spot_img
Home Blog Page 5338

୪ଟି ଗେଟ୍ ଦେଇ ହୀରାକୁଦରୁ ନିଷ୍କାସିତ ହେଉଛି ବନ୍ୟାଜଳ

ସମ୍ବଲପୁର: ଉପରୁ ମୁଣ୍ଡରୁ ହୀରାକୁଦ ଡ୍ୟାମକୁ ପାଣି ପ୍ରବାହ କମିବା ପରେ ବନ୍ଦ ହେଉଛି ଗୋଟିଏ ପରେ ଗୋଟିଏ ଗେଟ୍ । ହୀରାକୁଦ ଜଳଭଣ୍ଡାରରୁ ୮ଟି ଗେଟ୍ ଦେଇ ଜଳ ନିଷ୍କାସିତ ହେଉଥିବା ବେଳେ ପୁଣି ୪ଟା ଗେଟ୍ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି । ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳସ୍ତର ୬୨୮.୪୩ ଫୁଟ୍ ରହିଥିବା ବେଳେ ଡ୍ୟାମ୍ ଭିତରକୁ ପ୍ରତିସେକେଣ୍ଡରେ ୨ ଲକ୍ଷ ୪୨ ହଜାର ୨୨୬ ଘନଫୁଟ ବନ୍ୟାଜଳ ପ୍ରବେଶ କରୁଛି  । ସେକେଣ୍ଡ ପିଛା ନିଷ୍କାସିତ ହେଉଛି ୧ ଲକ୍ଷ ୬୧ ହଜାର ୧୯୭ ଘନଫୁଟ୍ ବନ୍ୟାଜଳ । ସମ୍ବଲପୁର ଜିଲ୍ଲାର ତଳିଆ ଅଞ୍ଚଳରେ ବନ୍ୟା ଆଶଙ୍କା ଦୂର ହୋଇଛି ।

Flood Water Released Through 4 Gate Of Hirakud Dam

ଅନ୍ୟପଟେ ସାମ୍ଭାବ୍ୟ ବନ୍ୟା ସ୍ଥିତି ନେଇ ଜଳସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଧୀରେନ ସାମଲ ସୂଚନା ଦେଇଛନ୍ତି । ମହାନଦୀ ସମେତ ବ୍ରାହ୍ମଣୀ, ବୈତରଣୀ ଓ ସୁବର୍ଣ୍ଣରେଖା ନଦୀରେ ଜଳସ୍ତର କମିଯାଇଛି । ଆଉ ମାଧ୍ୟମ ଧରଣର ବନ୍ୟା ହେବାର ନାହିଁ । ପରିବର୍ତ୍ତିତ ପାଣିପାଗ ନେଇ ବିଭାଗ ସତର୍କ ରହିଛି । ପୂର୍ଣ୍ଣିମା ଥିବାରୁ ସମୁଦ୍ର ଜୁଆରିଆ ରହିଛି । ଯେଉଁଥିପାଇଁ ତଳିଆ ଅଞ୍ଚଳରୁ ପାଣି ଛାଡ଼ିବା ବିଳମ୍ବ ହେଉଛି । ଏବେସୁଧା ବିଭିନ୍ନ ନଦୀ ବନ୍ଧରେ ୮ଟି ଛୋଟ ଘାଇ ହୋଇଥିଲା । ସେଗୁଡ଼ିକୁ ବାଲି ବସ୍ତା ପକାଇ ମରାମତି କରିଦିଆଯାଇଛି ।

ପଞ୍ଜାବ ମୁଖ୍ୟମନ୍ତ୍ରୀ ହେବାକୁ କାହିଁକି ମନା କଲେ ଅମ୍ବିକା ସୋନି ?

ଚଣ୍ଡିଗଡ଼: ଅମରିନ୍ଦରଙ୍କ ଇସ୍ତଫା ପରେ ମୁଖ୍ୟମନ୍ତ୍ରୀ ଚୟନକୁ ଦ୍ୱନ୍ଦ୍ୱରେ ପଞ୍ଜାବ କଂଗ୍ରେସ । ମୁଖ୍ୟମନ୍ତ୍ରୀ ରେସରେ ସବୁଠୁ ଆଗରେ ଥିଲେ ଅମ୍ବିକା ସୋନି । କଂଗ୍ରେସ ସୋନିଆ ଗାନ୍ଧୀ ତାଙ୍କୁ ମୁଖ୍ୟମନ୍ତ୍ରୀ ପଦରେ ବସାଇବାକୁ ଚାହୁଁଥିଲେ । ୫୦ ବର୍ଷ ଧରି ଅମ୍ବିକା ସୋନି ରାଜନୀତିରେ ସକ୍ରିୟ ଅଛନ୍ତି । କୁହାଯାଉଛି ମୁଖ୍ୟମନ୍ତ୍ରୀ ପାଇଁ ସେ ମନା କରି ଦେଇଛନ୍ତି । ତେବେ, କାହିଁକି… ?

