spot_img
Home Blog Page 5347

କରୋନା କଟକଣା ମଧ୍ୟରେ ଚାଲିଛି ଦେବଶିଳ୍ପୀଙ୍କ ଆରାଧନା

ଭୁବନେଶ୍ୱର: ଆଜି ବିଶ୍ୱ ନିର୍ମାତା ପ୍ରଭୁ ଶ୍ରୀ ବିଶ୍ୱକର୍ମାଙ୍କ ପୂଜା । କରୋନା ପାଇଁ ଫିକା ପଡ଼ିଛି ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା । ବିଶ୍ୱକର୍ମା ହେଉଛନ୍ତି ସକଳ ଶିଳ୍ପକଳାକାରଙ୍କ ଜନକ । ବ୍ରହ୍ମାଙ୍କ ନିର୍ଦ୍ଦେଶରେ ବିଶ୍ୱକର୍ମା ସମଗ୍ର ସୃଷ୍ଟି ରଚନା କରିଥିଲେ । ତାଙ୍କ ଦ୍ୱାରା ଦେବତାମାନଙ୍କର ସମସ୍ତ ଶସ୍ତ୍ର ,ବିମାନ ଆଦି ନିର୍ମିତ । ସ୍ୱର୍ଗର ଅମରାବତୀ ହିଁ ତାଙ୍କ ନିର୍ମାଣର ଶ୍ରେଷ୍ଠ ନିଦର୍ଶନ । ବିଶ୍ୱକର୍ମା ପୂଜା ବିଶ୍ୱକର୍ମା ଜୟନ୍ତୀ ନାମରେ ମଧ୍ୟ ଜଣାଶୁଣା । ଏହି ଦିନରେ ସମସ୍ତ କାରିଗର, ଇଞ୍ଜିନିୟର୍, ଓ୍ୱେଲଡର, ମେକାନିକ୍ ଏବଂ ଅନ୍ୟମାନେ ଶିଳ୍ପୀ ଦେବତାଙ୍କୁ ପୂଜା କରିଥାନ୍ତି ।

ଏଥିସହିତ ପଢ଼ନ୍ତୁ: Hanuman Jayanti: କିଏ ଥିଲେ ହନୁମାନଙ୍କ ପିତା ? ଜାଣନ୍ତୁ ତାଙ୍କ ଜନ୍ମ ସମ୍ପର୍କରେ…

ବାହ୍ୟ ଜଗତରୁ ବିଛିନ୍ନ ହେଲା ଚାନ୍ଦବାଲି ବ୍ଳକ୍‌ର ଦୁଇ ଗାଁ

ଭଦ୍ରକ: ଚାନ୍ଦବାଲି ବ୍ଲକର ୪ଟି ପଞ୍ଚାୟତର ୧୦ଟି ଗାଁ ପାଣି ଘେରରେ । ୨ଟି ଗାଁ ବାହ୍ୟଜଗତରୁ ବିଛିନ୍ନ ହୋଇଥିବା ବେଳେ ଆଖଣ୍ଡଳମଣି କୁଆଖିଆ ୨୦ନଂ ଜାତୀୟରାଜପଥ ଓ ଆଖଣ୍ଡଳମଣି ତିହିଡ଼ି ରାସ୍ତାରେ ଚାଲିଛି ବନ୍ୟା ପାଣି । ବୋଡ଼କ ନିକଟରେ କୂଳଲଂଘି ମାଡ଼ିଚାଲିଛି ପାଣି । ୨ଟି ଗାଁ ବୋଡକ ଓ ସନ୍ତରା ବାହ୍ୟଜଗତରୁ ବିଛିନ୍ନ ହୋଇଯାଇଛି । ବନ୍ୟାଜଳ ଜନବସତି ଆଡ଼କୁ ମାଡିବାରେ ଲାଗିଛି । ଅନେକ ସ୍ଥାନରେ ନଳକୂପ ବୁଡିଯାଇଥିବାରୁ ପିଇବାପାଣିର ସମସ୍ୟା ଦେଖାଦେଇଛି । ସେହିପରି ଶହଶହ ଏକର ଚାଷଜମିରେ ଲହଡି ଭାଙ୍ଗୁଛି ପାଣି । ଜୁଆର ସମୟରେ ବନ୍ୟା ସ୍ଥିତି ଗମ୍ଭିର ହେବାରେ ଲାଗୁଛି । ଗୃହପାଳିତ ପଶୁ ଅଧିକ ପ୍ରଭାବିତ ହୋଇଛନ୍ତି ।

 

ଅଶାନ୍ତ ଆଫଗାନିସ୍ତାନ, କାବୁଲ ଉପରେ ପୁଣି ରକେଟ୍ ମାଡ଼

କାବୁଲ: ଆଫଗାନିସ୍ତାନରେ ରକେଟ୍ ଆକ୍ରମଣ । କାବୁଲର ଏକ ପାୱାର ଷ୍ଟେସନ ନିକଟରେ ରକେଟ୍ ଆକ୍ରମଣ ହୋଇଥିବା ଖବର ଆସୁଛି । ତେବେ, ଆକ୍ରମଣରେ କୌଣସି କ୍ଷୟକ୍ଷତି ହୋଇଥିବା ନେଇ ସୂଚନା ମିଳିନାହିଁ ।

ଆଫଗାନିସ୍ତାନ ମିଡିଆ ମୁତାବକ, ଏହି ଆକ୍ରମଣ କାବୁଲର ଏକ ପାୱାର ପ୍ଲାଣ୍ଟ ନିକଟରେ ହୋଇଛି । ଖୈର ଖାନାର ଚାମତଲେହ ସବଷ୍ଟେସନ ଉପରେ ଏକାଧିକ ରକେଟ୍ ମାଡ଼ ହୋଇଥିବା ସ୍ଥାନୀୟ ଲୋକ କହିଛନ୍ତି ।

ଦେଶୀ ବନ୍ଧୁକରୁ ଗୁଳି କରି ଜଣଙ୍କୁ ହତ୍ୟା

ବାଲିଗୁଡ଼ା: ସାମାନ୍ୟ ବଚସାରୁ ହତ୍ୟାକାଣ୍ଡ । ବାଲିଗୁଡ଼ା ଥାନା ଅଞ୍ଚଳରେ ଦେଶି ବନ୍ଧୁକ ଗର୍ଜିଛି । ରାତିର ନିରବତାକୁ ଭଙ୍ଗ କରି ଗୁଳି ଫୁଟିଛି । ସାମାନ୍ୟ ବଚସାକୁ କେନ୍ଦ୍ର କରି ହୋଇଥିବା ଗୁଳିକାଣ୍ଡରେ ଜଣଙ୍କର ମୃତ୍ୟୁ ହୋଇଛି । ବାଲିଗୁଡ଼ା ଥାନା ରେବିଙ୍ଗିଆ ଗାଁରେ ଏହି ହତ୍ୟାକାଣ୍ଡ ଘଟିଛି ।

ଏଥିସହ ପଢ଼ନ୍ତୁ: ରୂପାଣୀଙ୍କ ପରେ ଖଟ୍ଟରଙ୍କ ପାଳି ?

ସୂଚନା ଅନୁସାରେ, ରେବିଙ୍ଗିଆ ଗାଁର ଭୀମସେନ ବେହେରା ଓ ନବୀନଙ୍କ ମଧ୍ୟରେ ପୂର୍ବ ଶତ୍ରୁତାକୁ ନେଇ ଯୁକ୍ତିତର୍କ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ପଡ଼ିଥିଲେ ଭୀମସେନ । ରାଗି ଯାଇ ନବୀନଙ୍କ ଉପକୁ ଦେଶୀ ବନ୍ଧୁକରୁ ଗୁଳି ଚଳାଇଥିଲେ । ଏଥିରେ ନବୀନଙ୍କ ମୃତ୍ୟୁ ହୋଇଛି । ଖବର ପାଇ ତନାଘନା କରୁଛି ବାଲିଗୁଡ଼ା ଥାନା ପୋଲିସ ।

