spot_img
Home Blog Page 5349

ଲଘୁଚାପଜନିତ ଲଗାଣ ବର୍ଷା ଉଜାଡ଼ି ଦେଲା ହେକ୍ଟର ହେକ୍ଟର ଫସଲ

କୋଣାର୍କ/କରଞ୍ଜିଆ: ଫସଲ ଅମଳ ସମୟରେ ଆସିଲା ଅକାଳ ଚଡ଼କ । ଲଘୁଚାପଜନିତ ଲଗାଣ ବର୍ଷାରେ ଧୋଇଗଲା ହଜାର ହଜାର ହେକ୍ଟର ଜମିରେ ହୋଇଥିବା ଧାନ ସମେତ ପନିପରିବା ଫସଲ । କୋବି, ବାଇଗଣ, କଲରା, ଜହ୍ନି, ଭେଣ୍ଡି, ଲଙ୍କା, ବିନ୍ସ, ଅମୃତଭଣ୍ଡା ଆଦି ଫସଲ କ୍ଷତିଗ୍ରସ୍ତ ହୋଇଛି । ବର୍ଷକର ଜୀବିକା ବୁଡ଼ିଯିବା ପରେ ମୁଣ୍ଡରେ ହାତଦେଇ ବସିଛନ୍ତି କୋଣାର୍କ ଓ କରଞ୍ଜିଆ ଅଞ୍ଚଳର ଚାଷୀ ।

Hundred Hectre Of Crops Affected By Heavy Rain In Puri And Karanjia

ଲଗାଣ ବର୍ଷା ଧୋଇଦେଲା ବର୍ଷକର ଜୀବିକା । ପୁରୀ ନିମାପଡ଼ା କୃଷି ଜିଲ୍ଲା ଅନ୍ତର୍ଗତ ବଳଙ୍ଗାରେ ବ୍ୟାପକ ପରିବା ଚାଷ ନଷ୍ଟ ହୋଇଛି । ପୁରୀ ଜିଲ୍ଲା ସମେତ ଅନ୍ୟାନ୍ୟ ସ୍ଥାନକୁ ପରିବା ଯୋଗାଉଥିବା ଏହି ଅଞ୍ଚଳରେ ଧାନ ଓ ପନିପରିବା ବ୍ୟାପକ କ୍ଷତିଗ୍ରସ୍ତ ହୋଇଛି । କେବଳ ବଳଙ୍ଗାରେ ୩ ହଜାରରୁ ଅଧିକ ହେକ୍ଟର ଜମିରେ ପରିବା ଚାଷ ହୋଇଥାଏ । ମାତ୍ର ବର୍ଷା ଜଳ ଜମି ରହିବାରୁ କୋବି, ବାଇଗଣ, କଲରା, ଜହ୍ନି, ଭେଣ୍ଡି, ଲଙ୍କା, ବିନ୍ସ, ଅମୃତଭଣ୍ଡା ଆଦି କ୍ଷତିଗ୍ରସ୍ତ ହୋଇଛି । ପରିବା ଚାଷ କରି ଜୀବିକା ନିର୍ବାହ କରୁଥିବା ହଜାର ହଜାର ଚାଷୀ ଏବେ ଚିନ୍ତାରେଯ । ନିମାପଡ଼ା ବ୍ଲକରେ ୨୦୫୦ ହେକ୍ଟର ପରିବା ଚାଷ ପ୍ରଭାବିତ ହୋଇଛି । ବର୍ଷା କମିବା ପରେ ପରିସ୍ଥିତିରେ ସୁଧାର ଆସିବ ବୋଲି କହିଛନ୍ତି ନିମାପଡ଼ା କୃଷି ଅଧିକାରୀ ।

Hundred Hectre Of Crops Affected By Heavy Rain In Puri And Karanjia

ସେପଟେ ଲଗାଣ ବର୍ଷା ଯୋଗୁଁ ମୟୂରଭଞ୍ଜ କରଞ୍ଜିଆ ଅଞ୍ଚଳରେ ବି ସମାନ ଅବସ୍ଥା । କିଛି ଦିନ ପରେ ଅମଳ ହେବାକୁ ଥିବା ଧାନ ଏବେ ବିଲରେ ସଢୁଛି । ପାଗ ନ ଶୁଖିଲେ ଚାଷୀ କେମିତି ଧାନ ଖଳା ପ୍ରସ୍ତୁତ କରିବେ ତାହାକୁ ନେଇ ବଢିଛି ଚିନ୍ତା । ଚଳିତ ଖରିଫ ଋତୁରେ ନିଅଣ୍ଟିଆ ବର୍ଷା ସତ୍ତ୍ୱେ ଧାନ ଚାଷ କରି ଜୀବିକା ଅର୍ଜନ ଲକ୍ଷ୍ୟ ରଖିଥିଲେ ଚାଷୀ । ଧାନ ଅମଳ ହେଲେ ନୂଆ ଖାଇବା ଲାଗି ଲୋକଙ୍କ ଭିତରେ ଆଶା ରହିଛି । ହେଲେ ଆଶାକୁ ଫିକା କରି ଦେଇଛି ବର୍ଷା । ପୁଣି ଲଘୁଚାପ ହେଲେ ସବୁକିଛି ନଷ୍ଟ ହୋଇଯିବ ବୋଲି କହିଛନ୍ତି ଚାଷୀ ।

