spot_img
Home Blog Page 5341

କରମା ବିସର୍ଜନ ବେଳେ ଅଘଟଣ, ପାଣିରେ ବୁଡ଼ି ଯାଇ ୭ ଯୁବତୀ ମୃତ

ରାଞ୍ଚି: ଝାଡ଼ଖଣ୍ଡର ଲାତେହାରରେ ବଡ଼ ଅଘଟଣ ଘଟିଛି । ଲାତେହାର ଜିଲ୍ଲାର ବାଲୁମାଥରେ କରମା ବିସର୍ଜନ ବେଳେ ପାଣିରେ ବୁଡ଼ି ଯାଇ ୭ ଯୁବତୀଙ୍କ ମୃତ୍ୟୁ ହୋଇଛି । ମୃତକଙ୍କ ବୟସ ୧୦ରୁ ୨୦ ବର୍ଷ ମଧ୍ୟରେ ହୋଇଥିବା ଜଣାପଡ଼ିଛି । ପୋଲିସ ଖବର ପାଇ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।

ସୂଚନା ଅନୁସାରେ ୭ ମୃତକଙ୍କ ମଧ୍ୟରେ ୩ ଭଉଣୀ ଅଛନ୍ତି । ଗ୍ରାମବାସୀଙ୍କ ଅନୁସାରେ, ଟୋରି-ବାଲୁମାଥ ରେଲୱେ ଲାଇନ୍ ନିର୍ମାଣ ଲାଗି ଖୋଳା ଯାଇଥିବା ଗଭୀର ଗଡ଼ିଆରେ ଯୁବତୀମାନେ କରମା ଡାଳ ବିସର୍ଜନ କରିବାକୁ ଯାଇଥିଲେ । ଏହି ସମୟରେ ଅଘଟଣ ଘଟିଥିଲା । ଗ୍ରାମବାସୀ ସୂଚନା ପାଇଁ ଉଦ୍ଧାର କାର୍ଯ୍ୟ କରିଥିଲେ । ଉଦ୍ଧାର ବେଳକୁ ୪ ଜଣଙ୍କ ମୃତ୍ୟୁ ଘଟିଥିଲା । ଅନ୍ୟ ୩ ଜଣଙ୍କୁ ଡାକ୍ତରଖାନାରେ ମୃତ ଘୋଷଣା କରିଛନ୍ତି ଡାକ୍ତର ।

ବେଙ୍ଗାଲୁରୁରେ ଚାଞ୍ଚଲ୍ୟ: ଗୋଟିଏ ଘରୁ ୯ ମାସର ଶିଶୁ ସମେତ ୪ଜଣଙ୍କ ମୃତଦେହ ଉଦ୍ଧାର

ବେଙ୍ଗାଲୁରୁ: ୧ ଜୁଲାଇ ୨୦୧୮ ଦିନ ଦିଲ୍ଲୀର ଗୋଟିଏ ଘରେ ୧୧ ଲୋକଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ଯାହା ପୂରା ଦେଶରେ ଆଲୋଡ଼ନ ସୃଷ୍ଟି କରିଥିଲା । ବୁରାଡ଼ି ଅଞ୍ଚଳରେ ଘଟିଥିବା ଏହି ଘଟଣା ହତ୍ୟା ନା ଆତ୍ମହତ୍ୟା ତାକୁ ନେଇ ତାକୁ ନେଇ ଦ୍ୱନ୍ଦ୍ୱ ଦେଖାଦେଇଥିଲା । ଏଭଳି ଘଟଣା ଲୋକଙ୍କ ମନରେ ଏବେ ବି ତାଜା ଥିବା ବେଳେ ସମାନ ଘଟଣା ଏବେ ବେଙ୍ଗାଲୁରୁରେ ଦେଖିବାକୁ ମିଳିଛି । ଏଠାରେ ଗୋଟିଏ ପରିବାର ପାଞ୍ଚ ଜଣଙ୍କ ମୃତଦେହ ଗୋଟିଏ ଘରୁ ମିଳିଛି  । ସେମାନଙ୍କ ମଧ୍ୟରେ ଜଣେ  ୯ ମାସରେ ଛୋଟ ଶିଶୁ ମଧ୍ୟ ରହିଛି । ଅନ୍ୟମାନଙ୍କ ମୃତଦେହ ଝୁଲନ୍ତା ଅବସ୍ଥାରେ ମିଳିଥିବା ବେଳେ ୯ମାସ ଛୁଆଟିର ଭୋକରେ ମରିଯାଇଥିବା ଜଣାପଡ଼ିଛି ।  ଘରର ମୁଖିଆ ହାଲେଗେରେ ଶଙ୍କର ୪ ଦିନ ପରେ ଘରକୁ ଫେରିବା ପରେ ଘଟଣା ପ୍ରକଟ ହୋଇଥିଲା ।

ସଢ଼ି ଯାଇଥିଲା ମୃତଦେହ

ମୃତଦେହକୁ ଦେଖି ପୋଲିସ ଅନୁମାନ କରୁଛି ଯେ, ମୃତ୍ୟୁ ୪ ଦିନ ପୂର୍ବରୁ ହୋଇଛି । ପଞ୍ଚମ ଦିନ ରାତିରେ ମୃତଦେହକୁ ବାହାରକୁ କଢ଼ାଗଲା । ମୃତଦେହ ଗୁଡ଼ିକରୁ ପ୍ରବଳ ଦୁର୍ଗନ୍ଧ ବାହାରୁଥିବାରୁ ସେଗୁଡ଼ିକୁ ରାତିରେ ବାହାର କରାଗଲା ଏବଂ ପ୍ୟାକିଂ କରି ନିଆଗଲା ।

ମୃତକଙ୍କ ମଧ୍ୟରେ ଘର ମୁରବୀଙ୍କ ପତ୍ନୀ ଭାରତୀ(୫୧), ଝିଅ ସିଞ୍ଚନା (୩୪), ସିନ୍ଧୁରାନୀ (୩୧) ଏବଂ ପୁଅ ମଧୁସାଗର (୨୫) ଏବଂ ୯ ମାସର ନାତୁଣୀ ଥିଲା । ପୋଲିସ ସୂଚନା ମୁତାବକ ଛୁଆଟି ବେଡ୍ ଉପରେ ପଡ଼ିଥିବା ଦେଖିବାକୁ ପାଇଥିଲା । ଅନ୍ୟମାନଙ୍କୁ ପୃଥକ ପୃଥକ ରୁମ୍‌ରୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା ।

ଘରୁ ମିଳିନଥିଲା ଡେଥ୍ ନୋଟ୍

ସଦ୍ୟ ସୂଚନା ଅନୁଯାୟୀ ମୃତଦେହ ଗୁଡ଼ିକୁ ପୋଷ୍ଟମର୍ଟମ ପାଇଁ ନିଆଯାଇଛି । ତେବେ ପାରିପାର୍ଶ୍ୱିକ ସ୍ଥିତିରୁ ଏହା ଆତ୍ମହତ୍ୟା ବୋଲି ପୋଲିସ ଅନୁମାନ କରୁଛି । ପୋଷ୍ଟ ମର୍ଟମ ରିପୋର୍ଟ ପରେ ଏହା ସ୍ପଷ୍ଟ ହୋଇପାରିବ ।

ମୃତ ସ୍ତ୍ରୀ ସହ ଗୋଟିଏ କଠୋରୀରେ ରହୁଥିଲେ

କେନ୍ଦୁଝର: ମୃତ ସ୍ତ୍ରୀ ସହ ସ୍ୱାମୀ ବିତାଇଲେ ୪ଦିନ । ମୃତ ସ୍ତ୍ରୀ ସହ ଗୋଟିଏ କୋଠରୀରେ ଖିଆପିଆ କରିବା ସହ ଗୋଟିଏ ଖଟରେ ଶୋଇଥିଲେ ସ୍ୱାମୀ । ଖାଇବା ବେଳେ, ମୃତ ସ୍ତ୍ରୀଙ୍କୁ ଖୁଆଇ ମଧ୍ୟ ଦେଉଥିଲେ । ଘର ଭିତରୁ ଦୁର୍ଗନ୍ଧ ବାହାରିବାରୁ ପଡ଼ୋଶୀ ପୋଲିସକୁ ଖବର ଦେଇଥିଲେ । ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି କେନ୍ଦୁଝର ଜିଲ୍ଲା ଯୋଡା ଥାନା ରୂପାସାହିରେ ।

ସୂଚନା ଅନୁଯାୟୀ, ସୁରେନ୍ କାରୁଆଙ୍କ ସ୍ତ୍ରୀ ସୁନୀତାଙ୍କର ଦେହ ଖରାପ ଥିଲା । ସେ ଚଳପ୍ରଚଳ କରି ପାରୁନଥିଲେ । ସ୍ତ୍ରୀ ସୁନୀତାଙ୍କୁ ଡାକ୍ତରଖାନା ନେବା ବଦଳରେ ଘରେ ପକାଇ ରଖିଥିଲେ ସ୍ୱାମୀ ସୁରେନ୍ । ସୁରେନ୍ ଜଣେ ମାନସିକ ବିକାରଗ୍ରସ୍ତ ବୋଲି ପୋଲିସ୍ ସୂତ୍ରରୁ ପ୍ରକାଶ । ସ୍ତ୍ରୀ ସୁନୀତଙ୍କ ମୃତ୍ୟୁ ଘଟିଥିଲେ ମଧ୍ୟ ଏହା ଜାଣି ପାରି ନଥିଲେ ସୁରେନ୍ । ସୁରେନଙ୍କର ପ୍ରଥମ ସ୍ତ୍ରୀଙ୍କର ମୃତ୍ୟୁ ପରେ ସୁନୀତାଙ୍କୁ ସେ ଦ୍ୱିତୀୟ ବିବାହ କରିଥିଲେ । ସୁରେନ୍ ଓ ସୁନୀତାଙ୍କ ମଧ୍ୟରେ ଅଧିକାଂଶ ସମୟରେ ଝଗଡ଼ା ଲାଗୁଥିବା ପଡ଼ୋଶୀମାନେ କହିଛନ୍ତି । ମୃତ୍ୟୁ ସମୟରେ ସୁନୀତା ଗର୍ଭବତୀ ଥିବା ଜଣାପଡ଼ିଛି । ସୋମବାରଠାରୁ ମୃତଦେହ ଘର ଭିତରେ ପଡି ରହିଥିବା ବେଳେ, ଗୁରୁବାର ଦିନ ଦୁର୍ଗନ୍ଧ ବାହାରିବାରୁ ଘଟଣା ସମ୍ପର୍କରେ ଜଣାପଡିଥିଲା । ଏହା ଏକ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଥିବା ବେଳେ, ଶବ ବ୍ୟବଚ୍ଛେଦ ପାଇଁ ପଠାଇ ସୁରେନ୍ କୁ ଅଟକ ରଖି ପଚରାଉଚୁରା କରୁଛି ପୋଲିସ୍ ।

