ଟୋକିଓ ପାରା ଅଲମ୍ପିକ, ଉଦଯାପନୀ ଉତ୍ସବରେ ତ୍ରିରଙ୍ଗା ଧରିଲେ ଅବନି ଲେଖରା

1 min read
Tokyo Paralympic Closing Ceremony Avani Lekhara

ଟୋକିଓ: ଟୋକିଓ ପାରା ଅଲମ୍ପିକର ଉଦଯାପନୀ ଉତ୍ସବରେ ଭାରତର ଧ୍ୱଜା ଧରିଛନ୍ତି ଅବନି ଲେଖରା । ୧୯ ବର୍ଷୀୟା ସୁଟର ଅବନୀ ଲେଖରା ଟୋକିଓରେ ସ୍ୱର୍ଣ୍ଣ ସହ ୨ଟି ପଦକ ଜିତିଛନ୍ତି । ଅବନି SH1 ବର୍ଗରେ ୧୦ ମିଟର ଏୟାର ପିସ୍ତଲରେ ସ୍ୱର୍ଣ୍ଣ ଓ ୫୦ ମିଟର ରାଇଫଲ ଥ୍ରୀରେ ବ୍ରୋଞ୍ଜ ପଦକ ଜିତିଛନ୍ତି । ଭାରତ ଚଳିତଥର ୫ ସ୍ୱର୍ଣ୍ଣ ସହ ୧୯ ପଦକ ଜିତିଛି । ଏହା ଏଯାବତ୍ ଭାରତର ସର୍ବଶ୍ରେଷ୍ଠ ପ୍ରଦର୍ଶନ ।

ଉଦଯାପନୀ ଉତ୍ସବରେ ଭାରତର ୧୧ ଖେଳାଳି ଭାଗ ନେଇଛନ୍ତି । ୨୪ ଅଗଷ୍ଟରେ ଉଦଘାଟନୀ ଉତ୍ସବରେ ୫ ଜଣ ଖେଳାଳି ଭାଗ ନେଇଥିଲେ । ୧୯୬୦ ମସିହାରୁ ପାରା ଅଲମ୍ପିକ ଖେଳା ଯାଉଥିବା ବେଳେ ଭାରତ ୧୯୬୮ରୁ ଭାଗ ନେଉଛି । ୧୯୭୬ ଓ ୧୯୮୦ରେ ଭାରତ ପାରା ଅଲମ୍ପିକରେ ଅଂଶଗ୍ରହଣ କରି ନଥିଲା । ଟୋକିଓରେ ଭାରତ ୫ ସ୍ୱର୍ଣ୍ଣ, ୮ ରୌପ୍ୟ ଓ ୬ କାଂସ୍ୟ ସହ ୧୯ଟି ପଦକ ଜିତିଛି ।

Tokyo Paralympic Closing Ceremony Avani Lekhara

ପାରାଅଲମ୍ପିକରେ ପ୍ରଥମ ଥର ଲାଗି ବ୍ୟାଡମିଣ୍ଟନକୁ ସାମିଲ୍ କରାଯାଇଥିଲା । ଭାରତ ପକ୍ଷରୁ ୭ ଜଣ ଖେଳାଳି ବିଭିନ୍ନ ବର୍ଗରେ ଭାଗ ନେଇଥିଲେ । ୪ ଜଣ ଖେଳାଳି ପଦକ ଜିତିଛନ୍ତି । ପ୍ରମୋଦ ଭଗତ ଓ କୃଷ୍ଣା ନାଗର ସ୍ୱର୍ଣ୍ଣ ଜିତିଥିବା ବେଳେ ସୁହାସ ୟଥିରାଜ ରୌପ୍ୟ ଓ ମନୋଜ ସରକାର ବ୍ରୋଞ୍ଜ ଜିତିଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner