spot_img
Home Blog Page 5348

ଶୁଆ ସାକ୍ଷୀରେ ଦୁଷ୍କର୍ମ ଓ ହତ୍ୟା ଅଭିଯୁକ୍ତ ହେବେ ଦଣ୍ଡିତ !

ନୂଆଦିଲ୍ଲୀ: ଦୁଷ୍କର୍ମ ମାମଲାରେ ସାକ୍ଷୀ ଦେବ ଶୁଆ। କେବଳ ଏତିକି ନୁହେଁ ଶୁଆର ସାକ୍ଷୀରେ ଜଣେ ଅଭିଯୁକ୍ତ ଦଣ୍ଡ ମଧ୍ୟ ପାଇବ। ଘଟଣାଟି ଆଶ୍ଚର୍ଯ୍ୟ ଲାଗୁଥିଲେ ବି ସତ। ଆର୍ଜେଣ୍ଚିନା କୋର୍ଟରେ ୨ ଜଣ ଦୁଷ୍କର୍ମ ଅଭିଯୁକ୍ତଙ୍କୁ ଏକ ଶୁଆର ସାକ୍ଷୀରେ ଦଣ୍ଡିତ କରାଯାଇଛି ।

ସୂଚନା ମୁତାବକ ଅଭିଯୁକ୍ତ ଜଣେ ୪୬ ବର୍ଷୀୟା ମହିଳାଙ୍କୁ ଦୁଷ୍କର୍ମ କରି ହତ୍ୟା କରିଛନ୍ତି। ମହିଳାଙ୍କ ଶବ ତାଙ୍କ ଭଡ଼ାଘରୁ ମିଳିଛି, ଯେଉଁଠି ଅନ୍ୟ ୨ ଜଣ ସଦସ୍ୟ ମଧ୍ୟ ରୁହନ୍ତି। ତେବେ ଏମାନଙ୍କ ବୟାନ ନେବା ପରେ ଘରେ ଥିବା ଏକ ଶୁଆଠୁ ଅଭିଯୁକ୍ତ ବିରୁଦ୍ଧରେ ପ୍ରମୁଖ ସୁରାଗ ମିଳିଥିବା ପୋଲିସ କୋର୍ଟକୁ କହିଛି।

ଶୁଆଟି କୋର୍ଟରେ ସାକ୍ଷୀ ଦେବାବେଳେ ସ୍ଥାନୀୟ ଭାଷାରେ କହିଥିଲା, ‘ନା….ଦୟାକର…ମୋତେ ଯିବାକୁ ଦିଅ।’ ପୋଲିସ ମୁତାବକ ଘଟଣା ସମୟରେ ଶୁଆଟି ଘଟଣାସ୍ଥଳରେ ଥିଲା ଓ ଏହାକୁ ପୀଡ଼ିତା ହିଁ ପାଳୁଥିଲେ।  ପୋଲିସର କହିବା କଥା ଯେ, ତାଙ୍କ ମାଲିକାଣୀର ଶେଷ ଶବ୍ଦ ଶୁଣିବା ପରେ ଶୁଆଟିକୁ ସକ୍ତ ଧକ୍କା ଲାଗିଛି। ଆଉ ବାରମ୍ବାର ସେହି ଶବ୍ଦ ଗୁଡ଼ିକୁ କହୁଛି। ଜଣାଇଦେବାକୁ ଚାହୁଁ ଯେ ଘଟଣାଟି ୨୦୧୮ ଡିସେମ୍ବରରେ ଘଟିଥିଲା। ବର୍ତ୍ତମାନ ଏହାର ୨ ଜଣ ଅଭିଯୁକ୍ତଙ୍କୁ ଶୁଆର ସାକ୍ଷୀ ଆଧାରରେ ଓ ଅନ୍ୟ କିଛି ପ୍ରମାଣ ଆଧାରରେ ଦଣ୍ଡିତ କରାଯିବ।

ଟି-ଟ୍ୱେଣ୍ଟି ଫର୍ମାଟ ଅଧିନାୟକ ପଦ ଛାଡ଼ିବେ ବିରାଟ କୋହଲି

ମୁମ୍ବାଇ: ଟି-ଟ୍ୱେଣ୍ଟି ୱାର୍ଲ୍ଡ କପ୍ ପୂର୍ବରୁ ବିରାଟ କୋହଲି ବଡ଼ ନିଷ୍ପତ୍ତି ନେଇଛନ୍ତି । ଟିମ୍ ଇଣ୍ଡିଆ କ୍ୟାପଟେନ ଘୋଷଣା କରିଛନ୍ତି ଯେ, ସେ ଅକ୍ଟୋବରରେ ହେବାକୁ ଥିବା ଟି-୨୦ ବିଶ୍ୱକପ ପରେ ଏହି ଫର୍ମାଟର ଅଧିନାୟକତ୍ୱ ଛାଡିବେ । ସୋସିଆଲ ମିଡିଆରେ ଟ୍ୱିଟ୍ କରି ବିରାଟ ଏସମ୍ପର୍କରେ ସୂଚନା ଦେଇଛନ୍ତି । ତେବେ ସେ ବ୍ୟାଟ୍ସ ମ୍ୟାନ୍ ଭାବେ ଏହି ଫର୍ମାଟକୁ ଖେଳିବେ ବୋଲି ସ୍ପଷ୍ଟ କରିଦେଇଛନ୍ତି । ତେବେ ବିରାଟ ଅଧିନାୟକତ୍ୱ ଛାଡିବା ପରେ କିଏ ତାଙ୍କ ସ୍ଥାନ ନେବ ତାକୁ ନେଇ ଏବେ ପ୍ରଶ୍ନ ଉଠିଛି । କ୍ୟାପଟେନ୍ ପଦ ଦୌଡରେ ରୋହିତ ଶର୍ମାଙ୍କ ନାମ ଆଗରେ ରହିଛି ।