ଖୁବଶୀଘ୍ର ପ୍ରାଇଭେଟ୍ ମଦ ଦୋକାନ ଉପରେ ଲାଗିବ ରୋକ୍

ନୂଆଦିଲ୍ଲୀ: ପ୍ରାଇଭେଟ୍ ବା ଘରୋଇ ମଦ ଦୋକାନରୁ ଆଉ କିଣିପାରିବେନି ମଦ । ଏହି ନିୟମ ଖୁବଶୀଘ୍ର ଦେଶର ରାଜଧାନୀ ଦିଲ୍ଲୀରେ ଲାଗୁ ହେବାକୁ ଯାଉଛି । ଅକ୍ଟୋବର ୧ରୁ ନଭେମ୍ବର ୧୬ ପର୍ଯ୍ୟନ୍ତ କେବଳ ସରକାରୀ ଦୋକାନରେ ୪୭ ଦିନ ପାଇଁ ମଦ ବିକ୍ରି ହେବ । ଡେପୁଟି ସିଏମ୍ ମନୀଷ ସିସୋଡିଆ କହିଛନ୍ତି, ନୂତନ ଅବକାରୀ ନିୟମ ଅନୁଯାୟୀ ଦିଲ୍ଲୀକୁ ୩୨ ଜୋନରେ ବିଭକ୍ତ କରି ଲାଇସେନ୍ସ ବଣ୍ଟନ ପ୍ରକ୍ରିୟା ଶେଷ ହୋଇଛି । ବର୍ତ୍ତମାନ ନୂଆ ଅବକାରୀ ନିୟମ ଅନୁଯାୟୀ ନଭେମ୍ବର ୧୭ରୁ ଦିଲ୍ଲୀରେ ଦୋକାନ ଖୋଲିବ । ଏହି ସମୟ ମଧ୍ୟରେ, ଅକ୍ଟୋବର ୧ରୁ ନଭେମ୍ବର ୧୬ ମଧ୍ୟରେ କେବଳ ସରକାରୀ ଦୋକାନରେ ମଦ ବିକ୍ରି ହେବ ।

ବର୍ତ୍ତମାନ ଦିଲ୍ଲୀରେ ୭୨୦ ରୁ ଅଧିକ ମଦ ଦୋକାନ ରହିଛି । ସେଥିରୁ ୨୬୦ ଘରୋଇ ଏବଂ ୪୬୦ ସରକାରୀ ମଦ ଦୋକାନ ଅଛି । ଏପରିକି ୮୮ଟି ଦୋକାନ ଏମିତି ଅଛି ଯେଉଁଠାରେ କେବଳ ଦେଶୀ ମଦ ବିକ୍ରି ହୁଏ । ନୂତନ ଅବକାରୀ ନୀତି ଅନୁଯାୟୀ, ସମସ୍ତ ୩୨ ଟି ଜୋନରେ ଲାଇସେନ୍ସ ଆବଣ୍ଟନ ପରେ ସରକାର ବେସରକାରୀ ମଦ ଦୋକାନଗୁଡ଼ିକର ଲାଇସେନ୍ସକୁ ସେପ୍ଟେମ୍ବର ୩୦ ପରେ ବଢ଼ାଯିବ ନାହିଁ । ଯାହା ଫଳରେ ଅକ୍ଟୋବର ୧ରୁ ସମସ୍ତ ୨୬୦ଟି ଘରୋଇ ମଦ ଦୋକାନ ବନ୍ଦ ହୋଇଯିବ । ଏହା ପରିବର୍ତ୍ତେ, ନୂତନ ଅବକାରୀ ନିୟମ ଅଧୀନରେ ଦିଆଯାଇଥିବା ଲାଇସେନ୍ସଧାରୀମାନେ ନଭେମ୍ବର ୧୭ରୁ ନୂତନ ଅବକାରୀ ନୀତି ଅଧୀନରେ ଦୋକାନ ଖୋଲିବେ ।

ଏହିପରି, ଅକ୍ଟୋବର ୧ରୁ ଆଗାମୀ ୪୭ ଦିନ ପର୍ଯ୍ୟନ୍ତ କେବଳ ଦିଲ୍ଲୀର ସରକାରୀ ଦୋକାନରେ ମଦ ବିକ୍ରି ହେବ । ଡେପୁଟି ସିଏମ୍ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ କହିଛନ୍ତି, କୋଭିଡ୍ ସମୟରେ ଯେତେବେଳେ ଆମେ ଆର୍ଥିକ ସଂକଟ ଦେଇ ଗତି କରୁଛୁ । ସେହି ସମୟରେ, ନୂତନ ଅବକାରୀ ନୀତିରୁ ହିଁ ଆମକୁ ପ୍ରତିବର୍ଷ ୩୨୦୦ କୋଟି ଟଙ୍କା ରାଜସ୍ୱ ମିଳିପାରିବ । ବର୍ତ୍ତମାନ ନୂତନ ଅବକାରୀ ପଲିସି ଅନୁଯାୟୀ ସରକାର କେବଳ ଲାଇସେନ୍ସ ଆବଣ୍ଟନରୁ ୮୯୦୦ କୋଟି ଟଙ୍କା ରାଜସ୍ୱ ପାଇଛନ୍ତି । ଦଲିଲ ଅନୁଯାୟୀ ସରକାରଙ୍କ ୭୦୪୨ କୋଟି ଆକଳନ ତୁଳନାରେ ଏହି ରାଜସ୍ୱ ୨୬.୭ ପ୍ରତିଶତ ଅଧିକ । ଏହା ସହିତ ସରକାର ନୂତନ ବ୍ରାଣ୍ଡର ମଂଜୁରୀ ଏବଂ ଅନ୍ୟାନ୍ୟ ଏକ୍ସାଇଜ୍ ଡ୍ୟୁଟିରୁ ମଧ୍ୟ ରାଜସ୍ୱ ପାଇପାରିବେ ।

 Private Liquor Shops Of Delhi Closed From 1st October

ଏହି ପରିପ୍ରେକ୍ଷୀରେ ସମୁଦାୟ ୧୦ ହଜାର କୋଟି ରାଜସ୍ୱ ମିଳିବ ବୋଲି ଆଶା କରାଯାଉଛି । ମନୀଷ ସିସୋଡିଆ କହିଛନ୍ତି, ଏହି ନୀତି କେବଳ ସରକାରଙ୍କ ରାଜସ୍ୱ ବୃଦ୍ଧି କରିବ ନାହିଁ ବରଂ ଏକ୍ସାଇଜ୍ ଚୋରିକୁ ମଧ୍ୟ ବନ୍ଦ କରିବ । ଦିଲ୍ଲୀରେ ମଦ ମାଫିଆକୁ ଦୂର କରିବାରେ ମଧ୍ୟ ସାହାଯ୍ୟ କରିବ । ମନୀଷ ସିସୋଡିଆ କହିଛନ୍ତି, ବର୍ତ୍ତମାନ ପର୍ଯ୍ୟନ୍ତ ଦିଲ୍ଲୀରେ ଅନେକ ୱାର୍ଡ ଅଛି ଯେଉଁଠାରେ ଗୋଟିଏ ବି ମଦ ଦୋକାନ ନାହିଁ । ଆଉ ଏମିତି କିଛି ଜାଗା ଅଛି ଅଛି ଯେଉଁଠାରେ ୧୦ ରୁ ୧୫ଟି ଦୋକାନ ଅଛି । ଆମେ ଦିଲ୍ଲୀକୁ ୩୨ଟି ଜୋନରେ ବିଭକ୍ତ କରି ଏହାକୁ ସମାଧାନ କରୁଛୁ ।

