ରାଜ୍ୟରେ ପୁଣି ବଢ଼ିପାରେ କରୋନା ସଂକ୍ରମଣ
ଭୁବନେଶ୍ୱର: ରାଜ୍ୟରେ ପୁଣି ବଢ଼ିପାରେ କରୋନା ସଂକ୍ରମଣ । ଏଭଳି ଆକଳନ କରିଛି ସ୍ୱାସ୍ଥ୍ୟ ବିଭାଗ । ୮୦ ପ୍ରତିଶତ ଲକ୍ଷଣ ବିହୀନ ସଂକ୍ରମିତ ଚିହ୍ନଟ ହୋଇଛନ୍ତି, ତେଣୁ ସଂକ୍ରମଣ ବଢ଼ିବା ସମ୍ଭାବନା ରହିଛି । ଅକ୍ଟୋବର ଓ ନଭେମ୍ବରରେ କରୋନା ସଂକ୍ରମଣ ବୃଦ୍ଧି ପାଇବା ଆକଳନ କରି ଭିତ୍ତିଭୂମି ସହ, ଆଇସିୟୁ ଓ ଔଷଧ ମହଜୁଦ ରଖିବାକୁ ସ୍ୱାସ୍ଥ୍ୟ ବିଭାଗ ଅଣ୍ଟା ଭିଡିଛି । ଦେଶର ୮୮ଟି ଜିଲ୍ଲାରେ ସଂକ୍ରମଣ ବୃଦ୍ଧି ପାଇଛି ।
ପଜିଟିଭ ହାର ୫ ପ୍ରତିଶତ ଉପରକୁ ରହୁଛି । ରାଜ୍ୟର ଖୋର୍ଦ୍ଧା ଜିଲ୍ଲାରେ ସର୍ବାଧିକ ୫ ପ୍ରତିଶତ ଉପରେ ପଜିଟିଭ ହାର ରହୁଛି । ରାଜ୍ୟ ସରକାର କରୋନା ସଂକ୍ରମଣ ଚେନ୍ ରୋକିବାକୁ ଟିକାକରଣ, ସର୍ଭିଲାନ୍ସ , କଣ୍ଟାକ୍ଟ ଟ୍ରେସିଂ, ଟ୍ରିଟମେଣ୍ଟ ଉପରେ ଫୋକସ କରିଛନ୍ତି । ବିଶେଷ କରି କୋଭିଡ ନିୟମ କଡାକଡି ପାଳନ କରିବାକୁ ସ୍ୱାସ୍ଥ୍ୟ ବିଭାଗ ରାଜ୍ୟବାସୀଙ୍କୁ ଅପିଲ୍ କରିଛି ।
ସମ୍ଭାବ୍ୟ ତୃତୀୟ ଲହର ଓ ସଂକ୍ରମଣ ଚେନ୍ ରୋକିବାକୁ ହେଲେ ସ୍ୱାସ୍ଥ୍ୟ ବିଭାଗ ସମ୍ପୂର୍ଣ୍ଣ ପ୍ରସ୍ତୁତ ଥିବା ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି । ଏନେଇ କେନ୍ଦ୍ର କ୍ୟାବିନେଟ୍ ସଚିବଙ୍କ ସହ ସ୍ୱାସ୍ଥ୍ୟ ବିଭାଗର ଆଲୋଚନା ହୋଇ ରଣନୀତି ପ୍ରସ୍ତୁତ କରାଯାଇଛି ।