ଏଥିସହିତ ପଢ଼ନ୍ତୁ: ପାରୋଲରେ ଆସିଥିବା କଏଦୀଙ୍କ ଆତ୍ମହତ୍ୟା

ପାରୋଲରେ ଆସିଥିବା କଏଦୀଙ୍କ ଆତ୍ମହତ୍ୟା

ମାହାଙ୍ଗା: ପାରୋଲ୍‌ରେ ଆସିଥିବା କଏଦୀଙ୍କ ଆତ୍ମହତ୍ୟା । ମୃତ କଏଦୀ ଜଣଙ୍କ କଟକ ଜିଲ୍ଲା ମାହାଙ୍ଗା ଥାନା ବରାହିପୁର ଗାଁର ରାଜକିଶୋର ନାୟକ  । ତେବେ ଆତ୍ମହତ୍ୟା କାରଣ ଏବେ ଯାଏଁ ଅସ୍ପଷ୍ଟ ରହିଛି । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଆରମ୍ଭ କରିଛି । ସୂଚନା ମୁତାବକ, ରାଜକିଶୋର ନାୟକ  ପୁରୀ କାକଟପୁର ଅଞ୍ଚଳର ହୋଇଥିବା ବେଳେ ଶ୍ଵଶୁର ଘର କଟକ ଜିଲ୍ଲା ମାହାଙ୍ଗା ଥାନା ବାରାହୀପୁରରେ ଦୀର୍ଘ ବର୍ଷ ହେବ ରହିଆସୁଥିଲେ ।

  ସେ ୨୦୦୮ରେ ମାହାଙ୍ଗାର ତ୍ରିବେଣିଶ୍ୱର ବଜାରରେ ହୋଇଥିବା ବୋମାମାଡ଼ରେ ଜଣଙ୍କର ମୃତ୍ୟୁ ହୋଇଥିଲା । ଏଥିରେ ତାଙ୍କର ସମ୍ପୃକ୍ତି ଥିବା ଅଭିଯୋଗରେ ଚୌଦାର ଜେଲ୍‌ରେ ସେ  ଆଜୀବନ କଏଦୀ ଭାବେ ସଜ୍ଜା କାଟୁଥିଲେ । ଗତ ମେ ମାସ ୨୧ ତାରିଖରେରେ କରୋନା ସଂକ୍ରମଣ ପାଇଁ ସେ ଘରକୁ  ପାରୋଲରେ ଆସିଥିଲେ । ପାରୋଲ ଶେଷ ପରେ ଆଜି ତାଙ୍କର ଜେଲ ଫେରିବାର ଦିନ ଥିଲା । ହେଲେ ସକାଳୁ ବେକରେ ଏକ ଲୁଗାରେ  ଆତ୍ମହତ୍ୟା କରିଥିବା ପରିବାର ପକ୍ଷରୁ ଅଭିଯୋଗ ହୋଇଛି।  ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ଓ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ କଟକ ପଠାଇଛି ।