Punjab Congress Crisis, Why Ambika Soni Denied CM Post

କ୍ୟାପଟେନ୍ ଅମରିନ୍ଦରଙ୍କ ଇସ୍ତଫା ପରେ ମୁଖ୍ୟମନ୍ତ୍ରୀ ପଦ ପାଇଁ ୨ଟି ନାଁ ଚର୍ଚ୍ଚାରେ ଥିଲା । ଜଣେ ଅମ୍ବିକା ସୋନି ଓ ଅନ୍ୟ ଜଣେ ସୁନୀଲ ଝକଡ଼ । ଅମ୍ବିକା ସୋନି ରେସରେ ସବୁଠୁ ଆଗରେ ଥିଲେ । ସୂଚନା ଅନୁସାରେ ସିଦ୍ଧୁ କ୍ୟାମ୍ପ, ସୁନୀଲ ଝକଡ଼ଙ୍କୁ ବିରୋଧ କରିଥିଲା । ଯାହାପରେ ଅମ୍ବିକା ସୋନି ମୁଖ୍ୟମନ୍ତ୍ରୀ ହେବା ନେଇ ଏକପ୍ରକାର ସ୍ଥିର ହୋଇ ସାରିଥିଲା । ତେବେ, ସେ ମୁଖ୍ୟମନ୍ତ୍ରୀ ହେବା ପାଇଁ ମନା କରି ଦେଇଛନ୍ତି ।

Punjab Congress Crisis, Why Ambika Soni Denied CM Post

ସୂତ୍ର ଅନୁସାରେ, ସେ ଏବେ ମୁଖ୍ୟମନ୍ତ୍ରୀ ହେବାକୁ ଚାହୁଁ ନାହାଁନ୍ତି । ଶିଖ୍ ସମ୍ପ୍ରଦାୟର କାହାରିକୁ ମୁଖ୍ୟମନ୍ତ୍ରୀ କରିବାକୁ କହିଛନ୍ତି କ୍ଷତ୍ରି ହିନ୍ଦୁ ଅମ୍ବିକା ସୋନି । ତାଙ୍କ କହିବା ଅନୁସାରେ, ପଞ୍ଜାବରେ ଶିଖ୍ ହେବନି ତ ଆଉ କିଏ ହେବ । ସେ ଆହୁରି କହିଛନ୍ତି ମୁଁ ଦଳକୁ ସମ୍ମାନ ଦିଏ, ମୁଖ୍ୟମନ୍ତ୍ରୀ ପଦ ଚାହେଁନି ।

ସୋନିଆ ଗାନ୍ଧୀ କହିଲେ- ‘I Am Sorry ଅମରିନ୍ଦର’, କ୍ୟାପଟେନ୍ ବଖାଣିଲେ ଫୋନ କଲର ପୂରା କାହାଣୀ

ନୂଆଦିଲ୍ଲୀ: ପଞ୍ଜାବ କଂଗ୍ରେସରେ ଥମୁନି କନ୍ଦଳ । ଏହାରି ଭିତରେ ଶନିବାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି କ୍ୟାପଟେନ ଅମରିନ୍ଦର ସିଂ । ତେବେ ଇସ୍ତଫା ଦେବା ପରେ ପଞ୍ଜାବ କଂଗ୍ରେସ ଉପରେ ଖୁବ ବର୍ଷିଛନ୍ତି । ତେବେ ଗଣମାଧ୍ୟମ ସହ କଥାବାର୍ତ୍ତା କରି ସେ ଜଣାଇଛନ୍ତି ଯେ ଇସ୍ତଫା ଦେବା ସମୟରେ କଂଗ୍ରେସ ମଧ୍ୟବର୍ତ୍ତୀକାଳୀନ ସଭାପତି ସୋନିଆ ଗାନ୍ଧୀ ତାଙ୍କ ସହ ଫୋନରେ କଥା ହୋଇଥିଲେ । ଏବଂ କହିଥିଲେ “I AM SORRY ” ।

