥେଲଙ୍କୁ ୨୧-୧୪, ୨୧-୧୭ରେ ହରାଇ ପ୍ରମୋଦ ପଦକ ହାତେଇଛନ୍ତି । ଏଥିସହ ଟୋକିଓ ପାରା ଅଲମ୍ପିକ୍ସରେ ଭାରତକୁ ଚତୁର୍ଥ ସ୍ୱର୍ଣ୍ଣ ପଦକ ମିଳିଛି । ଭାରତର ପଦକ ସଂଖ୍ୟା ୧୭କୁ ବୃଦ୍ଧି ପାଇଛି ।

ପ୍ରମୋଦ ସେମି ଫାଇନାଲରେ ଜାପାନର ଡାଇସୁକେ ଫୁଜିହାରାଙ୍କୁ ୨୧-୧୧, ୨୧-୧୬ରେ ହରାଇଥିଲେ । ୫ ବର୍ଷ ବୟସରେ ପ୍ରମୋଦଙ୍କୁ ପୋଲିଓ ହୋଇଥିଲା । ପ୍ରମୋଦ ଏଯାବତ୍ ୪୫ଟି ଅନ୍ତରାଷ୍ଟ୍ରୀୟ ପଦକ ଜିତିଛନ୍ତି । ଯେଉଁଥିରେ ୪ଟି ବିଶ୍ୱ ଚାମ୍ପିଅନସିପ୍ ସ୍ୱର୍ଣ୍ଣପଦକ ସହ ୨୦୧୮ ଏସିଆଇ ପାରା ଖେଳରେ ଏକ ସ୍ୱର୍ଣ୍ଣ ଓ କାଂସ୍ୟ ପଦକ ସାମିଲ୍ ରହିଛି ।

 Tokyo Paralympics Pramod Bhagat Wins Gold Medal In Badminton

୨୦୧୯ରେ ବିଜୁ ପଟ୍ଟନାୟକ କ୍ରୀଡା ପୁରସ୍କାର ପାଇଥିଲେ ପ୍ରମୋଦ । ସେହିପରି ୨୦୧୯ରେ ରାଜ୍ୟର ପ୍ରଥମ ପାରା କ୍ରୀଡାବିତ୍ ଭାବେ ଅର୍ଜୁନ ପୁରସ୍କାର ପାଇଥିଲେ । ବରଗଡ଼ ଅତାବିରାରେ ଜନ୍ମିତ ପ୍ରମୋଦ ୧୩ ବର୍ଷରୁ ବ୍ୟାଡମିଣ୍ଟନ ଖେଳ ଆରମ୍ଭ କରିଥିଲେ ।

ଅନ୍ୟପଟେ ପୁରୁଷ ସିଙ୍ଗଲ୍ସ ବ୍ୟାଡମିଣ୍ଟନରେ ଭାରତକୁ ଆଉ ଏକ ପଦକ ମିଳିଛି । ମନୋଜ ସରକାର ବ୍ରୋଞ୍ଜ ପଦକ ପାଇଛନ୍ତି । ଜାପାନର ଡାଇସୁକେ ଫୁଜିହାରାଙ୍କୁ ୨୨-୧୦, ୨୧-୧୩ରେ ହରାଇ କାଂସ୍ୟ ପଦକ ଜିତିଛନ୍ତି ମନୋଜ ।

ଘୂର୍ଣ୍ଣିବଳୟ ସକ୍ରିୟ, ୪୮ ଘଣ୍ଟାରେ ଲଘୁଚାପ ସମ୍ଭାବନା

ଭୁବନେଶ୍ୱର: ବଙ୍ଗୋପସାଗରରେ ଦାନା ବାନ୍ଧୁଛି ତିନି ତିନୋଟି ଲଘୁଚାପ । ଉତ୍ତରପୂର୍ବ ଓ ତତସଂଲଗ୍ନ ପୂର୍ବକେନ୍ଦ୍ରୀୟ ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ହୋଇଛି । ଆସନ୍ତା ୪୮ ଘଣ୍ଟା ମଧ୍ୟରେ ଏହା ଉତ୍ତର ଓ କେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପରେ ପରିଣତ ହୋଇପାରେ । ସେହିଭଳି ଦକ୍ଷିଣ ଛତିଶଗଡ଼ ଏବଂ ଆନ୍ଧ୍ର ଉପକୂଳରେ ଆଉ ୨ଟି ଘୂର୍ଣ୍ଣିବଳୟ ସୃଷ୍ଟି ହୋଇଛି ।

ଏହାର ପ୍ରଭାବରେ ବର୍ଷାର ପରିମାଣ ବଢ଼ିବ । ଆଗାମୀ ୨୪ ଘଣ୍ଟା ମଧ୍ୟରେ ଦକ୍ଷିଣ ଆଭ୍ୟନ୍ତରୀଣ ଓଡ଼ିଶା ସହ ଅନ୍ୟ କିଛି ସ୍ଥାନରେ ବର୍ଷା ସମ୍ଭାବନା ରହିଛି । କୋରାପୁଟ, ମାଲକାନଗିରି, କେନ୍ଦୁଝର ଓ ମୟୂରଭଞ୍ଜରେ ପ୍ରବଳ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି କରାଯାଇଛି । କୋରାପୁଟ, ମାଲକାନଗିରି, ରାୟଗଡ଼ା, ଗଜପତି, ଗଞ୍ଜାମ, କନ୍ଧମାଳ, ନୟାଗଡ଼, ଖୋର୍ଦ୍ଧା, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର ଜିଲ୍ଲାର ଗୋଟିଏରୁ ୨ଟି ସ୍ଥାନରେ ଘଡ଼ଘଡ଼ି ସହ ବଜ୍ରପାତ ହୋଇପାରେ ।

ଉତ୍ତର ଓ କେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ଥିବାରୁ ଓଡ଼ିଶା ଉପକୂଳରେ ୬ ଓ ୭ ତାରିଖରେ ସମୁଦ୍ର ଯିବାକୁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି । ୪ ତାରିଖରୁ ୮ ତାରିଖ ଯାଏଁ ରାଜ୍ୟର ବିଭିନ୍ନ ଜିଲ୍ଲାରେ ବର୍ଷା ନେଇ ପାଣିପାଗ କେନ୍ଦ୍ର ପକ୍ଷରୁ ୱେଲୋ ୱାର୍ଣ୍ଣିଂ ଜାରି କରାଯାଇଛି ।

ଦୁଇରୁ ତିନି ଦିନ ପରେ ସରକାର ଗଢିବ ତାଲିବାନ

କାବୁଲ: ଆଫଗାନିସ୍ତାନରେ ନୂଆ ସରକାର ଗଠନ ପାଇଁ ତାଲିବାନକୁ ଆହୁରି ଦୁଇରୁ ତିନି ଦିନ ସମୟ ଲାଗିବ। ଏହାକୁ ନେଇ ତାଲିବାନ ପକ୍ଷରୁ ଆଧିକାରିକ ଭାବେ ବୟାନ ଜାରି କରାଯାଇଛି । ସରକାର ଗଠନ ପାଇଁ ଶନିବାର ହୋଇଥିବା ବୖେଠକ ପରେ ତାଲିବାନୀ ନେତା କହିଛନ୍ତି ଯେ ସରକାର ଗଠନ ସହ ନେତାଙ୍କ ନାଁ ଘୋଷଣା କରାଯାଇଛି।

ସୂଚନା ଅନୁଯାୟୀ, ଏହି ନୂଆ ସରକାରର ନେତୃତ୍ୱ ତାଲିବାନର ସହ-ସଂସ୍ଥାପକ ମୁଲ୍ଲା ବରାଦର ନେବେ । ଏପରିକି ଦୋହା ସ୍ଥିତ ତାଲିବାନର ରାଜନୖେତିକ କାର୍ଯ୍ୟାଳୟର ଚେୟାରମ୍ୟାନ୍ ମୁଲ୍ଲା ଅବଦୁଲ୍ ଗନି ବରାଦରଙ୍କୁ ସରକାରର ପ୍ରମୁଖ ଭାବେ ଖୁବ୍ ଶୀଘ୍ର ଘୋଷଣା କରାଯିବ ।

Taliban To Form New Government In Afghanistan Today

ମୁଲ୍ଲା ଅବଦୁଲ୍ ଙ୍କ ସହ ତାଲିବାନର ସଂସ୍ଥାପକ ମୁଲ୍ଲା ଉମର୍ ଙ୍କ ପୁଅ ମୁଲ୍ଳା ମହମ୍ମଦ ୟାକୁବ୍ ଓ ଶେର ମହମ୍ମଦ ଅବାସ୍ ଷ୍ଟେନକଜଇଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଦିଆଯିବ ବୋଲି ଜଣାପଡିଛି । ଏପରିକି ସମସ୍ତ ଟପ୍ ନେତା କାବୁଲରେ ପହଞ୍ଚିଥିବା ନେଇ ପ୍ରକାଶ କରିଛନ୍ତି ତାଲିବାନର ସୂଚନା ଓ ସଂସ୍କୃତି ଆୟୋଗର ବରିଷ୍ଠ ଅଧିକାରୀ ମୁଫତି ଇନାମୁଲ୍ଲାହ ସାମଗାନି । ସରକାର ଗଠନ ପାଇଁ ଆପୋଷ ବୁଝାମଣା ହୋଇଥିବା ବେଳେ ଏବେ ମନ୍ତ୍ରୀମଣ୍ଡଳକୁ ନେଇ ବିଚାର ବିର୍ମଶ ଚାଲିଛି ।

Taliban Are All Set To Form Government In Afghanistan After Friday Prayers

ଜଣେ ବରିଷ୍ଠ ତାଲିବାନୀ ଅଧିକାରୀ କହିଛନ୍ତି ଯେ ସଙ୍ଗଠନର ସୁପ୍ରିମ ଲିଡର ହିବତୁଲ୍ଲା ଅଖୁନ୍ଦଜାଦା ଧାର୍ମିକ ମାମଲା ଓ ଇସଲାମ ଅଧିନରେ ରାଜବ୍ୟବସ୍ଥାର ଢାଞ୍ଚା ପ୍ରସ୍ତୁତ କରିବେ । ଏପରିକି ସରକାରରେ ୧୨ ମୁସଲିମ୍ ବିଦ୍ୱାନଙ୍କ ସୁରା ବା ପରାମର୍ଶଦାତା ପରିଷଦ ସହ ୨୫ ମନ୍ତ୍ରୀ ରହିବେ ।

ବାୟୋଲୋଜିକାଲ-Eକୁ ମିଳିଲା ଅନୁମତି, ୫ବର୍ଷରୁ ଅଧିକ ପିଲାଙ୍କ କ୍ଷେତ୍ରରେ ହେବ ଟ୍ରାଏଲ

ନୂଆଦିଲ୍ଲୀ: ୫ ବର୍ଷରୁ ଅଧିକ ପିଲାଙ୍କ କ୍ଷେତ୍ରରେ କୋର୍ବେଭାକ୍ସର ଦ୍ବିତୀୟ ଓ ତୃତୀୟ ଫେଜ୍ କ୍ଲିନିକାଲ ଟ୍ରାଏଲ ଲାଗି ବାୟୋଲୋଜିକାଲ-Eକୁ ମିଳିଛି ଅନୁମତି। କେନ୍ଦ୍ର ଜୈବ ପ୍ରଯୁକ୍ତି ବିଭାଗ ଓ ରାଷ୍ଟ୍ରାୟତ୍ତ ବାୟୋ ଟେକ୍ନୋଲୋଜି ଇଣ୍ଡଷ୍ଟ୍ରି ରିସର୍ଚ୍ଚ ଆସିଷ୍ଟାନ୍ସ କାଉନସିଲ ବା BIRACର ମିଳିତ ସହଯୋଗରେ ତିଆରି ଏହି ଭାକ୍ସିନ କୋର୍ବେଭାକ୍ସ ଖୁବ୍ ଶୀଘ୍ର ପିଲାଙ୍କ ଲାଗି ଉପଲବ୍ଧ ହେବା ଆଶା ଉଜ୍ଜ୍ବଳ ହୋଇଛି ।

