spot_img
Home Blog Page 5299

ଚଢ଼ାଉ ଭୟ ଦେଖାଇ ଚଳୁ କଲେ ଆକାଉଣ୍ଟ

ଝାରସୁଗୁଡ଼ା: ବ୍ଲାକମେଲିଂ କରି ଅବସରପ୍ରାପ୍ତ ଶିକ୍ଷକଙ୍କ ଠାରୁ ୧୫ ଲକ୍ଷରୁ ଅଧିକ ଟଙ୍କା ଲୁଟି ନେଇଛନ୍ତି ଯୁବକ । ଘଟଣା ଘଟିଛି ଝାରସୁଗୁଡ଼ା ଜିଲ୍ଲାରେ । ଅଭିଯୁକ୍ତ ଯୁବକ ଶ୍ରୀପୁରା ଗାଁର ଲଖିନ୍ଦ୍ର ପୋଢ଼, ସେହି ଗାଁର ଅବସରପ୍ରାପ୍ତ ଶିକ୍ଷକ ପ୍ରସନ୍ନ ଦିକ୍ଷୀତଙ୍କ ଘରକୁ ଯିବା ଆସିବା କରନ୍ତି । ସମୟ କ୍ରମେ ସାରଙ୍କ ସରଳତାର ସୁଯୋଗ ନେଇ ଗୋଟିଏ ଦିନ ପ୍ରସନ୍ନଙ୍କ ଘରେ ବ୍ୟାଗ୍ ଟିଏ ରଖି ଆସନ୍ତି ଲଖିନ୍ଦ୍ର । ଆଉ ତା’ପରଦିନ ବ୍ୟାଗ୍ ନେଇଯିବା ସହ ଆରମ୍ଭ ହୁଏ ବ୍ଲାକମେଲିଂ ।

Youth Arrested For Black Mailing Retired Teacher Jharsuguda

ପ୍ରସନ୍ନଙ୍କୁ ଫୋନ୍ କରି ଲଖିନ୍ଦ୍ର କୁହନ୍ତି, ବ୍ୟାଗଟିରେ କଳା ଧନ ଥିଲା ପୋଲିସ ଜବତ କରିଛି । ଏହି କେସରେ ତାଙ୍କ ସହ ପ୍ରସନ୍ନଙ୍କ ନାଁ ରହିଛି । ପୋଲିସ ଓ ଆୟକର ବିଭାଗ ଆପଣଙ୍କୁ କୌଣସି ବି ସମୟରେ ଗିରଫ କରିପାରେ । ଅବସରପ୍ରାପ୍ତ ଶିକ୍ଷକ ପ୍ରସନ୍ନଙ୍କୁ ଏମିତି ଭାବେ ଡରାଇ ମାମଲାକୁ ରଫାଦଫା କରିବାକୁ ପୋଲିସକୁ ଲାଞ୍ଚ ଦେବାକୁ ପଡ଼ିବ ବୋଲି କହିଥିଲେ ଲଖିନ୍ଦ୍ର । ପର୍ଯ୍ୟାୟକ୍ରମେ ପ୍ରସନ୍ନଙ୍କ ଠାରୁ ୨ ଲକ୍ଷ, ୩ ଲକ୍ଷ ଏମିତି ୧୫ ଲକ୍ଷ ଟଙ୍କା ଲଖିନ୍ଦ୍ର ନେଇଥିଲେ ।

Youth Arrested For Black Mailing Retired Teacher Jharsuguda

ପ୍ରସନ୍ନଙ୍କ ପାଖରେ ଥିବା ସମସ୍ତ ଜମା ପୁଞ୍ଜି ନେଇଯିବା ପରେ ଆହୁରି ଟଙ୍କା ମାଗିବା ସହ ଧମକ ଦେଇଥିଲା ଲଖିନ୍ଦ୍ର । ଏନେଇ ପ୍ରଶନ୍ନ ବଡ଼ମାଲ ଥାନାର ଦ୍ୱାରସ୍ତ ହୋଇଥିଲେ । ତଦନ୍ତ ପରେ ପୋଲିସ ଲଖିନ୍ଦ୍ର ପୋଢ଼କୁ ଗିରଫ କରିବା ସହ ତା’ଠାରୁ ୪ ଲକ୍ଷ ୭୦ ହଜାର ଟଙ୍କା ଜବତ କରି ପ୍ରସନ୍ନଙ୍କୁ ଫେରାଇଛି । ଅଭିଯୁକ୍ତ ଲଖିନ୍ଦ୍ରର ଆକାଉଣ୍ଟରେ ଥିବା ୪ ଲକ୍ଷ ଟଙ୍କାକୁ ବ୍ଲକ କରିଛି ପୋଲିସ । ଏଥିସହ ଲଖିନ୍ଦ୍ର ଆଉ କେଉଁଠି ଠକେଇ ଟଙ୍କା ରଖିଛି ସେ ନେଇ ପୋଲିସ୍ ଛାନଭିନ୍ କରୁଛି ।

ମମତା ବାନାର୍ଜୀ ଲଢ଼ୁଥିବା ଭବାନୀପୁର ଆସନରେ ନିର୍ବାଚନ ସ୍ଥଗିତ ରଖାଯାଇପାରିବନାହିଁ: କୋଲକାତା ହାଇକୋର୍ଟ

କୋଲାକାତା: ଭବାନୀପୁର ଉପନିର୍ବାଚନକୁ ସ୍ଥଗିତ ରଖାଯାଇପାରିବ ନାହିଁ । ଏହି ନିର୍ବାଚନ ଗୁରୁବାର ଦିନ ହିଁ ହେବ ବୋଲି ରାୟ ଦେଇଛନ୍ତି କୋଲକାତା ହାଇକୋର୍ଟ । ସାମ୍ବିଧାନିକ ବ୍ୟବସ୍ଥାର ବାଧ୍ୟବାଧକତାକୁ ନେଇ ନିର୍ବାଚନ କମିଶନଙ୍କ ଏହି ନିଷ୍ପତ୍ତିକୁ ଚାଲେଞ୍ଜ କରି ଆଗତ ଏକ ଜନସ୍ୱାର୍ଥ ମାମଲାର ଶୁଣାଣି କରି କୋର୍ଟ ଏହି ରାୟ ଦେଇଛନ୍ତି । ୨୦୧୧ ଓ ୨୦୧୬ ନିର୍ବାଚନରେ ଏଠାରୁ ମମତା ବାନାର୍ଜୀ ବିଜୟୀ ହୋଇଥିଲେ । ମାତ୍ର ଗତ ନିର୍ବାଚନରେ ଏହି ଆସନରୁ ଟିଏମସି ବିଧାୟକ ଶୋଭନଦେବ ଚଟ୍ଟୋପାଧ୍ୟାୟ ବିଜୟୀ ହୋଇଥିଲେ । ନନ୍ଦିଗ୍ରାମ ଆସନରୁ ମମତା ପରାଜିତ ହେବା ପରେ ସେ ଭବାନୀପୁରରୁ ଲଢିବେ ବୋଲି ନିଷ୍ପତ୍ତି ନେଇଥିଲେ । ଫଳରେ ଦଳୀୟ ବିଧାୟକ ଶୋଭନଦେବ ଇସ୍ତଫା ଦେଇଥିଲେ । ଭବାନୀପୁର ଆସନରେ ମମତାଙ୍କ ବିରୋଧରେ ଲଢୁଛନ୍ତି ବିଜେପିର ପ୍ରିୟଙ୍କା ତିବ୍ରେଓ୍ୱାଲ । ନିର୍ବାଚନର ଫଳାଫଳ ଆସନ୍ତା ୩ ତାରିଖରେ ପ୍ରକାଶ ପାଇବ । ଗତ ନିର୍ବାଚନରେ ବିଜେପିର ଶୁଭେନ୍ଦୁ ଅଧିକାରୀଙ୍କଠାରୁ ମମତା ପରାସ୍ତ ହୋଇଥିଲେ ।

ଏଥିସହିତ ପଢ଼ନ୍ତୁ: ଫୋନ୍ ଉଠାଉ ନାହାନ୍ତି କହ୍ନେୟା, କଂଗ୍ରେସରେ ସାମିଲ ହେବା ଆଗରୁ CPI ଅଫିସରୁ ଖୋଲିନେଲେ AC

 

ପାକିସ୍ତାନରେ ଇଶ୍ୱରନିନ୍ଦା ଅଭିଯୋଗରେ ସ୍କୁଲ ପ୍ରିନସିପାଲଙ୍କୁ ମୃତ୍ୟୁଦଣ୍ଡ

ଲାହୋର: ଈଶ୍ୱର ନିନ୍ଦା (ବ୍ଲାସଫେମୀ) ଅଭିଯୋଗରେ ପାକିସ୍ତାନ କୋର୍ଟ ମଙ୍ଗଳବାର ଏକ ବିଦ୍ୟାଳୟ ପ୍ରଧାନଶିକ୍ଷୟତ୍ରୀଙ୍କୁ ମୃତ୍ୟୁଦଣ୍ଡାଦେଶ କରିଛନ୍ତି । ଲାହୋର ଡିଷ୍ଟ୍ରିକ୍ଟ ଏଣ୍ଡ ସେସନ୍ସ ଜଜ୍ କୋର୍ଟ ନିସ୍ତର କୋଲନୀର ଏକ ଘରୋଇ ବିଦ୍ୟାଳୟରେ ପ୍ରଧାନଶିକ୍ଷୟତ୍ରୀ ସଲମା ତନବୀରଙ୍କୁ ମୃତ୍ୟୁଦଣ୍ଡାଦେଶ ସହ ୫ ହଜାର ପାକିସ୍ତାନୀ ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି ।

ଆଡିସନାଲ ଡିଷ୍ଟ୍ରିକ୍ଟ ଏଣ୍ଡ ସେସନ୍ସ ଜଜ୍ ମନସୁର ଅହମଦ ମୋକଦ୍ଦମାର ରାୟ ଘୋଷଣା କରି ପୈଗମ୍ବର ମହମ୍ମଦଙ୍କୁ ସଲମା ଇସ୍ଲାମର ଅନ୍ତିମ ପୈଗମ୍ବର ସ୍ୱୀକାର କରନ୍ତି ନାହିଁ ବୋଲି କହିଛନ୍ତି। ଏଣୁ ଏହା ଈଶ୍ୱର ନିନ୍ଦା ସହ ସମାନ ବୋଲି ଅଭିହିତ କରିବା ସହ ତାଙ୍କୁ ମୃତ୍ୟୁଦଣ୍ଡାଦେଶ କରିଛନ୍ତି। ୨୦୧୩ ମସିହାରେ ଜନୈକ ସ୍ଥାନୀୟ ମୌଲବୀଙ୍କ ଅଭିଯୋଗ ଆଧାରରେ ଲାହୋର ପୋଲିସ ସଲମାଙ୍କୁ ଗିରଫ କରିବା ସହ କୋର୍ଟରେ ହାଜର କରିଥିଲା।

ତେବେ ସଲମାଙ୍କ ଓକିଲ ମହମ୍ମଦ ରମଜାନ ତାଙ୍କ ମହକିଲଙ୍କ ମାନସିକ ପରିସ୍ଥିତି ଭଲ ନଥିବା ଅଦାଲତଙ୍କୁ ସୂଚିତ କରିଥିଲେ। ଏଣୁ ତାଙ୍କ ମାନସିକ ଅବସ୍ଥାକୁ ଦୃଷ୍ଟିରେ ରଖିବାକୁ ନିବେଦନ କରିଥିଲେ। ମାମଲାରେ କୋର୍ଟ ପ୍ରଧାନଶିକ୍ଷୟିତ୍ରୀଙ୍କ ମାନସିକ ସ୍ଥିତି ପରୀକ୍ଷଣ ନିମନ୍ତେ ପଞ୍ଜାବ ଇନିଷ୍ଟିଚ୍ୟୁଟ୍ ଅଫ ମେଣ୍ଟାଲ ହେଲଥଙ୍କୁ ନିର୍ଦ୍ଦେଶ ଦେଇଥିଲେ। ସ୍ୱାସ୍ଥ୍ୟ ସମ୍ପର୍କରେ ଇନିଷ୍ଟିଚ୍ୟୁଟ୍ ତାଙ୍କ ରିପୋର୍ଟ ଦେଇଥିବା ବେଳେ ମହିଳାଙ୍କ ମାନସିକସ୍ଥିତି ଅଦାଲତରେ ମୋକଦ୍ଦମା ପରିଚାଳନ ଲାଗି ସମ୍ପୂର୍ଣ୍ଣ ସୁସ୍ଥ ଥିବାର ସୂଚିତ କରିଥିଲେ।