ବିସ୍ଫୋରକ ମୋଡରେ ପଞ୍ଜାବ କଂଗ୍ରେସ ଗୃହଯୁଦ୍ଧ, କ୍ୟାପ୍ଟେନ ଦେଲେ ଧମକ

ଚଣ୍ଡିଗଡ଼: ଦୀର୍ଘ ଦିନ ଧରି ପଞ୍ଜାବ କଂଗ୍ରେସରେ ଚାଲିଥିବା ଗୃହଯୁଦ୍ଧ ଏବେ ବିସ୍ଫୋରକ ମୋଡରେ ପହଞ୍ଚିଛି । ମୁଖ୍ୟମନ୍ତ୍ରୀ କ୍ୟାପ୍ଟେନ ଅମରିନ୍ଦର ସିଂହ ମୁଖ୍ୟମନ୍ତ୍ରୀ ପଦ ସହିତ ଦଳରୁ ଇସ୍ତଫା ଦେବା ପାଇଁ ହାଇକମାଣ୍ଡଙ୍କୁ ଧମକ ଦେଇଥିବା ଖବର ଆସୁଛି । ଶୁକ୍ରବାର ବିଳମ୍ବିତ ରାତିରେ କଂଗ୍ରେସ ବିଧାୟକ ଦଳର ନୂଆ ନେତା ନିର୍ବାଚନ ପାଇଁ ହରିସ ରାୱତ ସୂଚନା ଦେଇଥିଲେ । ଯାହାକୁ ନେଇ କ୍ୟାପ୍ଟେନ କ୍ଷୁବ୍ଧ ଅଛନ୍ତି ।
ସୂଚନା ଅନୁସାରେ କ୍ୟାପ୍ଟେନ୍ ଏନେଇ ସୋନିଆ ଗାନ୍ଧିଙ୍କ ସହିତ ଫୋନ୍ ଯୋଗେ କଥା ହୋଇଛନ୍ତି । ଯେଉଁଭଳି ଭାବେ ତାଙ୍କୁ ନଜଣାଇ ବିଧାୟକ ଦଳର ବୈଠକ ଡକା ଗଲା ତାକୁ ନେଇ ସେ ନିଜ ଅସନ୍ତୋଷ ବ୍ୟକ୍ତ କରିବା ସହିତ କହିଛନ୍ତି ଯେ, ଯଦି ତାଙ୍କୁ ଏହିଭଳି ଭାବେ ଅଣଦେଖା କରାଯାଏ ତେବେ ସେ ମୁଖ୍ୟମନ୍ତ୍ରୀ ପଦରେ ରହିବାକୁ ଚାହିଁବେ ନାହିଁ ।
ସୋନିଆ ଗାନ୍ଧି ଓ କମଲନାଥଙ୍କ ସହିତ କଥା ହେବା ବେଳେ କ୍ୟାପ୍ଟେନ୍ ଏହା ମଧ୍ୟ ସ୍ପଷ୍ଟ କରିଦେଇଛନ୍ତି ଯେ, ଯଦି ଆଜି ଦଳ ଭିତରେ ଚାଲିଥିବା ବିବାଦର ଅବସାନ ନହୁଏ ତେବେ ସେ ଇସ୍ତଫା ଦେଇଦେବେ । ଯଦି ତାଙ୍କୁ ମୁଖ୍ୟମନ୍ତ୍ରୀ ପଦରୁ ହଟିବାକୁ କୁହାଯାଏ ତେବେ ସେ ଦଳରୁ ଇସ୍ତଫା ଦେବେ ବୋଲି ହାଇକମାଣ୍ଡଙ୍କୁ ସ୍ପଷ୍ଟ ଶବ୍ଦରେ କ୍ୟାପ୍ଟେନ ଚେତାବନୀ ଦେଇଥିବା କୁହାଯାଉଛି ।
ସୂଚନାଯୋଗ୍ୟ ଯେ, ଶନିବାର ବିଳମ୍ବିତ ସନ୍ଧ୍ୟାରେ କଂଗ୍ରେସ ବିଧାୟକ ଦଳର ବୈଠକ ହେବ । ଯେଉଁଥିରେ ବିଧାୟକ ନୂଆ ନେତା ବାଛିବେ । ନୂଆ ନେତା ଭାବେ ନବଜ୍ୟୋତ୍ ସିଂହ ସିଦ୍ଧୁ ଓ ସୁନୀଲ ଜାଖଡ ନିର୍ବାଚିତ ହୋଇ ପାରନ୍ତି ।
ନବଜ୍ୟୋତ୍ ସିଂହ ସିଦ୍ଧୁ ବିଜେପି ଛାଡି କଂଗ୍ରେସରେ ଯୋଗ ଦେବା ପରଠାରୁ ଦଳରେ ଅସନ୍ତୋଷ ସୃଷ୍ଟି ହୋଇଛି । ସିଦ୍ଧୁ କ୍ୟାପ୍ଟେନଙ୍କ ବିରୋଧରେ ମେଳି କରିଛନ୍ତି ।