ବିରାଟ କୋହିଲି ନିଜ ନିଷ୍ପତ୍ତି ବାବଦରେ ସୂଚନା ଦେଇ ଲେଖିଛନ୍ତି ଯେ, ମୁଁ ନିଜ ପାଖ ଲୋକଙ୍କ ସହିତ ପରାମର୍ଶ ପରେ ଏହି ନିଷ୍ପତ୍ତି ନେଇଛି । ରୋହିତ ଶର୍ମା ଓ ରବି ଶାସ୍ତ୍ରୀଙ୍କ ସହିତ ଆଲୋଚନା ପରେ ହିଁ ଏହି ନିଷ୍ପତ୍ତି ମୁଁ ନେଇଛି । ଟି-୨୦ ବିଶ୍ୱକପ ପରେ ମୁଁ ଟି ଟ୍ୱେଣ୍ଟି ଫର୍ମାଟର ଅଧିନାୟକତ୍ୱ ଛାଡି ଦେବି । ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ଓ ସଚିବ ଜୟ ଶାହଙ୍କ ସମେତ ସମସ୍ତ ସିଲେକ୍ଟରଙ୍କ ସହିତ ଏ ବାବଦରେ ଆଲୋଚନା କରିଥିଲି । ମୁଁ ଭାରତୀୟ ଟିମର ସେବା କରିବା ଜାରି ରଖିବି ।

ବନ୍ୟାଞ୍ଚଳରେ ବଡ଼ଚଣା ବିଧାୟକ, ବୁଝିଲେ ଲୋକଙ୍କ ସମସ୍ୟା

ଚଣ୍ଡିଖୋଲ: ଲଗାଣ ବର୍ଷାରେ ପ୍ରଭାବିତ ହୋଇଛି ଯାଜପୁର ଜିଲ୍ଲା । ଲଗାଣ ବର୍ଷା ଯୋଗୁ ବିଭିନ୍ନ ନଦୀର ଜଳସ୍ତର ବୃଦ୍ଧି ପାଇବା ଫଳରେ ଗାଁ ଗଣ୍ଡାରେ ପାଣି ପଶିଛି । ଧର୍ମଶାଳା ବ୍ଲକର ପଟୁଣିଆ ପଞ୍ଚାୟତରେ ବନ୍ୟା ପରିସ୍ଥିତି ଦେଖା ଦେଇଛି । ବିଭିନ୍ନ ଗାଁରେ ରାସ୍ତା ଓ ଘରେ ପାଣି ପଶିଛି । ଲୋକେ ଜଳ ବନ୍ଦୀରେ ରହିଛନ୍ତି । ଏକର ଏକର ଚାଷ ଜମିରେ ପାଣି ଜମି ରହିଛି । ଧାନ ଓ ପନିପରିବା ଫସଲ ଉଜୁଡି ଯାଇଛି । ଯାହାକୁ ନେଇ ଚାଷୀ ଚିନ୍ତାରେ ପଡ଼ିଛନ୍ତି ।

Badachana MLA In Flood Affected Area

ବଡ଼ଚଣା ବ୍ଲକର ୨୦ଟି ପଞ୍ଚାୟତ ଏବେବି ପାଣି ଘେରରେ ରହିଛି । ପତରାଜପୁର, ଚାରିନଙ୍ଗଳ, ଗୋପାଳପୁର, ମଝିପଡ଼ା, ଅଚ୍ୟୁତବସନ୍ତ ଭଳି ବହୁ ପଞ୍ଚାୟତର ଗାଁରେ ପାଣି ପଶିଛି । ବିଭିନ୍ନ ରାସ୍ତା ଉପରେ ପାଣି ଚାଲୁଥିବାରୁ ଗମନାଗମନ ଠପ ହୋଇ ପଡ଼ିଛି । ବର୍ଷା ପରେ ଲୋକଙ୍କ ଦୁର୍ଦଶା ବଢ଼ି ଯାଇଛି । ବଡ଼ଚଣା ବ୍ଲକର ବନ୍ୟାଞ୍ଚଳ ପରିଦର୍ଶନ କରିଛନ୍ତି ବିଧାୟକ ଅମର ପ୍ରସାଦ ଶତପଥି । ବିଧାୟକଙ୍କ ସହ ଦର୍ପଣ ତହସିଲଦାର, ବିଡିଓ, ଡ୍ରେନେଜ ବିଭାଗୀୟ ଅଧିକାରୀ ବନ୍ୟାଞ୍ଚଳ ବୁଲି ଲୋକଙ୍କୁ ଭେଟି ସହାୟତା ଯୋଗାଇ ଦିଆଯିବ ବୋଲି କହିଛନ୍ତି ।

ଆତ୍ମଘାତୀ ଆକ୍ରମଣକାରୀଙ୍କୁ ଜନ୍ନତରେ ମିଳିବେ ବଲିଉଡ୍ ହିରୋଇନ୍, ଏମିତି କହିଲା ପାକିସ୍ତାନୀ ତାଲିବାନ

ଇସଲାମାବାଦ: ମାଦ୍ରାସାରେ ପାଠପଢ଼ୁଥିବା ଯୁବକମାନଙ୍କୁ ତହରୀକ-ଏ-ତାଲିବାନ ପାକିସ୍ତାନ (TTP) କହିଛି ଯେ, ଯେତେବେଳେ ତମେ ମାନେ ଫିଦାୟୀନ ହମଲା ( Suicide Attack) ରେ ଶହିଦ ହେବ, ସେତେବେଳେ ତୁମକୁ ଜନ୍ନତରେ କେବଳ ମଦର ନଦୀ ନୁହେଁ ବରଂ ବଲିଉଡର ହିରୋଇନ ମାନେ ସେଠାରେ ସ୍ୱାଗତ କରିବେ ।