ପାକିସ୍ତାନରେ ବିବାଦୀୟ ବ୍ଲାସଫେମୀ ଆଇନ ୧୯୮୭ ମସିହାରୁ କାର୍ଯ୍ୟକାରୀ ହେଉଛି। ସେବେଠାରୁ ଏପର୍ଯ୍ୟନ୍ତ ଅନୁନ୍ୟ ୧ ହଜାର ୪୭୨ ଜଣଙ୍କ ବିରୋଧରେ ଏପରି ଅଭିଯୋଗ ହୋଇଥିବାର ଜଣାପଡିଛି। ଦେଶରେ ଏଭଳି ଅଭିଯୋଗର ଶିକାର ଲୋକେ ନିଜ ଇଛାରେ ଭଲ ଓକିଲ ନିଯୁକ୍ତ କରିପାରିନଥାନ୍ତି। ଅଧିକାଂଶ ଓକିଲ ଏଭଳି ସମ୍ବେଦନଶୀଳ ମୋକଦ୍ଦମା ଲଢିବା ଲାଗି ଆଗ୍ରହୀ ହୋଇ ନଥାନ୍ତି। ଇସ୍ଲାମରେ ଏହା ଔପନିବେଶିକ କାଳର ଏକ ଆଇନ ଯାହାକୁ ତତ୍କାଳୀନ ଏକଛତ୍ରବାଦୀ ଶାସକ ଜିଆ ଉଲହକ୍ ସଂଶୋଧନ କରି ଅଧିକ କଠୋର କରିଦେଇଥିଲେ।

୧୦ ଟଙ୍କା ଦେଇ ଏମିତି ଲକ୍ଷେ ଟଙ୍କାର ଅଳଙ୍କାର କିଣୁଥିଲେ ଏମବିଏ ପଢ଼ୁଆ ଯୁବକ

ଭୁବନେଶ୍ୱର: କମିଶନରେଟ ପୋଲିସ ସ୍ପେଶାଲ ସ୍କ୍ୱାଡ୍ ଓ ତମାଣ୍ଡୋ ପୋଲିସ କବଜାରେ ହାଇ ପ୍ରୋଫାଇଲ ଠକ । କୋଲକାତାରୁ ଠକକୁ ଗିରଫ କରିଛି କମିଶନରେଟ୍ ପୋଲିସ । ଠକ ଜଣକ ଦେଶ ସାରା ବିମାନରେ ବୁଲି ବୁଲି ଠକେଇ କରୁଥିବା ଜଣାପଡ଼ିଛି । ମାୟାନଗରୀ ମୁମ୍ବାଇରୁ ନେଇ କୋଲକାତା, ଦିଲ୍ଲୀରୁ ଇମ୍ଫାଲ ସବୁଠୁ ସମାନ ତରିକାରେ ଠକ ଜଣଙ୍କ ଲକ୍ଷ ଲକ୍ଷ ଟଙ୍କାର ଅଳଙ୍କାର ଠକି ନେଇଛି । ଠକର ନାଁ ହେଉଛି ରାଜୀବ ପ୍ରଭାସ ଗୁପ୍ତା ।

ଗତ ୧୫ ତାରିଖରେ ରାଜବୀ ପାତ୍ରପଡ଼ା ସ୍ଥିତ ଡିଏନ୍ ରେଗାଲିଆ ମଲରେ ଥିବା ନିମନ୍ତ୍ରଣ ଜୁଏଲର୍ସକୁ ଯାଇଥିଲେ । ସେଠାରେ ଲକ୍ଷାଧିକ ଟଙ୍କାର ରୂପା ଓ ସୁନା ଅଳଙ୍କାର କିଣିଥିଲେ । ନଗଦ ଟଙ୍କା ଦେବା ବଦଳରେ ଠକ ଜଣଙ୍କ ଏକ ନକଲି ୟୁପିଆଇ ନେଣଦେଣର ସ୍କ୍ରିନ୍ ସଟ୍ ଦେଖାଇଥିଲା । ଏମିତି ଭାବେ ଭୂଆଁ ବୁଲେଇ ଅଳଙ୍କାର ନେଇ ଖସି ଆସିଥିଲା ଠକ । ଏନେଇ ଅଭିଯୋଗ ପରେ ତମାଣ୍ଡୋ ପୋଲିସ ଓ ସ୍ପେଶାଲ ସ୍କ୍ୱାଡ୍ ଆରମ୍ଭ କରିଥିଲା ଛାନଭିନ୍ ।

 Police Arrested Thief Who Travelled Through Flight For Jewellery Cheating

ବିମାନରେ ବୁଲୁଥିଲେ, ଷ୍ଟାର ହୋଟେଲରେ ରହୁଥିଲେ

ନାଭି ମୁମ୍ବାଇର ସାଉଥ୍ ଇଣ୍ଡିଆ ଏଜୁକେସନାଲ୍ ସୋସାଇଟିରୁ ଏମବିଏ ପଢ଼ିଥିବା ରାଜୀବ ଦେଶ ସାରା ବିଭିନ୍ନ ଜୁଏଲାରୀ ସପକୁ ଠକିଛନ୍ତି । ପ୍ରତି ମାମଲାରେ ସେ ପ୍ରାୟ ଲକ୍ଷ ଟଙ୍କାର ସୁନା ଗହଣା କିଣି ଅନଲାଇନ୍ ୟୁପିଆଇ ପେମେଣ୍ଟ ପାଇଁ ତଥ୍ୟ ମାଗୁଥିଲା । ପ୍ରଥମେ ବିଶ୍ୱାସଭାଜନ ପାଇଁ ୧୦ ଟଙ୍କା ପଠାଇ ଭରସା ଜିତୁଥିଲା । ଏହାପରେ ଫେକ୍ ସ୍କ୍ରିନ୍ ସଟରେ ଲକ୍ଷେ ଟଙ୍କା ପଠାଇଥିବା କହୁଥିଲା । ଦୋକାନୀଙ୍କ ଆକାଉଣ୍ଟକୁ ଟଙ୍କା ଯାଉନଥିଲା । ଠକ କହୁଥିଲା- କିଛି ନେଟୱର୍କ ସମସ୍ୟା ଅଛି, ସେଥିପାଇଁ ପେମେଣ୍ଟ ହୋଇଥିଲେ ମଧ୍ୟ ଦେଖାଉ ନାହିଁ ।

ଏଭଳି ଭାବେ ଠକ ଜଣଙ୍କ ଦେଶର ବିଭିନ୍ନ ଜୁଏଲାରୀ ସପକୁ ଠକୁଥିଲେ । ଲକ୍ଷେ ଟଙ୍କାର ଗହଣା କିଣିବା ନାଁରେ ଦୁଇ ଲକ୍ଷ ଟଙ୍କା ଚୂନ ଲଗାଉଥିଲେ । ଏପରିକି ସେ ରହୁଥିବା ବିଭିନ୍ନ ଷ୍ଟାର ହୋଟଲ୍ ମଧ୍ୟ ଏଭଳି ଠକେଇର ଶିକାର ହୋଇଛନ୍ତି ।

 Police Arrested Thief Who Travelled Through Flight For Jewellery Cheating

କେମିତି ଧରା ପଡ଼ିଲା ?

ଗହଣ କିଣିବା ବେଳେ ଠକ ଏକ ସତ ପ୍ୟାନ୍ କାର୍ଡ ଦେଉଥିଲା । ସେହି ପ୍ୟାନ୍ କାର୍ଡ ହିଁ ତାକୁ ଧରା ପକାଇ ଦେଇଛି । ଠକେଇ ପରେ ରାଜୀବ ଦିଲ୍ଲୀରୁ ଇମ୍ଫାଲ, ଇମ୍ଫାଲରୁ କୋଲକାତା ଯାଉଥିବା ନେଇ ପୋଲିସକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା । ଏହା ପରେ ତମାଣ୍ଡୋ ପୋଲିସ ଓ ସ୍ପେଶାଲ୍ ସ୍କ୍ୱାଡ୍ କୋଲକାତା ବିମାନବନ୍ଦରରୁ ଠକକୁ ଗିରଫ କରିଥିଲା ।

ଠକ ଠାରୁ ୨ ଲକ୍ଷ ଟଙ୍କାର ସୁନା ଓ ରୂପା ଅଳଙ୍କାର ଜବତ କରାଯାଇଛି । ଯାହାକୁ ସେ ଭୁବନେଶ୍ୱର ଓ ପୁରୀରୁ ଠକେଇ କରିଥିଲା । ୩ଟି ଏଟିଏମ୍, ଗୋଟିଏ ମୋବାଇଲ ଓ ପ୍ୟାନ୍ କାର୍ଡ ଜବତ ହୋଇଛି । ଠକ ଜଣଙ୍କ ମୁମ୍ବାଇର ୩୭ ବର୍ଷୀୟ ରାଜୀବ ପ୍ରଭାସ ଗୁପ୍ତା । ତା’ ପରିବାରରେ କେହି ନଥିବା ବେଳେ ସେ ମୁମ୍ବାଇ ସହ ବିଭିନ୍ନ ହୋଟେଲରେ ରହି ସମାନ ଧରଣରେ ଠକୁ ଥିଲା । କମିଶନରେଟ୍ ପୋଲିସ ଦିଲ୍ଲୀ, ଇମ୍ଫାଲ, ମୁମ୍ବାଇ ପୋଲିସ ସହ ଯୋଗାଯୋଗରେ ରହିଛି । ଠକ ନାମରେ ଆଉ କେଉଁ କେଉଁ ଅଭିଯୋଗ ରହିଛି ତାହା ଜାଣିବା ପାଇଁ ସିସିଟିଏନସର ସାହାଯ୍ୟ ନେବ କମିଶନରେଟ ପୋଲିସ ।

ଉତ୍ତରାଖଣ୍ଡର ବାଡାହୋତୀରେ ଚୀନର ଅନୁପ୍ରବେଶ ଉଦ୍ୟମ ! ମୁଖ୍ୟମନ୍ତ୍ରୀ କହିଲେ 'ମୋ ପାଖରେ କୌଣସି ସୂଚନା ନାହିଁ'

0

ଦେହରାଡୁନ: ଗତ ମାସରେ ଉତ୍ତରାଖଣ୍ଡର ବାଡାହୋତୀ ଅଞ୍ଚଳରେ ଚୀନ୍‌ର ପିପୁଲ୍ସ ଲିବରେସନ୍ ଆର୍ମି ଅନୁପ୍ରବେଶ କରିବାକୁ ଚେଷ୍ଟା କରୁଥିବା ଖବର ଆସିବା ପରେ ଆଲୋଡ଼ନ ଦେଖାଦେଇଛି । ସୂଚନାନୁସାରେ, ଚୀନ ସେନା କର୍ମଚାରୀମାନେ ପୂର୍ବରୁ ଚାମୋଲି ଜିଲ୍ଲାର ବାଡାହୋତୀ ‘No Man’s Land’ ପରିଦର୍ଶନ କରିଥିଲେ, କିନ୍ତୁ ଏହା ପ୍ରଥମ ଘଟଣା ଯେତେବେଳେ ଗତ ମାସରେ ବହୁ ସଂଖ୍ୟକ ସୈନିକ ସେଠାରେ ବୁଲୁଥିବାର ଦେଖାଯାଇଥିଲା। ଚୀନ୍‌ର ଏହି କାର୍ଯ୍ୟକୁ ଏକ ଉତ୍ତେଜନାମୂଳକ କାର୍ଯ୍ୟ ଭାବରେ ବିବେଚନା କରାଯାଉଛି । ଏଠାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି କହିଛନ୍ତି ଯେ, ବର୍ତ୍ତମାନ ଏ ସମ୍ପର୍କରେ କୌଣସି ସୂଚନା ନାହିଁ । ଯଦିଓ ପୂର୍ବତନ ସିଏମ୍ ଏବଂ ପୂର୍ବତନ ରାଜ୍ୟପାଳ ରାଜ୍ୟ ସୀମାରେ ଅନୁପ୍ରବେଶ ବିଷୟରେ ଆଲୋଚନା କରିଛନ୍ତି ।

କାହିଁକି ଚର୍ଚ୍ଚାରେ ବାଡାହୋତୀ ?

ବାସ୍ତବରେ, ଚାମୋଲି ଜିଲ୍ଲାରେ ପଡୁଥିବା ବାଡାହୋତୀ ହେଉଛି ଏକ ଅଞ୍ଚଳ ଯେଉଁଠାରେ ତିବ୍ଦତୀୟ ମେଷପାଳକମାନେ ନିଜ ପଶୁ ଚରାଇବା ପାଇଁ ମଧ୍ୟ ଯାଆନ୍ତି । ୧୯୬୨ ପୂର୍ବରୁ, ଉତ୍ତରାଖଣ୍ଡର ନୀତି ଉପତ୍ୟକାର ମେଷପାଳକମାନେ ମଧ୍ୟ ଏଠାକୁ ଆସୁଥିଲେ, କିନ୍ତୁ ଏହା ପରେ ଏହି ପ୍ରକ୍ରିୟା ବନ୍ଦ ହୋଇଗଲା । କିଛି ସମୟ ପାଇଁ, ଚୀନର ସୈନିକମାନେ ଏଠାରେ ଅନେକ ଥର ଦେଖାଯାଇଥିଲେ । ସେମାନେ ଏହି ଅଞ୍ଚଳକୁ ଆସି ବୁଲନ୍ତି, ସିଗାରେଟ୍ ଏବଂ ଅନ୍ୟାନ୍ୟ ରାପର୍ ଫିଙ୍ଗନ୍ତି ।

ସୂଚନାନୁସାରେ, ଅଗଷ୍ଟ ୩୦ରେ ବହୁ ସଂଖ୍ୟକ ଚୀନ୍ ସୈନିକ ଏଠାକୁ ଆସିଥିଲେ। ପ୍ରାୟ ୭୦ ବର୍ଗ କିଲୋମିଟର ଏହି ଅଞ୍ଚଳ ନିକଟରେ ତିବ୍ଦତର ଡାଫା ନାମକ ଏକ ଗାଁ ଅଛି । ଇଣ୍ଡୋ-ତିବ୍ଦତୀୟ ସୀମା ପୋଲିସ (ଆଇଟିବିପି) ଭାରତୀୟ ପାର୍ଶ୍ୱରେ ଅବସ୍ଥାପିତ ହୋଇଥିବାବେଳେ ସୀମା ପାର୍ଶ୍ୱରେ ଚୀନ୍ ସେନା ପୋଷ୍ଟ ଅଛି ।

କଣ କହୁଛି ସରକାର ?