ରନ୍ଧା ଖାଦ୍ୟ ଦାବିରେ ବ୍ଳକ୍ କାର୍ଯ୍ୟାଳୟରେ ତାଲା ପକାଇଲେ ଲୋକେ

ପାରାଦୀପ: ରନ୍ଧା ଖାଦ୍ୟ ଯୋଗାଇ ଦେବା ଦାବିରେ ଧାରଣା । ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ କାର୍ଯ୍ୟାଳୟରେ ତାଲା ପକାଇ ଧାରଣା ଦେଇଛନ୍ତି ଦୁଇଟି ପଞ୍ଚାୟତର ଲୋକ । ଲଗାଣ ବର୍ଷାରେ କୁଜଙ୍ଗ ବ୍ଲକ ଗଣ୍ଡକିପୁର ଓ କାଳିଆପାଟ୍ଟ ପଞ୍ଚାୟତର ଲୋକ ଏବେ ବି ଜଳବନ୍ଦୀ ଅବସ୍ଥାରେ ରହିଛନ୍ତି। ଜଳ ନିଷ୍କାସନ ହୋଇପାରୁ ନଥିବା ବେଳେ କେତେକ ଘରର ମାଟି କାନ୍ଥ ଭୁଶୁଡ଼ି ପଡ଼ିଛି । ମାତ୍ର ପ୍ରଶାସନ ଏ ପର୍ଯ୍ୟନ୍ତ ସେଠାରେ ଠିକ୍‌ ଭାବେ ରିଲିଫ ଯୋଗାଇନାହିଁ ।

ଗୋଟିଏ ଥର ରନ୍ଧା ଖାଦ୍ୟ ଦେଉଥିବା ବେଳେ ଛୋଟ ପିଲା ଓ ବୟସ୍କ ବ୍ୟକ୍ତିମାନେ ଉପାସ ରହୁଛନ୍ତି। ସରପଞ୍ଚ ଓ ବ୍ଲକ୍ ପ୍ରଶାସନ ଘଟଣାସ୍ଥଳ ପରିଦର୍ଶନ କରିଥିଲେ ମଧ୍ୟ ଜଳ ନିଷ୍କାସନର ବ୍ୟବସ୍ଥା ହୋଇନାହିଁ କି ସଠିକ୍ ସମୟରେ ଖାଦ୍ୟ ଦିଆଯାଉନାହିଁ। ଏହାର ପ୍ରତିବାଦ କରି ଦୁଇ ପଞ୍ଚାୟତର ଶତାଧିକ ମହିଳା, ପୁରୁଷ ଓ ଶିଶୁଙ୍କୁ କୁଜଙ୍ଗ ବ୍ଲକ୍ କାର୍ଯ୍ୟାଳୟରେ ତାଲା ପକାଇ ଧାରଣା ଦେଇଛନ୍ତି।

ଏଥିସହିତ ପଢ଼ନ୍ତୁ: ହୀରାକୁଦକୁ କମିଛି ଜଳ ପ୍ରବାହ: ବନ୍ଦ ହେଲା ଆଉ ୬ ଗେଟ୍

ପାକିସ୍ତାନୀ ଆଙ୍କରଙ୍କ ତାଲିବାନ ପ୍ରେମ୍,ଲାଇଭ୍ ଟିଭିରେ ହିଜବ ପିନ୍ଧି ଜ୍ଞାନ ବାଣ୍ଟିଲେ

ନୂଆଦିଲ୍ଲୀ: ଏବେ ଆଫଗାନିସ୍ତାନରେ ରାଜ୍ କରୁଛି ତାଲିବାନ୍ । ତାଲିବାନର ବର୍ବରତା କାହାକୁ ମଧ୍ୟ ଅଛପା ନାହିଁ । ମହିଳାଙ୍କ ସହିତ ହେଉଥିବା ଅତ୍ୟାଚାର କଥା ତ କହିଲେ ନ ସରେ । ତାଲିବାନକୁ ତିଆରି କରିଥିବା ପାକିସ୍ତାନ ତାଲିବାନର ଭଲ ଗୁଣ ଦୁନିଆ ଆଗରେ ଗଣୁଛି । ଖୋଦ୍ ପାକ୍ ପ୍ରଧାନମନ୍ତ୍ରୀ ତାଲିବାନ ଶାସନକୁ ସମର୍ଥନ କରୁଛନ୍ତି । ତାଲିବାନକୁ ଆଉ ଟିକେ ସମୟ ଦିଅ ବୋଲି  ବିଶ୍ୱ ଆଗରେ ଯୁକ୍ତି କରୁଛନ୍ତି । ଏମିତିରେ ପାକିସ୍ତାନୀ ମିଡିଆ କେମିତି ପଛରେ ରୁହନ୍ତା ? ପାକିସ୍ତାନୀ ମିଡିଆ ମଧ୍ୟ ଦିନରାତି ତାଲିବାନ ମନ୍ତ୍ର ଜପ କରୁଛି । ଆଫଗାନିସ୍ତାନରେ ମହିଳାଙ୍କୁ ଘର ଭିତରେ ରହିବାକୁ ବାଧ୍ୟ କରୁଥିବା ତାଲିବାନର କଠୋର ବୁର୍ଖା ନିୟମ ବିରୋଧରେ ଅନେକ ମୁହଁ ଖୋଲୁଛନ୍ତି । କିନ୍ତୁ ପାକିସ୍ତାନର ଜଣେ ମହିଳା ଆଙ୍କରଙ୍କୁ ତାଲିବାନ ଏତେ ଭଲ ଲାଗୁଛି ଯେ, ସେ ବୁର୍ଖାକୁ ବିରୋଧ କରୁଥିବା ଓ ମହିଳା ଅଧିକାର ସୁରକ୍ଷା ବିରୋଧରେ ଲାଇଭ୍ ଡ୍ରାମା କରିବାକୁ ପଛାଇ ନାହାନ୍ତି । ଏହି ଆଙ୍କର ଜଣକ ଲାଇଭ୍ ଟିଭିରେ ତାଲିବାନକୁ ସମର୍ଥନ କରି ବୁର୍ଖା ପିନ୍ଧି ଦର୍ଶକଙ୍କୁ ଜ୍ଞାନ ବାଣ୍ଟିବାରେ ଟିକିଏ ବି ହେଳା କରିନାହାନ୍ତି ।