ମୌସୁମୀରେ ଅନିୟମିତତା ଯୋଗୁଁ ନଭେମ୍ବରରେ ପୁଣି ବଢିପାରେ ପିଆଜ ଦର

0

ନୂଆଦିଲ୍ଲୀ: ଦେଶରେ ପ୍ରାୟ ପ୍ରତ୍ୟେକଙ୍କ ଘରେ ପିଆଜ ବ୍ୟବହାର ହୋଇଥାଏ। ପ୍ରତି ବର୍ଷ ସେପ୍ଟେମ୍ବରରୁ ନଭେମ୍ବର ମାସ ମଧ୍ୟରେ ପିଆଜ ଦାମ ବଢ଼ିଯାଇଥାଏ। ଏଥର ମଧ୍ୟ ଅନିୟମିତ ମୌସୁମୀ କାରଣରୁ ସେପ୍ଟେମ୍ବରରୁ ନଭେମ୍ବର ମଧ୍ୟରେ ପିଆଜ ଦାମ ବୃଦ୍ଧି ପାଇବ । କ୍ରିସିଲ ରିସର୍ଚ୍ଚର ଏକ ରିପୋର୍ଟ ଅନୁଯାୟୀ, ଚଳିତ ବର୍ଷ ମୌସୁମୀର ଅନିୟମିତ ବର୍ଷା ଯୋଗୁଁ ଖରିଫ ଫସଲ କାଟିବାକୁ ବିଳମ୍ବ ହୋଇପାରେ । ଯାହାଫଳରେ ପାର୍ବଣ ଋତୁରେ ଚାହିଦା ବଢିବା ପରେ ପିଆଜ ଦାମ ବଢିବାର ସମ୍ଭାବନା ରହିଛି।

ଚଳିତ ବର୍ଷ ଜୁନ ୩ରୁ ମୌସୁମୀ ଆରମ୍ଭ ହୋଇଛି। ମୌସୁମୀ ଖରିଫ ଫସଲ ପାଇଁ ଭଲ ଋତୁ ଆରମ୍ଭ ହୋଇଥିବା ସଂକେତ ଦେଇଥିଲା। ସେଥିପାଇଁ ଚାଷୀ ଶୀଘ୍ର ନଷ୍ଟ ହୋଇଯାଉଥିବ ଟମାଟୋ ଚାଷ ବଦଳରେ ଲଙ୍କା ଓ ପିଆଜ ଚାଷ କରିଥିଲେ। ତେବେ ରିପୋର୍ଟରେ କୁହାଯାଇଛି ଯେ ଜୁଲାଇରେ ମୌସୁମୀରେ ବ୍ରେକ ଲାଗିଥିଲା ଏବଂ ୨% କମ୍ ବର୍ଷା ରେକର୍ଡ କରାଯାଇଥିଲା। ଅଗଷ୍ଟ ମାସରରେ ପ୍ରତିରୋପଣ ପାଇଁ ଭଲ ସମୟ ଥିଲା କିନ୍ତୁ ସେତେବେଳେ ବର୍ଷା ଆହୁରି କମିଯାଇଥିଲା ଓ ମୌସୁମୀ ବର୍ଷା ୯ ପ୍ରତିଶତ କମ ହୋଇଥିଲା।

ଖରିଫ ପିଆଜ ଫସଲ ସାଧାରଣତଃ ଜୁନ-ଜୁଲାଇରେ କରାଯାଇଥାଏ। ଅକ୍ଟୋବର-ନଭେମ୍ବରରେ ଫସଲ କଟାଯାଇଥାଏ। ଏହି ସମୟରେ ରବି ପିଆଜ ଷ୍ଟକ ପ୍ରାୟ ସରିଆସିଥାଏ। ଯାହାର ଫଳସ୍ୱରୂପ ସେପ୍ଟେମ୍ବରରୁ ନଭେମ୍ବର ମାସରେ ବଜାରକୁ ନୂଆ ପିଆଜ ଆସିଥାଏ। ଏହି ସମୟରେ ଦେଶର ବିଭିନ୍ନ ସ୍ଥାନରେ ପାର୍ବଣ ଋତୁ ଥାଏ।

ଚଳିତ ବର୍ଷ ସଂଗୃହିତ ରବି ଫସଲ ମଧ୍ୟ ବାତ୍ୟା ତୌକତେ କାରଣରୁ ପ୍ରଭାବିତ ହୋଇଥିଲା। ୨୦୨୧ ମେ’ରେ ବାତ୍ୟା ମହାରାଷ୍ଟ୍ର ଓ ଗୁଜୁରାଟର ପ୍ରମୁଖ ପିଆଜ ଉତ୍ପାଦକ କ୍ଷେତ୍ରକୁ ପ୍ରଭାବିତ କରିଥିଲା। ଫଳରେ ପିଆଜ ଦାମ ବୃଦ୍ଧି ପାଇବା ନେଇ ଆଶଙ୍କା ପ୍ରକାଶ କରାଯାଇଛି। ପ୍ରତି ବର୍ଷ ସେପ୍ଟେମ୍ବର-ନେଭେମ୍ବର ମାସରେ ପିଆଜ ଦର ଆକାଶଛୁଆଁ ହୋଇଥାଏ। ଏଥର ମଧ୍ୟ ଦର ବୃଦ୍ଧି ପାଇବ ବୋଲି ଆଶଙ୍କା କରାଯାଉଛି। ତେବେ ଏଥର ପିଆଜ ଦର କେତେ ହେଉଛି ତାହା ଦେଖିବା ବାକି ରହିଲା।