ମଙ୍ଗଳବାର ଦିନ ଉତ୍ତରାଖଣ୍ଡ ସରକାରଙ୍କ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମିଙ୍କୁ ଏ ବିଷୟରେ ପଚରାଯିବାରୁ ତାଙ୍କ ପାଖରେ କୌଣସି ସୂଚନା ନଥିବା ସେ କହିଥିଲେ । ସରକାରଙ୍କ ବରିଷ୍ଠ ଅଧିକାରୀମାନେ ମଧ୍ୟ ଏହି ପ୍ରସଙ୍ଗରେ ନୀରବ ରହିଛନ୍ତି । ଏହି ପ୍ରସଙ୍ଗଟି ଦୁଇ ଦେଶର ସମ୍ପର୍କ ସହ ଜଡିତ ଥିବାରୁ ରାଜ୍ୟ ସରକାର ଏବଂ ଅଧିକାରୀମାନେ ଖୁବ ଭାବିଚିନ୍ତି ଆଲୋଚନା କରୁଛନ୍ତି । ତେବେ ଉତ୍ତରାଖଣ୍ଡର ପୂର୍ବତନ ରାଜ୍ୟପାଳ  ବି.କେ ଯୋଶୀ ଏବଂ ମୁଖ୍ୟମନ୍ତ୍ରୀ ବିଜୟ ବାହୁଗୁନା ରେକର୍ଡରେ କହିଛନ୍ତି ଯେ, ବାଡହୋତୀ ଅଞ୍ଚଳରେ ଚୀନ୍ ଅନୁପ୍ରବେଶ କରିବାକୁ ଚେଷ୍ଟା କରିଛି । ପ୍ରାୟ ତିନିବର୍ଷ ପୂର୍ବେ ଚାଇନାର ଏକ ହେଲିକପ୍ଟର ମଧ୍ୟ ଭାରତୀୟ ବାୟୁମଣ୍ଡଳରେ ଦେଖାଯାଇଥିଲା।

ଉତ୍ତରାଖଣ୍ଡର ବାଡାହୋତୀରେ ଚୀନର ଅନୁପ୍ରବେଶ ଉଦ୍ୟମ ! ମୁଖ୍ୟମନ୍ତ୍ରୀ କହିଲେ ‘ମୋ ପାଖରେ କୌଣସି ସୂଚନା ନାହିଁ’

0

ଦେହରାଡୁନ: ଗତ ମାସରେ ଉତ୍ତରାଖଣ୍ଡର ବାଡାହୋତୀ ଅଞ୍ଚଳରେ ଚୀନ୍‌ର ପିପୁଲ୍ସ ଲିବରେସନ୍ ଆର୍ମି ଅନୁପ୍ରବେଶ କରିବାକୁ ଚେଷ୍ଟା କରୁଥିବା ଖବର ଆସିବା ପରେ ଆଲୋଡ଼ନ ଦେଖାଦେଇଛି । ସୂଚନାନୁସାରେ, ଚୀନ ସେନା କର୍ମଚାରୀମାନେ ପୂର୍ବରୁ ଚାମୋଲି ଜିଲ୍ଲାର ବାଡାହୋତୀ ‘No Man’s Land’ ପରିଦର୍ଶନ କରିଥିଲେ, କିନ୍ତୁ ଏହା ପ୍ରଥମ ଘଟଣା ଯେତେବେଳେ ଗତ ମାସରେ ବହୁ ସଂଖ୍ୟକ ସୈନିକ ସେଠାରେ ବୁଲୁଥିବାର ଦେଖାଯାଇଥିଲା। ଚୀନ୍‌ର ଏହି କାର୍ଯ୍ୟକୁ ଏକ ଉତ୍ତେଜନାମୂଳକ କାର୍ଯ୍ୟ ଭାବରେ ବିବେଚନା କରାଯାଉଛି । ଏଠାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି କହିଛନ୍ତି ଯେ, ବର୍ତ୍ତମାନ ଏ ସମ୍ପର୍କରେ କୌଣସି ସୂଚନା ନାହିଁ । ଯଦିଓ ପୂର୍ବତନ ସିଏମ୍ ଏବଂ ପୂର୍ବତନ ରାଜ୍ୟପାଳ ରାଜ୍ୟ ସୀମାରେ ଅନୁପ୍ରବେଶ ବିଷୟରେ ଆଲୋଚନା କରିଛନ୍ତି ।

କାହିଁକି ଚର୍ଚ୍ଚାରେ ବାଡାହୋତୀ ?

ବାସ୍ତବରେ, ଚାମୋଲି ଜିଲ୍ଲାରେ ପଡୁଥିବା ବାଡାହୋତୀ ହେଉଛି ଏକ ଅଞ୍ଚଳ ଯେଉଁଠାରେ ତିବ୍ଦତୀୟ ମେଷପାଳକମାନେ ନିଜ ପଶୁ ଚରାଇବା ପାଇଁ ମଧ୍ୟ ଯାଆନ୍ତି । ୧୯୬୨ ପୂର୍ବରୁ, ଉତ୍ତରାଖଣ୍ଡର ନୀତି ଉପତ୍ୟକାର ମେଷପାଳକମାନେ ମଧ୍ୟ ଏଠାକୁ ଆସୁଥିଲେ, କିନ୍ତୁ ଏହା ପରେ ଏହି ପ୍ରକ୍ରିୟା ବନ୍ଦ ହୋଇଗଲା । କିଛି ସମୟ ପାଇଁ, ଚୀନର ସୈନିକମାନେ ଏଠାରେ ଅନେକ ଥର ଦେଖାଯାଇଥିଲେ । ସେମାନେ ଏହି ଅଞ୍ଚଳକୁ ଆସି ବୁଲନ୍ତି, ସିଗାରେଟ୍ ଏବଂ ଅନ୍ୟାନ୍ୟ ରାପର୍ ଫିଙ୍ଗନ୍ତି ।