ପଞ୍ଜାବର କାର୍ଯ୍ୟନିର୍ବାହୀ ମୁଖ୍ୟ କ୍ୟାପଟେନ ଅମରିନ୍ଦର ସିଂ କହିଛନ୍ତି ଯେ ସୋନିଆ ଗାନ୍ଧୀ ମୋତେ ସକାଳେ ଡାକିଥିଲେ, ମୁଁ ସେତେବେଳେ ସେଠାରେ ନଥିଲି । ଫେରିଆସିବା ପରେ ମିସ କଲ ଦେଖି ତାଙ୍କୁ କଲ କରିଥିଲି । କଲ କରିବା ପରେ ମୁଁ ଯେତେବେଳେ କଥା ହେଲି ଏକଥା ମଧ୍ୟ କହିଥିଲେ । ଯେ ମୁଁ ଅନୁଭବ କରୁଛି ଯେ ମୁଁ ଇସ୍ତଫା ଦେବା ଉଚିତ୍ ।

Sonia Gandhi Says To Amarinder Singh I Am Sorry

ଏହାର ଉତ୍ତରରେ ସେ କହିଥିଲେ ଯେ ଠିକ ଅଛି, ଆପଣ ଇସ୍ତଫା ଦେଇଦିଅନ୍ତୁ । ମୁଁ କହିଲି ଠିକ ଅଛି, ମୁଁ ଇସ୍ତଫା ଦେବି । ତା’ପରେ ସେ କହିଥିଲେ କ୍ଷମା କରିବେ ଅମରିନ୍ଦର । ମୁଁ ତାଙ୍କୁ ପ୍ରତି ଉତ୍ତରରେ କହିଥିଲି ଠିକ୍ ଅଛି, ଠିକ୍ ଅଛି । କ୍ୟାପଟେନ ଅମରିନ୍ଦର ସିଂଙ୍କ ଇସ୍ତଫା ପରେ ପଞ୍ଜାବରେ ମୁଖ୍ୟମନ୍ତ୍ରୀ ପଦବୀ ପାଇଁ ଅନେକ ନାମ ଆଗେଇ ଆସୁଥିଲେ ।

ତଥାପି, ସୂଚନାନୁସାରେ, ବର୍ତ୍ତମାନ ରାହୁଲ ଗାନ୍ଧୀଙ୍କ ନିକଟବର୍ତ୍ତୀ ପୂର୍ବତନ ସାଂସଦ ତଥା ପଞ୍ଜାବ କଂଗ୍ରେସର ପୂର୍ବତନ ମୁଖ୍ୟ ସୁନୀଲ ଜାଖରଙ୍କ ନାମ ସ୍ଥିର ହୋଇଥିବାର ଜଣାପଡିଛି । ବିଶ୍ୱାସ କରାଯାଏ ଯେ କଂଗ୍ରେସ ସୁନୀଲ ଜାଖରଙ୍କ । ଏହା ବ୍ୟତୀତ ପଞ୍ଜାବରେ ଦୁଇଜଣ ଡେପୁଟି ସିଏମ୍ ମଧ୍ୟ ରହିବେ । ଜଣେ ଡେପୁଟି ସିଏମ୍ ଦଳିତ ସମ୍ପ୍ରଦାୟର ହେବେ । ଏହି ଦୌଡ଼ରେ ପୂର୍ବତନ କ୍ୟାବିନେଟ ମନ୍ତ୍ରୀ ଚରଣଜିତ ସିଂ ଚାନ୍ନି ଏବଂ ବରିଷ୍ଠ କଂଗ୍ରେସ ବିଧାୟକ ରାଜକୁମାର ଭର୍କାଙ୍କ ନାମ ଅଗ୍ରଣୀ ରହିଛି ।

ଅମ୍ବିକା ସୋନି ହୋଇପାରନ୍ତି ପଞ୍ଜାବର ନୂଆ ମୁଖ୍ୟମନ୍ତ୍ରୀ

ଚଣ୍ଡିଗଡ଼: ସସପେନ୍ସରେ କଂଗ୍ରେସ । କିଏ ହେବ ପଞ୍ଜାବର ନୂଆ ମୁଖ୍ୟମନ୍ତ୍ରୀ । ଦଳ ଉପରେ ଅଭିଯୋଗ ଲଗାଇ ଶନିବାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ କ୍ୟାପଟେନ୍ ଅମିରନ୍ଦର ସିଂହ । ଅମିରନ୍ଦରଙ୍କର ଇସ୍ତଫା ପରେ ସୁନୀଲ ଝକଡ଼ ମୁଖ୍ୟମନ୍ତ୍ରୀ ହେବା ନେଇ ଚର୍ଚ୍ଚା ହେଉଛି । ତେବେ ସିଦ୍ଧୁଙ୍କ କ୍ୟାମ୍ପ ସୁନୀଲ ଝକଡ଼ଙ୍କୁ ବିରୋଧ କରୁଛି ।