ଫିଦାୟୀନ ଆକ୍ରମଣକାରୀ ଖୋଲିଲେ ଏହି ରହସ୍ୟ

ଫିଦାୟୀନ ଆକ୍ରମଣ ପାଇଁ ପ୍ରସ୍ତୁତ କରାଯାଉଥିବା ତହରୀକ- ଏ- ତାଲିବାନ ପାକିସ୍ତାନର ଆତଙ୍କବାଦୀଙ୍କୁ, ପାକିସ୍ତାନ ସେନା ପଚରାଉଚରାବେଳେ ଏହା ଜାଣିବାକୁ ମିଳିଲା ଯେ, ସେମାନେ ଜନ୍ନତରେ ବଲିଉଡ ହିରୋଇନ ମାନଙ୍କୁ ଭେଟିବା ପାଇଁ ଚାହୁଛନ୍ତି । ଟିଟିପି ଏହି ଆତଙ୍କବାଦୀମାନଙ୍କ ବ୍ରେନୱାସ କରିଥିବା ସେନା ଜାଣିବାକୁ ପାଇଥିଲା ।

ବଲିଉଡ ହିରୋଇନମାନେ ଜନ୍ନତରେ ଅପେକ୍ଷା କରିଛନ୍ତି- ଟିଟିପି

ସେନା ଅଧିକାରୀମାନେ କହିଛନ୍ତି ଯେ, ଫିଦାୟୀନ ଆତଙ୍କବାଦୀଙ୍କ ରୁମ୍ କାନ୍ଥରେ ରାନୀ ମୁଖାର୍ଜୀ ଏବଂ କାଜୋଲଙ୍କ ସମେତ ଅନ୍ୟ ବଲିଉଡ ଅଭିନେତ୍ରୀଙ୍କ ଫଟୋ ଲାଗିଥିବା ଦେଖିଛନ୍ତି । ଯୁବ ଆତ୍ମଘାତୀ ବିସ୍ଫୋରଣକାରୀମାନେ ବିଶ୍ୱାସ କରନ୍ତି ଯେ ଏହି ବଲିଉଡ ଅଭିନେତ୍ରୀମାନେ ସେମାନଙ୍କୁ ସ୍ୱର୍ଗରେ ଅପେକ୍ଷା କରିଛନ୍ତି । ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି।

ଟିଟିପିକୁ ନେଇ ଭୟରେ ପାକିସ୍ତାନୀ ସେନା

ଉଲ୍ଲେଖନୀୟ କଥା ହେଉଛି, ଆଫଗାନିସ୍ତାନରେ ତାଲିବାନର ଖୁସି ମଧ୍ୟରେ ପାକିସ୍ତାନୀ ସେନା ଅଧିକାରୀମାନେ ଖୁବ ଚିନ୍ତିତ ଅଛନ୍ତି । ତହରିକ-ଏ-ତାଲିବାନ ପାକିସ୍ତାନ (ଟିଟିପି)ର ଆତଙ୍କବାଦୀମାନେ ଏପର୍ଯ୍ୟନ୍ତ ପାକିସ୍ତାନୀ ସୁରକ୍ଷା ବାହିନୀ ଉପରେ ଅନେକ ଥର ଆକ୍ରମଣ କରିଛନ୍ତି । ଯେଉଁଥିରେ ୩୦ ରୁ ଅଧିକ ପାକିସ୍ତାନୀ ସୁରକ୍ଷା କର୍ମୀ ନିହତ ହୋଇଛନ୍ତି ।

ପାକିସ୍ତାନୀ ସେନାର ଚିନ୍ତା ହେଉଛି ଯେ ତାଲିବାନୀମାନେ ଆଫଗାନିସ୍ତାନ ଦଖଲ କରିବା ପରେ ତହରିକ-ଏ-ତାଲିବାନ ପାକିସ୍ଥାନ (ଟିଟିପି) ପାକିସ୍ତାନରେ ଶକ୍ତିଶାଳୀ ହୋଇପାରେ । ଏହା ହୁଏତ CPEC ପ୍ରକଳ୍ପ ଏବଂ ପାକିସ୍ତାନରେ ଥିବା ଚୀନ୍ ନାଗରିକଙ୍କ ଉପରେ ଆକ୍ରମଣ ଆଶଙ୍କା ବଢ଼ାଇପାରେ ।

ଲଗାତର ୧୨ ଘଣ୍ଟା ବର୍ଷା, ବୁଡ଼ିଲା ଲକ୍ଷ୍ନୌ

0

ଲକ୍ଷ୍ନୌ: ଲଗାଣ ବର୍ଷା ଯୋଗୁ ରାଜଧାନୀ ଦିଲ୍ଲୀ ସମେତ ଉତ୍ତର ଭାରତର ଅଧିକାଂଶ ଅଞ୍ଚଳ ପାଣି ଘେରରେ ରହିଛି। ଉତ୍ତର ପ୍ରଦେଶର ଅନେକ ଅଞ୍ଚଳରେ ବନ୍ୟା ସୃଦଷ ପରିସ୍ଥିତି ଉପୁଜିଛି। ବିଶେଷ କରି ରାଜଧାନୀ ଲକ୍ଷ୍ନୌ  ଓ ଇଟାୱାରେ ଲଗାତାର ୧୨ ଘଣ୍ଟା ପ୍ରବଳ ବର୍ଷା ହେବାରୁ ସ୍ଥିତି ସଙ୍ଗୀନ ହୋଇପଡ଼ିଛି।