ସୂଚନାନୁସାରେ, ଅଗଷ୍ଟ ୩୦ରେ ବହୁ ସଂଖ୍ୟକ ଚୀନ୍ ସୈନିକ ଏଠାକୁ ଆସିଥିଲେ। ପ୍ରାୟ ୭୦ ବର୍ଗ କିଲୋମିଟର ଏହି ଅଞ୍ଚଳ ନିକଟରେ ତିବ୍ଦତର ଡାଫା ନାମକ ଏକ ଗାଁ ଅଛି । ଇଣ୍ଡୋ-ତିବ୍ଦତୀୟ ସୀମା ପୋଲିସ (ଆଇଟିବିପି) ଭାରତୀୟ ପାର୍ଶ୍ୱରେ ଅବସ୍ଥାପିତ ହୋଇଥିବାବେଳେ ସୀମା ପାର୍ଶ୍ୱରେ ଚୀନ୍ ସେନା ପୋଷ୍ଟ ଅଛି ।

କଣ କହୁଛି ସରକାର ?

ମଙ୍ଗଳବାର ଦିନ ଉତ୍ତରାଖଣ୍ଡ ସରକାରଙ୍କ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମିଙ୍କୁ ଏ ବିଷୟରେ ପଚରାଯିବାରୁ ତାଙ୍କ ପାଖରେ କୌଣସି ସୂଚନା ନଥିବା ସେ କହିଥିଲେ । ସରକାରଙ୍କ ବରିଷ୍ଠ ଅଧିକାରୀମାନେ ମଧ୍ୟ ଏହି ପ୍ରସଙ୍ଗରେ ନୀରବ ରହିଛନ୍ତି । ଏହି ପ୍ରସଙ୍ଗଟି ଦୁଇ ଦେଶର ସମ୍ପର୍କ ସହ ଜଡିତ ଥିବାରୁ ରାଜ୍ୟ ସରକାର ଏବଂ ଅଧିକାରୀମାନେ ଖୁବ ଭାବିଚିନ୍ତି ଆଲୋଚନା କରୁଛନ୍ତି । ତେବେ ଉତ୍ତରାଖଣ୍ଡର ପୂର୍ବତନ ରାଜ୍ୟପାଳ  ବି.କେ ଯୋଶୀ ଏବଂ ମୁଖ୍ୟମନ୍ତ୍ରୀ ବିଜୟ ବାହୁଗୁନା ରେକର୍ଡରେ କହିଛନ୍ତି ଯେ, ବାଡହୋତୀ ଅଞ୍ଚଳରେ ଚୀନ୍ ଅନୁପ୍ରବେଶ କରିବାକୁ ଚେଷ୍ଟା କରିଛି । ପ୍ରାୟ ତିନିବର୍ଷ ପୂର୍ବେ ଚାଇନାର ଏକ ହେଲିକପ୍ଟର ମଧ୍ୟ ଭାରତୀୟ ବାୟୁମଣ୍ଡଳରେ ଦେଖାଯାଇଥିଲା।

ଖ୍ରୀଷ୍ଟ କଲେଜ ଛାତ୍ର ତୁଷାରଙ୍କ ଆତ୍ମହତ୍ୟା ମାମଲା: ଗାର୍ଲଫ୍ରେଣ୍ଡ ଓ ତାଙ୍କ ଭଉଣୀଙ୍କ ଆଗୁଆ ଜାମିନ ଆବେଦନ

କଟକ: ଖ୍ରୀଷ୍ଟ କଲେଜ ଛାତ୍ର ତୁଷାରକାନ୍ତ ସାହୁଙ୍କ ମୃତ୍ୟ ମାମଲା ଉପରୁ ଉଠିଛି ପରଦା । ଏହା ତାଙ୍କ ଗାର୍ଲ ଫ୍ରେଣ୍ଡ ଏବଂ ତାଙ୍କ ଭଉଣୀଙ୍କୁ ଘାରିଛି ଗିରଫଦାରୀ ଭୟ । ଉଭୟ ହାଇକୋର୍ଟରେ ଆଗୁଆ ଜାମିନ ଆବେଦନ କରିଛନ୍ତି । ଜଗତପୁର ଥାନାରେ ଦାୟର ମାମଲାରେ ଗିରଫଦାରୀକୁ ଏଡ଼ାଇବା ପାଇଁ ଆଗୁଆ ଜାମିନ ଆବେଦନ କରିଛନ୍ତି ।

https://www.youtube.com/watch?v=NLj2T-7bGy8

ସୂଚନା ଥାଉ କି ଖ୍ରୀଷ୍ଟ କଲେଜ ଛାତ୍ର ତୁଷାରକାନ୍ତ ସାହୁଙ୍କୁ ନିୟମିତ ମାନସିକ ନିର୍ଯାତନା ଦିଆଯାଇଥିଲା। ଶେଷରେ ତୁଷାର ଆତ୍ମହତ୍ୟା ଭଳି ଚରମ ନିଷ୍ପତ୍ତି ନେଇଥିବା କମିସନରେଟ୍ ପୁଲିସ ସ୍ପଷ୍ଟ କରିଛି। ଏହି ମୃତ୍ୟୁ ମାମଲାରେ ତାଙ୍କ ପ୍ରେମିକଙ୍କ ସମେତ ୪ ଜଣଙ୍କୁ ଅଭିଯୁକ୍ତ ଦର୍ଶାଇ ଜଗତପୁର ଥାନା ପୁଲିସ ଆଜି ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଛି। ତୁଷାରକାନ୍ତଙ୍କ ପ୍ରେମିକାଙ୍କ ବଡ଼ ଭଉଣୀଙ୍କ ପୁରୁଷ ବନ୍ଧୁ ଦରଘାବଜାର ଜୁବୁ ଓରଫ ଦିବ୍ୟରଞ୍ଜନ ବେହେରା (୨୨) ଓ ବଡ଼ ଭଉଣୀଙ୍କ ଧରମ ଭାଇ ଦୋଳମୁଣ୍ଡାଇର କୌଶଲ ପ୍ରଧାନ (୨୫)କୁ ପୁଲିସ ଗିରଫ କରିଛି । ତୁଷାରଙ୍କ ନାବାଳିକା ପ୍ରେମିକା ଓ ପ୍ରେମିକାଙ୍କ ବଡ଼ ଉଉଣୀଙ୍କୁ ପୁଲିସ ଅଭିଯୁକ୍ତ ଦର୍ଶାଇଥିବା ବେଳେ ସେମାନଙ୍କ ବିରୋଧରେ ବି ଖୁବଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ ।