ଶୁକ୍ରବାର ପାକିସ୍ତାନୀ ଚ୍ୟାନେଲ ସମ୍ମା ଟିଭିର ନ୍ୟୁଜ୍ ଆଙ୍କର କିରନ ନାଜ୍ ଲାଇଭ୍ ଟେଲିକାଷ୍ଟରେ ଏମିତି କାଣ୍ଡ କରିଛନ୍ତି । ତାଲିବାନ ସମର୍ଥନରେ ତାଙ୍କର ଏହି କାରନାମା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।  ଆଙ୍କର ଜଣକ ତାଲିବାନର ହିଜାବ ନିୟମକୁ ଠିକ୍ ଦର୍ଶାଇ ଲାଇଭରେ ଥିବାବେଳେ କ୍ୟାମେରା ସାମ୍ନାରେ ହିଜାବ ପିନ୍ଧି କହିଲେ , ହିଜାବ ପିନ୍ଧିବା ଦ୍ୱାରା ଚିନ୍ତାଧାରା ବଦଳି ଯାଏନି ।

ସମା ଟିଭିର ନ୍ୟୁଜ୍ ଆଙ୍କରଙ୍କ ଏହି ଭିଡ଼ିଓ ସୋସିଅଲ ମିଡିଆରେ ଖୁବ୍ ଭାଇରାଲ ହେଉଛି । କିରନଙ୍କ ଏହି କାରନାମା ପଛରେ ଜଣେ ପ୍ରଫେସରଙ୍କ ବକ୍ତବ୍ୟ ରହିଛି ।   ଲାଇଭ ଡିବେଟରେ ପାକିସ୍ତାନୀ ପ୍ରଫେସର  ପରବେଜ୍ ହୁଡଭୋୟଙ୍କ ହିଜାବକୁ କଡାକଡି କରିବା ବିରୋଧରେ ମନ୍ତବ୍ୟ ଦେଇଥିଲେ । କାୟଦେ ଆଜମ ୟୁନିଭର୍ସିଟିରେ  ପଢାଉଥିବା ପରଭେଜ୍ ହୁଡଭୋୟ କହିଲେଯେ, ସେ ୧୯୭୩ ମସିହାରେ ପଢ଼ାଇବା ଆରମ୍ଭ କରିଥିଲେ । ୪୭ ବର୍ଷ ତଳେ କୌଣସି ମହିଳାଙ୍କୁ ବୁର୍ଖାରେ ଦେଖିବା ସହଜ ନଥିଲା ।       ଆଉ ଏବେ ହିଜାବ ଏବଂ ବୁର୍ଖା  ଗୋଟିଏ ହୋଇ ଯାଇଛି  ଏବଂ ତା ସାଙ୍ଗକୁ ବିନା ହିଜବରେ ସାଧାରଣ ଝିଅଙ୍କୁ ଦେଖିବାକୁ ମିଳୁନାହିଁ । ବୁର୍ଖା ଓ ହିଜବ ପିନ୍ଧିବା କାରଣରୁ କ୍ଲାସରେ ସେମାନଙ୍କ ଆକ୍ଟିଭିଟି କମିଯାଉଛି । ଏମିତିକି ସେମାନେ କ୍ଲାସ କରୁଛନ୍ତି କି ନାହିଁ ତାହା ଜଣା ପଡୁନାହିଁ ।


ପ୍ରଫେସରଙ୍କ କଥା କିନ୍ତୁ କିରନ ନାଜଙ୍କୁ ପସନ୍ଦ ଆସିନଥିଲା । ତେଣୁ ତୁରନ୍ତ ସେ ବୁର୍ଖା ଓ ହିଜବ ଉପରେ ଜ୍ଞାନ ବାଣ୍ଟିବା ଆରମ୍ଭ କରିଦେଇଥିଲେ । ଲାଇଭ୍ ଟିଭିରେ ପାକିସ୍ତାନର ଏହି ବଡବୋଲା ଆଙ୍କର ହିଜବ ପିନ୍ଧି କହିଥିଲେ ଯେ, ଏହାକୁ ପିନ୍ଧିବା ଦ୍ୱାରା ମୋ ଆକ୍ଟିଭିଟିରେ କିଛି ଅସୁବିଧା ହେଉନି । ସୂଚନାଯୋଗ୍ୟ ଯେ, କିରନ ତାଙ୍କ ଭାରତ ବିରୋଧି ଆଙ୍କରିଂ ପାଇଁ କୁଖ୍ୟାତ ।

ଡ୍ରୋନ୍ ଆକ୍ରମଣ ପାଇଁ କ୍ଷମା ମାଗିଲା ଆମେରିକା

ୱାସିଂଟନ: କାବୁଲରୁ ଆମେରିକୀୟ ସୈନ୍ୟ ଅପସାରଣର ଶେଷ ପର୍ଯ୍ୟାୟରେ ହୋଇଥିବା ଡ୍ରୋନ୍ ଆକ୍ରମଣ ପାଇଁ ଆମେରିକା କ୍ଷମା ମାଗିଛି । ସୂଚନାଯୋଗ୍ୟ ଯେ, କାବୁଲ ବିମାନ ବନ୍ଦରରୁ ହଟିବାର ମାତ୍ର କେଇ ଦିନ ପୂର୍ବରୁ ଆମେରିକୀୟ ବାୟୁସେନା ଏକ ଗାଡି ଉପରକୁ ରକେଟ୍ ମାଡ କରିଥିଲା । ଉକ୍ତ କାରରେ ଇସଲାମିକ ଷ୍ଟେଟର ଆତଙ୍କବାଦୀ ଥିଲେ ବୋଲି ସେତେବେଳେ ଆମେରିକା ସେନା ଦାବି କରିଥିଲା । ସେହି ଆକ୍ରମଣରେ ୧୦ ଜଣ ପ୍ରାଣ ହରାଇଥିଲେ । ତେବେ ଏବେ ଆମେରିକା ଏଥିପାଇଁ କ୍ଷମା ମାଗିଛି । ଆମେରିକା କହିଛି ଯେ, ଭୂଲ ସୂଚନା କାରଣରୁ ଏହି ଆକ୍ରମଣ ହୋଇଥିଲା ।

ଭୁଲ ମାନିଲା,କ୍ଷମା ମାଗିଲା
ସିଏନଏନ୍ ରିପୋର୍ଟ ଅନୁସାରେ ପେଣ୍ଟାଗନରେ ଶୁକ୍ରବାର ଦିନ ଜେନରାଲ ମାକେନଞ୍ଜି ଆକ୍ରମଣ ପାଇଁ କ୍ଷମା ମାଗିଛନ୍ତି । ଉକ୍ତ ଆକ୍ରମଣରେ ମୃତ୍ୟୁ ବରଣ କରିଥିବା ଲୋକଙ୍କ ମଧ୍ୟରେ ୭ ଜଣ ଶିଶୁ ଥିଲେ । ସେ କହିଛନ୍ତି ଯେ,କାବୁଲ ବିମାନ ବନ୍ଦରର ସୁରକ୍ଷା ପାଇଁ ନିଯୁକ୍ତ ସୈନିକ ଓ ବାହାରେ ଅପେକ୍ଷା କରିଥିବା ଲୋକଙ୍କ ଉପରେ ଆକ୍ରମଣ ପାଇଁ ଆଇଏସଆଇଏସ ଆତ୍ମଘାତୀ ଆକ୍ରମଣ ଏକ କାର ଯୋଗେ ଆସୁଥିବା ସନ୍ଦେହ କାରଣରୁ ଡ୍ରୋନ୍ ଆକ୍ରମଣ ହୋଇଥିଲା । କିନ୍ତୁ ତାହା ଭୂଲ ସୂଚନା ଥିଲା । ଏହି ଆକ୍ରମଣ ପାଇଁ ମୁଁ କ୍ଷମା ମାଗୁଛି । ଭବିଷ୍ୟତରେ ଏଭଳି ଯେମିତି ନହେବ ସେଥିପାଇଁ ଆମେ ଯତ୍ନବାନ ହେବୁ ।