ଲକ୍ଷ୍ନୌରେ ଗତ ୧୨ ଘଣ୍ଟା ଧରି ଲଗାତାର ବର୍ଷା ଚାଲିଛି। ପ୍ରବଳ ବର୍ଷା ଯୋଗୁଁ ଜନଜୀବନ ପ୍ରଭାବିତ ହୋଇଛି। ଗୋମତି ନାଗର, ହଜରତଗଞ୍ଜ, ଠାକୁରଗଞ୍ଜ, ଆଲାମବାଗ, ଓ ଇନ୍ଦିରା ନଗର ବଳି ଅଞ୍ଚଳ ସମ୍ପୂର୍ଣ ପାଣିଘେରରେ ରହିଛି । ଏପରିକି ଲୋକଙ୍କ ଘରେ ବି ପାଣି ପଶିଯାଇଛି। ଲକ୍ଷ୍ନୌରେ ରାତି ସାରା ବର୍ଷା ଯୋଗୁ ଅନେକ ସ୍ଥାନରେ ରାସ୍ତା ଧୋଇଯିବା ସହ ଗଛ ମଧ୍ୟ ଭାଙ୍ଗିଯାଇଛି। ରାସ୍ତାରେ ପାଣି ଜମିଥିବାରୁ ବହୁତ ଦୁର୍ଘଟଣା ବି ହେଉଛି। ତେଣୁ ପୋଲିସ ଲୋକମାନଙ୍କୁ ଆବଶ୍ୟକ ନଥିଲେ ଘର ନବାହାରିବାକୁ ପରାମର୍ଶ୍ୟ ଦେଇଛି।

ଅମେଠିରେ ମଧ୍ୟ ଗତ ୨୪ ଘଣ୍ଟା ହେଲା ଲଗାଣ ବର୍ଷା ଯୋଗୁ ସରକାରୀ ଅଫିସଗୁଡ଼ିକରେ ପାଣି ପଶିଯାଇଛି। ଫଳରେ କାମ ସମ୍ପୂର୍ଣ୍ଣ ଠପ୍ ହୋଇଯାଇଛି।  କେବଳ ଏତିକି ନୁହେଁ ପ୍ରବଳ ବର୍ଷା ଯୋଗୁ ଆଜି ବାରବାଙ୍କିରେ ହେବାକୁ ଥିବା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସାଧାରଣ ସଭା ମଧ୍ୟ ବାତିଲ କରାଯାଇଛି। ଏଥିପାଇଁ ନିର୍ମିତ ପାଣ୍ଡାଲ, ହେଲିପ୍ୟାଡ ଏବଂ ସଭା ସ୍ଥଳ ପାଣିରେ ବୁଡ଼ିଯାଇଛି।

‘ମୁଁ କାମରେ ବହୁତ ବ୍ୟସ୍ତ ଥିଲି, ରାଜ୍ କ’ଣ କରୁଥିଲେ ଜାଣିନଥିଲି’- ଶିଳ୍ପା ସେଟ୍ଟୀ

ମୁମ୍ବାଇ: ପରିବାର ଭିତରେ ଲାଗିରହିଥିବା ଅସୁବିଧାକୁ ଦୂର କରିବା ପାଇଁ ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀ ମାତା ବୈଷ୍ଣବୀ ଦେବୀଙ୍କ ମନ୍ଦିରରେ ପହଞ୍ଚି ସେଠାରେ ମା’ଙ୍କ ଆଶୀର୍ବାଦ ନେଇଛନ୍ତି । ଅଶ୍ଳୀଳ ଭିଡିଓ ତିଆରି କରି ଆପ୍ ମାଧ୍ୟମରେ ଉପସ୍ଥାପନ କରିବା ମାମଲାରେ ତାଙ୍କ ସ୍ୱାମୀ ରାଜ କୁନ୍ଦ୍ରା ଏବେ ଜେଲରେ ଅଛନ୍ତି । ଏହି ମାମଲାରେ ମୁମ୍ବାଇ ପୋଲିସ ବ୍ୟବସାୟୀ ରାଜ କୁନ୍ଦ୍ରାଙ୍କ ବିରୋଧରେ ଚାର୍ଜସିଟ ଦାଖଲ କରିଛି । ୧୫୦୦ ପୃଷ୍ଠା ବିଶିଷ୍ଠ ଚାର୍ଜସିଟରେ ୪୩ ସାକ୍ଷୀଙ୍କ ନାମ ଦିଆଯାଇଛି । ତେବେ ଶିଳ୍ପା ପୋଲିସକୁ ଦେଇଥିବା ଏହି ମାମଲାରେ ବିବୃତ୍ତି ଏବେ ସାମ୍ନାକୁ ଆସିଛି ।

ମୁମ୍ବାଇ ପୋଲିସ ସୂଚନା ଦେଇଛି ଯେ, ଚାର୍ଟ ସିଟରେ ୪୩ ଜଣ ସାକ୍ଷୀଙ୍କ ବୟାନ ରେକର୍ଡ କରାଯାଇଛି। ଏହି ୪୩ ସାକ୍ଷୀଙ୍କ ମଧ୍ୟରେ ରାଜ କୁନ୍ଦ୍ରାଙ୍କ ପତ୍ନୀ ତଥା ଅଭିନେତ୍ରୀ ଶିଳ୍ପା ସେଟ୍ଟୀ ଏବଂ ଶେର୍ଲିନ୍ ଚୋପ୍ରା ସାମିଲ ଅଛନ୍ତି। ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଖବର ଅନୁଯାୟୀ ଶିଳ୍ପା ସେଟ୍ଟୀ ମୁମ୍ବାଇ ପୋଲିସକୁ କହିଛନ୍ତି ଯେ, ସେ ତାଙ୍କ କାର୍ଯ୍ୟରେ ବ୍ୟସ୍ତ ଥିଲେ, ରାଜ କୁନ୍ଦ୍ରା କଣ କରୁଥିଲେ ତାଙ୍କୁ ତାହା ଜଣାନାହିଁ।

ଶିଳ୍ପାଙ୍କ ବୟାନ ପର୍ଣ୍ଣ ରାକେଟ ମାମଲାରେ ମୁମ୍ବାଇ ପୋଲିସ କୁନ୍ଦ୍ରା ଏବଂ ତାଙ୍କ କମ୍ପାନୀର ଆଇଟି ମୁଖ୍ୟ ରିଆନ୍ ଥର୍ପେଙ୍କ ବିରୋଧରେ ଦାଖଲ ହୋଇଥିବା ୧୪୦୦ ପୃଷ୍ଠାର ଚାର୍ଜସିଟର ଏକ ଅଂଶ । ଶିଳ୍ପା ତାଙ୍କ ବୟାନରେ କହିଛନ୍ତି ଯେ, ରାଜ କୁନ୍ଦ୍ରା ୨୦୧୫ ମସିହାରେ ଭିଆନ୍ ଇଣ୍ଡଷ୍ଟ୍ରିଜ୍ ଲିମିଟେଡ୍ ଆରମ୍ଭ କରିଥିଲେ। ୨୦୨୦ ପର୍ଯ୍ୟନ୍ତ ମୁଁ ତାଙ୍କ ସହିତ ଜଣେ ନିର୍ଦ୍ଦେଶକ ଭାବରେ ଥିଲି, କିନ୍ତୁ ପରେ ବ୍ୟକ୍ତିଗତ କାରଣରୁ ମୁଁ ଇସ୍ତଫା ଦେଇଥିଲି ।

ଶିଳ୍ପା କହିଛନ୍ତି ଯେ, ତାଙ୍କୁ Hotshots ଏବଂ Bollyfame ଭଳି ଆପ୍ସ ବିଷୟରେ କୌଣସି ଜ୍ଞାନ ନାହିଁ । ମୁଁ ମୋ କାମରେ ବହୁତ ବ୍ୟସ୍ତ ଥିଲି ଏବଂ ସେଥିପାଇଁ ରାଜ କୁନ୍ଦ୍ରା କଣ କରୁଥିଲେ ମୋତେ ସେ ବାବାଦରେ କିଛି ଜଣାନଥିଲା ।

ପୋଲିସ ଚାର୍ଜସିଟରେ ଦାବି କରିଛି ଯେ, ପର୍ଣ୍ଣ ରାକେଟର ଦୈନନ୍ଦିନ କାର୍ଯ୍ୟ ପାଇଁ କୁନ୍ଦ୍ରା ଭିଆନ ଇଣ୍ଡଷ୍ଟ୍ରିଜର ମୁମ୍ବାଇ କାର୍ଯ୍ୟାଳୟକୁ ବ୍ୟବହାର କରିଥିଲେ । ମୁମ୍ବାଇ ପୋଲିସ କହିଛି ଯେ ହଟ୍‌ସଟ୍‌ କିମ୍ବା ବଲିଫେମ୍‌ ଏପରି କିଛି ଆବେଦନ ଥିଲା ଯେଉଁଥିରେ ରାଜ କୁନ୍ଦ୍ରା ଅଶ୍ଳୀଳ ଭିଡିଓ ଅନଲାଇନରେ ଅପଲୋଡ୍ କରିଥିଲେ । ଶିଳ୍ପା ସେଟ୍ଟୀଙ୍କ ବ୍ୟତୀତ କୁନ୍ଦ୍ରା ଏବଂ ଥର୍ପେଙ୍କ ବିରୋଧରେ ମାମଲା ପ୍ରମାଣ କରିବାକୁ ଆଉ ୪୨ ଜଣ ସାକ୍ଷୀଙ୍କ ବୟାନ ରହିଛି, ସେମାନଙ୍କ ମଧ୍ୟରୁ କେତେକ ମାଜିଷ୍ଟ୍ରେଟଙ୍କ ଆଗରେ ଦାଖଲ କରାଯାଇଛି ।

ପ୍ରତିରକ୍ଷା କେନ୍ଦ୍ରର ଗୁପ୍ତ ତଥ୍ୟ ଲିକ୍ ମାମଲା, ତଦନ୍ତ ପାଇଁ ପହଞ୍ଚିଲା NIA ଟିମ୍

ବାଲେଶ୍ୱର: ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା ଘାଟିରୁ ତଥ୍ୟ ଲିକ୍ ମାମଲା । ତଦନ୍ତ ପାଇଁ ବାଲେଶ୍ୱରରେ ପହଞ୍ଚିଲେ ୨ ଜଣିଆ NIA ଟିମ୍ । କଲିକତାରୁ NIAର ୨ ଜଣିଆ ଟିମ୍ ଆସି ପହଞ୍ଚିଛନ୍ତି । ମାମଲାରେ ବାଲେଶ୍ୱର ପୋଲିସ ମଙ୍ଗଳବାର ୪ ଜଣଙ୍କୁ ଗିରଫ କରିଥିବା ବେଳେ ଆଜି ଜଣଙ୍କୁ ଗିରଫ କରିଛି । ଅଭିଯୁକ୍ତମାନଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।

Chandipur Espionage Case, 2 Members Team Of NIA In Balasore

ଏବେ ଏହି ମାମଲାର ତଦନ୍ତ ଓଡ଼ିଶା କ୍ରାଇମବ୍ରାଞ୍ଚର ୪ ଜଣିଆ ଟିମ୍ କରୁଛି । ୫ ଅଭିଯୁକ୍ତ ଗିରଫ ହୋଇଥିବା ବେଳେ ଏହି ରାକେଟରେ ଆଉ କିଏ କିଏ ସମ୍ପୃକ୍ତ ଛାନଭିନ୍ କରୁଛି କ୍ରାଇମବ୍ରାଞ୍ଚ । ମାମଲାର ମୁଖ୍ୟ ଅଭିଯୁକ୍ତ ବସନ୍ତ ବେହେରା ପାକିସ୍ତାନ ସୁନ୍ଦରୀଙ୍କ ସହ ଅଶ୍ଲୀଳ ଚାଟିଂ କରୁଥିଲା ବୋଲି ଜଣାପଡ଼ିଛି । ବସନ୍ତ ପ୍ରଥମେ ହନିଟ୍ରାପର ଶିକାର ହୋଇ ପରେ ଅନ୍ୟମାନଙ୍କୁ ସାମିଲ କରିଥିଲା ।

ଏଥିସହ ପଢ଼ନ୍ତୁ: ପ୍ରତିରକ୍ଷା ବିଭାଗର ଗୁପ୍ତ ତଥ୍ୟ କେମିତି ହାତଉଥିଲେ ବିଦେଶୀ ଏଜେଣ୍ଟ, ତଦନ୍ତ କରିବ କ୍ରାଇମବ୍ରାଞ୍ଚ

ଆଇଟିଆରରୁ କେମିତି ଯାଉଥିଲା ଗୁପ୍ତତଥ୍ୟ ? ଗୁପ୍ତତଥ୍ୟ ଯୋଗାଣର ପୂରା ନେଟୱର୍କ କଣ ? ମୋଟ ୫ ଅଭିଯୁକ୍ତଙ୍କ ବାଦ ଆଉ କିଏ କିଏ ଏହି ରାକେଟରେ ସାମିଲ ? କାହିଁକି ଶତ୍ରୁଙ୍କ ଟାର୍ଗେଟରେ ତଳିଆ କର୍ମଚାରୀ ? ନେଟୱର୍କ ସମ୍ପର୍କରେ ଅଧିକାରୀ ଜାଣିଥିଲେ କି ନାହିଁ ? ଚାନ୍ଦିପୁର ଡିଆରଡିଓର ଗୁପ୍ତତଥ୍ୟ ଲିକ୍ ମାମଲା ତଦନ୍ତ ବେଳେ କ୍ରାଇମବ୍ରାଞ୍ଚ ଏହି ସବୁ ଦିଗକୁ ଗୁରୁତ୍ୱ ଦେଇପାରେ ।

ମହାନଦୀରେ ସମ୍ଭାବ୍ୟ ବନ୍ୟା ପାଇଁ ପ୍ରଶାସନ ସଜାଗ, ୬ ଜିଲ୍ଲାକୁ ଆଲର୍ଟ

ଭୁବନେଶ୍ୱର: କେନ୍ଦୁଝରରେ ହୋଇଥିବା ବର୍ଷା ଫଳରେ ବଢ଼ୁଛି ବୈତରଣୀର ଜଳସ୍ତର । ଗତକାଲି ଅପେକ୍ଷା ଆଜି ବୈତରଣୀର ଜଳସ୍ତର ବୃଦ୍ଧି ପାଇଛି । ବ୍ରାହ୍ଣଣୀ ନଦୀର ଉପରମୁଣ୍ଡରେ ବର୍ଷା ହେବା ଫଳରେ ଜଳସ୍ତର ବଢ଼ିଛି । ରେଙ୍ଗାଲି ଡ୍ୟାମର ଗୋଟିଏ ଗେଟ୍ ଖୋଲାଯାଇଥିବା ଏସଆରସି ପ୍ରଦୀପ ସୂଚନା ଦେଇଛନ୍ତି ।

Possible Of Low Medium Flood In Mahanadi SRC

ଦିନ ୧୨ଟା ସୁଦ୍ଧା ହୀରାକୁଦ ଜଳଭଣ୍ଡାରରେ ସେକେଣ୍ଡ ପିଛା ୫ ଲକ୍ଷ ୨୦ ହଜାର ୪୫୭ କ୍ୟୁସେକ୍ ଜଳ ପ୍ରବେଶ କରୁଛି । ୨୮ଟି ଗେଟ୍ ମାଧ୍ୟମରେ ୪ ଲକ୍ଷ ୮୦ ହଜାର ୬୯୨ କ୍ୟୁସେକ୍ ଜଳ ନିଷ୍କାସନ କରାଯାଉଛି । ସ୍ଥିତି ଉପରେ ନଜର ରଖାଯାଇଛି । ଜଳ ସମ୍ପଦ ବିଭାଗର ପ୍ରମୁଖ ସଚିବ, ସର୍ବୋଚ୍ଚ ଯନ୍ତ୍ରୀ, ହୀରାକୁଦ ଡ୍ୟାମର ଯନ୍ତ୍ରୀ ଓ ଅନ୍ୟ ବରିଷ୍ଠ ଅଧିକାରୀମାନେ ତୀକ୍ଷଣ ନଜର ରଖିଛନ୍ତି । ଶନିବାର ସକାଳ ବେଳକୁ ମୁଣ୍ଡଳି ପାଖରେ ୮ ଲକ୍ଷ କ୍ୟୁସେକ ଜଳ ପ୍ରବାହିତ ହେବ ।

Possible Of Low Medium Flood In Mahanadi SRC

ଶନିବାର ସନ୍ଧ୍ୟା କିମ୍ବା ରାତି ବେଳକୁ କେନ୍ଦ୍ରାପଡ଼ା ଓ ପୁରୀ ଜିଲ୍ଲାର ନଦୀରେ ବନ୍ୟା ଆସିବ । ଜିଲ୍ଲା ପ୍ରଶାସନକୁ ସ୍ୱଳ୍ପ, ମଧ୍ୟମ ଧରଣର ବନ୍ୟା ନେଇ ସତର୍କ କରାଯାଇଛି । ନଦୀ ବନ୍ଧ ଗୁଡ଼ିକ ଠିକ୍ ରହିଲେ କିଛି ଅସୁବିଧା ହେବ ନାହିଁ । ପରିସ୍ଥିତିକୁ ଦୃଷ୍ଟିରେ ରଖି ଉଦ୍ଧାର କାର୍ଯ୍ୟ ପାଇଁ ଉପକୂଳ ଜିଲ୍ଲାରେ ସତର୍କତା ମୂଳକ ପଦକ୍ଷେପ ନିଆଯାଇଛି । ୩୦ଟି ଓଡ୍ରାଫ୍ ଟିମ୍, ୧୨ଟି ଏନଡିଆରଏଫ୍ ଟିମ୍ ସହ ଅଗ୍ନିଶମ ବାହିନୀ ମୁତୟନ ହୋଇଛନ୍ତି । ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଯାଜପୁର, କଟକ ଓ ପୁରୀ ଜିଲ୍ଲାରେ ମୁତୟନ କରାଯାଇଛି ।

Possible Of Low Medium Flood In Mahanadi SRC

ଲଗାଣ ବର୍ଷାରେ ରାଜ୍ୟରେ ମୋଟ ୯ ଜଣଙ୍କ ମୃତ୍ୟୁ ହୋଇଛି । ନୂଆପଡ଼ାରେ ୩ ଜଣ, କେନ୍ଦ୍ରାପଡ଼ାରେ ୩ ଜଣ, ଖୋର୍ଦ୍ଧାରେ ଜଣେ, ଗଞ୍ଜାମରେ ଜଣେ, ଯାଜପୁରରେ ୨ ଜଣ, କେନ୍ଦୁଝରରେ ଜଣେ, ସୁବର୍ଣ୍ଣପୁରରେ ଜଣେ ପ୍ରାଣ ହରାଇଛନ୍ତି । ୨ ଜଣ ନିଖୋଜ ଅଛନ୍ତି । ଜଗତସିଂହପୁରର ଜଳମଗ୍ନ ଅଞ୍ଚଳରେ ଗୃହପାଳିତ ପଶୁଙ୍କୁ ଖାଦ୍ୟ ଯୋଗାଇ ଦିଆଯାଇଛି ।

ହାଇଦ୍ରାବାଦ ନାବାଳିକା ଦୁଷ୍କର୍ମ ଓ ହତ୍ୟା ମାମଲା ଅଭିଯୁକ୍ତର ମୃତ୍ୟୁ, ରେଲୱେ ଟ୍ରାକରୁ ମିଳିଲା ମୃତଦେହ

0

ହାଇଦ୍ରାବାଦ: ତେଲେଙ୍ଗାନାର ହାଇଦ୍ରାବାଦରେ ଜଣେ ୬ ବର୍ଷର ନାବାଳିକାକୁ ଦୁଷ୍କର୍ମ ଓ ହତ୍ୟା ଘଟଣାର ମୁଖ୍ୟ ଅଭିଯୁକ୍ତର ହୋଇଛି ମୃତ୍ୟୁ । ରେଳୱେ ଟ୍ରାକରୁ ମିଳିଛି ଅଭିଯୁକ୍ତର ମୃତଦେହ । ଘଟଣା ସମ୍ପର୍କରେ ସୂଚନା ପାଇବା ପରେ ରେଲୱେ ପୋଲିସ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି। ଉଲ୍ଲେଖନୀୟ ଯେ, ନାବାଳିକାଙ୍କୁ ଦୁଷ୍କର୍ମ ଓ ହତ୍ୟା ଘଟଣା ନେଇ ସହରର ଲୋକଙ୍କ ଭିତରେ ଉତ୍ତେଜନା ଦେଖିବାକୁ ମିଳିଥିଲା। ସମସ୍ତେ ଅଭିଯୁକ୍ତକୁ କଠୋର ଦଣ୍ଡ ଦେବାକୁ ଦାବି କରିଥିଲେ। ତେଲେଙ୍ଗାନା ସରକାରଙ୍କ ମନ୍ତ୍ରୀ ମଧ୍ୟ କହିଥିଲେ ଯେ ଆମେ ଯଥାଶୀଘ୍ର ଅଭିଯୁକ୍ତକୁ ପାଇବୁ ଏବଂ ତାକୁ ଏନକାଉଣ୍ଟର ମଧ୍ୟ କରିବୁ।

ଗଣମାଧ୍ୟମ ସହ କଥାବାର୍ତ୍ତା କରି ହାଇଦ୍ରାବାଦ ଇଷ୍ଟ ଜୋନ୍ ଡେପୁଟି କମିଶନର ଅଫ୍ ପୋଲିସ୍ (ଡିସିପି) ରମେଶ କହିଛନ୍ତି, ଅଭିଯୁକ୍ତର ମୃତ୍ୟୁ ହୋଇଛି। ମୋତେ ଘଟଣା ସମ୍ପର୍କରେ ସଂପୃକ୍ତ ପୋଲିସ କର୍ମଚାରୀଙ୍କଠାରୁ ଅଧିକ ସୂଚନା ନେବାକୁ ପଡିବ। ପୋଲିସ ଅଭିଯୁକ୍ତର ପିଛା କରିବା ସହ ଆତ୍ମସମର୍ପଣ କରିବାକୁ ଚେତାବନୀ ଦେଇଥିଲା। ତେବେ ଅଭିଯୁକ୍ତ ପୋଲିସର କଥା ଶୁଣି ଟ୍ରେନ ଆଗରେ ଡେଇଁ ପଡିଥିଲା।

 ଅଭିଯୁକ୍ତ ଜଣକ ୩୦ ବର୍ଷିୟ ରାଜୁ ବୋଲି ଜଣା ପଡିଛି, ସେ ଏହି ଅପରାଧ କରିବା ପରେ ଫେରାର ଥିଲା । ଦୁଷ୍କର୍ମ ମାମଲାକୁ ନେଇ ହାଇଦ୍ରାବାଦବାସୀଙ୍କ ମଧ୍ୟରେ ପ୍ରବଳ ଅସନ୍ତୋଷ ଦେଖିବାକୁ ମିଳିଥିଲା। ୯ ସେପ୍ଟେମ୍ବରରେ ଅଭିଯୁକ୍ତ ଜଣକ ଜଣେ ୬ ଜଣଙ୍କର ନାବାଳିକାକୁ ଦୁଷ୍କର୍ମ କରିବା ପରେ ତାକୁ ହତ୍ୟା କରିଥିଲା। ଅଭିଯୁକ୍ତକୁ ଗିରଫ କରିବା ପାଇଁ ପୋଲିସ ନଅଟି ସ୍ୱତନ୍ତ୍ର ଟିମ୍ ଗଠନ କରିଥିଲା। ୧୪ ସେପ୍ଟେମ୍ବରରେ ହାଇଦ୍ରାବାଦ ପୋଲିସ ଅଭିଯୁକ୍ତ ଉପରେ ୧୦ ଲକ୍ଷ ଟଙ୍କାର ପୁରସ୍କାର ରଖିଥିଲା । ଶେଷରେ ଆଜି ତା’ର ମୃତ ଦେହ ମିଳିଛି।

ୟୁପିରେ କ୍ଷମତାକୁ ଆସିଲେ ମାଗଣା ବିଜୁଳି ଦେବ ଆପ୍

0

ରାଜଧାନୀ ଦିଲ୍ଲୀରେ ଶାସନ ଗାଦିରେ ବସିଥିବା ଆପ୍ ଏବେ ଉତ୍ତରପ୍ରଦେଶ ଶାସନ ଡୋର ନିଜ ହାତକୁ ନେବା ପାଇଁ ଅଣ୍ଟା ଭିଡ଼ିଛି। ଆଗାମୀ ବିଧାନସଭା ନିର୍ବାଚନ ପରେ ୟୁପି ଜନତାଙ୍କୁ  ମାଗଣା ବିଜୁଳି ଓ ୩୮ ଲକ୍ଷ ପରିବାରକୁ ବାକି ଥିବା ବିଜୁଳି ଦେୟ ଛାଡ଼ କରିବାକୁ ଘୋଷଣା କରିଛି ଆପ୍ । ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଗୁରୁବାର ଏକ ସାମ୍ବାଦିକ ସମ୍ମୀଳନୀରେ ଏ ନେଇ ଘୋଷଣା କରିଛନ୍ତି।

ମନୀଷ କହିଛନ୍ତି ଯେ ଯଦି ଉତ୍ତରପ୍ରଦେଶରେ ଆପ କ୍ଷମତାକୁ ଆସେ ତେବେ ସମସ୍ତ ଘରୋଇ ଉପଭୋକ୍ତାଙ୍କୁ ୩ଶହ ୟୁନିଟ ପର୍ଯ୍ୟନ୍ତ ମାଗଣା ବିଜୁଳି ଦିଆଯିବ। ଏଥିସହ ସରକାର ଛୋଟ ଏବଂ ବଡ଼ ସମସ୍ତ ଧରଣର ଚାଷୀଙ୍କୁ ମାଗଣାରେ ବିଦ୍ୟୁତ୍ ଯୋଗାଇ ଦେବେ। ସେ ଆହୁରି କହିଛନ୍ତି ଯେ ୟୁପିରେ ଆପ ସରକାର ଗଢ଼ିଲେ, ଅତ୍ୟଧିକ ବିଜୁଳି ବିଲରୁ ଅତିଷ୍ଠ ହୋଇପଡ଼ିଥିବା ୩୮ ଲକ୍ଷ ପରିବାରକୁ ବାକିଥିବା ବିଜୁଳି ଦେୟ ଛାଡ଼ କରାଯିବ।

ଆପ ଅଭିଯୋଗ କରିଛି ଯେ ଯୋଗୀ ସରକାର ବିଜୁଳି ଏତେ ମହଙ୍ଗା କରିଦେଇଛନ୍ତି ଯେ ସାଧାରଣ ଜନତାଙ୍କ ପାଇଁ ବିଲ୍ ପୈଠ କରିବା ବହୁତ କଷ୍ଟଦାୟକ ହୋଇପଡ଼ୁଛି। ଆଉ ଏଥିପାଇଁ ବହୁତ ଲୋକ ଆତ୍ମହତ୍ୟା ମଧ୍ୟ କଲେଣି। ସେ କହିଥିଲେ, ‘ୟୁପି ସକରକାର ଯେଉଁମାନେ ବିଦ୍ୟୁତ ବିଲ ପୈଠ କରିନାହାଁନ୍ତି ସେମାନଙ୍କୁ ଅପରାଧୀ ମାନୁଛି ।  ଏଥିପାଇଁ ମୁଁ କହୁଛି ଯେ ଆପ୍ କୁ ସମର୍ଥନ କରନ୍ତୁ, ଓ ଆଗାମୀ ବିଧାନସଭା ନିର୍ବାଚନରେ ୟୁପିରେ ଆପକୁ କ୍ଷମତାରେ ବସାନ୍ତୁ । ସରକାର ହେବାମାତ୍ରେ ହିଁ ନିଜର ପୂରୁଣା ବିଲକୁ ଚିରି ଫୋପାଡ଼ି ଦେବେ। ସମସ୍ତଙ୍କୁ ବକେୟା ବିଲ୍ ଛାଡ଼ କରିଦିଆଯିବ । ଏହା ଅରବିନ୍ଦ କେଜରିୱାଲଙ୍କ ପ୍ରତିଶ୍ରୁତି।’

ମନୀଷ କହିଛନ୍ତି ଯେ ଆଜି ବିଦ୍ୟୁତ୍ ବିଳାସ ନୁହେଁ ବରଂ ଏକ ମୌଳିକ ଆବଶ୍ୟକତା, ଯାହା ପ୍ରତ୍ୟେକ ନାଗରିକଙ୍କ ନିକଟରେ ମାଗଣାରେ ଉପଲବ୍ଧ କରାଇବା ପ୍ରତ୍ୟେକ ସରକାରଙ୍କ ଦାୟିତ୍ୱ।