IT ସର୍ଭେ ବିରୁଦ୍ଧରେ ସୋନୁଙ୍କୁ ମିଳିଲା ଫ୍ୟାନଙ୍କ ସମର୍ଥନ, ଟ୍ରେଣ୍ଡ କରୁଛି #IstandWithSonuSood

ମୁମ୍ବାଇ: ବଲିଉଡ ଅଭିନେତା ସୋନୁ ସୁଦଙ୍କଙ୍କ ଘରେ ଗତ ଦୁଇଦିନ ହେବ ଆୟକର ବିଭାଗ ସର୍ଭେ କରୁଛି। ତେବେ ଏ ସର୍ଭେ କ’ଣ ପାଇଁ କରାଯାଉଛି ବିଷୟରେ କୌଣସି ତଥ୍ୟ। ବୁଧବାର ଆୟକର ବିଭାଗ ସୋନୁଙ୍କ ଘର ସମେତ ତାଙ୍କ ଲିଙ୍କରେ ଥିବା ୬ଟି ସ୍ଥାନ ଉପରେ ସର୍ଭେ କରିଥିଲା। ତେବେ ଆଜି ମଧ୍ୟ ଏହି ସର୍ଭେ ଜାରି ରହିଛି। ଏହି ସର୍ଭେର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଥିବାବେଳେ, ସୋନୁଙ୍କୁ ଫ୍ୟାନମାନଙ୍କ ସମର୍ଥନ ମିଳିଛି ।

ଟ୍ୱିଟରରେ #IstandWithSonuSood ଟ୍ରେଣ୍ଡ କରୁଛି । ପ୍ରଶଂସକମାନେ ସୋନୁଙ୍କୁ ଅସଲ ହିରୋ କହିବା ସହ ସୋନୁଙ୍କ ସପକ୍ଷରେ ଟ୍ୱିଟ୍ କରୁଛନ୍ତି। ସମସ୍ତେ ସୋନୁଙ୍କୁ ୟୁଥ ଆଇକନ ବୋଲି କହୁଛନ୍ତି । କରୋନା କାଳରେ ସୋନୁ ଅନେକ ଅସହାୟ ଲୋକଙ୍କୁ ସାହାଯ୍ୟ କରିଥିଲେ। ତେବେ ତାଙ୍କର ଏହି ସାହାଯ୍ୟକୁ ମନେପକାଇ ଫ୍ୟାନମାନେ ଆଜି ତାଙ୍କ ସମର୍ଥନରେ ଛିଡ଼ା ହୋଇଛନ୍ତି।

ସୂଚନାନୁସାରେ, ସୋନୁ ସୁଦଙ୍କ ଆର୍ଥିକ ରେକର୍ଡ, ଆୟ, ଆକାଉଣ୍ଟ ବୁକ୍, ଖର୍ଚ୍ଚ ସମ୍ବନ୍ଧୀୟ ତଥ୍ୟ ଯାଞ୍ଚ କରାଯାଉଛି। ତେବେ ସୋନୁଙ୍କ ଘରେ ଚାଲିଥିବା ଏହି ସର୍ଭେକୁ ନେଇ ଆଦମୀ ପାର୍ଟି ଅସନ୍ତୋଷ ବ୍ୟକ୍ତ କରିଛି।

ଫାନମାନେ ଦୁଃଖ ପ୍ରକାଶ କରୁଛନ୍ତି ଯେ ଯେଉଁ ବ୍ୟକ୍ତି ଅନ୍ୟର ସାହାଯ୍ୟ କରନ୍ତି, ଅନ୍ୟର ଚିନ୍ତା କରନ୍ତି ତାଙ୍କୁ ସମ୍ମାନ ମିଳୁନାହିଁ। ଏ ନେଇ ଆମକୁ ଲଜ୍ୟା ଲାଗିବା କଥା। ଜଣାଇଦେବାକୁ ଚାହୁଁଯେ କରୋନା ମହାମାରୀ ବେଳେ ସୋନୁ ଲକଡାଉନ ଯୋଗୁ ଫସି ରହିଥିବା ପ୍ରବାସୀଙ୍କୁ ଘରକୁ ପଠାଇବା ହେଉ କି କୌଣସି ଗୁରୁତର କରୋନା ରୋଗୀଙ୍କ ପାଇଁ ଅକ୍ସିଜେନ ସିଲିଣ୍ଡର ବ୍ୟାବସ୍ଥା କରିବା ହେଉ, ସେ ସବୁବେଳେ ସାହାଯ୍ୟ ପାଇଁ ତତ୍ପର ରହୁଥିଲେ।

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିବାଲ ମଧ୍ୟ ସୋନୁଙ୍କ ସପକ୍ଷରେ ଟ୍ୱିଟ୍ କରିଛନ୍ତି । ସେ ଲେଖିଛନ୍ତି ଯେ ସତ୍ୟର ମାର୍ଗରେ ବହୁତ ବାଧାବିଘ୍ନ ଆସେ କିନ୍ତୁ ସତ୍ୟ ସବୁବେଳେ ବିଜୟୀ ହୁଏ। ସୋନୁ ସୁଦଙ୍କ ସହ ସେହି ଲକ୍ଷ ଲକ୍ଷ ପରିବାରର ପ୍ରାର୍ଥନା ଅଛି ଯେଉଁମାନଙ୍କୁ ସେ ଅସୁବିଧା ସମୟରେ ସାହାଯ୍ୟ କରିଥିଲେ।

ଅନ୍ୟପଟେ ଅଭିନେତା ସୋନୁଙ୍କର କିନ୍ତୁ ଏଯାଏ ଏ ସମ୍ବନ୍ଧୀୟ କୌଣସି ପ୍ରତିକ୍ରିୟା ମିଳିନାହିଁ । ଲଗାତା ଦୁଇ ଦିନ ଧରି ତାଙ୍କ ଘରେ ସର୍ଭେ କ’ଣ ପାଇଁ କରାଯାଉଛି, ତା’ର ମଧ୍ୟ କାରଣ ଅସଷ୍ପଷ୍ଟ ରହିଛି।

ଗୁଜୁରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କ ନୂଆ ମନ୍ତ୍ରିମଣ୍ଡଳ ଗଠନ, ନୋ ରିପିଟ ଫର୍ମୁଲାକୁ ନେଇ ଅନେକ ଅସନ୍ତୁଷ୍ଟ

0

ସୁରଟ: ଗୁଜୁରାଟର ନବନିଯୁକ୍ତ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲଙ୍କ ଶପଥ ଗ୍ରହଣ ପରେ ଗୁରୁବାର ନୂଚନ ମନ୍ତ୍ରିମଣ୍ଡଳ ଶପଥ ନେଉଛନ୍ତି । ହେଲେ ରାଜ୍ୟ ବିଜେପିର ନେତୃତ୍ୱ ପରିବର୍ତ୍ତନ ପରେ ଦଳରେ ବଢ଼ିଛି କନ୍ଦଳ । ନୂତନ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କ ନୋ ରିପିଟ ଫର୍ମୁଲାକୁ ନେଇ ଦେଖାଦେଇଛି ଆଭ୍ୟନ୍ତରୀଣ ମତଭେଦ । ସବୁ ଭିତରେ ଆଜି ଶପଥ ନେଇଛନ୍ତି ଗୁଜରାଟର ନୂଆ ମନ୍ତ୍ରୀମଣ୍ଡଳ ।

ଭୂପେନ୍ଦ୍ର ପଟେଲ ପୁରା କ୍ୟାବିନେଟ ପରିବର୍ତ୍ତନ ଚାହୁଥିବା ବେଳେ ଏହାକୁ ନେଇ ଅନେକ ଅସନ୍ତୁଷ୍ଟ । ଏଥିଯୋଗୁ ଗତକାଲି ହେବାକୁ ଥିବାରୁ କ୍ୟାବିନେଟ ଶପଥଗ୍ରହଣ ଉତ୍ସବକୁ ସ୍ଥଗିତ ରଖାଯାଇଥିଲା । ଆଜି ଶପଥ ଗ୍ରହଣରେ ୨୪ ମନ୍ତ୍ରୀ ଶପଥ ନେଇଛନ୍ତି । ଆଜି ଅପରାହ୍ନରେ ନୂତନ ମନ୍ତ୍ରିମଣ୍ଡଳ ବୈଠକ ଅନୁଷ୍ଠିତ ହେବ । ଏ ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।

ଏପଟେ ନୂଆ ମନ୍ତ୍ରିମଣ୍ଡଳ ଶପଥ ଗ୍ରହଣ ଚାଲିଥିବା ବେଳେ ସେପଟେ ଇସ୍ତଫା ଦେଇଛନ୍ତି ବିଧାନସଭା ବାଚସ୍ପତି ରାଜେନ୍ଦ୍ର ତ୍ରିବେଦୀ । ସେ ବାଚସ୍ପଚତି ପୁଦରୁ ଇସ୍ତଫା ଦେଇ ନୂଆ ମନ୍ତ୍ରିମଣ୍ଡଳରେ ଯୋଗ ଦେଇଛନ୍ତି ।

ଭୂପେନ୍ଦ୍ର ପଟେଲଙ୍କ ମନ୍ତ୍ରିମଣ୍ଡଳରେ ଦେଖିୂବାକୁ ମିଳିଛି କିଛି ନୂଆ ମୁହଁ । କିଛି ପ୍ରଥମ ଥର ପାଇଁ ନିର୍ବାଚନ ଜିତିଥିବାବେଳେ କିଛି ପେଶାରେ ବିଲଡର ଅଟନ୍ତି ।

ସୁରଟର ଓଲପାଡ ବିଧାନସଭା ଆସନରୁ ମୁକେଶ ପଟେଲ ଦ୍ୱିତୀୟ ଥର ବିଜେପି ବିଧାୟକ ଅଟନ୍ତି। ମୁକେଶ ଭାଇ ପଟେଲ ୨୦୧୨ ରେ ପ୍ରଥମ ଥର ପାଇଁ ବିଧାନସଭାକୁ ନିର୍ବାଚିତ ହୋଇଥିଲେ ଏବଂ ୨୦୧୭ରେ ଦ୍ୱିତୀୟ ଥର ପାଇଁ ବିଧାନସଭାରେ ପହଞ୍ଚିଥିଲେ। ମୁକେଶ ପଟେଲଙ୍କ ପତ୍ନୀଙ୍କ ନାମ ମୀନାବେନ୍ ଅଟେ। ତାଙ୍କ ଆଫିଡେଭିଟରେ ସେ ଜଣେ ବିଲଡର ଭାବରେ ତାଙ୍କର ବୃତ୍ତି ବିଷୟରେ ଉଲ୍ଲେଖ କରିଛନ୍ତି ।

ବାପା-ମାଆଙ୍କୁ ନିର୍ଯାତନା ଦେଉଥିବା ଉଦ୍ଧତ ପୁଅକୁ ଗଛରେ ବାନ୍ଧିଲେ ଗାଁ ଲୋକେ

କେନ୍ଦୁଝର: ବାପା-ମାଙ୍କୁ ନିର୍ଯାତନା ଦେଉଥିବା ଉଦ୍ଧତ ପୁଅକୁ ଗଛରେ ବାନ୍ଧିଲେ ଗାଁ ଲୋକେ। କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘଷିପୁରା ଥାନା ସଟତିରା ଗାଁରେ ଏଭଳି ଘଟିଛି। ଉଦ୍ଧତ ପୁଅ ନାଁରେ ଥାନାରେ ଅଭିଯୋଗ କରିଛନ୍ତି ବାପମାଆ। ସଟତିରା ଗାଁର ଯଦୁମଣି ନାହକଙ୍କ ଏକମାତ୍ର ପୁଅ ଶଙ୍କର ନିଜ ଇଚ୍ଛାରେ ବାହା ହେବାପରେ ବାପାମାଆଙ୍କୁ ଘରେ ରହିବାକୁ ଦେଉନାହିଁ।

ଆବାସ ଯୋଜନାରେ ବାପା ଯଦୁମଣିଙ୍କ ନାଁରେ ପକ୍କାଘର ରହିଛି। ହେଲେ ପୁଅର ବାରଣ ଯୋଗୁ ବାପା ମାଆ ଚାଳଘରେ ରହୁଛନ୍ତି ବୋଲି ଅଭିଯୋଗ କରିଛନ୍ତି ବାପା ମାଆ। ଦିନକୁ ଦିନ ପୁଅର ନିର୍ଯାନତା ବୃଦ୍ଧି ପାଉଥିବାରୁ ଯଦୁମଣି ଓ ପତ୍ନୀ ପାକନ ଗାଁ ଭଦ୍ରଲୋକଙ୍କୁ ଡାକି ସମାଧାନ କରିବାକୁ ଚାହିଁଥିଲେ।

ହେଲେ ଭଦ୍ରଲୋକଙ୍କୁ ପୁଅ ଶଙ୍କରଆକ୍ରମଣ କରିଥିଲା। ପରେ ଗ୍ରାମବାସୀ ମିଳିତ ଭାବେ ଶଙ୍କରକୁ ଏକ ଗଛରେ ବାନ୍ଧି ପକାଇ ପୋଲିସ୍ ନିକଟରେ ଅଭିଯୋଗ କରିଥିଲେ। ତେବେ ଏହା ମଧ୍ୟରେ ଶଙ୍କର ଫେରାର ହୋଇଯାଇଛି।

ସମ୍ଭାବ୍ୟ ବନ୍ୟାକୁ ଦୃଷ୍ଟିରେ ରଖି ବିଭିନ୍ନ ଜିଲ୍ଲାରେ ମୁତୟନ ହେଲେ NDRFର ୬ଟି ଟିମ୍‌

ଭୁବନେଶ୍ୱର: ସମ୍ଭାବ୍ୟ ବନ୍ୟା କୁ ଦୃଷ୍ଟି ରେ ରଖି ଉପକୂଳର୍ବୀ ଜିଲ୍ଲା ଗୁଡିକକୁ NDRF ଟିମର ମୁତୟନ କାର୍ଯ୍ୟ ଆରମ୍ଭ ହୋଇଛି। NDRF ର ମୋଟ ୬ ଟିମ ବିଭିନ୍ନ ଜିଲ୍ଲାରେ ମୁତୟନ ହୋଇଛନ୍ତି। କଟକ, କେନ୍ଦ୍ରାପଡା, ଯାଜପୁର, ପୁରୀ, ଭଦ୍ରକ ଓ ବାଲେଶ୍ୱରରେ ଗୋଟିଏ ଲେଖାଏଁ ଟିମ ମୁତୟନ ହୋଇଛନ୍ତି। ଆଉ ଦୁଇଟି ଟିମ୍‌ ମଧ୍ୟ ମୁତୟନ ପାଇଁ ପ୍ରସ୍ତୁତ ରହିଥିବା NDRF ପକ୍ଷରୁ କୁହାଯାଇଛି।

ସେପଟେ ରାଜ୍ୟରେ ସମ୍ଭାବ୍ୟ ବନ୍ୟା ସ୍ଥିତି ନେଇ ଜଳସସମ୍ପଦ ବିଭାଗର ସର୍ବୋଚ ଯନ୍ତ୍ରୀ ଧୀରେନ ସାମଲଙ୍କ ସାମ୍ବାଦିକ ସମ୍ମିଳନୀ। ଛତିଶଗଡ଼ ପଟୁ ଏବେ ହୀରକୁଦରେ ୫ ଲଷ କ୍ୟୁସେକ ଜଳ ପ୍ରେବେଶ କରୁଥିବା ବେଳେ  ଛଡ଼ାଯାଉଛି ୪ ଲକ୍ଷ ୮୧ ହଜାର କ୍ୟୁସେକ ଜଳ। ଆଜି ମୁଣ୍ଡଳିରେ ୫ ଲକ୍ଷ ୮୦ ହଜାର କ୍ୟୁସେକ ପାଣି ଛଡ଼ା ଯାଉଛି। ଯଦି ଦେଖିବା ତେବେ ଆସନ୍ତା କାଲି ୭ ଲକ୍ଷ କ୍ୟୁସେକ ପାଣି ମୁଣ୍ଡଳୀରେ ପାସ କରିବ। ଫଳରେ ସମ୍ବଲପୁର, ଯାଜପୁର, କେନ୍ଦ୍ରାପଡା ଜିଲ୍ଲାରେ ସ୍ୱଳ୍ପ ମଧ୍ୟମ ଧରଣର ବନ୍ୟା ଆସିବ ବୋଲି ସାମ୍ବାଦିକ ସମ୍ମିଳନୀରେ କୁହାଯାଇଛି।

ସେହିପରି ବନ୍ୟା ସ୍ଥିତି ଦେଖି ପୁରୀ, କଟକ, ବାଲେଶ୍ୱର, କେନ୍ଦ୍ରାପଡା, ଯାଜପୁର, ଜଗତସିଂହପୁର, ଭଦ୍ରକ ଜିଲ୍ଲାକୁ ସତର୍କ ରହିବାକୁ ନିର୍ଦେଶ ଦିଆଯାଇଛି। ବୈତରଣୀ ନଦୀର ଜଳସ୍ତର ବିପଦ ସଂକେତ ତଳେ ରହିଥିବା ବେଳେ ଏବେସୁଧା ବ୍ରାହ୍ମଣୀ ନଦୀରେ ୩ଟି ଓ ଖୋର୍ଦ୍ଧାରେ ୨ଟି ଘାଇ ସୃଷ୍ଟି ହୋଇଛି ବୋଲି ସାମ୍ବାଦିକ ସମ୍ମିଳନୀରେ କୁହାଯାଇଛି।

ଦୁଷ୍କର୍ମ ମାମଲାରେ ରାଜସ୍ଥାନ ପ୍ରଥମ, ଯୋଗୀଙ୍କ ଉତ୍ତରପ୍ରଦେଶ ଦ୍ୱିତୀୟ

0

ନୂଆଦିଲ୍ଲୀ: ନ୍ୟାସନାଲ କ୍ରାଇମ ରେକର୍ଡ ବ୍ୟୁରୋ ପକ୍ଷରୁ ସାରା ଦେଶରେ ୨୦୨୦ ମସିହାରେ ଘଟିଥିବା ଅପରାଧର ତଥ୍ୟ ପ୍ରକାଶ ପାଇଛି।  ଏହି ଆକଳନ ଅନୁଯାୟୀ ରାଜସ୍ଥାନ ସର୍ବାଧିକ ଦୁଷ୍କର୍ମ ମାମଲାରେ ଶୀର୍ଷରେ ରହିଛି। ଯେଉଁଠି ୫ ହଜାର ୩୧୦ଟି ଦୁଷ୍କର୍ମ ମାମଲା ପଞ୍ଜିକୃତ ହୋଇଛି। ଏହି ତାଲିକାରେ ଉତ୍ତରପ୍ରଦେଶ ୨ହଜାର ୭୯୬ଟି ମାମଲା ସହ ଦ୍ୱତୀୟ ସ୍ଥାନରେ ରହିଛି।

NCRB ଅନୁଯାୟୀ, ୨୦୨୦ରେ ସାରା ଦେଶରେ ମହିଳାଙ୍କ ପ୍ରତି ୩ ଲକ୍ଷ ୭୧ ହଜାର ୫୦୩ଟି ଅପରାଧିକ ମାମଲା ପଞ୍ଜିକୃତ ହୋଇଛି।  ଯାହାକି ୨୦୧୯ ତୁଳନାରେ କମ୍ । ୨୦୧୯ରେ ୪ ଲକ୍ଷ ୫ ହଜାର ୩୨୬ ମାମଲା ପଞ୍ଜିକୃତ ହୋଇଥିଲା। ଏଥି ସହିତ, ୨୦୨୦ରେ ଦେଶରେ ୨୮ ହଜାର ୪୬ଟି କେବଳ ଦୁଷ୍କର୍ମ ମାମଲା ପଞ୍ଜିକୃତ ହୋଇଛି। ଅର୍ଥାତ୍ ପ୍ରତିଦିନ ହାରାହାରି ୭୭ ବଳାତ୍କାର ମାମଲା ପଞ୍ଜିକୃତ ହୋଇଛି।

ତେବେ ଦେଖିବାକୁ ଗଲେ ଦୁଷ୍କର୍ମ ମାମଲା ୨୦୧୯ ତୁଳନାରେ ହ୍ରାସ ପାଇଛି। ତଥାପି ପରିସ୍ତିତି ସୁଧୁରି ନାହିଁ। ଗତ ବର୍ଷ ମଧ୍ୟ ରାଜସ୍ଥାନ ଦୁଷ୍କର୍ମ ମାମଲାରେ ଶୀର୍ଷରେ ରହିଥିଲା। ୨୦୧୯ରେ ରାଜସ୍ଥାନରେ ୫ ହଜାର ୯୯୭ଟି ଦୁଷ୍କର୍ମ ମାମଲା ପଞ୍ଜିକୃତ ହୋଇଥିଲା। ଗତବର୍ଷ ମଧ୍ୟ ଉତ୍ତରପ୍ରଦେଶ ଦ୍ୱିତାୟ ଓ ତୃତୀୟ ସ୍ଥନରେ ଥିଲା ମଧ୍ୟପ୍ରଦେଶ।

ସୂଚନାଯୋଗ୍ୟ, NCRB ଅନୁଯାୟୀ ଦେଶରେ ୨୦୨୦ରେ ସାରା ଦେଶରେ ୨୯ ହଜାର ୧୯୩ଟି ହତ୍ୟା ମାମଲା ରୁଜୁ ହୋଇଛି । ସେହିପରି ଶିଶୁ ଅପହରଣ ଓ ମୁଣ୍ଡଜାମିନ ଘଟଣା ମଧ୍ୟ ବୃଦ୍ଧି ପାଇଛି। ଜାତିଆଣ ମାମଲା ୨୦୧୯ ତୁଳନାରେ ଗତବର୍ଷ ସାରା ଦେଶରେ ବଢିଛି । ୨୦୨୦ରେ ୫୦ ହଜାର ୩୫ଟି ଘଟିଛି ସାଇବର ଠକେଇ । ପରିବେଶ ସମ୍ବନ୍ଧିତ ଅପରାଧ ପୂର୍ବ ବର୍ଷ ତୁଳନାରେ ୭୮ ପ୍ରତିଶତ ବୃଦ୍ଧି ପାଇଛି। କିନ୍ତୁ ୨୦୧୯ ତୁଳନାରେ ଦେଶରେ କମିଛି ଜମିବାଡ଼ି ସଂକ୍ରାନ୍ତୀୟ ମାମଲା। ଦେଶରେ ନକଲି ନୋଟ କାରବାର ପୂର୍ବ ବର୍ଷ ତୁଳନାରେ ୧୯୦ ପ୍ରତିଶତ ବୃଦ୍ଧି ପାଇଥିବା NRCB ରିପୋର୍ଟ ରେ ପ୍ରକାଶ ପାଇଛି।

ସାମ୍ନାକୁ ଆସିଲା ନୁସରତଙ୍କ ପୁଅର ପିତାଙ୍କ ପରିଚୟ, ଜନ୍ମ ପ୍ରମାଣପତ୍ରରେ ଅଛି ଏହି ନାମ

କୋଲକାତା: ଅଭିନେତ୍ରୀ ନୁସରତ ଜହାଁଙ୍କ ଗର୍ଭଧାରଣ ଅନେକ ଚର୍ଚ୍ଚାରେ ଥିଲା ଏବଂ ସମସ୍ତଙ୍କ ମନରେ କେବଳ ଗୋଟିଏ ପ୍ରଶ୍ନ ଥିଲା ଯେ ପିଲାର ବାପା କିଏ। ବର୍ତ୍ତମାନ ଏହା ଉପରୁ ପରଦା ହଟିଛି । ଅଗଷ୍ଟ ୨୬, ୨୦୨୧ ରେ ନୁସରତ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ, ସେତେବେଳେ ମଧ୍ୟ ଲୋକମାନେ ଜାଣିବାକୁ ଚାହିଁଥିଲେ ଯେ ପିଲାର ବାପା କିଏ ? ବର୍ତ୍ତମାନ ଏହା ନିଶ୍ଚିତ ହୋଇଛି ଯେ ପିଲାଟିର ବାପ ଅଭିନେତା ୟଶ ଦାସଗୁପ୍ତା ।

ସୂଚନା ଅନୁସାରେ, ନୁସରତଙ୍କ ପୁଅର ଜନ୍ମ ପଞ୍ଜିକରଣର ବିବରଣୀ ସର୍ବସାଧାରଣ ଡୋମେନରେ ପ୍ରକାଶ ପାଇଛି, ଯେଉଁଥିରେ ଶିଶୁର ସମ୍ପୂର୍ଣ୍ଣ ନାମ ଇଶାନ ଜେ ଦାସଗୁପ୍ତା ଭାବରେ ଲେଖାଯାଇଛି। କୋଲକାତା ମ୍ୟୁନିସିପାଲିଟି କର୍ପୋରେସନରେ ଦାଖଲ ହୋଇଥିବା ଦଲିଲ ଅନୁଯାୟୀ ବାପାଙ୍କ ନାମ ଦେବାଶିସ ଦାସଗୁପ୍ତା ଭାବରେ ଲେଖାଯାଇଛି, ଏହା ହେଉଛି ଅଭିନେତା ୟଶ ଦାସଗୁପ୍ତଙ୍କ ସରକାରୀ ନାମ। ବର୍ତ୍ତମାନ ଏହି ଦଲିଲରୁ ଏହା ସ୍ପଷ୍ଟ ହୋଇଛି ଯେ ନୁସରତଙ୍କ ପୁଅର ବାପା ୟଶ ଦାସଗୁପ୍ତ। ଅଭିନେତ୍ରୀଙ୍କ ଗର୍ଭବତୀ ହେବାର ଖବର ପରଠାରୁ ଲୋକମାନେ ୟଶ ଦାସଗୁପ୍ତଙ୍କୁ ଶିଶୁର ବାପା ବୋଲି କଳ୍ପାନା କରୁଥିଲେ, କିନ୍ତୁ ବର୍ତ୍ତମାନ ଏହା ସରକାରୀ ଭାବେ ପ୍ରମାଣିତ ହୋଇଛି।

ପୁଅର ଜନ୍ମ ପରେ ୟଶ ଜନସାଧାରଣଙ୍କୁ ଖୁସି ଖବର ଦେଇଥିଲେ। କେବଳ ଏତିକି ନୁହେଁ, ଡାକ୍ତରଖାନାରୁ ଡିସଚାର୍ଜ ହେବା ପରେ ୟଶ ନୁସରତଙ୍କ ସହ ଥିଲେ ଏବଂ ସେ ପିଲାଟିକୁ କୋଳରେ ଧରିଥିଲେ। ନୁସରତ ଜହାଁ ଏବଂ ୟଶଙ୍କ ସମ୍ପର୍କର କଳ୍ପନା ସେବେଠାରୁ କରାଯାଇଥିଲା ଯେବେଠାରୁ ସେ ନିଖିଲ ଜୈନଙ୍କୁ ବିବାହ କରିଥିଲେ। ତେବେ ନୁସରତ ନିଖିଲଙ୍କ ସହ ତାଙ୍କ ବିବାହକୁ ବେଆଇନ ବୋଲି କହିଥିଲେ ଏବଂ ଭାରତର ଆଇନରେ ଏହି ବିବାହ ବୈଧ ନୁହେଁ ବୋଲି କହିଥିଲେ।

ବବଳିପାହାଡ଼ ଏବଂ କୁଙ୍ଖରୀ ଜଙ୍ଗଲରେ ମାଓ କ୍ୟାମ୍ପ ଧ୍ୱଂସ, ଜବତ ହେଲା ବିପୁଳ ପରିମାଣରେ ମାଓ ସାମଗ୍ରୀ

ମାଲକାନଗିରି: ମାଲକାନଗିରି ଜିଲ୍ଲା ବବଳିପାହାଡ଼ ଏବଂ କୁଂଖରୀ ଜଙ୍ଗଲରେ ମାଓ ପୋଲିସ ମୁହାଁମୁହିଁ। ମାଓ କ୍ୟାମ୍ପ ଥିବା ଖବର ପାଇ ଚଢ଼ାଉ ବେଳେ ମାଓ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଛି। ଗୁଳି ବିନିମୟରେ ଟପ ମାଓ ନେତା ସୁରେଶ ଓ ଅନ୍ୟ ସଦସ୍ୟମାନେ ଛତ୍ରଭଙ୍ଗ ଦେଇଛନ୍ତି। ପୋଲିସ ଘଟଣାସ୍ଥଳରୁ ବିପୁଳ ପରିମାଣର ମାଓ ସାମଗ୍ରୀ ଜବତ କରିଛି। ଗୋଟିଏ ୩୦୩ ରାଇଫଲ, ମାଗାଜିନ, ଗୁଳି, ଔଷଧ, ୱାକିଟକି, ପୋଷାକ, ଜୋତା ସହ ବହୁ ଜିନିଷ ଜବତ କରାଯାଇଛି। ଗତ ୧୪ ତାରିଖରେ କୋରାପୁଟ ପୋଲିସ SZC କ୍ୟାଡରର ମାଓବାଦୀ ମହେନ୍ଦ୍ରକୁ ଗିରଫ କରିଥିଲା। ଏହାପରେ ଏହି ସଫଳତା ମିଳିଥିବା ମାଲକାନଗିରି ଏସପି ସୂଚନା ଦେଇଛନ୍ତି।