ଉପ ନିର୍ବାଚନ ପୂର୍ବରୁ ପିପିଲିରେ ବଢ଼ୁଛି ବିଜେଡିର ବଳ

ପିପିଲି: ପିପିଲିରେ ବଢୁଛି ବିଜେଡିର ବଳ । ଉପନିର୍ବାଚନ ଭୋଟ୍ ଗ୍ରହଣ ନିକତର ହେବା ସହ ବିଜେଡିର ଦଳୀୟ ସଙ୍ଗଠନ ମଜଭୁତ ହେଉଛି । ଆଜି ଅନ୍ୟ ଦଳ ଛାଡି ବିଜେଡିରେ ସାମିଲ୍ ହୋଇଛନ୍ତି ପ୍ରାୟ ୪୦ ଜଣ ଯୁବକ । ପିପିଲି ବିଜେଡି ମୁଖ୍ୟ କାର୍ଯ୍ୟାଳୟରେ ବିଧାୟକ ପ୍ରାର୍ଥୀ ରୁଦ୍ରପ୍ରତାପ ମହାରଥୀଙ୍କ ଉପସ୍ଥିତିରେ ମିଶ୍ରଣ ପର୍ବ ଆୟୋଜିତ ହୋଇଥିଲେ । ମିଶ୍ରଣ ପର୍ବରେ ଅନ୍ୟ ଦଳ ଛାଡ଼ି ୪୦ ଯୁବକ ବିଜେଡିରେ ମିଶଛନ୍ତି ।

BJD Increasing Strength Before By Poll In Pipili

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଭିନ୍ନ ଜନହିତକର ଯୋଜନା ଓ ସ୍ୱଚ୍ଛ ଶାସନରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଥିବା କହିଛନ୍ତି । ଦଳରେ ସାମିଲ୍ ହୋଇଥିବା ସମସ୍ତ ଯୁବକ ମାନଙ୍କୁ ଉତ୍ତରୀୟ ଦେଇ ସ୍ୱାଗତ କରିଥିଲେ ରୁଦ୍ର । ଏହା ଆଗାମୀ ନିର୍ବାଚନରେ ବଡ଼ ପ୍ରଭାବ ପକାଇବ ବୋଲି ରୁଦ୍ର କହିଛନ୍ତି । ଅନ୍ୟମାନଙ୍କ ମଧ୍ୟରେ ପୁରୀ ଜିଲ୍ଲା ବିଜେଡି ସାଧାରଣ ସମ୍ପାଦକ କିଶୋର ଛୋଟରାୟ, ବ୍ଲକ ଉପାଧ୍ୟକ୍ଷ ଯୁଧିଷ୍ଠିର ସ୍ୱାଇଁ ସରପଞ୍ଚ ସଂଘ ସଭାପତି ପ୍ରକାଶ ଧଳ ଓ ଯୁବ ନେତା ଆର୍ତ୍ତବନ୍ଧୁ ସାମନ୍ତରାୟ ପ୍ରମୁଖ ଉପସ୍ଥିତ ରହିଥିଲେ ।

ମୁଖ୍ୟମନ୍ତ୍ରୀଙ୍କୁ ‘ସିକ୍ରେଟ୍ ଅଫ୍ ଶିମିଳପାଳ’ ପୁସ୍ତକ ଦେଲେ ଲୋକାୟୁକ୍ତ ସଦସ୍ୟ ଡ. ସ୍ୱାଇଁ

ଭୁବନେଶ୍ୱର: ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ଲୋକାୟୁକ୍ତ ସଦସ୍ୟ ଡକ୍ଟର ଦେବବ୍ରତ ସ୍ୱାଇଁ । ସେ ମୁଖ୍ୟମନ୍ତ୍ରୀଙ୍କୁ ଭେଟିବା ସହ ତାଙ୍କ ଲିଖିତ ପୁସ୍ତକ ‘ସିକ୍ରେଟ୍ ଅଫ୍ ଶିମିଳିପାଳ’ (ଶିମିଳିପାଳର ରହସ୍ୟ)ର ଏକ କପି ପ୍ରଦାନ କରିଛନ୍ତି । ଯେଉଁଥିରେ ହାତୀ ଓ କଳା ବାଘଙ୍କ ପାଇଁ ଶିମିଳିପାଳ କିଭଳି ଉପଯୋଗୀ ତାହା ବର୍ଣ୍ଣିତ ହୋଇଛି ।