ପଞ୍ଜାବ କଂଗ୍ରେସ ରାଜ୍ୟ ସଭାପତି ପଦରୁ ଇସ୍ତଫା ଦେଲେ ନବଜୋତ ସିଂହ ସିଦ୍ଧୁ

ପଞ୍ଚାବ: ପଞ୍ଜାବ କଂଗ୍ରେସରେ ପୁଣି ଫାଟ । ନବଜୋତ ସିଂହ ସିଦ୍ଧୁ ପଞ୍ଜାବ କଂଗ୍ରେସର ରାଜ୍ୟ ସଭାପତି ପଦରୁ ଇସ୍ତଫା ଦେଇଛନ୍ତି । ମଙ୍ଗଳବାର ନବଜୋତ ସିଂହ ସିଦ୍ଧୁ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧିଙ୍କୁ ଇସ୍ତଫା ଦେଇଛନ୍ତି ।

ନବଜୋତ ସିଂ ସିଦ୍ଧୁ ସୋନିଆ ଗାନ୍ଧିଙ୍କୁ ଲେଖିଥିବା ଚିଠିରେ କହିଛନ୍ତି ଯେ, କୌଣସି ବ୍ୟକ୍ତିର ବ୍ୟକ୍ତିତ୍ୱର ହ୍ରାସ ଆପୋଷ ବୁଝାମଣାରୁ ଆରମ୍ଭ ହୁଏ, ମୁଁ ପଞ୍ଜାବର ଭବିଷ୍ୟତ ବିଷୟରେ ଆପୋଷ ବୁଝାମଣା କରିପାରିବି ନାହିଁ । ସେଥିପାଇଁ ମୁଁ ତୁରନ୍ତ ପଞ୍ଜାବ ରାଜ୍ୟ ସଭାପତି ପଦରୁ ଇସ୍ତଫା ଦେଉଛି ।

BSKY କାର୍ଡ ସହାୟତାରେ ହେଲା କର୍କଟ ରୋଗୀଙ୍କ ଅପରେସନ୍: ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ପରିବାର ଲୋକେ

କଣ୍ଟାବାଞ୍ଜି: ସାହା ହେଲା ବିଏସକେୱାଇ ସ୍ମାର୍ଟ ହେଲ୍ଥ କାର୍ଡ । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ପାଇଁ ନୂଆ ଜୀବନ ପାଇଲେ ବଲାଙ୍ଗୀର ଜିଲ୍ଲାର ଧନପତି ବେହେରା । ସ୍ମାର୍ଟ କାର୍ଡ ଜରିଆରେ ମାଗଣା ଚିକିତ୍ସା ସୁବିଧା ପାଇ ନୂଆ ଜୀବନ ପାଇଲେ ଧନପତି । ମାଗଣା ଚିକିତ୍ସା ସୁବିଧା ପାଇବା ପରେ ସର୍ବପ୍ରଥମେ ହସ୍ପିଟାଲରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଧନପତି ଓ ତାଙ୍କ ପରିବାର ଲୋକେ ।

ବଲାଙ୍ଗୀର ଜିଲ୍ଲାକୁ ପଛୁଆ, ଅନୁନ୍ନତ ଓ ଆଦିବାସୀ ଅଧ୍ୟୁଷିତ ଜିଲ୍ଲା କୁହାଯାଉଥିଲା । କିନ୍ତୁ ବର୍ତ୍ତମାନ ବଲାଙ୍ଗୀର ଚିତ୍ର ବଦଳିଛି । ପୂବରୁ ଜିଲ୍ଲାର ଗରିବ ଶ୍ରେଣୀର ଲୋକମାନେ ଚିକିତ୍ସା ପାଇଁ ଜମି ଓ ସୁନା ଗହଣା ବନ୍ଧା ପକାଇ ବେସରକାରୀ ହସ୍ପିଟାଲରେ ଚିକିତ୍ସା କରୁଥିଲେ । କେମିତି ଗରିବ ଲୋକେ ମାଗଣାରେ ଉନ୍ନତ ସ୍ୱାସ୍ଥ୍ୟ ସେବା ପାଇପାରିବେ ସେନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲକ୍ଷ୍ୟ ଥିଲା । ଓଡ଼ିଶାର ଅସହାୟ ଗରିବ ନିଷ୍ପେସିତ ପରିବାର ଲୋକଙ୍କୁ ମାଗଣାରେ ଚିକିତ୍ସା ସୁବିଧା ଯୋଗାଇବା ନେଇ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ଯୋଗାଇ ଦେଲେ ମୁଖ୍ୟମନ୍ତ୍ରୀ । ଏହି ଯୋଜନାରେ ବଲାଙ୍ଗୀର ଜିଲ୍ଲାର ୪ଲକ୍ଷ, ୫୨ହଜାର ପରିବାରର ହିତାଧିକାରୀମାନେ ସ୍ମାର୍ଟ କାର୍ଡ ପାଇଛନ୍ତି ।

ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଗଁରେଇ ପଞ୍ଚାୟତ ଅନ୍ତର୍ଗତ ଫଟାମୁଣ୍ଡା ଗାଁର ଧନପତି ବେହେରା । ଧନପତି କର୍କଟ ରୋଗରେ ପୀଡ଼ିତ ହୋଇଥିଲେ । ରୋଗ ଜଣାପଡିବା ପରେ ଗରିବ ଧନପତିଙ୍କ କେମିତି ଚିକିତ୍ସା କରାଯିବ ଟଙ୍କା କେଉଁଠୁ ଆସିବ ସେନେଇ ପୂରା ପରିବାର ଚିନ୍ତାରେ ଥିଲେ । ପୂବରୁ ମଧ୍ୟ ଚିକିତ୍ସା ପାଇଁ ବହୁ ଟଙ୍କା ଖର୍ଚ୍ଚ କରିଥିଲେ କିନ୍ତୁ ତାଙ୍କ ଅସ୍ତ୍ରୋପଚାର ପାଇଁ ଘରେ ଟଙ୍କା ନଥିଲା । ସେନେଇ ଅସ୍ତ୍ରୋପଚାର ନହୋଇ ଧନପତି ଘରେ ରହିଥିଲେ । ହେଲେ ଗତ ୨୨ତାରିଖ ଦିନ ଧନପତି ବିଜୁ ସ୍ମାର୍ଟ କାର୍ଡ ପାଇବା ପରେ ସେ ବିଶାଖାପାଟଣାର ଏକ ସେସରକାରୀ ହସ୍ପିଟାଲରେ ଭର୍ତ୍ତି ହୋଇଥିଲେ । ପରେ ସ୍ମାର୍ଟ କାର୍ଡ ଦେଖାଇ ତାଙ୍କର ମାଗଣାରେ ଅସ୍ତ୍ରୋପଚାର ହୋଇଥିଲା । ତେବେ ଜିଲ୍ଲାର ପ୍ରଥମ ବ୍ୟକ୍ତି ଧନପତି ରାଜ୍ୟ ସରକାରଙ୍କ ଏହି ଯୋଜନାରୁ ଉପକୃତ ହୋଇ ସମ୍ପୂର୍ଣ୍ଣ ମାଗଣାରେ ଚିକିତ୍ସିତ ହେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେଇଛନ୍ତି ।

