ଭୋଜିକୁ ନ ଡାକିବାକୁ ନେଇ ସଂଘର୍ଷ, ୨ ଆହତ

ନୀଳଗିରି: ଭୋଜିଭାତ ବେଳେ ଗୋଷ୍ଠୀ ସଂଘର୍ଷ । ବିଶ୍ୱକର୍ମା ପୂଜା ଉପଲକ୍ଷେ ନୀଳଗିରି ଟ୍ରକ୍ ମାଲିକ ସଂଘ ପକ୍ଷରୁ ଏକ ହୋଟେଲରେ ଭୋଜିଭାତର ଆୟୋଜନ କରାଯାଇଥିଲେ । ଭୋଜିଭାତ ବେଳେ ଗୋଷ୍ଠୀ ସଂଘର୍ଷ ଘଟିଛି । ଏଥିରେ ୨ ଜଣ ଗୁରୁତର ଆହତ ହୋଇଥିବା ବେଳେ ମେଡିକାଲରେ ଭର୍ତ୍ତି କରାଯାଇଛି ।

ଟ୍ରକ୍ ମାଲିକ ସଂଘର ପୂର୍ବତନ ସଭାପତିଙ୍କୁ ଭୋଜିକୁ ଡକା ଯାଇ ନଥିଲା । ଏହାକୁ କେନ୍ଦ୍ର କରି ଟ୍ରକ୍ ମାଲିକ ସଂଘର ସମ୍ପାଦକ ସାନ୍ତୁନୁ ବିଶ୍ଵାଳ ଏବଂ ଜଗବନ୍ଧୁ ବେହେରା ହାତାହାତି ହୋଇଥିଲେ । ଖବର ପାଇ ନୀଳଗିରି ପୋଲିସ ଘଟଣାସ୍ଥଳରୁ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ମେଡିକାଲରେ ଭର୍ତ୍ତି କରି ତଦନ୍ତ ଚଳାଇଛି ।