‘ସିକ୍ରେଟ୍ ଅଫ୍ ଶିମିଳିପାଳ’ ପୁସ୍ତକଟି ଅସ୍ତ୍ରଲ ଇଣ୍ଟରନ୍ୟାସନାଲ ପ୍ରାଇଭେଟ୍ ଲିମିଟେଡ୍, ନୂଆଦିଲ୍ଲୀ ଓ ସେଭ୍ ଏଲିଫାଣ୍ଟ ଫାଉଣ୍ଡେସନ୍ ଟ୍ରଷ୍ଟ, ଓଡ଼ିଶା ଦ୍ୱାରା ମିଳିତ ଭାବେ ପ୍ରକାଶ ପାଇଛି । ଏହି ବହିର ମୁଖବନ୍ଧ ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶିମିଳିପାଳ ଓ ତାର ଜୈବବିବିଧତାକୁ ଲୋକ ଲୋଚନକୁ ଆଣିବାରେ ଲେଖକ କରିଥିବା ପ୍ରୟାସକୁ ମୁଖ୍ୟମନ୍ତ୍ରୀ ପ୍ରଶଂସା କରିଛନ୍ତି ।

ଏହି ବହିରେ ଫୁଲ ଓ ପଶୁ ବିବିଧତାକୁ ନେଇ ଆକର୍ଷଣୀୟ ତଥ୍ୟ ରହିଛି । ଏହି ବହିଟି ଫରେଷ୍ଟ ମ୍ୟାନେଜର, ରିସର୍ଚ୍ଚର, ସ୍କଲାର ଓ ପ୍ରକୃତି ପ୍ରେମୀଙ୍କ ଲାଗି ବେଶ୍ ଉପଦେୟ ସାବ୍ୟସ୍ତ ହେବ ।

ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟିଲେ ନାବାର୍ଡ ଅଧ୍ୟକ୍ଷ

ଭୁବନେଶ୍ୱର: ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ନାବାର୍ଡ ଅଧ୍ୟକ୍ଷ ଡକ୍ଟର ଜି.ଆର୍. ଚିନ୍ତାଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ନାବାର୍ଡ ଅଧ୍ୟକ୍ଷ ଗ୍ରାମୀଣ ଭିତ୍ତିଭୂମିକୁ ସୁଦୃଢ଼ କରିବା ନେଇ ଆଲୋଚନା କରିଛନ୍ତି । ଦାରିଦ୍ର୍ୟ ଦୂରୀକରଣ ସହ ଗ୍ରାମୀଣ ଅଞ୍ଚଳରେ ଭିତ୍ତିଭୂମି ବିକାଶ ଦିଗରେ ରାଜ୍ୟ ସରକାର ନିରନ୍ତର ଉଦ୍ୟମ କରୁଥିବା କହିଛନ୍ତି ମୁଖ୍ୟମନ୍ତ୍ରୀ ।

ରାଜ୍ୟ ବାରମ୍ବାର ପ୍ରାକୃତିକ ଦୁର୍ବିପାକର ସାମ୍ନା କରୁଛି । ଏହାକୁ ଦୃଷ୍ଟିରେ ରଖି ପ୍ରାକୃତିକ ଦୁର୍ବିପାକ ନିରୋଧୀ ଭିତ୍ତିଭୂମି ପାଇଁ ନାବାର୍ଡ ଆରଆଇଡିଏଫ୍ ଓ ଏଲଟିଏଫ୍ ଜରିଆରେ ସ୍ୱଳ୍ପ ସୁଧରେ ଋଣ ଦେବାକୁ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି । ଏଥିସହ ନୂଆ କରି ଆରମ୍ଭ ହୋଇଥିବା ଆରଆଇଏଏସ୍ ଯୋଜନାକୁ ମୁଖ୍ୟମନ୍ତ୍ରୀ ପ୍ରଶଂସା କରିଛନ୍ତି । ଏହି ଯୋଜନାରେ ରାସ୍ତା, ପୋଲ ଓ ଇନ୍-ଷ୍ଟ୍ରିମ୍ ଷ୍ଟରେଜ ଷ୍ଟ୍ରକ୍ଚର ଭଳି ପ୍ରକଳ୍ପ ପାଇଁ ପାଣ୍ଠି ବଢ଼ିବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି ।

 NABARD Chairman Meets CM Naveen Patnaik

ନାବାର୍ଡ ଆରଆଇଡିଏଫ୍ ସହାୟତା ବୃଦ୍ଧି କରିବାକୁ ମୁଖ୍ୟମନ୍ତ୍ରୀ କହିଛନ୍ତି । ଭିତ୍ତିଭୂମି ସୁଦୃଢ଼ ଓ ଜୀବନଜୀବିକା ଲାଗି ରାଜ୍ୟ ସରକାର ନେଇଥିବା ପଦକ୍ଷେପକୁ ନାବାର୍ଡ ଅଧ୍ୟକ୍ଷ ଡକ୍ଟର ଚିନ୍ତଲା ପ୍ରଶଂସା କରିଛନ୍ତି । ଏହି ଆଲୋଚନାରେ ମୁଖ୍ୟମନ୍ତ୍ରୀଙ୍କ ସଚିବ (5T) ଭି.କେ. ପାଣ୍ଡିଆନ ଏବଂ ନାବାର୍ଡର ଅଧିକାରୀ ଉପସ୍ଥିତ ଥିଲେ । ପରେ ନାବାର୍ଡ ଅଧ୍ୟକ୍ଷ ଲୋକସେବା ଭବନରେ ମୁଖ୍ୟ ଶାସନ ସଚିବଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି ।

ରୂପାଣୀଙ୍କ ପରେ ଖଟ୍ଟରଙ୍କ ପାଳି ?

ନୂଆଦିଲ୍ଲୀ: ଦିଲ୍ଲୀରେ ଖଟ୍ଟର, ହରିୟାଣାରେ ହଲଚଲ୍ । ଗୁଜରାଟ ପରେ ହରିୟାଣା ମୁଖ୍ୟମନ୍ତ୍ରୀଙ୍କୁ ବଦଳାଇବ କି ବିଜେପି ? ଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମନୋହର ଲାଲ୍ ଖଟ୍ଟର ଭେଟିବା ପରେ ଏମିତି ଚର୍ଚ୍ଚା ହେଉଛି । ପ୍ରଧାନମନ୍ତ୍ରୀ ମୋଦିଙ୍କ ସହ ଖଟ୍ଟର ପ୍ରାୟ ଏକ ଘଣ୍ଟା ଧରି ଗୁରୁବାର ଆଲୋଚନା କରିଛନ୍ତି । ତେବେ, ହରିୟାଣାରେ ମନ୍ତ୍ରୀମଣ୍ଡଳ ବିସ୍ତାର ନେଇ କୌଣସି ଆଲୋଚନା ହୋଇନଥିବା ଗଣମାଧ୍ୟମକୁ କହିଛନ୍ତି ଖଟ୍ଟର ।

ବିଶେଷଜ୍ଞଙ୍କ ଅନୁସାରେ, ବରୋଦା ଉପନିର୍ବାଚନ ଏବଂ ସୋନିପତ ଓ ଅମ୍ବାଲା ପୌରନିର୍ବାଚନରେ ବିଜେପିର ପରାଜୟ । କୃଷକ ଆନ୍ଦୋଳନକୁ ନେଇ ହରିୟାଣା ବିଜେପି ବ୍ୟାକଫୁଟରେ ରହିଛି । ଏହାବାଦ୍ ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟର ଏବଂ ଗୃହମନ୍ତ୍ରୀ ଅନୀଲ ବିଜଙ୍କ ମଧ୍ୟରେ ବିବାଦ ଲାଗି ରହିଛି । ଉଭୟଙ୍କ ମଧ୍ୟରେ ଲାଗି ରହିଥିବା ବିବାଦ ଦିଲ୍ଲୀ ପହଞ୍ଚିଛି ।

ଏଥିସହ ପଢ଼ନ୍ତୁ: ୩ ରାଜ୍ୟ, ୬ ମାସ; ଇସ୍ତଫା ଦେଲେଣି ବିଜେପିର ୪ ମୁଖ୍ୟମନ୍ତ୍ରୀ

ତେବେ ଏନେଇ ଦଳର ବରିଷ୍ଠ ନେତା ମୁହଁ ଖୋଲୁ ନାହାଁନ୍ତି । ଏଥରକ ଜୋର୍ ଚର୍ଚ୍ଚା ହେଉଛି ବଦଳିପାରନ୍ତି ହରିୟାଣା ମୁଖ୍ୟମନ୍ତ୍ରୀ । ଏଥିସହ ହରିୟାଣା ମନ୍ତ୍ରୀମଣ୍ଡଳର ସମ୍ପ୍ରସାରଣ ହୋଇପାରେ । ପୂର୍ବରୁ ବିଜେପି ଉତ୍ତରାଖଣ୍ଡ, କର୍ଣ୍ଣାଟକ ଓ ଗୁଜରାଟରେ ମୁଖ୍ୟମନ୍ତ୍ରୀ ଚେହେରା ପରିବର୍ତ୍ତନ କରିଛି । ୬ ମାସ ମଧ୍ୟରେ ୩ ବିଜେପି ଶାସିତ ରାଜ୍ୟରେ ୪ ଜଣ ମୁଖ୍ୟମନ୍ତ୍ରୀ ବଦଳିଛନ୍ତି । ଉତ୍ତରାଖଣ୍ଡରୁ ଆରମ୍ଭ ହୋଇଥିବା ବିଜେପିର ମୁଖ୍ୟମନ୍ତ୍ରୀ ପରିବର୍ତ୍ତନ ଅଭିଯାନ ଗୁଜରାଟରେ ସରିଥିବା ବେଳେ ଏବେ ହରିୟାଣା ପାଳି ଆସିବା ନେଇ ଚର୍ଚ୍ଚା ହେଉଛି ।

ଉତ୍କଳ ଆଲୁମିନାର ସମ୍ପ୍ରସାରିତ ରିଫାଇନାରୀର ଉଦଘାଟନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଭିଡିଓ କନଫରେନ୍ସିଂ ଯୋଗେ କାଶୀପୁରସ୍ଥିତ ଉତ୍କଳ ଆଲୁମିନାର ସମ୍ପ୍ରସାରିତ ରିଫାଇନାରୀର ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିରେ ଆଦିତ୍ୟ ବିର୍ଲା ଗ୍ରୁପ୍ ୧୫୦୦ କୋଟି ଟଙ୍କା ନିବେଶ କରିଛି । ସମ୍ପ୍ରସାରଣ ପରେ ବାର୍ଷିକ ଆଲୁମିନା ଉତ୍ପାଦନ ୦.୫ ମିଲିଅନ୍ ଟନରୁ ୨ ମିଲିଅନ୍ ଟନକୁ ବୃଦ୍ଧି ପାଇଛି । ଏହି ନୂଆ ୟୁନିଟରେ ୫୦୦ରୁ ଅଧିକ ଲୋକଙ୍କୁ ନିଯୁକ୍ତି ମିଳିବ । ଓଡ଼ିଶାରେ ଆଦିତ୍ୟ ବିର୍ଲା ଗ୍ରୁପରେ ୧୨ ହଜାରରୁ ଅଧିକ ଲୋକ କାମ କରୁଛନ୍ତି ।

କରୋନା କାଳରେ ସମ୍ପ୍ରସାରିତ ୟୁନିଟକୁ ଉଦଘାଟନ କରି ମୁଖ୍ୟମନ୍ତ୍ରୀ ଖୁସିବ୍ୟକ୍ତ କରିଛନ୍ତି । ମହାମାରୀ ପ୍ରଭାବରୁ ଅର୍ଥନୀତି ମୁକ୍ତ ହୋଇ ଅଭିବୃଦ୍ଧି ଆଡ଼କୁ ବଢ଼ୁଥିବା କହିଛନ୍ତି ମୁଖ୍ୟମନ୍ତ୍ରୀ । ରାଜ୍ୟରେ ମେଟାଲ୍, ମାଇନିଂ. ସିମେଣ୍ଟ, ଆର୍ଥିକ ସେବା, ଫାସନ ଓ ରିଟେଲ ଶିଳ୍ପ କ୍ଷେତ୍ରରେ ଆଦିତ୍ୟ ବିର୍ଲା ପ୍ରମୁଖ ଭୂମିକା ଗ୍ରହଣ କରିଛି । ଶିକ୍ଷା, ସ୍ୱାସ୍ଥ୍ୟ ଓ ଜୀବନଜୀବିକା କ୍ଷେତ୍ରରେ ମଧ୍ୟ ଆଦିତ୍ୟ ବିର୍ଲା ଗ୍ରୁପର ଅଂଶଗ୍ରହଣ ରହିଛି ।

ଆୟୋଜିତ ଭର୍ଚୁଆଲ୍ କାର୍ଯ୍ୟକ୍ରମରେ ଶକ୍ତି ମନ୍ତ୍ରୀ ଦିବ୍ୟଶଙ୍କର ମିଶ୍ର, ଏମଏସଏମଇ ମନ୍ତ୍ରୀ ଜଗନ୍ନାଥ ସାରକାଙ୍କ ସହ ଆଦିତ୍ୟ ବିର୍ଲା ଗ୍ରୁପର ଅଧ୍ୟକ୍ଷ କୁମାର ମଙ୍ଗଳମ ବିର୍ଲା ଓ ହିଣ୍ଡାଲକୋ ଏମଡି ସତୀଶ ପାଇ ଯୋଗ ଦେଇଥିଲେ ।

ବିଧାୟକଙ୍କ ମହାନତା, ବନ୍ୟାଞ୍ଚଳରୁ ଗର୍ଭବତୀଙ୍କୁ ଉଦ୍ଧାର କରି ମେଡିକାଲରେ କଲେ ଭର୍ତ୍ତି

ବାଲେଶ୍ୱର: ଲଗାଣ ବର୍ଷା ପରେ ବାଲେଶ୍ୱର ଜିଲ୍ଲାର ତଳିଆ ଅଞ୍ଚଳରେ ପାଣି ପଶିଛି । ବିଭିନ୍ନ ନଦୀର ଜଳସ୍ତର ବି ବଢ଼ୁଛି । ଆଜି ୨୫ ନମ୍ବର ଜୋନରେ ବନ୍ୟା ବିପନ୍ନଙ୍କୁ ଉଦ୍ଧାରକାର୍ଯ୍ୟ ଜାରି ରହିଥିଲା । ସେତିକି ବେଳେ ବାଲେଶ୍ୱର ସଦର ନିର୍ବାଚନ ମଣ୍ଡଳୀ ଅନ୍ତର୍ଗତ ଓଲଣ୍ଡା ସାରଗାଁ ପଞ୍ଚାୟତ ମଣ୍ଡାଧାର ଗାଁର ଜଣେ  ଗର୍ଭବତୀ ବନ୍ୟା ପାଣି ଘେରରେ ଥିବା ଖବର ଆସିଥିଲା ।

Balasore MLA Rescued Pregnant Women From Flood Water

ତତକ୍ଷଣାତ୍ ବାଲେଶ୍ୱର ସଦର ବିଧାୟକ ସ୍ୱରୂପ କୁମାର ଦାସ ବଇଞ୍ଚା ପଞ୍ଚାୟତର ଗୁଜୁରୀବଜାରଠୁ ଏକ ବୋଟ ମାଧ୍ୟମରେ ପାଖାପାଖି ୫ କିଲୋମିଟର ବନ୍ୟା ପାଣି ସ୍ରୋତରେ ଯାଇ ତାଙ୍କୁ ଉଦ୍ଧାର କରିଥିଲେ । ବୋଟରୁ ନିଜେ ଷ୍ଟ୍ରେଚର ଧରି ମହିଳାଙ୍କୁ ଆଣିଥିଲେ ବିଧାୟକ । ଏଥିସହ ନିଜେ ଗାଡ଼ି ଚଳାଇ ଗର୍ଭବତୀଙ୍କୁ ହସ୍ପିଟାଲ ନେଇ ତୁରନ୍ତ ଚିକିତ୍ସା ବ୍ୟବସ୍ଥା କରିଛନ୍ତି । ବିଧାୟକଙ୍କ ଏହି କାମକୁ ସ୍ଥାନୀୟ ଅଞ୍ଚଳବାସୀ ପ୍ରଶଂସା କରିଛନ୍ତି ।