ଗାଁରୁ ଯାଇଥିବା ସମ୍ପର୍କୀୟ ଭାଇ ପଞ୍ଚୁ ବେହେରା ଡାକ୍ତରଖାନରେ ବିଜୁ ସ୍ୱାସ୍ଥ୍ୟ ସ୍ମାର୍ଟ କାର୍ଡ ବିଷୟରେ ହସ୍ପିଟାଲ କର୍ତ୍ତୃପକ୍ଷ ସହ ଆଲୋଚନା କରିଥିଲେ । ଏହା ପରେ ସରକାରଙ୍କ ତରଫରୁ ଥିବା ବିଜୁ ସ୍ୱାସ୍ଥ୍ୟ ସ୍ମାର୍ଟକାର୍ଡ ଦେଇଥିଲେ । ଏହି କାର୍ଡ ମାଧ୍ୟମରେ ଧନପତିଙ୍କର ୧ଲକ୍ଷ ୬ ହଜାର ଟଙ୍କା ଅପରେସନ ପାଇଁ ଖର୍ଚ୍ଚ ହେବ ବୋଲି ଡାକ୍ତର କହିଥିଲେ । ତେବେ କାର୍ଡ ସ୍ୱାପ କରି ଧନପତି ସମ୍ପୂର୍ଣ୍ଣ ମାଗଣାରେ ଚିକିତ୍ସା ପାଇଛନ୍ତି । ଏଥିପାଇଁ ରାଜ୍ୟ ସରକାରଙ୍କୁ କୃତଜ୍ଞତା ଜଣାଇଛନ୍ତି ଚିକିତ୍ସିତ ଧନପତିଙ୍କ ପରିବାର ଲୋକେ । ସ୍ମାର୍ଟ କାର୍ଡ ଦ୍ୱାରା ଜିଲ୍ଲାର ପ୍ରଥମ ବ୍ୟକ୍ତି ମାଗଣାରେ ଚିକିତ୍ସା ପାଇଥିବା ନେଇ ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ସୂଚନା ଦେଇଛନ୍ତି ।

୨୧ କୋଟିର 'ସୁଲତାନ'ର ହାର୍ଟ ଆଟାକରେ ମୃତ୍ୟୁ, ପ୍ରତିବର୍ଷ କମାଉଥିଲା କୋଟି କୋଟି ଟଙ୍କା

ନୂଆଦିଲ୍ଲୀ: ହରିୟାଣାର ଚର୍ଚ୍ଚିତ ମଇଁଷି ‘ସୁଲତାନ’ର ଗତକାଲି ହାର୍ଟ ଆଟାକରେ ମୃତ୍ୟୁ ହୋଇଛି । ସୁଲତାନ ପଶୁ ମେଳାରେ କେବଳ ନିଜ ମାଲିକଙ୍କ ନୁହେଁ, ବରଂ ସାରା ରାଜ୍ୟର ଟେକ ରଖିଥିଲା । ତାକୁ କିଣିବା ପାଇଁ ୨୧ କୋଟି ଟଙ୍କାର ବୋଲି ଲାଗିସାରିଥିଲା । କିନ୍ତୁ ଏବେ ପଶୁ ପ୍ରେମୀଙ୍କୁ ସୁଲତାନର ଜଲୱା ଦେଖିବାକୁ ମିଳିବନି  । କୁହାଯାଉଛି ଯେ ମଇଁଷି ସୁଲତାନର ହାର୍ଟ ଆଟାକ୍ ଯୋଗୁଁ ମୃତ୍ୟୁ ଘଟିଛି ।

ସୁଲତାନର ମାଲିକ ନରେଶ ବେନିୱାଲଙ୍କ କହିବାନୁସାରେ ସେ ମୁର୍ରା ପ୍ରଜାତିର ବିଶ୍ୱର ସବୁଠାରୁ ଲମ୍ବା ଓ ଉଚ୍ଚ ମଇଁଷି । ସୁଲତାନର ଓଜନ ୧୭୦୦ କିଲୋ ଏବଂ ବୟସ ପ୍ରାୟ ୧୨ ବର୍ଷ ଥିଲା । ନରେଶ କୁହନ୍ତି କି ସେ ଅନେକ ପ୍ରତିଯୋଗିତାରେ ବିଜେତା ରହିସାରିଥିଲା । କିନ୍ତୁ ଏବେ ତାର ମୃତ୍ୟୁ ପରେ ନରେଶଙ୍କ ପରିବାର ଦୁଃଖରେ ଭାଙ୍ଗିପଡିଛି ।

ସୁଲତାନ ପ୍ରତିଦିନ ୧୦ କିଲୋର ଦାନା ଖାଉଥିଲା । ଏହା ବ୍ୟତୀତ ତାକୁ ପ୍ରାୟ ୩୫ କିଲୋ ଚାରା ମଧ୍ୟ ଦିଆଯାଉଥିଲା । ସେ ସେଓ ଓ ଗାଜର ମଧ୍ୟ ଖାଉଥିଲା । ପ୍ରତିଦିନ ସେ ପ୍ରାୟ ୩ ହଜାର ଟଙ୍କାର ଖାଦ୍ୟ ଖାଉଥିଲା । ତେବେ ସେ ନିଜ ସିମନ ଜରିଆରେ ଲକ୍ଷ ଲକ୍ଷ ଟଙ୍କା କମାଇ ନିଜ ମାଲିକଙ୍କୁ ଦେଉଥିଲା । ପୁଷ୍କର ମେଳାରେ ଜଣେ ବିଦେଶୀ ସୁଲତାନର ଦାମ୍ ୨୧ କୋଟି ବୋଲି ଲଗାଇଥିଲେ କିନ୍ତୁ ତା ମାଲିକ ସୁଲତାନକୁ ଦେବା ପାଇଁ ମନା କରିଦେଇଥିଲେ । କହିରଖୁଛୁ ସୁଲତାନ ହରିୟାଣାର ଏକ ମ୍ୟୁଜିକ୍ ଆଲବମରେ ମଧ୍ୟ ଅଭିନୟ କରିଥିଲା । ତେବେ ଗତକାଲି ସେ ହାର୍ଟଆଟାକରେ ପ୍ରାଣ ହରାଇଛି ।