ସୂଚନା ଅନୁଯାୟୀ, ଫେଜ 1 ଓ ଫେଜ 2ର କ୍ଲିନିକାଲ ଟ୍ରାଏଲର ସମୀକ୍ଷା ବିଷୟଗତ ବିଶେଷଜ୍ଞ କମିଟି ବା ଏସଇସି କରିବା ପରେ ଏହି ଟିକାର ଟ୍ରାଏଲ ଲାଗି ଅନୁମତି ଦେଇଛନ୍ତି ଡିସିଜିଆ। ପୂର୍ବରୁ ଗତ ୧ ତାରିଖରେ ପିଲାଙ୍କ କ୍ଷେତ୍ରରେ କୋର୍ବେଭାକ୍ସର ନିରାପତ୍ତା, ସହଣୀୟତା, ପ୍ରତିରୋଧକ ଶକ୍ତି ବୃଦ୍ଧି ଆଦି ସମ୍ପର୍କରେ ଗବେଷଣା ଲାଗି ଫେଜ 2 ଓ ଫେଜ 3 ଗବେଷଣା ସକାଶେ ବାୟୋଲୋଜିକାଲ-ଇକୁ ଅନୁମତି ମିଳିଥିଲା।

ତେବେ ବର୍ତ୍ତମାନ ସୁଦ୍ଧା ୧୨ରୁ ୧୮ ବର୍ଷ ବୟସ୍କ ପିଲାଙ୍କ ଲାଗି ଜାଇଡସ କାଡିଲାର ଜାଇକୋଭ-Dର ଜରୁରୀକାଳୀନ ବ୍ୟବହାର ଲାଗି ଅନୁମତି ମିଳିଛି ।

କାବୁଲ ରାସ୍ତାକୁ ଓହ୍ଲାଇଲେ ମହିଳା, କହିଲେ ଆମେ ୨୦ ବର୍ଷ ତଳର ନାରୀ ନୁହେଁ

କାବୁଲ: ଆଫଗାନିସ୍ତାନରେ ସତ୍ତା ସମ୍ଭାଳୁଛି ତାଲିବାନ। ଆଉ ତାଲିବାନୀ ଶାସନ ଆରମ୍ଭ ସହ ସରିୟତ ଆଇନ ମୁତାବକ ମହିଳାଙ୍କ ଅଧିକାର ନିର୍ଦ୍ଧାରିତ କରାଯାଇଛି । ହେଲେ ଏହା ବିରୋଧରେ କାବୁଲରେ ବୁର୍ଖା ପିନ୍ଧା ମହିଳା ମାନେ ମୋର୍ଚ୍ଚା ଆରମ୍ଭ କରିବା ସହିତ ରାଜରାସ୍ତାକୁ ଓହ୍ଲାଇଛନ୍ତି । ଆଉ ସମାନ ଅଧିକାର ପାଇଁ ଦାବି ମଧ୍ୟ କରିଛନ୍ତି ।

ଏହି ମହିଳାମାନେ କାବୁଲର ଫେବର ଓ ଏକ୍ୱାୟରରେ ବିରୋଧ ପ୍ରଦର୍ଶନ କରିବା ସହ ନାରାବାଜି ମଧ୍ୟ କରିଛନ୍ତି । ଆଉ କହିଛନ୍ତି, ‘‘ଆମେ ୨୦ ବର୍ଷ ତଳର ସେ ମହିଳା ନୁହେଁ, ଆମକୁ ସମାନତା, ନ୍ୟାୟ ଓ ଲୋକତନ୍ତ୍ର ଦରକାର’’। ତାଲିବାନର ଶାସନରେ ନିଜକୁ ସୁରକ୍ଷିତ ମଣୁନଥିବା ମହିଳା ମାନେ ଦାବି କରିଛନ୍ତି ଯେ ସେମାନଙ୍କୁ ପୂର୍ବପରି କାମ କରିବାର ଅଧିକାର ଦିଆଯାଉ।

କିନ୍ତୁ ସାରିଆ ଆଇନକୁ ଦେଖିଲେ ତାଲିବାନ ମହିଳାଙ୍କ ଅଧିକାର ସପକ୍ଷରେ ନଥିବା ଜଣାପଡେ । ନିଜ ଅଧିକାର ପାଇଁ ପ୍ରତିବାଦ କରୁଥିବା ଶହଶହ ମହିଳା ମାନେ ଦାବି କରିଛନ୍ତି ଯେ ତାଙ୍କୁ ପୂର୍ବ ଭଳି ସବୁ ଅଧିକାର ମିଳୁ । ଯେମିତି ତାଲିବାନ ଆସିବା ପୂର୍ବରୁ ମିଳୁଥିଲା । ସେମାନେ ଆହୁରି କହିଛନ୍ତି, ଆମେ ବୁର୍ଖା ପିନ୍ଧିବାକୁ ପ୍ରସ୍ତୁତ ଅଛୁ । ଯଦି ଆମ ପିଲାମାନଙ୍କୁ ତାଲିବାନୀ ଶାସନରେ ସ୍କୁଲ୍ ଯିବାକୁ ଅନୁମତି ମିଳେ ।

ପିପିଲି ଉପ-ନିର୍ବାଚନ ନେଇ ତାରିଖ ଘୋଷଣା କଲେ ନିର୍ବାଚନ ଆୟୋଗ

ପିପିଲି: ପିପିଲି ଉପ-ନିର୍ବାଚନ ନେଇ ତାରିଖ ଘୋଷଣା କଲେ ଭାରତୀୟ ନିର୍ବାଚନ ଆୟୋଗ । ସେପ୍ଟେମ୍ଟର ୩୦ରେ ଅନୁଷ୍ଠିତ ହେବ ପିପିଲି ଉପ-ନିର୍ବାଚନ । ଏଥିସହିତ ପଶ୍ଚିମବଙ୍ଗ  ଭବାନୀପୁର ନିର୍ବାଚନ ମଣ୍ଡଳୀ, ସମଶେର ଜଙ୍ଗ ଏବଂ ଯାଜ୍ଞିପୁର ବିଧାନସଭା ଆସନ ପାଇଁ ମଧ୍ୟ ଉପ-ନିର୍ବାଚନ ଅନୁଷ୍ଠିତ ହେବ । ୩ ଅକ୍ଟୋବରରେ ଭୋଟ ଗଣତି ହେବ ବୋଲି ନିର୍ବାଚନ ଆୟୋଗଙ୍କ ପକ୍ଷରୁ ସୂଚନା ଦିଆଯାଇଛି । ତେବେ ନିର୍ବାଚନ ନେଇ ଗାଇଡଲାଇନ ଜାରି କରାଯାଇଛି । କୋଭିଡ କଟକଣାରେ ହେବ ପିପିଲି ଉପ ନିର୍ବାଚନ ପ୍ରଚାର । ପ୍ରଚାର ବେଳେ ପ୍ରାର୍ଥୀ କରିପାରିବେନି ରୋଡ-ଶୋ’ । ସର୍ବାଧିକ ୫୦ ଜଣଙ୍କୁ ନେଇ ପଥପ୍ରାନ୍ତ ସଭା ହୋଇପାରିବ । ଇନ୍‌ଡୋର ସଭାରେ ସର୍ବାଧିକ ୨ଶହ ଲୋକଙ୍କୁ ଅନୁମତି । ଘରକୁ ଘର ପ୍ରଚାରରେ ସାମିଲ ହେବେ ସର୍ବାଧିକ ୫ଜଣ । ନିର୍ବାଚନ ଦାୟିତ୍ୱରେ ଥିବା କର୍ମଚାରୀଙ୍କ ପାଇଁ ଡବଲ ଡୋଜ୍ ବାଧ୍ୟତାମୂଳକ । ମତଦାନର ୭୨ ଘଣ୍ଟା ପୂର୍ବରୁ ବନ୍ଦ ହେବ ନିର୍ବାଚନ ପ୍ରଚାର ।

ସୂଚନା ଯୋଗ୍ୟ ଯେ, ପିପିଲି ବିଧାୟକ ପ୍ରଦୀପ ମହାରଥୀଙ୍କ ଦେହାନ୍ତ ପରେ ଉପ ନିର୍ବାଚନ ପାଇଁ ଦିନ ଧାର୍ଯ୍ୟ ହୋଇଥିଲା । ଏବଂ ଏନେଇ ରାଜ୍ୟର ପ୍ରମୁଖ ଦଳ ସମେତ ଅନ୍ୟମାନେ ନିର୍ବାଚନ ନେଇ ପ୍ରାର୍ଥୀ ଦେଇଥିଲେ । କିନ୍ତୁ ଦୁର୍ଭାଗ୍ୟବସତଃ କଂଗ୍ରେସ ପ୍ରାର୍ଥୀ ପ୍ରଚାର ସମୟରେ କରୋନା ସଂକ୍ରମିତ ହୋଇଥିଲେ । ଏବଂ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କ ପରଲୋକ ହୋଇଥିଲା । ଏଣୁ ସେହି ସମୟରେ ଉପ ନିର୍ବାଚନକୁ ସ୍ଥଗିତ ରଖାଯାଇଥିଲା । ତେବେ ଆଜି ପୁଣି ଭାରତୀୟ ନିର୍ବାଚନ ଆୟୋଗଙ୍କ ପକ୍ଷରୁ ଉପ ନିର୍ବାଚନ ନେଇ ତାରିଖ ଘୋଷଣା କରିଛନ୍ତି ।

ଏଥିସହିତ ପଢ଼ନ୍ତୁ: କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ଦେହାନ୍ତ: ୧୭ରେ ହେବନି ମତଦାନ

ପୂଜକର ଅପକର୍ମ: ରିଷ୍ଟ ଖଣ୍ଡନ ପାଇଁ ପୂଜା କରିବାକୁ ଡାକି କଲେ ଏଭଳି କାଣ୍ଡ

ବରଗଡ଼: ମହିଳା ଶ୍ରଦ୍ଧାଳୁଙ୍କୁ ପୂଜକଙ୍କ ଦୁଷ୍କର୍ମ ଉଦ୍ୟମ ଅଭିଯୋଗ । ଥାନାରେ ଏତଲା ପରେ  ପୂଜକ ଗିରଫ । ଏପରି ଅଭାବନୀୟ ଘଟଣା ଘଟିଛି ବରଗଡ ଜିଲ୍ଲା ପାଇକମାଳ ଅଞ୍ଚଳରେ । ସୂଚନା ଅନୁସାରେ ଜଣେ ମହିଳା ସହରରେ ଥିବା ଦୁର୍ଗା ମନ୍ଦିରକୁ ପୂଜାର୍ଚ୍ଚନା କରିବା ପାଇଁ ଆସିଥିଲେ । ପୂଜକ ଦିଗାମ୍ବର ଦେବତା ଭବିଷ୍ୟବାଣୀ କରି ବିଧବା ଯୋଗ ଅଛି ବୋଲି କହିଥିଲେ । ମହିଳା ଜଣଙ୍କ ରିଷ୍ଟ ଖଣ୍ଡନ ପାଇଁ ପୂଜକଙ୍କୁ ଉପାୟ ପଚାରିଥିଲେ । ପୂଜକ ଜଣକ ରାତିରେ ପୂଜା ପାଠ କରି ଡେଉଁରିଆ ପିନ୍ଧିବାକୁ ପଡିବ ବୋଲି ଉପାୟ ଦେଇଥିଲେ । ପୂଜକଙ୍କ କଥା ଅନୁସାରେ ମହିଳା ଜଣଙ୍କ ରାତିରେ ମନ୍ଦିରକୁ ଆସି ପୂଜାପାଠ କରି ଡେଉଁରିଆ ପାଇଁ ପୂଜକଙ୍କୁ ୧୬ହଜାର ଟଙ୍କା ମଧ୍ୟ ଦେଇଥିଲେ । ଏହାର ସୁଯୋଗ ନେଇ ପୂଜକ ଜଣକ ମହିଳାଙ୍କୁ ଦୁଷ୍କର୍ମ କରିବାକୁ ଉଦ୍ୟମ କରିଥିଲେ ବୋଲି ଥାନାରେ ଲିଖିତ ଏତଲା ଦେଇଛନ୍ତି ମହିଳା । ଏତଲାକୁ ଭିତ୍ତିକରି ପାଇକମାଲ ଥାନାରେ ଏକ ମାମଲା ରୁଜୁ କରାଯାଇଥିବା ବେଳେ ପୂଜକକୁ ଗିରଫ କରାଯାଇଛି ।

ଏଥିସହିତ ପଢ଼ନ୍ତୁ: ଦୀର୍ଘ ୩ ମାସର ଇକମୋ ଚିକିତ୍ସା ପରେ ଆଖି ବୁଜିଲେ ଅଭିଷେକ

ଚୋରି ସୁନା ବନ୍ଧକ ରଖି ବନ୍ଧା ହେଲେ ମ୍ୟାନେଜର

ଭୁବନେଶ୍ୱର: ଚୋରି ସୁନା ବନ୍ଧକ ରଖି ମ୍ୟାନେଜର ଗିରଫ । ଘରୋଇ ଗୋଲ୍‌ଡ ଲୋନ ସଂସ୍ଥାର ମ୍ୟାନେଜର ଆଶିଷ କୁମାର ଗୟଙ୍କୁ ଗିରଫ କଲା ଖାରବେଳ ନଗର ଥାନା ପୋଲିସ । ୨ ଲୁଟେରା ଗିରଫ ହୋଇଥିବା ବେଳେ ଚୋରି ସୁନା ଜବତ ହୋଇଛି । ଲୋଏର ପିଏମଜିରେ ଜଣେ ମହିଳାଙ୍କ ଭ୍ୟାନିଟ ବ୍ୟାଗ ଝାମ୍ପି ନେଇଥିଲେ ଦୁର୍ବୃତ୍ତ । ଲୁଟ ସୁନା ସମ୍ପୃକ୍ତ ସଂସ୍ଥାକୁ ବିକ୍ରି କରିଥିଲେ । ବିନା ଯାଞ୍ଚରେ ସୁନା ବନ୍ଧକ ରଖିଥିଲା ସଂସ୍ଥା । ଏହାକୁ ଭିତ୍ତି କରି ମ୍ୟାନେଜର ଆଶିଷ ଗୟଙ୍କୁ ପୋଲିସ ଗିରଫ କରିଛି ।

ଏଥିସହିତ ପଢ଼ନ୍ତୁ: ବ୍ରାଉନସୁଗାର କାରବାରରେ ବି-ଟେକ୍ ଛାତ୍ର

ତାଲିବାନକୁ ସମର୍ଥନ କରୁଥିବା ପାକିସ୍ତାନ ଉପରେ ନଜର ରଖିବୁ: ବୈଦେଶିକ ସଚିବ

ୱାଶିଂଟନ୍: ଆଫଗାନିସ୍ତାନ ପ୍ରସଙ୍ଗ ଉପରେ ଆମେରିକା ଓ ଭାରତ ନଜର ରଖିଛନ୍ତି। ୱାଶିଂଟନରେ ଏକ ସାମ୍ବାଦିକ ସମ୍ମିଳନୀରେ ଗଣମାଧ୍ୟମକୁ ସୂଚନା ଦେଇ ଏଭଳି କହିଛନ୍ତି ଭାରତର ବୈଦେଶିକ ସଚିବ ହର୍ଷବର୍ଦ୍ଧନ ଶୃଗଳା। ଏଥିସହ କହିଛନ୍ତି, ତାଲିବାନକୁ ସମର୍ଥନ କରିଛି ଆଫଗାନିସ୍ତାନର ପଡୋଶୀ ପାକିସ୍ତାନ । ଏମିତି ଅନେକ କଥା ରହିଛି ଯେଉଁଥିରେ ପାକିସ୍ତାନ ତାଲିବାନକୁ ସାହାର୍ଯ୍ୟ କରିଛି । ଯାହାକୁ ଦୃଷ୍ଟିରେ ପାକିସ୍ତାନର ଭୂମିକା ଉପରେ ନଜର ରଖିବାକୁ ପଡିବ ।

ସେହିପରି ଆଫଗାନିସ୍ତାନରେ ସରକାର ଗଠନ ପୂର୍ବରୁ କାଶ୍ମୀର ପ୍ରସଙ୍ଗରେ କହୁଥିବା ତାଲିବାନକୁ କଡା ଜବାବ ଦେଇଛି ଭାରତ। କେନ୍ଦ୍ର ମନ୍ତ୍ରୀ ମୁଖତାର ଅବ୍ବାସ ନକଭି ଶୁକ୍ରବାର ଦିନ କହିଛନ୍ତି ଯେ ଭାରତ ସମ୍ବିଧାନର ପାଳନ କରୁଛି । ଏଠି ମସଜିଦରେ ପ୍ରାର୍ଥନା କରୁଥିବା ଲୋକଙ୍କ ଉପରେ ଗୁଳିମାଡ କିମ୍ବା ବୋମା ମାଡ କରାଯାଏ ନାହିଁ । ଆଉ ଏଠି ଝିଅ ମାନଙ୍କ ପାଠପଢା ଉପରେ ମଧ୍ୟ ଅଙ୍କୁଶ ଲଗାଯାଏ ନାହିଁ ।

ନିକଟରେ ତାଲିବାନ କହିଥିଲା, ସାରା ଦୁନିଆର ମୁସଲମାନଙ୍କ ପାଇଁ ଆବାଜ୍ ଉଠାଇବା ତାଲିବାନର ହକ୍ । ଯାହା ଉପରେ ନକଭି କହିଥିଲେ ଭାରତରେ ରହୁଥିବା ମୁସଲମାନଙ୍କ କଥା ସେମାନଙ୍କର ଚିନ୍ତା କରିବା ଦରକାର ନାହିଁ ।

କେବଳ ଏତିକି ନୁହେଁ ଆଫଗାନିସ୍ତାନର ପୂର୍ବତନ ସରକାର ଓ ଆମେରିକାର ହତିଆର ଉପରେ କବଜା କରିବା ପରେ ତାଲିବାନ ଏବେ ସେମାନଙ୍କ ସିକ୍ରେଟ୍ ଜାଣିବାକୁ ଚାହୁଁଛି । ଯେଉଁଥିପାଇଁ ସେମାନେ ଆଫଗାନିସ୍ତାନର ଅସରଫ୍ ଗନି ସରକାରର ଇ-ମେଲ୍ ଆସେସ୍ କରିବାକୁ ଚେଷ୍ଟା କରୁଛି ।

ଯାହାକୁ ଦୃଷ୍ଟିରେ ରଖି ଗୁଗୁଲ୍ ମଧ୍ୟ ଆଫଗାନିସ୍ତାନ ସରକାରର ଅନେକ ଇ-ମେଲ୍ ଆକାଉଣ୍ଟକୁ ଅସ୍ଥାୟୀ ଭାବେ  ବ୍ଲକ୍ କରିଦେଇଥିବା ସୁତ୍ରରୁ ପ୍ରକାଶ।

ବ୍ରାଉନସୁଗାର କାରବାରରେ ବି-ଟେକ୍ ଛାତ୍ର: ୧କେଜି ୩୪ ଗ୍ରାମ ବ୍ରାଉନସୁଗାର ଜବତ

ଭୁବନେଶ୍ୱର: ବ୍ରାଉନସୁଗାର କାରବାରରେ ମାତିଛନ୍ତି ବି-ଟେକ୍ ଛାତ୍ର । ଖୋର୍ଦ୍ଧା କୁମାରବସ୍ତରୁ ୧କେଜି ୩୪ଗ୍ରାମ ବ୍ରାଉନସୁଗାର ଜବତ । ମାମଲାରେ ବି.ଟେକ ଛାତ୍ର ମନୋରଞ୍ଜନ ଦାସ ଗିରଫ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୧କୋଟି ଟଙ୍କାରୁ ଅଧିକ । କ୍ରାଇମ୍‌ବ୍ରାଞ୍ଚ ଏସ୍‌ଟିଏଫ୍ ବର୍ତ୍ତମାନ ସୁଦ୍ଧା ୩୯କେଜି ବ୍ରାଉନସୁଗାର ଜବତ କରିଛି । ଏଯାଏ ୮୬କୁଇଣ୍ଟାଲ ୮୧କେଜି ଗଞ୍ଜେଇ ଜବତ । ୧୦୦ରୁ ଅଧିକ ଡ୍ରଗ୍ସ ମାଫିଆଙ୍କୁ ଗିରଫ କରିଛି କ୍ରାଇମ୍‌ବ୍ରାଞ୍ଚ ଏସ୍‌ଟିଏଫ୍ ।

ଏଥିସହିତ ପଢ଼ନ୍ତୁ: ଅନୁଗୁଳ ଏଫ୍‌ସିଆଇ ଚର୍ଚ୍ଚ ନିକଟରୁ ରକ୍ତ ଜୁଡୁବୁଡ଼ୁ ମୃତଦେହ ଉଦ୍ଧାର : ହତ୍ୟା ସନ୍ଦେହ