Punjab Congress Crisis, Ambika Soni In CM Race

ସୂତ୍ରରୁ ମିଳିଥିବା ଖବର ଅନୁଯାୟୀ, ପଞ୍ଜାବର ନୂଆ ମୁଖ୍ୟମନ୍ତ୍ରୀ ହୋଇପାରନ୍ତି ଅମ୍ବିକା ସୋନି । ଅମ୍ବିକା ସୋନି ପଞ୍ଜାବୀ କ୍ଷେତ୍ରୀ ହିନ୍ଦୁ ଅଟନ୍ତି । କୁହାଯାଉଛି ସିନ୍ଧୁ ଓ କ୍ୟାପଟେନଙ୍କ କ୍ୟାମ୍ପ ମଧ୍ୟରେ ଅମ୍ବିକା ବାଲାନ୍ସ ରଖିପାରିବେ ।

Punjab Congress Crisis, Ambika Soni In CM Race

ପଞ୍ଜାବ କଂଗ୍ରେସ ମୁଖ୍ୟମନ୍ତ୍ରୀ ସହ ୨ ଉପ ମୁଖ୍ୟମନ୍ତ୍ରୀ ଚୟନ କରିବା ନେଇ ଚର୍ଚ୍ଚା ହେଉଛି । ଉପ ମୁଖ୍ୟମନ୍ତ୍ରୀ ରେସରେ ଦଳର ଦଳିତ ଚେହେରା ଡକ୍ଟର ରାଜକୁମାର ବେରକାଙ୍କ ନାଁ ସାମିଲ୍ ଅଛି । ଦିନ ୧୧ଟାରେ ବସିବାକୁ ଥିବା କଂଗ୍ରେସ ବିଧାୟକ ଦଳ ବୈଠକକୁ ରଦ୍ଦ କରି ଦିଆଯାଇଛି । ଅନ୍ୟପଟେ ସିଦ୍ଧୁଙ୍କୁ ମୁଖ୍ୟମନ୍ତ୍ରୀ କରାଗଲେ ବିରୋଧ କରିବେ ବୋଲି କହିଛନ୍ତି କ୍ୟାପଟେନ୍ ଅମିରନ୍ଦର ସିଂହ ।

ପୂର୍ବ ଶତ୍ରୁତାକୁ ନେଇ ଗୋଷ୍ଠୀ ସଂଘର୍ଷ, ଜାଳିଦେଲେ ୪ଟି ଘର

ବ୍ରହ୍ମପୁର: ଗୋଷ୍ଠୀ ସଂଘର୍ଷରେ ଜଣେ ମୃତ । ଗଞ୍ଜାମ ଜିଲ୍ଲା କୋଦଳା ରେଞ୍ଜର ବଙ୍ଗଳା ସାହିରେ ଗୋଷ୍ଠୀ ସଂଘର୍ଷ ଘଟିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ବଙ୍ଗଳା ସାହିରେ ହୋଇଥିବା ଗୋଷ୍ଠୀ ସଂଘର୍ଷରେ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ଆହତ ହୋଇଛନ୍ତି ।

Group Clash In Ganjam, One Dead

ବଚସା ପରେ ବିଚ୍‌ ରାସ୍ତାରେ ଯୁବକଙ୍କୁ ହତ୍ୟା କରାଯାଇଛି । ସଂଘବଦ୍ଧ ଆକ୍ରମଣରେ କାଳୁ ଦାସଙ୍କ ମୃତ୍ୟୁ ହୋଇଛି । ଗାଁରେ ଉତ୍ତେଜନା ଲାଗି ରହିଥିବା ବେଳେ ଉତ୍ତ୍ୟକ୍ତ ଲୋକ ୪ଟି ଘରେ ନିଆଁ ଲଗାଇ ଦେଇଛନ୍ତି । ଘଟଣାସ୍ଥଳରେ କୋଦଳା ପୋଲିସ ପହଞ୍ଚି ଥିବା ବେଳେ ପୋଲିସ ଓ ସ୍ଥାନୀୟ ଲୋକଙ୍କ ମଧ୍ୟରେ ଧସ୍ତାଧସ୍ତି ହୋଇଥିବା ଜଣାପଡ଼ିଛି ।

ରାଜ୍ୟରେ ପୁଣି ବଢ଼ିପାରେ କରୋନା ସଂକ୍ରମଣ

ଭୁବନେଶ୍ୱର: ରାଜ୍ୟରେ ପୁଣି ବଢ଼ିପାରେ କରୋନା ସଂକ୍ରମଣ । ଏଭଳି ଆକଳନ କରିଛି ସ୍ୱାସ୍ଥ୍ୟ ବିଭାଗ । ୮୦ ପ୍ରତିଶତ ଲକ୍ଷଣ ବିହୀନ ସଂକ୍ରମିତ ଚିହ୍ନଟ ହୋଇଛନ୍ତି, ତେଣୁ ସଂକ୍ରମଣ ବଢ଼ିବା ସମ୍ଭାବନା ରହିଛି । ଅକ୍ଟୋବର ଓ ନଭେମ୍ବରରେ କରୋନା ସଂକ୍ରମଣ ବୃଦ୍ଧି ପାଇବା ଆକଳନ କରି ଭିତ୍ତିଭୂମି ସହ, ଆଇସିୟୁ ଓ ଔଷଧ ମହଜୁଦ ରଖିବାକୁ ସ୍ୱାସ୍ଥ୍ୟ ବିଭାଗ ଅଣ୍ଟା ଭିଡିଛି । ଦେଶର ୮୮ଟି ଜିଲ୍ଲାରେ ସଂକ୍ରମଣ ବୃଦ୍ଧି ପାଇଛି ।

Covid Cases May Increased In Odisha In November

ପଜିଟିଭ ହାର ୫ ପ୍ରତିଶତ ଉପରକୁ ରହୁଛି । ରାଜ୍ୟର ଖୋର୍ଦ୍ଧା ଜିଲ୍ଲାରେ ସର୍ବାଧିକ ୫ ପ୍ରତିଶତ ଉପରେ ପଜିଟିଭ ହାର ରହୁଛି । ରାଜ୍ୟ ସରକାର କରୋନା ସଂକ୍ରମଣ ଚେନ୍ ରୋକିବାକୁ ଟିକାକରଣ, ସର୍ଭିଲାନ୍ସ , କଣ୍ଟାକ୍ଟ ଟ୍ରେସିଂ, ଟ୍ରିଟମେଣ୍ଟ ଉପରେ ଫୋକସ କରିଛନ୍ତି । ବିଶେଷ କରି କୋଭିଡ ନିୟମ କଡାକଡି ପାଳନ କରିବାକୁ ସ୍ୱାସ୍ଥ୍ୟ ବିଭାଗ ରାଜ୍ୟବାସୀଙ୍କୁ ଅପିଲ୍ କରିଛି ।

Covid Cases May Increased In Odisha In November

ସମ୍ଭାବ୍ୟ ତୃତୀୟ ଲହର ଓ ସଂକ୍ରମଣ ଚେନ୍ ରୋକିବାକୁ ହେଲେ ସ୍ୱାସ୍ଥ୍ୟ ବିଭାଗ ସମ୍ପୂର୍ଣ୍ଣ ପ୍ରସ୍ତୁତ ଥିବା ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି । ଏନେଇ କେନ୍ଦ୍ର କ୍ୟାବିନେଟ୍ ସଚିବଙ୍କ ସହ ସ୍ୱାସ୍ଥ୍ୟ ବିଭାଗର ଆଲୋଚନା ହୋଇ ରଣନୀତି ପ୍ରସ୍ତୁତ କରାଯାଇଛି ।

କମୁଛି ଜଳ ପ୍ରବାହ, ହୀରାକୁଦର ୮ ଗେଟ୍ ଦେଇ ବନ୍ୟା ଜଳ ନିଷ୍କାସନ

ସମ୍ବଲପୁର: ଛତିଶଗଡ଼ରେ ବର୍ଷା କମିବା ପରେ ହୀରାକୁଦ ଡ୍ୟାମକୁ ଜଳ ପ୍ରବାହ କମିଛି । ଫଳରେ ହୀରାକୁଦର ଆଉ ୮ଟି ଗେଟକୁ ବନ୍ଦ କରି ଦିଆଯାଇଛି । ଏବେ ହୀରାକୁଦ ଜଳଭଣ୍ଡାରରୁ ୮ଟି ସ୍ଲୁଇସ୍ ଗେଟ୍ ଦେଇ ନିଷ୍କାସିତ ହେଉଛି ବନ୍ୟା ଜଳ ।

8 Sluice Gate Of Hirakud Dam Opened To Release Flood Water

ହୀରାକୁଦ ଜଳ ଭଣ୍ଡାରର ଜଳସ୍ତର ୬୨୮.୩୩ ଫୁଟ୍ ରହିଛି । ଡ୍ୟାମ ଭିତରକୁ ପ୍ରତି ସେକେଣ୍ଡରେ ୨ ଲକ୍ଷ ୨୫ ହଜାର ୩୧୮ ଘନଫୁଟ୍ ବନ୍ୟାଜଳ ପ୍ରବେଶ କରୁଛି । ୮ଟି ଗେଟ୍ ଦେଇ ନିଷ୍କାସିତ ହେଉଛି ହେଉଛି ୨ ଲକ୍ଷ ୨୫ ହଜାର ୩୧୮ ଘନଫୁଟ୍ ବନ୍ୟାଜଳ ।

ଏଥିସହ ପଢ଼ନ୍ତୁ: ଟଳିଲା ବନ୍ୟା ବିପଦ; ବ୍ରାହ୍ମଣୀ, ବୈତରଣୀ, ବୁଢାବଳଙ୍ଗ ଓ ସୁବର୍ଣ୍ଣରେଖାର ଜଳସ୍ତର ହ୍ରାସ

୨୬ ଜିଲ୍ଲାରୁ ୬୨୩ ସଂକ୍ରମିତ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ ୨୭୨ ଜଣ ଆକ୍ରାନ୍ତ

ଭୁବନେଶ୍ୱର: ଗତ ୨୪ ଘଣ୍ଟାରେ ରାଜ୍ୟରୁ ଆଉ ୬୨୩ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ ମଧ୍ୟରେ ଶୂନରୁ ୧୮ ବର୍ଷ ମଧ୍ୟରେ ୯୫ ଜଣ ରହିଛନ୍ତି । ୩୬୨ଟି ମାମଲା କ୍ୱାରେଣ୍ଟାଇନରୁ ଆସିଥିବା ବେଳେ ୨୬୧ଟି ମାମଲା ସ୍ଥାନୀୟ ସଂକ୍ରମଣ ।

ଖୋର୍ଦ୍ଧା ଜିଲ୍ଲାକୁ ବାଦ୍ ଦେଲେ ଅନ୍ୟ ୨୫ଟି ଜିଲ୍ଲାରେ ଦୈନିକ ସଂକ୍ରମଣ ୩ ଅଙ୍କ ତଳେ ରହିଛି । ୪ଟି ଜିଲ୍ଲାରୁ ଆଜି କେହି ବି ସଂକ୍ରମିତ ଚିହ୍ନଟ ହୋଇନାହାଁନ୍ତି । ଖୋର୍ଦ୍ଧାରୁ ସର୍ବାଧିକ ୨୭୨ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଅନୁଗୁଳରୁ ୧୩, ବାଲେଶ୍ୱରରୁ ୨୮, ଭଦ୍ରକରୁ ୧୩, କଟକରୁ ୭୪, ଦେବଗଡ଼ରୁ ୨, ଢେଙ୍କାନାଳରୁ ୭, ଗଜପତିରୁ ୧, ଗଞ୍ଜାମରୁ ୧୨, ଜଗତସିଂହପୁରରୁ ୨୯, ଯାଜପୁରରୁ ୨୮, ଝାରସୁଗୁଡ଼ାରରୁ ୬, କଳାହାଣ୍ଡିରୁ ଜଣେ, କନ୍ଧମାଳରୁ ଜଣେ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କେନ୍ଦ୍ରାପଡ଼ାରୁ ୧୦, କେନ୍ଦୁଝରରୁ ୩, କୋରାପୁଟରୁ ୪, ମୟୂରଭଞ୍ଜରୁ ୧୮, ନବରଙ୍ଗପୁରରୁ ଜଣେ, ନୟାଗଡ଼ରୁ ୪, ପୁରୀରୁ ୭, ରାୟଗଡ଼ାରୁ ଜଣେ, ସମ୍ବଲପୁରରୁ ୧୫, ସୋନପୁରରୁ ଜଣେ, ସୁନ୍ଦରଗଡ଼ରୁ ୬ ଜଣ ଏବଂ ଷ୍ଟେଟପୁଲରୁ ୬୩ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ୨୪୪କୁ ବୃଦ୍ଧି ପାଇଛି । ୧୦ ଲକ୍ଷ ୬ ହଜାର ୩୨୦ ଜଣ କରୋନାକୁ ମାତ୍ ଦେଇଥିବା ବେଳେ ଏବେ ରାଜ୍ୟରେ ୫ ହଜାର ୭୩୬ଟି ସକ୍ରିୟ ମାମଲା ରହିଛି ।

ମୁଖ୍ୟମନ୍ତ୍ରୀଙ୍କ ଘୋଷଣା, ରାଷ୍ଟ୍ରୀୟ ମର୍ଯ୍ୟାଦା ସହ ହେବ ମନୋରମାଙ୍କ ଶେଷକୃତ୍ୟ

ଭୁବନେଶ୍ୱର: ବିଶିଷ୍ଟ ସମାଜସେବୀ ତଥା ଯଶସ୍ବୀ ସାରସ୍ଵତ ସାଧିକା ମନୋରମା ମହାପାତ୍ରଙ୍କ ଶେଷକୃତ୍ୟ ରାଷ୍ଟ୍ରୀୟ ମର୍ଯ୍ୟାଦା ସହକାରେ କରାଯିବ । ଏ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୁରୀ ସ୍ବର୍ଗଦ୍ଵାର ଠାରେ ସ୍ବର୍ଗତା ମହାପାତ୍ରଙ୍କ ଶେଷକୃତ୍ୟ ଆଜି ଅପରାହ୍ଣରେ କରାଯିବ । ଗତକାଲି ସନ୍ଧ୍ୟାରେ କଟକରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଥିଲା ।

 Last Rites Of Manorama Mohapatra To Be Performed As State Honours

ମନୋରମାଙ୍କ ବିୟୋଗରେ ମୁଖ୍ୟମନ୍ତ୍ରୀ ଶୋକ ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି- ଜଣେ ଶିକ୍ଷାବିତ୍‌, ସାହିତ୍ୟିକ ତଥା ସୁବକ୍ତା ଭାବରେ ସ୍ବର୍ଗତ ମହାପାତ୍ର ଓଡ଼ିଆ ସାରସ୍ବତ ଜଗତରେ ନିଜ ପାଇଁ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରାଯାଇଛନ୍ତି । ବିଭିନ୍ନ ସାମାଜିକ ସମସ୍ୟା, ବିଶେଷକରି ନାରୀ ମାନଙ୍କ ଅଧିକାର ଓ ସମସ୍ୟା ଉପରେ ସଚେତନତା ସୃଷ୍ଟି କରିବା କ୍ଷେତ୍ରରେ ସେ ପ୍ରମୁଖ ଭୂମିକା ଗ୍ରହଣ କରିଥିଲେ । ସମାଜର ସମ୍ପାଦିକା ଭାବରେ ସେ ସାମ୍ବାଦିକତା କ୍ଷେତ୍ରରେ ଉଚ୍ଚ ଆଦର୍ଶ ବଜାୟ ରଖିଥିଲେ । ଲୋକସେବକ ମଣ୍ଡଳର ସଦସ୍ୟ ଭାବରେ ସମାଜ ସେବା କ୍ଷେତ୍ରରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲେ । ତାଙ୍କର ବିୟୋଗରେ ଓଡ଼ିଶା ଜଣେ ବାଗ୍ମୀ ତଥା ମହିୟସୀ ମହିଳାଙ୍କୁ ହରାଇଲା ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି ।

ସାମ୍ବାଦିକା, ଲେଖିକା, ସମାଜସେବୀ ଭାବେ ବେଶ୍ ଖ୍ୟାତି ଅର୍ଜନ କରିଥିବା ମନୋରମା ୧୯୩୪ ଜୁନ୍ ୧୦ ତାରିଖରେ ଜନ୍ମ ହୋଇଥିଲେ । ସ୍ୱାଧୀନତା ସଂଗ୍ରାମ ସମୟରେ ଯୁବାବସ୍ଥା ଅତିବାହିତ କରିଥିଲେ ମନୋରମା । ତାଙ୍କ ବାପା ଡକ୍ଟର ରାଧାନାଥ ରଥ ଥିଲେ ଜଣେ ସ୍ୱାଧୀନତା ସଂଗ୍ରାମୀ ।