ଜାପାନରେ ମାତିଛି ଘୂର୍ଣ୍ଣିଛଡ଼ ଚାନ୍ଥୁ: ୪୯ ବିମାନ ବାତିଲ, ୬୭ ମାଇଲ ଘଣ୍ଟାପ୍ରତି ପବନର ବେଗ

0

ଜାପାନରେ ମାତିଛି ଚାନ୍ଥୁ । ଘୂର୍ଣ୍ଣିଝଡ଼ ଚାନ୍ଥୁର ପ୍ରଭାବରେ ବାତିଲ ହୋଇଛି ୪୯ରୁ ଅଧିକ ବିମାନ । ନାଗାସାକି, ଫୁକୁଓକା ଓ ସାଗାରେ ଘୂର୍ଣ୍ଣିଝଡ ଚାନ୍ଥୁର ପ୍ରଭାବରେ ଅନେକ ଧନସମ୍ପତ୍ତି ନଷ୍ଟ ହୋଇଛି । ଘୂର୍ଣ୍ଣିଝଡ଼ ଚାନ୍ଥୁର ବେଗ ଘଣ୍ଟାପ୍ରତି ୬୭ ମାଇଲ ରହଛି । ଏଥିରେ ୫ରୁ ଅଧିକ ବ୍ୟକ୍ତି ଆହତ ହୋଇଛନ୍ତି । ଜାପାନର ଦକ୍ଷିଣ ପଶ୍ଚିମ ଅଞ୍ଚଳରେ ବାତ୍ୟାକୁ ନେଇ ସତର୍କ ବ୍ୟବସ୍ଥା ଗ୍ରହଣ କରାଯାଇଛି । ବର୍ତ୍ତମାନ ଚାନ୍ଥୁ ଜାପାନର ପ୍ରଶାନ୍ତ ମହାସାଗରୀୟ ଉପକୂଳର କେନ୍ଦ୍ରୀୟ ଅଞ୍ଚଳରେ ଗତି କରୁଛି । ଚଳିତ ବର୍ଷ ଚାନ୍ଥୁକୁ ମିଶାଇ ବର୍ତ୍ତମାନ ସୁଦ୍ଧା ଜାପାନରେ ୧୪ଟି ଘୂର୍ଣ୍ଣିଝଡ ସୃଷ୍ଟି ହୋଇଛି । ଚାନ୍ଥୁ ଦକ୍ଷିଣ ପଶ୍ଚିମ ଅଞ୍ଚଳସ୍ଥିତ କ୍ୟୁଶୁରେ ପ୍ରଥମେ କ୍ଷତି କରିବା ପରେ ଅନ୍ୟ ଅଞ୍ଚଳରେ କାୟା ବିସ୍ତାର କରିଥିଲା । ହିରୋସିମା ଓ କ୍ୟୁଶୁ ମଧ୍ୟରେ ବିମାନ ଚଳାଚଳ ବାତିଲ ହୋଇଥିବାବେଳେ ହିରୋସିମା ଓ ସିନଓସାକା ମଧ୍ୟରେ ଚାଲିଥିବା ବୁଲେଟ ଟ୍ରେନ ବାତିଲ କରାଯାଇଛି । କ୍ୟୁଶୁରେ ଝଡ଼ ଯୋଗୁଁ ବିଦ୍ୟୁତ ସରବରାହ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି । ବିଭିନ୍ନ ସ୍ଥାନରେ ୨୫୦ ମିଲିମିଟର ବର୍ଷା ମଧ୍ୟ ହୋଇଛି ।

ଏଥିସହିତ ପଢ଼ନ୍ତୁ: DRDO ତଥ୍ୟ ଲିକ୍ ମାମଲା: ୫ ଅଭିଯୁକ୍ତଙ୍କୁ ୭ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ

DRDO ତଥ୍ୟ ଲିକ୍ ମାମଲା: ୫ ଅଭିଯୁକ୍ତଙ୍କୁ ୭ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ

ବାଲେଶ୍ୱର: DRDOରୁ ତଥ୍ୟ ଲିକ ଘଟଣା । ୫ ଅଭିଯୁକ୍ତଙ୍କୁ ୭ ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ । କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ଏନେଇ ସୂଚନା ଦେଇଛନ୍ତି । ବାଲେଶ୍ୱର କୋର୍ଟରେ ଆବେଦନ କରିଥିଲା କ୍ରାଇମବ୍ରାଞ୍ଚ । ପୁଣି ମୂଳରୁ ତଦନ୍ତ କରିଵ କ୍ରାଇମବ୍ରାଞ୍ଚ । ସ୍ୱତନ୍ତ୍ର ଟିମ୍‌ ଅଭିଯୁକ୍ତଙ୍କୁ ପଚରାଉଚରା କରିବ। ଆଡିସନାଲ ଏସ୍‌ପିଙ୍କ ନେତୃତ୍ୱରେ ଗଠନ ହୋଇଛି ଟିମ୍। ଟିମରେ ଜଣେ ସାଇବର ଇନ୍ସପେକ୍ଟର, ଜଣେ ଏସଆଇ ରହିଛନ୍ତି । ଆଜିଠାରୁ ସବୁ ଦିଗକୁ ନେଇ ପଚରାଉଚରା କରିବ ଟିମ୍। ଆର୍ଥିକ କାରବାରର ମଧ୍ୟ ଯାଞ୍ଚ ହେବ । ତଥ୍ୟ କେମିତି ଦେଉଥିଲେ, କେତେ ଟଙ୍କା ମିଳୁଥିଲା ସେସବୁର ହେବ ଖୋଳତାଡ଼। କଟକ ମୁଖ୍ୟାଳୟରେ ଅଭିଯୁକ୍ତଙ୍କୁ ଜେରା ହେବ।

ଏଥିସହିତ ପଢ଼ନ୍ତୁ: ହୀରାକୁଦକୁ କମିଛି ଜଳ ପ୍ରବାହ: ବନ୍ଦ ହେଲା ଆଉ ୬ ଗେଟ୍