spot_img
Home Blog Page 5391

ଗୁରୁ ଦିବସରେ ସରକାରଙ୍କ ଉପହାର, ଓଡିଶା ଆଦର୍ଶ ବିଦ୍ୟାଳୟ ପାଇଁ ୪୪୩ ଶିକ୍ଷକଙ୍କୁ ନିଯୁକ୍ତି

ଭୁବନେଶ୍ୱର: ଗୁରୁ ଦିବସ ଅବସରରେ  ରାଜ୍ୟ ସରକାରଙ୍କ ଉପହାର  ।  ଓଡିଶା ଆଦର୍ଶ ବିଦ୍ୟାଳୟ ପାଇଁ ୪୪୩ ଶିକ୍ଷକଙ୍କୁ ନିଯୁକ୍ତି କରିଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ରାଜ୍ୟର ସବୁ ଅଞ୍ଚଳର ମେଧାବୀ ପିଲାଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରିବା ଲକ୍ଷ୍ୟ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ଏହି ଉଦ୍ଦେଶ୍ୟରେ ରାଜ୍ୟରେ ମାଧ୍ୟମିକ ଓ ଉଚ୍ଚ ମାଧ୍ୟମିକ ଆଦର୍ଶ ବିଦ୍ୟାଳୟ ଜରିଆରେ ଇଂରାଜୀ ମାଧ୍ୟମରେ ଶିକ୍ଷା ପ୍ରଦାନ କରାଯାଉଛି। ବିଶେଷକରି ଗ୍ରାମାଞ୍ଚଳ ଓ ସହରାଂଚଳର ମେଧାବୀ ଛାତ୍ରଛାତ୍ରୀ ଉପକୃତ ହେଉଛନ୍ତି । ଗୁଣାତ୍ମକ ଶିକ୍ଷାରେ ଉଲ୍ଲେଖନୀୟ ସଫଳତା ହାସଲ କରି ସାରା ଦେଶରେ ଆଦର୍ଶ ବିଦ୍ୟାଳୟ ରୋଲ ମଡେଲ ହେବା ପାଇଁ ଲକ୍ଷ୍ୟ ରଖାଯାଇଛି ।

ଜାତୀୟସ୍ତରର ବିଭିନ୍ନ ପ୍ରବେଶିକା ପରୀକ୍ଷାରେ ସଫଳତା ହାସଲ କରିବା ପାଇଁ ଏହି ବିଦ୍ୟାଳୟ ଗୁଡିକୁ ସବୁପ୍ରକାର ସୁବିଧା ସୁଯୋଗ ଯୋଗାଇ ଦିଆଯାଉଛି । ପିଲାଙ୍କ ମନରେ ଯେପରି ଆଶା ଓ ଆତ୍ମବିଶ୍ବାସ ବୃଦ୍ଧି ହେବ ଏବଂ ସେମାନେ ସଫଳତା ହାସଲ କରିବେ, ତାହା ଲକ୍ଷ୍ୟ ରହିଛି । ପିଲାମାନଙ୍କୁ ଭବିଷ୍ୟତର ସଫଳତା ପାଇଁ ଠିକ୍‌ ଭାବରେ ଗାଇଡ୍‌ କରିବାକୁ ମୁଖ୍ୟମନ୍ତ୍ରୀ ଶିକ୍ଷକମାନଙ୍କୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ। ପ୍ରତି ଛାତ୍ରଛାତ୍ରୀଙ୍କ ସ୍ବପ୍ନ ସାକାର କରିବା ଆମର ଉଦ୍ୟମ ହେବ । ନୂଆ ଓ ରୂପାନ୍ତରିତ ଓଡଶା ଗଠନରେ ଏହା ବଳିଷ୍ଠ ପଦକ୍ଷେପ ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

ଏଦିଗରେ ଶିକ୍ଷକମାନେ ଗୁରୁ ଦାୟିତ୍ୱ ନିର୍ବାହ କରିବାକୁ ଆଗେଇ ଆସିବାକୁ ସେ ଆହ୍ଵାନ ଜଣାଇଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ଆଦର୍ଶ ବିଦ୍ୟାଳୟ ପାଇଁ ଦଶ ସୂତ୍ରୀ ଲକ୍ଷ୍ୟ ଘୋଷଣା କରିଛନ୍ତି । ଏଥିରେ ପିଲାଙ୍କୁ ରକ୍ତଦାନ, ପରିବେଶ ସୁରକ୍ଷା ସହ ସାକ୍ଷରତା ଅଭିଯାନରେ ସାମିଲ କରିବା ଯୋଗ, କ୍ରୀଡା ଓ ସୁସ୍ଥ ଜୀବନଶୈଳୀ ଆଦି ପାଇଁ ଉତ୍ସାହିତ କରିବା ଜାତୀୟ ଅନ୍ତଜାତୀୟ ପ୍ରତିଯୋଗିତାରେ ସଫଳତା ପାଇଁ ପ୍ରସ୍ତୁତ କରିବା ଉପରେ ଗୁରୁତ୍ବ ଦିଆଯିବ । ଏହାସହ ପ୍ରତି ଆଦର୍ଶ ବିଦ୍ୟାଳୟକୁ ଦଶ ବର୍ଷିଆ ଭିଜନ ଡକ୍ୟୁମେଣ୍ଟ ପ୍ରସ୍ତୁତ କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି। ଏହି ଅବସରରେ ୨୦୨୧ର ଜାତୀୟ ଶିକ୍ଷକ ପୁରସ୍କାର ପାଇଥିବା ଶିକ୍ଷକଙ୍କୁ ମୁଖ୍ୟମନ୍ତ୍ରୀ ଅଭିନନ୍ଦନ ଜଣାଇଥିଲେ ।

ଟୋକିଓ ପାରା ଅଲମ୍ପିକ, ଉଦଯାପନୀ ଉତ୍ସବରେ ତ୍ରିରଙ୍ଗା ଧରିଲେ ଅବନି ଲେଖରା

ଟୋକିଓ: ଟୋକିଓ ପାରା ଅଲମ୍ପିକର ଉଦଯାପନୀ ଉତ୍ସବରେ ଭାରତର ଧ୍ୱଜା ଧରିଛନ୍ତି ଅବନି ଲେଖରା । ୧୯ ବର୍ଷୀୟା ସୁଟର ଅବନୀ ଲେଖରା ଟୋକିଓରେ ସ୍ୱର୍ଣ୍ଣ ସହ ୨ଟି ପଦକ ଜିତିଛନ୍ତି । ଅବନି SH1 ବର୍ଗରେ ୧୦ ମିଟର ଏୟାର ପିସ୍ତଲରେ ସ୍ୱର୍ଣ୍ଣ ଓ ୫୦ ମିଟର ରାଇଫଲ ଥ୍ରୀରେ ବ୍ରୋଞ୍ଜ ପଦକ ଜିତିଛନ୍ତି । ଭାରତ ଚଳିତଥର ୫ ସ୍ୱର୍ଣ୍ଣ ସହ ୧୯ ପଦକ ଜିତିଛି । ଏହା ଏଯାବତ୍ ଭାରତର ସର୍ବଶ୍ରେଷ୍ଠ ପ୍ରଦର୍ଶନ ।

ଉଦଯାପନୀ ଉତ୍ସବରେ ଭାରତର ୧୧ ଖେଳାଳି ଭାଗ ନେଇଛନ୍ତି । ୨୪ ଅଗଷ୍ଟରେ ଉଦଘାଟନୀ ଉତ୍ସବରେ ୫ ଜଣ ଖେଳାଳି ଭାଗ ନେଇଥିଲେ । ୧୯୬୦ ମସିହାରୁ ପାରା ଅଲମ୍ପିକ ଖେଳା ଯାଉଥିବା ବେଳେ ଭାରତ ୧୯୬୮ରୁ ଭାଗ ନେଉଛି । ୧୯୭୬ ଓ ୧୯୮୦ରେ ଭାରତ ପାରା ଅଲମ୍ପିକରେ ଅଂଶଗ୍ରହଣ କରି ନଥିଲା । ଟୋକିଓରେ ଭାରତ ୫ ସ୍ୱର୍ଣ୍ଣ, ୮ ରୌପ୍ୟ ଓ ୬ କାଂସ୍ୟ ସହ ୧୯ଟି ପଦକ ଜିତିଛି ।

Tokyo Paralympic Closing Ceremony Avani Lekhara

ପାରାଅଲମ୍ପିକରେ ପ୍ରଥମ ଥର ଲାଗି ବ୍ୟାଡମିଣ୍ଟନକୁ ସାମିଲ୍ କରାଯାଇଥିଲା । ଭାରତ ପକ୍ଷରୁ ୭ ଜଣ ଖେଳାଳି ବିଭିନ୍ନ ବର୍ଗରେ ଭାଗ ନେଇଥିଲେ । ୪ ଜଣ ଖେଳାଳି ପଦକ ଜିତିଛନ୍ତି । ପ୍ରମୋଦ ଭଗତ ଓ କୃଷ୍ଣା ନାଗର ସ୍ୱର୍ଣ୍ଣ ଜିତିଥିବା ବେଳେ ସୁହାସ ୟଥିରାଜ ରୌପ୍ୟ ଓ ମନୋଜ ସରକାର ବ୍ରୋଞ୍ଜ ଜିତିଛନ୍ତି ।

ଉତ୍ତର ବଙ୍ଗୋପସାଗରରେ ଲଘୁଚାପ ସୃଷ୍ଟି, ପ୍ରବଳ ବର୍ଷାରେ ଭିଜିବ ଓଡ଼ିଶା

ଭୁବନେଶ୍ୱର:  ସୋମବାରଠୁ ଭିଜିବ ଓଡ଼ିଶା । ଉତ୍ତର ବଙ୍ଗୋପସାଗର ଓ ସଂଲଗ୍ନ କେନ୍ଦ୍ରୀୟ ବଙ୍ଗୋପସାଗରର ପୂର୍ବ ଭାଗରେ ଏକ ଲଘୁଚାପ ବଳୟ ସୃଷ୍ଟି ହୋଇଛି । ତାହା ଆସନ୍ତା ୨୪ଘଣ୍ଟାରେ ଲଘୁଚାପରେ ପରିଣତ ହେବ । ଏହାର ପ୍ରଭାବରେ ଆସନ୍ତା ଦୁଇ ଦିନ ରାଜ୍ୟରେ ପ୍ରବଳ ବର୍ଷା ହେବାର ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ବିଶେଷକରି ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାରେ ବର୍ଷାର ପରିମାଣ ଅଧିକ ରହିବ ।

ସେପଟେ ଅନେକ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ୬ଟି ଜିଲ୍ଲାକୁ ପ୍ରବଳ ବର୍ଷା ପାଇଁ ସତର୍କତା ଜାରି କରିଛି ପାଣିପାଗ କେନ୍ଦ୍ର । ମାଲକାନଗିରି, କୋରାପୁଟ, ରାୟଗଡ଼ା , ପୁରୀ, ଗଜପତି ଓ ଗଞ୍ଜାମକୁ ପ୍ରବଳରୁପ୍ରବଳ ବର୍ଷା ପାଇଁ ସତର୍କତା ଜାରି କରାଯାଇଛି । ସେହିପରି ସୋମବାର ଗଜପତି, ଗଞ୍ଜାମ, କଳାହାଣ୍ଡି, ଜଗତସିଂହପରୁ, ମୟୁରଭଞ୍ଜ ଆଦି ଜିଲ୍ଲାକୁ ମଧ୍ୟ ୟଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଲଘୁଚାପ ଫଳରେ  ଦକ୍ଷିଣ ଓଡ଼ିଶାରେ ମଧ୍ୟ ଏହାର ପ୍ରଭାବ ଜାରି ରହିବ  । ଲଘୁଚାପ ସମୟରେ ପବନର ବେଗ ୪୦ କିଲୋମିଟର ରହିବ । କେତେକ ସ୍ଥାନରେ ଘଡଘଡ଼ି ବିଜୁଳି ସହିତ ବର୍ଷା ହେବାର ସମ୍ଭାବନା ରହିଛି । ରାଜ୍ୟରେ ଏପର୍ଯ୍ୟନ୍ତ ୩୦ପ୍ରତିଶତ କମ୍ ବର୍ଷା ହୋଇଛି । ଆସୁଥିବା ଲଘୁଚାପ ନିଅଣ୍ଟିଆ ବର୍ଷାକୁ ସୁଧାରିବାର ଆଶା କରାଯାଉଛି । ସୋମବାର ଠାରୁ ଲଘୁଚାପ ଫଳରେ ବର୍ଷା ହେବା ନେଇ ଆଶା କରାଯାଉଥିବାବେଳେ ରବିବାର ମଧ୍ୟ ରାଜଧାନୀ ଭୁବନେଶ୍ୱର ସମେତ ଅନେକ ଅଞ୍ଚଳରେ ବର୍ଷା ହୋଇଛି  ।

କୋଭିଡ୍ ଟିକାକରଣରେ ଜି୭ ରାଷ୍ଟ୍ରକୁ ପଛରେ ପକାଇଲା ଭାରତ

ନୂଆଦିଲ୍ଲୀ: କରୋନା ସଂକ୍ରମଣରୁ ଲୋକଙ୍କୁ ରକ୍ଷା କରିବା ଲାଗି ଦେଶରେ ବଡ଼ ଧରଣର ଟିକାକରଣ ଜାରି ରହିଛି । କେନ୍ଦ୍ର ସରକାର ରବିବାର ଦେଇଥିବା ତଥ୍ୟ ଅନୁସାରେ ଟିକାକରଣରେ ଭାରତ ଜି୭ ରାଷ୍ଟ୍ରକୁ ପଛରେ ପକାଇଛି । ସରକାର ଦେଇଥିବା ତଥ୍ୟ ଅନୁସାରେ, ଅଗଷ୍ଟ ମାସରେ ୧୮ କୋଟି ଡୋଜ୍ ଟିକାକରଣ ହୋଇଛି । ଜି୭ ରାଷ୍ଟ୍ର ସମୂହର ଟିକାକରଣ ତୁଳନାରେ ଏହା ବେଶ୍ ଅଧିକ ।

ଭାରତ ଅଗଷ୍ଟରେ ୧୮ କୋଟି ଡୋଜ୍ ଟିକାକରଣ କରିଥିବା ବେଳେ ଜି୭ ରାଷ୍ଟ୍ର ସମୂହ ୧୦.୧ କୋଟି ଡୋଜ୍ ଟିକାକରଣ କରିଛନ୍ତି । ତଥ୍ୟ ଅନୁସାରେ ଅଗଷ୍ଟରେ କାନାଡ଼ା ୩୦ ଲକ୍ଷ ଡୋଜ୍ ଟିକାକରଣ କରିଥିବା ବେଳେ ବ୍ରିଟେନ ୫୦ ଲକ୍ଷ, ଇଟାଲୀ ୮୦ ଲକ୍ଷ ଓ ଜର୍ମାନୀ ୯୦ ଲକ୍ଷ ଡୋଜ୍ ଟିକା ଦେଇଛି । ଜି୭ ଦେଶ ମଧ୍ୟରୁ କେବଳ ଜାପାନ, ଆମେରିକା ଓ ଫ୍ରାନ୍ସ ହିଁ ୧୦ କୋଟିରୁ ଅଧିକ ଡୋଜ୍ ଟିକାକରଣ କରିଛନ୍ତି ।

ଦେଶରେ ଜାନୁଆରୀ ୧୬ରୁ ଟିକାକରଣ ଅଭିଯାନ ଆରମ୍ଭ ହୋଇଥିଲା । ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁସାରେ, ଏବେ ଯାଏଁ ୬୮.୭ କୋଟିରୁ ଅଧିକ ଡୋଜ୍ ଟିକାକରଣ ହୋଇ ସାରିଛି । ୧୬ କୋଟି ଲୋକ କୋଭିଡ୍ ଟିକାର ୨ଟି ଯାକ ଡୋଜ୍ ନେଇ ସାରିଛନ୍ତି ।

ଔଷଧ ଦରରେ ପରିବର୍ତ୍ତନ, କମିଲା ୩୯ ମେଡିସିନ୍ ଦାମ

ନୂଆଦିଲ୍ଲୀ: ଔଷଧ ଦରରେ ପରିବର୍ତ୍ତନ କରିଛନ୍ତି ସରକାର । ବହୁଳ ଭାବରେ ବ୍ୟବହାର ହେଉଥିବା ୩୯ଟି ଔଷଧର ଦର କମିବ । ମହାମାରୀ କରୋନା କାଳରେ ମାନ୍ଦାବସ୍ଥା ଲାଗି ରହିଥିବା ବେଳେ ଲୋକଙ୍କ ପାଖରେ ଟଙ୍କା ନାହିଁ । ଏଭଳି ସମୟରେ ସରକାରଙ୍କ ଏ ନିଷ୍ପତ୍ତି ଲୋକଙ୍କ ପାଇଁ ଆଶ୍ୱସ୍ତି ଆଣିଛି । ସରକାରଙ୍କ ନିଷ୍ପତ୍ତି ଫଳରେ ୩୯ଟି ଔଷଧର ମୂଲ୍ୟ କମିଯିବ ।

Government Changes The Price Of Many Medicine

କେନ୍ଦ୍ର ସରକାର ଏହି ୩୯ଟି ଔଷଧକୁ ଆବଶ୍ୟକ ମେଡିସିନ୍ ତାଲିକାରେ ସାମିଲ୍ କରିଛନ୍ତି । ଏହି ୩୯ ଔଷଧ ଭିତରେ କ୍ୟାନସର, ମଧୁମେହ ଓ ଯକ୍ଷ୍ମା ଭଳି ରୋଗର ଚିକିତ୍ସାରେ ବ୍ୟବହୃତ ମେଡିସିନ୍ ମଧ୍ୟ ରହିଛି । ଏବେ ଆବଶ୍ୟକ ମେଡିସିନ୍ ତାଲିକାରେ ୩୯୯ଟି ଔଷଧ ରହିଛି । ୩୯ଟି ଔଷଧ ଦର କମିଥିବା ବେଳେ ୧୬ଟି ଔଷଧ ମହଙ୍ଗା ହୋଇଛି । ଏହି ଔଷଧକୁ ଆବଶ୍ୟକ ମେଡିସିନ୍ ତାଲିକାରୁ ବାହାର କରି ଦିଆଯାଇଛି ।

ଅନ୍ଧାରୁଆରେ ଓଡିଶା ଆଦର୍ଶ ବିଦ୍ୟାଳୟର ଉତ୍କର୍ଷ କେନ୍ଦ୍ର ଭିତ୍ତିପ୍ରସ୍ତର ସ୍ଥାପନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚ୍ଚୁଆଲ ମାଧ୍ୟମରେ ଓଡିଶା ଆଦର୍ଶ ବିଦ୍ୟାଳୟ ଉତ୍କର୍ଷ କେନ୍ଦ୍ରର ଆଜି ଭିତ୍ତି ପ୍ରସ୍ତର ସ୍ଥାପନ କରିଛନ୍ତି । ଏହି ଆଦର୍ଶ ବିଦ୍ୟାଳୟ ଭୁବନେଶ୍ୱର ଉପକଣ୍ଠରେ ଥିବା ଅନ୍ଧାରୁଆରେ 25 ଏକର ଜମିରେ ନିର୍ମାଣ ହେବାକୁ ଯାଉଛି  । ଯେଉଁଥିରେ ୧୩ ଏକର ବିଦ୍ୟାଳୟ କ୍ୟାମ୍ପସ ହେଉଥିବା ବେଳେ ୧୦୦୦ ଶିକ୍ଷାର୍ଥୀଙ୍କ ପାଇଁ ୨୬ ଟି ଶ୍ରେଣୀଗୃହ ରହିବାର ବ୍ୟବସ୍ଥା କରାଯାଇଛି  ।

ଏହି ବିଦ୍ୟାଲୟ ମଧ୍ୟରେ ୮ଟି ବିଜ୍ଞାନଗାର, ୨ଟି ଛାତ୍ର ଓ ଦୁଇଟି ଛାତ୍ରୀ ନିବାସ, 22 ଟି ଟିଚର କ୍ୱାଟର, 8ଟି ଅତିଥି କକ୍ଷ, 12 ଏକର୍ ଖେଳ ପଡିଆ ରହିବ  । ମୁଖ୍ୟମନ୍ତ୍ରୀ ନବୀୱ ପଟ୍ଟନାୟକ ଏହି ଆଦର୍ଶ ବିଦ୍ୟାଳୟର ଭିତିପ୍ରସ୍ତରକୁ ଭର୍ଚ୍ଚୁଆଲ ମାଧ୍ୟମରେ ସ୍ଥାପନା କରିଥିବାବେଳେ କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ଗଣଶିକ୍ଷା ମନ୍ତ୍ରୀ ସମୀର ଦାସ, ବିଧାୟକ ସୁରେଶ ରାଉତରାୟ , ପ୍ରେମଚନ୍ଦ ଚୌଧିୁରୀ, କ୍ରିସନ କୁମାର, ଉପେନ୍ଦ୍ର ତ୍ରିପାଠୀ ଓ ଅନ୍ୟାନ୍ୟ ଅଧିକାରୀ  ।

ରାଜ୍ୟ ସରକାର ଶିକ୍ଷାକୁ ଗୁରୁତ୍ୱ ଦେହବା ସହ ପ୍ରାଥମିକ ଶିକ୍ଷାରେ ଯେପରି ରାଜ୍ୟର ସମସ୍ତ ଛାତ୍ରଛାତ୍ରୀ ଜଡ଼ିତ ହୋଇପାରିବେ ସେନେଇ ଗୁରୁତ୍ୱ ଦେଇଛନ୍ତି  । ଗଞ୍ଜାମ ଜିଲ୍ଲାରେ ୫T ଅନ୍ତ୍ରର୍ଗତରେ ମଡେଲ କ୍ଲାସରୁମ ମଧ୍ୟ ନିକଟରେ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ନିକଟରେ 25 ଏକର ଜମିରେ ରାଜଧାନୀ ଉପକଣ୍ଠ ଅନ୍ଧାରୁଆରେ ନିର୍ମିାଣ ହେବାକୁ ଯାଉଛି ନୂତନ ଆଦର୍ଶ ବିଦ୍ୟାଳୟ  ।

ହକି ଓଡ଼ିଶାର ନୂଆ କମିଟି: ସଭାପତି ଜଷ୍ଟିସ ଏ.ଏସ.ନାଇଡୁ, ପ୍ରତାପ ଶତପଥୀ ସାଧାରଣ ସଂପାଦକ

କଟକ: ବଦଳିଳେ ହକି ଓଡ଼ିଶାର ପଦାଧିକାରୀ  । ନୂତନ କମିଟି ଘୋଷଣା କରିଛି ହକି ଓଡ଼ିଶା  ।  ସଭାପତି ଭାବେ ଜଷ୍ଟିସ ଏ.ଏସ.ନାଇଡୁ ଓ ପ୍ରତାପ ଶତପଥୀ ସାଧାରଣ ସଂପାଦକ ଭାବେ ନିର୍ବାଚିତ ହୋଇଛନ୍ତି । କଟକ ବାରବାଟି ଷ୍ଟାଡ଼ିୟମ ପରିସରରେ ଆଜି ଏନେଇ ଏକ ବୈଠକ ଅନୁଷ୍ଠିତ ହୋଇଯାଇଥିଲା  । ହକି ଓଡ଼ିଶାର ଏହି ସାଧାରଣ ପରିଷଦ ବୈଠକରେ ନୂତନ କର୍ମକର୍ତ୍ତାଙ୍କ ନାମ ଘୋଷଣା କରାଯାଇଛି  ।

ବୈଠକରେ କିଟ୍ ବିଶ୍ବବିଦ୍ୟାଳୟକୁ ହକି ଓଡିଶାର ଅନୁବନ୍ଧିତ ଅନୁଷ୍ଠାନ ଭାବେ ସ୍ବୀକୃତି ପ୍ରଦାନ କରାଯାଇଥିଲା । ଆଗାମୀ ଚାରିବର୍ଷ ପାଇଁ ହକିର ବିକାଶ ପାଇଁ ନୂଆ ପରିଷଦ କାମ କରିବ ବୋଲି କହିଛନ୍ତି ସଂପାଦକ ପ୍ରତାପ ଶତପଥୀ । ହକି ଓଡିଶାର ଆଗାମୀ କାର୍ଯ୍ୟକ୍ରମକୁ ତ୍ୱରାନ୍ୱିତ କରାଯିବ  । ଆଗାମୀ ବର୍ଷ ପାଇଁ ସଂଗଠନ ସମସ୍ତ କାର୍ଯ୍ୟକୁ ସୂଚାରୁ ରୂପେ ନିର୍ବାହ କରିବା  । ଯେଉଁ ଖେଳାଳିମାନେ ରହିଛନ୍ତି ସେମାନଙ୍କ କ୍ରୀଡ଼ା ଭବିଷ୍ୟତକୁ

ଫ୍ଲାଇଟରେ ଯାଇ କରୁଥିଲେ ଚୋରି !

ଗାଜିଆବାଦ: ଉତ୍ତରପ୍ରଦେଶ ଗାଜିଆବାଦର ସିହାନି ଗେଟ୍ ପୋଲିସ ଏନକାଉଣ୍ଟର ପରେ ଜଣେ ଦୁର୍ଦ୍ଦାନ୍ତ ଚୋରକୁ ଗିରଫ କରିଛି । ତେବେ ଆଶ୍ଚର୍ଯ୍ୟଜନକ କଥା ହେଉଛି, ଦୁର୍ବୃତ୍ତ ଜଣଙ୍କ ଦେଶର ସମସ୍ତ ସ୍ଥାନକୁ ବିମାନରେ ଯାଇ ଚୋରି କରୁଥିବା ଗ୍ୟାଙ୍ଗର ସଦସ୍ୟ ।

ଅଭିଯୁକ୍ତର ନାଁ ଏନାମୁଲ ଶେଖ ବୋଲି ସିଟି ଏସପି ନିପୁଣ ଅଗ୍ରୱାଲ ସୂଚନା ଦେଇଛନ୍ତି । ଏନାମୁଲର ଘର ଝାଡ଼ଖଣ୍ଡରେ । ଏହି ଚୋର ଗ୍ୟାଙ୍ଗର ଲିଡର କମରୁଦ୍ଦିନ ଘଟଣାସ୍ଥଳରୁ ଫେରାର୍ ହୋଇଯାଇଛି । ଗିରଫ ଏନାମୁଲକୁ ପଚରାଉଚରା ପରେ ଗ୍ୟାଙ୍ଗର ଅନ୍ୟ ୨ ସଦସ୍ୟ ଶବିଉଲ ଓ ମୋତିଉଲ ବାବଦରେ ଜାଣିବାକୁ ପାଇଛି ପୋଲିସ । ପୋଲିସର ଟିମ୍ ତିନି ଫେରାର ଅଭିଯୁକ୍ତଙ୍କୁ ଖୋଜୁଛି ।

ପଚରାଉଚରା ବେଳେ ଅଭିଯୁକ୍ତ କହିଛି ସେ ବ୍ୟାଙ୍କ ଲୁଟ୍ ପାଇଁ ଆସିଥିଲା । ପୋଲିସ ଘେରିଯିବାରୁ ସେ ଗୁଳି ଚଳାଇଥିଲା । ପୋଲିସର ପାଲଟା ଗୁଳି ତାର ଗୋଡ଼ରେ ବାଜିଛି । ଅଭିଯୁକ୍ତ ବିରୋଧରେ ଆନ୍ଧ୍ରପ୍ରଦେଶ, ହାଇଦ୍ରାବାଦରେ ନକଲି ନୋଟ ନେଇ ମାମଲା ମଧ୍ୟ ରହିଛି । ଏହି ଚୋର ଗ୍ୟାଙ୍ଗ ଦକ୍ଷିଣ ଭାରତର ଅଧିକାଂଶ ରାଜ୍ୟ ସହ ଗୋଆରେ ମଧ୍ୟ ଚୋରି କରିଛନ୍ତି ।

ଏନାମୁଲ କିଛିମାସ ତଳେ ଏହି ଚୋର ଗ୍ୟାଙ୍ଗରେ ମିଶିଛି । ଚୋରି ପାଇଁ ସେମାନେ ସ୍ଥାନ ଚିହ୍ନଟ ପରେ ନିକଟରେ ଥିବା ହୋଟେଲରେ ରହୁଥିଲେ । ସାଧାରଣ ଲୋକଙ୍କ ଭଳି ସେଠାରେ ବୁଲିବା ସହ ନଜର ରଖୁଥିଲେ । କେତେକ ସ୍ଥାନରେ ସିକ୍ୟୁରିଟି ଗାର୍ଡଙ୍କୁ ଟଙ୍କା ଲୋଭ ଦେଖାଇ ସାଥୀରେ ନେଇ ଯାଉଥିଲେ । ପୂରା ପ୍ଲାନିଂ ପରେ କମରୁଦ୍ଦିନ ସହଯୋଗୀଙ୍କ ସହ ଚୋରି କରିବାକୁ ଥିବା ଜାଗାରେ ପହଞ୍ଚୁଥିଲେ । ପରେ ଟ୍ରେନ୍ ଓ ଅନ୍ୟ ମାଧ୍ୟମରେ ଚୋରି ସାମଗ୍ରୀ ଧରି ଫେରୁଥିଲେ ।

ପୋଲିସ ଅନୁସାରେ, ଏହି ଗ୍ୟାଙ୍ଗ ଟାର୍ଗେଟରେ ବ୍ୟାଙ୍କ, ଜୁଏଲାରୀ ସପ୍ ଓ ବଡ଼ ଷ୍ଟୋର ରହିଥାଏ । ସେଠାରେ ମୁତୟନ ସୁରକ୍ଷା କର୍ମୀଙ୍କୁ ଚୋରି ଯୋଜନାରେ ସାମିଲ୍ କରୁଥିଲେ ।

ନୂଆ ନୁହେଁ କରୋନା ଭାଇରସ, ୨୧ ବର୍ଷ ତଳେ ଥିଲା ଭୂତାଣୁ

ନୂଆଦିଲ୍ଲୀ: କରୋନା ଭାଇରସ ନୂଆ ନୁହଁ । ୨୧ ହଜାର ବର୍ଷ ପୂର୍ବେ ଏହି ଭୂତାଣୁ ବି ଚଳାଇଥିଲା ତାଣ୍ଡବଲୀଳା । ସାଲଭେକୋଭାଇରସ ନାମରେ ଏହି ଭୂତାଣୁ ଅତିପ୍ରାଚୀନ କାଳରେ ନିଜର ସ୍ଥିତି ଜାହିର କରିଥିଲା ବୋଲି କରେଣ୍ଟ ବାୟୋଲୋଜି ଜର୍ଣ୍ଣାଲରେ ପ୍ରକାଶିତ ରିପୋର୍ଟରେ କୁହାଯାଇଛି । କରୋନା ଭାଇରସର ସମୟକାଳ ଯେତେ ବର୍ଷ ବୋଲି ଆକଳନ କରାଯାଉଥିଲା ତାହାର ୩୦ ଗୁଣ ଅଧିକ ସମୟ କାଳରେ ଅର୍ଥାତ ୨୧ହଜାର ବର୍ଷ ତଳେ ରହିଥିଲା । ଏହା ବି କୁହାଯାଇଛି ପାଲିଓଲିଥିକ କାଳ ଅର୍ଥାତ ୨୫ ଲକ୍ଷ ବର୍ଷ ପୂର୍ବେ ଏହି ଭୂତାଣୁ ବିଭିନ୍ନ ପ୍ରାଣୀରୁ ମଣିଷ ନିକଟକୁ ଆସିଥିଲା ।

ଏହି ଭାଇରସ ହଜାର ହଜାର ବର୍ଷ ଧରି ବିଭିନ୍ନ ଭାବେ ନିଜକୁ ପରିକଳ୍ପିତ କରି ରହିଥିଲା । ଦ୍ରୁତ ବିବର୍ତ୍ତାନିକ ପ୍ରକ୍ରିୟାରେ ନିଜର କୌଣସି ପରିବର୍ତ୍ତନ ନ ଘଟାଇ ଏହି ଭୂତାଣୁ ରହିପାରିଛି ବୋଲି ଗବେଷଣାରେ କୁହାଯାଇଛି । ଏହି ଭାଇରସ ପ୍ରକୃତରେ କେତେ ବର୍ଷ ପୁରୁଣା ସେନେଇ ଗବେଷକମାନେ ଏକ ଦୀର୍ଘକାଳୀନ ଟାଇମସ୍କେଲ ପ୍ରସ୍ତୁତ କରିଛନ୍ତି । ବିବର୍ତ୍ତାନିକ ଆପେକ୍ଷିକତାକୁ ନେଇ ଏହି ସମୟକାଳ ନିରୂପିତ ହୋଇଛି । ୨୧ହଜାର ବର୍ଷ ପୂର୍ବେ ମଣିଷ ସମାଜ ଏହି ଭାଇରସ ଦ୍ବାରା ସଂକ୍ରମିତ ହୋଇଥିଲେ । ଯାହାକି ହ୍ୟୁମାନ ଜିନୋମ ଡାଟାସେଟରୁ ଜଣାଯାଇଛି ବୋଲି ଅକ୍ସଫୋର୍ଡ ବିଶ୍ବବିଦ୍ୟାଳୟର ଗବେଷକ ମହନ ଘଫାରି କହିଛନ୍ତି ।

ତେବେ ଏହି ଗବେଷଣାରେ ପ୍ରାଚୀନ ଓ ବର୍ତ୍ତମାନର ଭୂତାଣୁ ମଧ୍ୟରେ ପାର୍ଥକ୍ୟ ବାରି ହୋଇପାରିନାହିଁ । ଗବେଷଣାରେ ଆରଏନଏ ଓ ଡିଏନଏର ବିବର୍ତ୍ତାନିକ ଇତିହାସ ସମ୍ପର୍କରେ ଜଣାପଡିଛି । ସେହିପରି ଯକୃତ ରୋଗର କାରଣ ସାଜୁଥିବା ହେପାଟାଇଟିସ-ସି ଭାଇରସ ବି ପ୍ରାୟ ୫ ଲକ୍ଷ ବର୍ଷ ତଳେ ଥିଲା ବୋଲି ଗବେଷଣାରେ କୁହାଯାଇଛି । ଆଫ୍ରିକା ମହାଦେଶ ବାହାରେ ପ୍ରାୟ ଦେଢ ଲକ୍ଷ ବର୍ଷ ତଳେ ବିକଶିତ ମାନବ ସଭ୍ୟତାରେ ଏହି ଭୂତାଣୁ ପରିବ୍ୟାପ୍ତ ହୋଇଥିଲା ବୋଲି କୁହାଯାଇଛି ।

ହାତୀଦାନ୍ତ ଡିଲ ବେଳେ ମାଡିବସିଲା କ୍ରାଇମବ୍ରାଞ୍ଚ, ଜିଲ୍ଲା ବାହାରକୁ ଲମ୍ବିଛି ଲିଙ୍କ୍

ବାଲେଶ୍ୱର: ହାତୀଦାନ୍ତ ଚୋରା ଚାଲାଣରେ କେନ୍ଦୁଝର, ଭୁବନେଶ୍ୱର ଓ ଭଦ୍ରକର ଲିଙ୍କ । ହାତୀଦାନ୍ତ ମାଢି ବିକ୍ରି ପାଇଁ ଡିଲ ବେଳେ ମାଡି ବସିଲା କ୍ରାଇମ ବ୍ରାଞ୍ଚ  । ରାତି ଅଧରେ ରେଡ୍ କରି ୫ ଜଣଙ୍କୁ ଗିରଫ କରିଛି କ୍ରାଇମ ବ୍ରାଞ୍ଚ  ।  ଖଇରା, ଭଦ୍ରକ ପୋଲିସ ଓ ଔପଦା ବନ ବିଭାଗର ମିଳିତ ଉଦ୍ୟମରେ କ୍ରାଇମ ବ୍ରାଞ୍ଚ ରେଡ କରିଥିଲା । ସେପଟେ ଏଭଳି ହାଇପ୍ରୋଫାଇଲ ଗ୍ୟାଙ୍ଗରେ ସାମିଲ ଥିବା  ସମସ୍ତ ଅଭିଯୁକ୍ତ ଭଦ୍ରକ, ଔପଦାର ବୋଲି ଜଣା ପଡିଛି  ।

ଔପଦା ବ୍ଲକ ମହୁଲଗଡ଼ିଆରୁ ବନମାଳୀ ସେଠି, ସୁଦର୍ଶନ ମହାରଣା, ଅଜୟ ମୁଦୁଲି, ଖଇରା ଜେମାଦେଇପୁରର ବାବୁରାମ ପୃଷ୍ଟି, ଭଦ୍ରକ କାଦବରାଙ୍ଗର ନଟବର ଦାସଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କ ଠାରୁ ଏକ କିଲୋ ତିନି ଶହ ଗ୍ରାମ ଓଜନର ହାତୀ ଦାନ୍ତ ଓ ଦୁଇଟି ଛଅ କିଲୋରୁ ଅଧିକ ମାଢି ଜବତ କରିଛି ବନ ବିଭାଗ  । ଯାହାର ଆନୁମାନିକ ମୂଲ୍ୟ ବଜ଼ାରରେ 2 ଲକ୍ଷ ଟଙ୍କା ହେବ ବୋଲି ଜଙ୍ଗଲ ବିଭାଗ ଆକଳନ କରିଛି । ସେପଟେ ଘଟଣାକୁ ନେଇ ତଦନ୍ତ ଆରମ୍ଭ କରିଛନ୍ତି କ୍ରାଇମ ବ୍ରାଞ୍ଚ ଡିଏସପି  ।