ଟଳିଲା ବନ୍ୟା ବିପଦ; ବ୍ରାହ୍ମଣୀ, ବୈତରଣୀ, ବୁଢାବଳଙ୍ଗ ଓ ସୁବର୍ଣ୍ଣରେଖାର ଜଳସ୍ତର ହ୍ରାସ

ଭୁବନେଶ୍ୱର: ଟଳିଛି ବନ୍ୟା ବିପଦ । ମହାନଦୀରେ ମଧ୍ୟମ ଧରଣର ବନ୍ୟା ଆଶଙ୍କା ଟଳିଥିବା ବେଳେ କିଛି ଜାଗାରେ ଛୋଟ ଧରଣର ବନ୍ୟା ହୋଇଛି । ବ୍ରାହ୍ମଣୀ, ବୈତରଣୀ, ବୁଢାବଳଙ୍ଗ ଓ ସୁବର୍ଣ୍ଣରେଖାରେ ଜଳସ୍ତର କମିଥିବାରୁ ବନ୍ୟା ପରିସ୍ଥିତି ନାହିଁ । କିଛି ତଳି ଅଞ୍ଚଳରେ ବର୍ଷା ପାଣି ଅଟିକିଥିବାରୁ ଲୋକେ ଜଳବନ୍ଦୀ ଅଛନ୍ତି । ସେପଟେ ଭଦ୍ରକରେ ବୈତରଣୀ ନଦୀର ତଳମୁଣ୍ଡରେ ବନ୍ୟାପାଣି କମୁଛି ।

Water Level Decreasing In Different River, No Flood

ଆଗକୁ ପୂର୍ଣ୍ଣିମା ତିଥି ଥିବାରୁ ଜୁଆର ସମୟରେ ବନ୍ୟାପାଣି ନିଷ୍କାସନ ଠିକ ଭାବେ ହେଉନଥିବାରୁ ଏବେବି ବହୁ ଗାଁ ବନ୍ୟା ଘେରରେ ରହିଛି । ବନ୍ୟାପାଣି କମୁଥିବାରୁ ଆଖଣ୍ଡଳମଣି କୁଆଖିଆ ୨୦ ନଂ ଜାତୀୟ ରାଜପଥରେ ଯାତାୟତ ସ୍ବାଭାବିକ ହୋଇଛି । ହେଲେ ଏବେବି ୨ ଫୁଟ୍ ଉଚ୍ଚରେ ବନ୍ୟାପାଣି ପ୍ରବାହିତ ହେଉଥିବାରୁ ଆଖଣ୍ଡଳମଣି ଚାନ୍ଦବାଲି ଓ ତିହିଡି ରାସ୍ତାର ଆରଡି ନିକଟରେ ଯୋଗାଯୋଗ ବାଧାପ୍ରାପ୍ତ ହୋଇଛି ।

Water Level Decreasing In Different River, No Flood

ବୈତରଣୀ ନଦୀର ବନ୍ୟାଜଳ ଓଳଗ ପଞ୍ଚାୟତର ବୋଡକ, ଅମୃତମଣି, ଆରଡି ପଞ୍ଚାୟତର ମୁଆଁ, ସନ୍ତରା, ପାଲଟପୁର, ଶୀତଳପୁର ଆଦି ଗାଁରେ ବନ୍ୟାପାଣି ଗତ ୪ ଦିନ ହେଲା ଲହଡ଼ି ଭାଙ୍ଗୁଥିବାରୁ ଜଳବନ୍ଦୀ ହୋଇ ରହିଛନ୍ତି ଲୋକ । ଅନେକ ସ୍ଥାନରେ ନଳକୂପ ବୁଡ଼ି ଯାଇଥିବାରୁ ପିଇବା ପାଣିର ସମସ୍ୟା ଦେଖାଦେଇଛି । ସେହିପରି ଶହ ଶହ ଏକର ଚାଷଜମିରେ ଲହଡ଼ି ଭାଙ୍ଗୁଛି ବନ୍ୟାପାଣି ।

Water Level Decreasing In Different River, No Flood

ସୁନ୍ଦରଗଡ଼ ଜିଲ୍ଲା ବଣାଇଁ ଖୁଣ୍ଟଗାଁ ନିକଟ ଗଦାପାଲି ପୋଲ ଉପରେ ଅଣ୍ଟାଏ ଉଚ୍ଚର ପାଣି ଚାଲୁଛି । ୨ଟି ପଞ୍ଚାୟତ ହଳଦୀକୁଦର, ଫୁଲଝର ବାହ୍ୟ ଜଗତରୁ ବିଛିନ୍ନ ହୋଇଯାଇଛି । ରାଉରକେଲା ଓ କେନ୍ଦୁଝର ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି ।